ବିଶ୍ୱ ସାନ୍ତାଳୀ ଦିବସ ଅବସରରେ ରକ୍ତଦାନ ଶିବିର ଉଦଘାଟନ୍
ମୟୂରଭଞ୍ଜ: ଆଜି ହେଉଛି ବିଶ୍ୱ ସାନ୍ତାଳୀ ଭାଷା ଦିବସ। ଏହି ଅବସରରେ ମୟୂରଭଞ୍ଜ ଜିଲ୍ଲାର ବିଜୁ ଭବନ ଠାରେ ଆୟୋଜିତ ବୃହତ ରକ୍ତଦାନ ଶିବିରର ଉଦଘାଟନ କରାଯାଇଛି।
ଏହି ଗସ୍ତରେ ଜିଲ୍ଲା ପର୍ଯ୍ୟବେକ୍ଷକ, ବିଜେଡି ରାଜ୍ୟ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଯାଇଛନ୍ତି। ଗସ୍ତ ସମୟରେ ଜିଲ୍ଲାରେ ସାନ୍ତାଳୀ ଭାଷା ଲିପିର ସ୍ରଷ୍ଟା ପଣ୍ଡିତ ରଘୁନାଥ ମୁର୍ମୁଙ୍କ ପ୍ରତିମୂର୍ତ୍ତି ଓ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
ରାଜ୍ୟ ସରକାରଙ୍କ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି, ରାଜ୍ୟ ବିଜେଡି ଦଳର ମୁଖପାତ୍ର ତଥା ରାଜ୍ୟସଭା ସାଂସଦ ଡ଼ଃ ସମ୍ବିତ ପାତ୍ର, କେନ୍ଦୁଝର ସାଂସଦ ଚନ୍ଦ୍ରାଣୀ ମୁର୍ମୁ, ପୁର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, ପୂର୍ବତନ ବଡ଼ସାହି ବିଧାୟକ ଗଣେଶ୍ୱର ପାତ୍ର, ପୂର୍ବତନ ରାଜ୍ୟସଭା ସାଂସଦ ସରୋଜିନୀ ହେମ୍ବ୍ରମ ଏବଂ ବିଜୁ ଯୁବ ଜନତା ଦଳର ରାଜ୍ୟ କାର୍ଯ୍ୟକାରୀ ସଭାପତି ତଥା ନାରୀ ନେତ୍ରୀ ଏଲିନା ଦାସ ପ୍ରମୁଖ ଉପସ୍ଥିତ ରହିଥିଲେ।
