୧୦ ବର୍ଷର ଶିଶୁ ବ୍ୟାଙ୍କରେ ବୁଲାଇଲା କଳାକନା: ଲୁଟିନେଲା ୧୦ ଲକ୍ଷ
ଭୋପାଳ: ମଧ୍ୟପ୍ରଦେଶର ନେମୁଚ ଜିଲ୍ଲାର ଜାଭାଦ ଅଞ୍ଚଳରେ ଜଣେ ୧୦ ବର୍ଷର ଶିଶୁ ଏକ ବ୍ୟାଙ୍କରୁ ୧୦ ଲକ୍ଷ ଟଙ୍କା ଚୋରି କରିଛି । ବ୍ୟାଙ୍କର ବ୍ୟସ୍ତବହୁଳ ସମୟରେ ଏହି ଚୋରି ଘଟିଥିଲା। କୁହାଯାଉଛି ଯେ ୧୦ ବର୍ଷର ଶିଶୁ ୩୦ ସେକେଣ୍ଡରେ ଏହି ଚୋରି କରିଛି। ଏପରିକି ବ୍ୟାଙ୍କ କର୍ମଚାରୀ ଏବଂ ବ୍ୟାଙ୍କରେ ଉପସ୍ଥିତ ଥିବା ଅନ୍ୟ ଲୋକ ମଧ୍ୟ ଏ ବିଷୟରେ ଅବଗତ ନଥିଲେ। ସିସିଟିଭି ଫୁଟେଜ ସହାୟତାରେ ଘଟଣା ସମ୍ପର୍କରେ ଅବଗତ ହୋଇଥିଲେ ।
ସିସିଟିଭିରେ ଦେଖିବାକୁ ମିଳିଥିବା ଦୃଶ୍ୟରେ ଶିଶୁ ଜଣଙ୍କ ସକାଳ ୧୧ଟାରେ ବ୍ୟାଙ୍କରେ ପହଞ୍ଚିଥିଲା । ସେ କ୍ୟାସିୟରଙ୍କ କୋଠରୀରେ ପ୍ରବେଶ କରନ୍ତି ଏବଂ କାଉଣ୍ଟର ସମ୍ମୁଖରେ ଠିଆ ହୋଇଥିବା ଗ୍ରାହକମାନେ ଜାଣନ୍ତି ନାହିଁ ଯେ, ତାଙ୍କ ନାକ ତଳେ ଚୋରି ହେଉଛି । କାହିଁକି ନାଁ ପିଲାଟିର ସାମ୍ନାରେ ଥିବା କ୍ୟାସିୟର କାଉଣ୍ଟରର ଡେସ୍କଟି ପିଲାଟି ଲୁଚିବା ପାଇଁ ଯଥେଷ୍ଟ ଥିଲା | ତା’ପରେ ସେ ଶୀଘ୍ର ନୋଟ୍ ପ୍ୟାକେଟକୁ ବ୍ୟାଗ୍ରେ ପକାଇ ବାହାରକୁ ଆସେ ।
ପିଲାଟି ଚୋରିକରି ଦୌଡ଼ିବା ବେଳେ ବ୍ୟାଙ୍କ ଆଲାର୍ମ ବାଜିଲା ଏବଂ ବ୍ୟାଙ୍କ ସୁରକ୍ଷାକର୍ମୀ ତାଙ୍କ ପଛେ ପଛେ ଦୈଡ଼ନ୍ତି । ସିସିଟିଭି ଫୁଟେଜ ଜରିଆରେ ପୋଲିସ ଜାଣିବାକୁ ପାଇଛି ଯେ, ଜଣେ ୨୦ ବର୍ଷ ବୟସ୍କ ଯୁବକ ଜଣଙ୍କ ଏ ନେଇ ବ୍ୟାଙ୍କ ମଧ୍ୟରେ ରହି ନିର୍ଦ୍ଦେଶ ଦେଉଥିଲା । ଏହି ଯୁବକ ବ୍ୟାଙ୍କ ଭିତରେ ୩୦ ମିନିଟ୍ ପାଇଁ ଉପସ୍ଥିତ ଥିଲେ | ଯେତେବେଳେ କ୍ୟାସିଅର୍ ଜଣଙ୍କ କୌଣସି କାମ ପାଇଁ ଅନ୍ୟ ଏକ ଚାମ୍ୱରକୁ ଯାଅନ୍ତି, ଯୁବକ ଜଣଙ୍କ ଶିଶୁକୁ ଇସାରା ଦିଏ । ଏବଂ କ୍ୟାସିଅର ଜଣଙ୍କ ଅନ୍ୟ କଠୋରୀରୁ ଫେରିବା ପୂର୍ବରୁ ଛୁଆଟି କଳାକନା ବୁଲାଇସାରିଥାଏ ।
ନେମୁଚ ଏସପି ମନୋଜ ରାୟ କହିଛନ୍ତି ଯେ, ନାବାଳକ ଅଭିଯୁକ୍ତ ବହୁତ ଛୋଟ୍ ତେଣୁ କ୍ୟାସକାଉଣ୍ଟର ସମ୍ମୁଖରେ ଠିଆ ହୋଇଥିବା ଲୋକମାନେ ତାକୁ ଟଙ୍କା ଚୋରି କରୁଥିବା ଦେଖିପାରିଲେ ନାହିଁ । ଫୋରେନସିକ୍ ବିଶେଷଜ୍ଞମାନେ କ୍ରାଇମବ୍ରାଞ୍ଚର ଯାଞ୍ଚ କରିଛନ୍ତି । ଜାଭେଦ ପୋଲିସ ଷ୍ଟେସନର ଦାୟିତ୍ୱରେ ଥିବା ଓପି ମିଶ୍ର କହିଛନ୍ତି ଯେ ବ୍ୟାଙ୍କ ବାହାରେ ଥିବା ସିସିଟିଭି ଫୁଟେଜରୁ ଜଣାପଡିଛି ଯେ, ପୁରୁଷ ଏବଂ ବାଳକ ବିଭିନ୍ନ ଦିଗକୁ ଦୌଡ଼ୁଥିଲେ । ମିଶ୍ର କହିଛନ୍ତି ଯେ ଅନେକ ସନ୍ଦିଗ୍ଧଙ୍କୁ ଅଟକ ରଖାଯାଇଛି। ଏହି ଅଞ୍ଚଳରେ ରାସ୍ତାକଡ଼ରେ ଥିବା ଷ୍ଟଲ ସ୍ଥାପନ କରୁଥିବା କିଛି ଲୋକଙ୍କୁ ପଚରାଉଚରା କରାଯାଉଛି। ବେସରକାରୀ ସୁରକ୍ଷାକର୍ମୀଙ୍କୁ ମଧ୍ୟ ପଚରାଉଚରା କରାଯାଉଛି।
