ଟ୍ରକ୍ ଥିଲା ଓଭରଲୋଡ୍, ନଥିଲା ପରମିଟ୍
ଭଦ୍ରକ: ଦୁର୍ଘଟଣା ରୋକିବାକୁ କଠୋର ହେଉଛନ୍ତି ସରକାର । ଓଭର ଲୋଡ୍, ସ୍ପିଡ୍ ଡ୍ରାଇଭିଂ, ମୋବାଇଲ ବ୍ୟବହାର କରି ଗାଡ଼ି ଚାଳନା, ନିଶାଦ୍ରବ୍ୟ ପାନ କରି ଡ୍ରାଇଭିଂ ଓ ଗାଡ଼ି ଚାଳନା ବେଳେ ହେଲମେଟ୍ ପିନ୍ଧି ନଥିଲେ ଜରିମାନା ସହ ଡ୍ରାଇଭିଂ ଲାଇସେନ୍ସ ବାତିଲ୍ ଲାଗି ନିୟମ କରାଯାଇଛି । ଭଦ୍ରକରେ ଓଭରଲୋଡିଂ ଓ ବିନା ପରମିଟ୍ରେ ରାସ୍ତାରେ ଗଡ଼ୁଥିବା ଏକ ଟ୍ରକକୁ ଜରିମାନା କରାଯାଇଛି । ଆଇରନ୍ ବୋଝେଇ କରି ନେଉଥିବା ଏକ ଟ୍ରକକୁ ଦେବାକୁ ପଡ଼ିଛି ମୋଟା ଅଙ୍କର ଜରିମାନା ।
ଆଇରନ୍ ବୋଝେଇ କରି ଝାଡ଼ଖଣ୍ଡରୁ ବିଶାଖାପାଟଣା ଯାଉଥିବା ଟ୍ରକକୁ ଭଦ୍ରକରେ ୮୭ ହଜାର ୬୨୦ ଟଙ୍କା ଜରିମାନା କରାଯାଇଛି । ଓଭରଲୋଡିଂ କରି ନେଉଥିବା ଟ୍ରକ୍ଟି ଭଦ୍ରକଠାରେ ଆର୍ଟିଓ ଚେକିଂ ବେଳେ ଧରାପଡ଼ିଥିଲା । କାଗଜପତ୍ର ଯାଞ୍ଚ ବେଳେ ଟ୍ରକ୍ଟିର ପରମିଟ୍ ନ ଥିବା ଜଣାପଡ଼ିଥିଲା । ଟ୍ରକ୍ଟି ତାମିଲନାଡ଼ୁର । ଏ ନେଇ ଭଦ୍ରକ ଆଞ୍ଚଳିକ ପରିବହନ ଅଧିକାରୀ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ।
