ପ୍ଲେ-ଷ୍ଟୋରରୁ ହଟିଲା ବାର୍କୋଡ୍ ସ୍କାନର, ତୁରନ୍ତ ମୋବାଇଲରୁ କରୁନ୍ତୁ ଡିଲିଟ୍
1 min read
ନୂଆଦିଲ୍ଲୀ: ବାରକୋଡ୍ ସ୍କାନର୍ ଆପ୍ରେ ଭାଇରସ୍ । ବ୍ୟବହାରକରୀଙ୍କୁ ଆସୁଛି ଅଯଥା ବିଜ୍ଞାପନ । ତେଣୁ ଆପ୍କୁ ପ୍ଲେ-ଷ୍ଟୋରରୁ ହଟାଇଲା ଗୁଗୁଲ୍ । ଆପ୍ରେ ଭାଇରସ୍ ଥିବା ନେଇ ମାଲଓୟାରବାଇଟ୍ସ ସୂଚନା ଦେଇଛି । ବଡ଼ କଥା ହେଲା ଏହି ଅଯଥା ବଜ୍ଞାପନଗୁଡ଼ିକ ମୋବାଇଲର ଡଫଲ୍ଟ ବ୍ରାଉଜରରେ ହିଁ ଆସୁଥିଲା । ଆପ୍ଟିକୁ ପ୍ଲେ-ଷ୍ଟୋରରୁ ହଟାଯିବା ବେଳକୁ ପ୍ରାୟ ଏକ କୋଟି ଲୋକ ତାକୁ ଡାଉନଲୋଡ୍ କରିସାରିଥିଲେ ।
ମାଲୱେୟାରବାଇଟ୍ସର ରିପୋର୍ଟ ଅନୁଯାୟୀ, ‘ଡିସେମ୍ବର ଶେଷ ଆଡ଼କୁ ଫୋରମ୍ ବ୍ୟବହାରକାରୀଙ୍କଠାରୁ ଏକ ଡିସ୍ଷ୍ଟ୍ରେସ୍ କଲ୍ ଆରମ୍ଭ ହୋଇଥିଲା । ଏହି ଉପଭୋକ୍ତାମାନେ ବିଜ୍ଞାପନ ଦେଖୁଥିଲେ ଯାହା ସେମାନଙ୍କର ଡିଫଲ୍ଟ ବ୍ରାଉଜର୍ ମାଧ୍ୟମରେ ଆପେ ଆପେ ଖୋଲୁଥିଲା । ଚିନ୍ତାର ବିଷୟ ହେଉଛି ଯେ, ଏମାନେ ଗତ କିଛି ଦିନ ହେବ କୌଣସି ଏଣୁ ତେଣୁ ଆପ୍ ଡାଉନ୍ଲୋଡ୍ କରି ନାହାନ୍ତି । କିମ୍ବା ଯାହା ବି କରିଛନ୍ତି ସବୁ ପ୍ଲେଷ୍ଟୋରରୁ ହିଁ ଡାଉନ୍ଲୋଡ୍ କରିଛନ୍ତି । ତେବେ ସେମାନଙ୍କ ମଧ୍ୟରୁ ଜଣେ ଜାଣିବାକୁ ପାଇଲା ଯେ, ଦୀର୍ଘ ଦିନ ଧରି ଇନ୍ଷ୍ଟଲ ଥିବା ବାର୍କୋଡ୍ ସ୍କାନରରୁ ଏହି ବଜ୍ଞାପନ ଗୁଡ଼ିକ ଆସୁଛି । ତେବେ ତୁରନ୍ତ ଏହି ଆପ୍ରେ ଥିବା ଭାଇରସ୍କୁ ଚିହ୍ନଟ କରାଯାଇଥିଲା । ଏହାପରେ ପ୍ଲେଷ୍ଟୋରରୁ ହଟାଯାଇଛି ।
ରିପୋର୍ଟରେ କୁହାଯାଇଛି ଯେ, ଏହି ଆପ୍ ଦୀର୍ଘ ସମୟ ଧରି ବ୍ୟବହାରକାରୀଙ୍କ ମୋବାଇଲରେ ଥିଲା । କିନ୍ତୁ ଡିସେମ୍ବରରେ ଏକ ଅପ୍ଡେଟ୍ ଆସିଥିଲା, ଆଉ ଏହାକୁ ଅପ୍ଡେଟ୍ କରିବା ପରେ ତାହା ଏକ ମିଲିସିୟସ୍ ଆପ୍ରେ ପରିଣତ ହୋଇଯାଇଥିଲା ।
ତେବେ ଏହି ଆପ୍ ଯଦି ଏବେ ବି ଆପଣଙ୍କ ମୋବାଇଲରେ ରହିଛି, ଏହାକୁ ତୁରନ୍ତ ଡିଲିଟ୍ କରନ୍ତୁ ବା ଅନ୍ଇନ୍ଷ୍ଟଲ କରନ୍ତୁ । ନଚେତ୍ ଆପଣଙ୍କ ମୋବାଇଲକୁ ଭାଇରସ୍ ନଷ୍ଟ କରିଦେବ । ଖାଲି ସେତିକି ନୁହେଁ ଅନେକ ଡାଟା ଚୋରି ବା ନଷ୍ଟ ହେବାର ଆଶଙ୍କା ମଧ୍ୟ ରହିଛି ।
