ପୁଣି ଲକ୍ଡାଉନ୍ ବଢ଼ାଇବା ନେଇ ୫ ମୁଖ୍ୟମନ୍ତ୍ରୀଙ୍କ ଦାବି
ନୂଆଦିଲ୍ଲୀ: ଲକ୍ଡାଉନ୍ ବଢ଼ାଇବା ପାଇଁ ପୁଣି ଦାବି କଲେ ୫ ମୁଖ୍ୟମନ୍ତ୍ରୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କାଳରେ ୫ ରାଜ୍ୟର ମୁଖ୍ୟମନ୍ତ୍ରୀ ଲକ୍ଡାଉନ୍ ବଢ଼ାଇବା ପାଇଁ ଦାବି କରିଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ, ତେଲେଙ୍ଗାନା ମୁଖ୍ୟମନ୍ତ୍ରୀ ଚନ୍ଦ୍ର ଶେଖର ରାଓ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଓ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଲକ୍ଡାଉନ୍ ବଢ଼ାଇବା ସପକ୍ଷରେ ରହିଛନ୍ତି । ସବୁଠାରୁ ବଡ଼ କଥା ହେଲା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଲକ୍ଡାଉନ୍ ବଢ଼ାଇବା ପସ୍ତାବକୁ ସମର୍ଥନ ଜଣାଇଛନ୍ତି ।
ଏହି ୫ ରାଜ୍ୟର ମୁଖ୍ୟମନ୍ତ୍ରୀ ଲକ୍ଡାଉନ୍ ଅବଧି ପାଇଁ ପ୍ରଧାନମନ୍ତ୍ରୀଙ୍କ ନିକଟରେ ଦାବି କରିଛନ୍ତି । ଲକ୍ଡାଉନ୍ ବୃଦ୍ଧି ଦାବି କରି ମହାରାଷ୍ଟ୍ର ମୁଖ୍ୟମନ୍ତ୍ରୀ କହିଛନ୍ତି ଯେ, ଲକ୍ଡାଉନ୍ ଅବଧି ନ ବଢ଼ାଇ ଆଗକୁ ବଢ଼ିବା ଅସମ୍ଭବ ।
ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଏହି ଭିଡିଓ କନ୍ଫରେନ୍ସିଂରେ କହିଛନ୍ତି ଯେ, ଲୋକଙ୍କ ଜୀବନ ବଞ୍ଚାଇବା ଜରୁରୀ । ୩ ମାସ ପାଇଁ ଆର୍ଥିକ ସହାୟତା ଦିଆଯାଉ । ଏହା ସହ କରୋନା ଟେଷ୍ଟିଂ ରଣନୀତି ତିଆରି ପାଇଁ ମଧ୍ୟ ମତ ରଖିଛନ୍ତି ଅମରିନ୍ଦର ।
