ନିର୍ଦ୍ଧାରିତ ସମୟ ପୂର୍ବରୁ ସରିଲା ଶୀତକାଳୀନ ଅଧିବେଶନ

1 min read
Both Houses Of Parliament Sine Die Before Scheduled Date

ନୂଆଦିଲ୍ଲୀ: ଶେଷ ହେଲା ଶୀତକାଳୀନ ଅଧିବେଶନ । ଅନିର୍ଦ୍ଧିଷ୍ଟ କାଳ ପାଇଁ ଉଭୟ ରାଜ୍ୟସଭା ଓ ଲୋକସଭାକୁ ମୁଲତବି ଘୋଷଣା କରାଯାଇଛି । ହଟ୍ଟଗୋଳ, ହଙ୍ଗାମା, ହୋହଲ୍ଲାରେ ପାର୍ଲାମେଣ୍ଟ ଅଧିବେଶନ ଶେଷ ହୋଇଛି । ଗୋଟିଏ ଦିନ ପୂର୍ବର ଶେଷ ହୋଇଛି ଶୀତକାଳୀନ ଅଧିବେଶନ । ନଭେମ୍ବର ୨୯ରୁ ଆରମ୍ଭ ହୋଇଥିବା ଶୀତକାଳୀନ ଅଧିବେଶନ ନିର୍ଦ୍ଧାରିତ ସମୟର ଗୋଟିଏ ଦିନ ପୂର୍ବରୁ ଶେଷ ହୋଇଛି । ଶୀତ ଅଧିବେଶନରେ ମୋଟ ୧୮ଟି କାର୍ଯ୍ୟ ଦିବସ ହୋଇଥିଲା ।

ଆଜି ଗୃହ କାର୍ଯ୍ୟ ଆରମ୍ଭ ପରେ ବିରୋଧୀଙ୍କ ପ୍ରବଳ ହଟ୍ଟଗୋଳ ଯୋଗୁ ଉଭୟ ଗୃହକୁ ସାଇନ ଡାଏ ଘୋଷଣା କରାଯାଇଛି । ନିଲମ୍ବିତ ୧୨ ସାଂସଦଙ୍କୁ ନେଇ ଗୃହରେ ବିରୋଧୀ ହଟ୍ଟଗୋଳ କରିଥିଲେ । ବିରୋଧ ଜାରି ରହିଥିବାରୁ ଉଭୟ ଗୃହକୁ ଅନିଶ୍ଚିତ କାଳ ପାଇଁ ସ୍ଥଗିତ ରଖାଯାଇଛି । ତେବେ ଚଳିତ ଅଧିବେଶନରେ ଗୃହ ଚାଲି ନପାରିବା ଯୋଗୁ ଉଦବେଗ ବ୍ୟକ୍ତ କରିଛନ୍ତି ରାଜ୍ୟସଭା ଅଧ୍ୟକ୍ଷ ଭେଙ୍କିୟା ନାଇଡୁ । ଚଳିତ ଅଧିବେଶନରେ ରାଜ୍ୟସଭାରେ ୯ଟି ବିଲ୍‌ ପାସ୍ ହୋଇଥିବା ବେଳେ ଲୋକସଭାରେ ୧୧ଟି ବିଲ୍‌ ପାସ୍ ହୋଇଛି ବୋଲି ସୂଚନା ଦେଇଛନ୍ତି ସଂସଦୀୟ ବ୍ୟପାର ମନ୍ତ୍ରୀ ପ୍ରହଲ୍ଲାଦ ଯୋଶୀ ।

 

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.