ଜାମ୍ମୁ କାଶ୍ମୀରର ସୋପିଆନାରେ ଏନକାଉଣ୍ଟର, ଦୁଇ ଆତଙ୍କବାଦୀ ମୃତ

ଶ୍ରୀନଗର: ଜାମ୍ମୁ ଓ କାଶ୍ମୀରର ସୋପିଆନରେ ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିମାଡରେ ପ୍ରାଣ ହରାଇଛନ୍ତି ଦୁଇ ଲସ୍କର-ଇ-ତୋଏବା ଆତଙ୍କବାଦୀ । ଗତକାଲିଠାରୁ କିଛି ଆତଙ୍କବାଦୀ ସ୍ଥାନୀୟ ଅଞ୍ଚଳରେ ଲୁଚିଥିବା ସୂଚନା ପାଇ ସର୍ଚ୍ଚ ଅପରେସନ ଜାରି ରଖିଥିଲା ସେନା । ଦକ୍ଷିଣ ସୋପିଆନର ଚୌଗାମରେ ଆତଙ୍କବାଦୀମାନେ ଲୁଚିଥିବା ସୂଚନା ପାଇ ସୁରକ୍ଷାକର୍ମୀ ସେଠାରେ ଅପରେସନ ଆରମ୍ଭ କରିଥିଲେ । ସର୍ଚ୍ଚ ଅପରେସନ ବେଳେ ଆତଙ୍କବାଦୀମାନେ ଯବାନଙ୍କ ଉପରୁ ଗୁଳି ଚଳାଇବା ପରେ ଯବାନମାନେ ପାଲଟା ଆକ୍ରମଣ କରିଥିଲେ । ସୁରକ୍ଷାକର୍ମୀଙ୍କ ଗୁଳିମାଡରେ ୨ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି ।

#UPDATE | Two unidentified terrorists neutralized in the encounter that broke out between security forces and terrorists in the Chowgam area of Shopian. Incriminating materials including arms & ammunition recovered. The search operation is underway: Kashmir Zone Police pic.twitter.com/fphCiEXP3f

— ANI (@ANI) December 25, 2021

ଶୁକ୍ରବାର ମଧ୍ୟ ଜାମ୍ମୁ କାଶ୍ମୀରରେ ଏକ ଏନକାଉଣ୍ଟର ହୋଇଥିଲା । ସୁରକ୍ଷାକର୍ମୀ ଓ ଆତଙ୍କବାଦଙ୍କ ମଧ୍ୟରେ ଅନନ୍ତନାଗରେ ଗୁଳି ବିନିମୟ ହୋଇଥିଲା । ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ପ୍ରାଣ ହରାଇଥିଲେ । ଯେଉଁ ଆତଙ୍କବାଦୀଙ୍କୁ ମୃତ୍ୟୁବରଣ କରିଥିଲା ସେ କୁଲଗାମ ସହାପୁର ଅଞ୍ଚଳର ଶେହଜାଦ ଅହମ୍ମଦ ଅଟେ । ସେ ୨୦ ସେପ୍ଟେମ୍ବର ୨୦୨୦ରେ ହିଜବୁଲ ନିଜାହୁଦିନରେ ସାମିଲ ହୋଇଥିଲେ ।