କିଭଳି ବଣ୍ଟାଯିବ କରୋନା ଭ୍ୟାକସିନ? କେତେ ରହିବ ମୂଲ୍ୟ? କାହାକୁ ପ୍ରଥମେ ମିଳିବ?
ନୂଆଦିଲ୍ଲୀ: ଟିକା ବଣ୍ଟନ ମାମଲାରେ ଭାରତ ଏକ ବଡ଼ ପାଓ୍ୱାର ହାଉସ ଭଳି । ଭାରତରେ ବଡ଼ ସ୍ତରରେ ଟିକାକରଣ ଅଭିଯାନ ଚାଲିଥାଏ ।ଏଠାରେ ବିଶ୍ୱର ୬୦ ପ୍ରତିଶତ ଭ୍ୟାକସିନ ପ୍ରସ୍ତୁତ ହୁଏ । ଭାରତରେ ପ୍ରାୟ ଅଧ ଡର୍ଜନ ଭ୍ୟାକସିନ ନିର୍ମାତା ଅଛନ୍ତି । ଯେଉଁଥିରେ ବିଶ୍ୱର ଅଧିକ ଭ୍ୟାକସିନ ପ୍ରସ୍ତୁତ କରୁଥିବା କମ୍ପାନୀ ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଲିମିଟେଡ ମଧ୍ୟ ସାମିଲ ରହିଛି । ଏଥିରେ ଆଶ୍ଚର୍ଯ୍ୟ ହେବାଭଳି କୌଣସି କଥା ନାହିଁଯେ, ଭାରତ ସରକାର କୋଟି କୋଟି ଲୋକଙ୍କ ନିକଟରେ କୋଭିଡ ୧୯ ଭ୍ୟାକସିନ ପହଞ୍ଚାଇବାର ପାଇଁ ଉଦ୍ୟମ ଜାରି ରଖିଛନ୍ତି । ଭାରତରେ ଆସନ୍ତା ଜୁଲାଇ ମାସ ମଧ୍ୟରେ ୫୦ କୋଟି ଭ୍ୟାକସିନ ଡୋଜ ପ୍ରସ୍ତୁତ କରିବା ଏବଂ ୨୫ କୋଟି ଲୋକଙ୍କ ଟିକାକରଣ କରିବା ପାଇଁ ଯୋଜନା ରହିଛି । ଭାରତର ଏହି ଆତ୍ମବିଶ୍ୱାସ ସେତେବେଳେ ବଢିଯାଉଛି, ଯେତେବେଳେ ସେ ପ୍ରତିବର୍ଷ ଟିକାକରଣକୁ ନେଇ ନିଜର ପୂର୍ବ ରେକର୍ଡ଼କୁ ଅନୁଧ୍ୟାନ କରେ । ଦେଶର ୪୨ ବର୍ଷ ପୁରୁଣା ଟିକାକରଣ ଅଭିଯାନ ଦୁନିଆର ସବୁଠାରୁ ବଡ଼ ସ୍ୱାସ୍ଥ୍ୟ ଅଭିଯାନ ମଧ୍ୟରେ ଗୋଟିଏ । ଯେଉଁଥିରେ ୫୫ କୋଟି ଲୋକଙ୍କ ନିକଟରେ ଟିକା ପହଞ୍ଚାଯାଏ । ଭାରତ ନିକଟରେ ଏହି ଭ୍ୟାକସିନ ସଂରକ୍ଷଣ କରି ରଖିବା ଏବଂ ନଜର ରଖିବା ପାଇଁ ଉତ୍ତମ ଇଲେକ୍ଟ୍ରୋନିକ ସିଷ୍ଟମ ରହିଛି । ଏସବୁ ପରେ ବିଶେଷଜ୍ଞଙ୍କ କହିବା କଥା ହେଉଛି ପ୍ରଥମ ଥର ଲକ୍ଷ ଲକ୍ଷ ବୟସ୍କଙ୍କ ସମେତ କୋଟିକୋଟି ଲୋକଙ୍କ ନିକଟରେ କରୋନା ଭ୍ୟାକସିନ ପହଞ୍ଚାଇବା ସରକାରଙ୍କ ପାଇଁ ଅସାଧାରଣ ଚ୍ୟାଲେଞ୍ଜ ହେବ ।
ଭାରତରେ ପ୍ରସ୍ତୁତ ହୋଇଥିବା ୩୦ଟି ଭ୍ୟାକସିନ ମଧ୍ୟରୁ ୫ଟିର କ୍ଲିନିକାଲ ପରୀକ୍ଷଣ ଜାରି ରହିଛି । ଏଥିରେ ଗୋଟିଏ ହେଉଛି ଅକ୍ସଫୋର୍ଡ଼ ଏବଂ ଏକ୍ସଟ୍ରାଜେନିକା ଭ୍ୟାକସିନ । ଏହା ଉପରେ ବର୍ତ୍ତମାନ ଭାରତର ସିରମ ଇନଷ୍ଟିଚ୍ୟୁଟରେ ପରୀକ୍ଷଣ ଜାରି ରହିଛି । ଭାରତ ବାୟୋଟେକ ଏକ ସ୍ୱେଦେଶୀ କରୋନା ଭ୍ୟାକସିନ ପ୍ରସ୍ତୁତ କରୁଛି । ମାଇକ୍ରୋବାୟୋଲୋଜିଷ୍ଟ ଡାକ୍ତର ଗଗନଦୀପ କାଙ୍ଗଙ୍କ କହିବା ଅନୁସାରେ କେତେକ ଭ୍ୟାକସିନ ମଧ୍ୟରେ ଗୋଟିଏକୁ ବାଛିବା ଏବଂ ସମୋନଙ୍କ ମଧ୍ୟରୁ ଗୋଟିଏ ଚୟନ କରି ତାହାକୁ ଚୟନ ହୋଇଥିବା ସମୂହ ନିକଟରେ ପହଞ୍ଚାଇବା ଏକ ବଡ଼ ଚ୍ୟାଲେଞ୍ଜ ହେବ ।ଏଥିପାଇଁ ପ୍ରଥମେ କିଭଳି ଭ୍ୟାକସିନକୁ ଉଚିତ୍ ତାପମାତ୍ରାରେ ରଖାଯିବ ସେଥିପ୍ରତି ନଜର ଦିଆଯିବ । ଭାରତରେ ୨ ହଜାର ସାତ ଶହ କୋଲ୍ଡ ଷ୍ଟୋର ରହିଛି । ଯେଉଁଠାରୁ ସଂଗ୍ରହ ହୋଇଥିବା ଭ୍ୟାକସିନକୁ ୮୦ ଲକ୍ଷ ଲୋକଙ୍କ ନିକଟରେ ପହଞ୍ଚା ଯାଇପାରିବ । କିନ୍ତୁ କ’ଣ ଏହା ପର୍ଯ୍ୟାପ୍ତ ହେବ? ଦେଶରେ ଯେତିକି ଭ୍ୟାକସିନର ଆବଶ୍ୟକତା ପଡ଼ିବ ସେତିକି ମାତ୍ରାରେ ନଷ୍ଟ ହେଉଥିବା ସିରିଜ ବା ଇଞ୍ଜକ୍ସନର ଆବଶ୍ୟକତା ପଡ଼ିବ । ଏହାକୁ ନଜରରେ ରଖିଲେ କୌଣସି ପ୍ରକାରର ସମ୍ଭାବ୍ୟ ସଂକ୍ରମଣକୁ ରେକାଯାଇ ପାରିବ । ଦୁନିଆର ସବୁଠାରୁ ଅଧିକ ସିରିଞ୍ଜ ତିଆରି କରୁଥିବା ନିର୍ମାତାଙ୍କ କହିବା ଅନୁସାରେ ଭ୍ୟାକସିନର ଆବଶ୍ୟକତାକୁ ପୂରଣ କରିବା ପାଇଁ ୧ ଆରବ ସିରିଞ୍ଜ ପ୍ରସ୍ତୁତ କରିବେ । ଏହା ସହିତ ସେହି କାଚକୁ ନେଇ ମଧ୍ୟ ପ୍ରଶ୍ନ ଉଠୁଛି ଯେଉଁଥିରେ ଭ୍ୟାକସିନର ଖୁରାକ ରଖାଯିବ । ଏହି ସମସ୍ତ ବ୍ୟତୀତ ଭାରତରେ ସାଧାରଣ ଭାବରେ ହେଉଥିବା ଟିକାକରଣ କାର୍ଯ୍ୟକ୍ରମକୁ ପୂରା କରିବା ପାଇଁ ପ୍ରାୟ ୪୦ ଲକ୍ଷ ଡାକ୍ତର ଏବଂ ନର୍ସଙ୍କ ଆବଶ୍ୟକତା ପଡ଼ିଥାଏ । କିନ୍ତୁ କୋଭିଡ ୧୯ ଟିକାକରଣ ପାଇଁ ଅଧିକ ସ୍ୱାସ୍ଥ୍ୟକର୍ମୀଙ୍କ ଆବଶ୍ୟକତା ପଡ଼ିପାରେ ।
ସରକାରଙ୍କ ପାଇଁ ଏହା ଏକ ବଡ଼ ଚ୍ୟାଲେଞ୍ଜ ହେବଯେ ପ୍ରଥମେ କାହାକୁ ଟୀକା ଦିଆଯିବ । ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନଙ୍କ କହିବା ଅନୁସାରେ ପ୍ରଥମ ପର୍ଯ୍ୟାୟରେ ସରକାରୀ ଏବଂ ବେସରକାରୀ ସ୍ୱାସ୍ଥ୍ୟକର୍ମୀ ଓ ଅନ୍ୟ ବିଭାଗର ଫ୍ରଣ୍ଟ ଲାଇନ ଓ୍ୱର୍କର୍ସଙ୍କୁ ଟିକା ଦିଆଯିବ । କିନ୍ତୁ ବିଶେଷଜ୍ଞଙ୍କ କହିବା ଅନୁସାରେ ଏଭଳି କରିବା ଏତେ ସହଜ ହେବନାହିଁ । ଭାରତରେ ଅଧିକାଂଶ ସ୍ୱାସ୍ଥ୍ୟକର୍ମୀ ବେସରକାରୀ ହସ୍ପିଟାଲ ସହିତ ଜଡ଼ିତ । ତେବେ କ’ଣ ଏକ ବେସରକରୀ ସ୍ୱାସ୍ଥ୍ୟକର୍ମୀଙ୍କୁ ସରକାରୀ ସ୍ୱାସ୍ଥ୍ୟକର୍ମୀଙ୍କ ଅପେକ୍ଷା ଅଧିକ ପ୍ରାଥମିକତା ଦିଆଯିବ?
