ଆଇଏନ୍ଏସ୍ ବିକ୍ରାନ୍ତ ଉପରେ ଆକ୍ରମଣ ଧମକ: ଜୁଲାଇ ମାସରେ ସିପିୟାର୍ଡ ନିକଟରୁ ଗିରଫ ହୋଇଥିଲେ ଆଫଗାନୀ ନାଗରିକ

1 min read

କେରଳ: କୋଚିନ ସିପୟାର୍ଡରେ ଥିବା ନୌସେନାର ବିଭିନ୍ନ ଗୁରୁତ୍ୱପୂର୍ଣ୍ଣ ବ୍ୟବସ୍ଥା ବା ଇନଷ୍ଟାଲେସନଗୁଡିକୁ ଉଡ଼ାଇ ଦେବା ଲାଗି ଏକ ଇ-ମେଲ୍ ଆସିବା ପରେ ସୁରକ୍ଷା ଉପରେ ଗୁରୁତ୍ୱ ଦିଆଯାଇଛି । ଏହି ସିପୟାର୍ଡରେ ଆଇଏନଏସ ବିକ୍ରାନ୍ତ ରହିଛି । ଦେଶର ପ୍ରଥମ ସ୍ୱଦେଶୀ ବିମାନବାହକ ଆଇଏନଏସ ବିକ୍ରାନ୍ତ ପ୍ରତି ସମ୍ଭାବ୍ୟ ବିପଦ ରହିଥିବାରୁ ଏନେଇ କୋଚି ପୋଲିସ ଏକ ମାମଲା ରୁଜୁ କରିଛି । ଇ-ମେଲକୁ ନେଇ ଖୋଳତାଡ଼ ଜାରି ରଖିଛି ପୋଲିସ । ଆଇଏନଏସ ବିକ୍ରାନ୍ତ କିଛି ଦିନ ତଳେ ସମୁଦ୍ରରେ ପରିକ୍ରମା କରି ନିଜର ଯଥାର୍ଥତା ପ୍ରତିପାଦିତ କରିଛି ।
ସୂଚନା ଯୋଗ୍ୟ ଯେ, ଜୁଲାଇ ମାସରେ ଜଣେ ଆଫଗାନୀ ନାଗରିକ ଭିସା ଏକ୍ସପାର ହୋଇଥିବା ଯୋଗୁଁ ସିପିଂୟାର୍ଡ ନିକଟରେ ଅଟକ ହୋଇଥିଲେ । ସେହିଭଳି ୨୦୧୯ ମସିହାରେ ରଙ୍ଗ ଦେବା କାମରେ ନିୟୋଜିତ ୨ଜଣଙ୍କୁ ଇଲୋକଟ୍ରନିକ୍ସ ସାମଗ୍ରୀ ଚୋରି ଅଭିଯୋଗରେ ଗିରଫ ହୋଇଥିଲେ । ଆଉ ଏହି ମାମଲାର ତଦନ୍ତ କରୁଛି ଜାତୀୟ ଅନୁସନ୍ଧାନକାରୀ ସଂସ୍ଥା । ୨୩୦ ବିଲିୟନ୍ ଖର୍ଚ୍ଚରେ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଏହି ସିପିୟାର୍ଡ ଆସନ୍ତା ବର୍ଷ ପୂର୍ଣ୍ଣ କାର୍ଯ୍ୟକ୍ଷମ ହେବ ।

ଏଥିସହିତ ପଢ଼ନ୍ତୁ: ଜାତୀୟ ରାଜପଥରେ ହେବ ଭାରତୀୟ ବାୟୁସେନା ବିମାନର ଜରୁରୀକାଳୀନ ଅବତରଣ

Opn Commnet Area

Leave a Reply

Your email address will not be published. Required fields are marked *

Close Bitnami banner