ବ୍ରହ୍ମପୁର: ରଙ୍ଗେଇଲୁଣ୍ଡା ବ୍ଳକ୍ ଡକଲପଡ଼ାରେ ବସ୍ରେ ଲାଗିଲା ୩୩ କେଭି ବିଦ୍ୟୁତ୍ ତାର । ୩୦ରୁ ଅଧିକ ଯାତ୍ରୀ ଆହତ । ୮ ଜଣଙ୍କ ଅବସ୍ଥା ସଙ୍କଟାପନ୍ନ ସୂଚନା । ଘଟଣାସ୍ଥଳରେ ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ଜାରି ।
୧୧ କେ.ଭି ବିଦ୍ୟୁତ ତାର ସଂସ୍ପର୍ଶରେ ଚଳନ୍ତା ବସ୍ : ୧୦ ଜଣଙ୍କ ମୃତ୍ୟୁ
ବ୍ରହ୍ମପୁର: ଗୋଳନ୍ଥରା ଥାନା ମେନ୍ଦ୍ରାଜପୁର ଗାଁ ନିକଟରେ ବଡ଼ ଧରଣର ଅଘଟଣ । ବିଦ୍ୟୁତ ତାର ସଂସ୍ପର୍ଶରେ ଆସିବା ଯୋଗୁଁ ବିଦ୍ୟୁତ ଝଟ୍କାରେ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୨୫ ଜଣ ଯାତ୍ରୀ ଆହତ ହୋଇଛନ୍ତି । ୧୧ କେ.ଭି ବିଦ୍ୟୁତ ତାର ସଂସ୍ପର୍ଶରେ ଆସିଥିଲା ସିଲକ୍ ସିଟି ବସ୍ (OR-07-T-1441) । ସ୍ଥାନୀୟ ବାସିନ୍ଦା ଓ ଅଗ୍ନିଶମ ବାହିନୀଙ୍କ ଦ୍ୱାରା ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟରେ ୫ ଆମ୍ୱୁଲାନ୍ସ ମଧ୍ୟ ନିୟୋଜିତ ଥିଲା । ଆହତଙ୍କୁ ପ୍ରଥମେ ବ୍ରହ୍ମପୁର ବଡ଼ ମେଡିକାଲ ଓ ପରେ ସେମାନଙ୍କ ମଧ୍ୟ କିଛି ଗୁରୁତରଙ୍କୁ କଟକ ସ୍ଥାନାନ୍ତର କରାଯାଇଛି । ଡଙ୍ଗରପଡ଼ାରୁ ସକରଡ଼ା ଯାଉଥିଲା ବସ୍ । ନିର୍ବନ୍ଧ ପାଇଁ ଯାଇଥିଲେ ପରିବାର ଲୋକେ । ବ୍ରହ୍ମପୁର ବଡ଼ ମେଡିକାଲରେ ଗଞ୍ଜାମ ଜିଲ୍ଲାପାଳ, ଉପ ଜିଲ୍ଲପାଳ, ବ୍ରହ୍ମପୁର ବିଧାୟକ ବିକ୍ରମ ପଣ୍ଡା, ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଉପସ୍ଥିତ ରହି ଗୁରୁତରଙ୍କ ଚିକିତ୍ସାକୁ ତଦାରଖ କରୁଛନ୍ତି । ମୃତକମାନେ ହେଲେ ବି ରାମେୟା, ବି ଆଚୁଲୁ, ସି ଏଚ କାମ ରାଜୁ, ବି ତାରଣେୟା, କେ ସଂଜୁ, ବି ମୋହିନୀ, ବି କାନେକା ଆମ୍ମ, ସନ୍ତୋଷି ସାହୁ ଓ A ରେୟା ରେଡ୍ଡୀ । ଅନ୍ୟ ଜଣେ ବାଳକ ଦେବରାଜ ରେଡ୍ଡୀଙ୍କ ଏସ୍ସିବି ମେଡିକାଲରେ ମୃତ୍ୟୁ ହୋଇଛି ।
ଦୁର୍ଘଟଣା ନେଇ ଗଭୀର ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହିତ ଶୋକସନ୍ତପ୍ତ ପରିବାରଗର୍ଗଙ୍କୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ । ମୃତକଙ୍କ ପରିବାର ପିଛା ୨ ଲକ୍ଷ ଟଙ୍କାର ଲେଖାଏଁ ଅନୁକମ୍ପା ମୂଳକ ସହାୟତା ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।
କଟକ: ମଙ୍ଗୁଳି ଟୋଲପ୍ଲାଜା ନିକଟରୁ ଗଞ୍ଜେଇ ଓ ଭାଙ୍ଗ ଜବତ, ୪ ଗିରଫ । ଦାମୀ ଗାଡ଼ି ସହ ୪ ଜଣଙ୍କୁ ଗିରଫ କଲା ଅବକାରୀ ବିଭାଗ । ଜବତ ଭାଙ୍ଗ ଓ ଗଞ୍ଜେଇର ଅନୁମାନିକ ମୂଲ୍ୟ ୭ ଲକ୍ଷ ଟଙ୍କା ହେବ ।
କଟକ: ମଙ୍ଗୁଳି ଟୋଲପ୍ଲାଜା ନିକଟରୁ ଗଞ୍ଜେଇ ଓ ଭାଙ୍ଗ ଜବତ, ୪ ଗିରଫ । ଦାମୀ ଗାଡ଼ି ସହ ୪ ଜଣଙ୍କୁ ଗିରଫ କଲା ଅବକାରୀ ବିଭାଗ । ଜବତ ଭାଙ୍ଗ ଓ ଗଞ୍ଜେଇର ଅନୁମାନିକ ମୂଲ୍ୟ ୭ ଲକ୍ଷ ଟଙ୍କା ହେବ ।
ପବନରେ ଲୋକଙ୍କ ଠାରୁ ଲୋକଙ୍କୁ ସଂକ୍ରମିତ ହେଉଛି କରୋନା
ବେଜିଂ: ଦୁନିଆକୁ ଡରାଇ ରଖିଥିବା କରୋନାକୁ ନେଇ ବହୁତ ବଡ଼ ଖୁଲାସା । ଯାହା ସରକାର ଓ ଚିକିତ୍ସା ବିଶେଷଜ୍ଞଙ୍କ ନିଦ ହଜାଇଦେବ । ସଂଘାଇର ଜଣେ ଅଧିକାରୀ ଏହିଭଳି କିଛି ତଥ୍ୟ ପ୍ରକାଶ କରିଛନ୍ତି । ଅଧିକାରୀଙ୍କ କହିବା ମୁତାବକ କରୋନା ଭୂତାଣୁ ବାୟୁ ବା ପବନରେ ଜଣଙ୍କ ଠାରୁ ଅନ୍ୟ ଜଣଙ୍କୁ ସଂକ୍ରମିତ ହେଉଛି । ଏହାକୁ ଏୟରୋସୋଲ ଟ୍ରାନ୍ସମିସନ କୁହାଯାଏ । ତେବେ, ବର୍ତ୍ତମାନ ଯାଏଁ ଏହି ଦାବିକୁ ଗ୍ରହଣ କରାଯାଇନାହିଁ ।
ତେବେ, ବିଶେଷଜ୍ଞଙ୍କ କହିବା କଥା କୌଣସି ଆକ୍ରାନ୍ତ ବ୍ୟକ୍ତି ଛିଙ୍କିଲେ କିମ୍ବା କାଶିଲେ ପାଖରେ ଥିବା ବ୍ୟକ୍ତିଙ୍କୁ ଭାଇରସ୍ ସଂକ୍ରମଣ ହୋଇପାରେ । କୌଣସି ବସ୍ତୁକୁ ଛୁଇଁ ମୁହଁ, ନାକ କିମ୍ବା ଆଖି ସ୍ପର୍ଶକୁ କନେକ୍ଟ ଟ୍ରାନ୍ସମିସନ କୁହାଯାଏ । ଏହା ଦ୍ୱାରା ମଧ୍ୟ ସଂକ୍ରମଣର ସମ୍ଭାବନା ରହିଛି । 
ଚୀନ ସରକାର ଲୋକଙ୍କୁ ସଫା ସୁତୁରା ରହିବାକୁ ପରାମର୍ଶ ଦେଇଛନ୍ତି । ଭେଣ୍ଟିଲେସନ ପାଇଁ ଖୋଲା ରହିଥିବା ସ୍ଥାନ, ଝରକାକୁ ନିୟମିତ ସଫା କରିବା । ଘର କବାଟର ହ୍ୟାଣ୍ଡେଲ, ଖାଇବା ଟେବୁଲ, ଟଏଲେଟ୍ ସଫା ଉପରେ ଗୁରୁତ୍ୱ ଦିଆଯାଇଛି । ଏବେ ଯାଏଁ କରୋନା ଭାଇରସ ଆକ୍ରମଣରେ ୮୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ଏଥିରେ ୩୭ ହଜାରରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି ।
କୋରିୟର ଦେଲା ନାବାଳିକାର ଠିକଣା, ଦିଲ୍ଲୀରେ ବିକ୍ରି କରି ଦେଇଥିଲା ଦଲାଲ୍
ରାଉରକେଲା: ଦିଲ୍ଲୀରୁ ଉଦ୍ଧାର ହେଲା ରାଉରକେଲାର ନାବାଳିକା । ବୁଲାଇ ନେବାକୁ କହି ବିକ୍ରି କରି ଦେଇଥିଲା ଦଲାଲ୍ । ମାନବଚାଲାଣକୁ ନେଇ ସଦାବେଳେ ଚର୍ଚ୍ଚାରେ ରହି ଆସୁଥିବା ଆଦିବାସୀ ଅଧ୍ୟୁଷିତ ଜିଲ୍ଲା ସୁନ୍ଦରଗଡ଼ରୁ ପୁଣି ଆସିଛି ନାବାଳିକା ବିକ୍ରି ଅଭିଯୋଗ । ରାଉରକେଲା ପୋଲିସର ସ୍ୱତନ୍ତ୍ର ଟିମ ଦିଲ୍ଲୀରୁ ସମ୍ପୃକ୍ତ ନାବାଳିକାଙ୍କୁ ଉଦ୍ଧାର କରିବା ସହ ମହିଳା ଦଲାଲକୁ ଅଟକ ରଖି ପଚରାଉଚରା କରୁଛି ।
ପ୍ରାୟ ସପ୍ତାହେ ତଳେ ରାଉରକେଲା ଅଞ୍ଚଳର ଜଣେ ନାବାଳିକାଙ୍କୁ ବୁଲାଇ ନେବାକୁ କହି ଦଲାଲ୍ ଜଣଙ୍କ ଦିଲ୍ଲୀ ନେଇ ଯାଇଥିଲେ । ସେଠାରେ ଅନ୍ୟ ଜଣଙ୍କୁ ବିକ୍ରି କରିଦେଇଥିବା ଜାଣିବା ପରେ ନାବାଳିକା ଘରକୁ ଫୋନ୍ କରିଥିଲେ । ନାବାଳିକ ରହୁଥିବା ଘରୁ ପାଇଥିବା କୋରିୟର ପ୍ୟାକେଟ ଆଡ୍ରେସ୍ ଘର ଲୋକଙ୍କୁ ଦେଇଥିଲେ । ପରିବାର ଲୋକ ପୋଲିସରେ ଅଭିଯୋଗ କରିବା ସହ ଝିଅ ଦେଇଥିବା ଠିକଣା ଦେଇଥିଲେ ।
ପୋଲିସ ଉକ୍ତ ଠିକଣାରେ ଚଢ଼ାଉ କରି ନାବାଳିକାଙ୍କୁ ଉଦ୍ଧାର କରିଛି । ମହିଳା ଦଲାଲକୁ ଅଟକ ରଖି ପଚରାଉଚରା କରୁଛି । ତେବେ, ନାବାଳିକା ବିକ୍ରି ପଛରେ ଆଉ କିଏ କିଏ ସମ୍ପୃକ୍ତ ? ଏଥିରେ କୌଣସି ରାକେଟ କାମ କରୁଛି କି ? ପୋଲିସ ସେ ଦିଗରେ ଅଧିକ ଖୋଳତାଡ଼ କରୁଛି । ପୋଲିସ ନାବାଳିକା ଜଣଙ୍କୁ ଉଦ୍ଧାର କରି ଶିଶୁ କଲ୍ୟାଣ କମିଟିକୁ ହସ୍ତାନ୍ତର କରିଛି ।
ସୁନ୍ଦରଗଡ଼ ଜିଲ୍ଲାରୁ ବାହାର ରାଜ୍ୟକୁ ନାବାଳିକା ଚାଲାଣ ଘଟଣା ପ୍ରଥମ ନୁହେଁ । ଗତବର୍ଷ ଦିଲ୍ଲୀରେ ୪ ଜଣ ନାବାଳିକାଙ୍କୁ ବିକ୍ରି କରାଯାଇଥିବା ଅଭିଯୋଗ ହୋଇଥିଲା । କିଛିଦିନ ତଳେ ସୁନ୍ଦରଗଡ଼ର ୨ ଭଉଣୀଙ୍କୁ ଜମ୍ମୁ କଶ୍ମୀରରେ ବିକ୍ରି ଅଭିଯୋଗ ଖବର ମଧ୍ୟ ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିଲା ।
ପାଗରେ ଆସିବ ପରିବର୍ତ୍ତନ, ଆଜି ରାଜ୍ୟର ବିଭିନ୍ନ ସ୍ଥାନରେ ଝିପିଝିପି ବର୍ଷା
ଭୁବନେଶ୍ୱର: ଲାଗି ରହିବ ଝିପିଝିପି ବର୍ଷା । କାଲିଠୁ ପାଗରେ ଆସିବ ପରିବର୍ତ୍ତନ । ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳରେ ସୃଷ୍ଟ ଘୂର୍ଣ୍ଣିବଳୟ ପ୍ରଭାବରେ ଆଜି ବର୍ଷା ଲାଗି ରହିବ । ଗଜପତି, ଗଞ୍ଜାମ, ପୁରୀ, ଖୋର୍ଦ୍ଧା, କେନ୍ଦ୍ରାପଡ଼ା, କଳାହାଣ୍ଡି, ମଯୂରଭଞ୍ଜ, ସୋନପୁର, ମାଲକାନଗିରି, ନୟାଗଡ଼, ବାଲେଶ୍ଵର, କେନ୍ଦ୍ରାପଡ଼ା ଜିଲ୍ଲାରେ ଆଜି ବର୍ଷା ହେବା ନେଇ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରିଛି ।
ଅନ୍ୟପଟେ ସୁନ୍ଦରଗଡ଼, ଅନୁଗୁଳ, ସୋନପୁର ଓ ବାଲେଶ୍ଵର ଜିଲ୍ଲାର ଗୋଟିଏ ଦୁଇଟି ସ୍ଥାନର ଶୀତ ଅନୁଭୂତ ହେବ । ଏଥିସହ ଅନୁଗୁଳ, ସୋନପୁର, କେନ୍ଦୁଝର, ଭଦ୍ରକ, ବଲାଙ୍ଗିର, କନ୍ଧମାଳ, ଢେଙ୍କାନାଳରେ ଘନ କୁହୁଡ଼ି ଦେଖାଯିବ । ଆସନ୍ତାକାଲି ଠାରୁ ରାଜ୍ୟରେ ପାଗ ପ୍ରାୟତଃ ଶୁଖିଲା ରହିବ ।
ରାଜ୍ୟର ବିଭିନ୍ନ ସ୍ଥାନରେ ଘଡ଼ଘଡ଼ି ସହ କୁଆପଥର ବର୍ଷା ସମ୍ବାବନା, ୧୦ରୁ ବଢ଼ିବ ତାପମାତ୍ରା
ନୋହିଲା ଜଗା ଦର୍ଶନ, ଅଧା ରାସ୍ତାରେ ଛକି ବସିଥିଲା ମୃତ୍ୟୁ
ବଲାଙ୍ଗିର: ଜଗା ଦର୍ଶନ ପାଇଁ ହସଖୁସିରେ ଘରୁ ପୁରୀ ବାହାରିଥିଲେ ସପରିବାର । ସମସ୍ତଙ୍କ ମନରେ ଥିଲା ଅପୂର୍ବ ଆନନ୍ଦ, ଉଲ୍ଲାସ । ପୁରୀ ପହଞ୍ଚିବେ, କାଳିଆକୁ ଦେଖିବେ । ହେଲେ, ଏହି ଆଶା ଆଶାରେ ରହିଯାଇଛି । ସଡ଼କ ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୭ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ବଲାଙ୍ଗିର ମେଡିକାଲ କଲେଜରେ ଭର୍ତ୍ତି କରାଯାଇଛି । ଦୁର୍ଘଟଣା ପରେ ଉତ୍ତ୍ୟକ୍ତ ଲୋକ ଟ୍ରକ୍ ଭଙ୍ଗାରୁଜା କରିଛନ୍ତି ।
ଭୋରରୁ ପାଟଣାଗଡ଼ ଘୁମେର ଗାଁର ୯ଜଣ ବୋଲେରୋ ଯୋଗେ ପୁରୀ ଯାଉଥିଲେ । ବୋଲେରୋଟି ବଲାଙ୍ଗିର-ସୋନପୁର ରାସ୍ତାର ବୈରାସରେ ଟ୍ରକକୁ ପଛରୁ ଧକ୍କା ଦେଇଥିଲା । ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଗୁରୁତର ଆହତ ହୋଇଛନ୍ତି । ୨ ମୃତକ ତମିଆ ଗାଁର ତେଜରାଜ ସାହୁ ଓ ଶକୁନ୍ତଳା ସାହୁ ବୋଲି ଜଣାପଡ଼ିଛି ।
https://www.facebook.com/nandighoshatv/videos/559164088007400/
ରାଉରକେଲା: ସହରର ଜଣେ ନାବାଳିକାକୁ ଦିଲ୍ଲୀରେ ବିକ୍ରି ଅଭିଯୋଗ । ନାବାଳିକାକୁ ଦିଲ୍ଲୀରୁ ଉଦ୍ଧାର କଲା ପୋଲିସର ସ୍ୱତନ୍ତ୍ର ଟିମ୍ । ବିକ୍ରି ଅଭିଯୋଗରେ ଜଣେ ମହିଳା ଦଲାଲ ଅଟକ । ପୋଲିସ ଓ ଶିଶୁ କଲ୍ୟାଣ କମିଟି ପକ୍ଷରୁ ତଦନ୍ତ ।
ରାଉରକେଲା: ସହରର ଜଣେ ନାବାଳିକାକୁ ଦିଲ୍ଲୀରେ ବିକ୍ରି ଅଭିଯୋଗ । ନାବାଳିକାକୁ ଦିଲ୍ଲୀରୁ ଉଦ୍ଧାର କଲା ପୋଲିସର ସ୍ୱତନ୍ତ୍ର ଟିମ୍ । ବିକ୍ରି ଅଭିଯୋଗରେ ଜଣେ ମହିଳା ଦଲାଲ ଅଟକ । ପୋଲିସ ଓ ଶିଶୁ କଲ୍ୟାଣ କମିଟି ପକ୍ଷରୁ ତଦନ୍ତ ।
ବଲାଙ୍ଗିର: ବଲାଙ୍ଗିର-ସୋନପୁର ରାସ୍ତାର ବୈରାସରେ ଦୁର୍ଘଟଣା । ଟ୍ରକକୁ ପଛରୁ ଧକ୍କା ଦେଲା ବୋଲେରୋ ୨ ଜଣଙ୍କ ମୃତ୍ୟୁ, ୭ ଗୁରୁତର । ଗୁରୁତର ବଲାଙ୍ଗିର ମେଡିକାଲ କଲେଜରେ ଭର୍ତ୍ତି । ସମସ୍ତେ ପାଟଣାଗଡ଼ ଘୁମେର ଗାଁର । ପୁରୀରୁ ଫେରୁଥିବା ବେଳେ ଦୁର୍ଘଟଣା ।
ବଲାଙ୍ଗିର: ବଲାଙ୍ଗିର-ସୋନପୁର ରାସ୍ତାର ବୈରାସରେ ଦୁର୍ଘଟଣା । ଟ୍ରକକୁ ପଛରୁ ଧକ୍କା ଦେଲା ବୋଲେରୋ ୨ ଜଣଙ୍କ ମୃତ୍ୟୁ, ୭ ଗୁରୁତର । ଗୁରୁତର ବଲାଙ୍ଗିର ମେଡିକାଲ କଲେଜରେ ଭର୍ତ୍ତି । ସମସ୍ତେ ପାଟଣାଗଡ଼ ଘୁମେର ଗାଁର । ପୁରୀରୁ ଫେରୁଥିବା ବେଳେ ଦୁର୍ଘଟଣା ।
ଏକଜିଟ୍ ପୋଲରେ ‘ଆପ’କୁ ବହୁମତ, ତଥାପି EVMକୁ ନେଇ ମନରେ ଛନକା
ନୂଆଦିଲ୍ଲୀ: ଜାରି ରହିଛି କେଜ୍ରି କ୍ରେଜ୍ । ଦିଲ୍ଲୀବାସୀଙ୍କ ଉପରେ ପଡ଼ୁନି ‘ପଦ୍ମ’ର ପ୍ରଭାବ । ଶନିବାର ସନ୍ଧ୍ୟାରେ ମତଦାନ ସରିବା ସହ ଆସିଛି ଏକଜିଟ୍ ପୋଲ । ସବୁ ଏକଜିଟ୍ ପୋଲରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଦଳ ଆମ୍ ଆଦମୀ ପାର୍ଟି(ଆପ)କୁ ବହୁମତ ମିଳିଛି । ମାନେ ଦ୍ୱିତୀୟ ଥର ଲାଗି ଦିଲ୍ଲୀରେ ଆପ୍ ସରକାର ଗଠନ କରୁଥିବା ଆକଳନ କରିଛନ୍ତି ସମସ୍ତେ । ତେବେ, ଦଳ ଇଭିଏମକୁ ନେଇ ଟେନସନରେ ଅଛି । ବିଜେପି ଇଭିଏମରେ ଗଡ଼ବଡ଼ କରି ନିର୍ବାଚନ ଫଳକୁ ଏପଟ ସେପଟ କରିପାରେ ବୋଲି ଆଶଙ୍କା କରୁଛି ଦଳ । ସେଥିପାଇଁ ଦଳର କାର୍ଯ୍ୟକର୍ତ୍ତା ଆସନ୍ତା ୧୧ ତାରିଖରେ ହେବାକୁ ଥିବା ଭୋଟ୍ ଗଣନା ପର୍ଯ୍ୟନ୍ତ ଇଭିଏମ୍ ଥିବା ଷ୍ଟ୍ରଙ୍ଗ ରୁମ୍ ଉପରେ ନଜର ରଖିବେ । ମତଦାନ ପରେ କେଜ୍ରିୱାଲଙ୍କ ବାସଭବନରେ ବସିଥିବା ବୈଠକରେ ଏହି ନିଷ୍ପତ୍ତି ହୋଇଛି ।
AAP's Sanjay Singh after meeting at Delhi CM Arvind Kejriwal's residence on security of EVMs: EVMs that should be taken directly to strong room after getting sealed,are still with some officers. It is an incident of Babarpur.A similar incident is being reported from Vishwas Nagar https://t.co/njPcQ8yyZS pic.twitter.com/U13rLRDa5H
— ANI (@ANI) February 8, 2020
ବୈଠକ ପରେ ଆପ୍ ନେତା ସଂଜୟ ସିଂହ ସ୍ୱଚ୍ଛ ନିର୍ବାଚନ ନେଇ ପ୍ରଶ୍ନ ଉଠାଇଛନ୍ତି । ଦିଲ୍ଲୀର ବାବରପୁରରେ ଭୋଟିଂ ସରିବା ପରେ ବି ଇଭିଏମ୍ ଜମା କରାଯାଇ ନଥିବା ଅଭିଯୋଗ ଆଣିଛନ୍ତି ସଂଜୟ । ସମାନ ଘଟଣା ବିଶ୍ୱାସ ନଗରରେ ମଧ୍ୟ ହୋଇଥିବା ସଂଜୟ ଅଭିଯୋଗ କରିଛନ୍ତି ।
चुनाव आयोग इस घटना का संज्ञान ले ये किस जगह EVM उतारी जा रही है आस पास तो कोई सेंटर है नही। pic.twitter.com/zQz7Ibaoe7
— Sanjay Singh AAP (@SanjayAzadSln) February 8, 2020
ଇଭିଏମ ଜାଲିଆତି ରୋକିବାକୁ ଦଳ ସବୁ ବିଧାୟକ ଓ ନେତାଙ୍କୁ ଷ୍ଟ୍ରଙ୍ଗ୍ ରୁମ ବାହାରେ ନିଜ କର୍ମୀଙ୍କୁ ରହିବାକୁ କହିଛି । ଭୋଟ୍ ଗଣତି ଯାଏଁ କର୍ମୀମାନେ ଇଭିଏମ୍ ଉପରେ ତୀକ୍ଷଣ ନଜର ରଖିବେ । ଏଥିସହ ସଂଜୟ ସିଂହ ନିଜ ଟ୍ୱିଟର ହ୍ୟାଣ୍ଡେଲରୁ ଏକ ଭିଡିଓ ଟ୍ୱିଟ୍ କରିଛନ୍ତି । ଦିଲ୍ଲୀର ଏକ ଟ୍ରାଫିକରେ ଯେଉଁ ସ୍ଥାନରେ କୌଣସି ଷ୍ଟ୍ରଙ୍ଗ ରୁମ୍ ନାହିଁ, ସେଠାରେ ବସରୁ ଇଭିଏମ୍ କଢ଼ା ଯାଉଥିବା ନେଇ ସେ ଅଭିଯୋଗ କରିଛନ୍ତି ।