ହାଇଦ୍ରାବାଦ: ଦେଶରେ ଲକ୍ ଡାଉନ୍ କାରଣରୁ ହଜାର ହଜାର ଲୋକ ବିଭିନ୍ନ ଅଞ୍ଚଳରେ ଫସି ରହିଛନ୍ତି ଏବଂ ଅପେକ୍ଷା କରିଛନ୍ତି କେବେ ସେମାନେ ନିଜ ଘରକୁ ଫେରିବେ। ଏପରି ପରିସ୍ଥିତିରେ ତେଲେଙ୍ଗାନାରେ ଏମିତି ଏକ ଘଟଣା ଦେଖିବାକୁ ମିଳିଛି ଯାହା ପ୍ରମାଣ କରୁଛି ଯେ, ମା’ର ମମତା ଆଗରେ କୌଣସି ପ୍ରତିବନ୍ଧକ କିଛି ମଧ୍ୟ ମୂଲ୍ୟ ରଖେନା ।  ତେଲେଙ୍ଗାନାର  ଜଣେ ମା ନିଜ ପୁଅକୁ ଘରକୁ ଆଣିବା ପାଇଁ ସ୍କୁଟିରେ ୧୪୦୦ କିଲୋମିଟର ଯାତ୍ରା କରିଛନ୍ତି | ସେ ସୋମବାର ନିଜାମାବାଦରୁ ଆନ୍ଧ୍ରପ୍ରଦେଶର ନେଲୋର ଅଭିମୁଖେ ଯାଇ ବୁଧବାର ସନ୍ଧ୍ୟାରେ ପୁଅକୁ ସାଙ୍ଗରେ ଧରି ଘରକୁ ଫେରିଥିଲେ। ନିଜାମାବାଦରୁ ନେଲୋର ପର୍ଯ୍ୟନ୍ତ ଦୂରତା ପ୍ରାୟ ୭୦୦ କିଲୋମିଟର |

୪୮ ବର୍ଷ ବୟସ୍କା ମହିଳା ରଜିଆ ବେଗମ୍ ଙ୍କର ଦୁଇ ପୁଅକୁ ଛାଡ଼ିଦେଲେ ଦୁନିଆରେ ଆଉ କେହି ନାହାଁନ୍ତି। ୧୫ ବର୍ଷ ପୂର୍ବେ ସ୍ୱାମୀଙ୍କର ମୃତ୍ୟୁ ହୋଇଥିଲା। ବଡ ପୁଅ ଇଞ୍ଜିନିୟରିଂ ରେ ଡିଗ୍ରୀ କରିଥିବା ବେଳେ ସାନ ପୁଅ ନିଜାମୁଦ୍ଦିନଙ୍କର ପାଠ ପାଠପଢି ଡାକ୍ତର ହେବାର ସ୍ବପ୍ନ ରହିଛି।

ଲକ୍ ଡାଉନ୍ ପାଇଁ ପୁଅ ଘରକୁ ଫେରି ପାରୁନଥିବାରୁ ପୁଅକୁ ଘରକୁ ଫେରାଇ ଆଣିବା ପାଇଁ ସେ ମନସ୍ଥ କରିଥିଲେ। ରାତିରେ ରୁଟି ପ୍ୟାକ୍ କରି ସ୍କୁଟିରେ ବାହାରି ଆସିଲେ ପୁଅକୁ ଫେରାଇ ଆଣିବା ପାଇଁ। ରାତିରେ ଟ୍ରାଫିକ୍ ନଥିଲା, ଶୁନଶାନ୍ ରାସ୍ତାରେ ଏକୁଟିଆ ସ୍କୁଟିରେ ଯିବା ତାଙ୍କୁ ଭୟବିତ ମଧ୍ୟ କରିଥିଲା। କିନ୍ତୁ ସେ ସାହସ ହରାଇଲେ ନାହିଁ।

ନିଜାମୁଦ୍ଦିନ ଜଣେ ସାଙ୍ଗକୁ ଛାଡିବାକୁ ଯାଇଥିବାବେଳେ ଲକ୍ ଡାଉନ୍ କାରଣରୁ ସେଠାରେ ଅଟକି ଯାଇଥିଲେ | ରଜିଆ ବେଗମ୍ ନିଜ ରିପୋର୍ଟ କରିଛନ୍ତି ଯେ, ନିଜାମୁଦ୍ଦିନ ତାଙ୍କ ବନ୍ଧୁଙ୍କୁ ଛାଡିବାକୁ ୧୨ ମାର୍ଚ୍ଚରେ ନେଲୋର ଯାଇଥିଲେ। ଏହି ସମୟରେ କରୋନା ଭାଇରସ୍ କାରଣରୁ ଲକ୍ ଡାଉନ୍ ହେଇଗଲା ଏବଂ ସେ ଫେରି ପାରିଲା ନାହିଁ | ମୁଁ ବଡ ପୁଅକୁ ପଠାଇ ପାରିଲି ନାହିଁ, କାରଣ ଭୟ ଲାଗୁଥିଲା କାଳେ ପୁଅକୁ ପୋଲିସ ଗିରଫ କରିନେବ। | ତେଣୁ ସେ ନିଜେ ଯିବାକୁ ସ୍ଥିର କରିଥିଲେ। ତାଙ୍କର ଏହି ଅସୁବିଧାକୁ ସେ ସ୍ଥାନୀୟ ପ୍ରଶାସନ ଏବଂ ଏସିପିଙ୍କ ନିକଟରେ ଜଣାଇଥିଲେ। ଯାତ୍ରା କରିବାକୁ ଅନୁମତି ଦେବା ପରେ ସେ ଏକ ପାସ୍ ନେଇ ପୁଅଙ୍କୁ ଆଣିବାପାଇଁ ବହାରିପଡିଥିଲେ।

କରୋନା ପାଇଁ ୟୁଟ୍ୟୁବ୍ ଏକ ବଡ଼ ନିଷ୍ପତି ନେଇଛି। ୟୁଟ୍ୟୁବ୍ ତାର ସମସ୍ତ ପ୍ରିୟମ ସୋ କୁ ଉପଭୋକ୍ତାଙ୍କ ପାଇଁ ମାଗଣା କରିଦେଇଛି। ଯେଉଁ ସୋ ଗୁଡିକ ପାଇଁ ପୂର୍ବରୁ ୟୁଟ୍ୟୁବ୍ ପଇସା ନେଉଥିଲା ଏବେ ସେହି ସୋ ଗୁଡିକୁ ମାଗଣାରେ ଲୋକେ ଦେଖିପାରିବେ। ଏଥିରେ ଏସ୍କେପ୍ ଦି ନାଇଟ୍, ଷ୍ଟେପ୍ ଅପ୍: ହାଇ ୱାଟର୍ ଏବଂ ଇମ୍ପୁଲସ୍ ଭଳି ସୁପରହିଟ ସୋ ସବୁ ରହିଛି।

ପୂର୍ବରୁ ଏହି ଶୋଗୁଡ଼ିକ କେବଳ ୟୁଟ୍ୟୁବ୍ ପ୍ରିମିୟମ୍ ଗ୍ରାହକମାନଙ୍କ ପାଇଁ ଉପଲବ୍ଧ ଥିଲା । କମ୍ପାନୀ ବୁଧବାର ଠାରୁ ମାଗଣା ଦେବା ଆରମ୍ଭ କରିଛି ଏବଂ ଏହା ସୀମିତ ସମୟ ପାଇଁ ଉପଲବ୍ଧ ହେବ । ତେବେ ୟୁଟ୍ୟୁବ ଏଥିପାଇଁ ଏକ ନିର୍ଦ୍ଦିଷ୍ଟ ତାରିଖ ଘୋଷଣା କରି ନାହିଁ।

କରୋନା ମହାମାରୀ ପାଇଁ ୟୁଟ୍ୟୁବ୍ ଦ୍ୱାରା ମାଗଣାରେ ଦିଆଯାଉଥିବା ଶୋଗୁଡ଼ିକ ୟୁଟ୍ୟୁବ୍ ପ୍ରିମିୟମ୍ ସବସ୍କ୍ରିପସନ୍ ର ଏକ ଅଂଶ । ଭାରତରେ ଏହାର ମୂଲ୍ୟ ମାସକୁ 129 ଟଙ୍କା । ତେବେ, ବର୍ତ୍ତମାନ ବିଶ୍ୱର ଅଧିକାଂଶ ଲୋକ ଘରେ ବନ୍ଦୀ ଅଛନ୍ତି। ଏହି କାରଣରୁ ଏଭଳି ନିଷ୍ପତି ନେଇଛି ୟୁଟ୍ୟୁବ୍।

ୟୁଟ୍ୟୁବର ସର୍ବଭାରତୀୟ ମୁଖ୍ୟ ସୁଜାନେ ଡାନିଏଲ୍ସ କହିଛନ୍ତି ଯେ ୟୁଟ୍ୟୁବରେ ଫ୍ୟାନ୍-ପ୍ରିୟ ସୋ ଗୁଡ଼ିକ ବର୍ତ୍ତମାନ ମାଗଣା ଷ୍ଟ୍ରିମିଂ ପାଇଁ ଉପଲବ୍ଧ ।

କରୋନା, ଯାହାର କରାଳ ରୂପ ଚୀନର ଉହାନ ସହରରୁ ଆରମ୍ଭ ହୋଇଥିଲା। ଏହି ଭାଇରସ ମଣିଷ ଠାରୁ ମଣିଷକୁ ବ୍ୟାପୁଥିବାରୁ ଜାନୁଆରୀ ୨୩ରେ ଉହାନରେ ଲକଡାଉନ୍ ଘୋଷଣା କରାଯାଇଥିଲା । ତେବେ ୭୬ ଦିନର ଏହି ଲକଡାଉନ ୮ ଏପ୍ରିଲରେ ଶେଷ ହୋଇଛି। ଏହି ଲକଡାଉନକୁ ନେଇ ସୃଷ୍ଟି ହୋଇଛି ଅନେକ କାହାଣୀ । ଯାହାକୁ ଶୁଣିଲେ ହୁଏତ ଆପଣ ମାନଙ୍କୁ ଯେତିକି ଆଶ୍ଚର୍ଯ୍ୟ ଲାଗିବ ସେତିକି ଖୁସି ମଧ୍ୟ ଲାଗିବ। ତେବେ ଏହି ଲକଡାଉନ ନେଇ ଅନେକ ଲୋକ ନିଜର ଅନୁଭୂତି ବାଣ୍ଟୁଛନ୍ତି । ସେହିପରି ଆମେ ଆପଣଙ୍କୁ ଜଣେ ଭାରତୀୟ ବ୍ୟକ୍ତିଙ୍କ ବିଷୟରେ କହିବାକୁ ଯାଉଛୁ, ଯିଏ ଉହାନ ସହରରେ ରହିବାକୁ ସାହସ ଦେଖାଇଥିଲେ ଯେଉଁ ସମୟରେ କରୋନା ଭାଇରସ ସେଠାରେ ହାହାକାର ମଚାଇଥିଲା। ସେ ସେହି ସମୟରେ ଭାରତକୁ ଫେରିପାରିଥାନ୍ତେ କିନ୍ତୁ ନଫେରିବାକୁ ମାନସ୍ତ କରିଥିଲେ। ଆସନ୍ତୁ ଜାଣିବା ଏହି ନିଷ୍ପତ୍ତି ପଛରେ କାରଣ କ’ଣ ଥିଲା?

ଉହାନରେ ଥିବା ଭାରତୀୟ ନାଗରିକମାନେ କହିଛନ୍ତି ଯେ ସେମାନେ ବହୁତ ଖୁସି ଅଛନ୍ତି। ଲକଡାଉନ ସରିବାପରେ ସେ ଏବେ ଭଲ ଅନୁଭବ କରୁଛନ୍ତି । ବୁଧବାର, କେନ୍ଦ୍ରୀୟ ଚୀନ୍ ସହରରେ କର୍ତ୍ତୃପକ୍ଷ ୧୧ ମିଲିୟନ ଲୋକଙ୍କ ଉପରେ ଲାଗିଥିବା ପ୍ରତିବନ୍ଧକକୁ ହଟାଇ ଦେଇଛନ୍ତି। ବର୍ତ୍ତମାନ ସେମାନେ ଯେକୌଣସି  ସ୍ଥାନକୁ  ଯିବା ଆସିବା କରିପାରିବେ ।

ଉହାନରେ କାର୍ଯ୍ୟ କରୁଥିବା ହାଇଡ୍ରୋବାୟୋଲୋଜିଷ୍ଟ ଅରୁଣଜିତ୍ ଟି ସଥରାଜୀତ୍ ବହୁତ ଖୁସି ଅଛନ୍ତି। ସେ କହିଛନ୍ତି, ଲକଡାଉନ୍ ଖୋଲିବା ପରେ ମୁଁ ଖୋଲାଖୋଲି ଭାବେ କହିବାକୁ ସକ୍ଷମ, କାରଣ ଏତେ ଦିନ ପର୍ଯ୍ୟନ୍ତ ମୋ ସହ କଥା ହେବାକୁ କେହି ନଥିଲେ। ସମସ୍ତେ ଘର ଭିତରେ ରହୁଥିଲେ।

ସେ ଏହା ମଧ୍ୟ କହିଛନ୍ତି ଭାରତ ଉହାନ ସହରରେ ଫସି ରହିଥିବା ଭାରତୀୟମାନଙ୍କୁ ନେବା ପାଇଁ ବିମାନ ପଠାଇଥିଲା, ସେତେବେଳେ ଅରୁଣଜିତ୍ ଉହାନରେ ରହିବାକୁ ନିଷ୍ପତ୍ତି ନେଇଥିଲେ। କାରାଣ ସେ କହିଛନ୍ତିଯେ ଅସୁବିଧାରେ ପଡ଼ିବା ସମୟରେ ଛାଡି ପଳାୟନ କରିବା ଭାରତୀୟଙ୍କ ପାଇଁ ଆଦର୍ଶ ନୁହେଁ।

ଅନ୍ୟପକ୍ଷରେ, ଅରୁଣଜିତ୍ ବହୁତ ଭଲ ଭାବରେ ଜାଣିଥିଲେ ଯେ ଯଦି ସେ ଭାରତକୁ ଫେରିଯାଆନ୍ତି, ତେବେ ହୁଏତ କରୋନା ତାଙ୍କ ସହ ଭାରତକୁ ଯାଇପାରେ। ଏଭଳି ପରିସ୍ଥିତିରେ ସେ ଉହାନରେ ରହିବାପାଇଁ ମନସ୍ତ କରିଥିଲେ।

ଅରୁଣଜିତ କହିଛନ୍ତି ଯେ ଲକଡାଉନ ସମୟରେ ଏହାକୁ ଉହାନରେ କଡାକଡି ଭାବେ ପାଳନ କରାଯାଇଥିଲା। ମୁଁ ପ୍ରାୟ ୭୨ ଦିନ ମୋ ରୁମରେ ତାଲା ପକାଇ ଦେଇଥିଲି । ମୋର ପଡ଼ୋଶୀଙ୍କର ତିନୋଟି ଛୋଟ ପିଲା ଅଛନ୍ତି । ମୁଁ ତାଙ୍କ ଫ୍ଲାଟରୁ ଥରେ ବି ବାହାରକୁ ଆସିଥିବାର ଦେଖି ନଥିଲି ।

କରୋନା ଭାଇରସଠୁ ଜିତିବା ପାଇଁ ବର୍ତ୍ତମାନ ସାରା ଦେଶରେ ଲକଡାଉନ୍ ଜାରିକରାଯାଇଛି। ଲକଡାଉନ ପାଇଁ ୧୦୦ କୋଟିରୁ ଅଧିକ ଲୋକ ସେମାନଙ୍କ ଘରେ ଅଛନ୍ତି ଏବଂ ସରକାରଙ୍କ ନିର୍ଦ୍ଦେଶ ପାଳନ କରିବାକୁ ଚେଷ୍ଟା କରୁଛନ୍ତି। କିନ୍ତୁ ମହାରାଷ୍ଟ୍ରରେ ଏବେ ଲକଡାଉନ ସମୟରେ ଭିଆଇପି ଏଣ୍ଟ୍ରି ପାସ୍ ନେଇ ପୁରା ସିଷ୍ଟମ ଉପରେ  ପ୍ରଶ୍ନବାଚୀ ଘେରରେ। ଦିୱାନ ହାଉସିଂ ଫାଇନାନ୍ସ ଲିମିଟେଡ (ଡିଏଚଏଫଏଲ)ର ପ୍ରମୋଟରମାନେ କପିଲ ଏବଂ ଧୀରଜ ବଧାବନ ଲକଡାଉନ ଭାଙ୍ଗି ମହାବଲେଶ୍ୱର ବୁଲିବାକୁ  ଯାଇଥିଲେ। ଯାହାକୁନେଇ ପ୍ରଶାସନ ଏବେ ଅଡ଼ୁଆରେ ପଡ଼ିଛି।

ସୂଚନା ଅନୁଯାୟୀ, ଡିଏଚଏଫଏଲ ର ପ୍ରମୋଟର ତାଙ୍କ ପରିବାର ସହିତ ଏବଂ କିଛି ସାହାଯ୍ୟକାରୀଙ୍କ ସହିତ ମହାବଲେଶ୍ୱର ବୁଲିବା ପାଇଁ ଯାଇଥିଲେ । ଯେତେବେଳେ ସେ ମହାବାଲେଶ୍ୱରରେ ଥିବା ତାଙ୍କ ବଙ୍ଗଳାରେ ପହଞ୍ଚିଥିଲେ, ସେତେବେଳେ ତାଙ୍କ ଆସିବାକୁ ନେଇ ସ୍ଥାନୀୟ ଲୋକେ ପୋଲିସକୁ ସୂଚନା ଦେଇଥିଲେ। ଯାହାପରେ ପୋଲିସ ସେଠାରେ ପହଞ୍ଚି ସେମାନଙ୍କୁ ଲକଡାଉନ ସମୟରେ ଆସିବର କାରଣ ପଚାରିଥିଲେ।

ପଚରାଉଚରା ବେଳେ ପୋଲିସର ପ୍ରଶ୍ନ ଉପରେ ଧିରଜ ବଧାବନ ଡାକ୍ତରୀ ଜରୁରୀକାଳୀନ କାରଣ ଦର୍ଶାଇଥିଲେ। କିନ୍ତୁ ପରେ ପୋଲିସ ସମସ୍ତଙ୍କୁ କ୍ୱାରେଣ୍ଟାଇନକୁ ନେଇ ଯାଇଥିଲା ଏବଂ ଲକଡାଉନ ଉଲ୍ଲଂଘନ ପାଇଁ ମାମଲା ମଧ୍ୟ ପଞ୍ଜିକୃତ ହୋଇଥିଲା। ସମସ୍ତ ୨୩ଜଣଙ୍କ ବିରୁଦ୍ଧରେ ୧୮୮ ଏବଂ ୫୧ ଅନୁଯାଇ ମାମଲା ରୁଜୁ କରାଯାଇଛି।

ସେପଟେ ଏନେଇ ବିରୋଧୀଙ୍କ ପ୍ରଶ୍ନର ଶିକାର ହୋଇଛନ୍ତି ସରକାର । ବିରୋଧୀ ଦଳରୁ ଉଦ୍ଧବ ସରକାରଙ୍କ ଉପରେ ଆକ୍ରମଣ ତୀବ୍ର ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଧ୍ୟ ଏଭଳି ଭିଆଇପି ଚିକିତ୍ସା ଉପରେ ପ୍ରଶ୍ନ ଉଠାଇଛନ୍ତି । ଏହି ସମୟରେ, ତଦନ୍ତ ବେଳେ ଜଣାପଡିଛି ​​ଯେ ସରକାରଙ୍କ ଅନୁମତି ପାଇବା ପରେ ବଧାବନ ଏବଂ ତାଙ୍କ ସାଙ୍ଗରେ ଆସିଥିବା ସଦସ୍ୟ ମାନେ ମହାବଲେଶ୍ୱରଙ୍କୁ ଦର୍ଶନ କରିବାକୁ ଆସିଥିଲେ।
ଯେତେବେଳେ ପୋଲିସ ବଧାବନ ମହାବଲେଶ୍ୱର ଆସିବାର କାରଣ ପଚାରିଲା, ସେତେବେଳେ ସେମାନଙ୍କ ତରଫରୁ ଏକ ଚିଠି ଦେଖାଯାଇଥିଲା। ଯେଉଁ ଚିଠି ମହାରାଷ୍ଟ୍ରର ମୁଖ୍ୟ ଶାସନ ସଚିବ (ଗୃହ) ଅମିତାଭ ଗୁପ୍ତାଙ୍କ ଦ୍ୱାରା ୮ ଏପ୍ରିଲରେ ଦିଆଯାଇଥିଲା ।

ଯେଉଁଥିରେ ଲେଖାଥିଲା ଯେ ୱାଧାବନ ପରିବାର ତାଙ୍କର ପରିଚିତ, ପରିବାରର କିଛି ଜରୁରୀକାଳୀନ ପରିସ୍ଥିତି ଯୋଗୁଁ ସେ ମହାବଲେଶ୍ୱର ଯାଉଛନ୍ତି, ଏପରି ପରିସ୍ଥିତିରେ ତାଙ୍କୁ ଯିବାକୁ ଦିଅନ୍ତୁ। କିନ୍ତୁ ଯେତେବେଳେ ପୋଲିସ ତାଙ୍କ ଫାର୍ମ ହାଉସରେ ପହଞ୍ଚିଥିଲା ସେତେବେଳେ ସେପରି ପରିସ୍ଥିତି କିଛି ନଥିଲା।

ଏହାକୁ ନେଇ ବିବାଦ ବଢୁଥିବା ଦେଖି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମଧ୍ୟ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ସେ ସଙ୍ଗେ ସଙ୍ଗେ ମହାରାଷ୍ଟ୍ର ପୋଲିସର ଡିଜିପିଙ୍କ ସହ କଥା ହୋଇ ସମଗ୍ର ଘଟଣା ବାବଦରେ ଜାଣିଥିଲେ ।

ଏହା ପରେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ସୂଚନା ଦେଇଛନ୍ତି ଯେ ମାମଲାର ସମ୍ପୂର୍ଣ୍ଣ ଯାଞ୍ଚ ନହେବା ପର୍ଯ୍ୟନ୍ତ ଅମିତାଭ ଗୁପ୍ତାଙ୍କୁ ଛୁଟିରେ ପଠାଯାଇଛି ଏବଂ ବର୍ତ୍ତମାନ ତାଙ୍କ ଚିଠିର ତଦନ୍ତ ଚାଲିଛି।

ନୂଆଦିଲ୍ଲୀ: ଜାରି ରହିଛି କରୋନା ରାଜୁତି । ସାରା ବିଶ୍ୱରେ ଏଯାବତ୍ ମୋଟ ୧୬ ଲକ୍ଷ ୪ ହଜାର ୮୯୯ ଜଣଙ୍କ କବଳିତ କରିସାରିଲାଣି କରୋନା । ୯୫ ହଜାରରୁ ଊର୍ଦ୍ଦ୍ୱ ଲୋକ ମୃତ୍ୟୁବରଣ କଲେଣି । ଆଉ ୩ ଲକ୍ଷ ୫୬ ହଜାର ୬୭୩ ଜଣ ଲୋକ  କରୋନା କବଳରୁ ବର୍ତ୍ତିଗଲେ । ଯେଉଁମାନେ ଏବେ ଅନ୍ୟ ଆକ୍ରାନ୍ତଙ୍କ ପାଇଁ ପାଲଟଛି ଆଶା ।

ଆମେରିକାରେ ହୁ ହୁ ହୋଇ ଦିନ ପ୍ରତିଦିନ ବଢ଼ିବାରେ ଲାଗିଛି ଆକ୍ରାନ୍ତଙ୍କ ସଂଖ୍ୟା । ମୋଟ ୪ଲକ୍ଷ ୬୮ ହଜାର ୮୮୭ ଜଣଙ୍କ ଲୋକେ ଆକ୍ରାନ୍ତ ହେଲେଣି । ଇତିମଧ୍ୟରେ ୧୬ ହଜାର ୬୯୭ ଜଣଙ୍କ ମୃତ୍ୟୁ ମଧ୍ୟ ଘଟିଲାଣି । ସ୍ପେନ୍‌ ଓ ଇଟାଲୀରେ ମଧ୍ୟ ଜାରି ରହିଛି କରୋନାର ତାଣ୍ଡବ । ସ୍ପେନ୍‌ରେ ମୋଟ ୧ ଲକ୍ଷ ୫୩ ହଜାର ୨୨୨ ଜଣ ଆକ୍ରାନ୍ତ ହୋଇଥିବା ବେଳେ ୧୫ ହଜାର ୪୪୭ ଜଣଙ୍କ ମୃତ୍ୟୁ ଘଟିଛି । ସେହିପରି ଏବେ ମଧ୍ୟ ଇଟାଲୀରେ ମୃତ୍ୟୁ ତାଣ୍ଡବ ଜାରି ରହିଛି । ସାରା ବିଶ୍ୱରେ କରୋନା ଯୋଗୁଁ ଇଟାଲୀରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଛି । ସେଠାରେ ଏଯାବତ୍‌ ମୋଟ ୧୮ ହଜାର ୨୭୯ ଜଣଙ୍କ ମୃତ୍ୟୁ ହୋଇଥିବା ବେଳେ  ୧ ଲକ୍ଷ ୪୩ ହଜାର ୬୨୬ ଜଣ ଆକ୍ରାନ୍ତ ହୋଇଛନ୍ତି ।

ଅପରପକ୍ଷରେ ଦେଶରେ ମୋଟ ୬ ହାଜର ୭୨୫ ଜଣ ଆକ୍ରାନ୍ତ ହୋଇଥିବା ବେଳେ ୨୨୭ ଜଣଙ୍କ ମୃତ୍ୟୁ ଘଟିଲାଣି । ଆଉ ୬୩୫ ଜଣ ସୁସ୍ଥ ହେଲେଣି ।