ନନ୍ଦିଘୋଷ ବ୍ୟୁରୋ : ବୌଦ୍ଧରେ ପଥର ମାଫିଆଙ୍କ ରାଜ୍ । ଚାଲିଛି ବେଧଡ଼କ ପଥର ବ୍ଲାଷ୍ଟିଂ । ଧୂଳିଧୂଆଁରେ ଆକ୍ତାମାକ୍ତ ଲୋକେ । ବାହାରକୁ ହେଉଛି ଟ୍ରିପ ଟ୍ରିପ ପଥର ଚୋରା ଚାଲାଣ । ନିଘୋଡ଼ ନିଦରେ ପ୍ରଶାସନ ।… ଖରଭୂଇଁ ଅଞ୍ଚଳର ବିଭିନ୍ନ ପଥର କୁଆଁରୀରେ ବିନା ଅନୁମତିରେ ବ୍ଲାଷ୍ଟିଂ ହେଉଥିବା ଅଭିଯୋଗ ହୋଇଛି । ରାତିରେ ପାହାଡ଼ ଫଟାଇ ଜେସିବି ସହାୟତାରେ ପଥର ଉଠାଉଛନ୍ତି ମାଫିଆ । ଯେଉଁଥିରେ ପରିବେଶ ନଷ୍ଟ ହେବା ସହ ସରକାର କୋଟିକୋଟି ଟଙ୍କାର ରାଜସ୍ଵ ହରାଉଥିବା ଅଭିଯୋଗ ହୋଇଛି ।…
ଖଣି ବିଭାଗର ସୂଚନା ଅନୁଯାୟୀ, ଆଶୀର୍ବାଦ କନଷ୍ଟ୍ରକ୍ସନକୁ ପଥର ସଂଗ୍ରହ ପାଇଁ ଅନୁମତି ମିଳିଛି । କିନ୍ତୁ ବ୍ଲାଷ୍ଟିଂ ପାଇଁ କୌଣସି ଅନୁମତି ଦିଆଯାଇନାହିଁ । କିଛିଦିନ ତଳେ ଏନଫୋର୍ସମେଣ୍ଟ ଟିମ୍ ଚଢ଼ାଉ କରି ବିଭିନ୍ନ ସାମଗ୍ରୀ ଜବତ କରିଥିଲେ ମଧ୍ୟ ପୁଣି ବ୍ଲାଷ୍ଟିଂ ଚାଲୁଥିବା ଅଭିଯୋଗ ହୋଇଛି । ଅନ୍ୟପଟେ ଘଟଣାର ତଦନ୍ତ ଚାଲିଛି । ଖୁବଶୀଘ୍ର ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଅଧିକାରୀ ।…
ବିନା ଅନୁମତିରେ ପଥର ବ୍ଲାଷ୍ଟିଂ ଏବଂ ପଥର ଉତ୍ତୋଳନକୁ ନେଇ ବଢ଼ୁଛି ଚିନ୍ତା । ବେଆଇନ କାରବାର ଉପରେ କେବେ ଲାଗୁଛି ରୋକ ? କେବେ ଦୋଷୀଙ୍କ ବିରୋଧରେ ନିଆଯାଉଛି ଦୃଢ଼ କାର୍ଯ୍ୟାନୁଷ୍ଠାନ ? ତାହା ଦେଖିବାକୁ ବାକି ରହିଲା ।
