ବଙ୍ଗୋପସାଗର; ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ। ସକ୍ରିୟ ଘୂର୍ଣ୍ଣିବଳୟ ପ୍ରଭାବରେ ସୃଷ୍ଟି ହୋଇଛି ଲଘୁଚାପ। ଆସନ୍ତା ୨୪ ଘଣ୍ଟାରେ ଅଧିକ ଘନୀଭୂତ ହୋଇପାରେ ଲଘୁଚାପ। ଲଘୁଚାପଟି ଉତ୍ତର ଦିଗକୁ ଗତି କରିବା ସମ୍ଭାବନା ରହିଛି। ଏହାର ପ୍ରଭାବରେ ଉତ୍ତର ଓଡ଼ିଶାରେ ଭୀଷଣ ବର୍ଷା ହେବ। ଏନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର। ଲଘୁଚାପ ପ୍ରଭାବରେ ଆଜିଠୁ ସାରା ରାଜ୍ୟରେ ନନଷ୍ଟପ୍ ବର୍ଷା ହେବ। ଆଜିଠାରୁ ୧୮ ତାରିଖ ଯାଏ ରାଜ୍ୟରେ ବର୍ଷା ଜାରି ରହିବ ବୋଲି ସୂଚନା ଦେଇଛି ପାଣିପାଗ କେନ୍ଦ୍ର। ଆସନ୍ତା ୨୪ ଘଣ୍ଟାରେ ପ୍ରବଳରୁ ଅତି ପ୍ରବଳ ବର୍ଷା ନେଇ ୩ ଜିଲ୍ଲାକୁ ଅରେଞ୍ଜ ଓ୍ବାର୍ଣ୍ଣିଂ ଓ ୧୧ ଜିଲ୍ଲାରେ ପ୍ରବଳ ବର୍ଷା ନେଇ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି।
ମହଙ୍ଗା ପଡ଼ିଲା ପାନ ମସଲା ବିଜ୍ଞାପନ, ଶାହାରୁଖ-ଅଜୟ-ଟାଇଗରଙ୍କୁ ଏଫଡିଏ ନୋଟିସ୍
ନନ୍ଦିଘୋଷ ବ୍ୟୁରୋ; ମହଙ୍ଗା ପଡ଼ିଲା ତମାଖୁ କମ୍ପାନିର ବିଜ୍ଞାପନ। ଚଳଚ୍ଚିତ୍ର ତାରକା ଶାହାରୁଖ ଖାନ, ଅଜୟ ଦେବଗନ ଓ ଟାଇଗର ଶ୍ରଫଙ୍କ ବିରୋଧରେ ନୋଟିସ ଜାରି କଲା ଏଫଡିଏ। ମହାରାଷ୍ଟ୍ର ଫୁଡ ଆଣ୍ଡ ଡ୍ରଗ ଆଡମିନିଷ୍ଟ୍ରେସନ ବା ଏଫଡିଏ ପକ୍ଷରୁ ୩ ଜଣଙ୍କୁ ନୋଟିସ ଜାରି କରାଯାଇଛି। ରାଜ୍ୟରେ ନିଷିଦ୍ଧଘୋଷିତ ପାନ ମସଲା ଲାଗି ସେମାନେ ବିଜ୍ଞାପନରେ ସାମିଲ ହୋଇଥିବାରୁ ଏହି ନୋଟିସ ଜାରି କରାଯାଇଛି। ଏହି ପାନ ମସଲାର ବିକ୍ରି ଓ ପ୍ରମୋସନ ଉପରେ ନିଷେଧାଦେଶ ଜାରି କରିଥିଲା ମହାରାଷ୍ଟ୍ର ଏଫଡିଏ। ତଥାପି ସେମାନେ ନିର୍ଦ୍ଦେଶ ଉଲ୍ଲଂଘନ କରି ଏହାର ପ୍ରମୋସନ କରିଥିଲେ। ଫୁଡ ସେଫ୍ଟି ଆଣ୍ଟ ଷ୍ଟାଣ୍ଡାର୍ଡସ୍ ଆକ୍ଟ-୨୦୦୬ ଅନୁସାରେ ଏହି ନୋଟିସ ଜାରି ହୋଇଛି। ମହାରାଷ୍ଟ୍ରରେ ୨୦୧୨ରୁ ତମାଖୁ ଓ ନିକୋଟିନଯୁକ୍ତ ଗୁଟଖା ଓ ପାନ ନିଷିଦ୍ଧ କରାଯାଇଛି। ଏପରିକି ମହାରାଷ୍ଟ୍ର କଣ୍ଟ୍ରୋଲ ଅଫ ଅର୍ଗାନାଇଜଡ କ୍ରାଇମ ଆକ୍ଟ ବା MCOCA ଅନୁସାରେ ପୋଲିସ ଜରିଆରେ କାର୍ଯ୍ୟାନୁଷ୍ଠାନର ଅଧିକାର ପାଇଛି ଏଫଡିଏ ।
କୋଟି କୋଟି ଟଙ୍କା ଆୟ, ତଥାପି ଅବହେଳିତ କୋଣାର୍କ ସୂର୍ଯ୍ୟମନ୍ଦିର
କୋଣାର୍କ: କୋଟି କୋଟି ଟଙ୍କା ଆୟ ଥାଇ ବି କୋଣାର୍କ ସୂର୍ଯ୍ୟ ମନ୍ଦିର ଅବହେଳିତ । ଦୁଇ ମାସ ହେଲା ବନ୍ଦ ରହିଛି ବାଲି କଢ଼ା ପ୍ରକ୍ରିୟା। ଗତ ୪ ବର୍ଷରେ ୬ ଥର ଅନୁଧ୍ୟାନ ହୋଇଛି। ବାଲି କଢ଼ା ପାଇଁ ଧାର୍ଯ୍ୟ ସମୟ ସରିଗଲାଣି, କିନ୍ତୁ ବାସ୍ତବରେ କିଛି କାମ ନାହିଁ। ଗତ ଜୁନ୍ ୬ ତାରିଖରେ ASI ଡିଜି ୟଦୁବୀର ସିଂ ରାୱତ, ବୈଷୟିକ ଟିମ୍, କୋର୍ କମିଟି ଏବଂ IIT ଦିଲ୍ଲୀ-ମାଡ୍ରାସର ପ୍ରଫେସର ଆସି ୮୦ ଫୁଟ ଉପରେ କୋର୍ ଡ୍ରିଲ୍ ଯାଞ୍ଚ କଲେ । ବୈଷୟଟିମ୍ ନିଷ୍ପତ୍ତି ନେବେ ବୋଲି କହିଲେ, ହେଲେ ଏଯାଏଁ କୌଣସି ନିଷ୍ପତ୍ତି ନିଆଗଲା ନାହିଁ। ସେହିପରି ଗତ ୨୦୨୨ ସେପ୍ଟେମ୍ବର ୮ ତାରିଖରେ ହୋମଯଜ୍ଞ କରି ଲିଫ୍ଟ, ଟନେଲ ପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଲା । କାମ ଶେଷ ପର୍ଯ୍ୟାୟରେ ପହଞ୍ଚି ଏବେ ସମ୍ପୂର୍ଣ୍ଣ ଅଟକି ଯାଇଛି । ASI କହିଥିଲେ ବାଲି ବାହାରିଲେ ଜଗମୋହନ ଦ୍ୱାର ଖୋଲିବ। କିନ୍ତୁ ସେହି ଦିନ କେବେ ଆସିବ କେହି ଜାଣିନାହାଁନ୍ତି। ସାମାନ୍ୟ ବର୍ଷାରେ ସୂର୍ଯ୍ୟ ମନ୍ଦିର ପରିସର ପାଣିରେ ବୁଡିଯାଉଛି। ପର୍ଯ୍ୟଟକ ହଇରାଣ ହେଉଛନ୍ତି। ତେଣୁ କୋଣାର୍କ ମନ୍ଦିରରୁ ତୁରନ୍ତ ବାଲି କାଢ଼ିବାକୁ ଦାବି ହୋଇଛି।
ଦୁଇ ବର୍ଷ ହେଲା ସରୁନି ୬ ଥାକିଆ ରାସ୍ତା କାମ, ମରଣଯନ୍ତା ପାଲଟିଛି ରାସ୍ତା
ନନ୍ଦିଘୋଷ ବ୍ୟୁରୋ ; ସରୁନି କଟକ ୬ ଥାକିଆ ରାସ୍ତା କାମ । କଟକ ଧବଳେଶ୍ଵର ମଧୂସୁଦନ ସେତୁ ନିକଟରୁ ଚହଟା ପର୍ଯ୍ୟନ୍ତ ଦୁଇବର୍ଷ ହେଲା ଚାଲିଛି କାମ । ଏଥିପାଇଁ ରାସ୍ତା ଏପ୍ରକାର ମରଣଯନ୍ତା ପାଲଟିଲାଣି । ନିକଟରେ ବାଲିଭୂଆଷୁଣି ନିକଟରେ ରାସ୍ତାର ଗାର୍ଡ ୱାଲ ଭୂଷୁଡି ପଡିଥିଲା । ଯାହାର ମରାମତି ମଧ୍ୟ ଏଯାଏଁ ହୋଇପାରି ନାହିଁ । ପ୍ରତିଦିନ ଢେଙ୍କାନାଳ, ଅନଗୁଳ ଓ ସମ୍ବଲପୁର ଅଞ୍ଚଳର ଶହ ଶହ ଗାଡ଼ି ଏହି ରାସ୍ତାରେ ଯାଉଛି । ସେପଟେ ଠିକାଦାର ସଂସ୍ଥାକୁ ପୂର୍ବରୁ ତାଗିଦ କରାଯାଇଛି ଓ ଆଗକୁ ଏନେଇ ସେ ନିଜେ ଆଲୋଚନା କରିବେ ବୋଲି କହିଛନ୍ତି ମେୟର । କେବେ ସରିବ ୬ ଥାକିଆ ରାସ୍ତା । ଦୁଇବର୍ଷ ହେଲା ସରୁନି କାମ । ନିମ୍ନମାନର କାମ ଯୋଗୁଁ ଭୁଶୁଡୁଛି ରାସ୍ତା । କାମ ସରୁ ନଥିବାରୁ ପ୍ରତିଦିନ ଘଟୁଛି ଦୁର୍ଘଟଣା । କଟକ ଧବଳେଶ୍ଵର ପାଖ ମଧୂସେତୁ ନିକଟରୁ ଚହଟା ଯାଏଁ ୬ ଥାକିଆ ରାସ୍ତାର କାମ ପୂର୍ବ ସରକାର ସମୟରେ ଆରମ୍ଭ ହୋଇଥିଲା । ଏଥିପାଇଁ ଅନୁମୋଦନ ହୋଇଥିଲା ୫୬ କୋଟି ଟଙ୍କା । ହେଲେ ସରକାର ବଦଳିବା ପରେ ଏକପ୍ରକାର ଠପ୍ ହୋଇଛି କାମ । ଦୁଇବର୍ଷ ହେଲା ସରିବାର ନାଁ ନେଉନି । ନିମ୍ନ ମାନର କାମ ଓ ଠିକାଦାରର ମନମାନି ଯୋଗୁଁ ମରଣଯନ୍ତା ପାଲଟିଲାଣି ରାସ୍ତା । ନିକଟରେ ସାମାନ୍ୟ ବର୍ଷାରେ ବାଲି ଭୂଆଷୁଣୀ ନିକଟରେ ରାସ୍ତାର ଗାର୍ଡ ୱାଲ ଭାଙ୍ଗି ଯାଇଥିଲା । ତାର ମରାମତି ମଧ୍ୟ ଏ ଯାଏଁ ହୋଇ ନାହିଁ । ଢେଙ୍କାନାଳ, ଅନୁଗୋଳ, ସମ୍ବଲପୁର, ଆଠଗଡ ଅଞ୍ଚଳରୁ ଶହ ଶହ ଗାଡ଼ି ଏହି ରାସ୍ତାରେ ପ୍ରତିଦିନ ଯାତାୟାତ କରନ୍ତି । ରାସ୍ତା ଖାଲଢେପ ଯୋଗୁଁ ଅନେକ ସମୟରେ ଦୁର୍ଘଟଣା ଘଟୁଥିବା ଅଭିଯୋଗ ହୋଇଛି । ରାସ୍ତାକାମକୁ ନେଇ ଅନେକ ଥର କଟକ ମେୟର ଓ ବାରବାଟୀ-କଟକ ବିଧାୟିକା ସମୀକ୍ଷା କରିଛନ୍ତି । ରାସ୍ତାର ଅବସ୍ଥା ନେଇ ମେୟର ଚିନ୍ତା ପ୍ରକଟ କରିଛନ୍ତି । ଶ୍ରାବଣ ମାସରେ ଶହ ଶହ ବୋଲବମ ଭକ୍ତ ଧବଳେଶ୍ଵର ଓ ସିଦ୍ଧେଶ୍ଵର ଯାଉଛନ୍ତି । ତେଣୁ ଏ ନେଇ R&B କୁ ଚିଠି ଲେଖି ଅବଗତ କରାଯାଇଛି । ତୁରନ୍ତ ରାସ୍ତାର ମରାମତି କରି କରିବାକୁ ଚିଠିରେ ତାଗିଦ କରାଯାଇଛି । କଟକର ଏକ ଲାଇଫ ଲାଇନ ଭଳି ଏବେ କାମ କରୁଥିବା ମଧୂସୁଦନ ସେତୁରୁ ଚହଟା ରାସ୍ତା କଥା ସରକାର ଓ ବିଭାଗ ଚିନ୍ତା ନକଲେ ଆଗକୁ ଏହା ଜନଜୀବନକୁ ବିପଦରେ ପକାଇବ ବୋଲି କହିଛନ୍ତି ବୁଦ୍ଧିଜୀବୀ ।
ତ୍ରିରଙ୍ଗା ଉତ୍ତୋଳନ ପୂର୍ବରୁ ଅଘଟଣ: ପିଲାଙ୍କୁ ଧକ୍କା ଦେଲା ଦ୍ରୁତଗାମୀ କାର୍
ବରଗଡ଼; ସ୍ୱାଧୀନତା ଦିବସ ପାଳନ ପାଇଁ ଘରୁ ବାହାରି ସ୍କୁଲ ଯିବା ରାସ୍ତାରେ ସ୍କୁଲ ଛାତ୍ରଛାତ୍ରୀଙ୍କୁ ଧକ୍କା ଦେଲା କାର। ଦୁର୍ଘଟଣାରେ ୫ ଆହତ ଛାତ୍ରଛାତ୍ରୀଙ୍କୁ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବରପାଲିପଟୁ ଦ୍ରୁତ ଗତିରେ ଆସୁଥିବା ଏକ କାର ବରଗଡ଼ ସଦର ବ୍ଲକ ଅନ୍ତର୍ଗତ ଚାରପାଲି ଠାରେ ପିଲାଙ୍କୁ ଧକ୍କା ଦେଇଥିଲା। ଘଟଣା ସ୍ଥଳରେ ସଦର ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି। ଦୁର୍ଘଟଣାରେ ଜଣଙ୍କର ହାଡ଼ ଭାଙ୍ଗିଥିବା ସୂଚନା ମିଳିଛି।
ମହିଳା ସଂରକ୍ଷଣ ବିଲ୍ କାହିଁକି ଲାଗୁ ହେଉନି? ସରକାରଙ୍କୁ ଦେବୀ ମିଶ୍ରଙ୍କ ପ୍ରଶ୍ନ
ଭୁବନେଶ୍ଚର; ଚଳିତ ବର୍ଷ ଲାଗୁକର ମହିଳା ସଂରକ୍ଷଣ ବିଲ । ମହିଳା ସଂରକ୍ଷଣ ବିଲକୁ ତୁରନ୍ତ ଲାଗୁ କରାଯାଉ ବୋଲି ବିଜେଡିର ବରିଷ୍ଠ ଉପସଭାପତି ଦେବୀ ମିଶ୍ର ଦାବି କରିଛନ୍ତି । ମୁଖ୍ୟମନ୍ତ୍ରୀଙ୍କୁ ସେ ପ୍ରଶ୍ନ କରିଛନ୍ତି ଯେ, ୨୦୨୩ରେ ମହିଳା ସଂରକ୍ଷଣ ବିଲ ପାସ ହୋଇଛି ତାହାକୁ କାର୍ଯ୍ୟକାରୀ କାହିଁକି କରାଯାଉ ନାହିଁ ? ସଂରକ୍ଷଣ ଆଳ କାହିଁକି ଦେଖାଉଛନ୍ତି ସରକାର ? ନବୀନ ପଟ୍ଟନାୟକ ମହିଳା ସଂରକ୍ଷଣର ପାୟୋନିୟର । ବିଜୁ ବାବୁ ବି ମହିଳା ସଂରକ୍ଷଣର ପ୍ରବାଦ ପୁରୁଷ । ସେ ପୌରାଞ୍ଚଳ ଓ ପଞ୍ଚାୟତ ୫୦ ପ୍ରତିଶତ ସଂରକ୍ଷଣ ଲାଗୁକରିଥିଲେ । ମହିଳା ସଂରକ୍ଷଣ ପାଇଁ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ସବୁ ରାଜନୈତିକ ଦଳର ସହଯୋଗ ଲୋଡିଥିଲା ବିଜେଡି । ସବୁ ରାଜ୍ୟ ଗସ୍ତ କରି ସମର୍ଥନ ହାସଲ କରିଥିଲା ବିଜେଡି । ନବୀନ ପଟ୍ଟନାୟକ ଦାବି କରିବାରୁ ସଂସଦରେ ବିଲ ପାରିତ ହୋଇଥିଲା । ତୁରନ୍ତ ଏହି ସଂରକ୍ଷଣ ଲାଗୁ କରିବାକୁ ଏବେ ବି ସବୁଦଳ ଦାବି କରୁଛନ୍ତି । ସେପଟେ ୨୦୨୩ରେ ପାରିତ ମହିଳା ସଂରକ୍ଷଣ ବିଲ ସରକାର ତୁରନ୍ତ ଲାଗୁ କରନ୍ତୁ ବୋଲି ଦାବି କରିଛନ୍ତି ପିସିସି ସଭାପତି ଭକ୍ତ ଦାସ । ଆଜି ଭଲ ଦିନ ଥିଲା । ପ୍ରଧାନମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ ଘୋଷଣା କରିପାରିଥାନ୍ତେ । କିନ୍ତୁ କାହିଁକି ଘୋଷଣା କଲେନି ବୋଲି ଭକ୍ତ ପ୍ରଶ୍ନ କରିଛନ୍ତି । ୨୦୨୯ ବହୁତ ବାଟ ଅଛି । ମହିଳାଙ୍କୁ ମିଛ ଆଶା ଦେଇଛନ୍ତି ସରକାର । ସୁଭଦ୍ରା ଯୋଜନାରେ ମହିଳାଙ୍କୁ ୨୭ଟଙ୍କା ୪୦ ପଇସା ଦେଉଛନ୍ତି ସରକାର । ସେଥିରେ ବାହାଦୁରି ମାରିବା ଠିକ ନୁହେଁ ବୋଲି ସେ କହିଛନ୍ତି ।
ପୁଣି ଫୁଲୁଛି ବୈତରଣୀ, ଭଣ୍ଡାରିପୋଖରୀର ୩୦ ଗାଁ ବନ୍ୟା ଘେରରେ
ଭଦ୍ରକ; ପୁଣି ଫୁଲୁଛି ବୈତରଣୀ । ଉପର ମୁଣ୍ଡରେ ଲଘୁଚାପ ଜନିତ ପ୍ରବଳ ବର୍ଷା କାରଣରୁ ପୁଣି ଥରେ ବୈତରଣୀ ଫୁଲିବା ଆରମ୍ଭ କରିଛି । ଭଦ୍ରକ ଆଖୁଆପଦା ନିକଟରେ ବୈତରଣୀ ପୁଣି ଥରେ ସତର୍କ ସଙ୍କେତ ପାର କରିବା ସହିତ ବିପଦ ସଂକେତ ପାଖାପାଖି ପହଞ୍ଚିବା ଆରମ୍ଭ କରିଛି। ହଦଗଡ଼ ଡ଼୍ୟାମରୁ ୪ଟି ଗେଟ ଦେଇ ୧୬୦୦କ୍ୟୂସେକ ବନ୍ୟାଜଳ ନିଷ୍କାସନ ହେଉଥିବାରୁ ଭଦ୍ରକ ରାଜଘାଟ ଠାରେ ବିପଦ ସଙ୍କେତ ନିକଟରେ ଅର୍ଥାତ୍ ୧୬.୫୪ଫୁଟରେ ପ୍ରବାହିତ ହେଉଥିବାରୁ ଉଭୟ ନଦୀର ଜଳସ୍ତର ବଢ଼ିଚାଲିଛି। ବୈତରଣୀ ନଦୀର ବିପଦ ସଂଙ୍କେତ ୧୮.୩୩ ମି. ରହିଥିବା ବେଳେ ସକାଳ ୭ଟା ସୁଧା ଏହା ୧୯ମି. ଉପରେ ପ୍ରବାହିତ ହେଉଛି। ସେହିପରି ରାଜଘାଟ ଠାରେ ସାଳନ୍ଦୀ ନଦୀର ବିପଦ ସଂକେତ ୧୭ଫୁଟ ଥିବା ବେଳେ ଏଠାରେ ପାଖାପାଖି ବନ୍ୟାଜଳ ପ୍ରବାହିତ ହେଉଛି। ଫଳରେ ତଳମୁଣ୍ଡରେ ବନ୍ୟା ପରିସ୍ଥିତି ଗମ୍ଭୀର ହେଵା ଦ୍ଵାରା ଭଣ୍ଡାରୀପୋଖରୀ ବ୍ଲକର ରହଣିଆ, ମାଳଦା, ଷୋଳମପୁର, ନପଙ୍ଗ ଓ କୋରିଗାଁ ଆଦି ୮ଟି ପଞ୍ଚାୟତର ୩୦ ଗାଁ ବନ୍ୟା ଘେରରେ ରହିଥିବା ବେଳେ ଭଣ୍ଡାରିପୋଖରୀ- ଯାଜପୁର ରାସ୍ତାରେ ୩/୪ଫୁଟ ଉଚ୍ଚରେ ବନ୍ୟାଜଳ ପ୍ରବାହିତ ହେଉଥିବାରୁ ଯାତାୟତ ବାଧାପ୍ରାପ୍ତ ହୋଇଛି।ଭଦ୍ରକ ଜିଲ୍ଲାପାଳ ସୋମେସ ଉପାଧ୍ୟାୟ ବନ୍ୟା ସ୍ଥିତିର ସମୀକ୍ଷା କରିବା ସହ ବିପନ୍ନଙ୍କୁ ଥଇଥାନ ସହ ଖାଦ୍ୟ ଓ ପାନୀୟ ଜଳ ଯୋଗାଣ ଉପରେ ଗୁରୁତ୍ବ ଦେବାକୁ ଅଧିକାରୀଙ୍କ ସହ ଆଲୋଚନା କରିଛନ୍ତି। ସେହିପରି ବନ୍ୟାରେ ଫଶି ରହିଥିବା ଲୋକଙ୍କୁ ଉଦ୍ଧାର କରାଯିବା, ଗର୍ଭବତୀ ମହିଳାଙ୍କୁ ସ୍ଥାନାନ୍ତର କରାଯିବା ଆଦି ନିମନ୍ତେ ଓଡ୍ରାଫ ଟିମ୍ ସହ ଅଗ୍ନିଶମ ବାହିନୀ ସଜାଗ ରହିଥିବା କହିଛନ୍ତି ଜିଲାପାଳ।
ସ୍ୱାଧୀନତା ଦିବସରେ କଂଗ୍ରେସର ଶପଥ
ଭୁବନନେଶ୍ବର; ଓଡିଶା ପ୍ରଦେଶ କଂଗ୍ରେସ କମିଟି ପକ୍ଷରୁ କଂଗ୍ରେସ ଭବନରେ ୮୦ ତମ ସ୍ୱାଧୀନତା ଦିବସ ପାଳିତ I ପିସିସି ସଭାପତି ଭକ୍ତ ଚରଣ ଦାଶ ଜାତୀୟ ପତାକା ଉତ୍ତୋଳନ କରି ନିଜର ଅଭିଭାଷଣ ରଖିଥିଲେ I ଏହି ଅବସରରେ ପୂର୍ବତନ ପିସିସି ସଭାପତି ଜୟଦେବ ଜେନା, ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ସମେତ ବହୁ ନେତା ଓ କର୍ମୀ ଉପସ୍ଥିତ ଥିଲେ l ଏହି କାର୍ଯ୍ୟକ୍ରମରେ ଓଡିଶା ପ୍ରଦେଶ ସେବା ଦଳ ମଧ୍ୟ ସହଯୋଗ ପ୍ରଦାନ କରିଥିଲେ l ପ୍ରଥମେ ବନ୍ଦେ ଉତ୍କଳ ଜନନୀ ସଂଗୀତ ଗାନ ଓ ଜାତୀୟ ସଂଗୀତ ଗାନ ହୋଇଥିଲା l ତେବେ ବର୍ତମାନର କେନ୍ଦ୍ର ସରକାର ଯେଉଁ ଭଳି ଭାବେ ଦେଶ ସ୍ୱାଧୀନତା ଆଣିବାରେ ଯେଉଁମାନଙ୍କ ଅବଦାନ ଥିଲା ସେମାନଙ୍କୁ ଅସମ୍ମାନ କରାଯାଉଛି l ବର୍ତମାନ ଦେଶ ବିଭାଜନ ଆଡକୁ ଯାଉଛି l ଏହାକୁ ରୋକିବା ପାଇଁ ରାହୁଲ ଗାନ୍ଧୀଙ୍କ ନେତୃତ୍ୱକୁ ଦୃଢ କରିବାକୁ ଆଜିର ଦିନରେ ଜାତୀୟ ପତାକା ତଳେ କଂଗ୍ରେସ କର୍ମୀ ମାନେ ଶପଥ ନେବାକୁ କହିଛନ୍ତି ପିସିସି ସଭାପତି ।
ସ୍ବାଧୀନତା ଦିବସରେ ଅଘଟଣ
ବାଲେଶ୍ୱର; ସ୍ବାଧୀନତା ଦିବସରେ ଅଘଟଣ। ପତାକା ଉତ୍ତୋଳନ ବେଳେ ଶିକ୍ଷକ ମୃତ। ବାଲେଶ୍ୱର ସିମୁଳିଆ ଥାନା ମଇତାପୁର ଠାରେ ଥିବା ଏକ ଘରୋଇ ସ୍କୁଲରେ ଅଘଟଣ। ପତାକା ଉତ୍ତୋଳନ ପାଇଁ ପ୍ରସ୍ତୁତ ହେଉଥିବା ବେଳେ ଲୁହା ପାଇପଟି ବିଦ୍ୟୁତ ତାର ଉପରେ ପଡିଥିଲା l ତେଣୁ ଚାର୍ଜ ହେଇଯିବାରୁ ସ୍କୁଲର ଖେଳ ଶିକ୍ଷକ ଆହତ ହୋଇଥିଲେl ଗୁରୁତର ଅବସ୍ଥାରେ ତାଙ୍କୁ ଭଦ୍ରକ ମେଡିକାଲ ନେଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି। ଶିକ୍ଷକ ପ୍ରିୟବ୍ରତ ବେହେରାଙ୍କ ଘର ବାଲେଶ୍ୱର ବସ୍ତା ଅଂଚଳର ହୋଇଥିବା ବେଳେ ବିଦ୍ୟାଳୟର ଦୁଇ ପିଲା ମଧ୍ୟ ଆହତ ହୋଇ ଭଦ୍ରକ ମେଡିକାଲ ଭର୍ତ୍ତି ହୋଇଛନ୍ତି l ଖବରପାଇ ଘଟଣାସ୍ଥଳରେ ସିମୁଳିଆ ପୋଲିସ ପହଞ୍ଚି ତଦନ୍ତ ଆରମ୍ଭ ହୋଇଛି।
ଟ୍ରେଲରକୁ ପଛପଟୁ ଧକ୍କା ଦେଲା ଯାତ୍ରୀବାହୀ ବସ୍
ସମ୍ବଲପୁର; ଟ୍ରେଲରକୁ ପଛପଟୁ ଧକ୍କା ଦେଲା ଯାତ୍ରୀବାହୀ ବସ୍ । ଦୁର୍ଘଟଣାରେ ୨ ମୃତ, ୧୨ରୁ ଅଧିକ ଗୁରୁତର। ସମ୍ବଲପୁର – ଯୁଯୁମୁରା ଥାନା ଅନ୍ତର୍ଗତ କଂସର ନିକଟରେ ମର୍ମନ୍ତୁଦ ଦୁର୍ଘଟଣା। ଶ୍ରୀ ଜଗନ୍ନାଥ ନାମକ ଏକ ବସ୍ ପୁରୀରୁ ସମ୍ବଲପୁର ଆସୁଥିବାବେଳେ କଂସର ପାଖରେ ଛିଡା ହୋଇଥିବା ଏକ ଟ୍ରେଲରକୁ ଧକ୍କା ଦେଇଥିଲା। ସମସ୍ତ ଆହତଙ୍କୁ ସମ୍ବଲପୁର ଜିଲ୍ଲା ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି l କିଛି ଗୁରୁତରଙ୍କୁ ବୁର୍ଲା ମେଡିକାଲ ସ୍ଥାନାନ୍ତର କରାଯାଇଛି । ଖବରପାଇ ଘଟଣାସ୍ଥଳରେ ଯୁଯୁମରା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ହେଲେ ପଦ୍ମପୁରରେ କାର୍ଯ୍ୟରତ SBI କର୍ମଚାରୀ ଦୀପକ ଦାସ ଓ ଭୁବନେଶ୍ୱରରେ କାର୍ଯ୍ୟରତ ଅଫିସର ପ୍ରୀତି ସୁମନ ପ୍ରଧାନ।