ବ୍ରହ୍ମପୁର: ବ୍ରହ୍ମପୁରସ୍ଥିତ ଖଲ୍ଲିକୋଟ ଜୁନିୟର କଲେଜର ଅଧ୍ୟାପକଙ୍କ ମୃତଦେହ ଉଦ୍ଧାର । କମ୍ପୁଟର ବିଭାଗର ଅଧ୍ୟାପକ ଭୁବନେଶ୍ୱର ନାୟକଙ୍କ ମୃତଦେହ ବ୍ରହ୍ମପୁର ଖୋଡ଼ାସିଙ୍ଗି ଏଲ୍ଆଇସି ଅଫିସ ନିକଟ ରେଳ ଧାରଣାରୁ ଉଦ୍ଧାର କରାଯାଇଛି । ତାଙ୍କ ମୁଣ୍ଡରେ ଲାଗିଛି ଗଭୀର ଆଘାତ । ନିକଟରେ ମଦ ବୋତଲ ପଡ଼ିଛି। ଅଧ୍ୟାପକ ଭୁବନେଶ୍ୱର ନାୟକଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ରେଳବାଇ ଏବଂ ବୈଦ୍ୟନାଥପୁର ଥାନା ପୋଲିସ ମୃତଦେହ ଉଦ୍ଧାର ସହ ତଦନ୍ତ ଆରମ୍ଭ କରିଛନ୍ତି ।
ପୁରୀରେ ଐତିହ୍ୟ କରିଡର ନିର୍ମାଣ ନେଇ ବୈଠକ
ଭୁବନେଶ୍ୱର: ପୁରୀରେ ଶ୍ରୀଜଗନ୍ନାଥ ଐତିହ୍ୟ କରିଡର ନିର୍ମାଣ ନେଇ ଗୁରୁତ୍ୱପୂର୍ଣ୍ଣ ବୈଠକ । ଭୁବନେଶ୍ୱର ସେତୁ ଭବନରେ ଆୟୋଜିତ ବୈଠକରେ ପୁରୀ ଗଜପତି ମହାରାଜା ଦିବ୍ୟସିଂହ ଦେବ, ପୂର୍ତ୍ତ ବିଭାଗର ସଚିବ କିଷନ କୁମାର, ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ବିଜୟ ସାହୁ, ପ୍ରସ୍ତର ଶିଳ୍ପ ବିଭାଗର ରଘୁନାଥ ମହାପାତ୍ର, ସେବାୟତ ରାମଚନ୍ଦ୍ର ଦାସ ମହାପାତ୍ର ପ୍ରମୁଖ ଯୋଗ ଦେଇଛନ୍ତି ।
ସାଧାରଣ ଲୋକଙ୍କ ମତାମତ ନିଆଯିବା ପରେ ଶ୍ରୀଜଗନ୍ନାଥ କରିଡର ନିର୍ମାଣ ନେଇ ବୈଠକ ବସିଛି । ଫେବ୍ରୁଆରୀ ସୁଦ୍ଧା ଏନେଇ ବିସ୍ତୃତ ଯୋଜନା ପ୍ରସ୍ତୁତ କରାଯିବ ।
ନିର୍ବାଚନୀ ପ୍ରଚାରକୁ ନେଇ ଦିଲ୍ଲୀ ସରଗରମ, ପ୍ରଚାର ମୈଦାନରେ ହେଭିୱେଟଙ୍କ ଟକ୍କର
ନୂଆଦିଲ୍ଲୀ: ସୁପର୍ ଓଭରରେ ଦିଲ୍ଲୀ ନିର୍ବାଚନ ପ୍ରଚାର । ଗତ ୩୦ ଦିନର ପ୍ରଚାରକୁ ଟପିଛି ଗତ ୩ ଦିନର କ୍ୟାମ୍ପନିଂ । ନିଜ ଭାଷଣରେ ନିଆଁ ଲଗାଉଛନ୍ତି ଯୋଗୀ ଆଦିତ୍ୟନାଥ । ଆଜି ପ୍ରଚାର ମୈଦାନରେ ହେବ ହେଭିୱେଟଙ୍କ ପ୍ରଚାର ।
ପ୍ରଧାନମନ୍ତ୍ରୀ ମୋଦି, ଅମିତ ଶାହଙ୍କୁ ଟକ୍କର ଦେବ ରାହୁଲ ଓ ପ୍ରିୟଙ୍କାଙ୍କ ଯୋଡ଼ି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ମଧ୍ୟ ଆଜି ପ୍ରଚାର କରିବେ। ସେପଟେ କେଜରିୱାଲ୍ଙ୍କ ନେତୃତ୍ୱରେ ଆପ୍ ବି ପ୍ରଚାର ଜୋରଦାର କରିଛି ।
ତେବେ ବିଜେପି ଓ ଆପ୍ର କ୍ୟାମ୍ପନିଂ ଆଗରେ ଫିକା ପଡ଼ିଛି କଂଗ୍ରେସର ପ୍ରଚାର । ସିଏଏ, ସାହନବାଗ ଘଟଣାଠୁ ଆରମ୍ଭ କରି ପାକିସ୍ତାନୀ ମନ୍ତ୍ରୀଙ୍କ କଥାକୁ ମୁଦ୍ଦା କରାଯାଉଛି । ବ୍ୟକ୍ତିଗତ ଆରୋପ-ପ୍ରତ୍ୟାରୋପ ବି ଆରମ୍ଭ ହୋଇସାରିଛି । ଯାହା କି ଦିଲ୍ଲୀର ନିର୍ବାଚନୀ ମାହୋଲକୁ ଅଧିକ ଗରମ କରିଛି ।
ପ୍ରିୟଙ୍କାଙ୍କ ୨କିଡନିରେ ବଞ୍ଚିଲେ ୨ ପୁରୁଷ
ଦିଗପହଣ୍ଡି: ମୃତ୍ୟୁ ପରେ ଜୀବନ । ଦୁର୍ଘଟଣାରେ ସିନା ଜୀବନ ଚାଲିଗଲା ହେଲେ ଅଙ୍ଗଦାନ କରି ବଞ୍ଚାଇ ଦେଲେ ୨ଜୀବନ । ଦିଗପହଣ୍ଡିର ପ୍ରିୟଙ୍କା ରାଜୁଙ୍କ ମୃତ୍ୟୁ ପରେ ଅଙ୍ଗଦାନ ଘଟଣାକୁ ନେଇ ଏବେ ସବୁଠି ଚର୍ଚ୍ଚା ।
ଗଲା ୨୭ତାରିଖରେ ପ୍ରିୟଙ୍କାଙ୍କ ବ୍ରେନ ଡେଡ୍ ହୋଇଥିବା ଜାଣିବା ପରେ ପରିବାର ଲୋକ ଅଙ୍ଗଦାନ କରିବାକୁ ନିଷ୍ପତ୍ତି ନେଇଥିଲେ ।
ପରେ ପ୍ରିୟକାଙ୍କ ୨କିଡନିକୁ ୨ଜଣ ପୁରଷଙ୍କ ଠାରେ ସଫଳତାର ସହ ପ୍ରତ୍ୟାରୋପଣ କରାଯାଇଛି ।
ରାଜ୍ୟର ପ୍ରଥମ କାଡଭରିକ ଟ୍ରାନ୍ସ ପ୍ଲାଣ୍ଟ: ଏସସିବିରେ ବିରଳ ଅସ୍ତ୍ରୋପଚାର
ଶ୍ରୀଜଗନ୍ନାଥ ଐତିହ୍ୟ କରିଡର ନିର୍ମାଣ ନେଇ ଗୁରୁତ୍ୱପୂର୍ଣ୍ଣ ବୈଠକ
ପୁରୀ: ପୁରୀରେ ଶ୍ରୀଜଗନ୍ନାଥ ଐତିହ୍ୟ କରିଡର ନିର୍ମାଣ ନେଇ ଗୁରୁତ୍ୱପୂର୍ଣ୍ଣ ବୈଠକ । ଭୁବନେଶ୍ୱର ସେତୁ ଭବନରେ ଆୟୋଜିତ ବୈଠକରେ ପୁରୀ ଗଜପତି ମହାରାଜା ଦିବ୍ୟସିଂହ ଦେବ, ପୂର୍ତ୍ତ ବିଭାଗର ସଚିବ କିଷନ କୁମାର, ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ବିଜୟ ସାହୁ, ପ୍ରସ୍ତର ଶିଳ୍ପୀ ରଘୁନାଥ ମହାପାଚ୍ର, ସେବାୟତ ରାମଚନ୍ଦ୍ର ଦାସ ମହାପାତ୍ର ପ୍ରମୁଖ ଯୋଗଦେଇଛନ୍ତି । ସାଧାରଣ ଲୋକଙ୍କ ମତାମତ ନିଆଯିବା ପରେ ଶ୍ରୀଜଗନ୍ନାଥ କରିଡର ନିର୍ମାଣ ନେଇ ବୈଠକ ବସିଛି । ଫେବ୍ରୁଆରି ସୁଦ୍ଧା ଏନେଇ ବିସ୍ତୃତ ଯୋଜନା ପ୍ରସ୍ତୁତ କରାଯିବ ।
ସ୍ୱାସ୍ଥ୍ୟ ବିଭାଗ ଜାରି କରିଥିବା ଆଡଭାଇଜରିକୁ ପାଳନ କରିବ ସ୍କୁଲ
ଭୁବନେଶ୍ୱର: କରୋନା ପାଇଁ ସମସ୍ତଙ୍କ ମନରେ ଭୟ ଓ ଆତଙ୍କ । ଏବେ କରୋନା ଭାଇରସ ଏତେ ଭୟଙ୍କର ହୋଇଯାଇଛି ଯେ, ନାଁ ଶୁଣିଲେ ଅସ୍ତବ୍ୟସ୍ତ ହୋଇପଡ଼ୁଛି ଜନଜୀବନ । ଏହି ଭାଇରସ ପାଇଁ ବର୍ତ୍ତମାନ ସୁଧା ଚିନରେ ୪ଶହରୁ ଅଧିକ ଲୋକଙ୍କ ପ୍ରାଣ ଗଲାଣି । ଏବଂ ୨୦ହଜାର ଅଧିକ ଏଥିରେ ସଂକ୍ରମିତ ।
ତେବେ କେବଳ ସେତିକି ନୁହେଁ କେରଳରେ ୩ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି, ଯେଉଁମାନେ କି ଚିନର ଉହାନ ଅଞ୍ଚଳରେ ରହୁଥିଲେ । ତେବେ ଏଭଳି ପରିସ୍ଥିତିରେ ଭୟଭୀତ ହୋଇପଡ଼ିଛନ୍ତି ଲୋକେ । ଏନେଇ ଆଗକୁ ପରୀକ୍ଷା ଋତୁ । ତେଣୁ ସ୍କୁଲରେ କରୋନା ନେଇ ସତର୍କତାମୂଳକ ପଦକ୍ଷେପ ନିଆଯାଉଛି । ସ୍କୁଲରେ ଯଦି କୈାଣସି ଛାତ୍ରଛାତ୍ରୀଙ୍କଠାରେ ଥଣ୍ଡା କି ଜ୍ୱର ଲକ୍ଷଣ ଦେଖାଯାଏ, ତେବେ ତୁରନ୍ତ ଶିକ୍ଷକମାନେ ଚିକିତ୍ସା ବ୍ୟବସ୍ଥା କରିବେ । ସ୍ୱାସ୍ଥ୍ୟ ବିଭାଗ ଜାରି କରିଥିବା ଆଡଭାଇଜରିକୁ ସ୍କୁଲରେ ପାଳନ କରାଯିବ ।
ଆଜି ସାରା ବିଶ୍ୱରେ ପାଳନ କରାଯାଉଛି କ୍ୟାନସର ଦିବସ । ମାରାତ୍ମକ କ୍ୟାନସର ସମ୍ବନ୍ଧରେ ଲୋକଙ୍କୁ ସଚେତନ କରିବା ପାଇଁ ଆଜିର ଦିନରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେଉଛି ।
ଆଜି ସାରା ବିଶ୍ୱରେ ପାଳନ କରାଯାଉଛି କ୍ୟାନସର ଦିବସ । ମାରାତ୍ମକ କ୍ୟାନସର ସମ୍ବନ୍ଧରେ ଲୋକଙ୍କୁ ସଚେତନ କରିବା ପାଇଁ ଆଜିର ଦିନରେ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେଉଛି ।
କରୋନା ଭାଇରସ୍କୁ ରାଜ୍ୟ ବିପତ୍ତି ଘୋଷଣା କରିଛନ୍ତି କେରଳ ସରକାର । ରାଜ୍ୟରେ ୩ଜଣ ଆକ୍ରାନ୍ତ ଚିହ୍ନଟ ହେବା ପରେ ଏହାକୁ ରାଜ୍ୟ ବିପତ୍ତି ଘୋଷଣା କରାଯାଇଛି ।
କରୋନା ଭାଇରସ୍କୁ ରାଜ୍ୟ ବିପତ୍ତି ଘୋଷଣା କରିଛନ୍ତି କେରଳ ସରକାର । ରାଜ୍ୟରେ ୩ଜଣ ଆକ୍ରାନ୍ତ ଚିହ୍ନଟ ହେବା ପରେ ଏହାକୁ ରାଜ୍ୟ ବିପତ୍ତି ଘୋଷଣା କରାଯାଇଛି ।
ଇତିହାସ ରଚିଲା ଏସ୍ସିବି । କଟକ ବଡ଼ ମେଡିକାଲରେ ବିରଳ ଅସ୍ତ୍ରୋପଚାର । ରାଜ୍ୟର ପ୍ରଥମ କାଡଭରିକ ଟ୍ରାନ୍ସ ପ୍ଲାଣ୍ଟ ବା ମୃତ୍ୟୁ ପରେ କିଡନୀ ପ୍ରତିରୋପଣ କରାଯାଇଛି ।
ଇତିହାସ ରଚିଲା ଏସ୍ସିବି । କଟକ ବଡ଼ ମେଡିକାଲରେ ବିରଳ ଅସ୍ତ୍ରୋପଚାର । ରାଜ୍ୟର ପ୍ରଥମ କାଡଭରିକ ଟ୍ରାନ୍ସ ପ୍ଲାଣ୍ଟ ବା ମୃତ୍ୟୁ ପରେ କିଡନୀ ପ୍ରତିରୋପଣ କରାଯାଇଛି ।
ଏସ୍ସିବି ଚର୍ତୁପାର୍ଶ୍ୱରେ ଉଚ୍ଛେଦ ଜାରି
କଟକ: ଏସସିବିର ନବକଳେବର ପାଇଁ ଆରମ୍ଭ ହୋଇଛି ଉଚ୍ଛେଦ କାର୍ଯ୍ୟ । ଜିଲ୍ଲା ପ୍ରଶାସନ ଏବଂ ସିଏମସି ପକ୍ଷରୁ ଏସ୍ସିବି ଚର୍ତୁପାର୍ଶ୍ୱରେ ଉଚ୍ଛେଦ କରାଯାଉଛି । ପ୍ରଥମ ପର୍ଯ୍ୟାୟରେ ଯୋବ୍ରା ମାଛ ମାର୍କେଟ ଅଞ୍ଚଳରେ ବୁଲିଲା ବୁଲଡୋଜର । ମାଛ ମାର୍କେଟ ଅଞ୍ଚଳର ରାସ୍ତା ଓ ସରକାରୀ ଜାଗାରେ ପଡିଥିବା ସାମଗ୍ରୀ ସବୁ ହଟାଯାଉଛି ।
ଅନ୍ୟପଟେ ପୂର୍ବରୁ ଜଳସେଚନ ବିଭାଗର ୨ଟି ଗୋଦାମ ଘର ଭାଙ୍ଗିଥିଲା ପ୍ରଶାସନ । ଫେବ୍ରୁଆରୀ ୨୮ ସୁଦ୍ଧା ଅଧିଗ୍ରହଣ କାମ ସରିବ । ମାର୍ଚ୍ଚ ପହିଲାରୁ ଦ୍ୱିତୀୟ କ୍ୟାମ୍ପସ ନିର୍ମାଣ କାମ ଆରମ୍ଭ କରିବାକୁ ଲକ୍ଷ୍ୟ ରହିଛି । ଅଧିଗ୍ରହଣରୁ ୨୫ ଏକର ଜମି ସରକାରଙ୍କ ହାତକୁ ଆସିବ । ସେହିପରି ତାଳଦଣ୍ଡା କେନାଲ ବନ୍ଧରୁ ଡାକ୍ତରଖାନାକୁ ସଂଯୋଗ କରୁଥିବା ରାସ୍ତାକୁ ୩ ଲେନ୍ ବିଶିଷ୍ଟ କରାଯିବା ଯାତାୟତ ସୁବିଧା ପାଇଁ ୨ଟି ଓଭରବ୍ରିଜ ନିର୍ମାଣ କରାଯିବାକୁ ଯୋଜନା ରହିଛି ।