ଭୁବନେଶ୍ୱର: ଆସନ୍ତା ୯ ତାରିଖ ପର୍ଯ୍ୟନ୍ତ ଭିଜିବ ଓଡ଼ିଶା । ଉପାନ୍ତରୁ ଉପକୂଳ ସବୁଠି ଲାଗି ରହିବ ବର୍ଷା । ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ବର୍ଷା ଜାରି ରହିବ । ସାରା ରାଜ୍ୟରେ ବର୍ଷା ସାଙ୍ଗକୁ ଘନ କୁହୁଡି ମଧ୍ୟ ଦେଖାଦେବ । କିଛି ସ୍ଥାନରେ ଘଡଘଡି ବିଜୁଳି ସମେତ କୁଆପଥର ବର୍ଯା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏଥିପାଇଁ ୯ ଜିଲ୍ଲାରେ ୟେଲୋ ଆଲର୍ଟ ଜାରି କରାଯାଇଛି ।

ଆଜି ବାଲେଶ୍ୱର, ଭଦ୍ରକ, ମୟୁରଭଞ୍ଜ, କେନ୍ଦୁଝର, ପୁରୀ, ଗଂଜାମ, ଗଜପତି, ଖୋର୍ଦ୍ଧା, କଟକ, ଯାଜପୁରରେ ଘଡଘଡି ସହ ବର୍ଷା ଲାଗି ରହିବ । ମାଲକାନଗିରି, କୋରାପୁଟ, ରାୟଗଡାର କିଛି ସ୍ଥାନରେ ମଧ୍ୟ ବର୍ଷା ହେବ । ୮ ଏବଂ ୯ ତାରିଖରେ ଉତ୍ତର, ଦକ୍ଷିଣ ଏବଂ ଉପକୂଳ ଓଡ଼ିଶାର ଜିଲ୍ଲାରେ ବର୍ଷା ହେବ । ବର୍ଷା ବେଳେ ପବନର ବେଗ ଘଣ୍ଟାପ୍ରତି ୩୦ ରୁ ୪୦ କିଲୋମିଟର ରହିବ । ୧୦ ତାରିଖ ବେଳକୁ ପାଗରେ ପରିବର୍ତ୍ତନ ଆସିବ, ସାରା ଓଡ଼ିଶାରେ ତାପମାତ୍ରା ବୃଦ୍ଧି ପାଇବ ବୋଲି ପାଣିପାଗ କେନ୍ଦ୍ର ସୂଚନା ଦେଇଛି ।

କଟକ: ଏସ୍‌ସିବିରେ ଜଣେ ସ୍ୱାଇନ୍‌ ଫ୍ଲୁ ରୋଗୀ ଚିହ୍ନଟ ହୋଇଛନ୍ତି । ତାଙ୍କ ଘର ଢେଙ୍କାନାଳ ଜିଲ୍ଲାରେ । ପୂର୍ବରୁ ୩ଜଣଙ୍କ ନମୁନା ପରୀକ୍ଷା ପାଇଁ ଯାଇଥିଲା । ସେଥିରୁ ୨ଜଣଙ୍କ ନମୁନା ନେଗେଟିଭ୍‌ ଆସିଥିବା ବେଳେ

ଅନ୍ୟ ଜଣଙ୍କର ରକ୍ତ ନମୁନା ପରୀକ୍ଷାରୁ ପଜିଟିଭ୍‌ ଆସିଥିଲା । ସ୍ୱାଇନ୍‌ ଫ୍ଲୁ ନଥିବା ଦୁଇଜଣଙ୍କୁ ଏସ୍‌ସିବିରୁ ଡିସ୍‌ଚାର୍ଜ କରାଯାଇଛି । ଅନ୍ୟପଟେ  ସ୍ୱାଇନ୍‌ ଫ୍ଲୁରେ ଆକ୍ରାନ୍ତ ଥିବା ରୋଗୀଙ୍କୁ ଚିକିତ୍ସା କରାଯାଉଛି ।

କଟକ: ଏସ୍‌ସିବିରେ ଜଣେ ସ୍ୱାଇନ୍‌ ଫ୍ଲୁ ରୋଗୀ ଚିହ୍ନଟ ହୋଇଛନ୍ତି । ତାଙ୍କ ଘର ଢେଙ୍କାନାଳ ଜିଲ୍ଲାରେ । ପୂର୍ବରୁ ୩ଜଣଙ୍କ ନମୁନା ପରୀକ୍ଷା ପାଇଁ ଯାଇଥିଲା । ସେଥିରୁ ୨ଜଣଙ୍କ ନମୁନା ନେଗେଟିଭ୍‌ ଆସିଥିବା ବେଳେ

ଅନ୍ୟ ଜଣଙ୍କର ରକ୍ତ ନମୁନା ପରୀକ୍ଷାରୁ ପଜିଟିଭ୍‌ ଆସିଥିଲା । ସ୍ୱାଇନ୍‌ ଫ୍ଲୁ ନଥିବା ଦୁଇଜଣଙ୍କୁ ଏସ୍‌ସିବିରୁ ଡିସ୍‌ଚାର୍ଜ କରାଯାଇଛି । ଅନ୍ୟପଟେ  ସ୍ୱାଇନ୍‌ ଫ୍ଲୁରେ ଆକ୍ରାନ୍ତ ଥିବା ରୋଗୀଙ୍କୁ ଚିକିତ୍ସା କରାଯାଉଛି ।

କଟକ: ଏସ୍‌ସିବିରେ ଜଣେ ସ୍ୱାଇନ୍‌ ଫ୍ଲୁ ରୋଗୀ ଚିହ୍ନଟ ହୋଇଛନ୍ତି । ତାଙ୍କ ଘର ଢେଙ୍କାନାଳ ଜିଲ୍ଲାରେ । ପୂର୍ବରୁ ୩ଜଣଙ୍କ ନମୁନା ପରୀକ୍ଷା ପାଇଁ ଯାଇଥିଲା । ସେଥିରୁ ୨ଜଣଙ୍କ ନମୁନା ନେଗେଟିଭ୍‌ ଆସିଥିବା ବେଳେ

ଅନ୍ୟ ଜଣଙ୍କର ରକ୍ତ ନମୁନା ପରୀକ୍ଷାରୁ ପଜିଟିଭ୍‌ ଆସିଥିଲା । ସ୍ୱାଇନ୍‌ ଫ୍ଲୁ ନଥିବା ଦୁଇଜଣଙ୍କୁ ଏସ୍‌ସିବିରୁ ଡିସ୍‌ଚାର୍ଜ କରାଯାଇଛି । ଅନ୍ୟପଟେ  ସ୍ୱାଇନ୍‌ ଫ୍ଲୁରେ ଆକ୍ରାନ୍ତ ଥିବା ରୋଗୀଙ୍କୁ ଚିକିତ୍ସା କରାଯାଉଛି ।

ଭୁବନେଶ୍ୱର: ନିଜ ସହରର ମୂଲ୍ୟାୟନ କରିବେ ସହରବାସୀ । ଏହାକୁ ଆଧାର କରି ଦେଶର ସ୍ମାର୍ଟ ସିଟିଗୁଡିକର ର‍ାଙ୍କିଂ କରାଯିବ । ଏଥିରେ ସାମିଲ ହୋଇଛି ଦୁଇ ବର୍ଷ ହେଲା ସ୍ମାର୍ଟ ସିଟି ମାନ୍ୟତା ପାଇଥିବା ଭୁବନେଶ୍ୱର । ଏହାଦ୍ଵାରା ସହରବାସୀ କେତେ ଉପକୃତ ହୋଇଛନ୍ତି, ଏନେଇ ଲୋକ ମୂଲ୍ୟାୟନ କରିବେ । କେନ୍ଦ୍ର ସହରାଞ୍ଚଳ ଓ ଗୃହ ମନ୍ତ୍ର।ଳୟ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି ।

ଲୋକଙ୍କ ଆର୍ଥିକ ସ୍ଥିତି, ପରିମଳ, ସ୍ୱାସ୍ଥ୍ୟସେବା, ଶିକ୍ଷା, ପରିବେଶ, ଜୀବିକା, ଆମୋଦ ପ୍ରମୋଦ ବ୍ୟବସ୍ଥା, ପାନୀୟ ଜଳ, ନାରୀ ସୁରକ୍ଷା, ସବୁଜିମା, ବିଦ୍ୟୁତ, ଜରୁରୀ ସେବା ଆଦି ନେଇ ଲୋକଙ୍କଠାରୁ ୨୧ଟି ପ୍ରଶ୍ନର ଉତ୍ତର ମଗାଯାଉଛି । ଉଭୟ ଅନ୍‌ ଲାଇନ୍‌ ଓ ଅଫ୍‌ ଲାଇନ୍‌ରେ ଜନମତ ସଂଗ୍ରହ କରାଯାଉଛି । ଫେବ୍ରୁଆରି ପହିଲାରୁ ଆରମ୍ଭ ହୋଇଥିବା ଏହି ଜନମତ ସଂଗ୍ରହ ଫେବ୍ରୁଆରି ଯାଏ ଚାଲିବ । ଦେଶର ଶହେଟି ସ୍ମାର୍ଟ ସିଟି ମଧ୍ୟରେ ଆଗରେ ରହିବାକୁ ଆଶା ରଖିଛି ଭୁବନେଶ୍ୱର ।

ଗଞ୍ଜାମ: ଡ୍ୟାନ୍ସ ମାଧ୍ୟମରେ ପିଲାଙ୍କୁ ପାଠ ପଢ଼ାଉଛନ୍ତି ଶିକ୍ଷକ । ପିଲାଙ୍କ ସହ ନୃତ୍ୟର ତାଳେ ତାଳେ ନାଚୁଛନ୍ତି ଶିକ୍ଷକ । ଗଞ୍ଜାମ ଜିଲ୍ଲା ପୋଡ଼ାମାରି ସରକାରୀ ପ୍ରାଥମିକ ବିଦ୍ୟାଳୟରେ ଏଭଳି ଦୃଶ୍ୟ ଦେଖିବାକୁ ମିଳିଛି ।

ସହକାରୀ ଶିକ୍ଷକ ଶିବ ପାଢ଼ୀ ନୃତ୍ୟ ମାଧ୍ୟମରେ ପିଲାଙ୍କୁ ପାଠ ପଢ଼ାଉଛନ୍ତି ।

ଶିକ୍ଷା ପ୍ରତି ଛାତ୍ରଛାତ୍ରୀଙ୍କୁ ଆକୃଷ୍ଟ କରିବାକୁ ଶିକ୍ଷକ ଜଣକ ଅଭିନବ ପ୍ରୟାସ ଆରମ୍ଭ କରିଛନ୍ତି । ଶିକ୍ଷକଙ୍କ ଏଭଳି ଡ୍ୟାନ୍ସିଂ ଭିଡ଼ିଓ ଏବେ ଭାଇରାଲ ହେବାରେ ଲାଗିଛି ।

ସେପଟେ ଏଭଳି ଆନନ୍ଦମୟ ଶିକ୍ଷା ପ୍ରତି ଆକୃଷ୍ଟ ହୋଇ ବହୁ ସଂଖ୍ୟାରେ ଛାତ୍ରଛାତ୍ରୀ ବିଦ୍ୟାଳୟକୁ ଆସୁଥିବା ଦେଖିବାକୁ ମିଳିଛି ।

କେନ୍ଦୁଝର: ଟାଉନ୍‌ ଥାନା ହୁଡ଼କୋ କଲୋନୀରୁ  ଲୁଟ୍‌ । କବାଟ ତାଡ଼ି ଲକ୍ଷାଧିକ ଟଙ୍କାର ସୁନା ଗହଣା ଲୁଟି ନେଲେ ଦୁର୍ବୃତ୍ତ । ସ୍ଥାନୀୟ ବାସିନ୍ଦା ନିରଞ୍ଜନ ସାହୁଙ୍କ ଘରୁ ଏହି ଲୁଟି ହୋଇଛି । କୈାଣସି କାମ ପାଇଁ ନିରଞ୍ଜନଙ୍କ ପରିବାର ଲୋକେ ବାଙ୍ଗାଲୋର ଯାଇଥିଲେ ।

ଗତକାଲି ଘରକୁ ଫେରିବା ପରେ ଘରର ମୁଖ୍ୟ କବାଟ ତାଡ଼ି ଦେଇଥିବା ଦେଖିବାକୁ ପାଇଥିଲେ । ଏହାସହ ଲୁଟେରା ଘରର ଆଲମାରୀ ଭାଙ୍ଗି ନଗଦ ଟଙ୍କା ସହ ସୁନା ଗହଣା ଲୁଟି ନେଇଛନ୍ତି । ପରିବାର ପକ୍ଷରୁ ଟାଉନ ପୋଲିସରେ ଅଭିଯୋଗ କରାଯାଇଛି । ଗତ ୬ମାସ ଭିତରେ ଟାଉନ ଥାନା ଅଞ୍ଚଳରେ ୧୪ଟି ଲୁଟ୍‌ ଓ ଡକାୟତି ହୋଇଛି । କିନ୍ତୁ ଅପରାଧ ନିୟନ୍ତ୍ରଣ ତଥା ଅପରାଧୀଙ୍କୁ ଧରିବାରେ ଫେଲ୍‌ ମାରୁଛି ପୋଲିସ । ତେଣୁ ସ୍ଥାନୀୟ ବାସିନ୍ଦା ଅସନ୍ତୋଷ ପ୍ରକାଶ କରିଛନ୍ତି ।