ନୂଆଦିଲ୍ଲୀ: କେନ୍ଦ୍ରସରକାର ଲକଡାଉନ୍ ୩.୦ରେ କିଛି ଜିନିଷ ଉପରେ କୋହଳ କରିଛନ୍ତି ।  ଏଥିରେ ସବୁପ୍ରକାର ଜୋନରେ ମଦ ବିକ୍ରିକୁ ନେଇ ଅନୁମତି ଦିଆଯାଇଛି । ଏବଂ ଏହି ଅନୁମତି ପରେ ଦିଲ୍ଲୀ ସରକାର ରାଜଧାନୀରେ ସକାଳ ୯ଟାରୁ ସଂଧ୍ୟା ସାଢେ ୬ଟା ପର୍ଯ୍ୟନ୍ତ ମଦ ବିକ୍ରି କରିବାକୁ ସରକାରୀ ମଦ ଦୋକାନ ଦୋକାନକୁ ନିର୍ଦ୍ଦେଶ ଦିଆଯାଇଛି । ଏହି ଅବସରରେ ମଦ ଦୋକାନରେ ଲମ୍ବା ଲାଇନ ଦେଖିବାକୁ ମିଳିଛି । ଲାଇନରେ ସାମାଜିକ ଦୂରତାକୁ ଧ୍ୟାନ ନଦେଇ ଥିବାରୁ ପୋଲିସ୍ ଲାଠି ଚାର୍ଜ ମଧ୍ୟ କରିଛି । କାରଣ ସାମାଜିକ ଦୂରତାର ନିୟମ ପାଳନ କରାଇବା ପାଇଁ ସେଠାରେ କିଛି ପୋଲିସଙ୍କୁ ରହିବାକୁ ନିର୍ଦ୍ଦେଶ ଦିଆଯାଇଥିଲା ଏବଂ ଏହି ନିୟମକୁ ଉଲଂଘନ କରୁଥିବା ବ୍ୟକ୍ତିଙ୍କ ଉପରେ ଲାଠି ଚାର୍ଜ ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି ।

କେବଳ ଦିଲ୍ଲୀର ଏ ଅବସ୍ଥା ନୁହେଁ ଅନ୍ୟ କେତେ ଗୁଡ଼ିଏ ଅଞ୍ଚଳରେ ମଧ୍ୟ ଏଭଳି ଲମ୍ବା ଲାଇନ୍ ଦେଖିବାକୁ ମଳିଛି । ତେବେ ମଦ ଦୋକାନରେ ସାମାଜିକ ଦୂରତାକୁ ଧ୍ୟାନ ଦିଆଯାଉଛି କି ନାହିଁ ତାହା ଦେଖିବାକୁ ପୋଲିସ ସିଭିଲ ଡ୍ରେସରେ ମଧ୍ୟ ବୁଲିଛି ।

ତେବେ ମଦ ପାଇଁ ଲୋକେ ଏତା ବାଉଳା ଯେ ସାମାଜିକ ଦୂରତାକୁ ବେଖାତିର କରି କିଲୋମିଟର ପର୍ଯ୍ୟନ୍ତ ଲାଇନରେ ଠିଆ ହେଉଛନ୍ତି ମଦ ନେବାକୁ  । ଲାଠି ଚାର୍ଜ ପରେ ମଧ୍ୟ ଲାଇନରେ ଛିଡ଼ା ହେଉଛନ୍ତି ମଦ ନେବାକୁ  ।

ଗୃହମନ୍ତ୍ରାଳୟର ଲକଡାଉନର ନିୟମରେ କୋହଳ କରାଯିବା ପରେ ପାଖାପାଖି ୧୫୦ଟି ମଦ ଦୋକାନ ଖୋଲିବାକୁ ଅନୁମତି ମଳିଛି । ସହରରେ ସରକାରୀ ଏଜେନ୍ସି ଏବଂ ବ୍ୟକ୍ତିଗତ ଭାବେ ଚାଲୁଥିବା ୮୫୦ଟି ମଦ ଦୋକାନ ରହିଛି । ନିର୍ଦ୍ଦେଶରେ ଅବକାରୀ ବିଭାଗ ଅଧିକାରୀଙ୍କଠାରୁ ଏଲ୍-୭ ଲାଇସେନ୍ସପ୍ରାପ୍ତ ଘରୋଇ ଦୋକାନଗୁଡ଼ିକୁ ଚିହ୍ନଟ କରିବାକୁ କହିଛି , ଯାହା ଏମଏଚଏର ନିର୍ଦ୍ଦେଶନାମା ପୂର୍ଣ୍ଣ କରିଥାଏ । ଅଧିକାରୀମାନଙ୍କୁ ତିନି ଦିନ ମଧ୍ୟରେ ରିପୋର୍ଟ ଦାଖଲ କରିବାକୁ କୁହାଯାଇଛି । ଚାରିଟି ସରକାରୀ ଏଜେନ୍ସି ଦ୍ୱାରା ପରିଚାଳିତ ସହରରେ ବର୍ତ୍ତମାନ କେବଳ ଏଲ-୭ ଏବଂ ଏଲ୍-୮ ଲାଇସେନ୍ସପ୍ରାପ୍ତ ମଦ ଦୋକାନରେ ବିକ୍ରି କରିବାକୁ ସରକାର ଅନୁମତି ଦେଇଛନ୍ତି ।

ତେବେ ଦିଲ୍ଲୀରେ ସମସ୍ତ ମଦ ଦୋକାନ ଖୋଲିନାହିଁ । ମଲ୍ ଏବଂ ବଜାରରେ ମଦ ଦୋକାନ ବନ୍ଦ ରହିବ । ସରକାରୀ ଦୋକାନଗୁଡ଼ିକ କେବଳ ସକାଳ ୯ ଟାରୁ ରାତି ୬:୩୦ ପର୍ଯ୍ୟନ୍ତ ଖୋଲିବ । ଯେମିତି ଏକ ସମୟରେ ଦୋକାନରେ ପାଞ୍ଚରୁ ଅଧିକ ଲୋକ ଉପସ୍ଥିତ ନହେବେ ତେଣୁ ଏହି ଚାରୋଟି ଏଜେନ୍ସି ସେଠାରେ ମାର୍ଶଲ ମଧ୍ୟ ନିୟୋଜିତ କରିବେ ।

​​ଯେଉଁମାନେ ଲାଇନରେ ସାମାଜିକ ଦୂରତା ଅନୁସରଣ କରୁନଥିଲେ ସେମାନଙ୍କୁ ପୋଲିସ ଲାଠି ମାଡ କରିଥିଲା ।ସାମାଜିକ ଦୂରତା ପାଳିତ ହେଉଛି ନା ନାହିଁ ତାହା ଜାଣିବାକୁ ପୋଲିସ ଲୋକଙ୍କ ଭିତରେ ସିଭିଲ ଡ୍ରେସରେ ଥିଲା ।

ନୂଆଦିଲ୍ଲୀ:  କରୋନା ଭାଇରସ୍ ପାଇଁ ଲାଗୁ କରାଯାଇଥିବା ଲକଡାଉନ ପାଇଁ ଦେଶ ସାରା ମଦ ବିକ୍ରି ଉପରେ ପ୍ରତିବନ୍ଧକ ଲଗାଯାଇଥିଲା ।  କିନ୍ତୁ ଆଜିଠୁ ଲାଗୁ କରାଯାଇଥିବା ଲକଡାଉନ ୩.୦ରେ କେତକ ରାଜ୍ୟରେ ମଦ ଉପରୁ ପ୍ରତିବନ୍ଧକକୁ ଉଠାଇ ଦିଆଯାଇଛି । ଦେଶକୁ ରେଡ୍, ଅରେଞ୍ଜ, ଏବଂ ଗ୍ରୀନ ଜୋନରେ ରାଜ୍ୟଗୁଡ଼ିକୁ ବାଣ୍ଟିଦିଆଯାଇଛି । ଏହି ଜୋନ ଅନୁସାରେ ରାଜ୍ୟ ଗୁଡ଼ିକରେ ମଦର ବିକ୍ରି ହୋଇପାରିବ । ଏହି ମଧ୍ୟରେ ମଦର ବିକ୍ରି ହେବା କଥା ଶୁଣି ଲୋକେ ମଦ ନେବା ପାଇଁ ସାମାଜିକ ଦୂରତାକୁ ଭୁଲି ଯାଇଛନ୍ତି ।

ମଦ ପେଟି ଦେଖି ଏମିତି ହେଲେ ଲୋକେ

ମଦ ନପାଇ ଲୋକ ଏକ ପ୍ରକାର ପାଗଳ ହୋଇସାରିଲେଣି । ଏ ଅବସ୍ଥା କେବଳ ଭାରତର ନୁହେଁ ଥାଇଲାଣ୍ଡର ମଧ୍ୟ ସମାନ ଅବସ୍ଥା । କାରଣ ଥାଇଲାଣ୍ଡରେ ମଧ୍ୟ ବହୁଦିନ ପରେ ମଦ ଉପରୁ ପ୍ରତିବନ୍ଧକ ଉଠାଇ ଦିଆଯାଇଛି । ଏହାପରେ ସେମାନଙ୍କ ଅବସ୍ଥା ଦେଖିଲେ ଆପଣ ବି ତାଜୁବ ହୋଇଯିବେ । ଏନେଇ ଟେଲିଭିଜନ ଜଗତର ହାସ୍ୟ ଅଭିନେତା ସୁନିଲ ଗ୍ରୋଭର ଏକ ଭିଡ଼ିଓ ସେୟାର କରିଛନ୍ତି । ସେହି ଭିଡ଼ିଓରେ ଦେଖାଯାଇଛି ଯେ, ଥାଇଲାଣ୍ଡର ଏକ ମଦ ଦେକାନରେ ଲୋକେ ମଦ ପାଇଁ କେତେ ଡହଳ ବିକଳ ହେଉଛନ୍ତି ।

ଏହି ଭିଡ଼ିଓରେ ଏକ ମଦ ଦୋକାନର ଭିତରର ଦୃଶ୍ୟକୁ ଦେଖିପାରବେ । ଏହି ଦୋକାନର ଜଣେ କର୍ମଚାରୀ ମଦ ପେଟି ଗୁଡ଼ିକୁ ନେଇ ଦୋକାନ ମଝିରେ ରଖି ଦେଉଛି । ଏହା ପରେ ଲୋକେ ଗୋଟେ ପରେ ଗୋଟେ ମଦ ପେଟି ନେବାକୁ କେମିତି ବିକଳ ହୋଇଛନ୍ତି । ଏବଂ କେହି ବି ଏଠି ସାମାଜିକ  ଦୂରତାକୁ ଅଧିକ ଧ୍ୟାନ ଦେଉ ନାହାଁନ୍ତି ।

ଦାର୍ ଏ ସଲାମ(ତାଞ୍ଜାନିଆ): ବାଦୁଡ଼ି, ମଣିଷ, କୁକୁର, ବାଘୁଣୀ ଏବଂ ବିଲେଇ ପରେ ଏବେ କରୋନା ଭାଇରସର ନୂଆ ଶୀକାର ହୋଇଛନ୍ତି ଛେଳି । ଆଫ୍ରିକାର ଏକ ଦେଶରେ ଛେଳି ଏବଂ ଫଳ ଦେହରେ କରୋନା ପଜିଟିଭ ପାଇବେ ପରେ ସେଠାକାର ରାଷ୍ଟ୍ରପତି ଏବେ ଚିନ୍ତାରେ । ତେବେ ଆସନ୍ତୁ ଜାଣିବା ସେ କେଉଁ ଦେଶ ଯେଉଁଠି ଛେଳି ଏବଂ ଫଳ,ପନିପରିବା ମଧ୍ୟ ହୋଇଛନ୍ତି କରୋନା ଭାଇରସ ପଜିଟିଭ ।

ଏହି ଦେଶ ହେଉଛି ତଞ୍ଜାନିଆ । ଏଠାରେ ରବିବାର ଏକ ଛେଳି ଏବଂ ଏକ ବିଶେଷ ପ୍ରକାରର ଫଳ ପଁପଁ (PawPaw) ଦେହରେ କରୋନା ଭାଇରସ ଥିବା ସ୍ପଷ୍ଟ କରାଯାଇଛି । ଏହାପରେ ଦେଶର ରାଷ୍ଟ୍ରପତି ଜନ୍ ମାଗୁଫୁଲୀ କହିଛନ୍ତି ଯେ, ଟେଷ୍ଟ କିଟରେ ନିଶ୍ଟୟ କିଛି ଭୁଲ ଥାଇପାରେ ତେଣୁ ଏହାର ଯାଞ୍ଚ ହେବା ଆବଶ୍ୟକ ।

ଅବଶ୍ୟ କିଛି ଦିନ ପୂର୍ବେ କରୋନା ଭାଇରସ ମାମଲାକୁ ଲୁଚାଇବା ଅଭିଯୋଗରେ ତାଞ୍ଜାନିଆ ରାଷ୍ଟ୍ରପତିଙ୍କୁ ଅନେକ ନିନ୍ଦା ଶୁଣିବାକୁ ପଡ଼ିଥିଲା । କାରଣ ଏହି ସମୟରେ କରୋନା ମାମଲା ଲୁଚାଇବା ସହିତ ମାଗୁଫଲୀ ନିଜ ଦେଶବାସୀଙ୍କୁ ଏମିତି କିଛି କଥା କହିଥିଲେ ଯେଉଁଥିପାଇଁ ସେ ଲୋକହସାର ଶୀକାର ହୋଇଥିଲେ । ସେ କହିଥିଲେ ଯେ, ‘ଆପଣମାନେ ପ୍ରାର୍ଥନା କରନ୍ତୁ ଯେ, ଆପଣମାନେ ଭାଇରସର ଶୀକାର ନହୁଅନ୍ତୁ ।’

ରାଷ୍ଟ୍ରପତି ଜନ୍ ମାଗଫୁଲୀ କହିଛନ୍ତି ଯେ, ବିଦେଶରୁ ଆସିଥିବା ଟେଷ୍ଟ କିଟ୍ ରେ କିଛି ଅସୁବିଧା ରହିଛି । ଏହା ସମ୍ଭବ ନୁହେଁ ଯେ, ପଁପଁ ଫଳ ଏବଂ ଛେଳି ପାଖରେ କରୋନା ପଜିଟିଭ ଦେଖାଦେବ । ଦେଶର ସେନାଙ୍କୁ ଟେଷ୍ଟ କିଟର ଯାଞ୍ଚ କରିବା ପାଇଁ ରାଷ୍ଟ୍ରପତି କହିଛନ୍ତି । କାରଣ ସାମ୍ପଲ ଯାଞ୍ଚ କରୁଥିବା ଲୋକମାନେ ମଣିଷଙ୍କ ବ୍ୟତୀତ ଅନ୍ୟ ସାମ୍ପଲ ଗୁଡ଼ିକର ମଧ୍ୟ ଯାଞ୍ଚ କରୁଥିଲେ । ଏହି ସାମ୍ପଲ ଛେଳି, ପଁପଁ ଫଳ ଠାରୁ ନିଆଯାଇଥିଲା । ଏହି ସାମ୍ପଲଗୁଡ଼ିକୁ ମଣିଷଙ୍କ ନାମ ଏବଂ ବୟସ ଦିଆଯାଇଥିଲା । ଏହାପରେ ସାମ୍ପଲର ଯାଞ୍ଚ କରିବା ପାଇଁ ତାଞ୍ଜାନିଆ ଲାବୋରେଟରୀକୁ ପଠାଯାଇଥିଲା । ଯେଉଁଠାରେ ଛେଳି ଏବଂ ପଁପଁ ଫଳ କରୋନା ପଜିଟିଭ ଚିହ୍ନଟ ହୋଇଥିଲେ ।

ବର୍ତ୍ତମାନ ରାଷ୍ଟ୍ରପତି ମାଗୁଫୁଲୀଙ୍କ ସୂଚନା ଅନୁଯାୟୀ, ଏହି ଯାଞ୍ଚକୁ ନେଇ ହୋଇଥିବା ଅସୁବିଧାରୁ ଜଣାପଡୁଠି ଯେ, ଆମ ଦେଶରେ ଅନେକ ଲୋକ କରୋନା ଭାଇରସ ସଂକ୍ରମିତ ନୁହନ୍ତି । କିନ୍ତୁ ଆମକୁ ଦ୍ୱିତୀୟ ଥର ଏହି ଭୁଲର ଯାଞ୍ଚ କରିବାକୁ ପଡ଼ିବ ।

ରବିବାର ସୁଦ୍ଧା ଚାଞ୍ଜାନିଆରେ ସର୍ବମୋଟ ୪୮୦ ମାମଲା ସାମ୍ନାକୁ ଆସିଛି ଏବଂ ୧୭ ଜଣ ସଂକ୍ରମିକ ଏଥିରେ ମୃତ୍ୟୁବରଣ କଲେଣି । କିନ୍ତୁ ଦେଶର ରାଜଧାନୀ ଦାର-ଏ-ସଲାମରେ ପ୍ରଶାସନ ତରଫରୁ ପ୍ରତିଦିନ ଏକ କରୋନା ଅପଡେଟ ବୁଲେଟିନ ମଧ୍ୟ ଜାରି କରାଯାଉନି ।

ରାଷ୍ଟ୍ରପତି ମାଗୁଫୁଲୀ କହିଛନ୍ତି ଯେ, ସେ ଏକ ପ୍ଲେନ୍ ମାଡାଗାସ୍କର ପଠାଇବେ ସେଠାରୁ ପ୍ରାକୃତିକ ଔଷଧ ଆଣିବା ପାଇଁ ଯାହାଫଳରେ କରୋନା ଭାଇରସର ସଂକ୍ରମଣ ରୋକାଯାଇପାରିବ ବୋଲି ଦାବି କରିଛନ୍ତି ରାଷ୍ଟ୍ରପତି ମାଗୁଫୁଲୀ