କୁହାଯାଏ ଭାଉଜଙ୍କର ସବୁଠୁ ଭଲ ସାଙ୍ଗ ହେଉଛନ୍ତି ଦିଅର । କିନ୍ତୁ, ସବୁ ପରିବାରକୁ ଏହି ପରିଭାଷା ସୁହାଏ ନାହିଁ । ଭାଉଜ ନଣଦଙ୍କ ଅପେକ୍ଷା ଦିଅରଙ୍କ ନିକଟତର ହେବାକୁ କିଛି ଅସୁବିଧାର ସମ୍ମୁଖିନ ହୁଅନ୍ତି । ତେଣୁ, ଆପଣଙ୍କୁ କେତକ କଥା ଧ୍ୟାନ ରଖିବାକୁ ପଡ଼ିବ । ଏମିତି ନ ହେଉ ଆପଣଙ୍କ ଏକ ଛୋଟ ଭୁଲ୍ ସବୁ ସମ୍ପର୍କ ବିଗାଡ଼ି ଦେଉ । ଆସନ୍ତୁ ଜାଣିବା କେମିତି ସମ୍ପର୍କକୁ ସୁଦୃଢ଼ ରଖିବେ ।
ସୀମା ମଧ୍ୟରେ ଚଳନ୍ତୁ
ଭାଉଜ ଓ ଦିଅରଙ୍କ ମଧ୍ୟରେ ଥିବା ସମ୍ପର୍କରେ ଏକ ସୀମା ନିର୍ଦ୍ଧାରଣ କରିବା ଉଚିତ୍ । ଯେମିତି କି ଶାଶୂଙ୍କ ସହ କଥାବାର୍ତ୍ତା କଲାବେଳେ ନିର୍ଦ୍ଦିଷ୍ଟ ସୀମା ଟପିବା ଉଚିତ୍ ନୁହେଁ । ସେମିତି ଦିଅରଙ୍କ ସହ କଥାବାର୍ତ୍ତା ଓ ସମ୍ପର୍କର ଏକ ସୀମା ରହିବା ଉଚିତ୍ । ଫଳରେ ସମ୍ପର୍କ ଠିକ୍ ରହିବ । ଉଭୟ ଉଭୟଙ୍କୁ ସମ୍ମାନ ସହ ମର୍ଯ୍ୟାଦା ଦେଲେ ଝଗଡ଼ା ହେବନାହିଁ ।
ପ୍ରଶୟ ଦିଅନ୍ତୁ ନାହିଁ
ଭାଉଜ ଓ ଦିଅରଙ୍କ ମଧ୍ୟରେ ଭଲ ପଡ଼େ । କିନ୍ତୁ, ଏହାର ଅର୍ଥ ନୁହେଁ କି ଜଣେ ଆଉ ଜଣଙ୍କ ଜୀବନରେ ମୁଣ୍ଡ ପୂରାଇବ । ଦିଅରଙ୍କ ନିଜର ପର୍ସନାଲ ଲାଇଫ ଥିବାବେଳେ ସେ ସେନେଇ ନିଷ୍ପତ୍ତି ନେବେ । ଯେତେବେଳେ ଯାଏଁ ଦିଅର କୌଣସି କଥା ନେଇ ଆପଣଙ୍କ ମତାମତ ଲୋଡ଼ୁନାହାଁନ୍ତି ସେ ପର୍ଯ୍ୟନ୍ତ କିଛି କୁହନ୍ତୁ ନାହିଁ । ଏପରିକି ଆପଣଙ୍କ ଦାମ୍ପତ୍ୟ ଜୀବନରେ ହେଉଥିବା ଝଗଡ଼ାରେ ଦିଅରଙ୍କୁ ପଶିବାକୁ ଦିଅନ୍ତୁ ନାହିଁ । କାରଣ ଏହା ଦ୍ୱାରା ସ୍ଥିତି ଆହୁରି ବିଗିଡ଼ିପାରେ ।
ସ୍ୱାମୀ ଓ ଦିଅରଙ୍କ ମଧ୍ୟରେ ଆସନ୍ତୁ ନାହିଁ
ପତି ଓ ଦେବର କୌଣସି କଥା ହେଉଥିଲେ ତାଙ୍କ ମଝିରେ ପଶନ୍ତୁ ନାହିଁ । ଏପରିକି ସ୍ୱାମୀ କୌଣସି କାରଣରୁ ସାନ ଭାଇ (ଦିଅର)ଙ୍କୁ ଗାଳି କରୁଥିଲେ ଆପଣ ମୁଣ୍ଡ ପୂରାନ୍ତୁ ନାହିଁ । ବରଂ ଝଗଡ଼ା ସରିଲା ପରେ ମାମଲା ସମାଧାନ କରନ୍ତୁ । ଭୂଲନ୍ତୁ ନାହିଁ, ଭାଇ ସବୁବେଳେ ପାଖରେ ରୁହେ । ସେମାନଙ୍କ ମଧ୍ୟରେ ଝଗଡ଼ା ହେବା ସାଧାରଣ କଥା । ଯଦି, ଆପଣ ସ୍ୱାମୀ କିମ୍ବା ଦିଅର କାହାର ଜଣଙ୍କ ପକ୍ଷ ନିଅନ୍ତି ତେବେ ଏହା ଅନ୍ୟଜଣଙ୍କୁ ଠିକ୍ ଲାଗିବ ନାହିଁ । ଏମିତି ହେଲେ ବନ୍ଦ ହେବାକୁ ଥିବା ଝଗଡ଼ା ଆହୁରି ବେଶୀ ଦିନ ଜାରି ରହିବ ।
କିଛି ରଖନ୍ତୁନି ଗୋପନ
ବନ୍ଧୁଙ୍କ ସହିତ ଗୋପନ ବୋଲି କିଛି ଥାଏ । କିନ୍ତୁ, ଭାଉଜ-ଦିଅରଙ୍କ ମଧ୍ୟ ଗୋପନ ସମ୍ପର୍କ ଥିଲେ ଆପଣଙ୍କୁ ଏହା ଭାରି ପଡ଼ିପାରେ । ଆପଣ ଦୁହିଁଙ୍କ ମଧ୍ୟରେ ଭଲ ବନ୍ଧୁତ୍ୱ ଥିଲେ ମଧ୍ୟ କୌଣସି ଜିନିଷକୁ ସ୍ୱାମୀଙ୍କୁ ଲୁଚାଇବାକୁ କହୁଥିଲେ ଆପଣ ଦିଅରଙ୍କ କଥା ମାନନ୍ତୁ ନାହିଁ । ଦିଅଙ୍କ ସହ ଜଡ଼ିତ କୌଣସି କଥାକୁ ସ୍ୱାମୀଙ୍କୁ କେବେ ଲୁଚାନ୍ତୁ ନାହିଁ । ଏପରିକି କଲେ ଆପଣ ଭବିଷ୍ୟତରେ ଉକ୍ତ ପରିସ୍ଥିତକୁ ମୁକାବିଲା କରିପାରିବେ ।
ଟଙ୍କା କାରବାର
ଦିଅର ଯୁବକ ଥିଲେ ତାଙ୍କୁ ପଇସା ଦରକାର ? ଏମିତିରେ ସ୍ୱାମୀ ଓ ଶାଶୂ ତାଙ୍କୁ ପଇସା ଦେବାକୁ ମନା କରି ଦେଇଛନ୍ତି କି ? ନା ଦିଅର ସେମାନଙ୍କୁ ଟଙ୍କା ମାଗିବାକୁ ଚାହୁଁନାହାଁନ୍ତି ? ସେଥିପାଇଁ ଦିଅର ଆପଣଙ୍କୁ ଟଙ୍କା ମାଗୁଛନ୍ତି କି ? ଯଦି ଏମିତି କିଛି ସ୍ଥିତି ଅଛି ତେବେ ଗୋଟିଏ ଥର ଟଙ୍କା ଦେଲେ । ସେ ଆପଣଙ୍କୁ ବାରମ୍ବାର ଟଙ୍କା ମାଗିବ । ପ୍ରତିଥର ସ୍ୱାମୀଙ୍କୁ ନଜଣାଇ ଦିଅରଙ୍କୁ ଟଙ୍କା ଦେବା ଆପଣଙ୍କ ଉପରେ ଭାରି ପଡ଼ିବ । ଟଙ୍କା ହେଉଛି ଜଲଦି ସମ୍ପର୍କ ବିଗାଡ଼ୁଥିବା ଜିନିଷ । ତେଣୁ, ଟଙ୍କା କାରବାର ବେଳେ ଭାବି ଚିନ୍ତୁ କରନ୍ତୁ ।
ଗତକାଲି ରବିବାର ଦକ୍ଷିଣ କାଶ୍ମୀର ସୋପିଆନରେ ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏନକାଉଣ୍ଟରରେ ୫ ଜଣ ଆତଙ୍କବାଦୀ ନିହତ ହୋଇଥିଲେ । ନିହତ ଆତଙ୍କୀଙ୍କ ମଧ୍ୟରେ ହିଜବୁଲ ମୁଜାହିଦ୍ଦିନର ଟପ୍ କମାଣ୍ଡର ଅହମଦ ଭଟ୍ଟ ଥିବା କୁହାଯାଉଛି । ୨୪ ଘଣ୍ଟା ମଧ୍ୟରେ ସୋପିଆନରେ ହୋଇଥିବା ୨ ଏନକାଉଣ୍ଟରରେ ମୋଟ ୯ ଜଣ ଆତଙ୍କବାଦୀ ନିହତ ହୋଇଛନ୍ତି ।
କେବଳ କନଫର୍ମ ଟିକେଟ୍ ଥିବା ଯାତ୍ରୀଙ୍କୁ ଷ୍ଟେସନରେ ପ୍ରବେଶ ଅନୁମତି ମିଳିଛି । ଯାତ୍ରୀମାନେ ମୁହଁରେ ମାସ୍କ ପିନ୍ଧିବା ସହ ସାମାଜିକ ଦୂରତାକୁ ଗୁରୁତ୍ୱ ଦିଆଯାଇଛି । ଆରୋଗ୍ୟ ସେତୁ ଆପ ବାଧ୍ୟତାମୂଳକ କରାଯାଇଛି । ତେବେ, ଟ୍ରେନରେ ଖାଇବା ଓ ବେଡ୍ ସିଟ୍ ମିଳିବ ନାହିଁ । ଯାତ୍ରୀମାନେ ନିଜ ସାଙ୍ଗରେ ଆଣିବାକୁ ରେଳବାଇ ପକ୍ଷରୁ କୁହାଯାଇଛି ।
