ନୂଆଦିଲ୍ଲୀ: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତିଗତିରେ ବଢ଼ିବାରେ ଲାଗିଛି । ଗତ ୪ ଦିନ ମଧ୍ୟରେ ୬ ହଜାରରୁ ଊର୍ଦ୍ଧ୍ୱ ସଂକ୍ରମିତ ଚିହ୍ନଟ ହୋଇଛନ୍ତି । ଏଯାବତ୍ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧ଲକ୍ଷ ୩୮ ହଜାରରେ ପହଞ୍ଚିଛିଥିବା ବେଳେ ସର୍ବାଧିକ ସଂକ୍ରମିତ ମହାରାଷ୍ଟ୍ରରୁ ଚିହ୍ନଟ ହୋଇଛନ୍ତି । ତେବେ ଓଡ଼ିଶା, ବିହାର ଓ କେରଳା ଭଳି ରାଜ୍ୟରେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରେ ଅଧିକାଂଶ ପ୍ରବାସୀ ।

ବିହାରରେ ବେଲଗାମ୍ ହେଉଛି କରୋନା

ଦେଶର ବିଭିନ୍ନ ରାଜ୍ୟରୁ ସର୍ବାଧିକ ସଂଖ୍ୟାରେ ପ୍ରବାସୀ ଶ୍ରମିକ ଓଡ଼ିଶା ଏବଂ ବିହାରକୁ ଫେରିଛନ୍ତି । ଇତିମଧ୍ୟରେ ବିହାରରେ ଦିନ ଦିନ ବଢ଼ିବାରେ ଲାଗି କରୋନା ସଂକ୍ରମିତଙ୍କ ସଂଖ୍ୟା । ଗତ ୨ ସପ୍ତାହ ମଧ୍ୟରେ ବିହାରେ କରୋନା ସଂକ୍ରମତଙ୍କ ସଂଖ୍ୟା ୩ ଗୁଣା ବଢ଼ିଛି । ୧୦ ମଇ ସୁଦ୍ଧା ବିହାରରେ ୭୦୦ରୁ କମ୍ କରୋନ ସଂକ୍ରମିତ ଚିହ୍ନଟ ହୋଇଥିଲେ । କିନ୍ତୁ ଏହି ସଂଖ୍ୟା ଏବେ ୨ହଜାର ୫ଶହକୁ ବୃଦ୍ଧି ପାଇଛି । ରବିବାର ବିହାରରେ  ୨୦୭ ନୂଆ ମାମଲା ସାମ୍ନାକୁ ଆସିଛି । ଘରକୁ ଫେରୁଥିବା ପାଖାପାଖି ୨୦ ପ୍ରତିଶତଠାରୁ ଊର୍ଦ୍ଦ୍ୱ ପ୍ରବାସୀ କରୋନା ପଜିଟିଭ୍‌ ଚିହ୍ନଟ ହେଉଛନ୍ତି । ଏଯାଏଁ ବିହାରରେ ମୋଟ ୧୩ ଲୋକଙ୍କ ମୃତ୍ୟୁ ମଧ୍ୟ ହେଲାଣି ।

ଓଡ଼ିଶା ଏବଂ କେରଳାରେ ମଧ୍ୟ ବଢ଼ୁଛି ମାମଲା

ତେବେ ସୋମବାର ଓଡ଼ିଶାରେ ପୁଣି ୧୦୦ ନୂଆ ମାମଲା ସାମ୍ନାକୁ ଆସିଛି । ଏଥି ମଧ୍ୟରୁ ଅଧିକାଂଶ ପ୍ରବାସୀ ଶ୍ରମିକ । ଏବେ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୧୪୫୦ରେ ପହଞ୍ଚିଛି । ସେପଟରେ କେରଳାରେ ମଧ୍ୟ କରୋନାର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇସାରିଛି । ଏଠାରେ ଗତ ଏକ ସପ୍ତାହ ମଧ୍ୟରେ ପାଖାପାଖି ୧୦୦ ମାମଲା ସାମ୍ନାକୁ ଆସିଛି । ଏମାନଙ୍କ ମଧ୍ୟରୁ ଅଧିକାଂଶ  ପ୍ରବାସୀ । ଏମାନେ ସମସ୍ତେ ଗୁଜରାଟ ଏବଂ ମହାରାଷ୍ଟ୍ରଠାରୁ ଫେରିଛନ୍ତି । ଏଥିସହିତ ବିଦେଶରୁ ମଧ୍ୟ ବହୁ ସଂଖ୍ୟାରେ ଲୋକ ଫେରିଛନ୍ତି ।

ମୁମ୍ୱାଇରେ ୩୦ ହଜାରରୁ ଅଧିକ ମାମଲା

ମହାରାଷ୍ଟ୍ରରେ ସୋମବାର ସୁଦ୍ଧା କରୋନା ସଂକ୍ରମିତଙ୍କ ସଂଖ୍ୟା ୫୦୨୩୧ରେ ପହଞ୍ଚିଛି ।  ଯେଉଁଥିରୁ ୩୩ ହଜାର ୯୮୮ ଟି ମାମଲା ସକ୍ରିୟ ରହିଛି । ଯେତେବେଳେ କି ଏହି ମାରାତ୍ମକ ଭୂତାଣୁ ଯୋଗଁ ୧୬୩୫ ଲୋକଙ୍କ ମୃତ୍ୟୁ ହୋଇସାରିଛି । ଏମାନଙ୍କ ମଧ୍ୟରୁ କେବଳ ୩୦ ହଜାରରୁ ଊର୍ଦ୍ଧ୍ୱ ମାମଲା ମହାରାଷ୍ଟ୍ରର ପ୍ରମୁଖ ସହର ମୁମ୍ୱାଇରୁ ଚିହ୍ନଟ ହୋଇଛନ୍ତି । ଏଥିସହିତ ମୁମ୍ୱାଇରେ ମଧ୍ୟ ପାଖାପାଖି ୧ ହଜାର ଲୋକଙ୍କ ମୃତ୍ୟୁ ହୋଇଛି ।

ନୂଆଦିଲ୍ଲୀ: ଲକଡାଉନ ପାଇଁ ଦେଶରେ ସବୁ ମନ୍ଦିର ଓ ମସଜିଦକୁ ଭକ୍ତଙ୍କ ଦର୍ଶନ ପାଇଁ ବନ୍ଦ କରିଦିଆଯାଇଛି । ସାଧାରଣ ହେଉ କିମ୍ବା ପ୍ରସିଦ୍ଧ ସବୁ ପ୍ରକାର ମନ୍ଦିରରେ ଭକ୍ତଙ୍କ ଦର୍ଶନକୁ ବାରଣ କରାଯାଇଛି । ତେବେ ଏହି ନିୟମକୁ କେବଳ ସାଧାରଣ ଜନତା ଗ୍ରହଣ କରିନାହାଁନ୍ତି ପୋଲିସ ବାବୁମାନେ ମଧ୍ୟ ଏହି ନିୟମକୁ ପାଳନ କରିଛନ୍ତି । ଉଜ୍ଜୟନୀ ଏସପି ମନୋଜ ସିଂଙ୍କ ଗୋଟିଏ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ତାଙ୍କୁ ଡହଡହ ଖରାରେ ବିଚ୍ ରାସ୍ତାରେ ମହାକାଳଙ୍କୁ ଭୂମିଷ୍ଟ ପ୍ରଣାମ କରୁଥିବା ଦେଖିବାକୁ ମିଳିଛି ।

ରେଡ୍ ଜୋନରେ ଥିବା ଉଜ୍ଜୟନୀ ସହରରେ  ପରିସ୍ଥିତି ଏବେ ଗମ୍ଭୀର ଅଛି । ଏମିତିରେ ଏସପି ମନୋଜ ସିଂଙ୍କ ଉପରେ ରହିଛି ଗୁରୁଦାୟିତ୍ୱ । ଲକଡାଉନକୁ ସଫଳତାର ସହ ନିଜ ଜିଲ୍ଲାରେ ଲାଗୁ କରିବା ତାଙ୍କ ଦାୟିତ୍ୱ । ମନୋଜ ସିଂ ବାବା ମହାକାଳଙ୍କ ମନ୍ଦିର ଦେଇ ଡ୍ୟୁଟିରେ ଯାଉଥିବା ବେଳେ ରାସ୍ତା ଉପରେ ଆଣ୍ଢେଇ ପଡିଥିଲେ । ମନ୍ଦିର ଭିତରକୁ ଯିବା ମନା ତେଣୁ ଫାଟକ ବାହାରୁ କଳଶକୁ ଦେଖି ମୁଣ୍ଡିଆ ମାରିଲେ । ସେହି ସମୟର ଏହି ଫଟୋ ଭାଇରାଲ ହେବାରେ ଲାଗିଛି ।

ରାସ୍ତା ମଝିରେ ପ୍ରାର୍ଥନା କଲେ

ପୋଲିସ ଅଧିକ୍ଷକ ମନୋଜ ସିଂ  ଯେତେବେଳେ ଉଜ୍ଜୟନୀର ଦାୟୀତ୍ୱ ନେଇଥିଲେ ସେବେଠାରୁ ସହରର ସ୍ଥିତି ସୁଧାରିବାକୁ ପ୍ରୟାସ କରିଚାଲିଛନ୍ତି । ସେ ଉଜ୍ଜୟନୀର ଦାୟୀତ୍ୱ ନେବା ପୂର୍ବରୁ ଏମିତି ହିଁ ବାବା ମହାକାଳଙ୍କୁ ପ୍ରଣାମ କରିଥିଲେ । ଏସପି ମନୋଜ ସିଂ କହିଛନ୍ତି ସେ କରୋନା ସଂକ୍ରମଣରୁ ସମସ୍ତୁ ରକ୍ଷା କରନ୍ତୁ ବୋଲି ପ୍ରାର୍ଥନା କରିଛନ୍ତି ।

ଲକଡାଉନ ସମୟରେ କିଛି ଭକ୍ତ ମନ୍ଦିର ଭିତରେ ପଶି ଥିଲେ ।

କିଛି ଦିନ ପୂର୍ବରୁ ମହାକାଳ ମନ୍ଦିରର ଗର୍ଭଗୃହରେ ପଶିଥିବାର ଫଟୋ ଭାଇରାଲ ହୋଇଥିଲା । ଲକଡାଉନ ସମୟରେ କିଛି ଅମାନିଆ ମନ୍ଦିରରେ ପଶିବା ସହ ସେଠାରେ ସେଲ୍ଫି ମଧ୍ୟ ନୋଇଥିଲେ । ତେବେ ଯେତେବେଳେ ଏହି ଫଟୋ ଭାଇରାଲ ହୋଇଥିଲା ସେତେବେଳେ ମନ୍ଦିର ପ୍ରଶାସନ ଏସମ୍ପର୍କରେ ଯାଞ୍ଚ କରିବା ଆରମ୍ଭ କରିଥିଲା ।