ଲଦାଖ ଭିତରକୁ ଅନୁପ୍ରେବଶ କରିଥିବା ଚୀନ ସେନା ୨ରୁ ୩ କିମି ପଛକୁ ଫେରିଛି । ଭାରତୀୟ ସେନା ମଧ୍ୟ କିଛି ଦିନର ଗତିରୋଧ ପରେ ପଛକୁ ଫେରିଛି ।ତେବେ ଦୁନିଆ ସାମ୍ନାରେ ଗୋଟିଏ ପ୍ରଶ୍ନ ଯେ, ଚୀନ ହଠାତ ଏଭଳି ଆକ୍ରାମକ ହେବାର କାରଣ କ’ଣ ? କାରଣ ୨୦୧୮ରେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେ, ଚୀନ ସହ ଆମର ସୀମା ବିବାଦ ଥିଲେ ମଧ୍ୟ ୧୯୬୨ ପରଠାରୁ ସୀମାରେ ଗୋଟିଏ ବି ଗୁଳି ଫୁଟିନି । ତେବେ ଚୀନ ବର୍ତ୍ତମାନ ଏଭଳି ଆକ୍ରାମକ ହେବା ଭାରତକୁ ନିଶ୍ଚିତ ଭାବେ ଅସହଜ କରିଛି ।
ପୂର୍ବତନ ସେନା ମୁଖ୍ୟ ବିପି ମଲ୍ଲିକଙ୍କ ଅନୁସାରେ କାଶ୍ମୀରରୁ ଧାରା ୩୭୦ ହଟାଇବା ଗୋଟିଏ କାରଣ ହୋଇପାରେ । ଚୀନ ଭାରତର ପଦକ୍ଷେପ ବିରୋଧରେ ସେତେବେଳେ ଟିପ୍ପଣୀ କରିଥିଲା । ଚୀନ ଯଥାସ୍ଥିତି ବନାଇ ରଖିବାକୁ ସେତେବେଳେ କହିଥିଲା । ଚୀନର ଚେଲା ପାକିସ୍ତାନ ସବୁବେଳେ ଚୀନକୁ କାଶ୍ମୀର ପ୍ରସଙ୍ଗରେ ହସ୍ତକ୍ଷେପ କରିବାକୁ କହି ଆସୁଛି ।
ଏହାପରେ ଆସିଲା କରୋନା କାଳ । ଦୁନିଆ କରୋନାକୁ ନେଇ ଲକଡାଉନ୍ ଭିତରେ ରହିଛି । ଚୀନ କରୋନାକୁ ଲୁଚାଇ ରଖିଥିବା ଅଭିଯୋଗରେ ଆମେରିକା,ଅଷ୍ଟ୍ରେଲିଆ ଓ ଜାପାନ ତା’ ବିରୋଧରେ ମେଣ୍ଟ କରୁଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନରେ ଏହି ତିନି ଦେଶ ଆଣିଥିବା ପ୍ରସ୍ତାବକୁ ଭାରତ ସମର୍ଥନ କରିଥିଲା । ଦୁନିଆରେ ଚୀନ ଏକୁଟିଆ ହେଉଥିବା ଅନୁଭବ କରୁଛି । ଏଣେ ଭାରତର ବିରୋଧ ତାକୁ ପ୍ରତିକ୍ରିୟାଶୀଳ କରିଛି ।
ଲଦାଖ ଓ ଅନ୍ୟ ସୀମାବର୍ତ୍ତି ଅଂଚଳରେ ଭାରତର ସଡକ ନିର୍ମାଣ ମଧ୍ୟ ଚୀନକୁ ଉତକ୍ଷିପ୍ତ କରିଛି । ୧୯୬୨ ଯୁଦ୍ଧରେ ଗମନାଗମନ ସୁବିଧା ଅଭାବ ଯୋଗୁ ଭାରତ ହାରିବା ମଧ୍ୟ ଗୋଟିଏ କାରଣ ଥିଲା । ଭାରତ ଏବେ ସୀମାରେ ନିଜ ରୋଡ୍ ନେଟୱର୍କକୁ ଶକ୍ତିଶାଳୀ କରୁଛି । ଯାହାକୁ ଚୀନ ପସନ୍ଦ କରୁନାହିଁ । ଏପ୍ରିଲ ମାସରେ ଲେହର କାରୁଠାରୁ କାରାକୋରମ ପର୍ଯ୍ୟନ୍ତ ଗୋଟିଏ ବାଇକ୍ ରାଲି ଆୟୋଜନ ହୋଇଥିଲା । ଏଥିରେ ଭାରତୀୟ ଯବାନ ମଧ୍ୟ ସାମିଲ ହୋଇଥିଲେ । ନବନିର୍ମିତ ୨୫୫ କିମି ଲମ୍ବ ବିଶିଷ୍ଟ ଦାରବୁକ-ଶୋୟାକ-ଦୌଲତବେଗ୍ ଓଲଡି ସଡକ ଦେଇ ଏହି ବାଇକ୍ ରାଲି ଯାଇଥିଲା । ଏହି ସଡକ ଭାରତୀୟ ସେନାକୁ ଚୀନ୍ ଅଧିକୃତ ଅକସାଇ ଚୀନ ପର୍ଯ୍ୟନ୍ତ ରାସ୍ତା ଦିଏ ।
ଭାରତ ଚୀନକୁ ମ୍ୟାନୁଫ୍ୟାକ୍ଚରିଂ କ୍ଷେତ୍ରରେ ଚ୍ୟାଲେଂଜ୍ କରୁଛି
କରୋନା ମହାମାରୀ ଭିତରେ ଚୀନରେ ଥିବା ଅନେକ ବିଦେଶୀ କଂପାନୀ ସେଠାରୁ ନିଜ ମାନୁଫ୍ୟାକ୍ଚରିଂ ୟୁନିଟକୁ ଭାରତ ଆଣିବାକୁ ଇଛା ପ୍ରକଟ କରିଛନ୍ତି । ପ୍ରାୟ ୧୦୦୦ କମ୍ପାନୀ ଭାରତ ଆସିବେ ବୋଲି କୁହାଯାଉଛି । ଯାହା ଚୀନ ଅର୍ଥନୀତିକୁ ପ୍ରଭାବିତ କରିବ । ଚୀନ ଏହାକୁ ନେଇ ଉତକ୍ଷିପ୍ତ ରହିଛି ।ଚୀନକୁ ଭାରତ ଅର୍ଥନୈତିକ ମୋର୍ଚ୍ଚାରେ ମଧ୍ୟ ଚ୍ୟାଲେଂଜ୍ କରୁଛି । ଏପ୍ରିଲ ମାସରେ ଭାରତ ସରକାର ପ୍ରତ୍ୟକ୍ଷ ପୁଂଜି ନିବେଶ ବା ଏଫ ଡି ଆଇରେ ପରିବର୍ତ୍ତନ ଆଣିଥିଲେ । ଭାରତ ସରକାରଙ୍କ ଆଶଙ୍କା ଥିଲା ଯେ, କରୋନାର ଫାଇଦା ଉଠାଇ ଚୀନ୍ ଭାରତୀୟ କଂପାନୀଙ୍କ ଅଧିଗ୍ରହଣ କରିପାରେ । ତେଣୁ ଭାରତ ସରକାର ଗୋଟିଏ ନୂଆ ନିୟମ କରିଥିଲେ । ଏହି ନିୟମ ଅନୁସାରେ ଭାରତର ପଡୋଷୀ ଦେଶରୁ ଆସୁଥିବା ପ୍ରତ୍ୟକ୍ଷ ପୁଂଜି ନିବେଶ ପାଇଁ ଆଗୁଆ କେନ୍ଦ୍ର ସରକାରଙ୍କଠାରୁ ଅନୁମତି ନେବାକୁ ପଡିବ । ଏହି ନିୟମ ଚୀନକୁ ଦେଖି ଅଣାଯାଇଛି । ଚୀନ୍ ଏଥିପାଇଁ ମଧ୍ୟ ଭାରତକୁ ନେଇ ସନ୍ତୁଷ୍ଟ ନାହିଁ ।
ବୌଦ୍ଧ ଓ କୋରାପୁଟ ଜିଲ୍ଲାରୁ ଜଣେ ଲେଖାଏଁ ସଂକ୍ରମିତ ସୁସ୍ଥ ହୋଇଛନ୍ତି । ମୋଟ ସୁସ୍ଥ ସଂଖ୍ୟା ବୃଦ୍ଧି ପାଇ ୨୨୮୨ରେ ପହଞ୍ଚିଛି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩୨୫୦କୁ ବୃଦ୍ଧି ପାଇଛି । ୯ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ଏହି ରିପୋର୍ଟ ସେହି ସମୟରେ ଆସିଛି ଯେତେବେଳେ ଅନେକ ଦେଶ ଲକଡାଉନ୍ ଖୋଲିବାକୁ ଯାଉଛନ୍ତି । ଲୋକ କାମକୁ ଫେରୁଛନ୍ତି । ଭାରତରେ ଅନଲକ୍ ୧ କ୍ରମରେ ମନ୍ଦିର ଓ ମଲ ଖୋଲିବାକୁ ଯାଉଛି ।
ଏହି ଫିଚର ମାଧ୍ୟମରେ, ଗୋଟିଏ ଫୋନରୁ ଅନ୍ୟ ଫୋନକୁ ବଡ଼ ଫାଇଲ୍ ପଠାଇ ହେବ । ଆଜିକାଲି ସ୍ମାର୍ଟଫୋନରେ NFC (ନିୟର ଫିଲ୍ଡ କମ୍ୟୁନିକେସନ) ଟେକ୍ନୋଲୋଜି ଦିଆଯାଉଛି । NFC ମାଧ୍ୟମରେ ଫୋନରେ (Android Beam) ଆଣ୍ଡ୍ରୋଏଡ୍ ବିମ୍ ନାମକ ଫିଚର କାମ କରେ । ଏହି ଫିଚର ମାଧ୍ୟମରେ, ୟୁଜର ପେମେଣ୍ଟ ଠାରୁ ଆରମ୍ଭ କରି ଡାଟା ଟ୍ରାନ୍ସଫର୍ ପର୍ଯ୍ୟନ୍ତ ସୁରକ୍ଷିତ ଉପାୟରେ ଟ୍ରାନ୍ସଫର କରିପାରିବେ । ସୂଚନାଯୋଗ୍ୟ ଯେ, ସବୁ ସ୍ମାର୍ଟଫୋନରେ ଏହି ଫିଚର ନଥାଏ । ତେବେ ଫୋନରେ ଏହି ଫିଚର ଅଛି କି ନାହିଁ ତାହା ଜାଣିବା ବହୁତ ସହଜ । ଏଥିପାଇଁ ପ୍ରଥମେ ଫୋନର ସେଟିଙ୍ଗକୁ ଯାଇ ସର୍ଚ୍ଚ ଅପସନ NFC ଖୋଜିବା ପରେ ବିମ୍ ମଧ୍ୟ ମିଳିଯିବ । ଏହା ବ୍ୟତୀତ ଡିଭାଇସ୍ କନେକ୍ସନ୍ ଅପ୍ସନକୁ ଯାଇ ଏଠାରେ NFC ଖୋଜିଲେ ଆଣ୍ଡ୍ରୋଏଡ୍ ବିମ୍ ଫିଚର ଫୋନରେ ମିଳିବ ।
