ଯାଜପୁର: ଧର୍ମଶାଳା ବ୍ଲକ କଣ୍ଟିଗଡିଆଠାରେ ଥିବା ବଡ଼ ପୋଖରୀର ହେବ ଉନ୍ନତିକରଣ। ଏ ନେଇ ଆରମ୍ଭ ହୋଇଛି ପ୍ରକ୍ରିୟା । ପ୍ରସ୍ତୁତ କରାଯାଇଛି ଯୋଜନା।
ସୋମବାର ଯାଜପୁର ବିଧାୟକ ପ୍ରଣବ ପ୍ରକାଶ ଦାସ, ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟଙ୍କ ସମେତ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ, ଜିଲ୍ଲା ପ୍ରକଳ୍ପ ନିର୍ଦ୍ଦେଶକ, ସ୍ଥାନୀୟ ବିଡିଓ ଏବଂ ତହସିଲଦାର ପ୍ରମୁଖ ସେଠାରେ ପହଞ୍ଚି ପୋଖରୀ ବୁଲି ଦେଖିବା ସହିତ ଏହାର ଉନ୍ନତି କରଣ ପାଇଁ ଯୋଜନା ପ୍ରସ୍ତୁତ କରିଛନ୍ତି।
ଖୁବଶୀଘ୍ର ଏହାର ଉନ୍ନତିକରଣ କାର୍ଯ୍ୟ ଆରମ୍ଭ ହେବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।
ପୁରୀ: କରୋନା ଭଳି ମହାମାରୀ ରୋଗର ନିରାକରଣ ନେଇ ଜଗତଗୁରୁ ଶଙ୍କରାଚାର୍ଯ୍ୟ ଦେଇଛନ୍ତି ପରାମର୍ଶ । ସମ୍ପୂର୍ଣ ଆର୍ୟୁବେଦ ପଦ୍ଧତି ରେ ପ୍ରସ୍ତୁତ କାଢା, ଘିଅ ତଥା ଗୋମୂତ୍ରର ବ୍ୟବହାର କରି କରୋନା ମହାମାରୀ ରୋଗ ଠାରୁ ବର୍ତ୍ତିବାର ବାଟ ଦେଖାଇଛନ୍ତି ଜଗତଗୁରୁ । ପୁରୀ ଗୋବର୍ଧନ ମଠରେ ଚାଲିଥିବା ବିଜ୍ଞାନ ସଂଗୋଷ୍ଠୀ କାର୍ଯ୍ୟକ୍ରମରେ ଦେଶ ତଥା ବିଦେଶର ବିଭିନ୍ନ ପ୍ରାନ୍ତରୁ ବୈଜ୍ଞାନିକ, ଡାକ୍ତର ମାନଙ୍କ ସହ ଭିଡିଓ କନଫରେନସିଂ ମାଧ୍ୟମରେ ଆଲୋଚନା କରିଛନ୍ତି ।
ସମ୍ପୂର୍ଣ ଆର୍ୟୁବେଦିକ ପ୍ରଣାଳୀରେ କରୋନାରୁ ବର୍ତ୍ତିବାର ବାଟ ଦେଖାଇଲେ ଜଗତଗୁରୁ ଶଙ୍କରାଚାର୍ଯ୍ୟ । ନିମ୍ବପତ୍ର, ତେଜପତ୍ର, ଅଦା, ଅମୃତଭଣ୍ଡା ପତ୍ର, ଜଷ୍ଟି ମଧୁ, ହଳଦୀ ଓ ଘିଅ ରେ ପ୍ରସ୍ତୁତ କାଢ଼ାର ନିୟମିତ ସେବନ ଦ୍ୱାରା ହୋଇପାରିବ କରୋନାର ନିରାକରଣ । ବାହାର ବିଷାକ୍ତ ବାତାବରଣରୁ ବର୍ତ୍ତିବାକୁ ହେଲେ ନାକର ଛିଦ୍ରରେ ଗାଈ ଘିଅ ଲଗାଇବା, ତୁଳସୀ, ମହୁ ର ନିୟମିତ ସେବନ କଲେ କରୋନା ଭଳି ମହାବିପତ୍ତିରୁ ବର୍ତ୍ତିପାରିବା ବୋଲି କହିଛନ୍ତି ଜଗତଗୁରୁ । ସୃଷ୍ଟିର ସଂରଞ୍ଚନା ପାଇଁ ପ୍ରୟୋଜନର ଜ୍ଞାନ ନଥିବାରୁ ଏଭଳି ପରିଣତି ଘଟିଛି । ସେପଟେ ଏହି ବୈଠକରେ କିଭଳି ଭାବରେ ଆମେମାନେ ସଚେତନ ରହିବା ଏବଂ ଆର୍ୟୁବେଦ ଚିକିତ୍ସାକୁ ଆପଣେଇବା ସମ୍ପର୍କରେ କହିଥିଲେ ଜଗତଗୁରୁ ।
ଅନ୍ୟପଟେ ସୁମଙ୍ଗଳ ବିଶ୍ୱର ସରନଞ୍ଚନା ପାଇଁ ମାର୍ଗ ପ୍ରସ୍ତୁତ କରୁଛନ୍ତି ଜଗତଗୁରୁ। ଦେଶବିଦେଶର ୨୦ ବୈଜ୍ଞାନିକଙ୍କୁ ନେଇ ଭିଡିଓ କନଫରେନସିଂ ମାଧ୍ୟମରେ ଚାଲିଛି ଆଲୋଚନା । ବିଜ୍ଞାନର ପରିଭାଷା, ଉଦେଶ୍ୟ, ପ୍ରଭେଦ, ବୈଜ୍ଞାନିକ ସିଦ୍ଧାନ୍ତ ସହ ମନ୍ତ୍ର ତନ୍ତ୍ର ଯନ୍ତ୍ର ଭଳି ୮ଟି ପ୍ରସଙ୍ଗ ଉପରେ ହେଉଛି ବିସ୍ତୃତ ଆଲୋଚନା । ଦେଶ ତଥା ବିଦେଶର ବୈଜ୍ଞାନିକ ମାନେ ଭିଡିଓ କନଫରେନସିଂ ଦ୍ୱାରା ନିଜର ଭାବ ବ୍ୟକ୍ତ କରିଛନ୍ତି । ଭଗବାନ ଜଗତର ସୃଷ୍ଟି କର୍ତ୍ତା ଏବଂ ଜଳ,ବାୟୁ, ଆକାଶ, ପ୍ରାଣୀ, ଉଦ୍ଭିଦର ସୃଷ୍ଟି କର୍ତ୍ତା ମାନବ ସମାଜ । ବିକାଶ ନାମରେ ପୃଥିବୀ, ବାୟୁ, ଜଳ, ଆକାଶ ଯେଉଁଭଳି ନଷ୍ଟ ହେଉଛି ଫଳରେ ଏଭଳି ମହାମାରୀ ସୃଷ୍ଟି ହେଉଛି ବୋଲି ଜଗତଗୁରୁ କହିବା ସହ ବେଦ, ଶାସ୍ତ୍ର ଓ ଉପନିଷଦ ଆଜିବି ବିଜ୍ଞାନ ସହ ସାମଞ୍ଜସ୍ୟ ରଖିଥିବାବେଳେ ସମସ୍ତଙ୍କ ପାଇଁ ସୁମଙ୍ଗଳ ବୋଲି କହିଛନ୍ତି ଜଗତଗୁରୁ ।
ଜଳେଶ୍ୱର: ଗ୍ରାମବାସୀଙ୍କ ସହ ମିଶି ବଡ଼ ଭାଇଙ୍କୁ ମାରିଲା ସାନଭାଇ । ମାନସିକ ବିକାରଗ୍ରସ୍ତ ବଡ଼ଭାଇ ମାରି ସାରିବା ମାଟିରେ ପୋତିଦେଇଛି ସାନଭାଇ । ଏଭଳି ଏକ ଅଭାବନୀୟ ଏଭଳି ଅଭାବନୀୟ ଘାଟଣା ଘଟିଛି ବାଲେଶ୍ଵର ଜିଲ୍ଲା ବସ୍ତା ଥାନା ଅନ୍ତର୍ଗତ ବାସୁଚକୁରାଇ ଗାଁରେ । ରୋହିତ ହେମ୍ୱ୍ରମ୍ ତାଙ୍କ ସାନଭାଇଙ୍କ ସହ ଗ୍ରାମର ୧୦ ଜଣ ବ୍ୟକ୍ତି ସହ ମିଶି ହତ୍ୟା କରିଥିବା ଅଭିଯୁକ୍ତ ସାନଭାଇ ସ୍ୱୀକାର କରିଛନ୍ତି । ତେବେ ରୋହିତ ମାନସିକ ବିକାରଗସ୍ତ ଥିବାରୁ ତାଙ୍କୁ ପିଟିପିଟି ହତ୍ୟା କରି ନିକଟରେ ଥିବା କ୍ଷେତରେ ଗାତ ଖୋଳି ପୋତିଥିଲେ । ଗାଁ ରେ ବସ୍ତା ପୋଲିସ ସହ ସାଇନଟିଫିକ ଟିମ ଆସି ପହଁଚି ମୃତଦେହ କୁ ଉଦ୍ଧାର କରିଛି ।
ଉଦଳା: ସମ୍ପର୍କରେ ରକ୍ତର ଛିଟା । ଅନ୍ଧବିଶ୍ୱାସ ନେଲା ମାଇଁର ମୁଣ୍ଡ । ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା କରକଚିଆ ଗାଁରେ ବୀଭତ୍ସ ହତ୍ୟାକାଣ୍ଡ ଘଟିଛି । ଗୁଣି ଗାରେଡ଼ି ସନ୍ଦେହରେ ମାଇଁକୁ ମାରିଛି ଭଣଜା । ରକ୍ତ ପିପାଶୁ ଭଣଜା ମାଇଁକୁ ମାରିବା ପରେ ଶେଷରେ କଟାମୁଣ୍ଡ ସହ ଥାନାରେ ଆତ୍ମସମର୍ପଣ କରିଛି ।
ଅଭିଯୁକ୍ତ ବୁଦ୍ଧିରାମ ସିଂର ଝିଅକୁ ଜ୍ୱର ହୋଇଥିଲା । ତାକୁ ସେ ଉଦଳା ମେଡିକାଲରେ ଦେଖାଇଥିଲେ । କିନ୍ତୁ, ଜର ଭଲ ହୋଇନଥିଲା । ପରେ ସ୍ଥାନୀୟ ଗୁଣିଆକୁ ଡାକି ଝିଅର ଝଡ଼ାଫୁଙ୍କା କରିଥିଲେ । କିନ୍ତୁ, ୫ ଦିନ ତଳେ ୭ ବର୍ଷର ନାବାଳିକା ଝିଅର ମୃତ୍ୟୁ ହୋଇଥିଲା । ଏଥିପାଇଁ ମାଇଁ ଚମ୍ପା ସିଂହଙ୍କୁ ଦାୟୀ କରିଥିଲା ବୁଦ୍ଧିରାମ । ଶେଷରେ ସେ ମାଇଁକୁ ହତ୍ୟା କରିବା ସହ କଟାମୁଣ୍ଡ ନେଇ ଥାନାରେ ଆତ୍ମସମର୍ପଣ କରିଛି ।
ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ଘଟଣା ସମସ୍ତଙ୍କୁ ଚକିତ କରିଛି । ପୁରା ବଲିଉଡ୍ ଜଗତକୁ ସ୍ତବ୍ଧ କରି ଦେଇଛି ତାଙ୍କ ମୃତ୍ୟୁ । ଏହି ଖବର ପ୍ରଚାରିତ ହେବା ପରେ ସତେ ଯେମିତି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କ୍ୟାରିୟରର ପିକ୍ ପଏଣ୍ଟରେ ଥିବା ବେଳେ ସେ ଏଭଳି ନିଷ୍ପତ୍ତି କାହିଁକି ନେଲେ ସେନେଇ ସମସ୍ତଙ୍କ ମନରେ ସନ୍ଦେହ । ତାଙ୍କ ପାଖରେ ଫିଲ୍ମର ଅଫର କିଛି କମ୍ ନଥିବା ବେଳେ, ଟଙ୍କା ପଇସାର ବି କିଛି ଅଭାବ ନଥିଲା । ଏଭଳି ପରିସ୍ଥିତିରେ ସେ କ’ଣ ପାଇଁ ଏତେ ବଡ଼ ନିଷ୍ପତ୍ତି ନେଲେ ତାହା ଏବେ ଚର୍ଚ୍ଚାର ବିଷୟ ପାଲଟିଛି ।
ଗତ ୬ ମାସ ହେବ ସେ ଡିପ୍ରେସନ୍ରେ ରହୁଥିବା ନେଇ ତାଙ୍କ ସାଙ୍ଗମାନେ କହିଛନ୍ତି । ଏମିତିକି ଡିପ୍ରେସନ୍ରୁ ବାହାରିବା ପାଇଁ ସେ ଔଷଧ ମଧ୍ୟ ନେଉଥିଲେ । ଏହି ଡିପ୍ରେସନ୍ କାରଣରୁ, ସେ ଜଣେ ଡାକ୍ତରଙ୍କ ପରାମର୍ଶରେ ଚିକିତ୍ସିତ ହେଉଥିଲେ ବୋଲି ବି କୁହାଯାଉଛି ।
ଅନ୍ୟପଟେ ସୁଶାନ୍ତଙ୍କ ମୃତ୍ୟୁକୁ ନେଇ ତାଙ୍କ ପରିବାର ଲୋକ ଘଟଣାର ତଦନ୍ତ ଦାବି କରିଛନ୍ତି । ପରିବାର ଲୋକ ସହଜରେ ସୁଶାନ୍ତଙ୍କ ଆତ୍ମହତ୍ୟା ଘଟଣାକୁ ଗ୍ରହଣ କରିପାରୁନାହାନ୍ତି । ସୁଶାନ୍ତଙ୍କ ସମ୍ପର୍କୀୟ ମାମୁଁ କହିଛନ୍ତି ସୁଶାନ୍ତଙ୍କ ମୃତ୍ୟୁ ପଛରେ କିଛି ଚକ୍ରାନ୍ତ ଥାଇପାରେ । ଏନେଇ ତଦନ୍ତ ହେବା ଜରୁରୀ । ଏମିତିକି ସୁଶାନ୍ତଙ୍କ ପୂର୍ବତନ ମ୍ୟାନେଜର ମଧ୍ୟ ଗତ ସପ୍ତାହରେ ଆତ୍ମହତ୍ୟା କରିଥିଲେ ।
ତେବେ ପୋଲିସ ଯେତେବେଳେ ସୁଶାନ୍ତଙ୍କ ମୃତ୍ୟୁକୁ ନେଇ ତାଙ୍କ ଭଉଣୀ ସହ କଥାବର୍ତ୍ତା ହେଲେ ସେତେବେଳେ ଅନେକ କିଛି ତଥ୍ୟ ପଦାକୁ ଆସିଲା । ଭଉଣୀ କହିଛନ୍ତି ସୁଶାନ୍ତ ଡିପ୍ରେସନ୍ରେ ଥାଇ ଔଷଧ ନେଉଥିଲେ ସତ ହେଲେ କିଛି ଦିନ ହେବ ସେ ଔଷଧ ନେବା ବନ୍ଦ କରିଥିଲେ । ଏମିତିକି ଗତ ସପ୍ତାହରୁ ସୁଶାନ୍ତ ଅଧିକ ଡିପ୍ରେସନ୍ରେ ଥିଲେ । ସେ କ୍ଲିନିକଲ ଡିପ୍ରେସନ୍ରେ ଆକ୍ରାନ୍ତ ଥିଲେ । ତେଣୁ ଚିକିତ୍ସା ମଧ୍ୟ ହେଉଥିଲେ । ତେବେ ଏହି ଘଟଣାକୁ ନେଇ ପୋଲିସ ତଦନ୍ତ କରୁଛି ।
ସୁଶାନ୍ତଙ୍କ ଡିପ୍ରେସନ୍ରେ ରହିବା କଥା ଭଉଣୀ ପୂର୍ବରୁ ଜାଣିଥିଲେ ମଧ୍ୟ, ସେ କେବେ ଭାବିନଥିଲେ ସୁଶାନ୍ତ ଏତେ ବଡ଼ ନିଷ୍ପତ୍ତି ନେବେ ବୋଲି । କିଛି ଦିନ ପୂର୍ବରୁ ସୁଶାନ୍ତଙ୍କ ଫ୍ଲାଟ୍କୁ ମଧ୍ୟ ଭଉଣୀ ଯାଇଥିଲେ ଏବଂ କଥା ହୋଇଥିଲେ । ଭଉଣୀଙ୍କ କହିବାନୁଯାୟୀ ସୁଶାନ୍ତ ଜଣେ ମାଟିର ମଣିଷ ଥିଲେ । ସେ ମାଟି ସହ ଯୋଡ଼ି ହୋଇ ରୁହନ୍ତି ଏବଂ ଅତ୍ୟନ୍ତ ସରଳ ବ୍ୟକ୍ତିତ୍ୱ । ସେ ସମସ୍ତଙ୍କ ସହ ଅତି ନମ୍ରତାର ସହ କଥା ହୁଅନ୍ତି । ସେ ଏତେ ବଡ଼ ନିଷ୍ପତି ନେବେ ବୋଲି ତାହ କଳ୍ପନା କରାଯାଇନପାରେ ।
ଭୁବନେଶ୍ୱର: ଖୋର୍ଦ୍ଧା ଜିଲ୍ଲାରୁ ଆଜି ୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ରାଜଧାନୀ ଭୁବନେଶ୍ୱରର ରହିଛି ୫ଟି ମାମଲା । ୨ଟି ସ୍ଥାନୀୟ ସଂକ୍ରମଣ ହୋଇଥିବା ବେଳେ ୩ଟି ହୋମ୍ କ୍ୱାରେଣ୍ଟାଇନର । ଚିନ୍ତାମଣିଶ୍ୱର, ବୁଦ୍ଧେଶ୍ୱରୀ ମନ୍ଦିର ନିକଟରୁ ହୋମ୍ କ୍ୱାରେଣ୍ଟାଇନରେ ଥିବା ୩୧ ବର୍ଷୀୟ ପୁରୁଷ ପଜିଟିଭ୍ ଚିହ୍ନଟ ହୋଇଛନ୍ତି । ସେ ନିକଟରେ ଦିଲ୍ଲୀରୁ ଫେରି ହୋମ୍ କ୍ୱାରେଣ୍ଟାଇନରେ ଥିଲେ ।
ପଟିଆ ଅଞ୍ଚଳରୁ ଜଣେ ୪୧ ବର୍ଷୀୟ ପୁରୁଷଙ୍କ ନମୁନା ପଜିଟିଭ୍ ଆସିଛି । ସେ ନିକଟରୁ ସାଉଦି ଆରବରୁ ଫେରି ହୋମ୍ କ୍ୱାରେଣ୍ଟାଇନରେ ଥିଲେ । କୋଳଥିଆରୁ ୨୬ ବର୍ଷିଆ ମହିଳାଙ୍କ ନମୁନା ପଜିଟିଭ୍ ଆସିଛି । ସେ କୋଲକାତାରୁ ଫେରିବା ପରେ ହୋମ୍ କ୍ୱାରେଣ୍ଟାଇନରେ ରହିଥିଲେ ।
ନୟାପଲ୍ଲୀ ବେହେରା ସାହିରୁ ୩୭ ବର୍ଷିଆ ମହିଳା ସଂକ୍ରମିତ ହୋଇଛନ୍ତି । ସେ ଅନ୍ୟ ଜିଲ୍ଲାରୁ ଗତ ୮ ତାରିଖରେ ଫେରିଥିଲେ । ସେହିଭଳି ଏକ ଘରୋଇ ହସ୍ପିଟାଲରେ ଜଣେ କର୍ମଚାରୀଙ୍କ ନମୁନା ପଜିଟିଭ୍ ଆସିଛି । ସେ ଗତ ୧୧ ତାରିଖରେ ଅନ୍ୟ ଜିଲ୍ଲାରୁ ରାଜଧାନୀକୁ ଫେରିଥିଲେ ।
ରାଜ୍ୟରେ ୧୪୬ ନୂଆ ସଂକ୍ରମିତ ଚିହ୍ନଟ, କନ୍ଧମାଳରୁ ସର୍ବାଧିକ ୪୮ ପଜିଟିଭ୍
ଭୁବନେଶ୍ୱର: ଭାରତରେ କିଛିଦିନ ହେଲା କରୋନା ଭାଇରସ୍ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ବିଶେଷକରି ଜୁନ୍ ମାସରେ ସଂକ୍ରମଣ ବଢ଼ିଛି । ଦେଶରେ କରୋନା ସଂକ୍ରମଣର ପ୍ରଥମ ମାମଲା ଜାନୁଆରୀ ୩୦ରେ ଆସିଥିଲା । ଫେବ୍ରୁଆରୀରେ ବେଶୀ ସତର୍କ ନହେବାରୁ ସଂକ୍ରମଣ ବଢ଼ିଥିଲା । ସଂକ୍ରମଣ ବଢ଼ିବା ଦେଖି ତାପମାତ୍ରା ବଢ଼ିଲେ ଭାଇରସ୍ ମରିଯିବ ବୋଲି ସେତେବେଳେ ଅନୁମାନ କରାଯାଇଥିଲା । କିନ୍ତୁ, ଏହି ଆକଳନ ଭୁଲ୍ ପ୍ରମାଣିତ ହୋଇଛି । ମେ, ଜୁନ ମାସରେ ପାରଦ ୪୦ ଡିଗ୍ରୀ ଉପରେ ରହିବା ପରେ ବି ଅଧିକ ସଂକ୍ରମଣ ହୋଇଛି । ଏମିତିରେ ପ୍ରଶ୍ନ ଉଠୁଛି ମୌସୁମୀ କରୋନା ସଂକ୍ରମଣକୁ ଆହୁରି ବଢ଼ାଇବ ନାହିଁ ତ ?
କରୋନା ଉପରେ କେତେ ପ୍ରଭାବ ପକାଇବ ମୌସୁମୀ ?
ଓଡ଼ିଶାକୁ ମୌସୁମୀ ଛୁଇଁ ସାରିଥିବା ବେଳେ କିଛିଦିନ ଭିତରେ ସାରା ଦେଶକୁ ଛୁଇଁବ । ତେବେ, ମୌସୁମୀ ସ୍ପର୍ଶ ପରେ କରୋନା ଭାଇରସ୍ ସଂକ୍ରମଣ ବଢ଼ିବ ନା କମିବ ? ଏହାକୁ ନେଇ ଏବେ ଜୋରଦାର ଚର୍ଚ୍ଚା ହେଉଛି । କାରଣ ଭାରତରେ କେତକ ରୋଗ ଯାହା ମୌସୁମୀ ସମୟରେ ହୁଏ । ମାଲେରିଆ, ଡେଙ୍ଗୁ, ଭାଇରାଲ ଫିଭର, ଏଚ୍୧-ଏନ୍୧ ଭାଇରସ୍, ଫ୍ଲୁ ହେଉଛି ମୌସୁମୀ ସମୟରେ ହେଉଥିବା ବେମାରୀ । କରୋନା ସମ୍ପୂର୍ଣ୍ଣ ନୂଆ ଭାଇରସ୍ ହୋଇଥିବା ବେଳେ ୟାକୁ ନେଇ ଅଧ୍ୟୟନ ଚାଲିଛି । ବୈଜ୍ଞାନିକମାନେ ଭାଇରସର ସ୍ୱଭାବ ବା ପ୍ରକୃତିକୁ ଅନୁଶୀଳନ କରୁଛନ୍ତି । ଏଯାଏଁ କୌଣସି ନିଷ୍କର୍ଷରେ ପହଞ୍ଚି ପାରିନାହାଁନ୍ତି କି ପାଣିପାଗ କରୋନା ଭାଇରସ୍ ଉପରେ କେତେ ମାତ୍ରାରେ ପଡ଼ିବ ।
ଡେଙ୍ଗୁ, ମାଲେରିଆ ଭଳି କରୋନାର ପ୍ରକୃତି
ସଂକ୍ରାମକ ରୋଗ ମହାମାରୀ ବିଶେଷଜ୍ଞ ଡକ୍ଟର ମାର୍କ ଏଲେନ୍ ବିଡୋସନଙ୍କ ପ୍ରକାରେ ‘ରିସର୍ଚ୍ଚରୁ ଜଣାପଡ଼ିଛି ଡେଙ୍ଗୁ ପ୍ରବଳ ବର୍ଷା ପରେ ମଶାଙ୍କ ବଂଶବୃଦ୍ଧି ବାଧାପ୍ରାପ୍ତ ହୁଏ । ସେମାନଙ୍କ ଲାର୍ବା ଧୋଇଯାଏ । ଫଳରେ ଏହାକୁ କଣ୍ଟ୍ରୋଲ କରିହୁଏ । କିନ୍ତୁ, କୋଭିଡ୍-୧୯ ହେଉଛି ଶ୍ୱାସଜନିତ ରୋଗ । ଏହା ଆପଣଙ୍କୁ ସିଧା ଆକ୍ରମଣ କରେ । ଇନଷ୍ଟୁଚ୍ୟୁଟ୍ ଅଫ୍ ଟ୍ରପିକାଲ୍ ମେଡିସିନ୍, ବେଲଜିୟମର ନିର୍ଦ୍ଦେଶକଙ୍କ ପ୍ରକାରେ ସ୍ୱାଇନ୍ ଫ୍ଲୁ ଭଳି କେତକ ଭାଇରସ୍ ଶ୍ୱାସକ୍ରିୟାକୁ ଓ ମୌସୁମୀରେ ସେମାନଙ୍କ ସ୍ଥିତିକୁ ଆଜି ଯାଏଁ ବୁଝି ହେଉନାହିଁ ।
ନୂଆ ଭାଇରସକୁ ନେଇ ରିସର୍ଚ୍ଚ
ଆମେରିକାରେ ଫ୍ଲୁର ପାଣିପାଗକୁ ନେଇ ଭବିଷ୍ୟବାଣୀ କରିବା ଅସମ୍ଭବ । ଖରା କିମ୍ବ ବର୍ଷା, ଘରେ କିମ୍ବା ବାହାରେ ଏମିତି କିଛି ଫ୍ୟାକ୍ଟର ନାହିଁ ଯାହାକୁ ନିର୍ଣ୍ଣାୟକ ପ୍ରଭାବ କହିହେବ ନାହିଁ । ସୂର୍ଯ୍ୟ କିରଣ ଦ୍ୱାରା ଲୋକଙ୍କ ଶରୀରରୁ ଭିଟାମିନ୍ ଡି ସ୍ତର କମିବା । ଏହା ବ୍ୟତୀତ୍ କରୋନା ଭାଇରସ୍ ମଣିଷଠାରୁ ମଣିଷ ବାଦ୍ ପବନ କିମ୍ବା ଅନ୍ୟ କେଉଁଥିରେ ସଂକ୍ରମିତ ହେଉଛି ସ୍ପଷ୍ଟ ହୋଇନାହିଁ ।
ଚିହ୍ନିବାକୁ ଲାଗିବ କେତେବର୍ଷ ?
ନ୍ୟାସନାଲ ଇନଷ୍ଟିଚ୍ୟୁଟ୍ ବାୟରୋଲୋଜିର ପୂର୍ବ ଡେପୁଟି ଡାଇରେକ୍ଟର ଡକ୍ଟର ଏମ୍.ଏସ୍ ଚଡ୍ଡାଙ୍କ ମୁତାବକ, କେଉଁ ପାଣିପାଗରେ କରୋନା ଭାଇରସ୍ ପ୍ରଭାବି ହେଉଛି ଜାଣିବାକୁ କେତେ ବର୍ଷ ଲାଗିଯିବ । ଆରଏସଭି ଓ ଅନ୍ୟ ଶ୍ୱାସ ରୋଗ ପାଗ ଉପରେ ନିର୍ଭର କରେ । ଏଥିପାଇଁ କିଛି ବର୍ଷ କୋଭିଡ୍-୧୯ ଯାଞ୍ଚ ଓ ପରୀକ୍ଷଣ ପରେ ପାଗ ଉପରେ ଏହାର ପ୍ରଭାବ କେତେ ତାହା ଜଣାପଡ଼ିବ ।
ପାଗ ଓ ମଣିଷର ବ୍ୟବହାର
ଭାଇରାଲ୍ ରୋଗ ବ୍ୟାପିବାର ମୁଖ୍ୟ କାରଣ ପ୍ରକୃତି ଓ ପାଣିପାଗରେ ପରିବର୍ତ୍ତନ । ମଣିଷର ଜୀବନ ଶୈଳୀ ଓ ଭାଇରସର ବିଶେଷତ୍ୱ ଉପରେ ନିର୍ଭର କରେ । ଯେମିତିକି ସଡ଼କରେ ଛେପ ପକାଇବା ଏକ ସାଧାରଣ କଥା । କିନ୍ତୁ ବର୍ଷା ଦିନେ ଏହା ଦ୍ୱାରା ସେଥିରେ ଥିବା ଭୂତାଣୁ ଅନ୍ୟକୁ ସଂକ୍ରମିତ କରିପାରେ । ତେବେ ବର୍ଷା ଫଳରେ ସଡ଼କ ଧୋଇଯିବ ଏବଂ ଲୋକ ଘର ଓ ଅଫିସରେ ରହିବେ । ଫଳରେ ଭାଇରସ୍ ପ୍ରଭାବ ହ୍ରାସ ପାଇବ ବୋଲି ମୁମ୍ବାଇ ସେଣ୍ଟର ଫର୍ ଏକ୍ସିଲେନ୍ସ ଇନ୍ ବେସିକ ସାଇନ୍ସର ବୈଜ୍ଞାନିକ ଡକ୍ଟର ସୁଭୋଜିତ୍ ସେନ୍ କହିଛନ୍ତି ।
ମୁମ୍ବାଇ: ଦର୍ଶକଙ୍କ ଗହଣରେ ଆଉ ନାହାନ୍ତି ଆୱାର୍ଡ୍ ୱିନିଂ ଅଭିନେତା ସୁଶାନ୍ତ ସିଂହ ରାଜପୁତ । ସୁଶାନ୍ତଙ୍କ ଆତ୍ମହତ୍ୟ ସମଗ୍ର ସିନେ ଜଗତରେ ଶୋକର ଛାୟା ଖେଳାଇଛି । ଗତ କାଲି ମୁମ୍ବାଇର ବାନ୍ଦ୍ରାସ୍ଥିତ ତାଙ୍କ ବାସଭବନରେ ରଶି ଲଗାଇ ସେ ଆତ୍ମହତ୍ୟା କରିଛନ୍ତି । ସୁଶାନ୍ତଙ୍କ ଆତ୍ମହତ୍ୟାର କାରଣ ଡିପ୍ରେସନ ବୋଲି କୁହାଯାଉଛି । ହେଲେ ଏଯାଏଁ ତାଙ୍କ ଡିପ୍ରେସନର କାରଣ ସ୍ପଷ୍ଟ ହୋଇନାହିଁ । ସୁଶାନ୍ତ ତାଙ୍କ କ୍ୟାରିଅର ଓ ବ୍ୟକ୍ତିଗତ ଜୀବନ ନେଇ ଅବସାଦଗ୍ରସ୍ତ ଥିଲେ ।
ସୂଚନାଯୋଗ୍ୟ ଯେ, ସୁଶାନ୍ତଙ୍କର ବ୍ୟକ୍ତିଗତ ଜୀବନରେ ମଧ୍ୟ ଅନେକ ଉତ୍ଥନ ପତନ ଥିଲା । ତାଙ୍କର ୬ବର୍ଷର ରିଲେସନଶିପ୍ ମଧ୍ୟ ଖୁବ ବିବାଦୀୟ ଥିଲା । ଟିଭି ସିରିଏଲ ପବିତ୍ର ରିସ୍ତା ଫେମ୍ ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ସହ ଅନେକ ବର୍ଷ ରିଲେସନଶିପରେ ଥିଲେ । ଉଭୟଙ୍କ ବ୍ରେକଅପ୍ ଖୁବ ଖରାପ ଭାବେ ହୋଇଥିଲା। ଦୁହେଁଙ୍କ ମାରପିଟ୍ ଖବର ମଧ୍ୟ ବେଶ ଚର୍ଚ୍ଚାରେ ଥିଲା ।
୨୦୧୫ର ଏକ ଘଟଣା ସେତେବେଳେ ବେସ ଚର୍ଚ୍ଚାରେ ଥିଲା । ରିପୋର୍ଟ ଅନୁସାରେ ଅଙ୍କିତା ଲୋଖଣ୍ଡେ ସମସ୍ତଙ୍କ ସାମ୍ନାରେ ଏକ ନାଇଟ୍ କ୍ଲବ୍ ରେ ସୁଶାନ୍ତଙ୍କୁ ଚାପୁଡା ମାରିଥିଲେ । ପାର୍ଟିରେ ସୁଶାନ୍ତ ଓ ଅଙ୍କିତାଙ୍କ ମଧ୍ୟରେ ଜୋରସୋରରେ ଝଗଡା ହୋଇଥିଲା । ପାର୍ଟିରେ ସୁଶାନ୍ତ ଡ୍ରିଙ୍କ କରିବା ପରେ ତାଙ୍କ ଫିମେଲ ସାଙ୍ଗସାଥୀଙ୍କ ସହ ଡାନ୍ସ କରୁଥିଲେ । ସେଠାରେ ଅଙ୍କିତା ତାଙ୍କୁ ମନା କରିବା ସତ୍ତ୍ୱେ ସୁଶାନ୍ତ ତାଙ୍କ ଡାନ୍ସ ବନ୍ଦ କରିନଥିଲେ । ସେଥିପାଇଁ ରାଗରେ ଅଙ୍କିତା ତାଙ୍କୁ ଚାପୁଡା ମାରିଥିଲେ ।
ଏହି ମାମଲା ନେଇ ସୁଶାନ୍ତ ଓ ଅଙ୍କିତା କୌଣସି ଜବାବ ଦେଇନଥିଲେ । ହେଲେ ୨୦୧୩ ମସିହାରେ ୟଶରାଜ ଷ୍ଟୁଡିଓରେ ଏକ ସାକ୍ଷାତକାରରେ ସୁଶାନ୍ତ କହିଥିଲେ ଯେ, ସେ ସବୁବେଳେ ଏମିତି କିଛି ନା କିଛି କାଣ୍ଡ କରନ୍ତି ଯେଉଁଥିପାଇଁ ଚାପୁଡା ଆବଶ୍ୟକ ହୋଇଥାଏ । କିନ୍ତୁ ସେମିତି ଦୁର୍ଭାଗ୍ୟ ତାଙ୍କର ଆସିନାହିଁ ବୋଲି କହିଥିଲେ ସୁଶାନ୍ତ । ଅଙ୍କିତା ମଧ୍ୟ ନିଜ ବୟାନରେ କହିଥିଲେ ଯେ, ସେ କେବେ ବି ସୁଶାନ୍ତଙ୍କୁ ଚାପୁଡା ମାରିପାରିବେ ନାହିଁ । ଏହା ଦୁଇ ବର୍ଷ ପରେ ଦୁହିଁଙ୍କର ବ୍ରେକଅପ୍ ହୋଇଥିଲା । ସେଥିପାଇଁ ସୁଶାନ୍ତ ଭାଙ୍ଗିପଡିଥିଲେ ।
ସୁଶାନ୍ତ ନିଜ କ୍ୟାରିଅରର ପିକ୍ ଟାଇମ୍ ରେ ଦୁନିଆ ଛାଡି ଚାଲିଗଲେ । ଏବଂ ଏହି ନିଷ୍ପତ୍ତି ତାଙ୍କ ନିଜର ଥିଲା । ଛିଛୋରେ ଫିଲ୍ମରେ ଅଭିନୟ କରିଥିବା ଏହି ଅଭିନେତା ଦର୍ଶକଙ୍କୁ ଏକ ଶିକ୍ଷା ଦେଇଥିଲେ ଯେ, ଜୀବନରେ କେବେ ହାରିବା ଅନୁଚିତ୍ । ମଣିଷ ଭାଙ୍ଗିପଡି କେବେ ଆତ୍ମହତ୍ୟା କରିବା ଅନୁଚିତ୍ । ହେଲେ କିଏ ଜାଣିଥିଲା ସେହି ଅଭିନେତା ନିଜ ବ୍ୟକ୍ତିଗତ ଜୀବନରେ ଏଭଳି ପ୍ରୟାସ କରିବେ । ସୁଶାନ୍ତ ସର୍ବଦା ସମସ୍ତଙ୍କ ମନରେ ରହିବେ । କାରଣ ତାଙ୍କ ମନଛୁଆଁ ଅଭିନୟକୁ କେହି କେବେ ଭୁଲି ପାରିବେ ନାହିଁ ।
ବ୍ରହ୍ମପୁର: କରୋନା ସଂକ୍ରମଣରୁ ବର୍ତ୍ତିବା ପାଇଁ ଘରେ ରହିବାକୁ କୁହାଯାଉଛି । ରାଜ୍ୟରେ ଲକଡାଉନ୍ ସହ ଅତ୍ୟଧିକ ସଂକ୍ରମିତ ଜିଲ୍ଲାରେ ୱିକେଣ୍ଡ ସଟଡାଉନ୍ କରାଯାଇଛି । ସଟଡାଉନରେ ଅତ୍ୟାବଶ୍ୟକୀୟ ସେବା ଛଡ଼ା କାହାରିକୁ ଘରୁ ବାହାରିବା ମନା । କିନ୍ତୁ, କିଛି ଅମାନିଆ ଯୁବଗୋଷ୍ଠୀ ନିୟମ ମାନୁନାହାଁନ୍ତି । ନିଜେ ବିପଦରେ ପଡ଼ି ବୁଲିବା ସହ ଅନ୍ୟମାନଙ୍କ ପାଇଁ ଭାଇରସ୍ ବିପଦ ଡାକି ଆଣୁଛନ୍ତି ।
ଆଉ ଫୁଟାଣି ଦେଖାଇ ସୋସିଆଲ୍ ମିଡିଆରେ ଭାଇରସ୍ କିଛି କରିବନି କହି ଦେଶୀ ଷ୍ଟାଇଲରେ ଭିଡିଓ ଅପଲୋଡ୍ କରୁଛନ୍ତି । ଟିକଟକରେ ଏଭଳି ଭିଡିଓ ଅପଲୋଡ୍ କରିଥିବା ୪ ଉଭ୍ରାନ୍ତ ଯୁବକଙ୍କୁ ବ୍ରହ୍ମପୁର ବଡ଼ ବଜାର ପୋଲିସ ଧରିଛି । ୪ ଯୁବକ ଶନିବାର, ରବିବାର ସଟଡାଉନ୍ ଥିବା ସତ୍ତ୍ୱେ ବାଇକ୍ ଧରି ବୁଲୁଥିଲେ ।
ଟିକଟକ୍ ଆକାଉଣ୍ଟରେ ବୁଲିବା ସହିତ କରୋନା ସଟଡାଉନ୍ ଆମର କିଛି କରିପାରିବନି କହି ଭିଡିଓ ଅପଲୋଡ୍ କରିଥିଲେ । ଅମାନିଆଙ୍କୁ ପୋଲିସ ଧରିବା ସହ ସେମାନଙ୍କ ଟିକଟକ୍ ଆକାଉଣ୍ଟରେ କ୍ଷମା ପ୍ରାର୍ଥନାର ଭିଡିଓ ଅପଲୋଡ୍ କରିଛି ।
ନୂଆଦିଲ୍ଲୀ: ପାକିସ୍ତାନ ରାଜଧାନୀ ଇସଲାମାବାଦରୁ ୨ ଭାରତୀୟ ଅଧିକାରୀ ନିଖୋଜ ହୋଇଛନ୍ତି । ସୂତ୍ରରୁ ମିଳିଥିବା ଖବର ଅନୁସାରେ ପାକିସ୍ତାନରେ ଥିବା ଭାରତୀୟ ଦୂତାବାସର ୨ଜଣ ଅଧିକାରୀଙ୍କ ପତ୍ତା ୨ ଘଣ୍ଟା ହେଲା ମିଳୁନାହିଁ । ସେମାନଙ୍କୁ ଏବେ ଖୋଜା ଯାଉଛି ।
ସିଆଇଏସଏଫର ୨ଜଣ ଡ୍ରାଇଭର ଡ୍ୟୁଟିରେ ବାହାରକୁ ଯାଇଥିଲେ । କିନ୍ତୁ, ସେମାନେ ଗନ୍ତବ୍ୟ ସ୍ଥଳରେ ପହଞ୍ଚି ନାହାଁନ୍ତି । ସେମାନଙ୍କୁ ଅପହରଣ କରି ନିଆଯାଇଥିବା ଆଶଙ୍କା କରାଯାଉଛି । ସେମାନଙ୍କୁ ଖୋଜା ଯାଉଥିବା ବେଳେ ପାକିସ୍ତାନର ଅଧିକାରୀଙ୍କୁ ଏନେଇ ଅବଗତ କରାଯାଇଛି ।
ଏହା ପୂର୍ବରୁ ଇସଲାମାବାଦରେ ଭାରତୀୟ କୂଟନୀତିଜ୍ଞଙ୍କୁ ଡରାଇବା ପାଇଁ ଚେଷ୍ଟା କରାଯାଇଥିଲା । ଆଇଏସଆଇ ଏଜେଣ୍ଟ ଭାରତୀୟ କୂଟନୀତିଜ୍ଞଙ୍କ ପିଛା କରିଥିଲେ । ଏପରିକି ଗୋପନ ତଥ୍ୟ ପଚାରିଥିଲେ । ଯାହାର ବିରୋଧ କରିଥିଲା ଭାରତ ।
ଗତ ମେ ୩୧ରେ ଆଇଏସ୍ଆଇ ପାଇଁ ଗୁପ୍ତଚରୀ ଅଭିଯୋଗରେ ଦିଲ୍ଲୀସ୍ଥିତ ପାକିସ୍ତାନ ଦୂତାବାସର ୨ ଜଣ ଭିସା ଆସିଷ୍ଟାଣ୍ଟଙ୍କୁ ଗିରଫ କରାଯାଇଥିଲା । ପରେ ସେମାନଙ୍କୁ ପାକିସ୍ତାନ ପଠାଯାଇଥିଲା । ଏହି ଘଟଣା ପରେ ପାକିସ୍ତାନ ସମାନ ପଦକ୍ଷେପ ନେଇଥିବା କୁହାଯାଉଛି ।
https://nandighoshatv.com/ndia-two-isi-operatives-caught-in-pakistan-high-commission-in-india/
