ଲୋକମାନେ ଆଶା କରିଥିଲେ ଯେ ୨୦୨୦ ମସିହା ଖୁବ ଶୁଭପ୍ରଦ ହେବ ଏବଂ ସମସ୍ତଙ୍କ ଜୀବନ ଖୁସିମୟ ହେବ । କିନ୍ତୁ ବର୍ଷ ତମାମ ଏତେ ଭଙ୍କର ଘଟଣା ମାନ ଘଟିଚାଲିଛି ଯେ ଏହି ବର୍ଷକୁ ବିଗତ ଏକ ଦଶଦ୍ଧି ଧରି କେହି ଭୁଲିପାରିବେ ନାହିଁ । ବର୍ତ୍ତମାନ ବର୍ଷର କେବଳ ୬ ମାସ ସରିଥିବାବେଳେ ଏତେ କମ ସମୟରେ ଲୋକମାନେ ଅନେକ ପ୍ରାକୃତିକ ବିପର୍ଯ୍ୟୟ ଦେଖିସାରିଲେଣି । ବର୍ଷ ଆରମ୍ଭ ହିଁ ନିଆଁ ଏବଂ ରୋଗକୁ ନେଇ ହୋଇଥିଲା । ତେବେ ଆସନ୍ତୁ ଜାଣିବା ଚଳିତ ବର୍ଷ ହୋଇଥିବା କିଛି ବଡ଼ ବିପର୍ଯ୍ୟୟ ବିଷୟରେ ।
୧. ଅଷ୍ଟ୍ରେଲିଆ ଜଙ୍ଗଲରେ ନିଆଁ
ଗୋଟିଏ ପଟେ ଅଷ୍ଟ୍ରେଲିଆର ଜଙ୍ଗଲରେ ନିଆଁ ଲାଗିଯାଇଥିବା ବେଳେ ଅନ୍ୟପକ୍ଷରେ ଚାଇନାରୁ ଆସିଥିବା ଏକ ଜୀବାଣୁ ବିଶ୍ୱକୁ ଭୟଭୀତ କରୁଥିଲା । ଅଷ୍ଟ୍ରେଲିଆ ଅଗ୍ନିକାଣ୍ଡରେ ୧.୨୫ ବିଲିୟନ ବା ପ୍ରାୟ ୧୨୫ କୋଟି ପ୍ରାଣୀ ପ୍ରାଣ ହରାଇଛନ୍ତି । ୨.୭୨ କୋଟି ଏକର ଜଙ୍ଗଲ, ଶାଳ, ଗଛ, ପ୍ରାକୃତିକ ପାର୍କ ପାଉଁଶରେ ପରିଣତ ହେଲା । ଏହି ଅଗ୍ନିକାଣ୍ଡରେ ସମୁଦାୟ ୯୩୫୨ କୋଠା ନଷ୍ଟ ହୋଇଯାଇଛି । ସେଥିମଧ୍ୟରୁ ୩୫୦୦ରୁ ଅଧିକ ଲୋକ ଘରେ ଥିଲେ । ଏହି ଅଗ୍ଲିକାଣ୍ଡରେ ୪୫୧ ଜଣଙ୍କର ମୃତ୍ୟୁ ହୋଇଥିଲା ।
୨. ବିଶ୍ୱମହାମାରୀ କରୋନା ଭାଇରସ
କରୋନାଭାଇରସ୍ ଦ୍ୱାରା ସମଗ୍ର ବିଶ୍ୱ ବର୍ତ୍ତମାନ ଅସୁବିଧାରେ ପଡିଛି ଏବଂ ଏହା କବଳରୁ ମୁକୁଳିବା ପାଇଁ ସଂଘର୍ଷ କରୁଛି । ଗତ ବର୍ଷ ନଭେମ୍ବରରେ ଚୀନ୍ ଠାରୁ ଆରମ୍ଭ ହୋଇଥିବା ଏହି ଜୀବାଣୁ ସମଗ୍ର ବିଶ୍ୱକୁ ଧ୍ୱଂସ କରିଦେଇଛି । ଏହି ଭାଇରସ ଦ୍ୱାରା ଏପର୍ଯ୍ୟନ୍ତ ୧.୧୫ କୋଟିରୁ ଅଧିକ ଲୋକ ସଂକ୍ରମିତ ହୋଇଥିବାବେଳେ ୫.୩୭ ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଅଧିକାଂଶ ସଂକ୍ରମିତ ଲୋକ ଆମେରିକା, ବ୍ରାଜିଲ ଏବଂ ଭାରତରେ ଅଛନ୍ତି । ବର୍ତ୍ତମାନ ଏହି ରୋଗର କୌଣସି ଉପଶମ ନାହିଁ କିମ୍ବା କୌଣସି ଟିକା ପ୍ରସ୍ତୁତ କରାଯାଇପାରି ନାହିଁ । ବିଶ୍ୱର ବିଭିନ୍ନ ସ୍ଥାନରୁ ଡାକ୍ତର ଏବଂ ବୈଜ୍ଞାନିକମାନେ ଏହି ଜୀବାଣୁ ବିରୋଧରେ ଟିକା ପ୍ରସ୍ତୁତ କରିବାରେ ଲାଗିଛନ୍ତି ।
୩. ଆଗ୍ନେୟଗିରିରେ ବିସ୍ଫୋରଣ
ଫିଲିପାଇନ୍ସର ତାଲ ଆଗ୍ନେୟଗିରିରେ ୧୩ ଜାନୁଆରୀ ପାଖାପାଖି ବିସ୍ଫୋରଣ ହୋଇଥିଲା । ବିସ୍ଫୋରଣ ପରେ ତାଗେତେ ସହରରେ ୭୫ଟି ଭୂକମ୍ପ ହୋଇଥିଲା । ପାଉଁଶର ମେଘ ପ୍ରାୟ ୫୦ ହଜାର ଫୁଟ ଉଚ୍ଚରେ ସୃଷ୍ଟି ହେଇଥିଲା । ପାଉଁଶର ମେଘ ଏତେ ଚାର୍ଜ ଥିଲା ଯେ ତାହା ଆକାଶରୁ ବିଦ୍ୟୁତ୍ ଟାଣି ନେଉଥିଲେ । ପାଉଁଶ ୧୧୦ କିଲୋମିଟର ଦୂରରେ ଥିବା ରାଜଧାନୀ ମାନିଲାରେ ପହଞ୍ଚିଥିଲା । ପ୍ରାୟ ୨୫୩୪ ପରିବାରକୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା ।
୪. ଅନେକ ଦେଶରେ ପଙ୍ଗପାଳଙ୍କ ଆତଙ୍କ
ତା’ପରେ ଏନେକ ଦେଶରେ ଆରମ୍ଭ ହେଲା ପଙ୍ଗପାଳଙ୍କ ଆକ୍ରମଣ । ଜୁନ୍ ୨୦୧୯ ମସିହାରୁ ଆରମ୍ଭ ହୋଇଥିବା ପଙ୍ଗପାଳ ଆକ୍ରମଣ ଥମିବାର ନାଆ ଧରୁନି । ଏହି ଛୋଟଛୋଟ ପଙ୍ଗପାଳ ୧୬ ଟି ଦେଶକୁ ଥରାଇ ଦେଇଥିଲା । ଏହି ଦେଶଗୁଡ଼ିକ ହେଉଛି ସୋମାଲିଆ, କେନିଆ, କଙ୍ଗୋ, ଜିବୌତୀ, ଇରିଟ୍ରୟା, ଇଥିଓପିଆ, ଦକ୍ଷିଣ ସୁଦାନ, ସୁଦାନ, ଉଗାଣ୍ଡା, ୟେମେନ, ଭାରତ, ପାକିସ୍ଥାନ, ଇରାନ, ନେପାଳ, ଆର୍ଜେଣ୍ଟିନା ଏବଂ ପାରାଗୁଏ | ହଜାର ହଜାର ଏକରରେ ଥିବା ଫସଲକୁ ସେମାନେ ନଷ୍ଟ କରିଦେଇଥିଲେ । ତେବେ ଏହି ପଙ୍ଗପାଳଙ୍କ ପାଇଁ ମଧ୍ୟ ଏୟାବତ କୌଣସି ଉପଶମ ବାହାରିନାହିଁ ।
୫. ଭୂମିକମ୍ପ
ଚଳିତ ବର୍ଷ ଏପର୍ଯ୍ୟନ୍ତ ସମଗ୍ର ବିଶ୍ୱରେ ୬୮୬୯ଟି ଭୂକମ୍ପ ଅନୁଭୂତ ହୋଇଛି । ଏହି ଭୂକମ୍ପ ମଧ୍ୟରୁ ୫ ଟି ୭.୦ ରୁ ୭.୯ ମଧ୍ୟରେ ରହିଛି । ୫୩ କମ୍ପନ ୬.୦ ରୁ ୬.୯ ମଧ୍ୟରେ ରହିଛି । ୬୯୩ ଭୂକମ୍ପ ୫.୦ ରୁ ୫.୯ ମଧ୍ୟରେ ଏବଂ ବାକି ୬୧୧୮ କମ୍ପନ ୪.୦- ୪.୯ ତୀବ୍ରତା ମଧ୍ୟରେ ହୋଇଥିଲା । ଏହି ଭୂକମ୍ପ ଯୋଗୁଁ ବର୍ତ୍ତମାନ ସୁଦ୍ଧା ୭୫ ଜଣଙ୍କର ମୃତ୍ୟୁ ଘଟିସାରିଛି । ୨୮ ଜାନୁଆରୀରେ ଜାମାଇକାରେ ସବୁଠାରୁ ଶକ୍ତିଶାଳୀ ଭୂକମ୍ପ ଘଟିଥିଲା । ଏହାର ତୀବ୍ରତା ୭.୭ ଥିଲା । କିନ୍ତୁ ଏଥିରେ କୌଣସି ଜନ ଜୀବନ ହାନି ହୋଇନଥିଲା । ଏଥି ସହିତ, ଜାନୁଆରୀ ୨୪ ରେ ତୁର୍କୀରେ ୬.୭ ମ୍ୟାଗ୍ନିଚ୍ୟୁଡର ଏକ ଭୂକମ୍ପରେ ୪୧ ଜଣଙ୍କର ମୃତ୍ୟୁ ଘଟିଥିଲା ।
୬. ବିଶାଖାପାଟଣାରେ ବିଶାକ୍ତ ଗ୍ୟାସ ଲିକ୍
ମେ ୭ ରେ, ଆନ୍ଧ୍ରପ୍ରଦେଶର ବିଶାଖାପାଟନମ୍ ସ୍ଥିତ ଏକ ଫାର୍ମା କମ୍ପାନୀରେ ଗ୍ୟାସ୍ ଲିକ୍ ହେବା ଫଳରେ ଶହ ଶହ ଲୋକ ଅସୁସ୍ଥ ହୋଇପଡିଥିଲେ। ଆର.ଆର ଭେଙ୍କଟାପୁରମରେ ଅବସ୍ଥିତ ବିଶାଖା ଏଲଜି ପଲିମର କମ୍ପାନୀରୁ ବିପଜ୍ଜନକ ବିଷାକ୍ତ ଗ୍ୟାସ ଲିକ ହୋଇଥିଲା, ଯାହା କାରଣରୁ ସ୍ଥାନୀୟ ଲୋକ ମୁଣ୍ଡ ବିନ୍ଧା, ବାନ୍ତି ଏବଂ ନିଃଶ୍ୱାସ ନେବାରେ ଅସୁବିଧା ଅନୁଭବ କରିବା ସହ ଶହ ଶହ ଲୋକଙ୍କୁ ଡାକ୍ତରଖାନା ନିଆଯାଇଥିଲା । ରାସ୍ତାରେ ଲୋକମାନେ ଅଚେତ ହୋଇ ପଡ଼ିରହିଥିବା ଦୃଶ୍ୟ ସମସ୍ତଙ୍କୁ ବିବ୍ରତ କରିଥିଲା । ଏହି ଗ୍ୟାସ ଲିକରେ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୦୦ ରୁ ଅଧିକ ଲୋକ ଅସୁସ୍ଥ ହୋଇପଡିଥିଲେ।
୭. ସାଇକ୍ଲୋନ୍ ଅମ୍ଫାନ
ମଇ ୧୬ ରୁ ମେ ୨୧, ୨୦୨୦ମଧ୍ୟରେ ସାଇକ୍ଲୋଥନ୍ ଅମ୍ଫାନ ବଙ୍ଗୋପସାଗରରେ ଆଘାତ କରିଥିଲା । ଏହି ବାତ୍ୟାରେ ୧୨୮ ଜଣଙ୍କର ମୃତ୍ୟୁ ହୋଇଥିଲା । ଏହି ଘୂର୍ଣ୍ଣିବଳୟ ଏତେ ଶକ୍ତିଶାଳୀ ଥିଲା ଯେ ଏହା ଘଣ୍ଟା ପ୍ରତି ୨୪୦ ରୁ ୨୬୦ କିଲୋମିଟର ବେଗରେ ପବନ ସୃଷ୍ଟି କରିଥିଲା। ଏହାଦ୍ୱାରା ୧.୦୧ ଲକ୍ଷ କୋଟି ଟଙ୍କା କ୍ଷତି ହୋଇଥିଲା । ଏହା ଦ୍ୱାରା ଭାରତ, ବାଂଲାଦେଶ, ଶ୍ରୀଲଙ୍କା ଏବଂ ଭୁଟାନ ଭଳି ଦେଶ ପ୍ରଭାବିତ ହୋଇଥିଲା ।
ଦକ୍ଷିଣ ଆଫ୍ରିକାରେ ହାତୀଙ୍କ ରହସ୍ୟ ଜନତ ମୃତ୍ୟୁ
ଦକ୍ଷିଣ ଆଫ୍ରିକାର ବୋଟସୱାନା ଠାରେ ୩୫୦ରୁ ଅଧିକ ହାତୀ ରହସ୍ୟମୟ ଭାବରେ ମୃତ୍ୟୁ ବରଣ କରିଥିଲେ । ଏହି ହାତୀମାନଙ୍କର ମୃତ୍ୟୁର କାରଣ ଏପର୍ଯ୍ୟନ୍ତ ଜଣା ପଡିନାହିଁ । ସ୍ଥାନୀୟ ଲୋକ କହିବା ଅନୁଯାୟୀ ଅଧିକାଂଶ ହାତୀଙ୍କ ମୃତ ଦେହ ଜଳାଶୟ ନିକଟରୁ ଜବତ କରାଯାଇଛି । ବର୍ତ୍ତମାନ ବୋଟସୱାନା ସରକାର ଜାଣିବାକୁ ଚେଷ୍ଟା କରୁଛନ୍ତି ଯେ ଏହି ହାତୀମାନଙ୍କୁ ବିଷ ଦିଆଯାଇଥିଲା ନା କିଛି ଅଜ୍ଞାତ ରୋଗ ହେତୁ ସେମାନଙ୍କ ମୃତ୍ୟୁ ହୋଇଥିଲା ।
୮. ଆଣ୍ଟାର୍କଟିକା ସମୁଦ୍ରରେ ସବୁଜ ଶାଗ
ପୂର୍ବରୁ ଆଣ୍ଟାର୍କଟିକାର ଚିତ୍ର ଧଳା ଆସୁଥିଲା, କିନ୍ତୁ ବର୍ତ୍ତମାନ ଏଥିରେ ସବୁଜ ରଙ୍ଗ ମିଳିବାରେ ଲାଗିଛି । ଏହି ସବୁଜ ରଙ୍ଗ ଆଣ୍ଟାର୍କଟିକାର ଉପକୂଳବର୍ତ୍ତୀ ଅଞ୍ଚଳରେ ଦେଖିବାକୁ ମିଳୁଛି । ବୋଧହୁଏ କିଛି ବର୍ଷ ମଧ୍ୟରେ ସମଗ୍ର ଆଣ୍ଟାର୍କଟିକାରେ ସବୁଜ ତୁଷାର ଦେଖିବାକୁ ମିଳିବ ବୋଲି ବୈଜ୍ଞାନିକମାନେ ଅନୁମାନ କରୁଛନ୍ତି । ବୈଜ୍ଞାନିକମାନେ ଆଣ୍ଟାର୍କଟିକାର ୧୬୭୯ଟି ସ୍ଥାନରେ ଏହି ସବୁଜ ବରଫର ପ୍ରମାଣ ପାଇଛନ୍ତି । ବୌଜ୍ଞାନିକମାନେ କହିଛନ୍ତି ଯେ ଆଣ୍ଟାର୍କଟିକାର ବରଫ ସବୁଜ ହେବାର କାରଣ ହେଉଛି ଏକ ପ୍ରକାର ସମୁଦ୍ର ଶାଗ ।
୯. ଚାଇନାରେ ପୁଣି ପୁଣି ବ୍ୟପୁଛି ମାରାତ୍ମକ ରୋଗ ବୁବୋନିକ୍ ପ୍ଲେଗ୍
ଏବେ ପୁଣି ଥରେ ଚାଇନାରୁ ଏକ ବିପଦପୂର୍ଣ୍ଣ ଏବଂ ମାରାତ୍ମକ ରୋଗ ବ୍ୟାପିବାର ବିପଦ ରହିଛି । ଏହି ରୋଗର ନାମ ହେଉଛି ବୁବୋନିକ୍ ପ୍ଲେଗ୍ । ଏହି ରୋଗ ସମଗ୍ର ବିଶ୍ୱରେ ଲକ୍ଷ ଲକ୍ଷ ଲୋକଙ୍କୁ ମାରି ସାରିଛି । ଏହି ମାରାତ୍ମକ ରୋଗ ବିଶ୍ୱକୁ ୩ ଥର ଆକ୍ରମଣ କରିସାରିଛି । ପ୍ରଥମ ଥର ପାଇଁ ଏହା ୫ କୋଟି, ଦ୍ୱିତୀୟ ଥର ସମଗ୍ର ୟୁରୋ ଜନସଂଖ୍ୟାର ଏକ ତୃତୀୟାଂଶ ଏବଂ ତୃତୀୟ ଥର ୮୦ ହଜାର ଲୋକଙ୍କ ଏହି ରୋଗରେ ମୃତ୍ୟୁ ହୋଇଥିଲା । ଏବେ ପୁଣି ଥରେ ଚାଇନାରେ ଏହି ରୋଗ ବୃଦ୍ଧି ପାଉଥିବା ସୂଚନା ରହିଛି ।
