ମୁମ୍ବାଇ: ସୋନୁ ସୁଦ୍ ଏବେ ପୂରା ଭାରତରେ ଚର୍ଚ୍ଚାରେ ଅଛନ୍ତି । କରୋନା କାଳରେ ଯେତେବେଳେ ସାରା ଦେଶରେ ଲକଡାଉନ ଲାଗିଲା ସେତେବେଳେ ବିଭିନ୍ ରାଜ୍ୟରେ ଥିବା ପ୍ରବାସୀ ଶ୍ରମିକ କାମଧନ୍ଦା ନ ପାଇଁ ଘର ମୁହାଁ ହେଲେ । ଲକଡାଉନ ପାଇଁ ଜିବାଆସିବାର ସବୁ ସୁବିଧା ବନ୍ଦ ଥିବାରୁ ଚାଲି ଚାଲି ଘରକୁ ବାହାରିଥିଲେ ପ୍ରବାସୀ ଏଭିଳି ପରିସ୍ଥିତିରେ ସାହା ହେଲେ ସୋନୁ ଏବଂ ସେମନଙ୍କୁ ନିଜ ଖର୍ଚ୍ଚରେ ନିଜ ଘରକୁ ପଠାଇଲେ କେବଳ ସେତିକି ନୁହେଁ ନିଜେ ବସ୍ ଚଲାଇ ପ୍ରବାସୀଙ୍କୁ ଛାଡ଼ି ଆସିବାର ଜିମ୍ମା ଉଠାଇଲେ । ତାଙ୍କର ଏହି କାର୍ଯ୍ୟ ପାଇଁ ସେ ଏବେ ପୂରା ଦେଶରେ ହିରୋ ପାଲଟି ଯାଇଛନ୍ତି । କିନ୍ତୁ ଏହାରି ଭିିତରେ ତାଙ୍କ ଭଲ କାମକୁ ବଦନାମ କରିବା ସହ ଲୋକଙ୍କୁ ଠକିବା ପାଇଁ କିଛି ଅସମାଜିକ ବ୍ୟକ୍ତି ଉଦ୍ୟମ ଆରମ୍ଭ କଲେଣି ।
ଯାହାକୁ ନେଇ ସୋନୁ ସୁଦ ନିକଟରେ ଟ୍ୱିଟରରେ ଲୋକଙ୍କୁ ସତର୍କ କରାଇଛନ୍ତି । ସେ ଗୋଟିଏ ହ୍ୱାଟସ ଆପ୍ ଚାଟର ସ୍କ୍ରିନ ସଟ୍ ମଧ୍ୟ ସେୟାର କରିଛନ୍ତି । ସେ ଏହାକୁ ସେୟାର କରି ଲେଖିଛନ୍ତି ବନ୍ଧୁମାନେ, କିଛି ଲୋକ ଆପଣଙ୍କୁ ଆବଶ୍ୟକତାର ଫାଇଦା ଉଠାଇବା ପାଇଁ ଆପଣଙ୍କୁ ଯୋଗାଯୋଗ କରିବେ, ଯାହା ବି ଆମେ ଶ୍ରମିକମାନଙ୍କ ପାଇଁ କରୁଛୁ ତାହା ପୁରାପୂରି ନିଶୁଳ୍କ ।ଆପଣଙ୍କୁ ଯଦି କୌଣସି ବି ବ୍ୟକ୍ତି ମୋ ନାଁ ନେଇ ଟଙ୍କା ମାଗନ୍ତି ତେବେ ଆପଣ ବିଲକୁଲ ଦିଅନ୍ତୁ ନାହିଁ । ମନା କରିଦିଅନ୍ତୁ ଏବଂ ତୁରନ୍ତ ଆମକୁ କିମ୍ବା ପାଖରେ ଥିବା ଥାନାରେ ଅଭିଯୋଗ କରନ୍ତୁ ।
दोस्तों, कुछ लोग आपकी ज़रूरत का फ़ायदा उठाने के लिए आपसे सम्पर्क करेंगे। जो भी सेवा हम श्रमिकों के लिए कर रहें हैं वो बिल्कुल निःशुल्क है. आपसे अगर कोई भी व्यक्ति मेरा नाम लेकर पैसे मांगे तो मना कर दीजिए और तुरंत हमें या करीबी पुलिस अफसर को रिपोर्ट कीजिए. pic.twitter.com/EKNkqSMRNY
— sonu sood (@SonuSood) June 4, 2020
ଅଭିନେତା ସୋନୁ ସୁଦ କ୍ରମାଗତ ଭାବରେ ୧୮-୧୮ ଘଣ୍ଟାଧରି କାମ କରି ପ୍ରବାସୀ ଶ୍ରମିକମାନଙ୍କୁ ସାହାଯ୍ୟ କରୁଛନ୍ତି । ଲୋକଙ୍କୁ ସାହଯ୍ୟ କରିବାକୁ ତାଙ୍କ ଟିମ୍ ମଧ୍ୟ ଦିନରାତି ପରିଶ୍ରମ କରୁଛନ୍ତି । ବସ୍ ଏବଂ ବିମାନ ପରେ ସୋନୁ ସୁଦ ବର୍ତ୍ତମାନ ପ୍ରବାସୀ ଶ୍ରମିକମାନଙ୍କୁ ଟ୍ରେନ୍ ଯୋଗେ ନିଜ ଘରକୁ ପଠାଉଛନ୍ତି । ପ୍ରବାସୀ ଶ୍ରମିକମାନଙ୍କ ପାଇଁ ମୁମ୍ବାଇର ଥାନେ ରେଳ ଷ୍ଟେସନରୁ ସେ ଉତ୍ତରପ୍ରଦେଶ ଏବଂ ବିହାର ଯାଉଥିବା ଶ୍ରମିକମାନଙ୍କୁ ସେ ବିଦାୟ ଦେଉଛନ୍ତି ।
ଲକଡାଉନ୍ ପ୍ରଭାବିତଙ୍କ ପରେ ବର୍ତ୍ତମାନ ସୋନୁ ସୁଦ୍ ବାତ୍ୟା ନିସର୍ଗ ଦ୍ୱାରା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ଆରମ୍ଭ କରିଛନ୍ତି । ସୋନୁ ସୁଦ ଏବଂ ତାଙ୍କ ଟିମ୍ ଉପକୂଳବର୍ତ୍ତୀ ଅଞ୍ଚଳରେ ରହୁଥିବା ବାତ୍ୟା ‘ନିସର୍ଗ’ ଦ୍ୱାରା ପ୍ରଭାବିତ ୨୮,୦୦୦ ଲୋକଙ୍କୁ ଖାଦ୍ୟ ଯୋଗାଇ ଦେଇଛନ୍ତି।
