ଭୁବନେଶ୍ୱର: ଆଜି ଭୁବନେଶ୍ୱର ସଟଡାଉନ୍ । ଅନଲକ୍ ୱାନର ଏହା ସାପ୍ତାହିକ ଶେଷ ସଟଡାଉନ୍ । ଶନିବାର ଓ ରବିବାର ଦୁଇଦିନ ଧରି ବନ୍ଦ ରହିବ ୧୧ ଜିଲ୍ଲା । କେବେଳ ଔଷଧ ଦୋକାନକୁ ଛାଡି ଅନ୍ୟ କୌଣସି ଦୋକାନ ଖୋଲିବ ନାହିଁ । ଅନଲକ ୱାନ ଘୋଷଣ ପରେ ମାସ ବ୍ୟାପୀ ଏହି ନିୟମ ଜାରି ରହିଛି । ସପ୍ତାହର ପ୍ରତି ଶନିବାର ରବିବାର ପୂରା ସହରରେ ସଟଡାଉନ ଜାରି ରହୁଛି । ରାସ୍ତାଘାଟ ଖାଁ ଖାଁ ରହିବା ସହ ସବୁଠି ପୋଲିସର କଡା ପେଟ୍ରୋଲିଂ ରହିଛି । ୩୦ ତାରିଖ ପରେ ଏହି ନିୟମର ପରିବର୍ତ୍ତନ ହେବ କି କରୋନା ସଂକ୍ରମଣକୁ ଦେଖି କେନ୍ଦ୍ର ସରକାର ଅନ୍ୟ କିଛି ନିଷ୍ପତ୍ତି ନେବେ ତାହା ସ୍ପଷ୍ଟ ହେବ ।
ଏହା ସହି ଗଜପତି ଜିଲ୍ଲା ପାରଳାଖେମୁଣ୍ଡି ସହର ସହିତ ଜିଲ୍ଲାର ଗୋଷାଣୀ, ଗୁମ୍ମା ବ୍ଲକ ଓ କାଶୀନଗର ବ୍ଲକ୍ ରାଣୀପେଣ୍ଠ ପଞ୍ଚାୟତକୁ ୩ଦିନ ପାଇଁ ସଟ୍ଡାଉନ୍ ଘୋଷଣା କରାଯାଇଥିବା ନେଇ ଗଜପତି ଜିଲ୍ଲାପାଳ ଅନୁପମ ଶାହା । ଏହି ସଟ୍ଡାଉନ୍ ୨୮ରୁ ୩୦ ପର୍ଯ୍ୟନ୍ତ ଲାଗୁ କରାଯାଇଛି । ଏହି ସମୟରେ କେବଳ ଜରୁରୀକାଳିନ ସ୍ୱାସ୍ଥ୍ୟସେବା, ଔଷଧ ଦୋକାନ ଏବଂ କ୍ଷୀର ବିତରଣ ଜାରି ରହିବ । ଏହା ବ୍ୟତୀତ ଅନ୍ୟ ସବୁ ଦୋକାନବଜାର ବନ୍ଦ ରହିବ ।
ଏହି ତିନି ଦିନ ଅନ୍ୟ ସମସ୍ତ ବ୍ୟବସାୟିକ ପ୍ରତିଷ୍ଠାନ ଯଥା ଦୋକାନ ବଜାର ବନ୍ଦ ରହିବ । ଏହି ସମୟରେ ଉପରୋକ୍ତ ଅଞ୍ଚଳରେ ସ୍ୱାସ୍ଥ୍ୟ ବିଭାଗର ୪୦ଟି ସ୍ୱାସ୍ଥ୍ୟ ଟିମ୍ ଘରକୁ ଘର ବୁଲି ସମସ୍ତଙ୍କ କରୋନା ଲକ୍ଷଣ ଯଥା ଜ୍ୱର, କାଶ, ଥଣ୍ଡା, ଡାଇରିଆ ଓ ଅନ୍ୟାନ୍ୟ ରୋଗ ବିଷୟରେ ପଚାରିବେ ଏବଂ ବିସ୍ତୃତ ବିବରଣୀ ନେବେ । ଏହି କାର୍ଯ୍ୟରେ ସ୍ୱାସ୍ଥ୍ୟ ଟିମ୍କୁ ସହଯୋଗ କରିବାକୁ ସମସ୍ତଙ୍କୁ ଜିଲ୍ଲାପାଳ ଅନୁରୋଧ କରିଛନ୍ତି । ଆଗାମୀ ସଟ୍ଡାଉନ୍କୁ ଦୃଷ୍ଟିରେ ରଖି ଆଜି ଅଞ୍ଚଳରେ ସମସ୍ତ ଦୋକାନ ବଜାରକୁ ସକାଳ ୫ଟା ରୁ ସନ୍ଧ୍ୟା ୯ ଟା ପର୍ଯ୍ୟନ୍ତ ଖୋଲା ରଖିବାକୁ ଅନୁମତି ଦିଆଯାଇଛି ।
ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ବୃଦ୍ଧିକୁ ନେଇ ପଦକ୍ଷେପ ନେଇଛି ଜିଲ୍ଲା ପ୍ରଶାସନ । କରୋନା ଉପରେ କାବୁ ପାଇବାକୁ ଆଜିଠାରୁ ମଙ୍ଗଳବାର ପର୍ଯ୍ୟନ୍ତ ବ୍ରହ୍ମପୁରରେ ଲାଗୁ ହେବାକୁ ଯାଉଛି ୪ ଦିନିଆ ସଟଡାଉନ୍ । ଏହି ସଟଡାଉନ୍ ସମୟରେ ବ୍ରହ୍ମପୁରରେ ୭୦ଟି ଟିମ୍ ଘରକୁ ଘର ବୁଲି ସ୍କ୍ରିନିଂ କରିବେ । ଘରକୁ ଘର ବୁଲି ପରିବାର ଲୋକଙ୍କୁ ଭେଟି ତଥ୍ୟ ସଂଗ୍ରହ କରିବେ । ଯ଼ଦି କୌଣସି ପରିବାରରେ ସଂକ୍ରମଣ ଲକ୍ଷଣ ପ୍ରକାଶ ପାଏ, ତେବେ ତୁରନ୍ତ ତାଙ୍କୁ ମେଡିକାଲ ନେବାର ବ୍ୟବସ୍ଥା କରାଯ଼ିବ । କରୋନା ସଂକ୍ରମଣକୁ ନଜରରେ ରଖି ବ୍ରହ୍ମପୁରରେ ୪ ଦିନିଆ ସଟଡାଉନ ଲାଗୁ କରିବାକୁ ନିଷ୍ପତି ନେଇଛି ପ୍ରଶାସନ ।…..
