ନୂଆଦିଲ୍ଲୀ: ପ୍ରିପେଡ୍ ମୋବାଇଲକୁ ପୋଷ୍ଟପେଡ୍ କରିବା ଆହୁରି ସୁବିଧା ହେବ । ଏବେ ଗ୍ରାହକ ପ୍ରିପେଡ୍ ସିମ କାର୍ଡକୁ ପୋଷ୍ଟପେଡ୍ କରିବା ପାଇଁ ପୁଣି ଥରେ ଭେରିଫିକେସନ୍ କରିବା ଆବଶ୍ୟକ ହେବ ନାହିଁ । ଏଥିପାଇଁ ଏଣିକି କେବଳ ଓଟିପି ବା ୱାନ୍ ଟାଇମ୍ ପାସୱର୍ଡ ଦରକାର ହେବ। ଏବେ କେବଳ ଗୋଟିଏ ଓଟିପି ଦ୍ୱାରା ଗ୍ରାହକ ପୋଷ୍ଟପେଡ୍ କନେକ୍ସନର ଲାଭ ଉଠାଇ ପାରିବେ।
ଦୂରସଞ୍ଚାର ବିଭାଗ ଖୁବଶୀଘ୍ର ଏନେଇ ଗାଇଡଲାଇନ୍ ଜାରି କରିପାରେ । କୁହାଯାଉଛି ପୋଷ୍ଟପେଡକୁ ପରିବର୍ତ୍ତନ କରିବାକୁ ଚାହୁଁଥିବା ଗ୍ରାହକଙ୍କୁ ପୁଣି ଥରେ ଆବେଦନ ଫର୍ମ ଭରିବା ଦରକାର ନାହିଁ । ଅର୍ଥାତ୍ ଗ୍ରାହକଙ୍କୁ ରି-ଭେରିଫିକେସନ ପ୍ରକ୍ରିୟା ଦେଇ ଯିବାକୁ ପଡ଼ିବ ନାହିଁ ଏବଂ ଗ୍ରାହକଙ୍କ ମୋବାଇଲକୁ ଆସିଥିବା ଓଟିପିରେ ହିଁ ଭେରିଫିକେସନ ହୋଇଯିବ । ଏହା ବ୍ୟତୀତ୍ ବିଲିଂ ପାଇଁ ଗ୍ରାହକଙ୍କୁ କମ୍ପାନୀ ୱେବସାଇଟରେ ଆଡ୍ରେସ୍ ପ୍ରୁଫ୍ ଅପଲୋଡ୍ କରିବାକୁ ପଡ଼ିବ ।
ଦୂରସଞ୍ଚାର ବିଭାଗ ଗ୍ରାହକ ଭେରିଫିକେସନର ନୂଆ ଗାଇଡଲାଇନ୍ ପ୍ରସ୍ତୁତ କରିଛି । ଏହା ସପ୍ତାହରୁ ୨ ସପ୍ତାହ ମଧ୍ୟରେ ଜାରି ହୋଇପାରେ । ସୂଚନାଯୋଗ୍ୟ ଯେ, ଏବେ ଦେଶରେ ୯୦ କୋଟିରୁ ଅଧିକ ପ୍ରିପେଡ୍ ମୋବାଇଲ୍ ବ୍ୟବହାରକାରୀ ରହିଛନ୍ତି । ଏହାଦ୍ୱାରା ଜମ୍ମୁକାଶ୍ମୀର ଗ୍ରାହକଙ୍କୁ ମଧ୍ୟ ଫାଇଦା ମିଳିବ । କାରଣ ଜମ୍ମୁକାଶ୍ମୀରରେ ଅନ୍ୟ କୌଣସି ରାଜ୍ୟର ପ୍ରିପେଡ୍ ସିମ୍ କାମ କରେ ନାହିଁ ।
ଦ ଲାନ୍ସେଟ ମାଇକ୍ରୋବରେ ପ୍ରକାଶିତ ଗବେଷଣାରେ କୁହାଯାଇଛି କି କରୋନା ଭୂତାଣୁ ଦ୍ୱାରା ଯେଉଁ ବ୍ୟକ୍ତି ସଂକ୍ରମିତ ହୋଇଛନ୍ତି ଅଧିକାଂଶଙ୍କ ଫୁସଫୁସ ଏବଂ ଯକୃତ କ୍ଷତିଗ୍ରସ୍ତ ହୋଇ ଥିବାର ଜଣାପଡ଼ିଛି । ଗବେଷଣାରୁ ଜଣାପଡ଼ିଛି କି କରୋନାରେ ହୋଇଥିବା ମୃତ୍ୟୁରେ ୧୦ରୁ ୯ ଜଣ ରୋଗୀଙ୍କ ହୃତପିଣ୍ଡ,ଯକୃତ ଏବଂ ଫୁସଫୁସରେ ରକ୍ତ ଜମାଟ ବାନ୍ଧିଥିବା ଦେଖିବାକୁ ମିଳିଛି । ଏହି ଗବେଷଣାରେ କାମ କରୁଥିବା ଜଣେ ଗବେଷକଙ୍କ କହିବା ଅନୁସାରେ ଏହା କରୋନା ରୋଗୀଙ୍କ ପାଇଁ ଆଶ୍ଚର୍ଯ୍ୟ କରିବା ଭଳି ଘଟଣା । ଏହି ଭୂତାଣୁ ସମ୍ପୂର୍ଣ୍ଣ ଭାବରେ ଫୁସଫୁସକୁ ଅଚଳ କରି ଦେଉଛି । ଯାହାଦ୍ୱାରା ବ୍ୟକ୍ତିର ମୃତ୍ୟୁ ହୋଇ ଯାଉଛି ।
ଜଣେ ବରିଷ୍ଠ ସାମ୍ବାଦିକଙ୍କ କହିବା ଅନୁସାରେ ସାଇକୋଲୋଜିକାଲ ଅଟୋପ୍ସିର ଅର୍ଥ ହେଉଛି ମସ୍ତିଷ୍କର ପୋଷ୍ଟମର୍ଟମ । କିନ୍ତୁ ଏହି ପରୀକ୍ଷା ସେତେବେଳେ ହୁଏ, ଯେତେବେଳେ କୌଣସି ଘଟଣାକୁ ଆତ୍ମହତ୍ୟା ସହିତ ଜଡ଼ିତ କରାଯାଏ । ସାମ୍ବାଦିକଙ୍କ କହିବା ଅନୁସାରେ ଯଦି ପୋଲିସ ବା ସିବିଆଇକୁ କିଛି ମୃତ୍ୟୁ ଘଟଣା ଆତ୍ମହତ୍ୟା ବୋଲି ସନ୍ଦେହ ହୁଏ ତେବେ ମୃତ୍ୟୁ ପୂର୍ବରୁ ବ୍ୟକ୍ତିର ମସ୍ତିଷ୍କର ପରିସ୍ଥିତି କେଉଁଭଳି ଥିଲା ତାହା ଉପରେ ତଦନ୍ତ କରାଯାଏ ।
