ପ୍ରତ୍ୟେକ ବ୍ୟକ୍ତି ଗ୍ରହମାନଙ୍କର ସ୍ଥିତି ଅନୁଯାୟୀ ଜୀବନରେ ଲାଭ ଏବଂ କ୍ଷତି ପାଆନ୍ତି । ଗ୍ରହମାନଙ୍କ ଭଲ ସ୍ଥିତି ଥିଲେ ଲାଭ ପାଆନ୍ତି ଏବଂ ଖରାପ ସ୍ଥିତି ସମସ୍ୟା ଏବଂ ବାଧା ସୃଷ୍ଟି ହୁଏ । ତେଣୁ ଜଣେ ଦୁର୍ବଳ ଗ୍ରହର ବ୍ୟକ୍ତି ଶକ୍ତିଶାଳୀ ଗ୍ରହର ବ୍ୟକ୍ତି ସହ ସମ୍ପର୍କରେ ରହିଲେ ଜୀବନରେ ଥିବା ସମସ୍ୟା ଦୂର ହୁଏ । ଏହା ସବୁ ଭାଗ୍ୟ ଉପରେ ନିର୍ଭର କରେ । ଯଦିଓ ଏହା ଏକ ସତ୍ୟ ଯେ ପ୍ରେମ ପାଇଁ ଭାଗ୍ୟର ଦୃଢ ସଂଯୋଗ ରହିବା ନିଆତି ଆବଶ୍ୟକ । ଏହା ସତ୍ୟଜେ ପ୍ରେମ ଦ୍ୱାରା ଭାଗ୍ୟ ଭଲ ହୋଇପାରେ ଏବଂ ଆହୁରି ଖରାପ ମଧ୍ୟ ହୋଇପାରେ ।

ଆସନ୍ତୁ ଜାଣିବା ରାଶିରେ ସମ୍ପର୍କ ସହିତ କିଭଳି ସମ୍ୱନ୍ଧ ରହିଛି 

ମେଷ ରାଶି,ଏହି ରାଶିର ଲୋକମାନେ ଶୀଘ୍ର ଭଲ ପାଆନ୍ତି । କିନ୍ତୁ ସେମାନଙ୍କ ପ୍ରେମରେ ସ୍ଥିରତା ନଥାଏ । ଚତୁର ମନ ହେତୁ ମନ ବାରମ୍ବାର ବିଚ୍ୟୁତ ହୁଏ । ଏହାର ଠିକ୍ ବିପରିତ ହେଉଛି ବୃଷ ରାଶି । ଏମାନଙ୍କ ପ୍ରେମ ବିଳମ୍ୱରେ ମିଳିଥାଏ ମାତ୍ର ପ୍ରେମରେ ସ୍ଥିରତା ରହିଥାଏ । ଏମାନେ ପ୍ରେମରେ ସ୍ଥାୟୀତ୍ୱ ରଖିବାରେ ବିଶ୍ୱାସ କରନ୍ତି ।

ପ୍ରେମ ପାଇଁ ଏକ ପ୍ରଯୁଜ୍ୟ ରାଶି ହେଉଛି ବୃଷ । ଏହି ରାଶିର ବ୍ୟକ୍ତି ସାଧାରଣତଃ ଅନେକ ବିଚାର ବିମର୍ଷ କରିସାରିବା ପରେ ହିଁ ପ୍ରେମ ସମ୍ପର୍କକୁ ଆସନ୍ତି ଓ ପ୍ରେମ ସମ୍ପର୍କରେ ରହିବା ପରେ ସ୍ଥିରତା ପ୍ରଦର୍ଶନ କରନ୍ତି । ପ୍ରେମ କ୍ଷେତ୍ରରେ ଏହା ଏକ ସଫଳ ରାଶି ।

ମିଥୁନ ରାଶିର ବ୍ୟକ୍ତିମାନେ ଏକମତକୁ ଆସିବାରେ ବିଳମ୍ୱ କରନ୍ତି । ଫଳସ୍ୱରୂପ ଏମାନେ ପ୍ରେମରେ ନିଷ୍ପତ୍ତି ନେବା ପରେ ମଧ୍ୟ ନିଜ ନିଷ୍ପତ୍ତିରେ ସ୍ଥିର ଭାବେ ରହିପାରନ୍ତି ନାହିଁ । ବାରମ୍ଭାର ନିଜ ମତ ଓ ମନ ବଦଳାଇଥାନ୍ତି ।

କର୍କଟ ରାଶିର ଲୋକେ ସରଳ ହୋଇଥିବା ହେତୁ ଏମାନଙ୍କୁ ଅଧିକାଂଶ ସମୟରେ ଧୋକା ହିଁ ମିଳିଥାଏ । ପ୍ରେମରେ ଜଲଦି ବିଶ୍ୱାସ କରନ୍ତି ଓ ମଣିଷ ଚୟନରେ ଭୁଲ କରନ୍ତି ।

ସିଂହ ରାଶିର ବ୍ୟକ୍ତିଙ୍କର ପ୍ରେମସମ୍ୱନ୍ଧ ପ୍ରତି ଦୂର-ଦୂରର ସମ୍ପର୍କ ନଥାଏ । ପ୍ରେମରେ ଏମାନଙ୍କୁ ଅଧିକାଂଶ ସମୟ ଅସଫଳତା ମିଳିଥାଏ ।

ଅନ୍ୟପକ୍ଷରେ, କନ୍ୟା ରାଶିର ଲୋକେ ସାଧାରଣତଃ ସବୁ କ୍ଷେତ୍ରରେ ନିଜ ଲାଭ ଦେଖନ୍ତି । ପ୍ରେମରେ କମ୍ ଗୁରୁତ୍ୱ ଦେବା ସହ ଲାଭବାନ ହେବାକୁ ଚେଷ୍ଟା କରନ୍ତି । ତେଣୁ ଏମାନଙ୍କ ସହ ପ୍ରେମ ସମ୍ପର୍କରେ ଥିବା ଲୋକେ ଏମାନଙ୍କ ହାବଭାବ ଜାଣିବା ପରେ ବାଧ୍ୟ ହୋଇ ଏମାନଙ୍କଠାରୁ ଅଲଗା ହୋଇଥାନ୍ତି । ତେବେ କନ୍ୟା ରାଶିର ବ୍ୟକ୍ତିଙ୍କ କ୍ଷେତ୍ରରେ ପ୍ରେମ ବହୁତ ଗୁରୁତ୍ୱ ବହନ କରେ । ଏହା ସତ୍ତ୍ୱେ ମଧ୍ୟ ଏମାନଙ୍କୁ ଆପଣ ବିଫଳ ବୋଲି କହିପାରିବେ ।

ତୁଳା ରାଶିର ବ୍ୟକ୍ତି ମାନେ ଆବଶ୍ୟକତାଠାରୁ ଅଧିକ ପ୍ରେମ କରିଥାନ୍ତି । ଯାହା ଫଳରେ ପ୍ରେମ ସମ୍ପର୍କରେ ଥିବା ବ୍ୟକ୍ତି ନିଜ ବ୍ୟକ୍ତିଗତ ସ୍ୱାଧୀନତା ହରାଇବା ଭଳି ମନେକରେ । ପରେ ଏମାନଙ୍କ ପ୍ରେମ ସମ୍ପର୍କରେ ଅନ୍ତ ଘଟେ ।

ବିଛା ରାଶିର ଲୋକେ ପ୍ରେମକୁ ପ୍ରତ୍ୟାଖ୍ୟାନ କରିଥାନ୍ତି । ପ୍ରେମକୁ ଏମାନେ ସମସ୍ୟା ଭାବେ ଦେଖନ୍ତି । ଜୀବନର ଲକ୍ଷ୍ୟ ସାଧନରେ ପ୍ରେମ ଏମାନଙ୍କ ପାଇଁ ଏକ ପ୍ରତିବନ୍ଧକ ଅଟେ ।

ଧନୁ ରାଶିର ଲୋକେ ସାଧାରଣତଃ ମଉଜ ମଜଲିସ ପାଇଁ ପ୍ରେମ କରନ୍ତି । ଗୋଟିଏ ସମୟରେ ଏକାଧିକ ପ୍ରେମିକ କିମ୍ୱା ପ୍ରେମିକାଙ୍କ ସହ ରୁହନ୍ତି । ପ୍ରେମକୁ ସମ୍ମାନ ନଦେବା କାରଣରୁ ଜୀବନ ଯେତେବେଳେ ପ୍ରେମର ଆବଶ୍ୟକତା ହୁଏ, ଏମାନଙ୍କ ପାଖରେ କେହି ନଥାନ୍ତି ।

ମକର ରାଶି ପାଇଁ ପ୍ରେମ ଏକ ମିଶ୍ର ଫଳାଫଳ ଦିଏ । ଏମାନେ ଚାଲାକ ଓ ସଚ୍ଚୋଟ ହୋଇଥିବା ହେତୁ କେତେକ କ୍ଷେତ୍ରରେ ଲାଭ ଓ କେତେକ କ୍ଷେତ୍ରରେ କ୍ଷତି ସହିଥାନ୍ତି ।

ପ୍ରେମ କରିବା ଓ ଲୋକଙ୍କ ଦ୍ୱାରା ପ୍ରେମର ଅଧିକାରୀ ହେବା କୁମ୍ଭ ରାଶିର ଏକ ଭଲ ସ୍ୱାଭାବ । ଏମାନେ ପ୍ରେମୀ ଚୟନରେ ମଧ୍ୟ ଖୁବ୍ କମ୍ ଭୁଲ୍ କରନ୍ତି । ଏଣୁ ଏମାନଙ୍କ ସଫଳ ପ୍ରେମୀ ବୋଲି କୁହାଯାଇପାରିବ ।

ସମ୍ପର୍କରେ ଦାୟିତ୍ୱହୀନତା ହିଁ ମିନ ରାଶିର ଲୋକଙ୍କୁ କ୍ଷତି ସହିବାକୁ ବାଧ୍ୟ କରେ । ଚରିତ୍ର କିମ୍ୱା ଉଦ୍ଦେଶ୍ୟରେ ଦୋଷ ଦୁର୍ବଳତା ନଥାଇ ମଧ୍ୟ ଏମାନେ ନିଜ ସ୍ୱାଭାବିକ ପ୍ରବୃତ୍ତି ଯୋଗୁ ପ୍ରେମ ସମସ୍ୟା ଭିତରେ ଫସି ଯାଆନ୍ତି ।