ଓଟିଭି MDଙ୍କ ପାଇଁ ବଢ଼ିଲା ଅଡ଼ୁଆ: ଗିରଫ ଦାବି କଲା ଷ୍ଟେଟ୍ ପ୍ରୋଗ୍ରେସିଭ୍ ଓ୍ୱିମେନ୍ ଫୋରମ୍
1 min read
ଭୁବନେଶ୍ୱର: ନାବାଳିକା ଗଣଦୁଷ୍କର୍ମ ମାମଲାରେ ଅଠାକାଠିରେ ଛନ୍ଦି ହୋଇଛନ୍ତି ଓଟିଭି କର୍ତ୍ତୃପକ୍ଷ । ଆଜି ଓଟିଭି ଏମ୍ଡିଙ୍କ ଅଡୁଆ ପୁଣି ବଢିଛି । ତାଙ୍କ ବିରୋଧରେ ମହିଳା ଥାନାରେ ଅଭିଯୋଗ ହୋଇଛି । OTV ଏମ୍ଡିଙ୍କ ଗିରଫ ଦାବି କରିଛି ଷ୍ଟେଟ୍ ପ୍ରୋଗ୍ରେସିଭ ୱିମେନ ଫୋରମ୍ । ପୀଡିତାଙ୍କ ମା’ଙ୍କ ଉପରେ ଚାପ ପକାଇବା ସହ ତଥ୍ୟ ଲୁଚାଇ ଅଭ୍ୟାସଗତ ଭାବେ ଭୁଲ କରିଛନ୍ତି OTV ଏମ୍ଡି । ନିଜ କର୍ମଚାରୀଙ୍କୁ OTV ଏମ୍ଡି ଘଣ୍ଟ ଘୋଡାଇଥିବା ଅଭିଯୋଗ ହୋଇଛି । ତେଣୁ ତାଙ୍କୁ ଗିରଫ କରିବାକୁ ଦାବି କରିଛି ଫୋରମ । ଏହା ପୂର୍ବରୁ ମହିଳା କମିଶନ ମଧ୍ୟ ୨୧ ତାରିଖରେ ହାଜର ହୋଇ ପକ୍ଷ ରଖିବାକୁ ସମନ ଜାରି କରିଛି । ସେପଟେ ଆଜି ମହିଳା ଥାନାରେ ହାଜର ହୋଇ ପକ୍ଷ ରଖିଛନ୍ତି ଓଟିଭି ଏଚ୍ଆର ହେଡ୍ । ତାଙ୍କୁ ସାଢେ ତିନି ଘଣ୍ଟା ଧରି ଜେରା କରାଯାଇଛି । ଗତକାଲି ଏହି ମାମଲାରେ ଓଟିଭିର ସହକାରୀ ଏଚ୍ଆର ମୁଖ୍ୟଙ୍କୁ ପୋଲିସ ଜେରା କରିଥିଲା । ପୂର୍ବରୁ ଇନ୍ପୁଟ୍ ଓ ଆଉଟ୍ପୁଟ୍ ମୁଖ୍ୟଙ୍କୁ ଜେରା କରାଯାଇଛି ।
