ବାଲେଶ୍ୱର: କୌଣସି ଉପାନ୍ତ ଅଞ୍ଚଳରେ ନୁହେଁ । ଖୋଦ ଡାକ୍ତରଖାନାରେ ହେଉଛି ଅନ୍ଧବିଶ୍ୱସରେ ଚିକିତ୍ସା । ଆଉ ଚିକିତ୍ସା କରୁଛନ୍ତି ଗୁଣିଆ ଡାକ୍ତର ବାବୁ । ସାପ ବିଷ ଝାଡ଼ିବାକୁ ହସପିଟାଲ ପରିସରରେ ହେଉଛି ଝଡ଼ାଫୁଙ୍କା । ବାଲେଶ୍ଵର ବାଲିଆପାଳ ବ୍ଲକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଆଉ ସବୁଠୁ ବଡ଼ କଥା, ଏଭଳି ଝଡ଼ାଫୁଙ୍କା କରୁଛନ୍ତି ଖୋଦ ସ୍ୱାସ୍ଥ୍ୟ କର୍ମୀ । ଗୋଷ୍ଠୀ ସ୍ୱସ୍ଥ୍ୟ କେନ୍ଦ୍ରର ବ୍ଲକ ପ୍ରୋଗ୍ରାମ ମ୍ୟାନେଜର ଦୟାନିଧି ନାୟକ କରୁଛନ୍ତି ଚିକିତ୍ସା ।

ଗତ କିଛି ଦିନ ପୂର୍ବରୁ ବାଲିଆପାଳ ବ୍ଲକ କୁଲହାଚଡ଼ ଗାଁର ଜଣେ ଯୁବକଙ୍କୁ ସାପ କାମୁଡ଼ି ଥିଲା । ଏହାପରେ ପରିବାର ଲୋତେ ତାଙ୍କୁ ବାଲିଆପାଳ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ଡାକ୍ତର ଦେଖିବା ପରେ ରୋଗୀଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରିଥିଲେ । ହେଲେ କିଛି ସ୍ୱାସ୍ଥ୍ୟକର୍ମୀ ହସପିଟାଲ ପରିସରରେ ହିଁ ଆରମ୍ଭ କରିଥିଲେ ଝଡ଼ାଫୁଙ୍କା । ସ୍ୱିପର ହାତରେ ଅରଖ ଗଛର କ୍ଷୀର ଲଗାଉଥିବା ଭିଡିଓରେ ଦେଖିବାକୁ ମିଳୁଛି । ଘଟଣାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍ ହେଉଛି ।

ଗଞ୍ଜାମ: ବ୍ରହ୍ମପୁର ବଜାର ଥାନା ପୁରୁଣା ବ୍ରହ୍ମପୁର ରାଧାକୃଷ୍ଣ ମନ୍ଦିର ପରିସରରେ ବ୍ୟକ୍ତିଙ୍କୁ ହତ୍ୟା । କେହି ତାଙ୍କୁ ପଥରେ ଛେଚି ହତ୍ୟା କରିଥିବା ଅଭିଯୋଗ ହୋଇଛି । ମୃତକ ନାଁ କାଳିଆ ବୋଲି ଜଣାପଡ଼ିଛି । ମୃତକ ଜଣକ ମନ୍ଦିର ଜଗୁଆଳି ଭାବେ କାମ କରୁଥିବା ସୂଚନା ମିଳିଛି । ମନ୍ଦିର ପଛପଟ ପାଚେରୀ ଡେଇଁ କେହି ଦୁର୍ବୃତ୍ତ ତାଙ୍କୁ ହତ୍ୟା କରିଥିବା ପୋଲିସ ସନ୍ଦେହ କରୁଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମନ୍ଦିର ଭିତରକୁ ଆସିଲେ କେମିତି ।

ମନ୍ଦିର ମଧ୍ୟରେ ଦୁର୍ବୃତ୍ତ ମାନେ ତାଙ୍କୁ ହତ୍ୟା କଲେ କାହିଁକି ? ଏଭଳି ଅନେକ ପ୍ରଶ୍ନ ଉପୁଜିଛି । ବଡ଼ବଜାର ଥାନା ଅଧିନରେ ଏଭଳି ଘଟଣା ଘଟିଛି । କିଛି ଦୁର୍ବୃତ୍ତ ଆସି ତାଙ୍କୁ ପଥରେ ଛେଚି ହତ୍ୟା କରାଯାଇଥିବା ସନ୍ଦେହ କରାଯାଉଛି । ହତ୍ୟା କେଉଁଥି ପାଇଁ ହୋଇଛି ପୋଲିସ ମଧ୍ୟ ତାର ପ୍ରକୃତ କାରଣ ମିଳିପାରିନାହିଁ । ପୋଲିସ ପହଞ୍ଚିଲା ପରେ ଏବେ ସନ୍ଧାନି କୁକୁର ପହଞ୍ଚିଲା ପରେ ଅଧିକ ତଦନ୍ତ ଆରମ୍ଭ ହେବ ।

ସୂଚନା ଅନୁଯାୟୀ, ମୃତକ କାଳିଆ ସାହୁ ହେଉଛନ୍ତି ଉକ୍ତ ଗାଁର । ସେ ଘରୁ କଳି ଲଗାଇଆ ଆସି ବାହାରେ ରହୁଥିଲେ । ଆଖ ପାଖ ଗାଁରେ କାମ କରି ନିଜର ଗୁଜୁରାଣ ମେଣ୍ଟାଉଥିଲେ । କିନ୍ତୁ ତାଙ୍କୁ ଗତ ରାତିରେ ରାଧାକୃଷ୍ଣ ମନ୍ଦିରରେ ହତ୍ୟା କରିଛନ୍ତି । ତେବେ ଏବେ ପୋଲିସର ତଦନ୍ତ ଆରମ୍ଭ ହୋଇଛି ।

ପାରାଦୀପ: ଲାଞ୍ଚ ହେଲା କାଳ । ୩୦ ହଜାର ଲାଞ୍ଚ ନେବା ବେଳେ ଗିରଫ ହେଲେ ପାରାଦୀପ ବନ୍ଦର କୋଷ୍ଟଗାର୍ଡ ଇଲେକ୍ଟ୍ରିକାଲ ଜେଇ ରାଜୀବ ରଂଜନ ରେଡ୍ଡୀ । ଠିକାଦାରଙ୍କ ଠାରୁ ଲାଞ୍ଚ ନେବା ବେଳେ ରାଜୀବଙ୍କୁ ଗିରଫ କରିଛି ସିବିଆଇ । ଠିକାଦାରଙ୍କ ଅଧିନରେ ୬ଜଣ ପିଲାଙ୍କୁ କାମ କରିବାକୁ ଅନୁମତି ପାଇଁ ୫୦ ହଜାର ଦାବି କରିଥିଲେ ଜେଇ ରାଜୀବ ରଂଜନ ।

ତେବେ ୩୦ ହଜାରରେ କଥା ଛିଣ୍ଡି ଥିବା ବେଳେ, ସିବିଆଇ ଠାରେ ଅଭିଯୋଗ କରିଥିଲେ ଠିକାଦାର ମୋହନ ପରିଡ଼ା ।  ଅଭିଯୋଗ ପରେ ସିବିଆଇର ୧୪ ଜଣିଆ ଟିମ୍ ପାରାଦୀପ ପହଞ୍ଚି ଜେଇ ରାଜୀବ ରେଡ୍ଡୀଙ୍କୁ ଧରିଥିଲା । ଏଥିସହ ଜେଇଙ୍କ ଅଫିସ ଓ ବାସଗୃହରେ ଚଢାଉ କରି ବହୁ ପରିମାଣର କାଗଜପତ୍ର ଜବତ କରାଯାଇଛି ।  ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି ।