spot_img
Home Blog Page 6415

ଖୋର୍ଦ୍ଧା ସାରୁଅରେ ଓଟିଭିର ବେଆଇନ୍ ଜମି ଜବରଦଖଲ ଅଭିଯୋଗର ତଦନ୍ତ ଆରମ୍ଭ

ଖୋର୍ଦ୍ଧା ସାରୁଅରେ ଓଟିଭିର ବେଆଇନ୍ ଜମି ଜବରଦଖଲ ଅଭିଯୋଗର ତଦନ୍ତ ଆରମ୍ଭ

ନିର୍ଦ୍ଦେଶକ ଅନୁରାଗ କଶ୍ୟପଙ୍କ ଗିରଫ ଦାବିରେ ଅନଶନ କରିବେ ପାଏଲ

ମୁମ୍ୱାଇ: ସୋମବାର ଧାରଣାରେ ବସିବେ ଅଭିନେତ୍ରୀ ପାଏଲ ଘୋଷ । ଫିଲ୍ମ ନିର୍ଦ୍ଦେଶକ ଅନୁରାଗ କଶ୍ୟପଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବା ଅଭିଯୋଗରେ ପୋଲିସ ଷ୍ଟେସନ୍ ଆଗରେ ଧାରଣାରେ ବସିବେ । ପୂର୍ବରୁ ଫିଲ୍ମ ନିର୍ଦ୍ଦେଶକ ଅନୁରାଗ କଶ୍ୟପଙ୍କ ବିରୋଧରେ ଯୌନ ଶୋଷଣର ଅଭିଯୋଗ ଆଣି ପୂରା ବଲିଉଡରେ ଚହଳ ପକାଇଥିଲା ଅଭିନେତ୍ରୀ ପାଏଲ ଘୋଷ  ।

Hot Beauty Payal Ghosh stunning pics | Gulte - Latest Andhra Pradesh,  Telangana Political and Movie News, Movie Reviews, Analysis, Photos

ସୂଚନା ମୁତାବକ ପାଏଲ ସୋମବାର ବର୍ସିବା ପୋଲିସ ଷ୍ଟେସନ୍ ଯାଇ କାର୍ଯ୍ୟାନୁଷ୍ଠାନ ଦାବିରେ ଧାରଣାରେ ବସିବେ । ତେବେ ପୂର୍ବରୁ ଅଭିନେତ୍ରୀ ପାଏଲ ଘୋଷ ଅନୁରାଗ କଶ୍ୟପଙ୍କ ବିରୋଧରେ ଅଭିଯୋଗ କରି ସତ୍ତ୍ୱେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ହୋଇନଥିବାରୁ ଏ ନେଇ ମୁମ୍ୱାଇ ପୋଲିସର ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛନ୍ତି ପାଏଲ ।

अनुराग कश्यप

ଅଭିନେତ୍ରୀ ପାଏଲ ଟ୍ୱିଟ୍ କରି କହିଛନ୍ତି ଯେ, ମୁଁ ଜଣେ ଅପରାଧୀଙ୍କ ବିରୋଧରେ ମାମଲା ଦାୟର କରିଛି । କିନ୍ତୁ ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ପରିବର୍ତ୍ତେ ମୋତେ ହିଁ ପ୍ରଶ୍ନ ପଚରାଯାଉଛି ଆଉ ଅଭିଯୁକ୍ତ ଘରେ ଆରାମ କରୁଛନ୍ତି । ପାଏଲ ଘୋଷ ସୋସିଆଲ୍ ମିଡିଆରେ ଅନୁରାଗ କଶ୍ୟପଙ୍କ ବିରୋଧରେ ଅନେକ ଗମ୍ଭୀର ଅଭିଯୋଗ ଆଣିଛନ୍ତି । ଅଭିନେତ୍ରୀ ଟ୍ୱିଟ୍ କରି ଅନୁରାଗଙ୍କ ବିରୋଧରେ ଜବରଦସ୍ତି କରିଥିବା ଅଭିଯୋଗ ଆଣିଥିଲେ । ପାଏଲ ଘୋଷ ଏହି ଅଭିଯୋଗ ଉପରେ ଅନୁରାଗ ସଫେଇ ମଧ୍ୟ ରଖିଥିଲେ । ଆଉ ଅଭିନେତ୍ରୀଙ୍କ ବିରୋଧରେ ଆଇନତଃ କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି କହିଛନ୍ତି ।

ତାପଙ୍ଗ ପଥରଖଣି ଯିବାକୁ ଜନସାଧାରଣଙ୍କୁ ବାରଣ କଲା ଜିଲ୍ଲାପ୍ରଶାସନ

ଖୋର୍ଦ୍ଧା: ବନ୍ଦ ହେଲା ଖୋର୍ଦ୍ଧା ନିଜିଗଡ଼ର ତାପଙ୍ଗ ପଥରଖଣି । ତାପଙ୍ଗ ସ୍ଥିତ ପଥର ଖଣିକୁ ଯିବା ପାଇଁ  ଜନସାଧାରଣଙ୍କୁ ବାରଣ କରିଛି ଜିଲ୍ଲାପ୍ରଶାସନ । ଖୋର୍ଦ୍ଧାର ନୂଆ ସେଲଫି ପଏଣ୍ଟ ପାଲଟିଥିବା ଉକ୍ତ ପଥର ଖଣି ଯିବା  ଉପରେ ସମ୍ପୂଣ୍ଣ  ନିଶେଧାଦେଶ ଲଗାଯାଇଛି । ଯଦି କେହି ଏହି ନିୟମକୁ ଉଲ୍ଲଘଂନ କରି ବୁଲିବାକୁ ଯାଆନ୍ତି ତେବେ ତାଙ୍କଠୁ ଜରିମାନା ଆଦାୟ କରାଯିବ ବୋଲି ଜିଲ୍ଲା ପ୍ରଶାସନ ଚେତାବନୀ ଦେଇଛି ।

ଖୋର୍ଦ୍ଧା ସହର ଠାରୁ ଅଳ୍ପ ଦୂରରେ ଥିବା ନିଜିଗଡ ତାପଙ୍ଗରେ ସବୁଜ ରଙ୍ଗର ଜଳରାଶି ସାଙ୍ଗକୁ ପାହାଡ ଉପରେ ସବୁଜ ବନାନୀ ପର୍ଯ୍ୟଟକମାନଙ୍କୁ ଆକୃଷ୍ଟ  କରୁଥିଲା । ସୋସିଆଲ ମିଡିଆରେ ଏହି ଦୃଶ୍ୟ ଭାଇରାଲ ହେବା ପରେ ଏଠାକୁ  ପର୍ଯ୍ୟଟକଙ୍କ ସୁଅ ଛୁଟିଥିଲା । ଅଧିକାଶଂ ଯୁବପୀଢି ଏହାର ସୌନ୍ଦର୍ଯ୍ୟରେ ଆକୃଷ୍ଟ ହୋଇ ଏଠାକୁ ସେଲଫି ଉଠାଇବାକୁ ଆସୁଥିଲେ ।

ସୂଚନା ଅନୁସାରେ, ପାହାଡ଼ ବିପଦ ସଂକୁଳ ଅବସ୍ଥାରେ ରହିଛି। ପାହାଡରେ ଖଞ୍ଜା ଯାଇଥିବା କିଛି ଡିନାମାଇଟ୍ ମଧ୍ୟ ଅଫୁଟା ଅବସ୍ଥାରେ ରହିଥିବା ଆଶଙ୍କା କରାଯାଉଛି । ଏହି ସବୁ ଦୃଷ୍ଟି ସତ୍ୱେ ସେଠାକୁ ବୁଲିବାକୁ ଯିବା, ଫଟୋ ଉଠାଇବା ଉପରେ ପ୍ରଶାସନ ବାରଣ କରିଛି ।

 

ଓଟିଭିର ବେଆଇନ୍ ଜମି ଜବରଦଖଲ ଘଟଣାରେ ଜିଲ୍ଲାପାଳଙ୍କ ପଦକ୍ଷେପ

ଖୋର୍ଦ୍ଧା: ପୂର୍ବରୁ ନାବାଳିକା ଗଣଦୁଷ୍କର୍ମ ଘଟଣା ଏବେ ବେଆଇନ୍ ଜମି ଜବର ଦଖଲ ମାମଲା । ଏସବୁ ମଧ୍ୟରେ ଛନ୍ଦି ହୋଇଛି ଓଟିଭି । ନାବାଳିକା ଗଣଦୁଷ୍କର୍ମ ଘଟଣାର ତାତି କମି ନଥିବା ବେଳେ ଏବେ ଓଟିଭିର ବେଆଇନ୍ ଜମି ଜବରଦଖଲ ଘଟଣାରେ ଏବେ ଅଠାକାଠିରେ ପଡ଼ିଛି ଓଟିଭି । ଘଟଣାରେ ଜିଲ୍ଲାପାଳଙ୍କ ନିକଟରେ ସ୍ଥାନୀୟ ଲୋକେ ଅଭିଯୋଗ କରିବା ପରେ ପଦକ୍ଷେପ ନିଆଯାଇଛି ।

ଖୋର୍ଦ୍ଧା ସାରୁଅରେ ଓଟିଭିର ବେଆଇନ୍ ଜମି ଜବରଦଖଲ ଘଟଣାର ତଦନ୍ତ ଆରମ୍ଭ ହୋଇଛି । ଉପଜିଲ୍ଲାପାଳ, ତହସିଲଦାର ଓ ରାଜସ୍ୱ ନୀରିକ୍ଷକ ଘଟଣାସ୍ଥଳରେ ପହଞ୍ଚି ତଦନ୍ତ କରିବେ ବୋଲି ଜଣାପଡ଼ିଛି । ସୂଚନା ଯୋଗ୍ୟ ଯେ,  ଗତ ଶନିବାର ଜମି ଜବରଦଖଲ ହୋଇଥିବା ଗ୍ରାମବାସୀମାନେ ଜିଲ୍ଲାପାଳଙ୍କ ନିକଟରେ ଲିଖିତ ଅଭିଯୋଗ କରିଥିଲେ । ଏହି ଅଭିଯୋଗକୁ ଆଧାର କରି ଆଜିଠୁ ତଦନ୍ତ ଆରମ୍ଭ ହେଉଛି । ଏଥିସହ ଉପଜିଲ୍ଲାପାଳ ସାରୁଅରେ ଜନଶୁଣାଣି କରିବେ । କ୍ଷତିଗ୍ରସ୍ତ ଲୋକଙ୍କ ଅଭିଯୋଗ ଗ୍ରହଣ କରିବେ । କେତେ ଜମି ଜବରଦଖଲ ହୋଇଛି, ଏବଂ ତାହା ଆଇନତଃ ବୈଧ କି ନୁହେଁ, ସେନେଇ ତଦନ୍ତ ହେବ ।

OTV ଏମ୍‌ଡିଙ୍କ ପରିବାର ନାଁରେ ଜମି ଜାଲିଆତି ଅଭିଯୋଗ: ଜମି ବିକ୍ରି କରିବାକୁ ବାଧ୍ୟ କରିଦେଇଛନ୍ତି ଓଟିଭି କର୍ତ୍ତୃପକ୍ଷ

ଆଇନ୍ ହେବା ପରେ ବି କୃଷି ବିଲକୁ ନେଇ ବିରୋଧ ଜାରି: ଟ୍ରାକ୍ଟରରେ ନିଆଁ ଲଗାଇଲେ ଆନ୍ଦୋଳନକାରୀ

ନୂଆଦିଲ୍ଲୀ: ଆଇନ୍ ହେଲାଣି କୃଷି ବିଲ୍, ହେଲେ ଥମିନି ବିରୋଧ । ଦେଶର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ ଜାରିରହିଛି । କର୍ଣ୍ଣାଟକରେ ବନ୍ଦ ଡାକରା ଦେଇଛନ୍ତି ଚାଷୀ । ସେପଟେ ଦିଲ୍ଲୀ ରାଜପଥରେ ଟ୍ରାକ୍ଟରରେ ନିଆଁ ଲଗାଇଲେ ଆନ୍ଦୋଳନକାରୀ । ଇଣ୍ଡିଆ ଗେଟ୍ ନିକଟରେ ବିକ୍ଷୋଭ ପ୍ରଦର୍ଶନ କରିବା ସହ ନିଆଁ ଲଗାଇଥିଲେ । ଘଟଣାସ୍ଥଳରେ ଦିଲ୍ଲୀ ପୋଲିସ ଓ ଫାୟାର ବ୍ରିଗେଡ୍ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ସେପଟେ ଆଇନକୁ ନେଇ ଏନଡିଏର ହାତ ଛାଡୁଛନ୍ତି ସହଯୋଗୀ ଆଉ ବିରୋଧ କରୁଛନ୍ତି ବିରୋଧୀ ଦଳ । ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଆଜି ଧାରଣାରେ ବସିବେ । ହରିୟାଣାର ସହଯୋଗୀ ଦୁଷ୍ୟନ୍ତ ଚୌଟାଲା ମଧ୍ୟ ଆଜି ଅମିତ ଶାହାଙ୍କୁ ଭେଟୁଛନ୍ତି । ସାକ୍ଷାତକାର ବେଳେ ଏନେଇ ଆଲୋଚନା ହୋଇପାରେ । ଦେଶବ୍ୟାପୀ ବିରୋଧ ସତ୍ତ୍ୱେ ଗତକାଲି କେନ୍ଦ୍ର ସରକାରଙ୍କ ତିନୋଟି ଯାକ କୃଷି ବିଲ୍‌ ଉପରେ ମୋହର ମାରିଥିଲେ ରାଷ୍ଟ୍ରପତି ରାମନାଥ କୋବିନ୍ଦ  । ଫଳରେ ତିନିଟି ଯାକ ବିଲ୍‌ ଆଇନରେ ପରିଣତ ହୋଇଛି  । କୃଷି ଉତ୍ପାଦନ ଓ ବାଣିଜ୍ୟ ବିଲ୍, ଚାଷୀଙ୍କ ସୁରକ୍ଷା ଓ ମୂଲ୍ୟ ଆଶ୍ୱାସନା ବିଲ୍ ଏବଂ ଅତ୍ୟାବଶ୍ୟକ ସାମଗ୍ରୀ ବିଲ୍‌- ୨୦୨୦କୁ ସଂସଦର ଉଭୟ ଗୃହରେ ବିରୋଧ ସତ୍ତ୍ୱେ ପାରିତ ହୋଇଥିଲା । ଏହାକୁ ନେଇ ଦେଶର ବିଭିନ୍ନ ସ୍ଥାନରେ ଏବେ ବି ବିରୋଧ ଜାରି ରହିଛି।

ରାଜ୍ୟ ସଭା ପୂର୍ବରୁ ଲୋକ ସଭାରେ କୃଷି ବିଧେୟକକୁ ବିରୋଧ କରିଥିଲା ବିଜେଡି, ଏହା ଦ୍ୱାରା କ୍ଷୁଦ୍ର ଓ ନାମମାତ୍ର ଚାଷୀ ଉପେକ୍ଷିତ ହେବେ ବୋଲି କହିଥିଲେ ଅନୁଭବ ମହାନ୍ତି

୮୨ ହଜାରରୁ ଊର୍ଦ୍ଧ୍ୱ କରୋନା ସଂକ୍ରମିତ ଚିହ୍ନଟ: ୧୦୩୯ ଜଣଙ୍କ ମୃତ୍ୟୁ

ନୂଆଦିଲ୍ଲୀ: ସାରା ବିଶ୍ୱରେ କରୋନାର କହର ଜାରି ରହିଛି । ଏଯାବତ୍ ସାରା ବିଶ୍ୱରେ କରୋନା ଜନିତ ମୃତ୍ୟୁ ସଂଖ୍ୟା ୧୦ ଲକ୍ଷ ଟପିଲାଣି । ଏହାରି ମଧ୍ୟରେ ଗତ ୨୪ ଘଣ୍ଟା ମଧ୍ୟରେ ଦେଶରେ ୮୨ ହଜାର ୧୭୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହିତ ଦେଶରେ ମୋଟ ୬୦ ଲକ୍ଷ ୭୪ ହଜାର ୭୦୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଆଶ୍ୱସ୍ତି କଥା ଏହା ଯେ, ଏମାନଙ୍କ ମଧ୍ୟରୁ ୫୦ ଲକ୍ଷ ୧୬ ହଜାର ୫୨୦ ଜଣ ସଂକ୍ରମିତ ଆରୋଗ୍ୟ ଲାଭ କଲେଣି । ଅପରପକ୍ଷରେ ୯୫ ହଜାର ୫୪୨ ଜଣ ଆକ୍ରାନ୍ତ ବ୍ୟାକ୍ତିଙ୍କ ମୃତ୍ୟୁ ଘଟିଛି । ୨୪ ଘଣ୍ଟା ମଧ୍ୟରେ ଜଣାପଡ଼ିଥିବା ୮୨ ହଜାର ୧୭୦ ସଂକ୍ରମିତଙ୍କୁ ମିଶାଇ ମୋଟ ଆକ୍ଟିଭ ମାମଲା ୯ ଲକ୍ଷ ୬୨ ହଜାର ୬୪୦ରେ ପହଞ୍ଚିଛି ।   ତେବେ ଗତ ୨୪ ଘଣ୍ଟା ମଧ୍ୟରେ ୧୦୩୯ଜଣଙ୍କ କରୋନା ଯୋଗୁଁ ମୃତ୍ୟୁ ଘଟିଛି ।

ଅପରପକ୍ଷରେ ବିଶ୍ୱ ମାନଚିତ୍ରରେ କରୋନାର ସ୍ଥିତି ଦେଖିବାକୁ ଗଲେ ଏଯାବତ୍ ସାରା ବିଶ୍ୱରେ ୩ କୋଟି ୩୩ ଲକ୍ଷରୁ ଅଧିକ ଲୋକ ଆକ୍ରାନ୍ତ ହୋଇସାରିଛନ୍ତି । ଏମାନଙ୍କ ମଧ୍ୟରୁ ୨ କୋଟି ୪୬ ଲକ୍ଷ ଲୋକ କରୋନାରୁ ସୁସ୍ଥ ହୋଇଛନ୍ତି । ଏବେବି ଉଭୟ କରୋନା ସଂକ୍ରମିତ ଓ ମୃତ୍ୟୁ ସଂଖ୍ୟାରେ ଆମେରିକା ସବୁଠାରୁ ଆଗରେ ରହିଥିବା ବେଳେ ତା’ ପଛକୁ ରହିଛିି ଭାରତ । ତେବେ ଗତ ୨୪ ଘଣ୍ଟା ମଧ୍ୟରେ ହୋଇଥିବା ତଥ୍ୟ ରେକର୍ଡ ଅନୁସାରେ, ନୂତନ ସଂକ୍ରମଣ ଅପେକ୍ଷା ଭାରତରେ କୋଭିଡ୍-୧୯ ସଂକ୍ରମଣରୁ ସୁସ୍ଥ ହୋଇଥିବା ବ୍ୟକ୍ତିଙ୍କ ସଂଖ୍ୟା ଅଧିକ। ଆଠ ଦିନ ମଧ୍ୟରୁ ସାତ ଦିନରେ ନୂତନ ସଂକ୍ରମଣ ଅପେକ୍ଷା ଆରୋଗ୍ୟ ହାର ଅଧିକ ହୋଇଥିବା ଜଣାପଡ଼ିଛି।

ପିଆଜ ଦର ଆକାଶ ଛୁଆଁ, ଚିନ୍ତାରେ ଖାଉଟି

ଭୁବନେଶ୍ୱର: ପୁଣି ବଢିଲା ପିଆଜ ଦର । କିଛି ଦିନ ଭିତରେ ପିଆଜ ବଜାରରେ ନିଆଁ । ଦୀର୍ଘ ମାସର ବ୍ୟବଧାନ ପରେ ପୁଣି ଖାଉଟିଙ୍କୁ କନ୍ଦାଇଛି ପିଆଜ ଦର । ଏବେ ହଠାତ୍ ପିଆଜ ଦର କିଲୋ ପିଛା ୫୦ ଟଙ୍କା ଟପିଯାଇଛି । କିଛି ଦିନ ପୂର୍ବରୁ ପିଆଜର ଖୁଚୁରା ଦର କେଜି ପ୍ରତି ୩୫ଟଙ୍କା ଥିବା ବେଳେ ଏବେ ୫୦ ଟଙ୍କା ଡେଇଁଛି ।

ତେବେ ଆଗକୁ ଜଦି ଏମିତି ପରିସ୍ଥିତି ଲାଗି ରହିବ ଆଗକୁ ଦର ଆହୁରି ବଢିପାରେ ବୋଲି ଚର୍ଚ୍ଚା ହେଉଛି । ସେହିପରି ପାଇକାରୀ ମୂଲ୍ୟ ମଧ୍ୟ କ୍ୱିଣ୍ଟାଲ ପିଛା ୨୫ଶହ ଟଙ୍କାରୁ ବଢି ୩ରୁ ୪ ହଜାର ଛୁଇଁଛି । ସୂଚନା ଅନୁସାରେ ସବୁଠାରୁ ଅଧିକ ପିଆଜ ଉତ୍ପାଦନ ହେଉଥିବା ନାସିକରେ ଏବେ ପ୍ରାକୃତିକ ବିପର୍ଯ୍ୟୟ ଦେଖାଦେଇଛି । ଦିର୍ଘଦିନ ଧରି ବର୍ଷା କାରଣରୁ ନାସିକେର ଚାଷ ଜମି ନଷ୍ଟ ହୋଇଯାଇଛି । କେବଳ ସେତିକି ନୁହେଁ ନାସିକରେ ବର୍ଷା ପାଇଁ ଶହ ଶହ ଏକର ପିଆଜ ଚାଷ ବାଧାପ୍ରାପ୍ତ ହୋଇଛି ।

ଫଳରେ ନାସିକରୁ ଜଥେଷ୍ଟ ପରିମାଣରେ ପିଆଜ ରପ୍ତାନି କରାଯାଇ ପାରୁ ନାହିଁ । ତେଣୁ ବଜାରରେ ପିଆଜର ଅଭାବ ଦେଖା ଦେଇଛି । ଫଳରେ ବ୍ୟବସାୟୀମାନେ ଚଢା ଦରରେ ପିଆଜ ବିକିବାକୁ ବାଧ୍ୟ ଦେଉଛନ୍ତି । ଯେପର୍ଯ୍ୟନ୍ତ ନାସିକୁ ଠିକ୍ ପରିମାଣରେ ପିଆଜ ରପ୍ତାନି ହୋଇନାହିଁ ସେ ପର୍ଯ୍ୟନ୍ତ ଏମତି ପରିସ୍ଥିତି ଲାଗି ରହିବ ବୋଲି ପିଆଜ ବ୍ୟବସାୟୀମାନେ କହିଛନ୍ତି ।

ଅନିଲ ଅମ୍ୱାନୀଙ୍କ ବିଦେଶରେ ଥିବା ସମ୍ପତ୍ତିକୁ ବାଜ୍ୟାପ୍ତ କରିବ ଚୀନ ବ୍ୟାଙ୍କ

ଲଣ୍ଡନ: ଅନିଲ ଅମ୍ୱାନିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ ଚୀନ ବ୍ୟାଙ୍କ । ବିଦେଶରେ ଥିବା ତାଙ୍କ ସମ୍ପତ୍ତି ବାଜ୍ୟାପ୍ତ କରିବ ଚୀନ । ଅନିଲ ଅମ୍ୱାନି ଋଣ ଟଙ୍କା ପରିଶୋଧ କରିପାରିନଥିବାରୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିବ ଚୀନ ବ୍ୟାଙ୍କ । ପ୍ରାୟ ୩ଟି ଚୀନ ବ୍ୟାଙ୍କକୁ ୫ ହଜାର ୨୭୬ କୋଟି ଟଙ୍କା ଋଣ ବାବଦକୁ ପଇଠ କରିବାର ଅଛି । ଏଥିସହିତ ଆଇନଗତ ପ୍ରକ୍ରିୟା ନେଇ ବ୍ୟାଙ୍କମାନଙ୍କ ଦ୍ୱାରା ହୋଇଥିବା ଖର୍ଚ୍ଚ ମଧ୍ୟ ପଇଠ କରିବାର ଅଛି ।

          ଏକଦା ବିଶ୍ୱ ଷଷ୍ଠ ଧନୀ ବ୍ୟକ୍ତି ଥିବା ଅନିଲ ଅମ୍ୱାନିଙ୍କୁ ମଇ ୨୨ ତାରିଖରେ ୭୧୬ ମିଲିୟନ୍ ଡଲାର ଅର୍ଥାତ ୫ ହଜାର ୨୭୬ କୋଟି ଟଙ୍କା ଦେବାକୁ ନିର୍ଦ୍ଦେଶ ଦେଇଥିଲେ ଯେଉଁଥିରେ ସୁଧ ମଧ୍ୟ ସାମିଲ ରହିଛି । ଏତଦ୍‌ବ୍ୟତୀତ ୭୫୦ ହଜାର ଡଲାର (୭୦୪ କୋଟି) ଟଙ୍କା ବ୍ୟାଙ୍କ ଗୁଡ଼ିକ ପକ୍ଷରୁ ଆଇନଗତ ପ୍ରକ୍ରିୟା ନେଇ ହୋଇଥିବା ଖର୍ଚ୍ଚ ବାଦବକୁ ପଇଠ କରାଯିବ । ତେବେ ବ୍ୟାଙ୍କ ଅଫ୍ ଚାଇନା ଏବଂ ଚାଇନା ଡେଫଲେପମେଣ୍ଟ ବ୍ୟାଙ୍କଠାରୁ ନେଇ ଥିବା ଋଣ ରାତି ସୁଧ ସହିତ ମିଶି ଜୁନ୍ ୨୯ ସୁଦ୍ଧା ଏହା ୭୧୭.୬୭ ମିଲିୟନ୍ ଡଲାରରେ ପହଞ୍ଚିଛି ।

ବିଜେପି ନେତାଙ୍କ ବିବାଦୀୟ ମନ୍ତବ୍ୟ: କହିଲେ, ‘କରୋନା ସଂକ୍ରମିତ ହେଲେ ମମତାଙ୍କୁ ଆଲିଙ୍ଗନ କରିବି’

ବିଜେପି ନେତାଙ୍କ ବିବାଦୀୟ ମନ୍ତବ୍ୟ: କହିଲେ, ‘କରୋନା ସଂକ୍ରମିତ ହେଲେ ମମତାଙ୍କୁ ଆଲିଙ୍ଗନ କରିବି’

କୋଲକାତା: ପଶ୍ଚିମବଙ୍ଗର କ୍ଷମତାସୀନ  ତୃଣମୂଳ କଂଗ୍ରେସର ପୂର୍ବତନ ନେତା ତଥା ବିଜେପି ମହାସଚିବଙ୍କ ବିବାଦୀୟ ମନ୍ତବ୍ୟ । ମହାସଚିବ ଅନୁପମ ହାଜ୍ରା କହିଛନ୍ତି ଯେ, ଯଦି କରୋନା ଆକ୍ରାନ୍ତ ହେବେ ତା’ହେଲେ ସେ ମମତା ବାନାର୍ଜୀଙ୍କୁ ଆଲିଙ୍ଗନ କରିବେ ବୋଲି କହିଛନ୍ତି । ପୂର୍ବରୁ ଟିଏମ୍‌ସି ସାଂସଦ ରହିସାରିଥିବା ହାଜ୍ରା ଦକ୍ଷିଣା ୨୪ ପ୍ରଗଣା ଜିଲ୍ଲାର ବାରୁପୁରରେ ସେ ଦଳୀୟ କର୍ମୀଙ୍କ ଏକ ବୈଠକରେ ଯୋଗଦେବାକୁ ଯାଇଥିଲେ  । ଏହାପରେ ଗଣମାଧ୍ୟମକୁ ସୂଚନା ଦେଇ ଏହା କହିଥିଲେ । ଅନୁଷ୍ଠିତ ଏହି ବୈଠକରେ ବିଜେପି ନେତା ତଥା ଓ କର୍ମୀ କେହି ମାସ୍କ ପିନ୍ଧି ନଥିବା ଦେଖିବାକୁ ମିଳିଥିଲା ।

ଶ୍ରୀ ହାଜ୍ରା କରୋନା ଅପେକ୍ଷା ମମତାଙ୍କୁ ବଡ଼ ଶତ୍ରୁଭାବେ ଅଭିହିତ କରିଛନ୍ତି । ସେ କହିଛନ୍ତି ଆମ ଦଳୀୟ କର୍ମୀଙ୍କ କରୋନା ଅପେକ୍ଷା ବଡ଼ ଶତ୍ରୁ ହେଉଛି ମମତା ବାନାର୍ଜୀ । ଯଦି ମୁଁ କରୋନା ସଂକ୍ରମିତ ହୁଏ ତେବେ ମୁଁ ମମତା ବାନାର୍ଜୀଙ୍କୁ ଆଲିଙ୍ଗନ କରିବି । ଉଲ୍ଲେଖ ଥାଉ କି, ବିଜେପି ସଭାପତି ଜେପି ନାଡ୍ଡା ଗତ ଶନିବାର ଦଳର ସାଂଗଠନିକ ପରିବର୍ତ୍ତନ କରିଥିଲେ । ଏହି ନୂଆ ତାଲିକାରେ ଟିଏମ୍‌ସିର ଦୁଇ ପୂର୍ବତନ ନେତା ମୁକୁଲ ରୟ ଏବଂ ଅନୁପମ ହଜ୍ରାଙ୍କୁ ପଦୋନ୍ନତୀ ମିଳିଛି । ମୁକୁଲ ରୟ ଦଳର ଜାତୀୟ ଉପାଧ୍ୟକ୍ଷ ପଦବୀରେ ଅବସ୍ଥାପତି ହୋଇଥିବା ବେଳେ ଅନୁପମ ହାଜ୍ରା ମହାସଚିବ ପଦବୀରେ ନିଯୁକ୍ତ ରହିଛନ୍ତି ।

ଗୁଣି ଗାରେଡି ସନ୍ଦେହରେ ହତ୍ୟା କରାଯାଇଥିଲା, ଦେଢ ମାସ ପରେ ବାହାରିଲା ମୃତଦେହ

ମୋହନା: ସମାଜରେ ଏବେ ବି ବଞ୍ଚିଛି ଗୁଣି ଗାରେଡି ଉପରେ ବିଶ୍ୱାସ । ଆଉ ଏହି ଅନ୍ଧବିଶ୍ୱାସରେ ଅନ୍ଧ ହେଉଛନ୍ତି ଲୋକେ । ଏମିତି ବିଶ୍ୱାସ କରୁଛନ୍ତି ଯେ, ମଣିଷକୁ ମାରିବାକୁ ବି ପଛଉନାହାଁନ୍ତି । ଏମିତି ଏକ ଘଟଣା ଘଟିଛି ଗଜପତି ଜିଲ୍ଲା ଆର. ଉଦୟଗିରି ଥାନା କାଣ୍ଡୁଲୁ ଗାଁରେ ।   ଗୁଣି ଗାରେଡି ସନ୍ଦେହରେ ଚାଲିଯାଇଛି ଜଣଙ୍କ ଜୀବନ । ଆଉ ଦେଢ ମାସ ପରେ ବାହାରିଲା ମୃତଦେହ ।

ସୂଚନା ଅନୁସାରେ, ଗତ ଅଗଷ୍ଟ ୯ ତାରିଖରେ ଗାଁର ଡାଳିମ୍ବ ଗମାଙ୍ଗଙ୍କୁ ଗୁଣିଗାରେଡି ସନ୍ଦେହରେ କାଠରେ ପିଟି ପିଟି ଓ ପରେ ଗୁଳି କରି ହତ୍ୟା କରାଯାଇଥିବା ଅଭିଯୋଗ ହୋଇଛି । ପରେ ମୃତଦେହକୁ ଗାଁ ନିକଟସ୍ଥ ଏକ ବୁଦାରେ ପୋତି ଦେଇଥିଲେ ହତ୍ୟାକାରୀ।

ଏସମ୍ପର୍କରେ ପରିବାର ଲୋକେ ଥାନାରେ ଅଭିଯୋଗ କରିବା ପରେ ପୋଲିସ ଗାଁକୁ ଯାଇ ତଦନ୍ତ କରିଛି। । ଘଟଣାରେ ୪ ଜଣକୁ ଅଟକ ରଖି ପଚରାଉଚରା କରାଯାଉଛି । ସେପଟେ ଦେଢ଼ ମାସ ପରେ ସାଇଣ୍ଟିଫିକ ଟିମ ସହ ଘଟଣା ସ୍ଥଳରୁ ହତ୍ୟାରେ ବ୍ୟବହାର ହୋଇ ଥିବା କାଠ, ବନ୍ଧୁକ ଏବଂ ହାଡ କଙ୍କାଳ ଜବତ କରିଛି ପୋଲିସ ।