ଭୁବନେଶ୍ୱର: ସର୍ବଦଳୀୟ ବୈଠକ ଶେଷ । ବୈଠକରେ ପ୍ରଶ୍ନକାଳକୁ ବାତିଲ କରିବା ଲାଗି ନିଷ୍ପତ୍ତି ନିଆଯାଇଛି । ଯାହାକୁ ବିରୋଧୀ ଦଳ ନାପସନ୍ଦ କରିଛନ୍ତି ।  ବୈଠକ ପରେ ବାଚସ୍ପତି ତାଙ୍କ ପ୍ରତିକ୍ରିୟାରେ ଶୀତ ଅଧିବେଶନକୁ ନେଇ ସବିଶେଷ ତଥ୍ୟ ରଖିଛନ୍ତି । ସେ କହିଛନ୍ତି ଯେ,  କୋଭିଡ ଗାଇଡ଼ଲାଇନ ଅନୁସାରେ ଏଥର ବିଧାନସଭା ଚାଲିବ । ସାଢ଼େ ଚାରି ଘଣ୍ଟା ହେବ ବିଧାନସଭା । କୋଭିଡ ପରିସ୍ଥିତି ପାଇଁ ଷ୍ଟାର ପ୍ରଶ୍ନ ବନ୍ଦ ହେବ । ୨୦ ତାରଖରେ ଅତିରିକ୍ତ ବଜେଟ ଉପସ୍ଥାପିତ ହେବ । କୋଭିଡ ସ୍ଥିତିକୁ ଦେଖି ବିଧାୟକ ମାନଙ୍କର ବସିବ ସ୍ଥାନ ନିରୂପଣ କରାଯାଇଛି । ବରିଷ୍ଠ ବିଧାୟକ ମାନେ ଚାହିଁଲେ ଭିଡିଓ କନଫେରେନ୍ସିଂ ମାଧ୍ୟମରେ ରହିପାରିବେ ।

ସେପଟେ ପ୍ରଶ୍ନକାଳ ବାତିଲକୁ ବିରୋଧ କଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ତେବେ ଧାନ କିଣାରେ ଅବ୍ୟବସ୍ଥା, ବିଜୁଳି ଦର ବୃଦ୍ଧି, ଆଇନ ଶୃଙ୍ଖଳା ବିପର୍ଯ୍ୟସ୍ତ, ବେକାରୀ ସମସ୍ୟା, ନିଶା କାରବାର, କୋଭିଡ ଦୁର୍ନୀତି ଆଦି ପ୍ରସଙ୍ଗ ଉଠାଇବ କଂଗ୍ରେସ ବୋଲି ସେ କହିଛନ୍ତି ।

ଅନ୍ୟପକ୍ଷପେ ସର୍ବଦଳୀୟ ବୈଠକ ପରେ ବିରୋଧୀ ଦଳ ନେତା ପ୍ରଦୀପ୍ତ ନାୟକ ତାଙ୍କ ପ୍ରତିକ୍ରିୟା ରଖିଥିଲେ । ସେ ମଧ୍ୟ ପ୍ରଶ୍ନକାଳ ବାତିଲ କୁ ଆମେ ବିରୋଧ କରିଛନ୍ତି । ପିଇବା ପାଣି ସମସ୍ୟା ଡାକ୍ତର ଅଭାବ ଶିକ୍ଷକ ଅଭାବ, ସୀମା ବିବାଦ, ଆଇନ ଶୃଙ୍ଖଳା ପରିସ୍ଥିତି , ବିଜୁଳି ଦର ବୃଦ୍ଧି, ଏକାମ୍ର କାନନ ଜମି ହସ୍ତାନ୍ତର, ଧାନ କିନାରେ ଅବ୍ୟବସ୍ଥା ପ୍ରସଙ୍ଗ ବିଜେପି ଉଠାଇବ ବୋଲି ସେ କହିଛନ୍ତି ।

ଭୁବନେଶ୍ୱର: ବ୍ରାଉନସୁଗାର କାରବାର ରେ BMC କର୍ମଚାରୀ । ୭ ଗ୍ରାମ ବ୍ରାଉନସୁଗାର ଜବତ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୮୦ ହଜାର ଟଙ୍କା ହେବ । ୪୦ ଗ୍ରାମ ସୁନା ଗହଣା  ଓ ନଗଦ ୪୨ ହଜାର ଟଙ୍କା ଜବତ ହୋଇଛି । ବ୍ୟକ୍ତି ଜଣକ ବିଏମ୍‌ସିରେ ଠିକା କର୍ମଚାରୀ ଭାବେ କାର୍ଯ୍ୟ କରୁଥିଲେ । ଗିରଫ ହୋଇଥିବା ବ୍ୟକ୍ତି ଜଣକ ହେଉଛନ୍ତି ଦିଲ୍ଲିପ ବେହେରା ।

ବିକ୍ରି ବେଳେ ରେଡ୍‌ ହ୍ୟାଣ୍ଡରେ ଧରିଲା ଲିଙ୍ଗରାଜ ଥାନା ପୋଲିସ । କ୍ୟାପିଟାଲ ହସ୍ପିଟାଲ ପାଖରେ ଔଷଧ ବିକ୍ରି କରୁଥିବା ବେଳେ ଧରିଲା ପୋଲିସ । ରେଡ୍‌ ହ୍ୟାଣ୍ଡରେ ଧରିଛି ପୋଲିସ । ୭ ଗ୍ରାମ ବ୍ରାଉନସୁଗାର ଜବତ ହେବା ସହ ଗୋଟିଏ ସୁନା ଚେନ, ୫ଟି ମୁଦି, ୫ଟି ମୋବାଇଲ ଏବଂ ଗୋଟିଏ ସ୍କୁଟିକୁ ଜବତ କରିଛି ପୋଲିସ । ତେବେ ବ୍ୟକ୍ତି ଜଣକ ବିଏମ୍‌ସି ହସ୍ପିଟାଲର ଆଖପାଖ ଅଞ୍ଚଳରେ କୋଡଓ୍ୱାଡରେ ବିକୁଥିଲେ । ତେବେ ପୋଲିସ ଛଦ୍ମ ବେଶରେ ଯାଇ ବ୍ରାଉନସୁଗାର କିଣିବା ବେଳେ ଧରିଥିଲା ।

ପଟ୍ଟାମୁଣ୍ଡାଇ: କରୋନା କାଳରେ ଧିରେ ଧିରେ ସୁଧୁରିବାକୁ ଲାଗିଛ ପର୍ଯ୍ୟଟନସ୍ଥଳୀ । ରାଜ୍ୟର ସମସ୍ତ ପର୍ଯ୍ୟଟନସ୍ଥଳୀରେ କରୋନା କଟକଣାକୁ ଦୃଢ଼ ଭାବରେ ପାଳନ କରାଯାଉଛି । ଯେଉଁମାନେ କଟକଣାକୁ ଅବଲମ୍ବନ କରୁନାହାନ୍ତି ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଟାନ ଗ୍ରହଣ କରାଯାଉଛି । ହେଲେ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକର ପେଣ୍ଠ ସମୁଦ୍ର ବେଳାଭୂମିରେ ନାହିଁ ନିୟମ କାନୁନ୍ । ପ୍ରତିଦିନ ଏହି ବେଳାଭୂମିକୁ ହଜାର ହଜାର ପର୍ଯ୍ୟଟକଙ୍କ ସୁଅ ଛୁଟୁଛି ।

ଛୁଟିଦିନ ଆଉ ଆମିଶ ବାରରେ ପର୍ଯ୍ୟଟକଙ୍କ ଭିଡ ନକହିଲେ ଭଲ । ସମୁଦ୍ର ବାଲିରେ ବୁଲିବା ସହ ଗଛ ଛାଇରେ ଭୋଜି ଜମୁଛି । କୋଭିଡ କଟକଣାକୁ ତିଳେ ମାତ୍ର ବି ଖାତିର କରୁନାହାନ୍ତି ଏମାନେ । ମଦ ପିଇ ସମୁଦ୍ରରେ ଗାଧୋଇବା ଆଦି ଘଟଣା ମଧ୍ୟ ନଜରକୁ ଆସିଛି । ଯଦି ଦେଖିବା ତେବେ ଗତ ୧୫ ଦିନ ମଧ୍ୟରେ ଏହି ସମୁଦ୍ରରେ ଗାଧୋଇ ଦୁଇଜଣ ଇଞ୍ଜିନିୟର ଛାତ୍ରଙ୍କର ମୃତ୍ୟୁ ହୋଇଛି ।

ତେବେ ଅମାନିଆ ପର୍ଯ୍ୟଟକଙ୍କୁ ପାନେ ଦେବାକୁ ନିଷ୍ପତ୍ତି ନେଇଛି ପ୍ରଶାସନ । ଜିଲ୍ଲାପାଳ ପର୍ଯ୍ୟଟକଙ୍କ ଉପରେ କଟକଣା ଜାରି କରିବାକୁ କେନ୍ଦ୍ରାପଡ଼ା ଉପଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି । ଫଳରେ ଏଠାରେ ପ୍ରଶାସନର ଅନ୍ୟାଦେଶ ପର୍ଯ୍ୟନ୍ତ ୧୪୪ ଧାରା ଜାରି କରାଯାଇଛି । କେବଳ ସେତିକି ନୁହେଁ ରାଜନଗର ଅତିରିକ୍ତ ତହସିଲଦାର ଅଶୋକ କୁମାର ବେହେରା ସମୁଦ୍ର କୂଳରେ ନାଲି ପତାକା ଲଗାଇଛନ୍ତି ।

ଚିତ୍ତକୋଲା ଠାରୁ ଦୋବନ୍ଦି ମୁହାଣ ପର୍ଯ୍ୟନ୍ତ ସମୁଦ୍ର କୂଳେକୂଳେ ୧୪୪ ଧାରା ବଳବତ୍ତର ରହିବ । ରାଜନଗର ଅତିରିକ୍ତ ତହସିଲଦାର ଅଶୋକ କୁମାର ବେହେରା ସମୁଦ୍ର କୂଳରେ ନାଲି ପତାକା ଲଗାଇ ଚିତ୍ତକୋଲା ଠାରୁ ଦୋବନ୍ଦି ମୁହାଣ ପର୍ଯ୍ୟନ୍ତ ସମୁଦ୍ର କୂଳେକୂଳେ ୧୪୪ ଧାରା ପ୍ରଣୟନ ହେଲା ବୋଲି ସ୍ଥାନୀୟ ଲୋକ ମାନଙ୍କୁ ସମୁଦ୍ର ଦେଇଛନ୍ତି ।