ନୂଆଦିଲ୍ଲୀ: ବର୍ଷା ପରେ ଆସୁଛି ଶୀତ । ଋତୁ ବଦଳିବା ସହ ପୁଣି ବଢ଼ିବ କି କରୋନାର ପ୍ରକୋପ । ଏହା ଉପରେ ଚେତାବନୀ ଦେଇଛନ୍ତି ଆମେରିକାର ବୈଜ୍ଞାନିକ । ଥଣ୍ଡା ଥଣ୍ଡା ଆସ୍ତେ ଆସ୍ତେ ବଢ଼ିବା ସହିତ କରୋନା ସଂକ୍ରମଣ ମାମଲା ବୃଦ୍ଧି ହେବା ସହ ଭାଇରସର ପ୍ରଭାବ ବଢିବ । ବୈଜ୍ଞାନିକଙ୍କ ଅନୁସାରେ ଥଣ୍ଡା ପଡ଼ିବା ପରେ ଲୋକ ଘର, ଅଫିସ୍ କିମ୍ବା ବନ୍ଦ ଜାଗାରେ ରହିବାକୁ ପସନ୍ଦ କରିବେ । ଲୋକ ଘରେ ରହିବା କରୋନା ଭାଇରସ୍ ପାଇଁ ଅନୁକୂଳ ପରିବେଶ ଯୋଗାଇବ । କାରଣ ଘରେ କରୋନା ଭାଇରସ୍ ସଂକ୍ରମଣ ବ୍ୟାପିବା ବିପଦ ଅଧିକ ।
କୋଲୋରାଡୋ ଷ୍ଟେଟ୍ ୟୁନିଭରସିଟିର ଏଟମୋସ୍ଫିୟର କେମିଷ୍ଟ ଡେଲଫିନ୍ ଫାର୍ମରଙ୍କ ଅନୁସାରେ, ଖରାପ ଭେଣ୍ଟିଲେସନ୍ ହେଉଥିବା ଘରେ ଭାଇରସର ପ୍ରଭାବ ବେଶୀ ଓ ଅଧିକ ସମୟ ରହିବ । ଏହାବାଦ୍ କରୋନା ଉପରେ ରିସର୍ଚ୍ଚ କରୁଥିବା ଆମେରିକୀୟ ଡକ୍ଟର ମାରଙ୍କ ଅନୁସାରେ- ଖରାପ ବା କମ୍ ଭେଣ୍ଟିଲେସନ୍ ହେଉଥିବା ସ୍ଥାନ ଯେମିତି ଅଧିକାଂଶ ରେଷ୍ଟୁରାଣ୍ଟ ଓ ବାରରେ ଅଧିକ ବିପଦ ରହିବ । ଏଭଳି ସ୍ଥାନରେ କରୋନା ଭାଇରସ୍ ଅଧିକ ପରିମାଣରେ ବେଶୀ ସମୟ ରହିପାରିବେ ।
ଏହା ପୂର୍ବରୁ ବୈଜ୍ଞାନିକ ପାଇଥିଲେ- ହସ୍ପିଟାଲ ମଧ୍ୟରୁ ସଂକ୍ରମିତଙ୍କ ଠାରୁ ଭାଇରସ୍ ଛୋଟ ଟପଲେଟ୍ସ ରୂପରେ ବାୟୁରେ ୧୬ ଫୁଟ୍ ଯାଏଁ ବ୍ୟାପେ । ଡକ୍ଟର ମାରଙ୍କ ମୁତାବକ- ଏବେ ବି ଭାଇରସ୍ ଠାରୁ ବଞ୍ଚିବାର ସବୁଠୁ ଭଲ ବାଟ ହେଉଛି ନିଜ ଚେହେରାକୁ ଢାଙ୍କି ରଖନ୍ତୁ ଓ ରାସ୍ତାକୁ ବାରମ୍ବାର ଧୁଅନ୍ତୁ ।
ବୈଜ୍ଞାନିକଙ୍କ ଅନୁସାରେ ସବୁ ମହଙ୍ଗା ଜିନିଷ ଅପେକ୍ଷା ପାଣି ଓ ସାବୁନର ବ୍ୟବହାର ସବୁଠୁ ଭଳ ଉପାୟ । ଘର ଭିତରେ ଭାଇରସ୍ ବ୍ୟାପିବାକୁ ରୋକିବା ପାଇଁ ବଜାରରେ ବିଭିନ୍ନ ପ୍ରକାରର ମହଙ୍ଗା ଉପକରଣ ମିଳୁଛି । ଏହା ଚଟାଣ ସଫା କରିବା ସହିତ ବାୟୁକୁ ଭାଇରସ୍ ମୁକ୍ତ କରିବା ନେଇ ଦାବି କରୁଛି । ବିଶେଷଜ୍ଞଙ୍କ ଅନୁସାରେ ଏଭଳି ଅଧିକାଂଶ ସାମଗ୍ରୀ ହାନିକାରକ ଅଟେ ।
ଡେଲଫିନ୍ ଫାର୍ମର କୁହନ୍ତି- ସୁନ୍ଦର ଦେଖାଯାଉଥିବା ଜିନିଷ ଉପରେ ଧ୍ୟାନ ଦିଅନ୍ତୁ ନାହିଁ । କାରଣ ପାଣି ଓ ସାବୁନ୍ ଆଜି ବି ସବୁଠୁ ଭଲ କାମ କରୁଛି । ହାୱାର୍ଡ ବିଲ୍ଡିଂ ସେଫ୍ଟି ଏକ୍ସପର୍ଟ ଜୋସେଫ ଏଲେନ କୁହନ୍ତି- କେବଳ ଭେଣ୍ଟିଲେସନ ଠିକ୍ କଲେ ସଂକ୍ରମଣ ରୋକି ହେବ ନାହିଁ । କିଛି ସାମାଜିକ ପ୍ରୟାସ ଦ୍ୱାରା ସଂକ୍ରମଣର ବିପଦକୁ କମାଇ ହେବ ।
ବୈଜ୍ଞାନିକଙ୍କ ମୁତାବକ, ଯେତେ ସମ୍ଭବ ଭିଡ଼ରୁ ଦୂରେଇ ରୁହନ୍ତୁ । ଯେମିତି କର୍ମଚାରୀଙ୍କୁ ଘରେ କାମ କରିବାକୁ ପ୍ରୋତ୍ସାହିତ କରନ୍ତୁ । ସେହିଭଳି ଅନୁମତି ପରେ କାହାରିକୁ କୌଣସି ସ୍ଥାନକୁ ଯିବାକୁ ଦିଅନ୍ତୁ । ଏହା ବାଦ୍ ବିଲ୍ଡିଂରେ ଏୟାର ଫିଲ୍ଟର ଲଗାଇବା ସହ ଚଟାଣକୁ ବାରମ୍ବାର ସାନିଟାଇଜ୍ କରନ୍ତୁ । ଲିଫ୍ଟରେ କେତେ ଲୋକ ଯିବେ ସ୍ଥିର କରନ୍ତୁ । ଘରେ ମୁହଁକୁ ଆବଦ୍ଧ କଲା ଭଳି ସୁରକ୍ଷା ଉପକରଣ ସହ ବନ୍ଦ ସ୍ଥାନରେ ମଧ୍ୟ ମାସ୍କ ପିନ୍ଧନ୍ତୁ ।
