ନୂଆଦିଲ୍ଲୀ: ଆରବ ସାଗର ଦେଇ ଚାଲାଣ ହେଉଛି ନିଶାଦ୍ରବ୍ୟ ସହ ଅସ୍ତ୍ରଶସ୍ତ୍ର । ଏନେଇ ଗତ ୧୫ ତାରିଖରେ ମିଳିଥିବା ଗୁପ୍ତ ସୂଚନା ଅନୁସାରେ ଭାରତୀୟ ତଟରକ୍ଷୀ ବାହୀନି ଆରମ୍ଭ କରିଛନ୍ତି ସର୍ଚ୍ଚ ଅପରେସନ । ବିଦେଶରୁ ଅତ୍ୟାଧୁନିକ ଡଙ୍ଗା ଓ ଲଞ୍ଚ ମାଧ୍ୟମରେ ନିଶାଦ୍ରବ୍ୟ ଚାଲାଣ ହେଉଥିବା ଅଭିଯୋଗ ହୋଇଛି । ଏହି ସର୍ଚ୍ଚ ଅପରେସନ ବେଳେ ୩୦୦ କେଜି ହିରୋଇନ୍, ୫ଟି ଏକେ ୪୭ ସହ ହଜାରେ ରାଉଣ୍ଡ ଗୁଳି ଜବତ କରାଯାଇଛି । ଶ୍ରୀଲଙ୍କା ମାଛ ଧରା ଡଙ୍ଗା ରବିହାନ୍ସିରୁ ଏହି ସାମଗ୍ରୀ ଜବତ ହୋଇଛି । ଏହାପରେ ସମୁଦ୍ରରେ ଯିବା ଆସିବା କରୁଥିବା ଜାହାଜ ଉପରେ କଡ଼ା ନଜର ରଖିଛି ଭାରତୀୟ ତଟରକ୍ଷୀ ବାହିନୀ । ଜବତ ହୋଇଥିବା ସାମଗ୍ରୀ ଆନ୍ତର୍ଜାତୀୟ ବଜାରରେ ୩ ହଜାର କୋଟି ଟଙ୍କାର ମୁଲ୍ୟ ହେବ ବୋଲି ଜଣାପଡିଛି । ଲାକ୍ଷାଦୀପ ଅଞ୍ଚଳରେ ମଧ୍ୟ ଏହି ସର୍ଚ୍ଚ ଅପରେସନକୁ କଡାକଡି କରାଯାଇଛି । ସେଠାରେ ୨୦୦ କେଜି ଡ୍ରଗ୍ସ ଜବତ କରାଯାଇଛି । ୨୦୨୦ ନଭେମ୍ବରରେ ମଧ୍ୟ ଆଇସିଜି ପକ୍ଷରୁ ଏଭଳି ଏକ ଅପରେସନ କରାଯାଇଥିଲା । ଶ୍ରୀଲଙ୍କା ଆସୁଥିବା ଡଙ୍ଗାରୁ ବ୍ୟାପକ ମାତ୍ରାରେ ନିଶାଦ୍ରବ୍ୟ ଜବତ କରାଯାଇଥିଲା ।
ରାଜ୍ୟର ଦୁଇଟି ସ୍ଥାନରେ ନଦୀରେ ବୁଡ଼ି ଚାଲିଗଲା ୪ ଜଣ କୋମଳ ଶିଶୁଙ୍କର ଜୀବନ
ଯାଜପୁର: ଯାଜପୁର ଖରସ୍ରୋତାରେ ବୁଡ଼ି ୨ ଭାଇଙ୍କର ସଳିଳ ସମାଧି। ହାତ ଧରାଧରି ହୋଇ ଚାଲିଗଲେ ଏକାବେଳକେ ଦୁଇ ଭାଇ। ରସୁଲପୁର ବ୍ଲକ ବାହାଦଲାପୁର ପଞ୍ଚାୟତ ଚିନ୍ତାପଲ୍ଲୀର ଏଭଳି ଏକ ଦୁଃଖଦପୂର୍ଣ୍ଣ ଘଟଣା ଦେଖିବାକୁ ମିଳିଛି। ମୃତକ ଦ୍ୱୟ ହେଲେ ବଡ଼ପୁଅ ଦୀନବନ୍ଧୁ ଚନ୍ଦ ଓ ସାନ ପୁଅ ଦିବାକର ଚନ୍ଦ। ଦୁଇ ଭାଇ ନଦୀକୁ ଗାଧୋଇବାକୁ ଯାଇଥିବା ବେଳେ ନଦୀରେ ବୁଡ଼ି ଯାଇଥିଲେ। ସ୍ଥାନୀୟଲୋକ ଓ ଅଗ୍ନିଶମବାହିନୀ ସହାୟତାରେ ଉଭୟଙ୍କ ମୃତଦେହ ଉଦ୍ଧାର କରାଯାଇଥିଲା। ମୃତଦେହ ଉଦ୍ଧାର ବେଳେ ମଧୁବନ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଦୁଇଭାଇଙ୍କ ମୃତ୍ୟୁକୁ ନେଇ ସ୍ଥାନୀୟ ଅ଼ଞ୍ଚଳରେ ଶୋକର ଛାୟା ଖେଳିଯାଇଛି। ପୁରା ପରିବାର ଏବେ କାନ୍ଦବୋବାଳିରେ ଫାଟିପଡ଼ୁଛି।
ସେପଟେ ବନ୍ଧରେ ବୁଡି ୨ ଶିଶୁଙ୍କ ମୃତ୍ୟୁ ହୋଇଛି। କୋରୁକୋଣ୍ଡା ବ୍ଲକ ତାରଲାକୋଟା ପଞ୍ଚାୟତ ସି-କଲୋନୀର ହେଉଛନ୍ତି ୨ ଜଣ ଶିଶୁ। ଗାଁ ପାଖ ବନ୍ଧକୁ ଗାଧୋଇବାକୁ ଯାଇଥିଲା ବେଳେ ଘଟିଛି ଅଘଟଣ। ମୃତକ ୨ ଜଣ ଶିଶୁ ହେଉଛନ୍ତି ୭ବର୍ଷର ରଞ୍ଜିତା ଗୋଲରୀ, ୮ବର୍ଷର ମେଘ ଖରାଙ୍କ। ଗାଁର ଅନ୍ୟପିଲାଙ୍କ ସହ ଗାଧୋଇବା ପାଇଁ ଯାଇଥିଲେ। ୨ଶିଶୁଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଇଥିଲେ ଗ୍ରାମବାସୀ। ମେଡିକାଲରେ ଉଭୟଙ୍କୁ ମୃତ ଘୋଷଣା କରିଥିଲେ ଡାକ୍ତର।
କେନ୍ଦ୍ରୀୟ ଅନୁଦାନର ବଳକା ଟଙ୍କା ପ୍ରଦାନ ପାଇଁ କେନ୍ଦ୍ରମନ୍ତ୍ରୀଙ୍କୁ ଭେଟିଲେ ବିଜେଡି ସଂସଦୀୟ ଦଳ
ବଳକା ଟଙ୍କା ପ୍ରଦାନ ପାଇଁ କେନ୍ଦ୍ରମନ୍ତ୍ରୀଙ୍କୁ ଭେଟିଲେ ବିଜେଡି ସାଂସଦ। ଏପର୍ଯ୍ୟନ୍ତ ଯେତିକି ଟଙ୍କା କେନ୍ଦ୍ରରୁ ରାଗ୍ୟକୁ ମିଳିବା ଅଧିକାର ତାଠାରୁ କମ ମିଳିଛି। ବଳକା ଥିବା ଟଙ୍କାରେ ରାଜ୍ୟର ହକ୍ ରହିଛି।

ସେଥିପାଇଁ ସେସବୁ ଟଙ୍କାକୁ ରାଜ୍ୟକୁ ଯଥାଶୀଘ୍ର ଦେବାପାଇଁ ଦାବିପତ୍ର ପ୍ରଦାନ କଲେ ବିଜେଡିର ସଂସଦୀୟ ଦଳ। ଦିଲ୍ଲୀରେ ଯାଇ ଗୋଟିଏ ଦିନରେ ଦୁଇ ଜଣ ମନ୍ତ୍ରୀଙ୍କୁ ଭେଟିଛନ୍ତି ବିଜେଡି ସଂସଦୀୟ ଦଳ। ତେବେ ବଳକା ଥିବା ଟଙ୍କାର ପୁରା ଚିଠା ସେହି ଦାବି ପତ୍ରରେ ବର୍ଣ୍ଣା କରାଯାଇଛି।

ପ୍ରଥମେ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୟାଲଙ୍କୁ ସାଂସଦ ସସ୍ମିତ ପାତ୍ର, ସାଂସଦ ଅମର ପଟ୍ଟନାୟକ, ସାଂସଦ ସୁବାସ ସିଂ, ସାଂସଦ ଏନ୍ ଭାସ୍କର ରାଓ ଭେଟି ଦାବି ପତ୍ର ଦେଇଛନ୍ତି। ରାଷ୍ଟ୍ରୀୟ ଉଚ୍ଚତର ଶିକ୍ଷା ଅଭିଯାନ (ଋସା)ରେ ୨୦୨୦-୨୧ ଶିକ୍ଷା ବର୍ଷରେ ବଳକା ଥିବା ଟଙ୍କାକୁ ରାଜ୍ୟକୁ ଦେବା ପାଇଁ ଦାବି କରିଛନ୍ତି ।

ସେପଟେ କେନ୍ଦ୍ର କୃଷି ରାଷ୍ଟ୍ର ମନ୍ତ୍ରୀ ପୁରୁଷୋତ୍ତମ ରୁପାଲଙ୍କୁ ଭେଟିଛନ୍ତି ସାଂସଦ ସୁବାସ ସିଂ, ସାଂସଦ ଏନ୍ ଭାସ୍କର ରାଓ, ମୁନା ଖାଁ ଏବଂ ପ୍ରସନ୍ନ ଆଚାର୍ଯ୍ୟ। କୃଷି କ୍ଷେତ୍ରରେ ସେଣ୍ଟ୍ରାଲି ସ୍ପୋନସରଡ ସ୍କିମ (ସିଏସଏସ) ଅଧିନରେ ବଳକା ଥିବା କେନ୍ଦ୍ରୀୟ ଅନୁଦାନକୁ ପ୍ରଦାନ ପାଇଁ ଦାବି ପତ୍ର ଦିଆଯାଇଛି ।
ସ୍କୁଲରେ SOPକୁ କଡ଼ାକଡ଼ି ପାଳନ ପାଇଁ ନିର୍ଦ୍ଦେଶ ଦେଲେ ଗଣଶିକ୍ଷା ମନ୍ତ୍ରୀ ସମୀର ଦାସ
ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବଢ଼ିବାରେ ଲାଗିଛି। ରାଜଧାନୀରେ ଗୋଟିଏ ପରେ ଗୋଟିଏ ଶିକ୍ଷାନୁଷ୍ଠାନରେ କରୋନା ସଂକ୍ରମଣ ବାହାରିଲାଣି। ଆଜି ଭୁବନେଶ୍ୱର କେନ୍ଦ୍ରୀୟ ବିଦ୍ୟାଳୟ-୧ରୁ ଜଣେ ଛାତ୍ର କରୋନା ପଜିଟିଭ ବାହାରିବା ପରେ ଚିନ୍ତା ଆହୁରି ବଢ଼ିଯାଇଛି। ସେପଟେ କେନ୍ଦ୍ରୀୟ ବିଦ୍ୟାଳୟରେ କରୋନା ପଜିଟିଭ ବାହାରିବା ପରେ ଗଣଶିକ୍ଷା ମନ୍ତ୍ରୀ ସମୀର ଦାସ ପ୍ରତିକ୍ରିୟା ରଖିଛନ୍ତି। ଏପର୍ଯ୍ୟନ୍ତ ସରକାରଙ୍କ ଦ୍ଵାରା ପରିଚାଳିତ ସ୍କୁଲ ଏବଂ ହଷ୍ଟେଲରେ ଏଯାବତ କୌଣସି ପଜିଟିଭ ବାହାରି ନାହିଁ। କାରଣ ସେଠାରେ ସରକାରଙ୍କ ଦ୍ୱାରା ପ୍ରସ୍ତୁତ SOP କଡ଼ାକଡ଼ି ଭାବେ ପାଳନ କରାଯାଉଛି। କିନ୍ତୁ କେନ୍ଦ୍ରୀୟ ସ୍କୁଲ ଏବଂ ବେସରକାରୀ ଶିକ୍ଷାନୁଷ୍ଠାନ ମାନଙ୍କରେ SOPକୁ ଠିକ୍ ଭାବରେ ପାଳନ ହେଉନଥିବାରୁ ସେଠାରେ କରୋନା ସଂକ୍ରମଣ ଚିହ୍ନଟ ହେଉଛନ୍ତି। ସେଥିପାଇଁ ସରକାରଙ୍କ SOPକୁ କଡ଼ାକଡ଼ି ପାଳନ କରାଯିବା ଲାଗି ନିର୍ଦ୍ଦେଶ ଦେଲେ ଗଣଶିକ୍ଷା ମନ୍ତ୍ରୀ। ଏନେଇ ବିଭାଗ ମଧ୍ୟ ଗୁରୁତର ଭାବରେ ଦେଖୁଛି। ପ୍ରାଇଭେଟ ସ୍କୁଲ ଗୁଡିକ ଉପରେ ଜିଲ୍ଲା ପ୍ରସାସନ କଡା ନଜର ରଖିଛନ୍ତି। ତେବେ ସ୍କୁଲ ବନ୍ଦ ଉପରେ ଏପର୍ଯ୍ୟନ୍ତ କୌଣସି ନିଷ୍ପତି ନିଆଯାଇନାହିଁ।
ଦର ଦାମ ବୃଦ୍ଧି ନେଇ ଯୁବ କଂଗ୍ରେସର ଆକ୍ରୋଶ ସମାବେଶ
ଭୁବନେଶ୍ବର: ରାଜ୍ୟ କଂଗ୍ରେସ ଭବନରେ ଯୁବ କଂଗ୍ରେସ ପକ୍ଷରୁ ଆକ୍ରୋଶ ସମାବେଶ । ପିସିସି ସଭାପତିଙ୍କ ସମେତ ବରିଷ୍ଠ କଂଗ୍ରେସ ନେତା ଓ ବିଧାୟକ ସାମିଲ ହୋଇଛନ୍ତି । ରାଜ୍ୟ ଯୁବ କଂଗ୍ରେସ ସଭାପତି ସ୍ମୃତିରଞ୍ଜନ ଲେଙ୍କାଙ୍କ ନେତୃତ୍ବରେ ଆକ୍ରୋଶ ସମାବେଶ ଆୟୋଜନ କରାଯାଇଛି ।
ଏହି ସମାବେଶରେ ଶତାଧିକ ଯୁବ କଂଗ୍ରେସ କର୍ମୀ ଏବଂ ରାଜ୍ୟର ବରିଷ୍ଠ କଂଗ୍ରେସ ନେତା ଯୋଗଦେଇଛନ୍ତି । ଦରଦାମ ବୃଦ୍ଧି ନେଇ ଆୟୋଜିତ ହୋଇଛି ଏହି ସମାବେଶ । ପେଟ୍ରୋଲ, ଡିଜେଲ ଓ ଗ୍ୟାସ ଦର ବୃଦ୍ଧି ପ୍ରତିବାଦରେ ଆକ୍ରୋଶ ସମାବେଶ କରିଛି ଯୁବ କଂଗ୍ରେସ ।
କେନ୍ଦ୍ର ସରକାର ଦେଶର ସାଧାରଣ ଲୋକଙ୍କ ପାଇଁ କାଳ ସାଜିଛି । ସାଧାରଣ ଲୋକଙ୍କ ତଣ୍ଟି ଚିପି ଟଙ୍କା ନେଉଛି । ଗରିବୀ ଲୋକଙ୍କ ପାଇଁ ବାଧକ ପାଲଟିଥିବା କହିଛନ୍ତି କଂଗ୍ରେସ ନେତା । ଯୁବ କଂଗ୍ରେସ ସଭାପତି ସ୍ମୃତିରଞ୍ଜନ ଲେଙ୍କାଙ୍କ ନେତୃତ୍ୱରେ କଂଗ୍ରେସ ଭବନରେ ଆୟୋଜିତ ହୋଇଛି ଆକ୍ରୋଶ ସମାବେଶ ।
କଟକରେ କୋଭିଡ ନିୟମ ଉଲ୍ଲଂଘନ, ସୁପର ମାର୍କେଟ ସିଲ କଲା ସିଏମସି
କଟକ: ବଢୁଛି ସଂକ୍ରମଣ କିନ୍ତୁ ମାନୁନାହାଁନ୍ତି ଲୋକେ । ପୁଣି ରାଜ୍ୟରେ ଦୈନକ ସଂକ୍ରମଣ ୨୦୦ ଛୁଇଁଥିବାବେଳେ ନିୟମ ଉଲ୍ଲଂଘନ କରୁଛନ୍ତି ସାଧାରଣ ଲୋକେ । କଟକ ସୁପର ମାର୍କେଟରେ କୋଭିଡ କଟକଣାକୁ ସାଧାରଣ ଲୋକେ ଅବମାମନନା କରୁଥିବା ଦର୍ଶାଇ ମାର୍କେଟ ସିଲ କରିଛି ସିଏମସି।
ହିନ୍ଦ ସିନେମା ହଲ ସୁପର ମାର୍କେଟକୁ ସିଲ କରିଛି CMC। କୋଭିଡ଼ ସଂକ୍ରମଣ ବ୍ୟାପୁଥିବାରୁ ସହରରେ କଡା କଡ଼ି ଯାଞ୍ଚ ହେଉଛି। ସହରର ବିଭିନ୍ନ ସ୍ଥାନରେ ଯାଞ୍ଚ କରୁଛି CMC ଓ ପୋଲିସ। ଯାଞ୍ଚ ବେଳେ ସୁପର ମାର୍କେଟରେ କୋଭିଡର ସାମାନ୍ୟ କଟକଣା ଦେଖିବାକୁ ମିଳିନଥିଲା ।
ସେପଟେ ରାଜ୍ୟରେ କୋଭିଡ ସଂକ୍ରମଣ ପୁନର୍ବାର ବୃଦ୍ଧି ଘଟୁଛି । ଏନେଇ ଜିଲ୍ଲାପାଳଙ୍କୁ ମଧ୍ୟ ସତର୍କ ରହିବାକୁ କହିଛନ୍ତି ରାଜ୍ୟ ସରକାର । ଓଡ଼ିଶାରେ ଆଜି ଗୋଟିଏ ଦିନରେ ୨୧୪ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯେଉଁଥିରୁ କଟକରୁ 20 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
୧୪୫ ଟଙ୍କାରେ ମିଳୁଛି ୮୪୫ ଟଙ୍କାର ଏଲ.ପି.ଜି ଗ୍ୟାସ୍
ଆକାଶଛୁଆଁ ହେଲାଣି LPG ଗ୍ୟାସ୍ସିଲିଣ୍ଡର ମୂଲ୍ୟ । ସବସିଡିଯୁକ୍ତ ସିଲିଣ୍ଡରର ମୂଲ୍ୟ ୨୦୨୧ରେ ଏପର୍ଯ୍ୟନ୍ତ ସିଲିଣ୍ଡର ପିଛା ୨୨୫ ଟଙ୍କାକୁ ବୃଦ୍ଧି ପାଇଛି । ଦିଲ୍ଲୀରେ ସବସିଡି ଯୁକ୍ତ ୧୪.୨ କିଲୋଗ୍ରାମ LPG ସିଲିଣ୍ଡରର ମୂଲ୍ୟ ୮୪୫ ଟଙ୍କାରେ ପହଞ୍ଚିଛି ।
ଏଭଳି ସ୍ଥିତିରେ Paytm ଆପଣଙ୍କ ପାଇଁ ଆଣିଛି ଖାସ୍ଅଫର । ଯାହାଦ୍ୱାରା ଆପଣ ୮୪୫ ଟଙ୍କାର ସିଲିଣ୍ଡରକୁ ମାତ୍ର ୧୪୫ ଟଙ୍କା ଦେଇ କିଣିପାରିବେ । ଅର୍ଥାତ୍ସିଧାସଳଖ ଆପଣ ପାଇବେ ୭୦୦ ଟଙ୍କା କ୍ୟାଶବ୍ୟାକ୍। ତେବେ କିଭଳି ଏହି ଲାଭ ଉଠାଇବେ ନଜର ପକାନ୍ତୁ..
· ଯଦି ଆପଣ ଫୋନରେ Paytm ଆପ୍ବ୍ୟବହାର କରୁନାହାଁନ୍ତି, ତେବେ ସର୍ବପ୍ରଥମେ ଏହାକୁ ଡାଉନଲୋଡ କରନ୍ତୁ ।
· ଏହାପରେ Paytmକୁ ଯାଇ Show More ଉପରେ କ୍ଲିକ୍କରନ୍ତୁ ।
· ଏହାପରେ recharge and pay billsକୁ ଯାଆନ୍ତୁ
· ଏବେ book a cylinder ଅପ୍ସନ ଖୋଲନ୍ତୁ
· ଭାରତ ଗ୍ୟାସ୍,ଏଚ୍.ପି. ଗ୍ୟାସ୍କିମ୍ବା ଇଣ୍ଡେନ୍ଗ୍ୟାସ ମଧ୍ୟରୁ ଆପଣଙ୍କ ଗ୍ୟାସ ପ୍ରୋଭାଇଡରକୁ ଚୟନ କରନ୍ତୁ
· ପଞ୍ଜିକୃତ ମୋବାଇଲ ନମ୍ବର ବା LPG ID ଦିଅନ୍ତୁ
· ଏହାପରେ ଆପଣଙ୍କୁ ଏକ ପେମେଣ୍ଟ ଅପ୍ସନ ନଜର ଆସିବ
· ଏବେ ପେମେଣ୍ଟ କରିବା ପୂର୍ବରୁ ପ୍ରଥମେ ଅଫର ଉପରେ FIRSTLPG ପ୍ରୋମୋ କୋଡ୍ଦିଅନ୍ତୁ ।
·
ତେବେ Paytm ମାଧ୍ୟମରେ ପ୍ରଥମ ଥର LPG ଗ୍ୟାସ୍ବୁକ୍କରିଥିବା ଗ୍ରାହକ ହିଁ ୭୦୦ ଟଙ୍କା କ୍ୟାଶବ୍ୟାକ୍ପାଇପାରିବେ । ଏହି ଅଫର କେବଳ ୩୧ ମାର୍ଚ୍ଚ ପର୍ଯ୍ୟନ୍ତ ଉପଲବ୍ଧ । ଅର୍ଥାତ୍ଶସ୍ତାରେ ଗ୍ୟାସ୍ସିଲିଣ୍ଡର କିଣିବା ପାଇଁ ଆପଣଙ୍କ ନିକଟରେ କେବଳ ୭ ଦିନ ସମୟ ରହିଛି । ସୂଚନାଯୋଗ୍ୟ ବୁକିଂର ୨୪ ଘଣ୍ଟା ମଧ୍ୟରେ ଆପଣଙ୍କୁ କ୍ୟାଶବ୍ୟାକ୍ଷ୍କ୍ରାଚ୍କାର୍ଡ଼ ମିଳିବ । ଏହି ସ୍କ୍ରାଚ୍କାର୍ଡ଼କୁ ୭ ଦିନ ମଧ୍ୟରେ ବ୍ୟବହାର କରିବାକୁ ପଡ଼ିବ ।
ଶୁକ୍ରବାର ଭାରତ ବନ୍ଦ, ସକାଳ ୬ରୁ ସନ୍ଧ୍ୟା ୬ ଯାଏଁ ବନ୍ଦ ପାଳନ
ଭୁବନେଶ୍ବର: କେନ୍ଦ୍ର କୃଷି ଆଇନକୁ ବିରୋଧ ଜାରି ରଖିଥିବା କୃଷକଙ୍କ ଆନ୍ଦୋଳନକୁ ଶୁକ୍ରବାର ୪ ମାସ ପୁରିବାକୁ ଯାଉଛି । କେନ୍ଦ୍ର ସରକାର ଆଣିଥିବା ୩ କୃଷି ଆଇନ ନହଟିବା ପର୍ଯ୍ୟନ୍ତ ଆନ୍ଦୋଳନ ଜାର ରହିବ ବୋଲି ଚେତାବନୀ ଶୁଣାଇ ସାରିଛନ୍ତି ଆନ୍ଦୋଳନରତ କୃଷକ । ସେପଟେ କୃଷି ଆଇନର ପ୍ରତିବାଦରେ ପୁନର୍ବାର ଭାରତ ବନ୍ଦ ଡାକରା ଦେଇଛନ୍ତି ଚାଷୀ ସଂଗଠନ ସଂଯୁକ୍ତ କିଷାନ ମୋର୍ଚ୍ଚା।
ଆସନ୍ତାକାଲି ଅର୍ଥାତ ଶୁକ୍ରବାର ସକାଳ ୬ରୁ ସଂନ୍ଧ୍ୟା ୬ ଯାଏଁ ଭାରତ ବନ୍ଦ ପାଳନ କରାଯିବ । ସେପଟେ ବନ୍ଦ ପାଳନ ସମୟରେ ସଡକ, ରେଳ ପରିବହନ ସହ ବଜାର ବନ୍ଦ ରହିବ । କେବଳ ଅତ୍ୟାବଶକୀୟ ସେବା ଜାରି ରହିବ । ଆମ୍ବୁଲାନ୍ସ ସେବା ସମେତ ସମସ୍ତ ଜରୁରୀକାଳୀନ ସେବା ବନ୍ଦରୁ ବାଦ ରହିବ ବୋଲି କହିଛି ସଂଯୁକ୍ତ କିଷାନ ମୋର୍ଚ୍ଚା।
ଦୀର୍ଘ ଚାରି ମାସ ଧରି କୃଷକ ରାଜରାସ୍ତାରେ ହକକ ପାଇଁ ଲଢେଇ କରୁଥିବାବେଳେ ସରକାର ବଧିର ସାଜିଛି । ଯେ ପର୍ଯ୍ୟନ୍ତ ଆମକୁ ଆମ ହକ ମିଳିନାହିଁ, ସେପର୍ଯ୍ୟନ୍ତ ଆମେ ଆନ୍ଦୋଳନରୁ ଓହରିବୁ ନାହିଁ ବୋଲି କହିଛନ୍ତି ଚାଷୀ ନେତା ବୁଟା ସିଂ । ସରକାର ଆମ ସହ କୈଣସି ସକରାତ୍ମକ ଆଲୋଚନା କିମ୍ବା ବିଚାର କରୁନାହାଁନ୍ତି, ଏବଂ ତାଙ୍କର ଉଦେଶ୍ୟ ମଧ୍ୟ ଏଥିପ୍ରତି ନଥିଲା ଭଳି ମନେ ହେଉଛି । ତେଣୁ ଆମେ ଭାରତ ବନ୍ଦ ଡାକରା ଦେଉଥିବା ମଧ୍ୟ ସେ କହିଛନ୍ତି ।
ସେପଟେ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଦିଆଯାଇଥିବା ଭାରତ ବନ୍ଦ ଡାକରାକୁ ଅନେକ କୃଷକ ସଂଗଠନ ସହ ଅନ୍ୟାନ୍ୟ ରାଜନୈତିକ ଦଳ ମାନେ ସମର୍ଥନ ଜଣାଇଛନ୍ତି । ଭାରତବନ୍ଦକୁ ଶାନ୍ତିର ସହ ପାଳନ କରିବାକୁ ସମସ୍ତ ଚାଷୀ ସଂଗଠନକୁ ଆହ୍ବାନ ଦେଇଛନ୍ତି ସଂଯୁକ୍ତ କିଷାନ ମୋର୍ଚ୍ଚା ସଦସ୍ୟ ।

