spot_img
Home Blog Page 5989

ରାଷ୍ଟ୍ରପତିଙ୍କ ଛାତିରେ ଯନ୍ତ୍ରଣା, ଆର୍ମି ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ଅସୁସ୍ଥ । ଛାତିରେ ଯନ୍ତ୍ରଣୀ ଅନୁଭବ କରିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ମୁତାବକ ଆଜି ସକାଳେ ରାଷ୍ଟ୍ରପତି ଛାତିରେ ଯନ୍ତ୍ରଣା ଅନୁଭବ କରିଥିଲେ । ପରେ ତାଙ୍କୁ ଆର୍ମି ହସ୍ପିଟାଲକୁ ତୁରନ୍ତ ନିଆଯାଇଥିଲା ।

ବର୍ତ୍ତମାନ ରାଷ୍ଟ୍ରପତିଙ୍କୁ ଅବଜରଭେସନରେ ରଖାଯାଇଛି ଏବଂ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି । ରାଷ୍ଟ୍ରପତିଙ୍କ ଚିକିତ୍ସା  ଏକ ସ୍ବତନ୍ତ୍ର ଡାକ୍ତରୀ ଟିମ ଜାରି ରଖିଥିବା ନେଇ ସୂଚନା ଦେଇଛନ୍ତି ଆର୍ମି ହସ୍ପିଟାଲ ।

ଗତ କିଛିଦିନ ତଳେ ରାଷ୍ଟ୍ରପତି ଆର୍ମି ହସ୍ପିଟାଲରେ କୋଭିଡ ଭ୍ୟାକ୍ସିନ ନେଇଥିଲେ । କରୋନା ମହାମାରୀକୁ ପ୍ରତିହତ କରିବା ପାଇଁ ଦେଶବାସୀଙ୍କୁ ଆହ୍ବାନ ମଧ୍ୟ ଦେଇଥିଲେ ରାଷ୍ଟ୍ରପତି କୋବିନ୍ଦ । ସେହିପରି ରାଷ୍ଟ୍ରପତି ନିକଟରେ ଅର୍ଥାତ ମାର୍ଚ୍ଚ ୨୧ ତାରିଖରେ ଓଡିଶା ଗସ୍ତରେ ଆସିଥିବା ବେଳେ ପୁରୀ ଆସି ଜକଗନ୍ନାଥଙ୍କୁ ଦର୍ଶନ କରି ଫେରିଥିଲେ ।

ନାବାଳିକାକୁ ମାରି ଜମିରେ ପୋଡ଼ି ପୋତିଦେଲେ ଦୁର୍ବୃତ୍ତ

ପୁରୀ: ପୁରୀ ଚନ୍ଦନପୁର ଥାନା ତଳଜଙ୍ଘ ନଈକୂଳ ସାହି ଗ୍ରାମରେ ଅଭାବନୀୟ ଘଟଣା । ଜଣେ ନାବାଳିକାକୁ ହତ୍ୟାକରି ଅନ୍ୟ ଜଣଙ୍କ ଜମିରେ ପୋତି ଦେଇଥିବା ଅଭିଯୋଗ ହୋଇଛି । ଆଜି ସାଇଣ୍ଟିଫିକ୍ ଟିମ ସହାୟତାରେ ଚନ୍ଦନପୁର ଥାନା ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ନାବାଳିକାକୁ ହତ୍ୟା କରି ପୋଡି ଦେବା ସହ ଅର୍ଦ୍ଧଦଗ୍ଧ ଶବକୁ ସେହି ଜମିରେ ପୋତି ଦିଆଯାଇଥିଲା । ଜମି ମାଲିକ ଏନେଇ ଥାନାରେ ଅଭିଯୋଗ ପରେ ହତ୍ୟାକାଣ୍ଡ ସମ୍ପର୍କରେ ଜଣାପଡିଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଥିବା ବେଳେ, ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି । ପୋଲିସ କିଛି ଲୋକଙ୍କୁ ଅଟକ ରଖି ପଚରା ଉଚରା କରୁଛି ।

ସମ୍ବଲପୁରରୁ କରିଥିଲା ସାଇବର ଠକେଇ, ଫରିଦାବାଦରୁ ହେଲା ଗିରଫ

ସମ୍ବଲପୁର: ସମ୍ବଲପୁର ସାଇବର ପୋଲିସକୁ ବଡ଼ ସଫଳତା। ସମ୍ବଲପୁରରୁ ସାଇବର ଠକେଇ କରିଥିବା ଠକ ଫରିଦାବାଦରୁ ଗିରଫ। କରୋନା ସମୟରେ ଅନଲାଇନ ମାଧ୍ୟମରେ ଫେସମାସ୍କ ଯୋଗାଇ ଦେବା ନାରେ ୨୬ ଲକ୍ଷ ୫୦ ହଜ଼ାର ଟଙ୍କା ହୋଇଥିଲା ଠକେଇ। ରାଜ୍ୟ ବାହାରେ ହୋଇଥିଲା ଠକେଇ। ମୁଖ୍ୟ ଅଭିଯୁକ୍ତ ଯତୀନ ଶେହଗାଲକୁ ଗିରଫ କଲା ପୋଲିସ। ଫରିଦାବାଦରୁ ଅଭିଯୁକ୍ତକୁ ଗିରଫ କଲା ସମ୍ବଲପୁର ପୋଲିସ। ଅଭିଯୁକ୍ତ ଠାରୁ ୧୦ ଲକ୍ଷ ଟଙ୍କା ଜବତ କରିଛି ପୋଲିସ। ମିଳିଥିବା ସୂଚନା ଅନୁସାରେ ସମ୍ବଲପୁରର ମାସ୍କ ବ୍ୟବସାୟୀ ମନୋଜ କୁମାର ସାଇବର ଠକକୁ ଫେଜ ଫେଜ କରି ୨୬ ଲକ୍ଷ ୫୦ ହଜାର ଦେଇଥିବା ଥାନାରେ ଅଭିଯୋଗ କରିଥିଲେ। ସାଇବର ପୋଲିସ ଦିଲ୍ଲୀ ଗାଜିଆବାଦ ଓ ଫରିଦାବାଦରେ ୭ ଦିନ ଡେରା ମାରିବା ପରେ ଧରିବାରେ ସଫଳ ହୋଇଛି। ତାଠାରୁ ଗୋଟିଏ ମୋବାଇଲ ଫୋନ ୧୦ ଟି ସିମକାର୍ଡ ଜବତ କରିଛି ପୋଲିସ।

ସାରା ରାଜ୍ୟରେ ଲାଗିପାରେ ଲକଡାଉନ୍, ଏପ୍ରିଲ୍ ୨ ଯାଏଁ ସ୍ଥିତି ଉପରେ ନଜର

ମୁମ୍ବାଇ: ମହାରାଷ୍ଟ୍ରରେ କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ ଉପମୁଖ୍ୟମନ୍ତ୍ରୀ ଅଜିତ ପାୱାର ଏକ ବଡ଼ ବୟାନ ଦେଇଛନ୍ତି। ପୁଣେରେ ଏକ ସାମ୍ବାଦିକ ସମ୍ମିଳନୀ କରି ଅଜିତ ପାୱାର କହିଛନ୍ତି ଯେ ରାଜ୍ୟରେ ବଢୁଥିବା କରୋନା ମାମଲାକୁ ମନିଟର କରାଯାଉଛି ।

ଆସନ୍ତା ଏପ୍ରିଲ ୨ ତାରିଖ ପର୍ଯ୍ୟନ୍ତ ଏହା ଉପରେ ନଜର ରଖାଯିବ। ଯଦି ଲୋକମାନେ କରୋନା ଗାଇଡଲାଇନର ଉଲ୍ଲଂଘନ କରିବା ଜାରି ରଖନ୍ତି ତାହେଲେ ଲକଡାଉନ୍ ଲାଗୁ କରିବା ବ୍ୟତୀତ ସରକାରଙ୍କ ପାଖରେ ଅନ୍ୟ କୌଣସି ବିକଳ୍ପ ରହିବ ନାହିଁ ।

ଉପମୁଖ୍ୟମନ୍ତ୍ରୀ କହିଛନ୍ତି ଯେ ମଲ୍, ମାର୍କେଟ, ସିନେମା ହଲ୍ ଆଦି ୫୦ ପ୍ରତିଶତ କ୍ଷମତାରେ କାର୍ଯ୍ୟ କରିବ । ସେହିପରି ୫୦ରୁ ଅଧିକ ଲୋକ ବିବାହ ଉତ୍ସବରେ ଯୋଗଦେବେ ନାହିଁ ବୋଲି ଏକ କଟକଣା ଜାରି କରିଛନ୍ତି ।

 

ଅନ୍ତିମ ସଂସ୍କାରରେ ୨୦ ଜଣଙ୍କୁ ଅନୁମତି ଦିଆଯିବ ବୋଲି ଅଜିତ ଘୋଷଣା କରିଛନ୍ତି। ଯଦି କରୋନା ସଂକ୍ରମଣ କ୍ରମାଗତ ଭାବରେ ବଢିଚାଲେ ତାହେଲେ ଆଗାମୀ ଶୁକ୍ରବାର ଲକଡାଉନ୍ ନେଇ ନିଷ୍ପତ୍ତି ନିଆଯିବ ।

ବର୍ତ୍ତମାନ ଦେଶରେ ଚିହ୍ନଟ ହେଉଥିବା କରୋନା ମାମଲା ମଧ୍ୟରୁ ୬୦ ପ୍ରତିଶତରୁ ଅଧିକ ମାମଲା ମହାରାଷ୍ଟ୍ରରୁ ଆସୁଛି। ଏହି କାରଣରୁ ମହାରାଷ୍ଟ୍ରରେ ପ୍ରାୟ ଦେଢ ଶହରୁ ଅଧିକ ଜିଲ୍ଲାରେ ଲକଡାଉନ୍, ନାଇଟ୍ କର୍ଫ୍ୟୁ ଭଳି କଟକଣା ଲାଗୁ କରାଯାଇଛି।

ରୋମାଞ୍ଚକର ହେବ ଦ୍ୱିତୀୟ ଦିନିକିଆ, କୋହଲିଙ୍କ ଟାର୍ଗେଟରେ ରହିବ ତେନ୍ଦୁଲକର ଏବଂ ପଣ୍ଟିଂଙ୍କ ରେକର୍ଡ

ତିନି ମ୍ୟାଚ୍ ବିଶିଷ୍ଟ ODI ସିରିଜର ଦ୍ୱିତୀୟ ମ୍ୟାଚ୍ ଆଜି ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବ। ପୁଣେର ମହାରାଷ୍ଟ୍ର କ୍ରିକେଟ୍ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ। ଟେଷ୍ଟ ଏବଂ ଟି -୨୦ ସିରିଜ୍ ଭାରତ ହାତେଇବା ପରେ ଏହି ମ୍ୟାଚ୍ ଜିତିବାକୁ ଚେଷ୍ଟା କରିବ ଭାରତ।  ଏବଂ ODI ସିରିଜ୍ ମଧ୍ୟ କବଜା କରିବାକୁ ଚେଷ୍ଟା କରିବ। ଏଥିସହ ଅଧିନାୟକ ବିରାଟ କୋହଲିଙ୍କ ପାଇଁ ଏହି ମ୍ୟାଚ୍ ଅତ୍ୟନ୍ତ ସ୍ପେସାଲ ବୋଲି ମଧ୍ୟ କୁହାଯାଉଛି। କାରଣ ଅଧିନାୟକ କିଙ୍ଗ କୋହଲି ଏହି ମ୍ୟାଚରେ ଏମିତି ଅନେକ ରେକର୍ଡ ତାଙ୍କ ନାମରେ କରିପାରନ୍ତି।

ଆନ୍ତର୍ଜାତୀୟ କ୍ରିକେଟ୍ ରେ ସବୁଠାରୁ ଅଧିକ ଶତକ

ଗଡ ଅଫ୍ କ୍ରିକେଟ୍ ଭାବରେ ଜଣାଶୁଣା ପୂର୍ବତନ ଭାରତୀୟ ଭେଟେରାନ୍ ସଚିନ୍ ତେନ୍ଦୁଲକର। ଆନ୍ତର୍ଜାତୀୟ କ୍ରିକେଟରେ ଅଧିକା ଶତକ ମାରି ଏପର୍ଯ୍ୟନ୍ତ ତାଙ୍କ ରେକର୍ଡକୁ ବଜାୟ ରଖିଛନ୍ତି। ସଚିନଙ୍କ ରେକର୍ଡକୁ କୌଣସି ଖେଳାଳି ଭାଙ୍ଗି ନାହାନ୍ତି। ସଚିତ ତାଙ୍କ ଖେଳ କ୍ୟାରିୟରେ ମୋଟ ୧୦୦ଟି ଶତକର ରେକର୍ଡ ହାସଲ କରିଛନ୍ତି। ସେଥିମଧ୍ୟରୁ ODIରେ ୪୯ଟି ଶତକ ମାରିଥିବା ବେଳେ ଟେଷ୍ଟ କ୍ୟାରିୟରରେ ମାରିଛନ୍ତି ୫୧ଟି ଶତକ। ଏହି ତାଲିକାରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଦ୍ୱିତୀୟ ସ୍ଥାନରେ ରହିଛନ୍ତି। ଆନ୍ତର୍ଜାତୀୟ କ୍ରିକେଟରେ ପଣ୍ଟିଂ ମୋଟ ୭୧ ଟି ଶତକ ହାସଲ କରିଛନ୍ତି। ଏଥି ସହିତ କିଙ୍ଗ କୋହଲି ୭୦ଟି ଶତକ ସହିତ ଏହି ତାଲିକାରେ ତୃତୀୟ ସ୍ଥାନରେ ଅଛନ୍ତି। ଆଜି ଇଂଲଣ୍ଡ ବିପକ୍ଷ ଦ୍ୱିତୀୟ ଦିନିକିଆରେ କୋହଲି ଯଦି ଏକ ଶତକ ହାସଲ କରନ୍ତି ତେବେ କୋହଲି ପଣ୍ଟିଂ ସହ ସମାନ ହୋଇପାରିବେ।

କୋହଲି ସଚିନ ତେନ୍ଦୁଲକରଙ୍କ ଏହି ରେକର୍ଡକୁ ମିଟ କରିପାରିବେ

ରେକର୍ଡର ଗନ୍ତାଘର ହେଉଛନ୍ତି ଭାରତର ପୂର୍ବତନ ଖେଳାଳି ସଚିନ ତେନ୍ଦୁଲକର। ODI ରେ ଘରୋଇ ମାଟିରେ ସର୍ବାଧିକ ସତକ ମଧ୍ୟ ପୂର୍ବତନ ଭେଟେରାନ ସଚିନ ତେନ୍ଦୁଲକରଙ୍କ ନାମରେ ରହିଛି। ସେ ମୋଟ ୨୦ଟି ଶତକ ହାସଲ କରିଛନ୍ତି। ଏଥି ସହିତ ବର୍ତ୍ତମାନର ଭାରତୀୟ ଅଧିନାୟକ ବିରାଟ କୋହଲିଙ୍କ ଘରୋଇ ପିଚ୍‌ରେ ୧୯ ଟି ଶତକ ହାସଲ କରିଛନ୍ତି। ଏହି ପରିପ୍ରେକ୍ଷୀରେ, ଆଜି ଯଦି ବିରାଟ ଶତକ ମାରୁଛନ୍ତି ତେବେ ସଚିନଙ୍କ ଏହି ବଡ ରେକର୍ଡ ସହିତ ମଧ୍ୟ ମେଳ କରିପାରିବେ।

ପଣ୍ଟିଂଙ୍କ ଏହି ରେକର୍ଡରେ କିଙ୍ଗ କୋହଲିଙ୍କ ନଜର

ଅଧିନାୟକ ଭାବରେ ODI କ୍ରିକେଟରେ ରିକି ପଣ୍ଟିଂ ସବୁଠାରୁ ଅଧିକ ଶତକ ମାରିଥିବା ରେକର୍ଡରେ ଏପର୍ଯ୍ୟନ୍ତ ରହିଛନ୍ତି। ସେ ମୋଟ ୨୨ଟି ଶତକ ହାସଲ କରିଛନ୍ତି। ଏଥି ସହିତ ବିରାଟ କୋହଲି ଏପର୍ଯ୍ୟନ୍ତ ଅଧିନାୟକ ଭାବରେ ୨୧ ଟି ଶତକ ହାସଲ କରିଛନ୍ତି। ଏଭଳି ପରିସ୍ଥିତିରେ ଇଂଲଣ୍ଡ ବିପକ୍ଷ ଦ୍ୱିତୀୟ ଦିନିକିଆରେ ଏକ ଶତକ ହାସଲ କରି କିଙ୍ଗ କୋହଲି ପଣ୍ଟିଂଙ୍କ ରେକର୍ଡକୁ ODIରେ ଅଧିନାୟକ ଭାବରେ ସର୍ବାଧିକ ଶତକ ହାସଲ କରିପାରନ୍ତି। ୨୩୦ ଟି ମ୍ୟାଚରେ ପଣ୍ଟିଂ ୨୨ଟି ଶତକ ହାସଲ କରିଥିଲେ। କିନ୍ତୁ ପିରାଟ କୋହଲି ମାତ୍ର ୯୩ ଟି ମ୍ୟାଚ୍‌ ଖେଳି ୨୧ ଟି ଶତକ ହାସଲ କରିଛନ୍ତି।

 

ଗାଇଡଲାଇନ ମାନି ହୋଲି ପାଳିବା ପାଇଁ ପୋଲିସ କମିଶନରଙ୍କ ଅନୁରୋଧ

ଭୁବନେଶ୍ୱର: ଦିନକୁ ଦିନ ରାଜ୍ୟରେ କରୋନା ସଂକ୍ରମଣ ବଢିବାରେ ଲାଗିଥିବା ବେଳେ ଏହା ମଧ୍ୟରେ ପାଳନ ହେବାକୁ ଯାଉଛି ହୋଲି । ରଙ୍ଗର ପର୍ବ ହୋଲିକୁ ନେଇ ସରକାରଙ୍କ ତରଫରୁ ମଧ୍ୟ କୋଭିଡ଼ ଗାଇଡଲାଇନ ଜାରି କରାଯାଇଛି । ଯେଉଁଥିପାଇଁ କରୋନା କଟକଣା ଅନୁସାରେ ଚଳିତ ଥର ହୋଲି ଉତ୍ସବ ପାଳନ କରିବା ପାଇଁ ଟ୍ୱିନସିଟି ବାସୀଙ୍କୁ ଅପିଲ କରିଛନ୍ତି ପୋଲିସ କମିଶନର (ସିପି) ସୌମେନ୍ଦ୍ର ପ୍ରିୟଦର୍ଶୀ ।

ସୂଚନା ଅନୁଯାୟୀ, ଚଳିତ ଥର ଘରେ ରହି ହୋଲି ଖେଳିବାକୁ ଆହ୍ୱାନ ଦେଇଛନ୍ତି ସିପି । ଏଥିସହିତ ହୋଲି ପାଇଁ କମିଶନରେଟ ପୋଲିସ ପକ୍ଷରୁ ସମସ୍ତ ବନ୍ଦୋବସ୍ତ କରାଯାଇଛି । ନିୟମ ଭାଙ୍ଗି ରାସ୍ତାରେ ହୋଲି ଖେଳିଲେ କାର୍ଯ୍ୟାନୁଷ୍ଠାନ ହେବ ବୋଲି ସିପି କହିଛନ୍ତି।

ସେହିପରି ସର୍ବସାଧାରଣରେ ହୋଲି ଖେଳିବା ଉପରେ ରୋକ ଲଗାଯିବ । ସେପଟେ କେବଳ ନିଜ ପରିବାର ସଦସ୍ୟଙ୍କ ସହ ଘରେ ହୋଲି ଖେଳିପାରିବେ ବୋଲି କହିଛନ୍ତି କମିଶନର। ଅପରପକ୍ଷରେ ଦୋଳ ଯାତ୍ରା ସମୟରେ ଠାକୁରଙ୍କୁ ନେଇ ପରିକ୍ରମା ବେଳେ ମାତ୍ର ୬ ଜଣଙ୍କୁ ନେଇ ଯାଇପାରିବେ । କିନ୍ତୁ କୌଣସି ପ୍ରକାର ବାଜା ବଜାଇବେ ନାହିଁ ଯାହ ଦ୍ୱାରା ଲୋକଙ୍କ ଧ୍ୟାନ ଆକର୍ଷଣ ହେବ ଏବଂ ଲୋକେ ଏଥିରେ ସାମିଲ ହେବେ ବୋଲି ବିଏମସି ପକ୍ଷରୁ ଗାଇଡଲାଇନ୍ ଜାରି କରାଯାଇଥିଲା।

ତେବେ ମେଲଣ ପଡ଼ିଆରେ ସର୍ବାଧିକ ୫୦ରୁ ୬୦ ଜଣ ରହିପାରିବେ । ପଡ଼ିଆରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ୬ଫୁଟ୍ ଦୂରତା ରହିବା ସହ ସମସ୍ତେ ମାସ୍କ ପିନ୍ଧିଥିବେ । ମେଲଣ ପଡ଼ିଆରେ କୌଣସି ପ୍ରକାର ଯାତ୍ରା, ଅରକେଷ୍ଟ୍ରା ଏବଂ ମୀନା ବଜାରର ଆୟୋଜନ ହେବ ନାହିଁ ।

ଏଥିସହ ପଢନ୍ତୁ- ହୋଲି ଓ ଦୋଳ ଯାତ୍ରା ପାଳନ ନେଇ ବିଏମ୍‌ସି ପକ୍ଷରୁ କଟକଣା ଜାରି, ଜାଣନ୍ତୁ କେମିତି ପାଳିବେ ହୋଲି

‘ମୁଁ କ୍ଷମତାରେ ଥିବା ଯାଏଁ ଚୀନ ବିଶ୍ୱର ଶକ୍ତିଶାଳୀ ଦେଶ ହୋଇପାରିବ ନାହିଁ’- ଜୋ ବିଡେନ

ଓ୍ଵାସିଟନ୍‌: ଉଦ୍ଭାବନ ଏବଂ ଭିତ୍ତିଭୂମି କ୍ଷେତ୍ରରେ ଯୁକ୍ତରାଷ୍ଟ୍ର ଆମେରିକାକୁ ଟପି ଚୀନ୍‌ ବିଶ୍ୱର ସବୁଠୁ ଶକ୍ତିଶାଳୀ ରାଷ୍ଟ୍ର ହୋଇ ପାରିବ ନାହିଁ ବୋଲି ଗୁରୁବାର ଦିନ ରାଷ୍ଟ୍ରପତି ଜୋ ବାଇଡେନ୍‌ ପ୍ରତିଶ୍ରୁତି ଦେଇଛନ୍ତି। ହ୍ଵାଇଟ୍‌ ହାଉସ୍‌ରେ ବାଇଡେନ୍‌ କହିଛନ୍ତି, ଚୀନ୍‌ ସହ ତୀବ୍ର ପ୍ରତିଦ୍ୱନ୍ଦ୍ୱିତା ଚାଲିଥିବା ମୁଁ ଦେଖୁଛି। ବିଶ୍ୱର ଅଗ୍ରଣୀ, ବିତ୍ତଶାଳୀ ଏବଂ ସର୍ବଶକ୍ତିମାନ ରାଷ୍ଟ୍ରରେ ପରିଣତ ହେବା ହେଉଛି ସେମାନଙ୍କର ସାମଗ୍ରିକ ଲକ୍ଷ୍ୟ। କିନ୍ତୁ, ମୁଁ କ୍ଷମତାରେ ଥିବାଯାଏଁ ତାହା ହୋଇପାରିବ ନାହିଁ। କାରଣ ଯୁକ୍ତରାଷ୍ଟ୍ର ଆମେରିକା ସମୃଦ୍ଧ ଓ ପ୍ରସାରିତ ହେବା ଆରମ୍ଭ କରିଛି।

ପୂର୍ବତନ ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ ଚୀନ୍‌ ବିପକ୍ଷରେ କଟକଣା ଜାରି କରିବା ସହ କରୋନାଭାଇରସ୍‌ ସଂକ୍ରମଣ ପାଇଁ ଚୀନ୍‌କୁ ଦାୟୀ କରିଥିଲେ। ଏବେ ମଧ୍ୟ ବାଇଡେନ୍‌ଙ୍କ ଟିମ୍‌ ବେଜିଙ୍ଗ୍‌ର ଅର୍ଥନୀତି ଏବଂ ମାନବିକ ଅଧିକାର କାର୍ଯ୍ୟକଳାପ ଉପରେ ଟ୍ରମ୍ପ୍‌ ଜାରି କରିଥିବା କଠୋର କଟକଣା ବଜାୟ ରଖିଛି।

କିନ୍ତୁ, ଚୀନ୍‌ରୁ ଆମଦାନି ହେଉଥିବା ପ୍ରମୁଖ ସାମଗ୍ରୀ କିଂବା ବାଧ୍ୟବାଧ୍ୟକତାରେ ସେଠାକାର ଶ୍ରମିକମାନେ ଉତ୍ପାଦନ କରୁଥିବା ସାମଗ୍ରୀ ଉପରେ ନିଷେଧାଦେଶ କାଏମ ରଖିବା ପ୍ରସଙ୍ଗରେ ମନ୍ତବ୍ୟ ଦେବାକୁ ବାଇଡେନ୍‌ ଅଗ୍ରାହ୍ୟ କରିଦେଇଛନ୍ତି।

ମାସ୍କ ଓ ପିପିଇ କିଟ୍ କିଣା ତ୍ରୁଟି ମାମଲାରେ ଲୋକାୟୁକ୍ତଙ୍କ କ୍ଲିନଚିଟ

ଭୁବନେଶ୍ୱର: ମାସ୍କ ଓ ପିପିଇ କିଟ୍ କିଣା ତ୍ରୁଟି ମାମଲାରେ କ୍ଲିନଚିଟ ଦେଲେ ଲୋକାୟୁକ୍ତ। ଏହାପରେ ଲୋକାୟୁକ୍ତରେ ମାମଲାରେ ଶୁଣାଣି ସରିଛି। ଭିଜିଲାନ୍ସର ପ୍ରାଥମିକ ତଦନ୍ତ ରିପୋର୍ଟରେ ତ୍ରୁଟି ନଥିବା ଲୋକାୟୁକ୍ତ କହିଛନ୍ତି। ମାସ୍କ ଓ ପିପିଇ କିଣିବାରେ କୌଣସି ପ୍ରକାର ତ୍ରୁଟି ବିଚ୍ୟୁତି ହୋଇନାହିଁ ବୋଲି ଲୋକାୟୁକ୍ତ ସ୍ପଷ୍ଟ କରିଛନ୍ତି। ଲୋକାୟୁକ୍ତରେ ଅଭିଯୋଗ ଦାଖଲ ହେଲା ପରେ ଲୋକାୟୁକ୍ତ ଭିଜିଲାନ୍ସକୁ ତଦନ୍ତ ନିର୍ଦ୍ଦେଶ ଦେଇଥିଲେ। ଭିଜିଲାନ୍ସ ଏହାର ତଦନ୍ତ କରି ଲୋକାୟୁକ୍ତଙ୍କ ନିକଟରେ ତଦନ୍ତ ରିପୋର୍ଟ ଦାଖଲ କରିଥିଲେ। ଭିଜିଲାନ୍ସ ରିପୋର୍ଟ ଆଧାରରେ ଲୋକାୟୁକ୍ତରେ ଆଜି ମାମଲାର ଶୁଣାଣି ହୋଇଥିଲା।

ରାଜ୍ୟରେ ଜୋରଦାର ହୋଇଛି ଟିକାକରଣ, ମୋଟ ୮୮୨ଟି କେନ୍ଦ୍ରରେ ଟିକାକରଣ କରାଯାଉଛି

ଭୁବନେଶ୍ୱର: ରାଜ୍ୟରେ କରୋନା ଟିକାକରଣକୁ ଜୋରଦାର କରାଯାଇଛି। ଗତକାଲି ୭୩ ହଜାର ୧୮୦ ଜଣଙ୍କୁ ଦିଆଯାଇଛି ଟିକା। ବର୍ତ୍ତମାନ ରାଜ୍ୟରେ ମୋଟ ୮୮୨ଟି କେନ୍ଦ୍ରରେ ଟିକାକରଣ କରାଯାଉଛି। ଆଗକୁ ଟିକାକରଣ କେନ୍ଦ୍ର ୧ହଜାରରୁ ଅଧିକ କରାଯିବ ବୋଲି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ ସୂଚନା ଦେଇଛନ୍ତି। ଦୈନିକ ଦେଢ଼ଲକ୍ଷ ଟିକାକରଣ ଲକ୍ଷ୍ୟ ରଖାଯାଇଛି। ଏବେ ରାଜ୍ୟରେ ମହଜୁଦ ଅଛି ୫ ଲକ୍ଷରୁ ଅଧିକ ଟିକା। ଆଜି ସନ୍ଧ୍ୟା ସୁଦ୍ଧା ୫ ଲକ୍ଷ ୪୦ ହଜାର କୋଭିସିଲ୍ଡ ଟିକା ଆସିବ।

ଏପ୍ରିଲ ୨ ତାରିଖରେ ୯ ଲକ୍ଷ ୮୮ ହଜାର ୨୫୦ ଡୋଜ ଆସିବ। ବର୍ତ୍ତମାନ ସୁଦ୍ଧା ୨୦ ଲକ୍ଷ ୯୫ ହଜାର ୨୦୯ ଜଣ ଟିକା ନେଇସାରିଲେଣି। ୬୦ ବର୍ଷରୁ ଅଧିକ ଏବଂ ୪୫ ବର୍ଷରୁ ଅଧିକ ବୟସ ଲୋକ ରୋଗରେ ପୀଡିତ ଥିଲେ ଟିକା ନେଉଛନ୍ତି। ଏପ୍ରିଲ ରୁ ୪୫ ବର୍ଷରୁ ଅଧିକ ବୟସର ସମସ୍ତ ଲୋକ ଟିକା ନେବେ। ରାଜ୍ୟର ଜନସଂଖ୍ୟା ହିସାବରେ ୨୫ ପ୍ରତିଶତ ଲୋକଙ୍କୁ ଟିକା ଦିଆଯିବ।

ରାଜ୍ୟରେ ପ୍ରାୟ ୧ କୋଟି ଲୋକଙ୍କୁ ଟିକାକରଣ କରାଯିବ। ୧୮ରୁ ୪୫ ବର୍ଷ ବୟସ ଲୋକଙ୍କ ପାଇଁ କୌଣସି ନିଷ୍ପତ୍ତି ହୋଇନି। ଟିକାକରଣ ନେଇ ଆଜି ରାଜ୍ୟ ଷ୍ଟିୟରିଂ କମିଟି ବୈଠକ ଅଛି। ଏଥିରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି ହୋଇପାରେ ବୋଲି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ ସୂଚନା ଦେଇଛନ୍ତି  ।

କରୋନା ସମୟରେ ସଂକଟମୋଚକ ସାଜିଥିଲା ଓଡ଼ିଶା ପୋଲିସ: ଶ୍ୱେତପତ୍ର

ଭୁବନେଶ୍ୱର: କରୋନା ସମୟରେ ସଂକଟମୋଚକ ସାଜିଥିଲା ଓଡ଼ିଶା ପୋଲିସ। ଗୃହ ବିଭାଗର ଶ୍ବେତପତ୍ରରେ ଏହା ଉଲ୍ଲେଖ ରହିଛି। କୋଭିଡ୍‌ ମହାମାରୀ ମୁକାବିଲା ପାଇଁ ୨୦୨୦ ମାର୍ଚ୍ଚ ମାସରୁ ସାରା ରାଜ୍ୟରେ ତାଲାବନ୍ଦ ଘୋଷଣା କରିଥିଲେ ରାଜ୍ୟ ସରକାର। ତାଲା ବନ୍ଦକୁ ସଫଳତାର ସହ ପୋଲିସ ସୁପରିଚାଳନା କରିଥିଲା। କରୋନାରେ ୮ହଜାର ୯୦୨ଜଣ ପୋଲିସ ଅଧିକାରୀ ଓ କର୍ମଚାରୀ ସଂକ୍ରମିତ ହୋଇଥିଲେ। ସେମାନଙ୍କ ମଧ୍ୟରୁ କର୍ତ୍ତବ୍ୟରତ ଅବସ୍ଥାରେ ୪୮ ଜଣଙ୍କର ଦେହାନ୍ତ ହୋଇଥିଲା। ବିଶେଷକରି ଲକଡାଉନ ସମୟରେ ପ୍ରବାସୀ, ତୀର୍ଥଯାତ୍ରୀ, ଛାତ୍ରଛାତ୍ରୀ ଓ ଅନ୍ୟାନ୍ୟ ବ୍ୟକ୍ତି ବିଶେଷମାନଙ୍କୁ ସ୍ଥାନାନ୍ତର କରିବାରେ ସଫଳ ହୋଇଥିଲା ଓଡ଼ିଶା ପୋଲିସ୍। ପାଦଚଲା ଶ୍ରମିକଙ୍କ ପାଇଁ ୫୨୯ଟି ଗାଡ଼ିର ବ୍ୟବସ୍ଥା କରାଯିବା ସହିତ ୨୪ ହଜାର ୭୫୪ଜଣଙ୍କୁ ନିଜ ଗନ୍ତବ୍ୟସ୍ଥଳକୁ ପଠାଯାଇଥିଲା। ଲକଡାଉନରେ ପାରିବାରିକ ହିଂସାକୁ ରୋକିବାକୁ ଫୋନ୍ ଆପ୍ ପ୍ରୋଗ୍ରାମ ଆରମ୍ଭ କରାଯାଇଥିଲା। ଏଥିରେ ପୋଲିସକୁ ମିଳିଥିଲା ବଡ଼ ସଫଳତା। ପ୍ଲାଜମା ଦାନ କରି ଉଦାହରଣ ସୃଷ୍ଟି କରିଥିଲା ଓଡ଼ିଶା ପୋଲିସ। କରୋନାରୁ ସୁସ୍ଥ ହେଲା ପରେ ୧ ହଜାର ୨ଜଣ ପୋଲିସ୍ ପ୍ଲାଜମା ଦାନ କରିଥିଲେ।