ନାବାଳିକାକୁ ମାରି ଜମିରେ ପୋଡ଼ି ପୋତିଦେଲେ ଦୁର୍ବୃତ୍ତ

ପୁରୀ: ପୁରୀ ଚନ୍ଦନପୁର ଥାନା ତଳଜଙ୍ଘ ନଈକୂଳ ସାହି ଗ୍ରାମରେ ଅଭାବନୀୟ ଘଟଣା । ଜଣେ ନାବାଳିକାକୁ ହତ୍ୟାକରି ଅନ୍ୟ ଜଣଙ୍କ ଜମିରେ ପୋତି ଦେଇଥିବା ଅଭିଯୋଗ ହୋଇଛି । ଆଜି ସାଇଣ୍ଟିଫିକ୍ ଟିମ ସହାୟତାରେ ଚନ୍ଦନପୁର ଥାନା ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ନାବାଳିକାକୁ ହତ୍ୟା କରି ପୋଡି ଦେବା ସହ ଅର୍ଦ୍ଧଦଗ୍ଧ ଶବକୁ ସେହି ଜମିରେ ପୋତି ଦିଆଯାଇଥିଲା । ଜମି ମାଲିକ ଏନେଇ ଥାନାରେ ଅଭିଯୋଗ ପରେ ହତ୍ୟାକାଣ୍ଡ ସମ୍ପର୍କରେ ଜଣାପଡିଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଥିବା ବେଳେ, ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି । ପୋଲିସ କିଛି ଲୋକଙ୍କୁ ଅଟକ ରଖି ପଚରା ଉଚରା କରୁଛି ।