spot_img
Home Blog Page 5984

ରାଜ୍ୟରେ ଟିକାକରଣ ପ୍ରସଙ୍ଗ; ଧର୍ମେନ୍ଦ୍ର କହିଲେ ଓଡିଶାରେ ଅଭାବ ନାହିଁ ଟିକା

ଭୁବନେଶ୍ୱର: ରାଜ୍ୟରେ ବଢିଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ଏଣୁ କେନ୍ଦ୍ର ସରକାର ପର୍ଯ୍ୟାପ୍ତ ପରିମାଣରେ କରୋନା ଟିକା ଦେବା ଉଚିତ୍ । ଆଜି ଏହି ଦାବି କରିଛନ୍ତି ବିଜେଡି ବିଧାୟକ ଅମର ଶତପଥୀ । ଏ ନେଇ ରାଜ୍ୟ ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ କେନ୍ଦ୍ର ସ୍ବାସ୍ଥ୍ୟ ସଚିବଙ୍କୁ ଚିଠି ଲେଖିଛନ୍ତି । କେନ୍ଦ୍ର ସରକାର ପାତରଅନ୍ତର ନକରି ଏ ଦିଗରେ ଉଚିତ୍ ପଦକ୍ଷେପ ନେବା ଉଚିତ ବୋଲି କହିଛନ୍ତି ଅମର ଶତପଥୀ । କେନ୍ଦ୍ର ସରକାରଙ୍କ କହିବା ଅନୁସାରେ ଟିକାର ଅଭାବ ନାହିଁ, ଏଣୁ ଆଗୁଆ ପ୍ଲାନିଂ କରି ଟିକା ଦେବା ପାଇଁ କେନ୍ଦ୍ର ସରକାର ଯୋଜନା କରନ୍ତୁ ବୋଲି କହିଛନ୍ତି ଅମର ଶତପଥୀ ।

କେନ୍ଦ୍ର ସରକାର ପାତରଅନ୍ତର ନକରି ଓଡ଼ିଶାକୁ ଟିକା ବିତରଣରେ ସହଯୋଗ କରନ୍ତୁ । ରାଜ୍ୟ ସରକାର ପ୍ରତ୍ୟେକ ଦିନ ୨ ଲକ୍ଷ ଟିକାକରଣ କରିବାକୁ ଲକ୍ଷ୍ୟ ରଖିଛନ୍ତି । ଏଥିପାଇଁ ୧୫ ଦିନ ଆଗୁଆ ଟିକା ପହଞ୍ଚାଇବା ପାଇଁ ଦାବି କରାଯାଇଛି । ସେପଟେ ଏହି ପ୍ରସଙ୍ଗରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ କରି କହିଛନ୍ତି, ଦେଶରେ କିମ୍ବା ଓଡିଶାରେ ଟିକାର କୈାଣସି ଅଭାବ ନାହିଁ । ସେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ସହ କଥା ହୋଇଥିବା ଟ୍ୱିଟରେ କହିଛନ୍ତି ।

ରାଜ୍ୟରେ ପର୍ଯ୍ୟାପ୍ତ ଟିକା ମହଜୁଦ ରହୁନଥିବାରୁ ୧୫ ଦିନ ପାଇଁ ଟିକାକରଣ କରିବାକୁ ରାଜ୍ୟ ପ୍ରସ୍ତୁତି କରିପାରୁନଥିବା ନେଇ କହିଥିଲେ ମୁଖ୍ୟ ଶାସନ ସଚିବ । ଅନ୍ୟ ରାଜ୍ୟ ଗୁଡିକ ଦିନକୁ ୩ଲକ୍ଷ ଟିକାକରଣ କରୁଛନ୍ତି । ସେମାନଙ୍କ ପର୍ଯ୍ୟାପ୍ତ ଟିକା ମିଳୁଥିବାରୁ ଟିକାକରଣ ଲକ୍ଷ୍ୟ ହାସଲ କରିପାରୁଛନ୍ତି । ଓଡିଶା ଦିନକୁ ୨ଲକ୍ଷ ଲୋକଙ୍କୁ ଟିକା ଦେବାକୁ ଲକ୍ଷ୍ୟ ରଖିଥିବାରୁ ତୁରନ୍ତ ଟିକା ଯୋଗାଇବାକୁ ଚିଠିରେ ଅନୁରୋଧ କରିଥିଲେ ମୁଖ୍ୟ ଶାସନ ସଚିବ ।

ପ୍ରଥମ ପର୍ଯ୍ୟାୟ ନିର୍ବାଚନରେ ଭୋଟରଙ୍କ ମଧ୍ୟରେ ଉତ୍ସାହ, ଆସାମରେ ୭୨ ପଶ୍ଚିମବଙ୍ଗରେ ୮୦ ପ୍ରତିଶତ ଭୋଟିଂ

ନୂଆଦିଲ୍ଲୀ: ପଶ୍ଚିମବଙ୍ଗ ଓ ଆସାମ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ସରିଛି । ଆସାମରେ ସନ୍ଧ୍ୟା ୬ଟା ମଧ୍ୟରେ ମତଦାନ ସରିଥିବା ବେଳେ ପଶ୍ଚିମବଙ୍ଗର କେତେକ ସ୍ଥାନରେ ସନ୍ଧ୍ୟା ସାଢ଼େ ୬ଟା ପରେ ବି ଭୋଟିଂ ଜାରି ରହିଥିଲା । ନିର୍ବାଚନ କମିଶନଙ୍କ ଅନୁସାରେ, ଆସାମରେ ସନ୍ଧ୍ୟା ୬ଟା ସୁଦ୍ଧା ୭୨.୧୪ ପ୍ରତିଶତ ଭୋଟିଂ ହୋଇଥିବା ବେଳେ ପଶ୍ଚିମବଙ୍ଗରେ ୭୯.୭୯ ପ୍ରତିଶତ ଭୋଟ୍ ରେକର୍ଡ ହୋଇଛି ।

Assembly Election 2021 First Phase Voting Percentage

ପ୍ରଥମ ପର୍ଯ୍ୟାୟରେ ପଶ୍ଚିମବଙ୍ଗର ୩୦ଟି ଆସନ ଓ ଆସାମର ୪୭ଟି ଆସନରେ ଭୋଟିଂ ହୋଇଥିଲା । ମତଦାନ ବେଳେ ପଶ୍ଚିମବଙ୍ଗର କେତେକ ସ୍ଥାନରେ ଛୋଟମୋଟ ହିଂସା ହୋଇଛି । କାନ୍ଥି ଲୋକସଭା ନିର୍ବାଚନ କ୍ଷେତ୍ରରେ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଭାଇ ସୌମେନ୍ଦ୍ର ଅଧିକାରୀଙ୍କ ଗାଡ଼ି ଉପରେ ଆକ୍ରମଣ ହୋଇଛି । କାର୍ ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି । ଶୁଭେନ୍ଦୁ କାରରେ ନଥିବା ବେଳେ ଆକ୍ରମଣ ହୋଇଥିବା ବେଳେ ଡ୍ରାଇଭର ଆହତ ହୋଇଛନ୍ତି । ଆକ୍ରମଣକୁ ନେଇ ବିଜେପି ଟିଏମସକୁ ଦାୟୀ କରିଛି ।

ଜଙ୍କ ଫୁଡ ଖାଉଛନ୍ତି କି ? ସାବଧାନ..

ଭୁବନେଶ୍ୱର( ଅନୁଜ ଦାସ) : ବଦଳୁଥିବା ଲାଇଫ ଷ୍ଟାଇଲ୍ ଓ ଖାଦ୍ୟପେୟର ଅନିୟମିତତା ଆପଣଙ୍କୁ ବିପଦରେ ପକାଇପାରେ । ଆପଣଙ୍କ ହୃତପିଣ୍ଡ ଉପରେ ଏହାର ସିଧା ପ୍ରଭାବ ପଡୁଛି । ବର୍ତ୍ତମାନ ସମୟରେ ହୃଦରୋଗ ହେଉଛି ମୃତ୍ୟୁର ଅନ୍ୟତମ କାରଣ । ଭାରତର ପ୍ରତି ୪ଟି ମୃତ୍ୟୁଏହି ଗୋଟିଏ କାରଣରୁ ହେଉଛି । ତେଣୁ ଜଙ୍କ୍ ଫୁଡ ଛାଡିବାକୁ ପରାମର୍ଶ ଦେଇଛନ୍ତି ହୃଦରୋଗ ବିଶେଷଜ୍ଞ ।

ଜଙ୍କ ଫୁଡ ପ୍ରତି ଆପଣଙ୍କର ଦୁର୍ବଳତା ରହିଛି କି ? ଭୋକ ଲାଗିଲେ ପିଜା ବର୍ଗର ଖାଉଛନ୍ତି କି ? ତେଲ ଭଜି ଖାଇବାକୁ ଆପଣ ଆଗ୍ରହୀ କି ? ଯଦି ଆପଣଙ୍କର ବି ଏଭଳି ଅଭ୍ୟାସ ଅଛି ତେବେ ସଜାଗ ହୋଇଯାନ୍ତୁ । କାରଣ ଆପଣଙ୍କ ଏହି ଅଭ୍ୟାସ ଆପଣଙ୍କୁ ବିପଦ ଆଡକୁ ଠେଲି ଦେଉଛି । ଆପଣ ବି ହୃଦରୋଗରେ ଶିକାର ହୋଇପାରନ୍ତି । ବିଶ୍ବ ସ୍ବାସ୍ଥ୍ୟ ସଙ୍ଗଠନର ରିପୋର୍ଟ ଅନୁଯାୟୀ ପ୍ରତି ବର୍ଷ ୧ କୋଟି ୭୦ ଲକ୍ଷରୁ ଅଧିକ ଲୋକଙ୍କର ଅସ୍ବଭାବିକ ଭାବେ ହୃଦରୋଗରେ ମୃତ୍ୟୁ ହେଉଛି । ବଦଳୁଥିବା ଖାଦ୍ୟପେୟ ପାଇଁ ହୃଦରୋଗ ବଢୁଥିବା ହୃଦରୋଗ ବିଶେଷଜ୍ଞ ମତ ଦେଇଛନ୍ତି ।

୧୯୯୦ ରେ ହୃଦରୋଗ ୨.୨୬ ମିଲିୟନ ବ୍ୟକ୍ତି ପ୍ରାଣ ହରାଇଥିବାବେଳେ ୨୦୨୦ ରେ ୪.୭୭ ମିଲିୟନ ଲୋକଙ୍କର ମୃତ୍ୟୁ ହୋଇଛି । ଏହାର ବଡ କାରଣ ହେଇଛି ନିଶା ସେବନ, ଶାରିରିକ ପରିଶ୍ରମର ଅଭାବ, ଖାଦ୍ୟପେୟରେ ଅନିୟମିତତା । ତେଣୁ ଜଙ୍କ ଫୁଡ ବା ଫାଷ୍ଟ ଫୁଡକୁ ଛାଡି ଦେଶୀ ଖାଦ୍ୟ ଖାଇବାକୁ ପରାମର୍ଶ ଦେଇଛନ୍ତି ଆୟୁର୍ବେଦ ବିଶେଷଜ୍ଞ । ଜଙ୍କ ଫୁଡ ବଦଳରେ ମାଣ୍ଡିଆ ଭଳି ଦେଶୀ ଖାଦ୍ୟ ଖାଇବା ସହ କୋଲ୍ଡ ଡ୍ରିଙ୍କ ପରିବର୍ତ୍ତେ ପଇଡ ଓ ଲେମ୍ବୁ ପାଣି ପିଇବାକୁ ବିଶେଷଜ୍ଞ ପରାମର୍ଶ ଦେଇଛନ୍ତି ।

ବର୍ତ୍ତମାନ କୋଭିଡ ସମୟରେ ମୃତ୍ୟୁବରଣ କରିଥିବା ଲୋକଙ୍କ ମଧ୍ୟରୁ ଅନେକଙ୍କର ହୃଦରୋଗ ଥିବା ଜଣାପଡିଛି । ତେବେ କୋଲେଷ୍ଟ୍ରୋଲ ଯୁକ୍ତ ଖାଦ୍ୟକୁ ବାରଣ କରିବା ସହ ଖାଦ୍ୟରେ କେଉଁ ତେଲ ବ୍ୟବହାର କରୁଛନ୍ତି ସେଥିପ୍ରତି ଦୃଷ୍ଟି ଦେବାକୁ ବିଶେଷଜ୍ଞ କହିଛନ୍ତି ।

ସେପ୍ଟେମ୍ବର ସୁଦ୍ଧା ସେରମ ଲଞ୍ଚ କରିପାରେ କରୋନାର ଆଉ ଏକ ଭ୍ୟାକ୍ସିନ୍

ନୂଆଦିଲ୍ଲୀ: ଦୁନିଆର ସବୁଠୁ ବଡ଼ ଭ୍ୟାକ୍ସିନ୍ ପ୍ରସ୍ତୁତକାରୀ କମ୍ପାନୀ ସେରମ ଇନଷ୍ଟିଚ୍ୟୁଟ୍ ସିଇଓ ଅଦାର ପୁନାୱାଲା କରୋନାର ଆଉ ଏକ ଟିକା ଲଞ୍ଚ କରିବା ନେଇ ଆଶା ପ୍ରକାଶ କରିଛନ୍ତି । ସେପ୍ଟେମ୍ବର ସୁଦ୍ଧା ଲଞ୍ଚ୍ ହୋଇପାରେ ଆଉ ଏକ କରୋନା ଭ୍ୟାକ୍ସିନ୍ । ନୂଆ ଭ୍ୟାକ୍ସିନ କରୋନାର ବ୍ରିଟେନ୍ ଓ ଦକ୍ଷିଣ ଆଫ୍ରିକା ଭାରିଏଣ୍ଟ ଉପରେ ପ୍ରଭାବଶାଳୀ ହେବ । ସେରମ ପ୍ରସ୍ତୁତ କୋଭିସିଲ୍ଡ ଭ୍ୟାକ୍ସିନ୍ ପୂର୍ବରୁ ଟିକାକରଣରେ ସାମିଲ୍ ଅଛି ।

୨୦୨୦ରେ ଆମେରିକାର ଟିକା କମ୍ପାନୀ ନୋଭାଭ୍ୟାକ୍ସ ସେରମ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ସହିତ ଚୁକ୍ତି କରିଥିଲା । ଏହି ଚୁକ୍ତି କୋଭିଡ୍ ଟିକା ‘କ୍ୟାଣ୍ଡିଡେଟ୍’ ଏନଭିଏକ୍ସ-ସିଓ୨୩୭୩ ପ୍ରସ୍ତୁତି ଓ ମାର୍କେଟିଂ ପାଇଁ ହୋଇଥିଲା । ଏହି ଟିକା ଭାରତର ନିମ୍ନ ଓ ମଧ୍ୟବିତ୍ତ ଆୟକାରୀ ଦେଶକୁ ଦିଆଯିବ ।

Poonawala Expected To Launch Trial Of Kovovax In India By September

କୋଭାଭ୍ୟାକ୍ସର ମାନବ ପରୀକ୍ଷଣରେ ଭାରତରେ ଆରମ୍ଭ ହୋଇ ସାରିଛି । ଏହି ଭ୍ୟାକ୍ସିନର ପ୍ରସ୍ତୁତି କୋଭାଭ୍ୟାକ୍ସ ଓ ସେରମ ମିଳିତ ଭାବେ କରିବେ । ଏହି ଟିକାର ପ୍ରୟୋଗ ଦକ୍ଷିଣ ଆଫ୍ରିକା ଓ ବ୍ରିଟେନର କୋଭିଡ୍-୧୯ ଭାରିଆଣ୍ଟ ବିରୋଧରେ ପରୀକ୍ଷଣ କରାଯାଇଛି । ଏହା ୮୯ ପ୍ରତିଶତ ପ୍ରଭାବଶାଳୀ । ଟିକା ସେପ୍ଟେମ୍ବର ମାସ ସୁଦ୍ଧା ଆସିବା ନେଇ ପୁନାୱାଲା ଆଶା ପ୍ରକାଶ କରିଛନ୍ତି ।

ତେବେ ନୋଭାଭ୍ୟାକ୍ସ ଓ ସେରମ ମଧ୍ୟରେ ହୋଇଥିବା ଚୁକ୍ତିରେ ଉଚ୍ଚ-ମଧ୍ୟମ ଓ ଉଚ୍ଚ ଆୟ ବର୍ଗ ଦେଶ ନାହିଁ । ସେଭଳି ଦେଶ ପାଇଁ ଟିକା ଅଧିକାର କେବଳ ନୋଭାଭ୍ୟାକ୍ସ ପାଖରେ ରହିଛି ।

ପ୍ରଧାନମନ୍ତ୍ରୀ ମୋଦିଙ୍କ ବାଂଲାଦେଶ ଗସ୍ତକୁ ନେଇ ପ୍ରଶ୍ନ ପଠାଇଲେ ମମତା

କୋଲକାତା: ପଶ୍ଚିମବଙ୍ଗରେ ଭୋଟ୍ ଚାଲିଛି । ପ୍ରଧାନମନ୍ତ୍ରୀ ମୋଦି ପଡ଼ୋଶୀ ଦେଶ ବାଂଲାଦେଶ ଗସ୍ତରେ ଅଛନ୍ତି । ମୋଦିଙ୍କ ଏହି ଗସ୍ତକୁ ନେଇ ପ୍ରଶ୍ନ ଉଠାଇଛନ୍ତି ଟିଏମସି ମୁଖ୍ୟ ମମତା ବାନାର୍ଜୀ । ବାଂଲାଦେଶରେ ମୋଦି ମତୁଆ ସମୁଦାୟଙ୍କ ମନ୍ଦିରରେ ପୂଜାର୍ଚ୍ଚନା ଓ ଲୋକଙ୍କୁ ଅଭିଭାଷଣ ଦେବା ନିର୍ବାଚନ ଆଚରଣ ବିଧି ଉଲ୍ଲଂଘନ କରୁଥିବା ମମତା କହିଛନ୍ତି । ଏନେଇ ମମତା ନିର୍ବାଚନ କମିଶନଙ୍କ ଦ୍ୱାରସ୍ତ ହେବେ ବୋଲି କହିଛନ୍ତି ।

Mamata Banerjee Questions PM Modi Bangladesh Visit

ମମତା କହିଛନ୍ତି ପଶ୍ଚିମବଙ୍ଗରେ ଭୋଟ୍ ଚାଲିଥିବା ବେଳେ ନିର୍ଦ୍ଦିଷ୍ଟ ସମୁଦାୟକୁ ଆକର୍ଷିତ କରିବା ଲାଗି ମୋଦି ବାଂଲାଦେଶ ଯାଇଛନ୍ତି । ନିର୍ବାଚନ ଚାଲିଥିବା ବେଳେ ମୋଦି ପଶ୍ଚିମବଙ୍ଗ ଉପରେ ପାଠ ପଢ଼ାଉଛନ୍ତି । ଏହା ସମ୍ପୂର୍ଣ୍ଣ ଭାବେ ନିର୍ବାଚନ ଆଚରଣ ବିଧିର ଉଲ୍ଲଂଘନ ଅଟେ ।

ଗତ ଲୋକସଭା ନିର୍ବାଚନରେ ଜଣେ ବାଂଲାଦେଶୀ ଅଭିନେତା ଟିଏମସି ସାମିଲ୍ ହେବାକୁ ନେଇ ବିବାଦ ଦେଖା ଯାଇଥିଲା । ଏପରିକି ଅଭିନେତାଙ୍କ ଭିସା ରଦ୍ଦ କରି ଦିଆଯାଇଥିଲା । ସେ କଥା ମନେ ପକାଇ ମମତା କହିଛନ୍ତି- ୨୦୧୯ରେ ଲୋକସଭା ନିର୍ବାଚନରେ ବାଂଲାଦେଶୀ ଅଭିନେତା ଟିଏମସି ପାଇଁ ପ୍ରଚାର କରିବାରୁ ବିଜେପି ବାଂଲାଦେଶ ସରକାର ସହ କଥା ହୋଇ ଭିସା ରଦ୍ଦ କରି ଦେଇଥିଲେ । ଯେତେବେଳେ ଏଠି ନିର୍ବାଚନ ଚାଲିଛି, ଆପଣ ଭୋଟ୍ ହାତେଇବାକୁ ବାଂଲାଦେଶ ପଳାଇଛନ୍ତି । ଆପଣଙ୍କ ଭିସା କାହିଁକି ବାତିଲ୍ ହେବନାହିଁ ବୋଲି ମମତା ମୋଦିଙ୍କୁ ପ୍ରଶ୍ନ କରିଛନ୍ତି ।

ହତ୍ୟା ନୁହେଁ ଆତ୍ମହତ୍ୟା କରିଛି ନାବାଳିକା, ସସପେନସ୍ ଉଠାଇଲା ପୁରୀ ପୋଲିସ

ପୁରୀ: ତଳଜଙ୍ଗ ନଈକୂଳ ସାହିରେ ନାବାଳିକା ମୃତ୍ୟୁ ଘଟଣା ଉପରୁ ସସପେନସ୍ ଉଠାଇଲା ପୁରୀ ପୋଲିସ । ପୁରୀ ଏସଡିପିଓ କିଶୋର ଚନ୍ଦ୍ର ମୁଣ୍ଡୁ ଏହି ମାମଲାରୁ ପରଦା ଉଠାଇଛନ୍ତି । ନାବାଳିକା ହତ୍ୟା ନୁହେଁ ସେ ନିଜେ ଆତ୍ମହତ୍ୟା କରିଥିବା କହିଛନ୍ତି ଏସଡିପିଓ । ସେପଟେ ନାବାଳିକା ଜଣକ ଆତ୍ମହତ୍ୟା କରିବା ପରେ ତାକୁ ପରିବାର ଲୋକେ ପୋତି ଦେଇଥିବା କହିଛି ପୁରୀ ପୋଲିସ । ଘଟଣାରେ ୬ ଜଣଙ୍କୁ ଗିରଫ କରାଯାଇଛି । ଏମାନଙ୍କ ମଧ୍ୟରେ ଅଛନ୍ତି ନାବାଳିକାର ୩ ଭାଇ ଓ ୩ ଦାଦା ।

ନାବାଳିକା ଆତ୍ମହତ୍ୟା କରିବା ପରେ ତାଙ୍କୁ ପୋଡି ଦେଇଥିବା ଅଭିଯୋଗରେ ଦାଦା ଓ ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଅଧିକ ପ୍ରମାଣ ପାଇଁ ନାବାଳିକାର ଫୋନ ଏବଂ ଅନ୍ୟାନ୍ୟ ସାମଗ୍ରୀକୁ ଜବତ କରି ଭୁବନେଶ୍ୱର ଫରେନସିକ ଲ୍ୟାବକୁ ପଠାଯାଇଛି । ତେବେ ଏହି ଘଟଣା ଅନରକିଲିଂ ବୋଲି ଚର୍ଚ୍ଚା ହେଉଥିବା ବେଳେ ପୋଲିସ ସେ ଦିଗରେ ମଧ୍ୟ ତଦନ୍ତ ଚଳାଇଛି ।

ଖବର ମୁତାବକ ଗତ ୨୦ ତାରିଖ ବିଳମ୍ବିତ ରାତିରେ ଘଟିଥିଲା ଏହି ହତ୍ୟାକାଣ୍ଡ । ସାଇଣ୍ଟିଫିକ ଟିମ୍‌ ସହ ଚନ୍ଦନପୁର ପୋଲିସ ଘଟଣାର ତନାଘନା ଚଳାଇଥିବା ଏସଡିପିଓ କହିଛନ୍ତି । ନାବାଳିକାର ଶବକୁ ପୋଡି ଏକ ଜମିରେ ପୋତି ଦିଆଯାଇଥିଲା । ଜମି ମାଲିକ ଏ ନେଇ ଥାନାରେ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଥିଲା ।

ରାଜଧାନୀରେ ସାପ ବିଷ ସ୍ମଗଲିଂ, ବଲାଙ୍ଗୀରରୁ ଆସି ଭୁବନେଶ୍ୱରରେ ବେପାର

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ସାପ ବିଷ ସ୍ମଗଲିଂ । ବଡ଼ଧରଣର ସାପ ବିଷ ରାକେଟ୍ ଠାବ କରିଛି ବନ ବିଭାଗ । ସାପ ବିଷ କାରବାର ଅଭିଯୋଗରେ ୩ଅଭିଯୁକ୍ତଙ୍କୁ ଗିରଫ ମଧ୍ୟ କରିଛି ବନବିଭାଗର ଟିମ ।

ସୂଚନା ଅନୁଯାୟୀ ପାତ୍ରପଡ଼ା ରେଞ୍ଜ ଅଞ୍ଚଳରୁ ଅଭିଯୁକ୍ତଙ୍କୁ ଧରିଛି ବନବିଭାଗ । ଗିରଫ ୩ଜଣଙ୍କ ଘର ବଲାଙ୍ଗୀରରେ ହୋଇଥିବାବେଳେ ବଲାଙ୍ଗୀରରୁ ଆସି ଭୁବନେଶ୍ୱରରେ ଡିଲ୍ କରୁଥିଲେ ସାପ ବିଷ । ସାପ ବିଷ ଚାଲାଣ ପାଇଁ ଲକ୍ଷାଧିକ ଟଙ୍କା ଡିଲ୍ ବେଳେ ଧରାପଡ଼ିଥିବା ଜଣାପ଼ଡିଛି ।

ଭୁବନେଶ୍ୱର, କଟକରେ କାଳବୈଶାଖୀ ତାଣ୍ଡବ

ଭୁବନେଶ୍ୱର: ରାଜ୍ୟର ଅନେକ ସ୍ଥାନରେ କାଳବୈଶାଖୀର ତାଣ୍ଡବ । ଅପରାହ୍ନରେ ଭୁବନେଶ୍ୱର, କଟକ ସମେତ ରାଜ୍ୟର ଉପକୂଳବର୍ତ୍ତୀ ଅଞ୍ଚଳରେ ବର୍ଷା ଏନ ପବନ ହୋଇଥିବା ସୂଚନା । ସେପଟେ କାଳବୈଶାଖୀ ସହ ବଜ୍ରପାତ ମଧ୍ୟ ହୋଇଛି । ପାଣିପାଗ ବିଭାଗର ଆକଳନ ଅନୁଯାୟୀ ଉପକୂଳ ଅଞ୍ଚଳରେ କାଳ ବୈଶାଖୀ ହେବା ସହ ୩୦ରୁ ୪୦ କିଲୋମିଟର ବେଗରେ ପବନ ମଧ୍ୟ ବୋହିଛି ।

ବିଶେଷକରି କୋରାପୁଟ, ଗଜପତି , ଗଞ୍ଜାମ, କଟକ, ଜଗତସିଂହପୁର, ଭଦ୍ରକ, କେନ୍ଦ୍ରାପଡା, ଖୋର୍ଦ୍ଧାରେ କାଳବୈଶାଖୀ ହେବା ନେଇ ଆଶଂକା ରଖିଥିଲା ପାଣିପାଗ ବିଭାଗ । ଏହା ସହ ୩୦ରୁ ୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରଖିଥିଲା ବିଭାଗ । ପ୍ରଭାବରେ ଆଜି ଭୁବନେଶ୍ବର, କଟକରେ ପ୍ରବଳ ବର୍ଷା ସହ ପବନ ହୋଇଛି ।

ସେପଟେ କାଳବୈଶାଖୀ ପ୍ରଭାବରେ ଫଳରେ ତାତିରେ ଶିଝୁଥିବା ରାଜଧାନୀବାସୀ ସମାନ୍ୟ ଆଶ୍ବସ୍ତ ହୋଇଛନ୍ତି । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ ରହିଛି । ଆଜି ଭୁବନେଶ୍ବର, ନୟାଗଡ, ବୌଦ୍ଧ, ବଲାଙ୍ଗୀରରେ ସର୍ବାଧିକ ତାପମାତ୍ରା ରେକର୍ଡ କରାଯାଇଛି ।

ଭୋପାଳରେ ପ୍ରଶିକ୍ଷଣ ବିମାନ ଦୁର୍ଘଟଣାଗ୍ରସ୍ତ

ଭୋପାଳ: ମଧ୍ୟପ୍ରଦେଶ ରାଜଧାନୀ ଭୋପାଳରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଗାନ୍ଧି ନଗରରେ ପ୍ରଶିକ୍ଷଣ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ୩ଜଣ ପାଇଲଟ୍ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ପ୍ରଶିକ୍ଷଣ ବିମାନଟି ଭୋପାଳରୁ ଗୁନା ଯାଉଥିଲା । କୌଣସି ଟେକ୍ନିକାଲ୍ ସମସ୍ୟା ଯୋଗୁଁ ଏରୋସିଟି ନିକଟରେ ବିଶନଖେଡ଼ି ଗାଁ ନିକଟ ଏକ ବିଲରେ ବିମାନଟି ଖସି ପଡ଼ିଥିଲା ।

କୁହାଯାଉଛି ଏହି ବିମାନଟି କେନ୍ଦ୍ର ସରକାରଙ୍କ ଏକ ସର୍ଭେରେ ମୁତୟନ ହୋଇଥିଲା ଏବଂ ଏହାକୁ କ୍ୟାପଟେନ୍ ଅବିନାଶ ଶର୍ମା ଉଡ଼ାଉଥିଲେ । ବିମାନରେ ସମୀ ଓ ରାଜ ଥିଲେ । ତିନିଜଣ ଯାକ ଆହତ ହୋଇଛନ୍ତି । ସୂତ୍ର ଅନୁସାରେ, ବିମାନଟ ଉଡ଼ାଣର କିଛି ସମୟ ପରେ ଦୁର୍ଘଟଣାଗ୍ରସ୍ତ ହୋଇ ଜମିରେ ଖସି ପଡ଼ିଥିଲା ।

ଭଡ଼ାଟିଆଙ୍କୁ ଆକ୍ରମଣ ମାମଲା; ହାଇକୋର୍ଟ ଗଲେ ବିଜେପି ନେତ୍ରୀ ଉପାସନା

ଭୁବନେଶ୍ୱର: ନୟାପଲ୍ଲୀ ଅଞ୍ଚଳରେ ଭଡ଼ାଟିଆଙ୍କୁ ଆକ୍ରମଣ ମାମଲାରେ ଛଦି ହୋଇଛନ୍ତି ବିଜେପି ନେତ୍ରୀ ଉପାସନା ମହାପାତ୍ର । ସେପଟେ ପୋଲିସ ଉପାସନଙ୍କୁ ଖୋଜୁଥିବାବେଳେ ହାଇକୋର୍ଟରେ ଆଗୁଆ ଜାମିନ ଆବେଦନ କରିଛନ୍ତି ଉପାସନା ମହାପାତ୍ର । ଉପାସନାଙ୍କ ସ୍ୱାମୀ ଶୁଭ୍ରାଂଶୁ ବିଶ୍ୱାଳ ମଧ୍ୟ ହାଇକୋର୍ଟ ଯାଇଥିବା ଜଣାପଡିଛି । ଭଡ଼ାଟିଆଙ୍କୁ ଆକ୍ରମଣ ନେଇ ନୟାପଲ୍ଲୀ ଥାନାରେ ରୁଜୁ ହୋଇଥିଲା ମାମଲା ।

ଭୁବନେଶ୍ୱର ନୟାପଲ୍ଲୀରେ ଭଡ଼ାଟିଆଙ୍କ ଘରେ ପଶି ବିଜେପି ନେତ୍ରୀ ଓ କିଛି ନେତା ଭଙ୍ଗାରୁଜା କରିବା ନେଇ ତାଙ୍କ ନାମରେ ମାମଲା ରୁଜୁ ହୋଇଥିଲା । ଏହି ମାମଲାରେ ଉପାସନାଙ୍କ ସମେତ ବିଜେପି ନେତା ଶାରଦା ପ୍ରଧାନ ମଧ୍ୟ ସଂଶ୍ଲିଷ୍ଟ ରହିଥିଲେ । ସେପଟେ ଉପାସନା ମହାପାତ୍ରଙ୍କୁ ଧରିବାକୁ ରାଜ୍ୟ ବାହାରେ କମିଶନରେଟ୍ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ତାଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଥିଲା ୩ଟି ଟିମ୍ ।