ପ୍ରଥମ ପର୍ଯ୍ୟାୟ ନିର୍ବାଚନରେ ଭୋଟରଙ୍କ ମଧ୍ୟରେ ଉତ୍ସାହ, ଆସାମରେ ୭୨ ପଶ୍ଚିମବଙ୍ଗରେ ୮୦ ପ୍ରତିଶତ ଭୋଟିଂ

ନୂଆଦିଲ୍ଲୀ: ପଶ୍ଚିମବଙ୍ଗ ଓ ଆସାମ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ସରିଛି । ଆସାମରେ ସନ୍ଧ୍ୟା ୬ଟା ମଧ୍ୟରେ ମତଦାନ ସରିଥିବା ବେଳେ ପଶ୍ଚିମବଙ୍ଗର କେତେକ ସ୍ଥାନରେ ସନ୍ଧ୍ୟା ସାଢ଼େ ୬ଟା ପରେ ବି ଭୋଟିଂ ଜାରି ରହିଥିଲା । ନିର୍ବାଚନ କମିଶନଙ୍କ ଅନୁସାରେ, ଆସାମରେ ସନ୍ଧ୍ୟା ୬ଟା ସୁଦ୍ଧା ୭୨.୧୪ ପ୍ରତିଶତ ଭୋଟିଂ ହୋଇଥିବା ବେଳେ ପଶ୍ଚିମବଙ୍ଗରେ ୭୯.୭୯ ପ୍ରତିଶତ ଭୋଟ୍ ରେକର୍ଡ ହୋଇଛି ।

ପ୍ରଥମ ପର୍ଯ୍ୟାୟରେ ପଶ୍ଚିମବଙ୍ଗର ୩୦ଟି ଆସନ ଓ ଆସାମର ୪୭ଟି ଆସନରେ ଭୋଟିଂ ହୋଇଥିଲା । ମତଦାନ ବେଳେ ପଶ୍ଚିମବଙ୍ଗର କେତେକ ସ୍ଥାନରେ ଛୋଟମୋଟ ହିଂସା ହୋଇଛି । କାନ୍ଥି ଲୋକସଭା ନିର୍ବାଚନ କ୍ଷେତ୍ରରେ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଭାଇ ସୌମେନ୍ଦ୍ର ଅଧିକାରୀଙ୍କ ଗାଡ଼ି ଉପରେ ଆକ୍ରମଣ ହୋଇଛି । କାର୍ ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି । ଶୁଭେନ୍ଦୁ କାରରେ ନଥିବା ବେଳେ ଆକ୍ରମଣ ହୋଇଥିବା ବେଳେ ଡ୍ରାଇଭର ଆହତ ହୋଇଛନ୍ତି । ଆକ୍ରମଣକୁ ନେଇ ବିଜେପି ଟିଏମସକୁ ଦାୟୀ କରିଛି ।