spot_img
Home Blog Page 5965

ଆନ୍ଧ୍ର ରାଜନୀତିରେ ‘ଏପ୍ରିଲ୍ ଫୁଲ୍’, ଚିହିଁକି ଉଠିଲା ଟିଡିପି

ହାଇଦ୍ରାବାଦ: ଖବରକୁ ନେଇ ଆନ୍ଧ୍ରପ୍ରଦେଶ ରାଜନୀତିରେ ଝଡ଼ । ବିଜେପି ସହ ମିଶିଲା ଚନ୍ଦ୍ରବାବୁ ନାଇଡ଼ୁଙ୍କ ଟିଡିପି । ବିନା ସର୍ତ୍ତରେ ବିଜେପି ସହ ଟିଡିପିର ବିଲୟ କରିଛନ୍ତି ନାଇଡୁ । ଏଭଳି ଏକ ‘ଏପ୍ରିଲ୍ ଫୁଲ୍‘ ଖବର ଖାଲି ଟିଡିପି ନୁହେଁ ବରଂ ଆନ୍ଧ୍ରର ରାଜନୀତିକୁ ଦୋହଲାଇ ଦେଇଛି । ଆନ୍ଧ୍ରର ମୁଖ୍ୟ ବିରୋଧୀ ଦଳ ଟିଡିପି ଏଭଳି ‘ଏପ୍ରିଲ୍ ଫୁଲ୍‘ ଖବରକୁ ମୁର୍ଖ ହିଁ ଲେଖିପାରନ୍ତି ବୋଲି କହିଛି ।

୧ ଏପ୍ରିଲ୍ ‘ଏପ୍ରିଲ୍ ଫୁଲ୍‘ ଡେରେ ଡେକ୍କାନ କ୍ରନିକାଲରେ ଏକ ଖବର ପ୍ରକାଶିତ ହୋଇଛି । ଯାହାର ଶୀଷର୍କ ରହିଛି ‘ଦଳର ଲୋକପ୍ରିୟତା ହ୍ରାସକୁ ନେଇ ଚିନ୍ତାରେ ଚନ୍ଦ୍ରବାବୁ ନାଇଡୁ, ବିଜେପିରେ ବିଲୟ ହେଲା ଟିଡିପି’ । ଏହି ଖବରରେ ଲେଖାଯାଇଛି ବୁଝାମଣା ଅନୁସାରେ, ନାଇଡୁ ବିନା ସର୍ତ୍ତରେ ନିଜ ଦଳକୁ ବିଜେପିରେ ମିଶାଇ ଦେଇ କେନ୍ଦ୍ର ରାଜନୀତିରେ ଯିବାକୁ ଯୋଜନା କରିଛନ୍ତି । ଚନ୍ଦ୍ରବାବୁ ନାଇଡୁଙ୍କୁ କେନ୍ଦ୍ର କ୍ୟାବିନେଟରେ ବଡ଼ ବିଭାଗ ମନ୍ତ୍ରୀ ପାଇଁ ଟିଡିପି ଦାବି କରିଥିବା ବେଳେ ବିଜେପି ମନା କରି ଦେଇଛି । କିନ୍ତୁ, ନାଇଡୁଙ୍କୁ ଶୀଘ୍ର କ୍ୟାବିନେଟ୍ ମନ୍ତ୍ରୀ ପଦ ମିଳିପାରେ । ଏମଏଲସି ତଥା ଟିଡିପି ସଚିବ ନାଇଡୁଙ୍କ ପୁଅ ନାରା ଲୋକେଶଙ୍କ ଭବିଷ୍ୟତକୁ ନେଇ ମଧ୍ୟ ବିଜେପି କୌଣସି ପ୍ରତିଶ୍ରୁତି ଦେଇନାହିଁ ।

ଆଉ ଖବରର ଶେଷକୁ ଲେଖାଯାଇଛି ଏହା ‘ଏପ୍ରିଲ୍ ଫୁଲ୍’ ଜୋକ୍ ଅଟେ । ଏଭଳି ଖବରକୁ ଟିଡିପି ଜୋରଦାର୍ ବିରୋଧ କରିଛି । ସୂଚନାଯୋଗ୍ୟ ଯେ, ପୂର୍ବରୁ ଆନ୍ଧ୍ରରେ ଶାସନ କରୁଥିବା ଟିଡିପି ୨୦୧୮ରେ ବିଜେପି ଠାରୁ ଅଲଗା ହୋଇଥିଲା । ଏହାପରେ ନାଇଡୁ ଅନେକ ବଡ଼ ନେତାଙ୍କ ସହ ମିଶି ତୃତୀୟ ସାମ୍ମୁଖ୍ୟ ଗଠନ ନେଇ ପ୍ରସ୍ତୁତି ଆରମ୍ଭ କରିଥିଲେ ।

କିନ୍ତୁ ଗତ ନିର୍ବାଚନରେ ଟିଡିପିକୁ ବେଶ୍ କ୍ଷତି ସହିବାକୁ ପଡ଼ିଥିଲା । ଲୋକସଭା ଓ ବିଧାନସଭା ନିର୍ବାଚନରେ ଚନ୍ଦ୍ରବାବୁ ନାଇଡୁଙ୍କ ଟିଡିପି ଜଗନ ମୋହନ ରେଡ୍ଡୀଙ୍କ ଦଳଠାରୁ କଡ଼ା ମୁକାବିଲାର ସମ୍ମୁଖୀନ ହୋଇଥିଲା ।

୩ ଦିନ ପାଇଁ କାଳବୈଶାଖୀ ଡର

ଭୁବନେଶ୍ୱର: ଡହ ଡହ ଖରାରେ ସିଝୁଛି ଓଡ଼ିଶା । ଉପାନ୍ତରୁ ଉପକୂଳ ସବୁଠି ଖରା ହିଁ ଖରା । ଆଜି ପ୍ରବଳ ଗ୍ରୀଷ୍ମ ପ୍ରବାହ ଲାଗି ରହିଥିବା ବେଳେ ଆସନ୍ତାକାଲି ଠାରୁ ତାତିରୁ କିଛିଟା ଆଶ୍ୱସ୍ତି ମିଳିପାରେ । ୨ ତାରିଖରୁ ୪ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ବର୍ଷା ହେବାର ସମ୍ଭାବନା ରହିଛି । କାଳବୈଶାଖୀ ଯୋଗୁ ବିଭିନ୍ନ ଜିଲ୍ଲାର ଦିନ ତାପମାତ୍ରା ହ୍ରାସ୍ ପାଇବ । ବିଶେଷକରି ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାରେ କାଳବୈଶାଖୀ ସମ୍ଭାବନା ରହିଛି ।

କିନ୍ତୁ ହିଟ୍ ୱେଭରୁ ଆଜି ପାଇଁ ଆଶ୍ୱସ୍ତି ନାହିଁ । ବାଲେଶ୍ୱର, ଭଦ୍ରକ, ଯାଜପୁର, କଟକ, ନୟାଗଡ଼, ବୌଦ୍ଧ, ସୋନପୁର, ବଲାଙ୍ଗିର, ନୂଆପଡ଼ା, କନ୍ଧମାଳ, କେନ୍ଦୁଝର, ମୟୂରଭଞ୍ଜ, ଦେବଗଡ଼, ସମ୍ବଲପୁର, ଅନୁଗୁଳ ଓ ଢେଙ୍କାନାଳ ଜିଲ୍ଲାକୁ ହିଟ୍ ୱେଭ୍ ୱାର୍ଣ୍ଣିଂ ଜାରି ହୋଇଛି ।

ଆସନ୍ତାକାଲି ଠାରୁ ପାରଦ ଖସିବ । ଦିନର ତାପମାତ୍ରା ୩ରୁ ୪ ଡିଗ୍ରୀ ଯାଏ ଖସିବ । ୨ ତାରିଖରେ କାଳବୈଶାଖୀ ବର୍ଷା ସହ ଘଣ୍ଟା ପ୍ରତି ୪୦ରୁ ୫୦ କିମି ବେଗରେ ପବନ ବହିବ । ଏନେଇ ଗ଼ଜପତି, ଗଞ୍ଜାମ, ନୟାଗଡ଼, ଖୋର୍ଦ୍ଧା, କଟକ, ଜଗତସିଂହପୁର ଓ କେନ୍ଦ୍ରାପଡ଼ା ଜିଲ୍ଲାକୁ ୱେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ସେହିଭଳି ୩ ତାରିଖରେ କାଳବୈଶାଖୀ ବର୍ଷା ନେଇ ନୟାଗଡ଼, ଖୋର୍ଦ୍ଧା, କଟକ, ଢେଙ୍କାନାଳ, ଯାଜପୁର, କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱର, ମୟୂରଭଞ୍ଜ, କନ୍ଧମାଳ, ଅନୁଗୁଳ ଓ ବୌଦ୍ଧ ଜିଲ୍ଲାକୁ ଦିଆଯାଇଛି ୱେଲୋ ୱାର୍ଣ୍ଣିଂ ।

ସେହିଭଳି ୪ ତାରିଖରେ କାଳବୈଶାଖୀ ବର୍ଷା ସହ ଘଣ୍ଟାପ୍ରତି ୩୦ରୁ ୪୦ କିମି ବେଗରେ ପବନ ବହିବାର ସମ୍ଭାବନା ରହିଛି । ମୟୂରଭଞ୍ଜ, ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଯାଜପୁର, କେନ୍ଦୁଝର, ଅନୁଗୁଳ, ଢେଙ୍କାନାଳ, କଟକ, ଖୋର୍ଦ୍ଧା ଓ ଜଗତସିଂହପୁର ଜିଲ୍ଲାକୁ ୱେଲୋ ୱାର୍ଣ୍ଣିଂ ଜାରି ହୋଇଛି ।

ପଶୁ ଶିକାର ପାଇଁ ଜଙ୍ଗଲରେ ନିଆଁ ଲଗାଉଥିବା ବେଳେ ୪ ଗିରଫ, ୨ଟି ଦେଶୀ ବନ୍ଧୁକ ଜବତ

ବାଲୁଗାଁ: ତାପମାତ୍ରା ବଢ଼ୁଛି, ଜଙ୍ଗଲ ଜଳୁଛି । ରାଜ୍ୟର ବିଭିନ୍ନ ସ୍ଥାନର ଜଙ୍ଗଲରେ ନିଆଁ ଲାଗିବା ଖବର ଆସୁଛି । ଖୋର୍ଦ୍ଧା ଜିଲ୍ଲା ବାଲୁଗାଁ ବନଖଣ୍ଡ ଅଧିନ ଅରାଙ୍ଗ ସରଂକ୍ଷିତ ଜଙ୍ଗଲରେ ବି ନିଆଁ ଲାଗିଛି । ଚାରି ଜଣ ଦୁର୍ବୃତ୍ତ ନିଆଁ ଲଗାଇ ଶିକାର କରିବା ପାଇଁ ଉଦ୍ୟମ ବେଳେ ଧରାପଡ଼ିଛନ୍ତି । ଅରାଙ୍ଗ ସଂରକ୍ଷିତ ଜଙ୍ଗଲରେ ଆଜି ୪ ଜଣ ଦୁର୍ବୃତ୍ତ ନିଆଁ ଲଗାଇଥିଲେ ।

Forest Employee Arrested Four Hunter During Forest Fire In Balugaon

ଶିକାର ପାଇଁ ନିଆଁ ଲଗାଇଥିବା ବେଳେ ଖବର ପାଇଥିଲେ ବାଲୁଗାଁ ବନାଞ୍ଚଳ ଅଧିକାରୀ ପ୍ରତାପ ମହାନ୍ତି । ସଙ୍ଗେ ସଙ୍ଗ ବନ ବିଭାଗ କର୍ମଚାରୀ ଉକ୍ତ ଅଞ୍ଚଳରେ ଚଢ଼ାଉ କରି ଦୁର୍ବୃତ୍ତମାନଙ୍କୁ କାବୁ କରି ଗିରଫ କରିବାରେ ସଫଳ ହୋଇଛନ୍ତି । କୃଷ୍ଣ ପ୍ରଧାନ(୨୪), ଆଲୋକ ସାହୁ(୩୫), ମିଥୁନ ନାୟକ(୨୪) ଏବଂ ଟୁଲୁ ବେହେରା(୪୨)ଙ୍କୁ ଗିରଫ କରିଛି ବନ ବିଭାଗ ।

Forest Employee Arrested Four Hunter During Forest Fire In Balugaon

ସେମାନଙ୍କ ନିକଟରୁ ଦୁଇ ଗୋଟି ଦେଶୀ ବନ୍ଧୁକ ଏବଂ ୫୦ ଗୋଟି ଗୁଳି ମଧ୍ୟ ବନ ବିଭାଗ ଜବତ କରିଛି । ସମସ୍ତ ଅଭିଯୁକ୍ତଙ୍କ ବିରୋଧରେ ବନାଞ୍ଚଳ ଆଇନ୍ ଅନୁଯାୟୀ କେସ୍ ନମ୍ବର ୩୩(ଖ) ୨୦/୨୧ରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି । ଏନେଇ ବାଲୁଗାଁ ବନାଞ୍ଚଳ ଅଧିକାରୀ ପ୍ରତାପ ମହାନ୍ତି ସୂଚନା ଦେଇଛନ୍ତି ।

ରଜନୀଙ୍କୁ ଦାଦା ସାହେବ ଫାଲକେ, ଟାଇମିଂକୁ ନେଇ ପ୍ରଶ୍ନ

ଘୋଷଣା ହୋଇଯାଇଛି ୫୧ତମ ଦାଦା ସାହେବ୍ ଫାଲକେ ପୁରସ୍କାର । ଏଥର ସାଉଥ ସୁପରଷ୍ଟାର ରଜନୀକାନ୍ତଙ୍କୁ ମିଳିବ ଦାଦାସାହେବ ଫାଲକେ ସମ୍ମାନ । କେନ୍ଦ୍ରୀୟ ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଜାବଡେକର ଗୁରୁବାର ଏହି ଘୋଷଣା କରିଛନ୍ତି । ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ରଜନୀକାନ୍ତ ଗତ ୫ ଦଶନ୍ଧି ଧରି ସିନେମା ଜଗତକୁ ଶାସନ କରିଆସୁଛନ୍ତି ଏବଂ ଲୋକଙ୍କୁ ମନୋରଞ୍ଜନ କରୁଛନ୍ତି। ତେଣୁ ଏଥର ଦାଦା ସାହେବ ଫାଲକେ ର ଜୁରୀ ରଜନୀକାନ୍ତଙ୍କୁ ଏହି ପୁରସ୍କାର ଦେବାକୁ ନିଷ୍ପତ୍ତି ନେଇଛି।

ତାମିଲନାଡ଼ୁରେ ଭୋଟ ହାତେଇବାକୁ ବିଜେପିର ଚାଲ୍:

ରଜନୀକାନ୍ତଙ୍କୁ ଦାଦାସାହେବ ଫାଲକେ ପୁରସ୍କାର ମିଳିବା ଖବର ପାଇବା ପରେ ଗୋଟେପଟେ ରଜନୀଙ୍କ ଫ୍ୟାନ୍ସ ଓ ତାମିଲନାଡ଼ୁ ବାସି ଖୁସି ହେଉଥିବାବେଳେ। ଅନ୍ୟପଟେ ଏହାକୁ ରାଜନୈତିକ ମୋଡ଼ ବି ଦିଆଯାଇଛି। କୁହାଯାଉଛି ଯେ ଆଗକୁ ତାମିଲନାଡ଼ୁରେ ନିର୍ବାଚନ ଥିବାରୁ ଏହା ମୋଦି ସରକାରଙ୍କ ଚାଲ୍ । ତାମିଲ ଭୋଟରଙ୍କ ଭୋଟ ହାତେଇବାକୁ ବିଜେପି ଖେଳିଛି ଟ୍ରମ୍ପ କାର୍ଡ଼। ଅନ୍ୟପଟେ ବିଜେପି କିନ୍ତୁ ଏହାକୁ ଖଣ୍ଡନ କରିଛି। ତେବେ ରଜନୀଙ୍କ ତାମିଲନାଡ଼ୁରେ ଦବଦବା ବେଶ ଅଧିକ । ଆଉ ତାଙ୍କ ପାଖରେ ସେ ପାୱାର ବି ଅଛି । ଯଦି ସେ ଚାହିଁ ବେ ତେବେ ଅତି ସହଜରେ ଭୋଟରଙ୍କ ନିଷ୍ପତ୍ତି ବଦଳେଇପାରିବେ।

ରାଜନୈତିକ ଇନିଂସ: ଗତ ଡିସେମ୍ବର ୩ରେ ରଜନୀକାନ୍ତ ଘୋଷଣା କରିଥିଲେ ଯେ ସେ ଜାନୁଆରୀ ମାସରୁ ଆରମ୍ଭ କରିବେ ନିଜର ରାଜନୈତିକ ଇନିଂସ୍। ଆଉ ୩୧ ତାରିଖରେ କରିବେ ନିଜର ନୂଆ ପାର୍ଟିର ଲୋକାର୍ପଣ। ହେଲେ ସେମିତି କିଛି ବି ହୋଇ ନଥିଲା। ନା ସେ ନିଜ ପାର୍ଟି ଲୋକାର୍ପଣ କଲେ ନା ରାନୀତିରେ ପ୍ରବେଶ କଲେ। ତାଙ୍କ ଘୋଷଣା କେବଳ ଘୋଷଣାରେ ହିଁ ରହିଗଲା।

 ରଜନୀଙ୍କ ଜୀବନ: ବହୁତ ସମସ୍ୟା ଭିତରେରେ କଟିଥିଲା ଥଲାଇଭାଙ୍କ ପିଲାଦିନ। ଆର୍ଥିକ ସଙ୍କଟର ଯୋଗୁ ତାଙ୍କୁ କରିବା ପଡ଼ିଥିଲା ଅନେକ ସଂଘର୍ଷ । ରଜନୀଙ୍କ ପ୍ରକୃତ ନା ଥିଲା ଶିବାଜୀ ରାଓ ଗାଇକ୍ୱାଡ। ଯାହାକୁ ପରିବର୍ତ୍ତ କରି ସେ ହୋଇଥିଲେ ରଜନୀକାନ୍ତ। ରଜନୀଙ୍କୁ ପାଞ୍ଚ ବର୍ଷ ହୋଇଥିଲା ଯେତେବେଳେ ତାଙ୍କ ମାଙ୍କର ଦେହାନ୍ତ ହୋଇଥିଲା। ମା’ଙ୍କ ଦେହାନ୍ତ ପରେ ପରିବାରର ଦାୟିତ୍ୱ ତାଙ୍କ କାନ୍ଧରେ ପଡ଼ିଲା। ଏପରିକି ଘର ଚଳାଇବା ପାଇଁ ସେ କୁଲି ଭାବେ ମଧ୍ୟ କାମ କରିଥିଲେ। ଫିଲ୍ମ ପରଦାକୁ ଆସିବା ପୂର୍ବରୁ ସେ ବସ କଣ୍ଡକ୍ଟର ଭାବେ ମଧ୍ୟ କାମ କରିଛନ୍ତି ।

ରଜନୀଙ୍କ ଫିଲ୍ମି ସଫର୍: ୧୯୭୫ରେ ବାଲାଚନ୍ଦ୍ରଙ୍କ ଚଳଚ୍ଚିତ୍ର ‘ଆପୂର୍ଭା ରାଗଙ୍ଗଲ୍’ ସହିତ ତାମିଲ ଫିଲ୍ମ ଇଣ୍ଡଷ୍ଟରି ଡେବ୍ୟୁ କରିଥିଲେ ରଜନୀ । ଏଥିରେ ସେ ଏକ ବହୁତ ଛୋଟ ନେଗେଟିଭ ରୋଲ କରିଥିଲେ । ଏହି ଚଳଚ୍ଚିତ୍ରରେ କମଲ ହାସନ ଏବଂ ଶ୍ରୀବିଡ଼ିଆ ମଧ୍ୟ ଅଭିନୟ କରିଥିଲେ। ପାଖାପାଖି ୧୫ ଟି ଫିଲ୍ମରେ ନେଗେଟିଭ୍ ରୋଲରେ ରଜନୀକାନ୍ତ ପ୍ରଥମେ ଅନେକ ନକାରାତ୍ମକ ଭୂମିକାରେ ଅଭିନୟ କରିବା ପରେ ସେ ୧୯୭୭ରେ ‘ଏସପି ମୁଥୁରାମନ’ଙ୍କ ଫିଲ୍ମ ‘ଭୁବନା ଓରୁ କେଲଭିକୁରୀ’ରେ ହିରୋ ଭାବରେ ଅଭିନୟ କରିଥିଲେ। ଏହି ଫିଲ୍ମଟି ବେଶ୍ ହିଟ୍ ହୋଇଥିଲା। ରଜନୀ ୧୯୮୩ରେ ‘ଅନ୍ଧାକାନୁନ୍’ ଫିଲ୍ମ ଜରିଆରେ ବଲିଉଡରେ କରିଥିଲେ ଏଣ୍ଟ୍ରି। ଏହି ଫିଲ୍ମଟୁ ସୁପର ହିଟ୍ ହୋଇଥିଲା । ଏହାପରେ ସେ ଆଉ ଅଟକି ନଥିଲେ। ଗୋଟିଏ ପରେ ଗୋଟିଏ ହିଟ୍ ସିନେମା ଦେଇଚାଲିଥିଲେ। ଆଉ ପାଲଟିଥିଲେ ଦକ୍ଷିଣ ଭାରତର ସବୁଠୁ ବଡ଼ ସୁପରଷ୍ଟାର । ତାଙ୍କ ଲୋକପ୍ରିୟତା ଏତେ ବଢ଼ିଗଲା ଯେ ଦକ୍ଷିଣ ଭାରତରେ ତାଙ୍କୁ ଲୋକମାନେ ଭଗବାନ ବି ମାନନ୍ତି। ତାଙ୍କ ଫିଲ୍ମ ଭୋର୍ ୩ଟାରୁ ରିଲିଜ ହୁଏ । ଆଉ ଫିଲ୍ମ ରିଲିଜର ଦିନ ତାଙ୍କ ପ୍ରସଂଶକଙ୍କ ପାଇଁ ଦୀପବଳୀ ସଦୃଶ । ବାଣ ଫୁଟାଇ ନାଚି ଗାଇ ରଜନୀଙ୍କ ଫିଲ୍ମର ସ୍ୱାଗତ କରନ୍ତି ଫ୍ୟାନ୍ସ।

ଜାପାନରେ ବି ସୁପରଷ୍ଟାର ରଜନୀ:

ଯଦି ଆପଣ ଭାବୁଛନ୍ତି ଯେ ରଜନୀକାନ୍ତଙ୍କ ପ୍ରଶଂସକ କେବଳ ଭାରତରେ ଅଛନ୍ତି ତେବେ ଆପଣ ଭୁଲ ଭାବୁଛନ୍ତି । ଜାପାନରେ ବି ରଜନୀକାନ୍ତଙ୍କର ସେତିକି ଲୋକପ୍ରିୟତା ଯେତିକି ଏକ ଦେଶର ସୁପରଷ୍ଟାରଙ୍କର ରହିଥାଏ । ଭାରତ ଭଳି ଜାପାନରେ ମଧ୍ଯ ଫିଲ୍ମରେ ତାଙ୍କ ଏଣ୍ଟରିରେ ଜୋର୍ ସୋର୍ରେ ସିଟି ଓ ତାଳି ବାଜେ । ଏପରିକି ତାଙ୍କ ଗୀତ ବାଜିଲେ ସେଠିକାର ଲୋକ ନାଚିବାକୁ ମଧ୍ୟ ଲାଗନ୍ତି।

 

ପଶ୍ଚିମବଙ୍ଗ ନିର୍ବାଚନ: ଚରମସୀମାରେ ରାଜନୈତିକ ହିଂସା, ଶୁଭେନ୍ଦୁଙ୍କ ଗାଡ଼ି ଉପରେ ଆକ୍ରମଣ ଅଭିଯୋଗ

କୋଲକାତା: ଭୋଟ ଦେଉଛି ପଶ୍ଚିମବଙ୍ଗ । ୩୦ଟି ଆସନରେ ହେଉଛି ଭୋଟିଂ । ହେଲେ ସଭିଙ୍କ ନଜର ରହିଛି ନନ୍ଦିଗ୍ରାମ ଉପରେ । ଏହି ହାଇଭୋଲଟେଜ୍ ଆସନରେ ମୁହାଁମୁହିଁ ହେଉଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ସୁପ୍ରିମୋ ମମତା ବାନାର୍ଜୀ ତାଙ୍କ ବିରୋଧରେ ଅଛନ୍ତି ବିଜେପିର ହେଭିୱେଟ ଶୁଭେନ୍ଦୁ ଅଧିକାରୀ । ବାଜିରେ ଲାଗିଛି ଦୁଇ ବରିଷ୍ଠ ନେତାଙ୍କ ରାଜନୈତିକ ଭାଗ୍ୟ ଭବିଷ୍ୟତ ।

କୁହାଯାଉଛି ଯିଏ ବି ଏହି ନିର୍ବାଚନରେ ବାଜିମାତ୍ କରିବା ସେ ଆଗାମି ଦିନରେ ପଶ୍ଚିମବଙ୍ଗ ନିର୍ବାଚନ ପାଇଁ ଏକ ବଡ ଫ୍ୟାକ୍ଟ୍ରର ହେବ । ମମତା ବାନାର୍ଜୀ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ହୋଇଥିବାବେଳେ ଟିଏମସିର ସବୁଠୁ ବଡ ଚେହେରା ଭାବେ ଉଭା ହୋଇଛନ୍ତି । ଯଦି ମମତା ବାନାର୍ଜୀ ଏ ନିର୍ବାଚନରେ ପରାଜୟ ହୁଅନ୍ତି, ତେବେ ତାଙ୍କର ରାଜନୈତିକ ଗୋଟିଚାଳନା ଉପରେ ଉଠିବ ଅନେକ ପ୍ରଶ୍ନ ।

ସେପଟେ ନନ୍ଦିଗ୍ରାମର ଭୁମିପୁତ୍ର କୁହାଯାଉଥିବା ଶୁଭେନ୍ଦୁ ଅଧିକାରୀଙ୍କ ପାଇଁ ସମ୍ମାନର ପ୍ରଶ୍ନ ହୋଇଛି ଏହି ନିର୍ବାଚନ । ନନ୍ଦିଗ୍ରାମର ଘରେ ଘରେ ପରିତିତ ଶୁଭେନ୍ଦୁ ଯଦି ଏହି ନିର୍ବାଚନ ହାରନ୍ତି, ତେବେ ଆଗାମି ଦିନରେ କଣ ରହିବ ତାଙ୍କର ରାଜନୈତିକ ଭବିଷ୍ୟତ ତାକୁ ନେଇ ଉଠିବ ପ୍ରଶ୍ନ । ଏଭଳି ସମୟରେ ଉଭୟ ଉଭୟଙ୍କୁ ମାତ୍ ଦେବା ପାଇଁ ପଣ ଖାଇଛନ୍ତି । ଆଜି ନନ୍ଦିଗ୍ରାମରେ ଭୋଟ ହେଉଥିବାବେଳେ ନିଜର ମତଦାନ ସାବ୍ୟସ୍ତ କରିଥିଲେ ଶୁଭେନ୍ଦୁ ଅଧିକାରୀ । ବିପୁଳ ଭୋଟରେ ବିଜୟୀ ହେବା ନେଇ ଦମ୍ଭ ଦେଖାଇଥିଲେ ଶୁଭେନ୍ଦୁ ।

ଅନ୍ୟପଟେ ନିର୍ବାଚନରେ ଦେଖାଦେଇଛି ରାଜନୈତିକ ହିଂସା । ପଶ୍ଚିମ ମେଦିନିପୁରର କେଶପୁରରେ ବିଜେପି ଏଜେଣ୍ଟଙ୍କ ଗାଡି ଉପରକୁ ଆକ୍ରମଣ ହୋଇଥିବା ଅଭିଯୋଗ ହୋଇଛି । ଟିଏମସି କର୍ମୀମାନେ ଏହି ହିଂସାକାଣ୍ଡ ଘଟାଇଥିବା ଅଭିଯୋଗ କରିଛି ବିଜେପି । ସେହିଭଳି ବିଜେପି ପ୍ରାର୍ଥୀ ଭାରତି ଘୋଷ ଟିଏମସି ଉପରେ ଗୁଣ୍ଡାଗର୍ଦି କରିବାର ଅଭିଯୋଗ ଆଣିଛନ୍ତି । ଏ ନେଇ ସେ ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି । ପରିସ୍ଥିତିର ମୁକାବିଲା ପାଇଁ କେନ୍ଦ୍ରୀୟ ବାହିନୀ ସହ ପଶ୍ଚିମବଙ୍ଗ ପୋଲିସ ମଧ୍ୟ ମୁତୟନ ହୋଇଛନ୍ତି ।

ଟିକା ପରେ କରୋନା ? କାହିଁକି ଡରିବାର କିଛି ନାହିଁ, ଜାଣନ୍ତୁ…

ନୂଆଦିଲ୍ଲୀ: ମାର୍ଚ୍ଚ ୧୮ ତାରିଖ, ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନ ଚୀନର କମ୍ପାନୀ ସିନୋଫାର୍ମ ଦ୍ୱାରା ପ୍ରସ୍ତୁତ କରୋନୋଭାଇରସ ଟିକା ଗ୍ରହଣ କରିଥିଲେ । କିନ୍ତୁ ୨୦ ତାରିଖ ହୋଇଥିବା ଯାଞ୍ଚରେ ଇମରାନଙ୍କ କରୋନା ରିପୋର୍ଟ ପଜିଟିଭ ଚିହ୍ନଟ ହୋଇଥିଲା । ଏହାପରେ ଚୀନ ଭ୍ୟାକସିନକୁ ନେଇ ଅନେକ ଆଶଙ୍କା ପ୍ରକାଶ ପାଇବା ସହ ସମାଲୋଚକମାନଙ୍କୁ ଉତ୍ସବ ପାଳନ କରିବା ପାଇଁ ଆଉ ଏକ ସୁଯୋଗ ମିଳିଥିଲା । ଅବଶ୍ୟ ଏହି ମାମଲାରେ ଉଭୟ ଭୁଲ ପ୍ରମାଣିତ ହୋଇଥିଲେ । ଏହି ଟିକା ଏକ ପ୍ରଶିକ୍ଷକ ପରି । ଟିକା ନେବା ପରେ ଆପଣଙ୍କ ଶରୀରରେ ଥିବା ଜୀବାଣୁ ସହିତ ଲଢ଼ିବା ପାଇଁ ଆପଣଙ୍କ ଇମ୍ୟୁନ ସିଷ୍ଟମକୁ ଟ୍ରେଣ୍ଡ କରିବାକୁ ଅନେକ ସପ୍ତାହ ଲାଗିଥାଏ ।

ଭ୍ୟାକସିନ ନେବା ପରେ ମଧ୍ୟ ହୋଇପାରେ କରୋନା

ଇମରାନ ଖାନଙ୍କ ଶରୀରରେ କରୋନା ଟିକାକୁ କାମ କରିବାକୁ ଅତି କମରେ ୨ ଦିନ ମିଳିଥିଲା । ସମ୍ଭବତଃ ଇମରାନ ଟିକା ନେବା ପୂର୍ବରୁ ହିଁ ତାଙ୍କ ଶରୀରରେ କରୋନା ଭାଇରସ ଉପସ୍ଥିତ ଥିଲା । ଏଭଳି ପରିସ୍ଥିତରେ ଇମରାନଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିବାର ଅର୍ଥ ଏହା ନୁହେଁ ଯେ, ଭ୍ୟାକସିନ ସଠିକ ଭାବରେ କାମ କରିନଥିଲା । କିନ୍ତୁ କଣ ଏମିତି ଅନ୍ୟ ମାମଲା ରହିଛି ଯେଉଁଠି କରୋନା ଭ୍ୟାକସିନ କାମ କରିବାରେ ଅସଫଳ ହୋଇଛି ? ଏମିତିରେ ପ୍ରଶ୍ନ ଉଠିବା ସ୍ୱାଭାବିକ ଯେ, କରୋନା ଭ୍ୟାକସିନ ନେବା ପରେ ମଧ୍ୟ ଆପଣଙ୍କୁ କରୋନା ହେବାର ସମ୍ଭାବନା ରହିଛି କି ?

ତେବେ ଏହାର ଉତ୍ତର ହେଉଛି… ହଁ, ଠିକ ଭାବରେ ଭ୍ୟାକସିନ ନେବା ପରେ ମଧ୍ୟ ମନୁଷ୍ୟ ଶରୀରର ଏକ ଛୋଟ ଅଂଶରେ କରୋନା ଭାଇରସ ହେବାର ସମ୍ଭାବନା ରହିଛି । ବିଶ୍ୱବ୍ୟାପି ଅନେକ ଲୋକଙ୍କୁ କରୋନା ଭ୍ୟାକସିନ ଦେବା ପରେ ଏଭଳି ମାମଲା ସାମ୍ନାକୁ ଆସିବା ସ୍ୱାଭାବିକ କଥା ଅଟେ । ତେବେ ଏଭଳି କାହିଁକି ହୋଇଥାଏ, ଏହାକୁ ଭ୍ୟାକସିନର ଅସଫଳତା ଦର୍ଶାଇବା ଠିକ୍ ଅଟେ କି ?

ଜାଣନ୍ତୁ କଣ ଏହି ‘ବ୍ରେକ ଥ୍ରୁ’ ମାମଲା

କରୋନା ଭ୍ୟାକସିନ ନେବା ପରେ ଯେଉଁ କରୋନା ଇନଫେକସନ ମାମଲା ସାମ୍ନାକୁ ଆସୁଛି ତାକୁ ‘ବ୍ରେକ ଥ୍ରୁ’ କେସ କୁହାଯାଏ । କିନ୍ତୁ ଏଥିରେ ମଧ୍ୟ ଏକ ସର୍ତ୍ତ ରହିଛି, କରୋନା ଭାକସିନର ଦୁଇଟି ଯାକ ଡୋଜ ନେବାର ୧୪ ଦିନ ପରେ ଯଦି ଆପଣ କରୋନା ପଜିଟିଭ ଚିହ୍ନଟ ହେଉଛନ୍ତି ତେବେ ତାହାକୁ ‘ବ୍ରେକ୍ ଥ୍ରୁ’ ମାମଲା କୁହାଯିବ ।

ଆଣ୍ଟିବଡ଼ୀ ପ୍ରସ୍ତୁତ ହେବା ପାଇଁ ସମୟ ଆବଶ୍ୟକ

Johns Hopkins Center for Health Security ର ଅମେଶ-ଏ-ଅଦଲଜାଙ୍କ ସୂଚନା ଅନୁଯାୟୀ ଭ୍ୟାକସିନ ପାଇଁ ସମୟ ସୀମା ଆବଶ୍ୟକ, କାହିଁକି ନା ଆପଣଙ୍କ ଶରୀରରେ SARS-CoV-2 (କରୋନା ଭାଇରସ) କୁ ରୋକିବା ପାଇଁ ଆଣ୍ଟିବଡ଼ୀ ପ୍ରସ୍ତୁତ ହେବା ପାଇଁ ପର୍ଯ୍ୟପ୍ତ ସମୟ ମିଳିବା ନିହାତି ଆବଶ୍ୟକ । ଫୋର୍ବସରେ ପ୍ରକାଶିତ ଏକ କଲମରେ ବୈଜ୍ଞାନିକ ହୈସେଲ୍ଟାଇନ ଇସରାଏଲର ରିସର୍ଚ୍ଚ ବିଷୟରେ ଉଲ୍ଲେଖ କରିଛନ୍ତି । ତାଙ୍କ କହିବା ଅନୁଯାୟୀ ଭ୍ୟାକସିନର ପ୍ରଥମ ଡୋଜ ନେଇଥିବା ବ୍ୟକ୍ତିମାନଙ୍କୁ ପ୍ରଥମ ୧୨ ଦିନରେ କରୋନା ସଂକ୍ରମଣ ହେବାର ସମ୍ଭାବନା ରହିଛି । ଏମିତିକି ୧୭ ଦିନ ପରେ ମଧ୍ୟ ଭ୍ୟାକସିନ ନେଇଥିବା ୬୦ରୁ ୮୦ ପ୍ରତିଶତ ଲୋକ କରୋନା ସଂକ୍ରମିତ ହେବାର ଆଶଙ୍କା ରହିଛି ।

କୌଣସି ଭ୍ୟାକସିନ ଶତ ପ୍ରତିଶତ କାର୍ଯ୍ୟ କରିନଥାଏ

ବ୍ଲୁମବର୍ଗର ଫାର୍ମା ଇଣ୍ଡଷ୍ଟ୍ରୀ ଏନାଲିଷ୍ଟ ସାମ ଫାଜଲୀଙ୍କ କହିବା ଅନୁଯାୟୀ, ଏମିତି ଏକ ଭ୍ୟାକସିନ ଥିଲା ଯାହା ଶତ ପ୍ରତିଶତ ଇମ୍ୟୁନିଟି ପ୍ରସ୍ତୁତ କରୁଥିଲା । ତାହା ଏତେ ପ୍ରଭାବୀ ଥିଲା ଯେ, ଚେଚକ ନାମକ ଏକ ଭାଇରସକୁ ସମୂଳେ ନାଶ କରିଥିଲା । କିନ୍ତୁ ଏମିତି ଷ୍ଟରଲାଇଜିଙ୍ଗ ଇମ୍ୟୁନିଟି ମିଳିବା ଦୁର୍ଲଭ, ଯାହା ରୋଗ ସହ ସଂକ୍ରମଣକୁ ମଧ୍ୟ ପୁରାପୂରି ରୋକି ପାରିବ ।

କରୋନା ଭାଇରସକୁ ନେଇ ବୈଜ୍ଞାନିକ ମାନେ ୫୦ ପ୍ରତିଶତ ଆଶାବାଦୀ ଥିଲେ । ସୌଭାଗ୍ୟବଶତଃ ସମସ୍ତ ସ୍ୱୀକୃତିପ୍ରାପ୍ତ ଭ୍ୟାକସିନର ପ୍ରଭାବିକତା ହାର ୯୫ ପ୍ରତିଶତ ରହିଛି । ତଥାପି ସବୁଠୁ ଉନ୍ନତ ମାନର ଭ୍ୟାକସିନ ମଧ୍ୟ ଆପଣଙ୍କୁ ଶତ ପ୍ରତିଶତ ସୁସ୍ଥତାର ଗ୍ୟାରେଣ୍ଟି ଦେଇପାରିବ ନାହିଁ ।

ହଲିଉଡ୍ ସେଲେବ୍ରିଟି ହେଉଛନ୍ତି ହିନ୍ଦୁ ଧର୍ମ ପ୍ରତି ଆକୃଷ୍ଟ

ବିଶ୍ୱର ସର୍ବପୂରାତନ ଧର୍ମ ହେଉଛି ସନାତନ ଧର୍ମ ବା ହିନ୍ଦୁ ଧର୍ମ। ଏହି ଧର୍ମକୁ ଶାନ୍ତିର ଧର୍ମ କୁହାଯାଏ । ଆଉ ବିଶ୍ୱାସ ରହିଛି ଯେ ଏହି ଧର୍ମକୁ ଯିଏ ଗ୍ରହଣ କରେ ତାକୁ ଶାନ୍ତି ମିଳେ । ବିଶ୍ୱର ପ୍ରାୟ ୧୦୦ କୋଟିରୁ ଉର୍ଦ୍ଧ୍ୱ ଲୋକ ଏହି ଧର୍ମରେ ବିଶ୍ୱାସ କରନ୍ତି। ହିନ୍ଦୁ ଧର୍ମ ପ୍ରକୃତରେ ଏକ ଧର୍ମ ନୁହେଁ ଏହା ଏକ ଅନନ୍ୟ ବିଶ୍ୱାସ। ଏହା ଏକ ଜୀବନ ବଞ୍ଚିବାର ମାର୍ଗ। ଦିନ୍ଦୁ ଧର୍ମର ଶିକ୍ଷା ସର୍ବଦା ସାରା ବିଶ୍ୱର ଲୋକଙ୍କୁ ଆକର୍ଷିତ କରିଥାଏ। କେବଳ ଭାରତରେ ନୁହେଁ ବହୁ ବିଦେଶୀ ଲୋକ ମଧ୍ୟ ହିନ୍ଧୁ ଧର୍ମରେ ଆସ୍ଥା ରଖନ୍ତି। ଆଉ ଏମାନଙ୍କ ମଧ୍ୟ ବହୁ ହଲିଉଡ ସେଲେବ୍ରିଟି ଓ ବିଜନେସ ଟାଇକୁନ ମଧ୍ୟ ଅଛନ୍ତି।

ଆଲଫ୍ରେଡ ଫୋର୍ଡ଼: ବିଶ୍ୱର ସବୁଠୁ ଦାମୀ କାର ମଧ୍ୟରେ ଥିବା ‘ଫୋର୍ଡ’ କମ୍ପାନୀର ଉତ୍ତରାଧିକାରୀ ଆଲଫ୍ରେଡ ଫୋର୍ଡ ନିଜର ଜୀବନକୁ କୃଷ୍ଣ ଭକ୍ତିରେ ଉତ୍ସର୍ଗ କରିଛନ୍ତି। ଖ୍ରୀଷ୍ଟିଆନ ପରିବାରରେ ଜନ୍ମ ଆଲଫ୍ରେଡଙ୍କର ସବୁବେଳେ ହିନ୍ଦୁ ଧର୍ମ ପ୍ରତି ଦୁର୍ବଳତା ଥିଲା । ତେଣୁ ସେ ନିଜର ଧର୍ମ ପରିବର୍ତ୍ତନ କରି ହିନ୍ଦୁ ହୋଇଯାଇଥିଲେ। ଏବେ ସେ ନିଜର ନାଁ ପରିବର୍ତ୍ତନ କରି ଅମିରିଶ ଦାସ ରଖିଛନ୍ତି । ସେ ଲୋକଙ୍କ ଆଦ୍ଧାତ୍ମିକତା ଉପରେ ପ୍ରବଚନ ମଧ୍ୟ ଦିଅନ୍ତି । ଆଲଫ୍ରଡ୍ ଅମରିଶ ପ୍ରଭୁ ନାମରେ ଜଣାଶୁଣା । ଆଲଫ୍ରେଡ୍ କୁହନ୍ତି ଯେ ଜୀବନର ସମସ୍ତ ସମସ୍ୟାର ସମାଧାନ ହିନ୍ଦୁ ଧର୍ମର ବେଦ ଓ ଗ୍ରନ୍ଥରେ ଲୁଚି ରହିଛି । ତେଣୁ ଯେବେ ବି ସମୟ ମିଳୁଛି ନିଜ ଗ୍ରନ୍ଥକୁ ନିଶ୍ଚୟ ପଢ଼ନ୍ତୁ ।

ଜୁଲିଆ ରୋବର୍ଟସ୍ : ହଲିଉଡର ଲୋକପ୍ରିୟ ଅଭିନେତ୍ରୀ ଜୁଲିଆ ରୋବର୍ଟ ୧୧ ବର୍ଷ ତଳେ ଖୁଲାସା କରିଥିଲେ ଯେ ସେ ଖ୍ରୀଷ୍ଟିଆନ ଧର୍ମ ତ୍ୟାଗ କରି ହିନ୍ଦୁ ଧର୍ମ ଗ୍ରହଣ କରିଛନ୍ତି। ୨୦୧୦ ମସିହାରେ ଏକ ପତ୍ରିକାକୁ ଦେଇଥିବା ସାକ୍ଷାତକାରରେ ସେ ଏହି ଘୋଷଣା କରିଥିଲେ। ଜୁଲିଆ ଆମେରିକାର ଜର୍ଜିଆରେ ଜନ୍ମଗ୍ରହଣ କରିଥିଲେ। ଯେଉଁଠାରେ କ୍ୟାଥୋଲିକ୍ ବା ଖ୍ରୀଷ୍ଟିଆନ ଧର୍ମର ଏତେପ୍ରଚଳନ ଯେ ଯେ ଏହାକୁ ବାଇବେଲ ବେଲ୍ଟ କୁହାଯାଏ । ବ୍ୟାଟିଷ୍ଟ ଓ କ୍ୟାଥିଲିକ ମାତାପିତାଙ୍ଠୁ ଜନ୍ମ ନେଇଥିବା ଜୁଲିଆ ନିଜ ଆଗାମୀ ଜନ୍ମରେ ସୁଖ ଓ ଶାନ୍ତିର ଜୀବନ ପାଇବା ଆଶାରେ ହିନ୍ଦୁ ଧର୍ମ ସ୍ୱୀକାର କରିନେଲେ। ସେ ୨୦୧୦ରେ ନିଜ ଫିଲ୍ମ’ଇଟ୍ ପ୍ରେ ଲଭ’ର ଶୁଟିଂ ପାଇଁ ଭାରତ ଆସିଥିଲେ । ଯେଉଁଠି ସେ ହିନ୍ଦୁ ଧର୍ମ ବିଷୟରେ ଜାଣିବାକୁ ପାଇଥିଲେ। ଆଉ ସେବେଠୁ ହିଁ ସେ ହିନ୍ଦୁ ହୋଇଗଲେ।

ସିଲଭେଷ୍ଟର ଷ୍ଟାଲୋନ: ସୁପରହିଟ୍ ହଲିଉଡ ଧାରାବାହିକ ‘ରାମ୍ବୋ ରକର୍ସ’ର ଲୋକପ୍ରିୟ ଅଭିନେତା ସିଲଭେଷ୍ଟର ଷ୍ଟାଲୋନଙ୍କର ମଧ୍ୟ ସନାତନ ଧର୍ମ ଉପରେ ବିଶ୍ୱାସ ରହିଛି। ତାଙ୍କର କାହାଣୀ ବହୁତ ଅଦ୍ଭୁତ । ପ୍ରାୟ ଚାରି ବର୍ଷ ପୂର୍ବେ ସିଲଭେଷ୍ଟରଙ୍କ ୧୪ ବର୍ଷର ପୁଅ ସାଗେଙ୍କର ମୃତ୍ୟୁ ହୋଇଥିଲା । ସେହି ଦିନଠାରୁ ସେ ଡିପ୍ରେଶନରେ ଥିଲେ । ତାଙ୍କୁ ସବୁବେଳେ ନିଜ ଚାରିପାଖରେ ତାଙ୍କ ପୁଅ ଆତ୍ମାର ଉପସ୍ଥିତି ଅନୁଭବ ହେଉଥିଲା । ଯେଉଁଥିପାଇଁ ସେ ସବୁବେଳେ ବିଚଳିତ ହେଉଥିଲେ । ଏହା ପରେ ତାଙ୍କର ଜଣେ ହିନ୍ଦୁ ବନ୍ଧୁ ତାଙ୍କୁ ପୁଅର ଆତ୍ମାର ଶାନ୍ତି ପାଇଁ ପିଣ୍ଡଦାନ କରିବାକୁ ପରାମର୍ଶ ଦେଇଥିଲେ । ଏହା ପରେ ସେ ହରିଦ୍ୱାରରେ ପୁଅର ପିଣ୍ଡଦାନ କରିଥିଲେ । ଯାହାପରେ ତାଙ୍କୁ ଶାନ୍ତି ମିଳିଥିଲା । ଆଉ ଏହାପରେ ତାଙ୍କ ମନରେ ସନାତନ ଧର୍ମ ପ୍ରତି ବିଶ୍ୱାସ ଜାଗ୍ରତ ହେଲା। ଏବେ ସେ ନିଜର ଇଶାଇ ଧର୍ମ ସହ ହିନ୍ଦୁ ଧର୍ମକୁ ବି ମାନନ୍ତି ।

ମାର୍କ ଜୁକରବର୍ଗ: ଫେସବୁକ ପ୍ରତିଷ୍ଠାତା ମାର୍କ ଜୁକରବର୍ଗଙ୍କ କାହାଣୀ ମଧ୍ୟ ଅତ୍ୟନ୍ତ ରୋଚକ । ବାରମ୍ବାର ବିଫଳତା ଯୋଗୁ ସେ ବହୁତ ନିରାଶ ହୋଇଯାଇଥିଲେ ଓ ଭାଙ୍ଗିପଡ଼ିଥିଲେ। ଏହି ସମୟରେ ସେ ଭାରତ ଆସିଥିଲେ। ଆଉ ଦେବଭୂମି ଉତ୍ତରାଖଣ୍ଡରେ ପହଞ୍ଚିଥିଲେ। ଯେଉଁଠାରେ ସେ ହନୁମାନ ଭକ୍ତ ତଥା ମହାନ ସାଧକ ନିମ୍ କାରୋଲି ବାବାଙ୍କୁ ଭେଟିଥିଲେ। ଯାହାଙ୍କୁ ସେଠି ହନୁମାନଙ୍କ ଅବତାର ବୋଲି କୁହାଯାଏ । ବାବା ଜୁକରବର୍ଗଙ୍କୁ ଜୀବନ ପ୍ରକୃତ ମାର୍ଗ ଦେଖାଇଥିଲେ । ଯାହା ତାଙ୍କ ଜୀବନରେ ଆଣିଦେଇଥିଲା ନୂଆ ମୋଡ଼। ଆଉ ଏହା ପରେ, ଜୁକରବର୍ଗ ଏବଂ ଫେସବୁକର ସଫଳତାର କାହାଣୀ ଇତିହାସ ସୃଷ୍ଟି କଲା ।

ଷ୍ଟିଭ ଜବ୍ସ: ଯେବେବି ସବୁଠୁ ମହଙ୍ଗା ମୋବାଇଲ କଥା ପଡ଼େ ତେବେ ଆପଣଙ୍କ ମନେର ପ୍ରଥମେ ଆପଲ ର ନାଁ ଆସେ । ଆପଲ୍ କମ୍ପାନୀର ପ୍ରତିଷ୍ଠାତା ଷ୍ଟିଭ ଜବ୍ସଙ୍କର ବି ହିନ୍ଦୁ ଧର୍ମ ପ୍ରତି ରହିଥିଲା ବିଶ୍ୱାସ । ୨୦୧୧ରେ ସେ ମୃତ୍ୟୁ ବରଣ କରିଥିଲେ। କିନ୍ତୁ ସେ ବଞ୍ଚିବା ପର୍ଯ୍ୟନ୍ତ ଭାରତର ଆଧ୍ୟାତ୍ମିକତା ପ୍ରତି ଗଭୀର ଭାବରେ ପ୍ରଭାବିତ ହୋଇଥିଲେ। ସେ ମଧ୍ୟ ଉତ୍ତରାଖଣ୍ଡର ପ୍ରସିଦ୍ଧ ସନ୍ଥ ନିମ୍ କାରୋଲି ବାବାଙ୍କର ଶିଷ୍ୟ ଥିଲେ। ସନାତନ ଧର୍ମ ଉପରେ ଷ୍ଟିଭ ଜବ୍ସଙ୍କର ଅଗାଢ଼ ବିଶ୍ୱାସ ଥିଲା । ଷ୍ଟିଭ ହିଁ ଫେସବୁକ ପ୍ରତିଷ୍ଠାତା ମାର୍କ ଜୁକରବର୍ଗଙ୍କୁ ନିମ୍ କାରୋଲି ବାବାଙ୍କ ନିକଟକୁ ଯିବାକୁ ପରାମର୍ଶ ଦେଇଥିଲେ। ମୃତ୍ୟୁ ପୂର୍ବରୁ ସେ ବହୁଥର ଭାରତରେ ମନ୍ଦିର ଦର୍ଶନ କରିବାକୁ ଆସିଥିଲେ । ତାଙ୍କୁ ଯେବେ ବି ସମୟ ମିଶଳୁଥିଲା ସେ ଆସି ମନ୍ଦିରେ ବସୁଥିଲେ । ସେ କହୁଥିଲେ ଯେ ତାଙ୍କୁ ମନ୍ଦିରରେ ଶାନ୍ତି ମିଳେ।

ରବର୍ଟ ଡାଉନି ଜୁନିଅର: ଆଇରନ ମ୍ୟାନ ଭାବେ ଘରେ ଘରେ ଲୋପ୍ରିୟ ରବର୍ଟ ଡାଉନି ଜୁନିଅର୍ ବୌଦ୍ଧ ଧର୍ମରେ ବିଶ୍ୱାସ କରନ୍ତି, ଆଉ ସେ ଏହାକୁ ହିନ୍ଦୁ ଧର୍ମର ଅଂଶ ମାନନ୍ତି। ସେ କୃଷ୍ଣ ଚେତନାକୁ ଅନୁସରଣ କରନ୍ତି ଓ ସେ ଇସ୍କନର ଅନୁଗାମୀ ମଧ୍ୟ। ଭଗବାନ କୃଷ୍ଣଙ୍କ ଉପରେ ତାଙ୍କର ଅଗାଢ଼ ବିଶ୍ୱାସ। ସେ ସବୁବେଳେ କୁହନ୍ତି ଯେ ଯଦି ଜୀବନରେ କିଛି ବି ସମସ୍ୟା ଅଛି ତେବେ ଭଗବତ ଗୀତା ପଢ଼। ଏଥିସହ ସେ ସମସ୍ତଙ୍କୁ ପରାମର୍ଶ ଦିଅନ୍ତି ଯେ ଯଦି ତୁମେ ମୁକ୍ତି ପାଇବାକୁ ଚାହଁ ତେବେ ଶାନ୍ତିର ଧର୍ମ ସନାତନ ଧର୍ମକୁ ଅନୁସରଣ କର।

ଗୀତ କହୁଛି ଉତ୍କଳର ଐତିହ୍ୟ ଗାଥା, ଭିଡିଓ ରିଲିଜ କଲେ ରାଜ୍ୟପାଳ

ଭୁବନେଶ୍ବର: ପବିତ୍ର ଉତ୍କଳ ଦିବସରେ ରିଲିଜ ହୋଇଛି ଏ ମାଟି ଓଡ଼ିଶା, ଜାତି ଓଡ଼ିଆ ସଙ୍ଗୀତ । ରାଜଭବନରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଏହାକୁ ରିଲିଜ କରିଛନ୍ତି । ମୁଖ୍ୟମନ୍ତ୍ରୀ ମଧ୍ୟ ଏହି ରିଲିଜ କାର୍ଯ୍ୟକ୍ରମରେ ଭର୍ଚୁଆଲ ମାଧ୍ୟମରେ ଉପସ୍ଥିତ ଥିଲେ। ଗୀତକୁ ବସନ୍ତରାଜ ସାମଲ ଲେଖିଥିବା ବେଳେ ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦ ନିର୍ଦ୍ଦେଶନା ଦେଇଛନ୍ତି ।

ଐତିହ୍ୟ ଓ କୀର୍ତ୍ତିରେ ଭରପୂର ଏ ରାଜ୍ୟ ଉତ୍କର୍ଷତା ହେତୁ ନାମ ଉତ୍କଳ । ଆଜିର ଦିନରେ ଭାଷାଭିତ୍ତିକ ରାଜ୍ୟ ଭାବେ ପ୍ରତିଷ୍ଠିତ ଲାଭ ହୋଇଥିବା ଓଡିଶାକୁ ପୁଣି ମନେପକାଇ ଦେଇଛି ଏହି ଗୀତ । ସାଢ଼େ 5 ମିନିଟର ଭିଡିଓରେ ଓଡ଼ିଶାର କଳା, ସଂସ୍କୃତି ଓ ଐତିହ୍ୟ ଉପସ୍ଥାପନା କରାଯାଇଛି ।

ଲୁପ୍ତ ହୋଇଯାଉଥିବା ଓଡିଆ ଘରର ପୂର୍ବ ଐତିହ୍ୟ ଏଥିରେ ଉଜ୍ଜୀବିତ ହୋଇଛି । ରାଜ୍ୟର ଅନେକ ସୁପ୍ରସିଦ୍ଧ କଣ୍ଠଶିଳ୍ପୀ ଏଥିରେ କଣ୍ଠଦାନ କରିଛନ୍ତି । ସେହିପରି କ୍ରୀଡା, ସଂସ୍କୃତି ସହ ପ୍ରତିଟି ଓଡିଆର ସ୍ପନ୍ଦନ ମହାପ୍ରଭୁ ଜଗନ୍ନାଥକୁ ମଧ୍ୟ ଭିଡିଓରେ ଉଲ୍ଲେଖ ରହିଛି । ସବୁଠାରୁ ବଡ କଥା ହେଉଛି ମ୍ୟୁଜିକ ଭିଡିଓରେ ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କ ସହ ଏହି ସଙ୍ଗୀତରେ 14 ଜଣ କଳାକାର ନଜର ଆସିଛନ୍ତି ।

ଲକ୍ଷ୍ମୀପ୍ରସାଦ ସରପଞ୍ଚଙ୍କ ବିରୋଧରେ ଅନାସ୍ଥା ପ୍ରସ୍ତାବ, ୨୦ ତାରିଖରେ ଭୋଟିଂ

ନୟାଗଡ଼: ଲକ୍ଷ୍ମୀପ୍ରସାଦ ପଞ୍ଚାୟତ ସରପଞ୍ଚ ସୌମ୍ୟରଞ୍ଜନ ପ୍ରଧାନଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଗତ । ସରପଞ୍ଚ ସୌମ୍ୟରଞ୍ଜନ ପ୍ରଧାନଙ୍କ ବିରୋଧରେ ପଞ୍ଚାୟତର ଏକ ତୃତୀୟାଂଶରୁ ଅଧିକ ସଭ୍ୟ ଓ ସଭ୍ୟା ଅନାସ୍ଥା ପ୍ରସ୍ତାବ ଦେଇଛନ୍ତି । ଅନାସ୍ଥା ପ୍ରସ୍ତାବ ନେଇ ଲକ୍ଷ୍ମୀପ୍ରସାଦ ପଞ୍ଚାୟତର ଏକ ତୃତୀୟାଂଶରୁ ଅଧିକ ସଭ୍ୟ ଓ ସଭ୍ୟାଙ୍କ ସ୍ବାକ୍ଷରିତ ବରଦି ପତ୍ର ନୟାଗଡ଼ ଉପଜିଲ୍ଲାପାଳଙ୍କ ହସ୍ତଗତ ହୋଇଛି ।

ଆସନ୍ତା ୨୦ ତାରିଖରେ ଅନାସ୍ଥା ପ୍ରସ୍ତାବ ଉପରେ ଗ୍ରାମ ପଞ୍ଚାୟତ ଆଇନ ୧୯୬୪ର ଧାରା ୨୪ ଅନୁସାରେ ବୈଠକ ବସିବା ସହିତ ଭୋଟିଂ ହେବ । ଏନେଇ ନୟାଗଡ଼ ଉପଜିଲ୍ଲାପାଳ ନୋଟିସ ଜାରି କରିଛନ୍ତି । ସୂଚନା ଅନୁଯାୟୀ ଲକ୍ଷ୍ମୀପ୍ରସାଦ ପଞ୍ଚାୟତ ଅଫିସରେ ଏହି ବୈଠକ ଓ ଭୋଟିଂ ହେବ ।

ସରପଞ୍ଚଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଆଲୋଚନା ହେବାକୁ ଥିବା ବୈଠକକୁ ଉପଖଣ୍ଡ ପଞ୍ଚାୟତ ଅଧିକାରୀ ମନୋରଞ୍ଜନ ମହାନ୍ତି ପରିଚାଳନା କରିବେ । ବୈଠକରେ ପଞ୍ଚାୟତର ସମସ୍ତ ସଭ୍ୟ ଓ ସଭ୍ୟା ଉପସ୍ଥିତ ରହିବାକୁ ନୟାଗଡ଼ ଉପଜିଲ୍ଲାପାଳ ନୋଟିସ ଜାରି କରିଛନ୍ତି ।

ଗୁଗୁଲ୍ ସର୍ଚ୍ଚ କରି ଇଞ୍ଜେକସନ ଦେଲେ ଡାକ୍ତର, ୬ ମାସ ଶିଶୁର ଚାଲିଗଲା ଜୀବନ

ନବରଙ୍ଗପୁର: ଗୁଗୁଲରୁ ସର୍ଚ୍ଚ କରି ଇଞ୍ଜେକ୍ସନ ଲେଖିଲେ ଡାକ୍ତର, ୬ ମାସ ଶିଶୁର ଚାଲି ଗଲା ଜୀବନ । ଏପରି ଘଟଣା ଘଟିଛି ନବରଙ୍ଗପୁର ଜିଲ୍ଲା ଡାବୁଗାଁ ମେଡିକାଲରେ । ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ଅନ୍‌ଲାଇନ୍‌ ସର୍ଚ୍ଚ କରି ଇଂଜେକସନ ଲେଖିବାରୁ ସେହି ଇଞ୍ଜେକସନ ନେଇ ଶିଶୁପୁତ୍ରର ମୃତ୍ୟୁ ଘଟିଥିବା ପରିବାର ଲୋକ ଅଭିଯୋଗ କରିଛନ୍ତି ।

ସୂଚନା ଯୋଗ୍ୟ, ପାପଡାହାଣ୍ଡି ବ୍ଲକ ନୀଳାବତୀ ଗୁଡା ଗାଁର ପ୍ରଶାନ୍ତ ବିଶୋଇଙ୍କ ୬ମାସର ପୁଅ ଦେହ ଖରାପ ହେବାରୁ ଡାବୁଗାଁ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ଚିକିତ୍ସା ସମୟରେ ଡାକ୍ତର ସନଲପ ପଟ୍ଟନାୟକ ଶିଶୁକୁ ଚିକିତ୍ସା କରିବା ନେଇ ଫୋନରେ ଗୁଗଲ୍ ସର୍ଚ୍ଚ କରି ଇଂଜେକସନ ଲେଖିଥିଲେ ଓ ଡ୍ୟୁଟିରେ ଥିବା ନର୍ସଙ୍କୁ ଶିଶୁକୁ ଇଂଜେକସନ ଦେବା ପାଇଁ କହିଥିଲେ ।

ଇଂଜେକସନ ଦେବାର କିଛି ସମୟ ପରେ ଶିଶୁଟିର ଜୀବନ ଚାଲି ଯାଇଥିଲା । ଶିଶୁର ମୃତ୍ୟୁ ପରେ ଡାକ୍ତର ସନଲପ କୁଆଡେ ପଳାଇଥିବା ଅଭିଯୋଗ ହୋଇଛି । ଏନେଇ ଡାକ୍ତରଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ ହେଁ ଯୋଗାଯୋଗ ହୋଇପାରିନଥିବା ସୂଚନା ରହିଛି ।