spot_img
Home Blog Page 5960

ଉପନିର୍ବାଚନ ହାରିଯିବା ଭୟରେ ହିନ ଚକ୍ରାନ୍ତ କରୁଛି ବିଜେପି: ରୁଦ୍ର

ପିପିଲି: ପିପିଲ ଉପନିର୍ବାଚନ ପ୍ରଚାର ରାଲିରେ ବିଜେପି କର୍ମୀଙ୍କୁ ବିଜେଡି କର୍ମୀଙ୍କ ଆକ୍ରମଣ ଅଭିଯୋଗ ଘଟଣା । ରାଇଗୁରପୁରୁ ଗାଁରେ ବିଜେପିର ପ୍ରାର୍ଥୀ ପ୍ରଚାର କରୁଥିବା ସମୟରେ ଜଣେ ବିଜେଡି କର୍ମୀ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଅଭିଯୋଗ ଉପରେ ପ୍ରତିକ୍ରିୟା ରଖିଛି ବିଜେଡି । ଦଳ ପକ୍ଷରୁ କୁହାଯାଇଛି ଯେ ବିଜେଡି କେବେ ବି ହିଂସାକୁ ପ୍ରଶୟ ଦିଏନାହିଁ । ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ଓ ମନଗଢ଼ା । ବିଜେପି କେବଳ ପରାଜୟ ଭୟରେ ଏଭଳି ମିଥ୍ୟା ଅଭିଯୋଗ କରୁଛି ବୋଲି ବିଜେଡି ପ୍ରାର୍ଥୀ ରୁଦ୍ର ମହାରଥୀ କହିଛନ୍ତି ।

BJP Attack Allegation In Fear Of Loss Pipili Bye Poll Says BJD Candidate Rudra

ଆକ୍ରମଣ ନେଇ ବିଜେପି ମିଛ ଅଭିଯୋଗ କରି ଧାରଣା ଦେଇ ଶସ୍ତା ମାଇଲେଜ୍ ନେବା ପାଇଁ ଏଭଳି ନାଟକ କରୁଛି । ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ ଦାବିରେ ବିଜେପି ଥାନା ଘେରାଉ କରିଥିଲା । ସେପଟେ ବିଜେପିର ନାଟକବାଜି ପ୍ରତିବାଦରେ ବିଜେଡି କର୍ମୀମାନେ ଥାନା ଘେରାଉ କରିଥିଲେ । ଏହାକୁ ନେଇ କିଛି ସମୟ ପାଇଁ ପିପିଲି ଥାନା ସମ୍ମୁଖରେ ଉତ୍ତେଜନା ପ୍ରକାଶ ପାଇଥିଲା । ବିଜେଡି କର୍ମୀମାନେ କହିଛନ୍ତି, ନେତୃତ୍ୱ ଉପରେ ଭରସା ଅଛି । ନେତୃମଣ୍ଡଳୀ ଯେହେତୁ ଶୃଙ୍ଖଳାକୁ ଗୁରୁତ୍ୱ ଦେଉଛନ୍ତି, ତେଣୁ ସେମାନେ ଥାନା ଛାଡ଼ି ଚାଲିଯିବାକୁ ଉଚିତ୍ ମନେ କରିଛନ୍ତି ।

ଆପାର୍ଟମେଣ୍ଟରେ ଜୁଆ ଆଡ୍ଡା, ୮ ଗିରଫ ସହ ୩ ଲକ୍ଷରୁ ଅଧିକ ଟଙ୍କା ଜବତ

ବ୍ରହ୍ମପୁର: ସହରରେ ଜମୁଛି ଜୁଆ ଖେଳ । ଆଗରୁ ନିଛାଟିଆ ଘରେ ଜୁଆ ଖେଳ ହେଉଥିବା ବେଳେ ଏବେ ଆପାର୍ଟମେଣ୍ଟରେ ଚାଲିଛି ଜୁଆ ଆଡ୍ଡା । ଏନେଇ ଗୋଷାଣୀ ନୂଆଗାଁ ପୋଲିସକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଏସପିଙ୍କ ନିର୍ଦ୍ଦେଶରେ ଗୋଷାଣୀ ନୂଆଗାଁ ଥାନା ପୋଲିସ ଶାସ୍ତ୍ରୀନଗରରେ ଥିବା ସୁଶ୍ରୀ ହୋମ୍ ଫ୍ଲାଟ୍ ନମ୍ବର-୩୦୭ରେ ରେଡ୍ କରିଥିଲା ।

Gambling Den Busted In Ganjam, 8 Arrested

ରେଡ୍ ବେଳେ ପୋଲିସ ତାସ୍ ସହ ୩ ଲକ୍ଷ ୬୩ ହଜାର ୯୨୦ ଟଙ୍କା ଜବତ କରିଛି । ଜୁଆ ଖେଳରେ ସାମିଲ୍ ଥିବା ୮ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏନେଇ ଥାନା ଅଧିକାରୀ ସୁମନ୍ତ ସୋରେନ ସୂଚନା ଦେଇଛନ୍ତି । ଗିରଫଙ୍କ ମଧ୍ୟରେ ଜି.ଉଦୟଗିରି ଓ ଭଞ୍ଜନଗରର ୨ ଜଣ ଲେଖାଏଁ ରହିଥିବା ସୂଚନା ମିଳିଛି ।

ଟ୍ରକକୁ ଧକ୍କା ଦେଇ ଟ୍ରାକରୁ ବାହାରିଲା ଟ୍ରେନ୍, ୫୦ ମୃତ

ତାଇପେଇ: ପୂର୍ବ ତାଇୱାନର ଏକ ସୁଡଙ୍ଗ ମଧ୍ୟରେ ଘଟିଯାଇଛି ଭୟାନକ ଦୁର୍ଘଟଣା । ଯେଉଁଠି ଗୋଟିଏ ଟ୍ରକକୁ ଟ୍ରେନ୍ ଧକ୍କା ଦେବା ପରେ ରେଳ ଟ୍ରାକରୁ ଖସିଯାଇଥିଲା । ଆଉ ଏହି ଘଟଣାରେ ୫୦ ଜଣଙ୍କର ମୃତ୍ୟୁ ଘଟିଥିବା ବେଳେ ୧୦୦ରୁ ଅଧିକ ଲୋକ ଆହତ ହୋଇଛନ୍ତି। ରେଳ ଦୁର୍ଘଟଣା ଏତେ ଭୟାନକ ଥିଲା ଯେ ଟ୍ରେନର କିଛି କୋଚ୍ ଟନେଲରେ ଅଟକି ରହିଥିଲା।

ତାଇୱାନର କେନ୍ଦ୍ରୀୟ ଆପଦା ପ୍ରବଧନ ଟିମ୍ କହିଛି ଯେ ଟନେଲ୍ ଭିତରେ ଫସି ଯାଇଥିବା ୪ଟି କୋଚ୍ ବହୁତ କ୍ଷତିଗ୍ରସ୍ତ ହୋଇଛି । ସୂଚନା ଅନୁଯାୟୀ ଟ୍ରେନଟି ତାଇୱାନର ରାଜଧାନୀ ତାଇପେଇରୁ ତାଇତୁଙ୍ଗ ସହର ଅଭିମୁଖେ ଯାଉଥିଲା ।

ସ୍ଥାନୀୟ ଗଣମାଧ୍ୟମର ସୂଚନା ଅନୁଯାୟୀ ମେଣ୍ଟେନାସ୍ କାର୍ଯ୍ୟରେ ନିୟାେଜିତ ଥିବା ଏକ ଟ୍ରକ୍ ଅଚାନକ ରେଲୱେ ଟ୍ରାକ୍ ଉପରକୁ ଆସିଯିବାରୁ ଟ୍ରେନ୍ ସହ ଧକ୍କା ହୋଇଥିଲା ।

ତାଇୱାନର ରାଷ୍ଟ୍ରପତି ସାଇ ଇଙ୍ଗ ୱେନ ଏକ ଟୁଇଟରେ କହିଛନ୍ତି ଯେ ଜରୁରୀକାଳୀନ ଅଧିକାରୀ ମାନେ ସମ୍ପୃକ୍ତ ଯାତ୍ରୀ ଏବଂ ପ୍ରଭାବିତ ରେଳ କର୍ମଚାରୀଙ୍କୁ ଉଦ୍ଧାର କରିଛନ୍ତି । ଏହି ହୃଦୟ ବିଦାରକ ଦୁର୍ଘଟଣାକୁ ଦୃଷ୍ଟିରେ ରଖି ପ୍ରଭାବିତଙ୍କ ସୁରକ୍ଷା ଆମେ ସବୁକିଛି କରିବୁ।”

ମାର୍କେଟ୍ ବିଲ୍ଡିଂରେ ବିଏମସିର ରେଡ୍, କୋଭିଡ୍ ନିୟମ ମାନୁନଥିବାରୁ ଏକାଧିକ ମଲ୍ ଓ ଦୋକାନୀଙ୍କୁ ଜରିମାନା

ଭୁବନେଶ୍ୱର: ବିଏମସି ଅଞ୍ଚଳରେ କରୋନା ସଂକ୍ରମଣ ବଢ଼ୁଥିବା ବେଳେ ମାର୍କେଟରେ ନିୟମ ମାନୁନାହାଁନ୍ତି ଲୋକ । କିଏ ମାସ୍କ ପିନ୍ଧୁନି ତ ଆଉ କେଉଁଠି ଲାଗୁଛି ଲମ୍ବା ଲାଇନ୍, ରହୁନି ସାମାଜିକ ଦୂରତା । ଏସବୁ ନଜରକୁ ଆସିବା ପରେ ଭୁବନେଶ୍ୱର ମାର୍କେଟ୍ ବିଲ୍ଡିଂରେ ବିଏମସିର କେନ୍ଦ୍ରୀୟ ଏନଫୋର୍ସମେଣ୍ଟ ସ୍କ୍ୱାର୍ଡ ରେଡ୍ କରିଛି ।

BMC Sealed Vishal Mega Mart In Unit 2 For Covid Norms Violation

କୋଭିଡ୍ ନିୟମ ଉଲ୍ଲଂଘନ କରିଥିବାରୁ ବିଏମସି ୟୁନିଟ୍-୨ ମାର୍କେଟ୍ ବିଲ୍ଡିଂରେ ଥିବା ବିଶାଲ ମେଗା ମାର୍ଟକୁ ସିଲ୍ କରି ଦେଇଛି । କ୍ୱିନ୍ସ କଲେକ୍ସନ ଠାରୁ ୧୦ ହଜାର ଟଙ୍କା ଆଦାୟ କରାଯାଇଛି । କରୋନା କଟକଣା ମାନୁ ନଥିବାରୁ କୋଲକାତା ବଜାର ଓ ସିଟି ଫ୍ୟାସନ ଠାରୁ ୫ ହଜାର ଟଙ୍କା ଲେଖାଏଁ ଜରିମାନା ଆଦାୟ କରିଛି ବିଏମସି

BMC Sealed Vishal Mega Mart In Unit 2 For Covid Norms Violation

ମାର୍କେଟ୍ ବିଲ୍ଡିରେ ଥିବା ଅନ୍ୟ ଦୋକାନ ଗୁଡ଼ିକରୁ ମଧ୍ୟ ଜରିମାନା ଆଦାୟ କରାଯାଇଛି । ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀଙ୍କ ନେତୃତ୍ୱରେ ବିଏମସିର କେନ୍ଦ୍ରୀୟ ଏନଫୋର୍ସମେଣ୍ଟ ସ୍କ୍ୱାର୍ଡ ମାର୍କେଟ୍ ବିଲ୍ଡିଂରେ ରେଡ୍ କରି କୋଭିଡ୍ ନିୟମ ଉଲ୍ଲଂଘନକାରୀଙ୍କ ଠାରୁ ଜରିମାନା ଆଦାୟ କରିଛି ।

ଚାଷୀ ନେତା ରାକେଶ ଟିକାୟତଙ୍କ କନଭୟ ଉପରେ ଆକ୍ରମଣ

ଜୟପୁର: ରାକେଶ ଟିକାୟତଙ୍କ କନଭୟ ଉପରେ ଆକ୍ରମଣ ।  ରାଜସ୍ଥାନରେ ପହଞ୍ଚିଥିବା ଭାରତୀୟ ଚାଷୀ ସଂଗଠନର ନେତା ଓ ମୁଖପାତ୍ର ରାକେଶ ଟିକାୟତଙ୍କ କନଭୟ ଉପରକୁ ଆକ୍ରମଣ ହୋଇଛି। ଏହି ଆକ୍ରମଣ ଅଲୱର ଜିଲ୍ଲାରେ ହୋଇଛି । ଆକ୍ରମଣରେ ଟିକାୟତ୍‌ଙ୍କ କାରର କାଚ ଭାଙ୍ଗି ଦିଆଯାଇଛି । ଟିକାୟତଙ୍କ କନଭୟ ଯାଉଥିବା ସମୟରେ ତାଙ୍କୁ କଳା ପତାକା ଦେଖାଯାଇଥିଲା । କନଭୟ ଉପରକୁ ଆକ୍ରମଣ ହୋଇଥିବା ନେଇ ଟିକାୟତ୍ ଟ୍ୱିଟ୍ କରି କହିଛନ୍ତି । ରାଜସ୍ଥାନରେ ଅଲୱର ଜିଲ୍ଲାର ତତାରପୁରର ବାନସୁର୍ ରୋଡରେ ବିଜେପିର କିଛି ଗୁଣ୍ଡା ମୋ ଉପରକୁ ମରଣାନ୍ତକ ଆକ୍ରମଣ କରିଛନ୍ତି । ଏହା ସମ୍ପୂର୍ଣ୍ଣ ଭାବେ ଲୋକତନ୍ତ୍ରଣର ହତ୍ୟା ବୋଲି ଟିକାୟତ୍ କହିଛନ୍ତି ।

ରାକେଶ ଟିକାୟତ୍ ଆହୁରି କହିଛନ୍ତି, ‘ମୋ ଗାଡ଼ିର କାଚକୁ ଭାଙ୍ଗି ଦିଆଯାଇଛି । ବିଜେପିର ବିଧାୟକ କିଛି ଲୋକଙ୍କୁ ପଠାଇଥିଲେ। ସେମାନେ ଏଠାରେ ହାତାହାତି ହୋଇଥିଲେ। ଆମ ସମର୍ଥକଙ୍କୁ ସେମାନେ ମାରପିଟ୍ କରିଥିଲେ। ଆମ ସମର୍ଥକଙ୍କୁ ଆଘାତ ଲାଗିଛି। କିନ୍ତୁ ଆମର ଆନ୍ଦୋଳନ ବନ୍ଦ ହେବାର ପ୍ରଶ୍ନ ଉଠୁନାହିଁ।

ସୂଚନା ଯୋଗ୍ୟ ଯେ, ଓଡ଼ିଶା ଗସ୍ତ ବେଳେ  କଟକ ଗୁରୁଦ୍ୱାର ସମ୍ମୁଖରେ ଟିକାୟତ ଓ ତାଙ୍କ ସମର୍ଥକ ଉପରେ ଆକ୍ରମଣ ଉଦ୍ୟମ ହୋଇଥିଲା । ଫଳରେ ଗୁରୁଦ୍ୱାର ସମ୍ମୁଖରେ ଦୀର୍ଘ ସମୟ ଧରି ଆତଙ୍କ ଲାଗି ରହିଥିଲା ।

https://twitter.com/RakeshTikaitBKU/status/1377942417026940928

ଏଥିସହିତ ପଢ଼ନ୍ତୁ: ଗୁରୁଦ୍ୱାର ସମ୍ମୁଖରେ ଟିକାୟତ ଓ ତାଙ୍କ ସମର୍ଥକଙ୍କୁ ଆକ୍ରମଣ ଉଦ୍ୟମ

ବଢ଼ୁଥିବା କରୋନା ସଂକ୍ରମଣକୁ ନେଇ କଠୋର ହେଲା ବିଏମସି, ୬ ତାରିଖରୁ ନୂଆ ନିୟମ

ଭୁବନେଶ୍ୱର: ବଢ଼ୁଥିବା କରୋନା ସଂକ୍ରମଣକୁ ଦେଖି ପୁଣି ପୁରୁଣା କଟକଣାକୁ କଡ଼ାକଡ଼ି କରିଛି ବିଏମସି । ଜନସମାଗମ ଓ ଏକତ୍ରୀକରଣ ଉପରେ ପ୍ରତିବନ୍ଧକ ଲାଗୁ କରାଯାଇଛି । ବିବାହ, ଅନ୍ତ୍ୟେଷ୍ଟି କ୍ରିୟା ଏବଂ ଅନ୍ୟ ଉତ୍ସବରେ ଏକତ୍ରୀକରଣକୁ ସୀମିତ କରାଯାଇଛି । ଏନେଇ ବିଏମସି ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ।

BMC Issued New Covid Guidelines Against Social Gatherings

ବିବାହ ଉତ୍ସବରେ ସର୍ବାଧିକ ୧୦୦ ଲୋକଙ୍କୁ ସାମିଲ୍ ନେଇ ବିଏମସି ଅନୁମତି ଦେଇଛି । ସେହିଭଳି ଅନ୍ତ୍ୟେଷ୍ଟି କ୍ରିୟାରେ ସର୍ବାଧିକ ୫୦ ଲୋକ ଯୋଗ ଦେଇପାରିବେ । ସବୁଠି କୋଭିଡ୍ କଟକଣାକୁ ପାଳନ କରାଯିବ । ଏଥିସହ କନଫରେନ୍ସ, କନକ୍ଲେଭ୍ ଆଦି କାର୍ଯ୍ୟକ୍ରମ ବିଏମସିର ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ହୋଇପାରିବ ନାହିଁ । କୌଣସି ଅନୁଷ୍ଠାନ ଶତବାର୍ଷିକୀ/ଗୋଲ୍ଡେନ ଜୁବିଲି/ସିଲଭର ଜୁବୁଲି କାର୍ଯ୍ୟକ୍ରମ ପାଳନ କରିପାରିବେ ନାହିଁ । ଏପରିକି ଶିକ୍ଷାନିଷ୍ଠାନ ଗୁଡ଼ିକରେ ବାର୍ଷିକ ଉତ୍ସବ ପାଳନ ଉପରେ ପ୍ରତିବନ୍ଧକ ଜାରି କରାଯାଇଛି ।

BMC Issued New Covid Guidelines Against Social Gatherings

ଅନ୍ୟ କୌଣସି ପ୍ରକାରର ଜନସମାଗମ କାର୍ଯ୍ୟକ୍ରମ ପାଇଁ ବିଏମସି ଠାରୁ ଅନୁମତି ନେବାକୁ ପଡ଼ିବ । ସମସ୍ତ ଦିଗ ଓ କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ସର୍ବାଧିକ ୧୦୦ ଲୋକଙ୍କୁ ସାମିଲ୍ ନେଇବ ବିଏମସି ଅନୁମତି ଦେଇପାରିବ । ବିଏମସି ଜାରି କରିଥିବା କଟକଣା ଆସନ୍ତା ୬ ତାରିଖରୁ ଲାଗୁ ହେବ । ଏପ୍ରିଲ୍ ୬ କିମ୍ବା ତା ପରବର୍ତ୍ତୀ ସମୟ ପାଇଁ ବିଏମସି ପୂର୍ବରୁ ଦେଇଥିବା ସମସ୍ତ ଅନୁମତି ନୂତନ ନିର୍ଦ୍ଦେଶାବଳୀ ଅନୁସାରେ ଲାଗୁ ହେବ ।

 

ଢେଙ୍କାନାଳର ୮ଟି ରେଞ୍ଜର ଜଙ୍ଗଲରେ ଅଛନ୍ତି ପ୍ରାୟ ୧୦ ବାଘ

ଢେଙ୍କାନାଳ: ଢେଙ୍କାନାଳ ଜିଲ୍ଲାର ବିଭିନ୍ନ ଜଙ୍ଗଲରେ ବାଘ ଅଛନ୍ତି । ବନ ବିଭାଗ ପକ୍ଷରୁ ଜଙ୍ଗଲରେ ଲଗାଯାଇଥବା ଟ୍ରାପ କ୍ୟାମେରା କଏଦ ହୋଇଛି ବାଘର ଚିତ୍ର । ଜିଲ୍ଲାର ୮ଟି ଯାକ ରେଞ୍ଜର ବିଭିନ୍ନ ସ୍ଥାନରେ ସମୁଦାୟ ୬୦ଟି ଟ୍ରାପ୍ କ୍ୟାମେରା ଖଞ୍ଜା ଯାଇଥିଲା । ସେଥିରେ ଏକ ଚିତା ବାଘର ଫଟୋ କଏଦ ହୋଇଛି ।

Tiger Trapped In Dhenkanal Forest

ଜଙ୍ଗଲରେ ଜୀବଜନ୍ତୁ ଓ ଶିକାରୀ ମାନଙ୍କ ଉପରେ ନଜର ରଖିବାକୁ ଲଗାଯାଇଥିବା ଏହି କ୍ୟାମେରା ଗୁଡ଼ିକରେ ବିଭିନ୍ନ ବିରଳ ପଶୁପକ୍ଷୀ ଓ ଜୀବଜନ୍ତୁଙ୍କ ଫଟୋ ରହିଛି । ଢେଙ୍କାନାଳର ବିଭିନ୍ନ ଜଙ୍ଗଲରେ ପ୍ରାୟ ୧୦ଟି ବାଘ ଥିବା ଅନୁମାନ କରାଯାଉଛି । ଏନେଇ ଜିଲ୍ଲା ବନଖଣ୍ଡ ଅଧିକାରୀ ପ୍ରକାଶ ଚାନ୍ଦ ଗୋଗିନେନି ନନ୍ଦିଘୋଷ ଟିଭିକୁ ସୂଚନା ଦେଇଛନ୍ତି ।

ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର ଉର୍ଜିତ ପଟେଲଙ୍କୁ ନୂଆ ଦାୟିତ୍ୱ

ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)ର ପୂର୍ବତନ ଗଭର୍ଣ୍ଣର ଉର୍ଜିତ ପଟେଲଙ୍କୁ ନୂଆ ଦାୟିତ୍ୱ । ବିସ୍କୁଟ୍ କମ୍ପାନୀ ବ୍ରିଟାନିଆର ଅତିରିକ୍ତ ନିର୍ଦ୍ଦେଶକ ଭାବେ ନିଯୁକ୍ତ । ଆଗାମୀ ୫ ବର୍ଷ ପାଇଁ ଅତିରିକ୍ତ ନିର୍ଦ୍ଦେଶକ ଦାୟିତ୍ୱ ତୁଲାଇବେ ଉର୍ଜିତ । ବ୍ରିଟାନିଆ ପକ୍ଷରୁ ଏ ନେଇ ବମ୍ୱେ ଷ୍ଟକ୍ ଏକ୍ସଚେଞ୍ଜକୁ ସୂଚନା ଦିଆଯାଇଛି । ସେବିର ନିର୍ଦ୍ଦେଶ ଅନୁଯାୟୀ ସେୟାର ମାର୍କେଟରେ କୌଣସି ପଞ୍ଜିକୃତ କମ୍ପାନୀ ଏଭଳି ନିଯୁକ୍ତିର ସୂଚନା ଏଭଳି ନିଯୁକ୍ତି ସୂଚନା ବମ୍ୱେ ଷ୍ଟକ୍ ଏକ୍ସଚେଞ୍ଜ ନିକଟରେ ଦେବାର ପ୍ରବଧାନ ରହିଛି । ରଘୁରାମ ରାଜନଙ୍କ ପରେ ଏନଡିଏ ସରକାର ଉର୍ଜିତ ପଟେଲଙ୍କୁ ରିଜର୍ଭବ୍ୟାଙ୍କର ଗଭର୍ଣ୍ଣର ଭାବେ ନିଯୁକ୍ତି ଦେଇଥିଲେ । ଶ୍ରୀ ପଟେଲ ୨୦୧୬-୧୮ ମଧ୍ୟରେ ୨ ବର୍ଷ ପାଇଁ ଆରବିଆଇର ଗଭର୍ଣ୍ଣର ଭାବେ ଦାୟିତ୍ୱ ତୁଲାଇଥିଲେ । ସେ ରିଜର୍ଭ ବ୍ୟାଙ୍କର ଗଭର୍ଣ୍ଣର ଭାବେ ନିଯୁକ୍ତି ପାଇବା ପୂର୍ବରୁ ରିଜର୍ଭବ୍ୟାଙ୍କର ଡେପୁଟି ଗଭର୍ଣ୍ଣର ଓ ମନିଟରିଂ କମିଟିର ଇନଚାର୍ଜ ଭାବେ କାର୍ଯ୍ୟ କରିଛନ୍ତି । ସେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ପବ୍ଲିକ ଫାଇନାନ୍ସ ଏବଂ ପଲିସିର ଗଭର୍ଣ୍ଣିଂ ବଡିର ଚେୟାରମ୍ୟାନ ବି ଥିଲେ । ସେ ଭାରତ ସରକାରଙ୍କ ସହ ଯୋଡି ହେବା ପୂର୍ବରୁ ୧୫ ବର୍ଷ ଧରି ଘରୋଇ କ୍ଷେତ୍ରରେ ରହି ସେବା ଯୋଗାଉଥିଲେ ।

ଏଥିସହିତ ପଢ଼ନ୍ତୁ: ୧୦ବର୍ଷ ପୂର୍ବେ ୨୮ ବର୍ଷର ଅପେକ୍ଷାର ଘଟିଥିଲା ଅନ୍ତ

୪୩ ଡିଗ୍ରୀ ସହ ରାଜ୍ୟର ଉତ୍ତପ୍ତ ସହର ବୌଦ୍ଧ, ବିଭିନ୍ନ ଜିଲ୍ଲାକୁ କାଳବୈଶାଖୀ ନେଇ ୟେଲୋ ୱାର୍ଣ୍ଣିଂ

ଭୁବନେଶ୍ୱର: ଖରାରେ ସିଝୁଛି ଓଡ଼ିଶା । ଆସୁଛି କାଳବୈଶାଖୀ ବର୍ଷା । ଡହ ଡହ ଖରାରେ ଓଡ଼ିଶା ଛଟପଟ ହେଉଛି । ଆଜି ୧୧ ସହରରେ ତାପମାତ୍ରା ୪୦ ଡିଗ୍ରୀ ଉପରେ ରହିଛି । ରାଜ୍ୟରେ ସର୍ବାଧିକ ତାପମାତ୍ରା ୪୩ ଡିଗ୍ରୀ ବୌଦ୍ଧରେ ରେକର୍ଡ କରାଯାଇଛି । ବଲାଙ୍ଗିରରେ ପାରଦ ୪୨.୨ ଡିଗ୍ରୀ ରେକର୍ଡ ହୋଇଥିବା ବେଳେ ମାଲକାନଗିରିରେ ୪୨ ଡିଗ୍ରୀ, ସମ୍ବଲପୁରରେ ୪୧.୬ ଡିଗ୍ରୀ ରହିଛି । ଭୁବନେଶ୍ୱର ପାରଦ ୩୮.୨ ଡିଗ୍ରୀ ଓ କଟକରେ ୩୭.୪ ଡିଗ୍ରୀ ରେକର୍ଡ ହୋଇଛି ।

ଅନ୍ୟପଟେ କାଳବୈଶାଖୀ ତାତିରୁ ଆଶ୍ୱସ୍ତି ଆଣିଛି । ୨ ତାରିଖ ପାଇଁ ଗଜପତି, ଗଞ୍ଜାମ, କନ୍ଧମାଳ, ଖୋର୍ଦ୍ଧା ଓ ନୟାଗଡ଼ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ସେହିଭଳି ୩ ତାରିଖରେ କାଳବୈଶାଖୀ ସହ ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ବହିବା ସମ୍ଭାବନା ରହିଛି । କଟକ, ଢ଼େଙ୍କାନାଳ, ଯାଜପୁର, ଭଦ୍ରକ, କେନ୍ଦ୍ରାପଡ଼ା, ବାଲେଶ୍ୱର, ମୟୂରଭଞ୍ଜ, ଗଞ୍ଜାମ, ନୟାଗଡ଼, ଖୋର୍ଦ୍ଧା ଓ ଜଗତସିଂହପୁର ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

୪ ତାରିଖ ଲାଗି ରାୟଗଡ଼ା, ଗଜପତି, ଗଞ୍ଜାମ, ମୟୂରଭଞ୍ଜ, ବାଲେଶ୍ୱର, ଯାଜପୁର, ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାକୁ ୟେଲୋ ୱାର୍ଣ୍ଣିଂ ଦିଆଯାଇଛି । କାଳବୈଶାଖୀ ବର୍ଷା ସହ ଘଣ୍ଟାପ୍ରତି ୩୦ରୁ ୪୦ କିମି ବେଗରେ ପବନ ବହିବା ସମ୍ଭାବନା ରହିଛି । ରାଜ୍ୟର କେତେକ ସ୍ଥାନରେ ଆଗାମୀ ୨ ଦିନ ଯାଏ ତାପମାତ୍ରା ୨ରୁ ୪ ଡିଗ୍ରୀ ଖସିବା ନେଇ ଆକଳନ କରିଛି ପାଣିପାଗ ବିଭାଗ ।

ବିଜେପି ନେତାଙ୍କ କାର୍‌ରୁ ମିଳିଲା ଇଭିଏମ୍ : ବୁଥ୍‌‌ ଦାୟିତ୍ୱରେ ଥିବା ୪ ଅଧିକାରୀ ନିଲମ୍ୱିତ

ଗୌହାଟୀ: ଜଣେ ପ୍ରିଜାଇଡିଂ ଅଫିସର ଏବଂ ନିର୍ବାଚନ ଦାୟିତ୍ୱରେ ଥିବା ଅନ୍ୟ ୩ ଅଧିକାରୀଙ୍କୁ ନିଲମ୍ୱିତ କରିଛନ୍ତି ନିର୍ବାଚନ କମିଶନ । ଏଥିସହିତ ଆସାମ ରତାବରୀ ବିଧାନସଭା କ୍ଷେତ୍ରର ଏକ ବୁଥ୍‌ରେ ପୁଣି ମତଦାନ କରାଇବାକୁ ନିଷ୍ପତ୍ତି ନେଇଛନ୍ତି ନିର୍ବାଚନ ଆୟୋଗ । ବିଜେପି ନେତା କ୍ରିଷ୍ଣେନ୍ଦୁ ପଲ୍‌ଙ୍କ ଲିଙ୍କ୍ ଥିବା କାର୍‌ରୁ ଇଲୋକଟ୍ରନିକ୍ ଭୋଟିଂ ମେସିନ୍ (ଇଭିଏମ୍) ମିଳିବା ପରେ ଏଭଳି ନିଷ୍ପତ୍ତି ନେଇଛନ୍ତି ନିର୍ବାଚନ କମିଶନ । ଯିଏ ପଥରାକାଣ୍ଡି ବିଧାନସଭା କ୍ଷେତ୍ରରୁ ନିର୍ବାଚନ ଲଢ଼ୁଛନ୍ତି ।

        ଇଭିଏମ୍ ସିଲ୍ ଫିଟି ନଥିଲେ ମଧ୍ୟ ଇନ୍ଦିରା ଏମ୍‌ ଭି ସ୍କୁଲର ୧୪୯ ବୁଥ୍‌ରେ ପୁନଃ ମତଦାନ କରାଇବାକୁ ନିର୍ବାଚନ ଆୟୋଗଙ୍କ ପକ୍ଷରୁ ନିଷ୍ପତ୍ତି ନିଆଯାଇଛି ।   ଏଥିସହିତ ଘଟଣାର ତଦନ୍ତ ରିପୋର୍ଟ ମଧ୍ୟ ମାଗିଛନ୍ତି ନିର୍ବାଚନ କମିଶନ ।  ସୂଚନା ମୁତାବକ ୧୪୮ ନମ୍ୱର ବୁଥ୍‌ରେ ଭୋଟ ଗ୍ରହଣ ସରିବା ପରେ ନିର୍ବାଚନ ଦାୟିତ୍ୱରେ ଥିବା ଟିମ୍ ୩ ଅଧିକାରୀ ଏବଂ ପ୍ରିଜାଇଡିଂ ଅଫିସର ଏସ୍‌କର୍ଟ ମଧ୍ୟରେ ଫେରୁଥିଲେ ।

        ପ୍ରବଳ ବର୍ଷା ଯୋଗୁଁ ରାସ୍ତା କାଦୁଅ ହୋଇଯାଇଥିଲା । ଅପରପକ୍ଷରେ ଜାତୀୟ ରାଜପଥରେ ଟ୍ରାଫିକ୍ ଜାମ୍ ହୋଇଯାଇଥିଲା । ନୀଲମ୍ ବଜାରକୁ ଯାଉଥିବା ଏହି ଗାଡ଼ିଟି ମଧ୍ୟ ଭାଙ୍ଗି ଯାଇଥିଲା । ଟ୍ରାଫିକ୍ ଜାମ୍ ଏବଂ ଖରାପ ପାଗ ଯୋଗୁଁ ଏସ୍‌କର୍ଟ ପାର୍ଟି ବିଭାଜିତ ହୋଇଯାଇଥିଲା । ଏଣୁ ପୁଲିଂ ପାର୍ଟି ଖୁବଶୀଘ୍ର ଷ୍ଟ୍ରଙ୍ଗ୍ ରୁମ୍‌ରେ ପହଞ୍ଚାଇବା ପାଇଁ ସେମାନେ ରାସ୍ତାରେ ଯାଉଥିବା ଏକ ଗାଡ଼ିକୁ ଅଟକାଇଥିଲେ । ଏବଂ ସେଥିରେ ଷ୍ଟ୍ରଙ୍ଗ ରୁମ୍ ଅଭିମୁଖେ ଯାଇଥିଲେ । ଏ ବିଷୟରେ ଖବର ପ୍ରଚାରିତ ହେବା ପରେ ବାଟରେ ପ୍ରାୟ ୫୦ରୁ ଊର୍ଦ୍ଧ୍ୱ ଲୋକ ଗାଡ଼ିଟିକୁ ଘେରିଯାଇଥିଲେ । ଏବଂ ଗାଡ଼ି ଉପରକୁ ପଥର ମାଡ଼ କରିବା ସହ ଇଭିଏମ୍ ହେରଫେର୍ କରିବା ନେଇ ପୁଲିଂ ଅଧିକାରୀଙ୍କୁ ଗାଳି ଗୁଲଜ କରିଥିଲେ । ଖବର ପାଇଁ ଘଟଣାସ୍ଥଳରେ ଜିଲ୍ଲା ନିର୍ବାଚନ ଅଧିକାରୀ ଓ ସ୍ଥାନୀୟ ଏସପି ପହଞ୍ଚିଥିଲେ  । ଫାଙ୍କା ଗୁଳି ଚାଳନା କରି କରି ଲୋକଙ୍କୁ ଘଉଡ଼ାଇଥିଲେ । ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲେ ।

ଏଥିସହିତ ପଢ଼ନ୍ତୁ: ୧୦ବର୍ଷ ପୂର୍ବେ ୨୮ ବର୍ଷର ଅପେକ୍ଷାର ଘଟିଥିଲା ଅନ୍ତ