spot_img
Home Blog Page 5950

ଶହେ ଲୋକରେ ବିବାହ, ଭୋଜି ନୁହେଁ ବଣ୍ଟାଯିବ ଖାଦ୍ୟ ପୁଡିଆ

ବ୍ରହ୍ମପୁର: ଗଞ୍ଜାମରେ କଡାକଡି ହୋଇଛି କୋଭିଡ୍ ନିୟମ । ମୋଟ୍ ୧୦୦ ଜଣ ଲୋକଙ୍କୁ ନେଇ ବିବାହ ଉତ୍ସବ ହେବା ନେଇ ନିର୍ଦ୍ଦେଶ ଦେଇଛନ୍ତି ଜିଲ୍ଲା ପ୍ରଶାସନ । ସେହିପରି ବାହାଘର ଭୋଜିରେ ଆଉ ବାହାର ଖାଦ୍ୟ ନୁହେଁ, ଏଥର ଦିଆଯିବ ଖାଦ୍ୟ ପୁଡିଆ । ଯଦି ଏଥିରେ ବ୍ୟତ୍ରିକମ ଦେଖାଯାଏ ତେବେ କାର୍ଯ୍ୟାନୁଷ୍ଠାନ ହେବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଉଛି ।

ସାମାନ୍ତବର୍ତ୍ତୀ ଜିଲ୍ଲାରେ ସଂକ୍ରମଣ ବଢୁଥିବାରୁ ପ୍ରଶାସନ ପକ୍ଷରୁ ଏ ଦିଗରେ ସଜାଗ ରହିବା ପାଇଁ ସମସ୍ତ ଅଧିକାରୀଙ୍କୁ କଡା ନିର୍ଦ୍ଦେଶ ଦିଆଯାଇଛି । ଦିନକୁ ଦିନ ସଂକ୍ରମଣ ବଢିଚାଲିଛି । ସେପଟେ ଆଜି ଠାରୁ ୧୦ ଟି ଜିଲ୍ଲାରେ ରାତ୍ରିକାଳୀନ କର୍ଫ୍ୟୁ ଲାଗିବା ପାଇଁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର ।

ଫ୍ୟାମିଲି କୋର୍ଟରେ ହାଜର ହେଲେ ସେଲିବ୍ରେଟି ଦମ୍ପତ୍ତି

କଟକ: ଫ୍ୟାମିଲି କୋର୍ଟରେ ହାଜର ହେଲେ ବର୍ଷା-ଅନୁଭବ । ପାରିବାରିକ ବିବାଦ ମାମଲା ଦିଲ୍ଲୀରୁ କଟକ ଫ୍ୟାମିଲି କେର୍ଟକୁ ସ୍ଥାନାନ୍ତର ହୋଇଛି । ଏନେଇ ପୂର୍ବରୁ ନୋଟିଜ ଜାରି କରାଯାଇଥିବାବେଳେ ଆଜି ଉଭୟେ କୋର୍ଟରେ ହାଜର ହୋଇଛନ୍ତି ।

ପାରିବାରିକ ବିବାଦ ମାଲାରେ ପତ୍ନୀ ବର୍ଷା କଟକ ଫ୍ୟାମିଲି କୋର୍ଟରେ ଆବେଦନ କରିଥିବା ବେଳେ ଅନୁଭବ ଦିଲ୍ଲୀ ପଟିଆଲା କୋର୍ଟରେ କରିଥିଲେ ଆବେଦନ । ପରେ ଏହି କେସକୁ କଟକ ସ୍ଥାନାନ୍ତର ନେଇ ମଧ୍ୟ କୋର୍ଟର ଦ୍ବାରସ୍ଥ ହୋଇଥିଲେ ବର୍ଷା ।

ସୁପ୍ରିମକୋର୍ଟଙ୍କ ହସ୍ତକ୍ଷେପ ପରେ ମାମଲା କଟକ ସ୍ଥାନାନ୍ତର ହୋଇଥିଲା । ସେପଟେ ଆଜି ପ୍ରଥମ ଥର ପାଇଁ ଅନୁଭବ ମହାନ୍ତି ଏବଂ ବର୍ଷା ପ୍ରିୟଦର୍ଶିନୀ ଫ୍ୟାମିଲି କୋର୍ଟରେ ହାଜର ହୋଇଛନ୍ତି । ଆଜି ହାଜର ହେବାକୁ ଉଭୟଙ୍କୁ ଜାରି କରାଯାଇଥିଲା ନୋଟିସ ।

ଜମୁଛି ପିପିଲି ପ୍ରଚାର, ମୈଦାନକୁ ଓହ୍ଲାଇବେ ନବୀନ

ଭୁବନେଶ୍ୱର: ପିପିଲି ଯିବେ ନମ୍ବର ୱାନ ଷ୍ଟାର ପ୍ରଚାରକ । ଉପନିର୍ବାଚନ ପାଇଁ ଏବେ ଜମିଛି ପିପିଲି ପ୍ରଚାର। ସବୁ ଦଳ ପ୍ରାର୍ଥୀ ଓ ନେତା ଘର ଘର ବୁଲି ଲୋକଙ୍କୁ ନିଜ ଆଡକୁ ଆକୃଷ୍ଟ କରିବା ପାଇଁ ଚେଷ୍ଟା କରୁଛନ୍ତି । ବିଜେଡି ପକ୍ଷରୁ ଏକ ନମ୍ବର ଷ୍ଟାର ପ୍ରଚାରକ ସୁପ୍ରିମୋ ନବୀନ ପଟ୍ଟନାୟକ ମୈଦାନକୁ ଓହ୍ଲାଇବେ ନେଇ ସୂଚନା ଦେଇଛନ୍ତି ପିପିଲି ବିଜେଡ଼ି ପର୍ଯ୍ୟବେକ୍ଷକ।

ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପିପିଲି ଉପନିର୍ବାଚନ ପାଇଁ ଦଳର ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କ ପାଇଁ କ୍ୟାମ୍ପେନିଂ କରିବେ । ଏନେଇ ବିଜେଡିର ପିପିଲି ପର୍ଯ୍ୟବେକ୍ଷକ ପ୍ରତାପ ଦେବ ସୂଚନା ଦେଇଛନ୍ତି । ତେବେ ପ୍ରଚାର ପାଇଁ ନବୀନ କେବେ ପିପିଲି ଯିବେ ତାହା ସ୍ଥିର ହୋଇନାହିଁ । ଆସନ୍ତା ୧୫ ତାରିଖ ସଂଧ୍ୟା ପର୍ଯ୍ୟନ୍ତ ପିପିଲି ଉପନିର୍ବାଚନ ପାଇଁ ପ୍ରଚାର ହେବା ନେଇ ନିର୍ଦ୍ଦେଶ ଜାରି କରିଛନ୍ତି ରାଜ୍ୟ ନିର୍ବାଚନ ଅଧିକାରୀ ।

ଉପର ମୁହାଁ ଆକ୍ରାନ୍ତ ସଂଖ୍ୟା, ୫ଶହ ଡେଇଁଲା ଦୈନିକ ସଂକ୍ରମଣ

ଭୁବନେଶ୍ୱର: ରାଜ୍ୟରେ ୫ଶହ ଡେଇଁଲା ଦୈନିକ କରୋନା ସଂକ୍ରମଣ । ଆଜି ଦିନକରେ ୫୭୩ କରୋନା ପଜିଟିଭ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୩୩୭ ଓ ଲୋକାଲ କେସ୍ ରହିଛି ୨୩୬ । ଖୋର୍ଦ୍ଧାରୁ ସର୍ବାଧିକ ୯୬, ସୁନ୍ଦରଗଡ଼ରୁ ୮୦, ନୂଆପଡାରୁ ୬୦, ବରଗଡ଼ରୁ ୪୩, ଝାରସୁଗୁଡାରୁ ୩୯, ଅନୁଗୁଳରୁ ୩୨, କଟକରୁ ୨୮, କଳାହାଣ୍ଡିର ୨୪ ଜଣ ଚିହ୍ନଟ ହୋଇଛନ୍ତି ।

ସେପଟେ ଷ୍ଟେଟପୁଲରୁ ୨୨, ସମ୍ବଲପୁରରୁ ୨୧, ବଲାଙ୍ଗୀରରୁ ୨୦, ପୁରୀ ଓ ରାୟଗଡ଼ାରୁ ୧୬ଜଣ ଲେଖାଏଁ, ଯାଜପୁର ଓ ମୟୂରଭଞ୍ଜରୁ ୧୩ଜଣ ଲେଖାଏଁ, ବାଲେଶ୍ବରରୁ ୧୧, ଗଞ୍ଜାମ ଓ କେନ୍ଦୁଝରରୁ ୮ଜଣ ଲେଖାଏଁ, ଭଦ୍ରକ, ଗଜପତି ଓ କୋରାପୁଟରୁ ୩ଜଣ ଲେଖାଏ, ସୋନପୁରରୁ ୨ଜଣ ପଜିଟିଭ ଚିହ୍ନଟ ହୋଇଛନ୍ତି ।

ବୌଦ୍ଧ, ଦେବଗଡ଼, କନ୍ଧମାଳ ଓ ନୟାଗଡ଼ରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୩ହଜାର ୨୬୮ଥିବା ବେଳେ ସୁସ୍ଥ ହେଲେଣି ୩ଲକ୍ଷ ୩୭ହଜାର ୯୩୫ଜଣ ସଂକ୍ରମିତ । ଆକ୍ଟିଭ୍‌ କେସ୍ ୩ହଜାର ୩୫୮ରହିଛି ।

‘ଆବଶ୍ୟକ ପଡିଲେ ଡେ-କର୍ଫ୍ୟୁ, ସ୍ଥିତି ଉପରେ ରହିଛି ନଜର’

ଭୁବନେଶ୍ୱର: କୋଭିଡ ସଂକ୍ରମଣ ବଢିଲେ ଲାଗୁ ହେବ କର୍ଫ୍ୟୁ । ଗତକାଲି ଠାରୁ ଜାରି ରହିଥିବା କର୍ଫ୍ୟୁ ପ୍ରସଙ୍ଗରେ ପୂର୍ଣ୍ଣଛେଦ ଟାଣିଛନ୍ତି ସ୍ବାସ୍ଥ୍ୟମନ୍ତ୍ରୀ । ନବଦାସ କହିଛନ୍ତି ଆବଶ୍ୟକ ପଡିଲେ ଡେ, କର୍ଫ୍ୟୁ ଲାଗୁହୋଇପାରେ । କୋଭିଡ ସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି ସରକାର । ଜିଲ୍ଲାପାଳ ମାନଙ୍କ କୋଭିଡ ତଥ୍ୟକୁ ଆଧାର କରି କର୍ଫ୍ୟୁ ପ୍ରସଙ୍ଗରେ ଆଲୋଚନା ହେବ ବୋଲି କହିଛନ୍ତି ସ୍ବାସ୍ଥ୍ୟମନ୍ତ୍ରୀ ନବ ଦାସ ।

କୋଭିଡ ସ୍ଥିତି ନେଇ ସୀମାବର୍ତ୍ତୀ ଅଞ୍ଚଳକୁ ପର୍ଯ୍ୟବେକ୍ଷକ ଗସ୍ତ କରିଛନ୍ତି । ସ୍ଥିତି ଅନୁଧ୍ୟାନ କରାଯାଉଛି । ଟେଷ୍ଟିଂ କେମିତି ବଢ଼ିବ, ତା ଉପରେ ଦିଆଯାଉଛି ଗୁରୁତ୍ୱ । ଶିକ୍ଷାନୁଷ୍ଠାନ, ବିମାନବନ୍ଦର, ରେଳ ଷ୍ଟେସନରରେ ପଜିଟିଭ ଚିହ୍ନଟ ହେଉଛନ୍ତି । କରୋନା ମୁକାବିଲାକୁ ଅଧିକ ଗୁରୁତ୍ୱ ଦିଆଯାଉଛି ବୋଲି ସ୍ବାସ୍ଥ୍ୟମନ୍ତ୍ରୀ ନବ ଦାସ କହିଛନ୍ତି ।

ଗତକାଲି ଏ ପ୍ରସଙ୍ଗରେ ବାଚସ୍ପତି ସୂର୍ଯ୍ୟନାରାୟଣ ପାତ୍ର ପ୍ରତିକ୍ରିୟା ରଖିଥିଲେ । ଦିନବେଳା କର୍ଫ୍ୟୁ ଲାଗୁ ହେବା ନେଇ ପ୍ରତିକ୍ରିୟା ଦେଇଥିଲେ । ପରେ ଏନେଇ ସ୍ପଷ୍ଟୀକରଣ ରଖିଥିଲେ ଏସଆରସି । ବର୍ତ୍ତମାନ କୈଣସି କର୍ଫ୍ୟୁ ଲାଗିବା ନେଇ ଯୋଜନା ନଥିବା କହିଥିଲେ ଏସଆରସି ।

ରାଜ୍ୟରେ ଆଜି ୫ଶହ ଡେଇଁଛି ଦୈନିକ କରୋନା ସଂକ୍ରମଣ । ଦିନକରେ ୫୭୩ କରୋନା ପଜିଟିଭ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୩୩୭ ଓ ଲୋକାଲ କେସ୍ ରହିଛି ୨୩୬ । ଫଳରେ ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୩ହଜାର ୨୬୮ଥିବା ବେଳେ ସୁସ୍ଥ ହେଲେଣି ୩ଲକ୍ଷ ୩୭ହଜାର ୯୩୫ଜଣ ସଂକ୍ରମିତ । ଆକ୍ଟିଭ୍‌ କେସ୍ ୩ହଜାର ୩୫୮ରହିଛି ।

ଆକ୍ସନ ମୁଡରେ ଅମିତ ଶାହା: ଜଗଦଲପୁରରେ ସହିଦ ଯବାନଙ୍କୁ ଦେଲେ ଶ୍ରଦ୍ଧାଞ୍ଜଳି

ରାୟପୁର: ଛତିଶଗଡରେ ପହଁଚି ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ଗୃହମନ୍ତ୍ରୀ ଅମିତ ଶାହା । ଶନିବାର ବିଜାପୁରରେ ଜଙ୍ଗଲରେ ହୋଇଥିଲା ନକ୍ସଲ- ଯବାନଙ୍କ ମଧ୍ୟରେ ଗୁଳିବିନିମୟ। ଯଦ୍ୱାରା ୨୩ ଯବାନ ସହିଦ ହୋଇଥିବା ବେଳେ ଅନେକ ଆହତ ହୋଇଛନ୍ତି । ସେପଟେ କେତେଜଣ ନକ୍ସଲ ନିହତ ହୋଇଛନ୍ତି ତାହା ସ୍ପଷ୍ଟ ଭାବେ ଜଣାପଡିନାହିଁ ।

ବିଜାପୁର ଜଙ୍ଗଲରୁ ସମସ୍ତ ଯବାନଙ୍କ ମରଶରୀର ଜଗଦଲପୁରକୁ ଆଣାଯାଇଛି । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସେଠାରେ ପହଁଚି ସମସ୍ତ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ସେହିପରି ହସ୍ପିଟାଲରେ ଚିକିତ୍ସିତ ହେଉଥିବା ଯବାନଙ୍କୁ ମଧ୍ୟ ଭେଟି ସ୍ୱାସ୍ଥ୍ୟ ସମ୍ପର୍କରେ ପଚାରି ବୁଝିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା  ।

ଛତିଶଗଡରେ ନକ୍ସଲଙ୍କ ଏହି ବର୍ବୋରିଚତ ଘଟଣା ପରେ ଆକ୍ସନ ମୁଡକୁ ଆସିଯାଇଛି କେନ୍ଦ୍ର ଗୃହମନ୍ତ୍ରାଳୟ । ନକ୍ସଲଙ୍କ ବିରୋଧରେ ଏକ ବଡ ଧରଣର ଅପରେସନ କରିବାକୁ ମଧ୍ୟ ଯୋଜନା କରୁଥିବା ସୂଚନା ରହିଛି । କେନ୍ଦ୍ର ଗୃହମନ୍ତ୍ରୀ ୧୦. ୩୫ରେ ଜଗଦଲରେ ପହଁଚି ପ୍ରଥମେ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ପରେ ବାସେଗୁଡା ସିଆରପିଏଫ କ୍ୟାମ୍ପ ଯିବା ସହ ସେଠାରେ ବରିଷ୍ଠ ଅଧିକାରୀଙ୍କ ସହ ଏ ସଂକ୍ରାନ୍ତରେ ବୈଠକ କରିବା ନେଇ ସୂଚନା ମିଳିଛି ।

କୃଷି ଆଇନ ପ୍ରତ୍ୟାହର ପ୍ରତିବାଦ, ଏଫସିଆଇ ଆଗରେ ଧାରଣା

ନୂଆଦିଲ୍ଲୀ: କୃଷି ଆଇନକୁ ନେଇ ପ୍ରତିବାଦର ନା ଥମିବାରେ ଲାଗିନି । ଏବେ ମଧ୍ୟ ଅନ୍ଦୋଳନ ଜାରି ରହିଛି । ଆଜି କୃଷି ଆଇନ ପ୍ରତ୍ୟାହର ପ୍ରତିବାଦରେ ଭାରତୀୟ ଖାଦ୍ୟ ନିଗମ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିବେ ଚାଷୀ । ଏହାସହ ଏଫସିଆଇ ବଞ୍ଚାଅ ଦିବସ ପାଳନ କରିବେ ବୋଲି ମହାପଞ୍ଚାୟତରେ ନିଷ୍ପତ୍ତି ହୋଇଛି ।

ଗତକାଲି ଉତ୍ତରପ୍ରଦେଶରେ ବସିଥିବା ଚାଷୀଙ୍କ ମହା ପଞ୍ଚାୟତରେ ଏହି ନିର୍ଣ୍ଣୟ ନିଆଯାଇଛି । ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ କୁହାଯାଇଛି ଯେ, ଆଜି ଏଫସିଆଇ ବଞ୍ଚାଅ ଦିବସ ପାଳନ କରାଯିବ । ନୂଆ କୃଷି ଆଇନ ପ୍ରତ୍ୟାହାର ଦାବିରେ ସାରା ଭାରତରେ ଏଫସିଆଇ କାର୍ଯ୍ୟାଳୟ ଆଗରେ ଧାରଣା ଦିଆଯିବ । ଏହାସହ କୃଷି ମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ପତ୍ର ମଧ୍ୟ ଦିଆଯିବ ।

ଆଜି ଠାରୁ ନାଇଟ୍ କର୍ଫ୍ୟୁ, ୧୦ ଜିଲ୍ଲାରେ କଡା ପ୍ରହରା

ଭୁବନେଶ୍ୱର: ପଡୋଶୀ ରାଜ୍ୟରେ ବଢୁଛି ସଂକ୍ରମଣ । ସୀମାନ୍ତ ଜିଲ୍ଲାରେ ହାଇଆର୍ଲଟ । ରାଜ୍ୟକୁ ପ୍ରବେଶ କରୁଥିବା ଅଧିବାସୀଙ୍କ ଉପରେ ତୀକ୍ଷ୍ଣ ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି ଏସଆରସି । ସେପଟେ କୋଭିଡ ସଂକ୍ରମଣକୁ ପ୍ରତିହତ କରିବା ପାଇଁ ଅର୍ଥାତ ଏଥିରେ ବ୍ରେକ ଲଗାଇବା ପାଇଁ ଆଜି ଠାରୁ ୧୦ ଜିଲ୍ଲାରେ ଆରମ୍ଭ ହେବାକୁ ଯାଉଛି ରାତ୍ରିକାଳୀନ କର୍ଫ୍ୟୁ ।

ଛତିଶଗଡ ସୀମାନ୍ତ ଜିଲ୍ଲା ଗୁଡିକରେ ଲାଗୁ ହେବ ନାଇଟ୍ କର୍ଫ୍ୟୁ । ସୁନ୍ଦରଗଡ, ଝାରସୁଗୁଡା, ସମ୍ବଲପୁରରେ, ବରଗଡ, ବଲାଙ୍ଗିର, ନୂଆପଡା, କଳାହାଣ୍ଡି, ନବରଙ୍ଗପୁର, କୋରାପୁଟ, ମାଲକାନଗିରିରେ ନାଇଟ୍ କର୍ଫ୍ୟୁ ଲାଗୁ ହେବ । ରାତି 10ରୁ ସକାଳ 5ଟା ଯାଏ ଏହି ନାଇଟ୍ କର୍ଫ୍ୟୁ ଲାଗୁ ହେବ । ତେବେ ଏହି ସମୟରେ ଜରୁରୀକାଳିନ ସେବା ଜାରି ରହିବ ବୋଲି କୁହାଯାଇଛି ।

ସମସ୍ତ କାରଖାନା ଓ ନିର୍ମାଣ କାମ ଜାରି ରହିବ । ଦୋକାନ, ବାଣିଜ୍ୟିକ ପ୍ରତିଷ୍ଠାନ, ଅଫିସ, ଅନୁଷ୍ଠାନ ବନ୍ଦ ରହିବ । ତେବେ ଜିଲ୍ଲା ଓ ମ୍ୟୁନିସପାଲ କର୍ମଚାରୀ, ପୋଲିସ, ସରକାରୀ କର୍ମଚାରୀଙ୍କୁ ଛାଡ଼ । ଏହି ସମୟରେ ହୋମ ଡେଲିଭରୀ, ପେଟ୍ରୋଲ ପମ୍ପ, ଜାତୀୟ ରାଜପଥ କଡରେ ଥିବା ଢାବା, ପ୍ରିଣ୍ଟ ଓ ଇଲୋକ୍ଟ୍ରୋନିକ ମିଡିଆ, ଏଲପିଜି ବିତରଣ କଟକଣାରୁ ବାଦ ଦିଆଯିବ ବୋଲି କୁହାଯାଇଛି । ସେହିପରି ଡାକ୍ତର, ମେଡିକାଲ ଓ ପାରା ମେଡିକାଲ କର୍ମଚାରୀଙ୍କୁ କଟକଣାରୁ ବାଦ ଦିଆଯାଇଛି ।

ବଞ୍ଚିବ ମୃତବ୍ୟକ୍ତି, ଚାଲିଛି ପୂଜାର୍ଚ୍ଚନା

ନୟାଗଡ଼: ବଞ୍ଚିବ ମୃତ ଲୋକ, ବଞ୍ଚାଇବେ ବାବା । ଯେଉଁଠି ଡାକ୍ତରୀ ବିଦ୍ୟା ଫେଲ ମାରିଛି , ସେଠି ତାନ୍ତ୍ରିକ ଏବଂ ପୂଜାର୍ଚ୍ଚନା ପାସ କେମିତି ହବ । ନୟାଗଡ଼ ଶରଣକୁଳ ଥାନା ବରସାହି ଗାଁରେ ଦେଖିବାକୁ ମିଳିଛି ଏପରି ଦୃଶ୍ୟ । ମୃତବ୍ୟକ୍ତିକୁ ବଞ୍ଚାଇବା ନେଇ ପୂଜାର୍ଚ୍ଚନା କରାଯାଉଥିବା ଦେଖିବାକୁ ମିଳିଛି ।

ସୂଚନା ଅନୁସାରେ, ବରସାହି ଗାଁରେ ଶନିବାର ରାତିରେ ଦଣ୍ଡନାଚ ଚାଲିଥିବା ବେଳେ ରବି ନାହାକ ନାମକ ଦଣ୍ଡୁଆ କୌଣସି କାରଣରୁ ଅସୁସ୍ଥ ହୋଇ ପଡ଼ିଥିଲେ । ତାଙ୍କୁ ଚିକିତ୍ସା କରିବା ପାଇଁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ହେଲେ ଡାକ୍ତର ମେଡିକାଲରେ ତାଙ୍କୁ ମୃତ ଘୋଷଣା କରିଥିଲେ ।

ସେପଟେ ଶରଣକୁଳ ପୋଲିସ୍ ଏକ ଅପମୃତ୍ୟୁ ମାମଲା ମଧ୍ୟ ଏନେଇ ରୁଜୁ କରିଛି । ମାତ୍ର ଶବକୁ ବ୍ୟବଚ୍ଛେଦ ନକରି ପରିବାର ଓ ଗ୍ରାମବାସୀ ନେଇ ଯାଇଥିଲେ ବାବାଙ୍କ ନିକଟକୁ । ପରେ ମୃତଦେହକୁ ବଞ୍ଚାଇବାକୁ ଯାଇ ପୂଜାର୍ଚ୍ଚନା କରାଯାଇଥିବା ନେଇ ଭିଡିଓରେ ଦେଖାଯାଇଛି ।

ଆତଙ୍କ ରଚୁଛି କରୋନା, ଆଜି ଦେଶରୁ ସର୍ବାଧିକ ପଜିଟିଭ

ନୂଆଦିଲ୍ଲୀ: ଦେଶରେ ପୁଣି ଆତଙ୍କ ରଚାଇଲାଣି କରୋନା । ନିୟନ୍ତ୍ରଣର ବାହାରକୁ ଗଲାଣି ଆକ୍ରାନ୍ତଙ୍କ ସଂଖ୍ୟା । ପ୍ରଥର ଥର ପାଇଁ ୨୪ ଘଣ୍ଟାରେ ଏକ ଲକ୍ଷ ଅତିକ୍ରମ କଲାଣି କରୋନା କେସ । ସୋମବାର ଦେଶରୁ ଚିହ୍ନଟ ହୋଇଥିବା କୋଭିଡ ସଂକ୍ରମଣ ମାମଲା ୧ ଲକ୍ଷ ଅତିକ୍ରମ କରିଛି ଅର୍ଥାତ ଗତ ୨୪ ଘଣ୍ଟାରେ ୧ ଲକ୍ଷ ୩୦ ହଜାର ନୂଆ ମାମଲା ସାମ୍ନାକୁ ଆସିଛି ।

କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଜାରି କରିନଥିବା ବେଳେ ପ୍ରତ୍ୟେକ ରାଜ୍ୟର କରୋନା କେସରୁ ଏହି ତଥ୍ୟ ଜଣାପଡିଛି । ଗତବର୍ଷ ସେପ୍ଟେମ୍ବର ମାସରେ ସର୍ବାଧିକ କରୋନା କେସ ଚିହ୍ନଟ ହୋଇଥିଲା । ୯୭ ହଜାର ୮୯୪ଟି କେସ ସେପ୍ଟେମ୍ବର ମାସରେ ଚିହ୍ନଟ ହୋଇଥିବାବେଳେ ଆଜିର ସଂକ୍ରମଣ ରେକର୍ଡ ସଂଖ୍ୟକ ବୋଲି ଜଣାପଡିଛି ।

ନୂଆ ସଂକ୍ରମିତଙ୍କ ତାଲିକାରେ ମହାରାଷ୍ଟ୍ରର କେସ ସବୁଠାରୁ ଉର୍ଦ୍ଧ୍ବରେ ରହିଛି । ଗୋଟିଏ ଦିନରେ ମହାରାଷ୍ଟ୍ରରୁ ୫୭ ହଜାରରୁ ଅଧିକ କୋଭିଡ ମାମଲା ସାମ୍ନାକୁ ଆସିଛି । ସେହିପରି ମୃତ୍ୟୁ ସଂଖ୍ୟା ମଧ୍ୟ ମହାରାଷ୍ଟ୍ରରେ ଅଧିକ ରହିଛି । ତଥ୍ୟ ଅନୁଯାୟୀ ୨୨୨ ଜଣ କରୋନା ପଜିଟିଭଙ୍କ ମୃତ୍ୟୁ ଘଟିଛି ।