spot_img
Home Blog Page 5948

ଏପ୍ରିଲରେ ରେକର୍ଡ ଭାଙ୍ଗୁଛି ଦୈନିକ ସଂକ୍ରମଣ, ୫୮୮ ପଜିଟିଭ୍ ଚିହ୍ନଟ

ଭୁବନେଶ୍ୱର: ରାଜ୍ୟରେ କୋଭିଡ୍ ସଂକ୍ରମିତଙ୍କ ସଂଖ୍ୟା ବଢ଼ି ବଢ଼ି ଚାଲିଛି । ଏପ୍ରିଲ୍ ମାସର ପ୍ରତିଦିନ କରୋନା କରୁଛି ନୂଆ ନୂଆ ରେକର୍ଡ । ଗତ ୨୪ ଘଣ୍ଟାରେ ରାଜ୍ୟରୁ ୫୮୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୩୪୨ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୪୬ଟି ମାମଲା ହେଉଛି ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୦୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଅନୁଗୁଳରୁ ୫ ଜଣ, ବାଲେଶ୍ୱରରୁ ୧୩ ଜଣ, ବରଗଡ଼ରୁ ୨୧, ଭଦ୍ରକରୁ ୯ ଜଣ, ବଲାଙ୍ଗିରରୁ ୧୧ ଜଣ, କଟକରୁ ୩୦ ଜଣ, ଦେବଗଡ଼ରୁ ୪ ଜଣ, ଢେଙ୍କାନାଳରୁ ୬ ଜଣ, ଗଜପତିରୁ ଜଣେ, ଗଞ୍ଜାମରୁ ୨୭ ଜଣ, ଜଗତସିଂହପୁରରୁ ୩ ଜଣ, ଯାଜପୁରରୁ ୧୫ ଜଣ, ଝାରସୁଗୁଡ଼ାରୁ ୩୧ ଜଣ, କଳାହାଣ୍ଡିରୁ ୬୪ ଜଣ, କନ୍ଧମାଳରୁ ୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଲି କେନ୍ଦୁଝରରୁ ୨ ଜଣ, କୋରାପୁଟରୁ ୯ ଜଣ, ମୟୂରଭଞ୍ଜରୁ ୯ ଜଣ, ନବରଙ୍ଗପୁରରୁ ୮ ଜଣ, ନୟାଗଡ଼ରୁ ୭ ଜଣ, ନୂଆପଡ଼ାରୁ ୨୯ ଜଣ, ପୁରୀରୁ ୨୪ ଜଣ, ରାୟଗଡ଼ାରୁ ୬ ଜଣ, ସମ୍ବଲପୁରରୁ ୨୮ ଜଣ, ସୋନପୁରରୁ ୧୧ ଜଣ, ସୁନ୍ଦରଗଡ଼ରୁ ୮୪ ଜଣ ଓ ଷ୍ଟେଟ୍ ପୁଲରୁ ୨୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଏଥିସହ ରାଜ୍ୟରେ ମୋଟ କୋଭିଡ୍ ସଂକ୍ରମିତଙ୍କ ସଂଖ୍ୟା ୩ ଲକ୍ଷ ୪୩ ହଜାର ୮୫୬କୁ ବୃଦ୍ଧି ପାଇଛି । ୩ ଲକ୍ଷ ୩୮ ହଜାର ୧୫୦ ଜଣ କରୋନାରୁ ସୁସ୍ଥ ହୋଇଥିବା ବେଳେ ୧୯୨୨ ଜଣଙ୍କ ମୃତ୍ୟୁ ହୋଇଛି । ଏବେ ରାଜ୍ୟରେ କରୋନାର ୩୭୩୧ଟି ସକ୍ରିୟ ସଂକ୍ରମଣ ମାମଲା ରହିଛି ।

ଭିଡ଼ ପାଇଁ ପ୍ରଶାସନ ସିଲ୍ କଲା ହୋଟେଲ୍

ଭବାନୀପାଟଣା: ବଢ଼ୁଥିବା କୋଭିଡ୍ ସଂକ୍ରମଣ ରୋକିବାକୁ ରାଜ୍ୟ ସରକାର ପଦକ୍ଷେପ ନେଉଛନ୍ତି । ରାଜ୍ୟର ୧୦ ଜିଲ୍ଲାରେ ଲାଗୁ ହୋଇଛି ରାତ୍ରୀକାଳୀନ କର୍ଫ୍ୟୁ । କଳାହାଣ୍ଡି ଜିଲ୍ଲାରେ ମଧ୍ୟ ନାଇଟ୍ କର୍ଫ୍ୟୁ ଲାଗିଛି । କରୋନା କଟକଣାକୁ କଡ଼ାକଡ଼ି ପାଳନ ଲାଗି ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି ।

Police Sealed In Hotel In Bhawanipatna For Covid-19 Norms Violation

ତେବେ କିଛି ସ୍ଥାନରେ ନିୟମର ଉଲ୍ଲଂଘନ ହେଉଛି । ହୋଟେଲରେ ଅତ୍ୟଧିକ ଭିଡ଼ ଯୋଗୁଁ ବାଲାଜୀ ସୁଇଟ୍ସକୁ ସିଲ୍ କରି ଦେଇଛି ଭବାନୀପାଟଣା ପୋଲିସ । ହୋଟେଲ ରେ ଅଧିକ ଭିଡ଼ ଥିବା ଯୋଗୁଁ ଭବାନୀପାଟଣା ଟାଉନ୍ ଥାନା ଅଧିକାରୀ ସତ୍ୟ କୁମାର ନନ୍ଦ ଏବଂ ଭବାନୀପାଟଣା ପୌର ପରିଷଦ ଅଧିକାରୀଙ୍କ ଉପସ୍ଥିତିରେ ବାଲାଜୀ ସୁଇଟ୍ସକୁ ସିଲ୍ କରାଯାଇଛି ।

Police Sealed In Hotel In Bhawanipatna For Covid-19 Norms Violation

କୋଭଡ୍ ନିର୍ଦ୍ଦେଶନାମା ଉଲ୍ଲଂଘନ କରିଥିବା ଯୋଗୁଁ ହୋଟେଲକୁ ୧୦ ହଜାର ଟଙ୍କା ଜରିମାନା କରାଯାଇଛି । ଅନିର୍ଦ୍ଦିଷ୍ଟ ସମୟ ଯାଏ ହୋଟେଲ ସିଲ୍ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି । ବାଲାଜୀ ସୁଇଟ୍ସ ବ୍ୟତୀତ୍ ଅନ୍ୟ ୪ଟି ଦୋକାନ ସିଲ୍ କରି ଫାଇନ୍ ଆଦାୟ କରିଛି ପୋଲିସ ।

ତିନି ସପ୍ତାହ ଲାଗି ହାଟ ବନ୍ଦ, ପରିବା ବ୍ୟବସାୟୀଙ୍କୁ ସହରକୁ ପଶିବାକୁ ଦେଲାନି ପୋଲିସ

ଝାରସୁଗୁଡ଼ା: ବଢ଼ୁଥିବା କୋଭିଡ୍ ସଂକ୍ରମଣକୁ ଦୃଷ୍ଟି ରେଖି ଝାରସୁଗୁଡ଼ା ଜିଲ୍ଲାରେ ପ୍ରଶାସନ ୩ ସପ୍ତାହ ଲାଗି ସାପ୍ତାହିକ ହାଟକୁ ବନ୍ଦ କରି ଦେଇଛି । ଏଥିସହ ଦୈନିକ ବଜାରକୁ ଅନ୍ୟତ୍ର ସ୍ଥାନାନ୍ତର କରାଯାଇଛି । ଗତ ରାତିରୁ ରାତ୍ରୀକାଳୀନ କର୍ଫ୍ୟୁ ମଧ୍ୟ ଲାଗୁ ହୋଇଛି । ଆଜି ସକାଳୁ ପରିବା ବିକ୍ରି ପାଇଁ ଆସିଥିବା ବ୍ୟବସାୟୀଙ୍କୁ ପୋଲିସ ସହର ଭିତରକୁ ଛାଡ଼ିନାହିଁ ।

Jharsuguda Vegetable Vendor Protest Against Market Shut Down For Covid-19

ଯାହାର ତୀବ୍ର ପ୍ରତିବାଦ କରିଛନ୍ତି ପରିବା ବିକାଳି । ରାସ୍ତା ଉପରେ ବସ୍ତା ବସ୍ତା ପରିବାକୁ ଢ଼ାଳି ନଷ୍ଟ କରି ପ୍ରତିବାଦ କରିଛନ୍ତି । ଝାରସୁଗୁଡ଼ା ସହରରେ ଥିବା ଏକ ମାତ୍ର ବଜାରକୁ ପ୍ରଶାସନ କରୋନା କଟକଣା କରି ବନ୍ଦ କରି ଦେଇଥି । ଫଳରେ ଏହି ବଜାର ଉପରେ ନିର୍ଭର କରୁଥିବା ଚାଷୀ ଏବଂ ପରିବା ବ୍ୟବସାୟୀମାନେ ପରିବା ବିକ୍ରି କରି ନପାରି ଅସୁବିଧା ସମ୍ମୁଖୀନ ହୋଇଛନ୍ତି । ପ୍ରଶାସନ ପକ୍ଷରୁ ସାପ୍ତାହିକ ହାଟ ଓ ଦୈନିକ ହାଟ ବନ୍ଦ କରି ଦିଆଯାଇ ସହରର ବିଭିନ୍ନ ସ୍ଥାନରେ ପରିବା ବିକ୍ରି ପାଇଁ ନିର୍ଦ୍ଦେଶ ଦିଆଯାଇଥିଲା ।

Jharsuguda Vegetable Vendor Protest Against Market Shut Down For Covid-19

ପରିବା ବିକାଳିଙ୍କ ଅଭିଯୋଗ ହେଲା ବିକ୍ରି ପାଇଁ କୌଣସି ସ୍ଥାନରେ ବ୍ୟବସ୍ଥା କରାଯାଇ ନାହିଁ । ଆଜି ମଙ୍ଗଳବାର ବଜାର ଥିବାରୁ ଜିଲ୍ଲାର ବିଭିନ୍ନ ସ୍ଥାନରୁ ଚାଷୀ ଓ ବ୍ୟବସାୟୀ ପରିବା ଧରି ପହଞ୍ଚିବା ପରେ ବିକ୍ରି ପାଇଁ ପୋଲିସ ବାରଣ କରିଥିଲା । ବ୍ୟବସାୟୀ ଅସନ୍ତୋଷ ପ୍ରକାଶ କରି ରାସ୍ତା ଉପରେ ପନିପରିବା ଢାଳି ପ୍ରତିବାଦ କରିଛନ୍ତି ।

ପଶ୍ଚିମବଙ୍ଗ ଓ ଆସାମ ସମେତ ୫ ରାଜ୍ୟର ୪୭୫ ଆସନରେ ମତଦାନ ଆରମ୍ଭ

ନୂଆଦିଲ୍ଲୀ: ଦେଶର ୪ ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ପ୍ରଦେଶ ନିର୍ବାଚନ ଲାଗି ଆଜି ଦିନଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସକାଳ ୭ଟାରୁ ମତଦାନ ଆରମ୍ଭ ହୋଇଯାଇଛି । ଆଜି ତାମିଲନାଡ଼ୁର ସମସ୍ତ ୨୩୪ଟି ଆସନ ସହ କେରଳର ସମସ୍ତ ୧୪୦ ଆସନରେ ଭୋଟ୍ ଗ୍ରହଣ ହେଉଛି । ଆସାମରେ ତୃତୀୟ ତଥା ଶେଷ ପର୍ଯ୍ୟାୟରେ ମତଦାନ ହେଉଥିବା ବେଳେ ପଶ୍ଚିମବଙ୍ଗରେ ତୃତୀୟ ପର୍ଯାୟରେ ୪୧ଟି ଆସନରେ ଭୋଟ୍ ପଡ଼ୁଛି । କେନ୍ଦ୍ରଶାସିତ ପ୍ରଦେଶ ପୁଡୁଚେରୀର ସମସ୍ତ ୩୦ଟି ଆସନରେ ଆରମ୍ଭ ହୋଇଛି ଭୋଟିଂ । ବିଧାନସଭା ବାଦ୍ ମଲ୍ଲପରମ ଓ କନ୍ୟାକୁମାରୀ ଲୋକସଭା ଆସନରେ ଉପନିର୍ବାଚନ ଲାଗି ଆଜି ଭୋଟ୍ ଗ୍ରହଣ ଚାଲିଛି ।

Image

ତାମିଲନାଡ଼ୁ

ତାମିଲନାଡ଼ୁରେ କିଏ ଗଢ଼ିବ ସରକାର ? AIADMK ତୃତୀୟ ଥର ଜିତି ହ୍ୟାଟ୍ରିକ୍ କରିବ ନା ଏକ ଦଶନ୍ଧି ପରେ ପୁଣି କ୍ଷମତାକୁ ଫେରିବ ଡିଏମକେ । ୬.୨୮ କୋଟିରୁ ଅଧିକ ଭୋଟର୍ ୨୩୪ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି । ନିର୍ବାଚନରେ ମୁଖ୍ୟମନ୍ତ୍ରୀ ପଲାନିସ୍ୱାମୀ, ଉପମୁଖ୍ୟମନ୍ତ୍ରୀ ପନ୍ନିରସେଲଭମ୍ ଓ ଡିଏମକେ ପ୍ରମୁଖ ଏମକେ ଷ୍ଟାଲିନଙ୍କ ସମେତ ଏଏମଏମକେ ମୁଖ୍ୟ ଟିଟିବି ଦିନାକରଣଙ୍କ ସହ କମଲ ହାସନ ଓ ରାଜ୍ୟ ବିଜେପି ମୁଖ୍ୟ ଏଲ୍ ମୁରୁଗନ ପ୍ରମୁଖ ଚେହେରା ଲଢ଼ୁଛନ୍ତି ।

ଏନଡିଏର ସହଯୋଗୀ ଭାବେ AIADMK ନିର୍ବାଚନ ଲଢ଼ୁଥିବା ବେଳେ ଏଥିରେ ବିଜେପି, ପିଏମକେ ଓ ଅନ୍ୟ ଆଞ୍ଚଳିକ ଦଳ ସାମିଲ୍ ଅଛନ୍ତି । ୟୁପିଏର ଅଂଶୀଦାର ଦଳ ଭାବେ ଡିଏମକେ ନିର୍ବାଚନ ଲଢ଼ୁଛି । କଂଗ୍ରେସ ଅନ୍ୟ ୧୧ଟି ଦଳ ନିର୍ବାଚନ ମୈଦାନରେ ଅଛି । କମଲ ହାସନଙ୍କ ଏମଏନଏମ ଓ ଦିନାକରଣଙ୍କ ଏଏମଏମକେ ଅନ୍ୟ ସହଯୋଗୀ ଦଳ ସହ ନିର୍ବାଚନ ଲଢ଼ୁଛି ।

କେରଳ

୧୯୮୦ ପରେ ସିପିଆଇ(ଏମ) ନେତୃତ୍ୱାଧୀନ ଲେଫ୍ଟ ଡେମୋକ୍ରେଟିକ୍ ଫ୍ରଣ୍ଟ ଓ କଂଗ୍ରେସ ନେତୃତ୍ୱାଧୀନ ୟୁନାଇଟେଡ୍ ଫ୍ରଣ୍ଟ କେରଳରେ ସରକାର ଗଠନ କରୁଥିଲେ । କିନ୍ତୁ ଉଭୟ ଦଳକୁ କେବେ ଲଗାତାର ବିଜୟ ମିଳିନାହିଁ । ଚଳିତଥର ୟୁଡିଏଫ୍, ଏଲଡିଏଫ୍ ବିଜୟୀ ହେବ ନା କ୍ଷମତା ବଜାୟ ରଖିବେ ପିନରାଇ ବିଜୟନ । ରାଜ୍ୟର ୨.୭୪ କୋଟି ମତଦାତା ୧୪୦ ଆସନରେ ୯୫୭ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି । ଏଠାରେ ୟୁଡିଏଫ୍ ଓ ଏଲଡିଏଫ୍ ମଧ୍ୟରେ ଲଢ଼େଇ ହେଉଥିବା ବେଳେ ରାଜନୀତିକ ବିଶେଷଜ୍ଞଙ୍କ ମତରେ ବିଜେପି ତୃତୀୟ ବିକଳ୍ପ ଭାବେ ଉଭା ହୋଇପାରେ ।

ପଶ୍ଚିମବଙ୍ଗ

ମଙ୍ଗଳବାର ପଶ୍ଚିମବଙ୍ଗରେ ତୃତୀୟ ପର୍ଯ୍ୟାୟ ଲାଗି ମତଦାନ ଜାରି ରହିଛି । ଚଳିତ ପର୍ଯ୍ୟାୟରେ ଗ୍ରାମୀଣ ହାୱଡ଼ା, ସୁନ୍ଦରବନ, ଡାଏମଣ୍ଡ ହାର୍ବର ଓ ଦକ୍ଷିଣ ୨୪ ପ୍ରଗଣାର ବାରୁଇପୁର ଅଞ୍ଚଳ ଓ ହୁଗଳି ଜିଲ୍ଲାର କିଛି ଅଞ୍ଚଳରେ ଭୋଟ୍ ହେଉଛି । ମତଦାନ ହେଉଥିବା ଅଧିକାଂଶ ଆସନ ତୃଣମୂଳ କଂଗ୍ରେସର ଗଡ଼ ବୋଲି କୁହାଯାଉଛି । ପ୍ରାୟ ୭୮ ଲକ୍ଷ ୫୨ ହଜାର ୪୨୫ ଜଣ ମତାଦାତା ୩୧ ଆସନର ୨୦୫ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ।

Image

ଆସାମ

ଅନ୍ତିମ ପର୍ଯ୍ୟାୟରେ ଆସାମର ୪୦ ଆସନରେ ଭୋଟିଂ ଚାଲିଛି । ତୃତୀୟ ପର୍ଯ୍ୟାୟରେ ବରିଷ୍ଠ ମନ୍ତ୍ରୀ ହିମନ୍ତ ବିଶ୍ୱ ମରମା, ୫ କ୍ୟାବିନେଟ ମନ୍ତ୍ରୀ ଓ ରାଜ୍ୟ ବିଜେପି ସଭାପତି ରଣଜୀତ କୁମାର ଦାସଙ୍କ ସହ ୩୩୭ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର ।

ପୁଡୁଚେରୀ

ପୁଡୁଚେରୀର ବିଧାନସଭାର ସମସ୍ତ ୩୦ ଆସନରେ ଆଜି ମତଦାନ ଚାଲିଛି । ନିର୍ବାଚନ ପୂର୍ବରୁ ହିଁ ଭି. ନାରାୟଣସାମୀଙ୍କ ନେତୃତ୍ୱାଧୀନ କଂଗ୍ରେସ ସରକାର ବହୁମତ ହରାଇବା ପରେ ଭାଙ୍ଗି ଯାଇଥିଲା । କେନ୍ଦ୍ର ଶାସିତ ଏହି ପ୍ରଦେଶରେ ଏନଡିଏ ଓ ୟୁପିଏ ମଧ୍ୟରେ କଡ଼ା ମୁକାବିଲା ହେଉଛି ।

ସଂକ୍ରମିତଙ୍କ ଘର ପାଖକୁ ଯାଇଁ ସ୍ୱାସ୍ଥ୍ୟ ସେବା ଯୋଗାଇ ଦେବେ ଆରଆରଟି ଟିମ୍

ଭୁବନେଶ୍ୱର: ମଙ୍ଗଳବାର ଠାରୁ ଭୁବନେଶ୍ୱରରେ ଆରମ୍ଭ ହେବ ରାପିଡ୍ ରେସ୍ପନ୍ସ ଟିମ୍ (RRT) ଟିମର କାର୍ଯ୍ୟ। ଘର ଘର ବୁଲି ଯୋଗାଇବେ ସ୍ୱାସ୍ଥ୍ୟ ସମ୍ପର୍କିତ ସେବା ଓ ପରାମର୍ଶ। ୩୦ଜଣିଆ ଡାକ୍ତରୀ ଦଳ ଯୋଗ ଦେବେ କାର୍ଯ୍ୟରେ। ଟିମରେ ରହିବେ ଆୟୁର୍ବେଦିକ, ଏଲୋପ୍ୟାଥିକ ଓ ହୋମିଓପ୍ୟାଥିକ ଡାକ୍ତର। ଭୁବନେଶ୍ୱରରୁ ଚିହ୍ନଟ ଅଧିକାଂଶ ଆକ୍ରାନ୍ତ ଘରେ ସଙ୍ଗରୋଧରେ ରହିବାକୁ କରୁଛନ୍ତି ପସନ୍ଦ। ସେମାନଙ୍କୁ ପରାମର୍ଶ ଦେବାକୁ ପୂର୍ବରୁ 1929 ହେଲ୍ପ ଲାଇନ ନମ୍ୱର କାର୍ଯ୍ୟକ୍ଷମ ହୋଇଥିବା ବେଳେ ଏବେ ଘର ଘର ବୁଲି ସ୍ୱାସ୍ଥ୍ୟ ସେବା ଯୋଗାଇଦେବ ଟିମ୍ । ଘରେ ସଂଗରୋଧରେ ଥିବା ସଂକ୍ରମିତଙ୍କ ସମସ୍ୟାର ସମାଧାନ କରିବ RRT।

ଏଥିସହିତ ପଢ଼ନ୍ତୁ: ଆସାମ ସ୍ୱାସ୍ଥ୍ୟମନ୍ତ୍ରୀଙ୍କ ବିବାଦୀୟ ବୟାନ, ମାସ୍କ ପିନ୍ଧିଲେ ବେପାର ମାନ୍ଦା

୫୦ କୋଟିରୁ ଅଧିକ ବ୍ୟକ୍ତିଙ୍କ ଫେସବୁକ ଡାଟା ଲିକ୍, ଏଥିରେ ଆପଣଙ୍କ ଡାଟା ନାହିଁ ତ? ଏମିତି କରନ୍ତୁ ଚେକ୍

ନ୍ୟୁୟର୍କ: ହ୍ୟାକର୍ସଙ୍କ ୱେବସାଇଟରେ ୫୦ କୋଟିରୁ ଅଧିକ ଫେସବୁକ୍ ବ୍ୟବହାରକାରୀଙ୍କ ତଥ୍ୟ । ହ୍ୟାକର୍ସଙ୍କ ୱେବସାଇଟରେ ଥିବା ଡାଟା ପୁରୁଣା ହୋଇଥିଲେ ମଧ୍ୟ ଫେସବୁକ୍ ଓ ଅନ୍ୟ ସୋସିଆଲ୍ ମିଡିଆରେ ସୁରକ୍ଷାକୁ ନେଇ ପ୍ରଶ୍ନ ଛିଡ଼ା କରିଛି । ହ୍ୟାକର୍ସଙ୍କ ୱେବସାଇଟରେ ତଥ୍ୟ ଉପଲବ୍ଧ ନେଇ ‘ବିଜନେସ୍ ଇନସାଇଡର’ ସୂଚନା ଦେଇଛି । ୧୦୬ ଦେଶର ଲୋକଙ୍କ ଫୋନ୍ ନମ୍ବର, ଫେସବୁକ୍ ଆଇଡି, ନାଁ, ସ୍ଥାନ, ଜନ୍ମ ତାରିଖ ଓ ଇମେଲ୍ ଆଇଡି ଅନଲାଇନରେ ଉପଲବ୍ଧ ଅଛି ।

ତେବେ ଜଣାଇଦେବାକୁ ଚାହୁଁ ଯେ ୟୁକ୍ରେନର ଜଣେ ସୁରକ୍ଷା ଅନୁସନ୍ଧାନକାରୀ ୨୦୧୯ ଡିସେମ୍ବରରେ କହିଥିଲେ- ୨୬ କୋଟି ୭୦ ଲକ୍ଷ ଫେସବୁକ୍ ବ୍ୟବହାରକାରୀଙ୍କ ତଥ୍ୟ ଇଣ୍ଟରନେଟରେ ଉପଲବ୍ଧ ଅଛି । ତେବେ ଏବେ ଯେଉଁ ତଥ୍ୟ ଲିକ୍ ହୋଇଥିବା ନେଇ କୁହାଯାଉଛି ତାହା ୨୦୧୯ରେ ଲିକ୍ ହୋଇଥିବା ଡାଟାର ଅଂଶବିଶେଷ କି ନୁହେଁ ଜଣାପଡ଼ିନାହିଁ । ଫେସବୁକ୍ ପକ୍ଷରୁ କୁହାଯାଇଛି- ଏହା ପୁରୁଣା ଡାଟା । ଯାହାର ସୂଚନା ୨୦୧୯ରେ ଦିଆଯାଇଥିଲା । ଆମେ ଏହି ସମସ୍ୟାକୁ ୨୦୧୯ ଅଗଷ୍ଟରେ ଦୂର କରି ଦେଇଥିଲୁ।

କୁହାଯାଉଛି ଯେ ଏହି ଡାଟା ଚୋରିରେ ନିଜେ ଫେସବୁକ ସିଇଓ ମାର୍କ ଜୁକର୍ବର୍ଗଙ୍କର ବି ଡାଟା ଲିକ୍ ହୋଇଛି । ତେବେ ହୋଇପାରେ ଏହି ଲିକ୍ ଡାଟା ମଧ୍ୟରେ ଆପଣଙ୍କର ବି ଫୋନ ନମ୍ବର କିମ୍ବା ବ୍ୟକ୍ତିଗତ ଡାଟା ଥାଇପାରେ।

କେମିତି ଜାଣିବେ ଆପଣଙ୍କ ଡାଟା ଲିକି ହୋଇଛି କି ନାହିଁ?

ଫେସବୁକ୍ ର ଡାଟା ବ୍ରିଚ୍ ରେ ଆପଣଙ୍କର ତଥ୍ୟ ଅନ୍ତର୍ଭୂକ୍ତ ହୋଇଛି କି ନାହିଁ ଆପଣ ଯାଞ୍ଚ କରିପାରିବେ। ସିକ୍ୟୋରିଟି ରିସର୍ଚ୍ଚର ଟ୍ରାଇ ହଣ୍ଟ ନାମକ ଏକ ପୋର୍ଟାଲ ତିଆରି କରିଛି। ଏହି ପୋର୍ଟାଲକୁ ଯାଇ କୌଣସି ଉପଭୋକ୍ତା ସେମାନଙ୍କର ତଥ୍ୟ ଲିକ୍ ହୋଇଛି କି ନାହିଁ ଯାଞ୍ଚ କରିପାରିବେ। ଏଥି୍ପାଇଁ  Have I been pwned ୱେବସାଇଟ୍ କୁ ଯାଆନ୍ତୁ । ଏଠାକୁ ଯିବା ପରେ, ଆପଣଙ୍କ ଇମେଲ ଆଇଡିକୁ ବାକ୍ସରେ ଲେଖି ତାପରେ pwned? ଉପରେ କ୍ଲିକ୍ କରନ୍ତୁ।

କ୍ଲିକ୍ କରିବାମାତ୍ରେ, ଆପଣ ଜାଣିଯିବେ ଯେ ଆପଣଙ୍କର ଇମେଲ୍ ଆଇଡି କେଉଁ କେଉଁ ଡାଟା ବ୍ରିଚ୍ ରେ ଅଛି। ଯଦି ଆପଣଙ୍କର ଇମେଲ୍ ଆଇଡି କୌଣସି ଡାଟା ବ୍ରିଚର ଅଂଶ ନୁହେଁ, ଅର୍ଥାତ୍ ଆପଣଙ୍କର ତଥ୍ୟ ଲିକ୍ ହୋଇନାହିଁ । ଏହି ୱେବସାଇଟ୍ ରେ ଆପଣ ଏହା ମଧ୍ୟ ଜାଣିବେ ଯେ ଆପଣଙ୍କ ତଥ୍ୟ ପୂର୍ବରୁ ବି କେଉଁଠି ସବୁ ଲିକ୍ ହୋଇଛି । ତଳକୁ ସ୍କ୍ରୋଲ୍ କରିବା ପରେ, ଆପଣ କମ୍ପାନୀଗୁଡିକର ଏକ ତାଲିକା ମିଳିବ ଯେଉଁଠାରୁ ଆପଣଙ୍କର ତଥ୍ୟ ଲିକ୍ ହୋଇଛି ।

ଲଭ୍ ଜିହାଦ୍ ମାମଲାରେ ସ୍ୱାମୀଙ୍କୁ ଗିରଫ କରାଇଲେ ସ୍ତ୍ରୀ

ଇନ୍ଦୋର: ସ୍ୱାମୀଙ୍କ ବିରୋଧରେ ଲଭ୍‌ ଜିହାଦ୍ ମାମଲା ରୁଜୁ କଲେ ସ୍ତ୍ରୀ । ଦ୍ୱାରିକପୁର ଥାନାରେ ଏ ନେଇ ମାମଲା ରୁଜୁ କରିଛନ୍ତି ସ୍ତ୍ରୀ । ଗର୍ଭବତୀ ସ୍ତ୍ରୀ ଜଣଙ୍କ ସ୍ୱାମୀର ଅସଲ ଜାତି ସମ୍ପର୍କରେ  ଜାଣିବା ପରେ ତାଙ୍କ ନାଁରେ ଏଭଳି ମାମଲା ରୁଜୁ କରିଛନ୍ତି । ଗର୍ଭବତୀ ମହିଳା ଜଣଙ୍କ ଚିକିତ୍ସା କରାଉଥିବା ହସ୍ପିଟାଲରେ ଉଭୟ ସ୍ୱାମୀ ଓ ସ୍ତ୍ରୀଙ୍କ ପରିଚୟ ପତ୍ର ମାଗିଥିଲେ । ଜିମ୍ ଟ୍ରେନ୍‌ର ସ୍ୱାମୀ ଜଣଙ୍କ ସେଠାରେ ତାଙ୍କ ପରିଚୟ ପତ୍ର ଦେଇଥିଲେ । ସେଥିରୁ ସ୍ତ୍ରୀ ଜଣଙ୍କ ସ୍ୱାମୀଙ୍କ ଅସଲ ପରିଚୟ ଜାଣିପାରିଥିଲେ । ସ୍ତ୍ରୀ ଜଣଙ୍କ ସ୍ୱାମୀଙ୍କ ନାମ ଗବ୍ବର ବୋଲି ଭାବୁଥିବା ବେଳେ ତାଙ୍କର ପ୍ରକୃତ ନାମ ଥିଲା ମୁସ୍ତାଫା । ଏ ନେଇ ଦ୍ୱାରିକାପୁର ଥାନା ଅଧିକାରୀଙ୍କ କହିବା ହେଲା ଯେ, ଏମ୍‌ପି ଧର୍ମ ସ୍ୱତନ୍ତ୍ରତା ଅଧିନିୟମ ୨୦୨୦ ଅଧିନରେ ମାମଲା ରୁଜୁ କରିଛି ।

ଏଥିସହିତ ପଢ଼ନ୍ତୁ: ପଦାରେ ପଡ଼ିଲା ଆଶ୍ରିତଙ୍କ ଅସଲ ଚେହେରା: ‘୫୦ ଲକ୍ଷ ଟଙ୍କା’ ଅଭିଯୁକ୍ତଙ୍କ ସହ ରହିଛି ଲିଙ୍କ୍

ଜୟପୁର ଗାଁରେ ହୃଦୟ ବିଦାରକ ଦୃଶ୍ୟ: ଏକାଠି ଜଳିଲା ଦମ୍ପତିଙ୍କ ଜୁଇ

ଯାଜପୁର: ଯେବେ ପ୍ରାଣ ଚାଲିଯାଏ ସେତେବେଳେ କେମିତି ବଞ୍ଚିବ ପ୍ରାଣପ୍ରିୟା  । ଯେବେ ସାତଜନମର ସାଥି ଛାଡିଯାଏ ସେତେବେଳେ କେମିତି ବା ରହିପାରିବ ପତ୍ନୀ  । ସ୍ବାମୀର ଅସୁସ୍ଥତା ଖବର ଶୁଣି ମୁର୍ଚ୍ଛା ହେଇଗଲା ସ୍ତ୍ରୀ  । ପରେ  ଗୋଟିଏ ଡାକ୍ତରଖାନାରେ ଏକାଠି ପ୍ରାଣ ହରାଇଦେଲେ ପତ୍ନୀ-ପତି  । ଏଭଳି ହୃଦୟ ବିଦାରକ ଓ ପ୍ରେମର ନିଆରା ନିଦର୍ଶନ ଦେଖିବାକୁ ମିଳିଛି ଯାଜପୁର ଜିଲ୍ଲା ଜୟପୁର ଗାଁରେ । ଗାଁର ଉଦୟନାଥ ଓ ସ୍ତ୍ରୀ ଅମ୍ବିକାଙ୍କର ଏକା ସମୟରେ ଜଳିଛି ଜୁଇ  । ହାତ ଧରି ଚାଲିବାକୁ ଶପଥ ନେଇଥିଲେ  । ଏକାଠି ସଂସାର ଗଢିଥିଲେ ।   ଜୀବନର ସୁଖ ଦୁଃଖକୁ ବାଣ୍ଟିନେଇ ସମ୍ପର୍କରେ ମଧୁରତା ଭରିଥିଲେ  । ଆଜି କେମିତି ତୁ ଏକା ଛାଡ଼ି ଚାଲିଯିବୁ । ଜୀବନକୁ ଛାଡି ମୁଁ କଣ ବଞ୍ଚିପାରିବି  । ସାଙ୍ଗ ହୋଇ ସାତ ଜନମକୁ କଥା ଦେଇଥିଲେ, ଚାଲ୍ ଏବେ ସାଥି ହୋଇ ଚାଲିଯିବା  । ଯାଜପୁର ଜିଲ୍ଲା ଜୟପୁର ଗାଁର ଖରସ୍ରୋତା ନଦୀ ପଠାରେ ଏକାଠି ଜଳିଲା ଦୁଇଟି ଜୁଇ  । ଡକାଡକି ହୋଇ ଆରପାରିକୁ ଚାଲିଗଲେ ପତି ପତ୍ନୀ  । ସ୍ବାମୀ ଉଦୟ ନାଥ ଷଡଙ୍ଗୀ ଓ ତାଙ୍କ ପତ୍ନୀ ଅମ୍ବିକା ଷଡଙ୍ଗୀ ଏକାଠି ହୋଇ ଆରପାରିକୁ ଚାଲିଯାଇଛନ୍ତି ।

୬୫ ବର୍ଷୀୟ ଉଦୟନାଥ ଷଡଙ୍ଗି ହରିପୁରରେ ହାର୍ଡଓ୍ବାର ଦୋକାନଟିଏ କରିଥିଲେ  । ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ବାଟରେ ଅଚେତ ହୋଇଯାଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ପ୍ରଥମେ ଯାଜପୁର ଓ ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା । ସ୍ବାମୀଙ୍କ ଅସୁସ୍ଥତା ଖବର ଶୁଣି ପତ୍ନୀ ଅମ୍ବିକା ମଧ୍ୟ ଅଚେତ ହୋଇପଡିଲେ । ପରେ ତାଙ୍କୁ ମଧ୍ୟ କଟକ ବଡମେଡିକାଲରେ ଭର୍ତ୍ତି କରାଗଲା  । ସେଠାରେ ଉଭୟଙ୍କୁ ଡାକ୍ତର ମୃତ ଘୋଷଣା କରିଥିଲେ  । ଉଦୟଙ୍କ ଅସୁସ୍ଥତା ଖବରରେ ସତେ ଯେମିତି ଅସ୍ତ ହୋଇଯାଇଥିଲା ଅମ୍ବିକାଙ୍କ ଜୀବନ । ପ୍ରାଣକୁ ଛାଡି କେମିତି ବଞ୍ଚିଥାନ୍ତେ ପ୍ରାଣପ୍ରିୟା । ସେଇଥିପାଇଁତ ସାଥି ହୋଇ ନିଜର ଶପଥ ରଖିଛନ୍ତି ଉଭୟ ପତ୍ନୀ ପତି  ।

 

ମତଦାନ ନିମନ୍ତେ ଦିବ୍ୟାଙ୍ଗ ମାନଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା

ପୁରୀ: ପିପିଲି ବିଧାନସଭା ଉପ-ନିର୍ବାଚନ ନିମନ୍ତେ ଆସନ୍ତା ୧୭ ତାରିଖ ଦିନ ମତଦାନ ହେବ । ମତଦାନ ନିମନ୍ତେ ଦିବ୍ୟାଙ୍ଗ ମାନଙ୍କ ନିମନ୍ତେ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ଏଥିପାଇଁ ୧୦୨ଟି ଗାଡ଼ି ବ୍ୟବସ୍ଥା କରାଯାଇଛି । ମତଦାନ ଦିନ ସେମାନେ ରହୁଥିବା ସ୍ଥାନରୁ ସମ୍ପୃ୍କ୍ତ ମତଦାନ କେନ୍ଦ୍ରକୁ ନେବା ଆଣିବାରେ ସହାୟକ ହେବ । ମତଦାନର ୭ଦିନ ପୂର୍ବରୁ ଯୋଗ୍ୟ ଦିବ୍ୟାଙ୍ଗ ଭୋଟରମାନଙ୍କୁ ବାହାନ ପ୍ରମାଣ ପତ୍ର ବଣ୍ଟନ କରାଯିବ । ଏଥିସହ ବ୍ଲକ ମୁଖ୍ୟାଳୟରେ ମତଦାନ କେନ୍ଦ୍ର ଗୁଡିକ ପାଇଁ ୩୪୮ଟି ହ୍ବିଲ ଚେୟାର ପ୍ରସ୍ତୁତ ରହିଛି । ଦିବ୍ୟାଙ୍ଗ ମାନଙ୍କ ସହାୟତା ପାଇଁ ପ୍ରତ୍ୟେକ ବୁଥରେ ଦୁଇଜଣ ସ୍ବେଚ୍ଛାସେବୀ ନିୟୋଜିତ ହେବେ । ଏଥିପାଇଁ ଜାତୀୟ ସେବା ସଂସ୍ଥା, ନେହେରୁ ଯୁବ କେନ୍ଦ୍ର, ସ୍ବୟଂ ସହାୟକ ଗୋଷ୍ଠୀ, ବେସରକାରୀ ସଂସ୍ଥାର ସ୍ବେଚ୍ଛାସେବୀ ମାନଙ୍କୁ ଚିହ୍ନଟ କରାଯିବ । ଏଥିସହ ମତଦାନ ଦିନ ଭୋଟର ପରିଚୟ ପତ୍ର ନିଜ ସାଙ୍ଗରେ ଆଣିବାକୁ ଭୋଟର ମାନଙ୍କୁ ପରାମର୍ଶ ଦିଆଯାଇଛି । ଭୋଟର ପରିଚୟ ପତ୍ର ନଥିଲେ ଆଧାର କାର୍ଡ, ମହାତ୍ମା ଗାନ୍ଧି ନରେଗା କାର୍ଡ, ନିଜ ଫୋଟ ଥିବା ବ୍ୟାଙ୍କ କିମ୍ବା ପୋଷ୍ଟ ଅଫିସ ପାସବୁକ,ଶ୍ରମ ମନ୍ତ୍ରଣାଳୟ ପକ୍ଷରୁ ପ୍ରଦତ୍ତ ସ୍ବାସ୍ଥ୍ୟବୀମା କାର୍ଡ, ଡ୍ରଇଭିଂ ଲାଇସେନ୍ସ,, ପ୍ୟାନ କାର୍ଡ, ଆରଜିଆଇ ପକ୍ଷରୁ ଜାରି ସ୍ମାର୍ଟ କାର୍ଡ, ଭାରତୀୟ ପାସପୋର୍ଟ, ଫଟୋଥିବା ପେନସନ କାଗଜପତ୍ର, କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ସଂସ୍ଥାରେ କାର୍ଯ୍ୟରତ ପରିଚୟ ପତ୍ର, ସାଂସଦ ଓ ବିଧାୟକ ମାନଙ୍କୁ ପ୍ରଦତ୍ତ ସରକାରୀ ପରିଚୟ ପତ୍ର ମଧ୍ୟରୁ ଯେ କୌଣସିକୁ ଭୋଟର ମାନେ ପରିଚୟ ପତ୍ର ଭାବେ ଦେଖାଇ ପାରିବେ ବୋଲି ପରାମର୍ଶ ଦିଆଯାଇଛି । ଏତଦବ୍ୟତୀତ ପ୍ରାଥୀ ମାନେ ସଭା ଓ ଶୋଭାଯାତ୍ରା ସଂକ୍ରାନ୍ତୀୟ ବିଭିନ୍ନ ଅନୁମତି ପାଇଁ ଜିଲ୍ଲା ଜରୁରୀକାଳିନ କେନ୍ଦ୍ରକୁ ୧୯୫୦ ମାଧ୍ୟମରେ ଯୋଗାଯୋଗ କରିପାରିବେ । ଏହି ନମ୍ବରଟି ଦେୟମୁକ୍ତ ରହିଛି ।

ଏଥିସହିତ ପଢ଼ନ୍ତୁ: ପଦାରେ ପଡ଼ିଲା ଆଶ୍ରିତଙ୍କ ଅସଲ ଚେହେରା: ‘୫୦ ଲକ୍ଷ ଟଙ୍କା’ ଅଭିଯୁକ୍ତଙ୍କ ସହ ରହିଛି ଲିଙ୍କ୍

ଆସାମ ସ୍ୱାସ୍ଥ୍ୟମନ୍ତ୍ରୀଙ୍କ ବିବାଦୀୟ ବୟାନ, ମାସ୍କ ପିନ୍ଧିଲେ ବେପାର ମାନ୍ଦା

ନୂଆଦିଲ୍ଲୀ:  ୨୦୨୦ ଭଳି ୨୦୨୧ରେ ଚାଂଚଲ୍ୟ ସୃଷ୍ଟି କଲାଣି କରୋନାର ଦ୍ୱିତୀୟ ପ୍ରବାହ । ଗତ ୨୪ ଘଣ୍ଟା ମଧ୍ୟରେ କରୋନା ସଂକ୍ରମଣ ଏକ ପ୍ରକାରର ରେକର୍ଡ଼ କରିଛି । ଏକ ଲକ୍ଷରୁ ଅଧିକ ନୂଆ ମାମଲା ସାମ୍ନାକୁ ଆସିଛି । ଯାହା ଏପର୍ଯ୍ୟନ୍ତ ସବୁଠାରୁ ବଡ଼ ରେକର୍ଡ଼ । ସାରା ବିଶ୍ୱ ଏହାକୁ ଗମ୍ଭୀରତାର ସହିତ ନେଉଥିବା ବେଳେ କିଛି ନେତା ଏହାକୁ ନେଇ ମଜାକ୍ଉଡ଼ାଉଛନ୍ତି ।

ଆସାମର ସ୍ୱାସ୍ଥ୍ୟମନ୍ତ୍ରୀ ହିମନ୍ତା ବିଶ୍ୱ ଶର୍ମା କରୋନାକୁ ନେଇ ଦେଇଛନ୍ତି ଅଜବ ବୟାନ । କରୋନା ଚାଲିଯାଇଛି ଏବଂ କାହାକୁ ଏବେ ମାସ୍କ ପିନ୍ଧିବା ଆବଶ୍ୟକ ନାହିଁ ବୋଲି ବିବାଦୀୟ ବୟାନ ଦେଇଛନ୍ତି ଆସାମର ସ୍ୱାସ୍ଥ୍ୟମନ୍ତ୍ରୀ । ଯାହାକୁ ସେ ଅଧିକ ଗୁରୁତ୍ୱ ଦେଇଛନ୍ତି ତାହା ହେଉଛି ପାର୍ଲର ବ୍ୟବସାୟ । ମାସ୍କ ପିନ୍ଧିଲେ ପାର୍ଲର ବ୍ୟବସାୟରେ ମାନ୍ଦା ଅବସ୍ଥା ସୃଷ୍ଟି ହେଉଥିବା ସେ କହିଛନ୍ତି ।

ହିମନ୍ତା ବିଶ୍ୱ ଶର୍ମାଙ୍କ ଏହି ବୟାନ ସୋସିଅଲ ମିଡିଆରେ ଖୁବ୍ଭାଇରାଲ ହେଉଛି । ସୂଚନାଯୋଗ୍ୟ ଗଣମାଧ୍ୟମ ସାକ୍ଷାତକାରରେ ମନ୍ତ୍ରୀ ଏଭଳି ବୟାନ ଦେଇଛନ୍ତି । ତେବେ ସମୟ ଆସିଲେ ମାସ୍କ ପିନ୍ଧିବାକୁ ଗୁହାଯିବ ବୋଲି ସେ ସାକ୍ଷାତକାରରେ କହିଛନ୍ତି ।

ବିବାଦୀୟ ବୟାନ ଦେଇ ହିମନ୍ତା ବିଶ୍ୱ ଶର୍ମା ସୋସିଅଲ ମିଡିଆରେ ଟ୍ରୋଲ ମଧ୍ୟ ହେଉଛନ୍ତି । ସୋସିଅଲ ମିଡିଆ ୟୁଜର୍ସ ତାଙ୍କ ମଜାକ୍ଉଡ଼ାଉଥିବା ଦେଖିବାକୁ ମିଳିଛି । ମାସ୍କ ନପିନ୍ଧିବାକୁ ପରାମର୍ଶ ଦେଇଥିବାରୁ ଅଧିକାଂଶ ସୋସିଅଲ ମିଡିଆ ୟୁଜର୍ସ ତାଙ୍କୁ ଧନ୍ୟବାଦ ଜଣାଉଛନ୍ତି ।