spot_img
Home Blog Page 5924

ଓଡ଼ିଶା ପୋଲିସର ନିଦ ହଜାଇଛି ହାଇଦର, ସମ୍ବଲପୁରରେ ଷଡ଼ଯନ୍ତ୍ର କଟକରୁ ହେଲା ଫେରାର

କଟକ: ଅପରେସନ ଗ୍ୟାଙ୍ଗଷ୍ଟର ହାଇଦର। ଓଡ଼ିଶା ପୋଲିସର ନିଦ ହଜାଇଛି ହାଇଦର। ହାଇଦରକୁ ଧରିବାକୁ ହାଇ ଆଲର୍ଟ। ହାଇଦର ହାତରେ ହାତକଡି ପକାଇବାକୁ ଡିଜି କ୍ୟାମ୍ପରେ ମାଷ୍ଟର ପ୍ଳାନ। ଆଲର୍ଟରେ ୩୦ ଜିଲ୍ଲାର ଏସପି। ସଡ଼କ ପଥରୁ ରେଳପଥ, ସୀମା ଅଞ୍ଚଳରୁ ପ୍ରମୁଖ ଛକ। ସବୁଠି କ୍ରାଇମବ୍ରାଞ୍ଚର ୮ଟି ସ୍ପେଶାଲ ଟିମର ଅପରସେନ। ସଜାଗ ରହିଛି STF। ଧଳା ରଙ୍ଗର କାରରେ ମେଡିକାଲରୁ ଚମ୍ପଟ ମାରିଛି ହାଇଦର। ପରିବାର ଲୋକ ନା ସହଯୋଗୀଙ୍କ ଜରିଆରେ ଚମ୍ପଟ ମାରିଛି ହାଇଦର ତାକୁ ନେଇ ତନାଘନା କରୁଛି ପୋଲିସ। ଏସସିବିର ନର୍ସଙ୍କ ବୟାନ ରେକର୍ଡ କରାଯିବା ପରେ ମେଡିକାଲ ସିସିଟିଭି ଯାଞ୍ଚ ହେଉଛି। ହାଇଦରକୁ ତୁରନ୍ତ ଗିରଫ କରିବା ପାଇଁ ଆବଶ୍ୟକ ପଦକ୍ଷେପ ନିଆଯାଉଛି।

ରେଳବାଇ ଥାନା ପୋଲିସ ମଧ୍ୟ ସର୍ଚ୍ଚ ଅପରସେନ ଆରମ୍ଭ କରିଛି। ଲୋକଙ୍କୁ ହାଇଦରର ଫଟୋ ଦେଖାଇ ଯାଞ୍ଚ କରୁଛି। ଘଟଣାରେ ମଙ୍ଗଳାବାଗ ଥାନାରେ ଏକ ମାମଲା ରୁଜୁ ହୋଇଛି। ଗୁଇନ୍ଦା ତଥ୍ୟକୁ ଆଧାର କରି ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି। ହାଇଦରର ଆଡା ଉପରେ ତୀକ୍ଷ୍‌ଣ ନଜର ରଖାଯାଇଛି। ବୁର୍ଲାରୁ ମାର୍ଚ୍ଚ ୨୩ରେ ଆସି ଏସସିବିରେ ସର୍ଜରୀ ବିଭାଗରେ ଭର୍ତ୍ତି ହୋଇଥିଲା ହାଇଦର। ୫ ନମ୍ବର କେବିନରେ ତାର ଚିକିତ୍ସା ଚାଲିଥିବା ବେଳେ ଫେରାର ହେବା କଥା ଡ୍ୟୁଟିରେ ଥିବା ନର୍ସ ଜାଣିବାକୁ ପାଇଥିଲେ। ପରେ ବିଭାଗ ପକ୍ଷରୁ ପୋଲିସକୁ ଖବର ଦିଆଯାଇଥିଲା।

ଏପଟେ ସୁରକ୍ଷା ଦାୟିତ୍ୱରେ ଥିବା ୬ଜଣ ପୋଲିସ କର୍ମଚାରୀଙ୍କୁ ସସପେଣ୍ଡ କରାଯାଇଛି। ଏମାନେ ସମସ୍ତେ ହାଇଦରର ସୁରକ୍ଷା ଦାୟିତ୍ୱରେ ଥିଲେ। ବିଭାଗୀୟ ତଦନ୍ତ ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି।

କେଉଁଠି ଆତ୍ମଗୋପନ କରିଛି ହାଇଦର ? ହାଇଦର ଫେରାର ହେବା କଥା କେମିତି ଜାଣି ପାରିଲେନି ପୋଲିସ ? ଏସସିବିରେ ଥାଇ ପ୍ଳାନ କରିଥିଲା କି ? ସୁରକ୍ଷା କର୍ମୀ ଫେରାର ପାଇଁ ସହଯୋଗ କରିଛନ୍ତି କି ? ଫେରାର ହୋଇଥିବା ଧଳା ରଙ୍ଗର କାର କାହାର ? ରାଜ୍ୟ ବାହରକୁ ଖସି ପଳାଇଲା କି ହାଇଦର ? ଜଳପଥରେ ବାଂଲଦେଶ ଖସି ପଲାଇବ କି ହାଇଦର ?  ଏଭଳି ଅନେକ ପ୍ରଶ୍ନ ପୋଲିସର ନିଦ ହଜାଇଛି।

ବିଗୁଡ଼ୁଛି ସ୍ଥିତି, ଦିଲ୍ଲୀର ୫୦ ହସ୍ପିଟାଲରେ ଖାଲି ନାହିଁ ଗୋଟିଏ ବି ଭେଣ୍ଟିଲେଟର କି ICU ବେଡ୍

ନୂଆଦିଲ୍ଲୀ: ଅନ୍ୟ ରାଜ୍ୟ ଭଳି ଦିଲ୍ଲୀରେ କରୋନା ସଂକ୍ରମଣ ମାମଲା ଦ୍ରୁତ ଗତିରେ ବଢ଼ିବାରେ ଲାଗିଛି । ରାଜଧାନୀରେ ନୂଆ ସଂକ୍ରମଣ ମାମଲା ୧୦ ହଜାର ଡେଇଁଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ କହିଛନ୍ତି ସ୍ଥିତି ଚିନ୍ତାଜନକ କିନ୍ତୁ ଡରିବାର କିଛି ନାହିଁ । କିନ୍ତୁ ରାଜଧାନୀର ବିଭିନ୍ନ ହସ୍ପିଟାଲ ରେ ଉପଲବ୍ଧ ଥିବା ଭେଣ୍ଟିଲେଟର ଓ ଆଇସିୟୁ ବେଡ୍ ଉପରେ ନଜର ପକାଇଲେ ପ୍ରସ୍ତୁତିକୁ ନେଇ ପ୍ରଶ୍ନ ଉଠୁଛି ।

ରବିବାର ସନ୍ଧ୍ୟା ୫ଟା ସୁଦ୍ଧା କରୋନା ଆପ୍ ମୁତାବକ ଦିଲ୍ଲୀର ସମସ୍ତ ସରକାରୀ ଓ ଘରୋଇ ହସ୍ପିଟାଲରେ ଥିବା ୧୧ ହଜାର ୭୨୭ ସାଧାରଣ ବେଡ୍ ମଧ୍ୟରୁ ୫ ହଜାର ୩୬୩ଟି ଶଯ୍ୟା ଖାଲି ରହିଛି । ଅର୍ଥାତ୍ ମୋଟ୍ ଶଯ୍ୟାର ୫୪.୩୬ ପ୍ରତିଶତ ବେଡରେ କରୋନା ସଂକ୍ରମିତ ଚିକିତ୍ସିତ ହେଉଛନ୍ତି ।

କରୋନା ଆକ୍ରାନ୍ତଙ୍କ ଲାଗି ମୋଟ ୧ ହଜାର ୧୫୩ଟି ଭେଣ୍ଟିଲେଟର ରହିଛି । ସେଥିରୁ ପ୍ରାୟ ୩୦୭ଟି ବେଡ୍ ଖାଲି ରହିଛି । ଅର୍ଥାତ୍ ମୋଟ ଭେଣ୍ଟିଲେଟର ମଧ୍ୟରୁ ୭୩.୩୭ ପ୍ରତିଶତ ବେଡରେ ରୋଗୀ ଅଛନ୍ତି । ସେହିଭଳି ମୋଟ ୧୮୫୨ଟି ଆଇସିୟୁ ବେଡ୍ ମଧ୍ୟରୁ ୫୧୧ଟି ଖାଲି ରହିଛି । ଅର୍ଥାତ୍ ୭୨.୪ ପ୍ରତିଶତ ICU ବେଡରେ ରୋଗୀ ଅଛନ୍ତି ।

ଦିଲ୍ଲୀ ସରକାରଙ୍କ ୩ଗୋଟି ବଡ଼ ଓ କେନ୍ଦ୍ରର ୪ ଗୋଟି ସରକାରୀ ହସ୍ପିଟାଲରେ ଭେଣ୍ଟିଲେଟର ଖାଲି ନାହିଁ । ସେହିଭଳି ୪୪ଟି ଘରୋଇ ହସ୍ପିଟାଲରେ ଭେଣ୍ଟିଲେଟର ଖାଲି ନଥିବା ବେଳେ ୨୫ଟି ବଡ଼ ହସ୍ପିଟାଲରେ ବି ଭେଣ୍ଟିଲେଟରେ ରୋଗୀ ଭର୍ତ୍ତି ହୋଇ ଅଛନ୍ତି । ୨୫ଟି ବଡ଼ ହସ୍ପିଟାଲରେ ଗୋଟିଏ ବି ଆଇସିୟୁ ବେଡ୍ ଖାଲି ନାହିଁ ।

ସେହୱାଗଙ୍କ ଖୁଲାସା- ୨୦୦୬ରେ ପାକିସ୍ତାନ ଗସ୍ତ ବେଳେ ଧୋନିଙ୍କ ଉପରେ ରାଗିଥିଲେ ରାହୁଲ୍ ଦ୍ରାବିଡ଼

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ରାହୁଲ ଦ୍ରାବିଡ଼ଙ୍କ ଶାନ୍ତ ସ୍ୱଭାବ ସମସ୍ତଙ୍କୁ ଜଣା । ଖେଳ ପଡ଼ିଆରେ ରାଗିଥିବା ରାହୁଲଙ୍କୁ କେହି ଦେଖି ନଥିବେ । ହଁ… ଜିତିବା ପରେ ଉତ୍ସବ ପାଳନରେ ତାଙ୍କୁ ଦେଖିବାକୁ ମିଳେ । ତେବେ ଭାରତୀୟ କ୍ରିକେଟ୍ ଦଳର ପୂର୍ବତନ ଓପନର ବୀରେନ୍ଦ୍ର ସେହୱାଗ ଏମିତି ଏକ ଖୁଲାସା କରିଛନ୍ତି ଯାହା ଆପଣଙ୍କୁ ଆଶ୍ଚର୍ଯ୍ୟ କରି ଦେବ । ସେହୱାଗଙ୍କ ଅନୁସାରେ, ଦ୍ରାବିଡ୍ ପଡ଼ିଆରେ ରାଗିଥିଲେ । ଦ୍ରାବିଡ଼ ପୂର୍ବତନ ଅଧିନାୟକ ଧୋନିଙ୍କ ଉପରେ ରାଗିଥିବା ସେହୱାଗ ଖୁଲାସା କରିଛନ୍ତି ।

ବୀରେନ୍ଦ୍ର ସେହୱାଗଙ୍କ ଅନୁସାରେ, ୨୦୦୬ ପାକିସ୍ତାନ ଗସ୍ତରେ ଧୋନି ଏକ ଭୁଲ୍ ସଟ୍ ଖେଳିଥିଲେ । ଯାହାକୁ ନେଇ ଧୋନିଙ୍କ ଉପରେ ବେଶ୍ ରାଗି ଯାଇଥିଲେ ଦ୍ରାବିଡ୍ । ସୌରଭ ଗାଙ୍ଗୁଲି ଭାରତୀୟ ଦଳର ଅଧିନାୟକ ଥିବା ବେଳେ ଧୋନି ଡେବ୍ୟୁ କରିଥିଲେ । ଗାଙ୍ଗୁଲିଙ୍କ ପରେ ଦ୍ରାବିଡ଼ ଭାରତୀୟ ଦଳର ମଙ୍ଗ ସମ୍ଭାଳିଥିଲେ । ଏକ ସାକ୍ଷାତକାରରେ ସେହୱାଗ କହିଛନ୍ତି- ‘ପାକିସ୍ତାନ ଗସ୍ତରେ ଥିବାବେଳେ ଧୋନି ନୂଆ ନୂଆ ଦଳକୁ ଆସିଥିଲେ । ଧୋନି ଏକ ସଟ୍ ଖେଳି ପଏଣ୍ଟରେ ଆଉଟ୍ ହୋଇ ଯାଇଥିଲେ । ଯାହା ପରେ ଦ୍ରାବିଡ଼ ରାଗି ଯାଇଥିଲେ । କହିଥିଲେ ତୁମେ ଏମିତି ଖେଳ, ତୁମକୁ ଖେଳ ଶେଷ କରିବା ଉଚିତ୍ ।’

ପରେ ଧୋନି ଯେତେବେଳେ ବ୍ୟାଟିଂ କରିବାକୁ ଯାଆନ୍ତି ତ ଅଧିକ ସଟ୍ ଖେଳନ୍ତି ନାହିଁ । ମୁଁ ତାଙ୍କୁ ପଚାରିଥିଲି କଣ ହେଲା ? ସେ କହିଥିଲେ- ଦ୍ରାବିଡ଼ଙ୍କ ଠାରୁ ଗାଳି ପୁଣି ଶୁଣିବାକୁ ଚାହୁଁନାହିଁ ।

ଝରାଫୁଲ ମର୍ଡର ମାମଲାରେ ଅମରେଶ ଗିରଫ, ରାକେଶଙ୍କ ସହ ମିଶି ରଚିଥିଲେ ହତ୍ୟା ଷଡ଼ଯନ୍ତ୍ର

ଯାଜପୁର: ବହୁଚର୍ଚ୍ଚିତ ରମାଦେବୀ ଛାତ୍ରୀ ଝରାଫୁଲ ହତ୍ୟା ମାମଲାରେ ଆଉ ଜଣେ ଗିରଫ । ଭୁବନେଶ୍ୱର ଏୟାରଫିଲ୍ଡ ଥାନା ସୁନ୍ଦରପଦାର ଅମରେଶ ରାଉତକୁ ଯାଜପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି । ଏନେଇ ଯାଜପୁର ଏସପି ରାହୁଲ୍ ପି.ଆର୍ ସୂଚନା ଦେଇଛନ୍ତି । ପୋଲିସ ସୂଚନା ଅନୁସାରେ, ଅମରେଶ ହତ୍ୟା ଷଡ଼ଯନ୍ତ୍ରରେ ସାମିଲ୍ ।

 Jharaphual Murder Case, Jajpur Police Arrested An Other Accused

୨୦୨୧ ଜାନୁଆରୀ ୨୬ରେ ବସ୍ ଯୋଗେ ଭୁବନେଶ୍ୱରରୁ ଘରକୁ ବାହାରିଥିଲେ ଝରାଫୁଲ । ହଠାତ୍ ଦେହ ଭଲ ନଲାଗିବାରୁ ବାଣୀବିହାରରେ ଓହ୍ଲାଇ ପଡ଼ିବା ସହ ପୁରୁଷ ବନ୍ଧୁ ରାକେଶଙ୍କୁ କଲ୍ କରିଥିଲେ । ସେଦିନ ଦୁହେଁ ବୁଲିବା ସହ ହୋଟେଲରେ ରହିଥିଲେ । ସକାଳୁ ଝରାଫୁଲଙ୍କୁ ରାକେଶ ଏକ ସ୍କୁଟିରେ ସାଙ୍ଗଙ୍କ ସହ ମିଶି ଯାଜପୁରର କୁଆଖିଆରେ ଫିଙ୍ଗି ଦେଇଥିଲେ । ରାକେଶ ନିଜେ ଏହି କଥାକୁ ମାନିଛି ।

 Jharaphual Murder Case, Jajpur Police Arrested An Other Accused

ମାମଲାରେ ପୋଲିସ ଜାନୁଆରୀ ୨୮ ତାରିଖରେ ରାକେଶ ସ୍ୱାଇଁଙ୍କୁ ଗିରଫ କରିଥିଲା । ପରେ ରାକେଶକୁ ରିମାଣ୍ଡରେ ଆଣି ଜେରା କରିଥିଲା ପୋଲିସ । ସେବେଠାରୁ ହତ୍ୟା ମାମଲାର ଅନ୍ୟତମ ଅଭିଯୁକ୍ତ ଅମରେଶ ରାଉତ ଫେରାର୍ ଥିଲା । ପ୍ରାୟ ୩ ମାସ ପରେ ଅଭିଯୁକ୍ତ ଅମରେଶକୁ ଗିରଫ କରିଛି ଯାଜପୁର ପୋଲିସ । ଏବେବି ମାମଲାର ତଦନ୍ତ ଜାରି ରହିଛି ।

ଦେଶରେ କରୋନା ସ୍ଥିତି ନସୁଧୁରିବା ଯାଏ ରପ୍ତାନୀ ହେବନି ରେମଡେସିବିର ଇଞ୍ଜେକ୍ସନ୍

ନୂଆଦିଲ୍ଲୀ: କେନ୍ଦ୍ର ସରକାର ରେମଡେସିବିର ଇଞ୍ଜେକ୍ସନ୍ ରପ୍ତାନୀ କଟକଣା ଜାରି କରିଛନ୍ତି । ଦେଶରେ ବଢ଼ୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ଏଭଳି ପଦକ୍ଷେପ ନେଇଛନ୍ତି । କୋଭିଡ୍ ଯୁଦ୍ଧରେ ବିଶେଷ କରି ବୟସ୍କ ଯେଉଁମାନେ ଗମ୍ଭୀର ରୋଗରେ ପୀଡ଼ିତ । ସେମାନଙ୍କ ଲାଗି ରେମଡେସିବିର ଗୁରୁତ୍ୱପୂର୍ଣ୍ଣ ଆଣ୍ଟି-ଭାଇରଲ ଔଷଧ ।

 Remdesivir Injection Export Prohibited Till Coronavirus Situation Improves In India

ସରକାରଙ୍କ ପକ୍ଷରୁ କୁହାଯାଇଛି- ଦେଶରେ ଯେବେ ଯାଏ କରୋନା ଭାଇରସ୍ ସଂକ୍ରମଣ ମାମଲାରେ ସୁଧାର ଆସିନାହିଁ ସେ ପର୍ଯ୍ୟନ୍ତ ରେମଡେସିବିର ଇଞ୍ଜେକ୍ସନ୍ ଓ ରେମଡେସିବିର ଆକ୍ଟିଭ୍ ଫାର୍ମାସ୍ୟୁଟିକାଲ୍ ଇଗ୍ନୋଡିଏଣ୍ଟସ୍ (API) ଉପରେ ପ୍ରତିବନ୍ଧକ ଲଗାଯାଇଛି । ଏଥିସହ ଆଗାମୀ ଦିନରେ ରେମଡେସିବିର ଚାହିଦା ବଢ଼ିପାରେ ।

ପିପିଲିରେ ପ୍ରଚାର ବେଳେ ବିଜେଡି ମହିଳା କର୍ମୀଙ୍କୁ ବିଜେପି କର୍ମୀଙ୍କ ଦୁର୍ବ୍ୟବହାର

ପିପିଲି: ଆଉ କିଛି ଦିନ ପରେ ପିପିଲି ଉପନିର୍ବାଚନ। ଏତିକି ବେଳେ ହାରିବା ଭୟରେ ଭୁଲ ପନ୍ଥା ଆପଣେଇବାରେ ଲାଗିଛି ବିଜେପି। କେବେଳେ ଭୋଟରଙ୍କୁ ଟଙ୍କା ଦେଇ କିଣିବାକୁ ଚେଷ୍ଟା କରୁଛି ତ ପୁଣି କେତେବେଳେ ବଜେଡି କର୍ମୀଙ୍କ ଉପରେ ଦୁର୍ବ୍ୟବହାର କରୁଛି। ତେବେ ପିପିଲି ଉପନିର୍ବାଚନକୁ ନେଇ ଡେଲାଙ୍ଗରେ ନିର୍ବାଚନୀ ଉତ୍ତେଜନା ଦେଖା ଦେଇଛି। ବିଜେଡି ମହିଳା କର୍ମୀଙ୍କୁ ଦୁର୍ବ୍ୟବହାର କରିଛନ୍ତି ବିଜେପି କର୍ମୀ। ନିଜକୁ ସବୁବେଳେ ଭଲ କହି ଡିଣ୍ଡିମ ପିଟୁଥିବା ବିଜେପି ଏବେ ଗୁଣ୍ଡାଗର୍ଦିର ଟ୍ରାକ୍‌କୁ ଓହ୍ଲାଇଛି। ବିହାର ୟୁପି ଭଳି ଗଣ୍ଡୋଗଳ କରି ନିର୍ବାଚନ ଜିତିବାର ଷ୍ଟ୍ରାଟେଜି ଓଡ଼ିଶାରେ ଆଣିବାକୁ ଚାହୁଁଛି ବିଜେପି ।

 

ବିଜେଡିର ମହିଳା ସମାବେଶ ବେଳେ ବିଜେଡି କର୍ମୀଙ୍କୁ ଦୁର୍ବ୍ୟବହାର କରିଛନ୍ତି ବିଜେପି କର୍ମୀ। ସମାବେଶ ସାରି ଫେରୁଥିବାବେଳେ ବିଜେଡି କର୍ମୀଙ୍କୁ ଆକ୍ଷେପ କରିବା ସହିତ ଟଙ୍କାର ଲୋଭ ଦେଖାଇଥିଲେ ବିଜେପି କର୍ମୀ। ଏହାକୁ ବିଜେଡି କର୍ମୀମାନେ ପ୍ରତିବାଦ କରିବାରୁ ବିଜେପି ତରଫରୁ ଆକ୍ରମଣ କରାଯାଇଥିବା ଅଭିଯୋଗ କରିଛି ବିଜେଡି। ପ୍ରତିବାଦରେ ବିଜୁ ଜନତା ଦଳର କର୍ମୀମାନେ ଥାନା ସମ୍ମୁଖରେ ଧାରଣା ଦେଇଛନ୍ତି। ବିଜେପି କର୍ମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ବିଜେଡି କର୍ମୀ।

ଦନ୍ତେୱାଡ଼ାରେ ସୁରକ୍ଷାକର୍ମୀ-ନକ୍ସଲଙ୍କ ମଧ୍ୟରେ ଗୁଳି ବିନିମୟ

ରାୟପୁର: ଛତିଶଗଡ଼ର ଦନ୍ତେୱାଡ଼ାରେ ସୁରକ୍ଷାକର୍ମୀ-ନକ୍ସଲଙ୍କ ମଧ୍ୟରେ ରବିବାର ଗୁଳି ବିନିମୟ ହୋଇଛି । ଏଥିରେ କେତେକ ମାଓବାଦୀଙ୍କ ମୃତ୍ୟୁ ହୋଇଛି । ଜଣେ ନକ୍ସଲଙ୍କ ମୃତଦେହ ମିଳିଛି । ଦନ୍ତେୱାଡ଼ାର ଗାଦମ ଓ ଜଙ୍ଗମପାଳ ଜଙ୍ଗଲରେ ଏହି ଗୁଳି ବିନିମୟ ହୋଇଛି । ଡିଆରଜି ଯବାନ ଓ କଟେକଲ୍ୟାଣ କ୍ଷେତ୍ର ସମିତି ମାଓବାଦୀ ମୁହାଁମୁହିଁ ହୋଇଛନ୍ତି ।

ନିହତ ମାଓବାଦୀ ବେଟ୍ଟି ହଙ୍ଗା ବୋଲି ଜଣାପଡ଼ିଛି । ହଙ୍ଗା ମୁଣ୍ଡରେ ୧ ଲକ୍ଷ ଟଙ୍କାର ପୁରସ୍କାର ରାଶି ଥିଲା । ଏହି ଗୁଳି ବିନିମୟରେ ଆଉ କେତେକ ମାଓବାଦୀ ମୃତାହତ ହୋଇଥିବା ଆଶଙ୍କା କରାଯାଉଛି । ସେଠାରୁ ଗୋଟିଏ ୮ ଏମ୍ଏମ୍ ପିସ୍ତଲ ଏବଂ ଗୋଟିଏ ଦେଶୀ କଟ୍ଟା ଜବତ କରାଯାଇଛି । ଏହା ବାଦ୍ ୨ କେଜି ଆଇଇଡି, ବାଣ, ଔଷଧ ଓ ଅନ୍ୟ ମାଓ ସାମଗ୍ରୀ ଜବତ କରାଯାଇଛି ।

ଏଥିସହ ପଢ଼ନ୍ତୁ- ପୁଣି ମାତିଲେ ମାଓବାଦୀ, ୱାଟର ପ୍ଲାଣ୍ଟ କାର୍ଯ୍ୟରେ ନିୟୋଜିତ ଗାଡ଼ି ଜାଳିଦେଲେ

ଛତିଶଗଡ଼ ସରକାରଙ୍କ ଅନୁସାରେ ରାଜ୍ୟରେ ୮ଟି ଜିଲ୍ଲା ନକ୍ସଲ ପ୍ରଭାବିତ । ବିଜାପୁର, ସୁକମା, ବସ୍ତର, ଦନ୍ତେୱାଡ଼ା, କାଙ୍କେର, ନାରାୟଣପୁର, ରାଜନନ୍ଦଗାଓଁ ଓ କୋଡ଼ଗାଓଁରେ ମାଓ ଗତିବିଧି ରହିଛି ।

ପରୀକ୍ଷା କେନ୍ଦ୍ରକୁ ପରୀକ୍ଷାର୍ଥୀ ମୋବାଇଲ୍ ନେବା ଘଟଣା, ଦାୟିତ୍ୱରେ ଥିବା ତିନି ଜଣ ଶିକ୍ଷକ ଚାକିରିରୁ ନିଲମ୍ବିତ

ଦେବଗଡ଼: ଓଟିଇଟି ପରୀକ୍ଷା ବେଳେ ଦେବଗଡରେ ପରୀକ୍ଷା କେନ୍ଦ୍ରକୁ ପରୀକ୍ଷାର୍ଥୀ ମୋବାଇଲ୍ ନେବା ଘଟଣା। ପରୀକ୍ଷା ଦାୟିତ୍ୱରେ ଥିବା ତିନି ଜଣ ଶିକ୍ଷକ ଚାକିରିରୁ ନିଲମ୍ବିତ। ନିଲମ୍ବିତ ଶିକ୍ଷକ ହେଲେ ଦେବଗଡ଼ ସରକାରୀ ବାଳିକା ବିଦ୍ୟାଳୟର ସହକାରୀ ଶିକ୍ଷକ ଶୁଶାନ୍ତ ରାୟ, ସୁନାମୁଣ୍ଡା ସରକାରୀ ୟୁଜି ହାଇସ୍କୁଲ ର ସହକାରୀ ଶିକ୍ଷକ ବିଶ୍ୱନାଥ କିଷାନ ଓ ଦେବଗଡ଼ ସରକାରୀ ବାଳିକା ବିଦ୍ୟାଳୟର ପିଇଟି ଶିଷକ ରଞ୍ଜିତା ମିଶ୍ର। ପରୀଷା କେନ୍ଦ୍ରକୁ ଜଣେ ପରୀକ୍ଷାର୍ଥୀ ମୋବାଇଲ ଫୋନ ନେଇଥିବା ଜଣାପଡିବା ପରେ ମୋବାଇଲ ଫୋନ ଜବତ କରାଯାଇଥିଲା। ପରୀକ୍ଷାର୍ଥୀ ଜଣକ ମୋବାଇଲରେ ପ୍ରଶ୍ନପତ୍ରର ଫଟୋ ଉଠାଇଥିବା ଅଭିଯୋଗ ହୋଇଥିଲା। ଏହା ପରେ ଘଟଣାର ତଦନ୍ତ ହୋଇଥିଲା। ତଦନ୍ତ ପରେ କାର୍ଯ୍ୟରେ ଅବହେଳା ପାଇଁ ୩ଜଣଙ୍କୁ ନିଲମ୍ବନ କରିଛନ୍ତି ଜିଲ୍ଲା ଶିକ୍ଷାଧୀକାରି।

 

 

ନନ୍ଦିଘୋଷ ଟିଭିର ମହା ପ୍ରଭାବ, ରସିକ RIଙ୍କୁ ନିଲମ୍ବନ ନିର୍ଦ୍ଦେଶ ଦେଲେ ରାଜସ୍ୱ ସଚିବ

ଭୁବନେଶ୍ୱର: ନନ୍ଦିଘୋଷ ଟିଭିର ମହା ପ୍ରଭାବ। ସରକାରୀ କାର୍ଯ୍ୟାଳୟରେ RIଙ୍କ ରାସଲୀଳା ପ୍ରସଙ୍ଗ। ଗଦାଶିଳା RI ରଞ୍ଜନ ପାଣିଗ୍ରାହୀଙ୍କୁ ନିଲମ୍ବନ ନିର୍ଦ୍ଦେଶ। ଢ଼େଙ୍କାନାଳ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଲେ ରାଜସ୍ୱ ସଚିବ। ଖାଲି ସେତିକି ନୁହେଁ ନିଲମ୍ବନ ସହିତ ଅପରାଧିକ ମାମଲା ରୁଜୁ କରିବାକୁ କହିଲେ ରାଜସ୍ୱ ସଚିବ। ଏଭଳି ଏକ ଅଭାବନୀୟ ଘଟଣାକୁ ପ୍ରଥମେ ଷ୍ଟିଂ ଅପରେସନ କରି ସମସ୍ତଙ୍କ ସାମ୍ନାକୁ ଆଣିଥିଲା ନନ୍ଦିଘୋଷ ଟିଭି। ତେବେ ନନ୍ଦିଘୋଷ ଟିଭିରେ ପ୍ରସାରଣ ପରେ ତୁରନ୍ତ ପଦକ୍ଷେପ ନିଆଯାଇଛି। ନନ୍ଦିଘୋଷ ଟିଭିକୁ ରାଜସ୍ୱ ସଚିବ ବିଷ୍ଣୁପଦ ସେଠୀଙ୍କ ସୂଚନା।

ସୂଚନା ଅନୁଯାୟୀ ଆଜି ନନ୍ଦିଘୋଷ ଟିଭି ସରକାରୀ ଅଫିସରେ ରାସଲୀଳାର ଏକ ଷ୍ଟିଂ ଅପରେସନ ଦେଖାଇଥିଲା। ଯେଉଁଥିରେ ରାଜସ୍ୱ ନିରୀକ୍ଷକ ବିଭାଗର କର୍ମଚାରୀ ରଞ୍ଜନ ପାଣିଗ୍ରାହୀ ମହିଳାଙ୍କ ସହ ରାସଲୀଳା କରୁଥିଲେ। ଦିନଦ୍ଵିପ୍ରହର ରେ ଅଫିସ ଭିତରେ ମଦନିଶାରେ ସୋଇଛନ୍ତି RI ବାବୁ। ଫ୍ୟାନ୍‌ ଚାଲିଛି କବାଟ ଝରକା ଖୋଲା ଅଛି। କ୍ୟାମେରା ବୁଲୁଛି ହେଲେ ବାବୁଙ୍କର ହୋସ ନାହିଁ।

କ୍ୟାମେରାରେ କଏଦ ହୋଇଛି RI ବାବୁଙ୍କର ଦିନଦ୍ଵିପ୍ରହରରେ ଅଫିସ ଭିତରେ ଖୁଲ୍ଲମଖୁଲ୍ଲା ପ୍ରେମ। ସତେ ଯେପରି ଏହା କାର୍ଯାଳୟ ନୁହେଁ ବେଶ୍ୟାଳୟ। ଅଫିସ ଝରକା ପଛପଟେ ହାଇୱେ କଡରେ ଥିବା ଢାବା କିମ୍ବା ବାରର ଆଳିଆଗଦା ପରି ଗଦା ହୋଇ ରହିଛି ମଦବୋତଲ। ଏହା ପ୍ରମାଣିତ କରୁଛି ଓଡ଼ାପଡ଼ା ତହସିଲ ଅନ୍ତର୍ଗତ ଗଦାଶିଳା RI ଅଫିସ କୌଣସି ବାର ଠାରୁ କମ ନୁହେଁ।

ଭାରତରେ କରୋନା ମୁକାବିଲା କରିବେ ୭ ଟିକା, ୧୦ ଦିନ ମଧ୍ୟରେ ଋଷ ଟିକାକୁ ମିଳିପାରେ ମଞ୍ଜୁରୀ

ନୂଆଦିଲ୍ଲୀ: ଦେଶରେ କେତେକ ରାଜ୍ୟ କୋଭିଡ୍ ଟିକା ନିଅଣ୍ଟ ନେଇ ଅଭିଯୋଗ କରୁଥିବା ବେଳେ କେନ୍ଦ୍ର ସରକାର ଭ୍ୟାକ୍ସିନ୍ ଉତ୍ପାଦନ ବୃଦ୍ଧି ନେଇ ପଦକ୍ଷେପ ନେଉଛନ୍ତି । ରିପୋର୍ଟ ଅନୁସାରେ, ଅକ୍ଟୋବର ମାସ ମଧ୍ୟରେ ଦେଶରେ କୋଭିଡ୍-୧୯ର ଆଉ ୫ଗୋଟି ଟିକା ଉପଲବ୍ଧ ହେବ । ଏବେ ଭାରତରେ କେବଳ କୋଭାକ୍ସିନ୍ ଓ କୋଭିସିଲ୍ଡ ଟିକାର ଉତ୍ପାଦନ ହେଉଛି । ଋଷ ପ୍ରସ୍ତୁତ କରିଥିବା ସ୍ପୁଟନିକ ଭି ଭ୍ୟାକ୍ସିନକୁ ଆସନ୍ତା ୧୦ ଦିନ ଭିତରେ ମଞ୍ଜୁରୀ ମିଳିପାରେ ।

ଆସିବାକୁ ଥିବା ୫ ଟିକା

ସ୍ପୁଟନିକ ଭି

ଜନସନ୍ ଆଣ୍ଡ ଜନସନ୍ ଭ୍ୟାକ୍ସିନ୍

ନୋବାଭ୍ୟାକ୍ସ ଭ୍ୟାକ୍ସିନ୍

ଭାରତ ବାୟୋଟେକର ଇଣ୍ଟ୍ରାନେଜଲ ଭ୍ୟାକ୍ସିନ୍

ଜାୟଡସର କ୍ୟାଡିଲା ଭ୍ୟାକ୍ସିନ୍

5 More Coronavirus Vaccine By October As Sputnik V Expected To Get Emergency Use Approval

କେବେ ଆସିବ କେଉଁ ଟିକା ?

ସୂତ୍ର ଅନୁସାରେ, ସ୍ପୁଟନିକ ଭି ଟିକା ଭାରତରେ ଜୁନ୍ ସୁଦ୍ଧା ଉପଲବ୍ଧ ହୋଇପାରେ । ଯଦି ସବୁକିଛି ଠିକ୍ ରୁହେ ତ ଜନସନ୍ ଆଣ୍ଡ ଜନସନ୍ ଭ୍ୟାକ୍ସିନ୍ ଅଗଷ୍ଟ ସୁଦ୍ଧା ଆସିଯିବ । ଜାୟଡସ୍ କ୍ୟାଡିଲା ଟିକା ମଧ୍ୟ ଅଗଷ୍ଟ ସୁଦ୍ଧା ଆସିବାର ସମ୍ଭାବନା ରହିଛି । ନୋଭାଭ୍ୟାକ୍ସ ଅକ୍ଟୋବର ସୁଦ୍ଧା ଭାରତରେ ଉପଲବ୍ଧ ହୋଇପାରେ ।

ଋଷ ପ୍ରସ୍ତୁତ ଭ୍ୟାକ୍ସିନ୍ ସ୍ପୁଟନିକ ଭିକୁ ଆଗାମୀ ୧୦ ଦିନ ମଧ୍ୟରେ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିପାରେ । ରଷିୟାନ୍ ଡାଇରେକ୍ଟ ଇନଭେଷ୍ଟମେଣ୍ଟ ଫଣ୍ଡ (RDIF) ଭାରତର କେତେକ ଫାର୍ମା କମ୍ପାନୀ ସହ ଭ୍ୟାକ୍ସିନ୍ ତିଆରି ଲାଗି ଚୁକ୍ତି କରିଛି । ଭାରତରେ ପ୍ରତିବର୍ଷ ୮୫ କୋଟି ସ୍ପୁଟନିକ୍ ଭି ଟିକା ତିଆରି ହେବ ।