spot_img
Home Blog Page 5919

ଗ୍ରୀଷ୍ମକଷ୍ଟରୁ ବଳିଗଲାଣି ଜଳକଷ୍ଟ: ଗାଁ ପୋଖରୀ ପାଲଟିଛି ପାନୀୟ ଜଳର ଉତ୍ସ

ଏପ୍ରିଲ ମାସରେ ଡହଡହ ଖରା । ତାତିରେ ଅସ୍ତବ୍ୟସ୍ତ ହେଲାଣି ଜନଜୀବନ । ଗ୍ରୀଷ୍ମ ପ୍ରବାହ ସାଙ୍ଗକୁ ଜଳକଷ୍ଟ ଲୋକଙ୍କୁ ଅତିଷ୍ଟ କଲାଣି । କଳାହାଣ୍ଡି ଜିଲ୍ଲା ହଳଦୀ ପଞ୍ଚାୟତର ସାଗରପଡା ଗାଁରେ ପାନୀୟ ଜଳ ସମସ୍ୟା ଉତ୍କଟ ରୂପ ଧାରଣ କରିଛି । ନଳକୂପର ଜଳସ୍ତର କମୁଛି, ଯେଉଁଠାରୁ ପାଣି ବାହାରୁଛି ସେଠାରେ ଫ୍ଲୋରାଇଡ ଯୋଗୁଁ ବଢୁଛି ରୋଗ । ସେପଟେ ଗଞ୍ଜାମ ଜିଲ୍ଲା ଡାକିବଜା ଗୌଡ ସାହିରେ ମଧ୍ୟ ସମାନ ସମସ୍ୟା । ଏଠି ଓଭର ହେଡ୍ ଟାଙ୍କି ଥାଇବି ପାଣିପାଇଁ ଡହଳବିକଳ ଲୋକେ ।

ଚୈତ୍ର ମାସରେ ଜଳକଷ୍ଟ । ଉପରେ ଉତ୍ତାପ, ତଳ ଶୁଖିଲା । ନଳକୂପରୁ ବାହାରୁନି ପାଣି । ଯେଉଁଠାରୁ ବାହାରୁଛି, ତାହା ଫ୍ଲୋରାଇଡ ଯୁକ୍ତ । ଫଳରେ ନାନା  ପ୍ରକାର ଦୂଷିତ ଜଳ ଜନିତ ରୋଗରେ ପୀଡ଼ିତ ଲୋକେ । ଏହି ସମସ୍ୟା ଏବେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଖମାର ହଳଦୀ ପଞ୍ଚାୟତର ସାଗରପଡା ଗାଁ ର । ଏଠାରେ ଥିବା ପ୍ରାୟ ୨୫୦ରୁ ଅଧିକ ଲୋକଙ୍କ ପାଇଁ ରହିଛି ୪ଟି ନଳକୂପ । ହେଲେ ଖରାଦିନେ ଜଳସ୍ତର କମିଯାଉଛି । ଲୋକଙ୍କ ସମସ୍ୟାକୁ ଦେଖି ଏଠାରେ ପ୍ରଶାସନ ନିର୍ମାଣ କରିଥିଲା ସୌରଜଳ ଯୋଗାଣ ପ୍ରକଳ୍ପ । ହେଲେ କିଛି ଦିନ ଚାଲିବା ପରେ ଏହା ଅଚଳ । ଏପରିକି ଷ୍ଟାଣ୍ଡ ପୋଷ୍ଟ ବି ଭାଙ୍ଗି ଗଲାଣି । ସେପଟେ ନିର୍ବାହୀ ଯନ୍ତ୍ରୀଙ୍କ କହିବା କଥା ଗ୍ରୀଷ୍ମ ପାଇଁ ପ୍ରସ୍ତୁତି କରାଯାଉଛି । ଖୁବଶୀଘ୍ର ସମସ୍ୟାର ସମାଧାନ ହେବ ।

ସେପଟେ ଗଞ୍ଜାମ ଜିଲ୍ଲା ଧରାକୋଟ ବ୍ଲକ ବାହାରପୁର ପଞ୍ଚାୟତର ଡାକିବଜା ଗୌଡ ସାହିରେ ମଧ୍ୟ ସମାନ ସମସ୍ୟା । ଗାଁ ମୁଣ୍ଡରେ ରହିଛି ଓଭରହେଡ୍ ଟାଙ୍ଗି । ହେଲେ ଏଥିରୁ ପାଣି ନ ମିଳିବାରୁ ଗାଁ ପୋଖରୀ ପାଲଟିଛି ପାନୀୟ ଜଳର ଉତ୍ସ । ଏ ନେଇ ଗ୍ରାମ୍ୟ ଜଳ ଯୋଗାଣ ବିଭାଗ ମଧ୍ୟ ଘଟଣାକୁ ଗୁରୁତର ସହ ଗ୍ରହଣ କରି ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଛି ।  ।

ବାଲେଶ୍ୱର ଗସ୍ତରେ ଯିବେ ୫-ଟି ସଚିବ, ମେଗା ପ୍ରକଳ୍ପର ସ୍ଥିତି ସମୀକ୍ଷା କରିବେ

ବାଲେଶ୍ୱର: ଆଜି ବାଲେଶ୍ବର ଗସ୍ତରେ ଯିବେ 5-T ସଚିବ ଭି.କେ ପାଣ୍ଡିଆନ୍‌  । ଜିଲ୍ଲାରେ ନିର୍ମାଣାଧୀନ କେତେକ ମେଗା ପ୍ରକଳ୍ପର ସ୍ଥିତି ସମୀକ୍ଷା ପାଇଁ ଆଜି ବାଲେଶ୍ବର ଗସ୍ତ କରିବେ 5-T ସଚିବ । ତାଙ୍କ ସହିତ ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ପୂର୍ତ୍ତ ବିଭାଗ ସଚିବ କିଷନ କୁମାର ମଧ୍ୟ ଜିଲ୍ଲା ଗସ୍ତରେ ଯିବାର କାର୍ଯ୍ୟକ୍ରମ ରହିଛି ।  ବାଲେଶ୍ବର ପୋଲିସ ଲାଇନ୍‌ ପଡ଼ିଆରେ ପହଞ୍ଚିବା ପରେ ବିଭିନ୍ନ ପ୍ରକଳ୍ପର ତଦାରଖ କରିବାର କାର୍ଯ୍ୟକ୍ରମ ରହିଛି ।

ଏଥିସହିତ ପଢ଼ନ୍ତୁ: ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ: ୯ ପ୍ରସ୍ତାବକୁ ମିଳିଲା ମଞ୍ଜୁରୀ

ହାଇକୋର୍ଟ ପରିସରରେ ଉଦଘାଟିତ ହେଲା ବସବର ଟ୍ରକିଂ ସିଷ୍ଟମ୍

କଟକ:  ହାଇକୋର୍ଟ ପରିସରରେ ସୋମବାର ଦିନ ମୁଖ୍ୟ ବିଚାରପତି ଡ. ଏସ୍.ମୁରଲୀଧରଙ୍କ ଦ୍ୱାରା ବସବର ଟ୍ରକିଂ ସିଷ୍‌ଟମ ଓ ଇଲେକ୍ଟ୍ରିକାଲ୍ କଣ୍ଟ୍ରୋଲ୍ ରୁମ୍ ଉଦଘାଟିତ ହୋଇଯାଇଛି । ଏହି ଅବସରରେ ଭିଡ଼ିଓ କନଫରେନ୍ସିଂ ଜରିଆରେ କୋର୍ଟ ବିଲ୍ଡିଂ କମିଟିର ଚେୟାରମ୍ୟାନ୍ ଜଷ୍ଟିସ୍ ସି.ଆର ଦାସ ଓ କୋର୍ଟ ବିଲ୍ଡିଂ କମିଟିର ସଦସ୍ୟ ତଥା ହାଇକୋର୍ଟ ଜଜ୍ ଜଷ୍ଟିସ୍ ପ୍ରମଥ ପଟ୍ଟନାୟକ ଯୋଗ ଦେଇଥିଲେ।

ଏହାବ୍ୟତୀତ ଆଡଭୋକେଟ୍ ଜେନେରାଲ୍ ଅଶୋକ କୁମାର ପରିଜା, ଓଡ଼ିଶା ହାଇକୋର୍ଟ ବାର ଆସୋସିଏସନ୍ ପ୍ରେସିଡେଣ୍ଟ ଜଗବନ୍ଧୁ ସାହୁ, ଓଡ଼ିଶା ସରକାରଙ୍କ ୱାର୍କ୍ସ ଡିପାର୍ଟମେଣ୍ଟ ସେକ୍ରେଟାରୀ ତଥା ଇଞ୍ଜିନିୟର-ଇନ୍-ଚିଫ୍ (ବିଲ୍ଡିଂ) ଡ. କିଷନ୍ କୁମାରଙ୍କ ସମେତ ଅନ୍ୟ ରେଜିଷ୍ଟ୍ରି ସଦସ୍ୟ ଭର୍ଚୁଆଲି ଯୋଗ ଦେଇଥିଲେ।

ବସବର ଟ୍ରକିଂ ସିଷ୍ଟମ୍ ନିର୍ମାଣ କରିବାର ସମସ୍ତ କାର୍ଯ୍ୟ ସୁରକ୍ଷା ପ୍ରୋଟୋକଲ୍ ମଧ୍ୟରେ ଧାର୍ଯ୍ୟ ୩୩ ଦିନ ଭିତରେ ସମାପ୍ତ ହୋଇଥିବା ନେଇ ୱାର୍କ୍ସ ଡିପାର୍ଟମେଣ୍ଟ ପକ୍ଷରୁ ସୂଚନା ଦିଆଯାଇଛି।

 

ତାରାତାରିଣୀଙ୍କ ଦର୍ଶନ କରିପାରିବେ ନାହିଁ ବାହାର ଲୋକ, କେବଳ ସ୍ଥାନୀୟ ଲୋକଙ୍କୁ ଅନୁମତି

ଗଞ୍ଜାମ: ଜିଲ୍ଲାରେ ବୃଦ୍ଧି ଘଟିବାରେ ଲାଗିଛି ସଂକ୍ରମଣ ସଂଖ୍ୟା । ଦୈନିକ ସଂକ୍ରମଣ ରବିବାର ୮୦ ଟପିଛି । ଯାହାକୁ ନେଇ ସଜାଗ ହୋଇଛି ଜିଲ୍ଲା ପ୍ରଶାସନ । ମା ତାରାତାରିଣୀଙ୍କ ଦର୍ଶନ ଉପରେ ରୋକ ଲଗାଇଛି ଗଞ୍ଜାମ ଜିଲ୍ଲା ପ୍ରଶାସନ । କୋଭିଡ ପରିସ୍ଥିତି ବିଗୁଡୁ ଥିବାରୁ ଦର୍ଶନ କରିବାକୁ ଲଗାଯାଇଛି ରୋକ । କେବଳ ସ୍ଥାନୀୟ ଲୋକଙ୍କୁ ଦର୍ଶନ ଅନୁମତି ମିଳିବ ଏବଂ ତାହା ପୁଣି କଟକଣା ଅନୁଯାୟୀ ବୋଲି କହିଛି ପ୍ରଶାସନ ।

ମନ୍ଦିରକୁ ବାହାର ଅର୍ଥାତ ଜିଲ୍ଲା ବାହରୁ ଆସୁଥିବା ଲୋକଙ୍କୁ ଛଡା ଯିବନାହିଁ ବୋଲି ସିଧାସଳଖ କହିଛନ୍ତି ଜିଲ୍ଲାପାଳ । ସେହିପରି ମନ୍ଦିରକୁ ଆସୁଥିବା ସମସ୍ତ ଯାନବାହାନ ବନ୍ଦ ରଖାଯିବ । ଆଜି ରାତିରୁ ସମସ୍ତ ଛକରେ କୋଭିଡ କଟକଣା କଡାକଡି ହେବା ସହ ଚେକିଂ ମଧ୍ୟ କରାଯିବ । ଜାନୁଆରୀରୁ ଜିଲ୍ଲାରେ ସଂକ୍ରମଣ ସଂଖ୍ୟା ବୃଦ୍ଧି ଘଟିବାରେ ଲାଗିଛି । ତେଣୁ ଜିଲ୍ଲା ବାସୀ ସତର୍କ ଏବଂ ସଚେତନ ରହିବା ନିତାନ୍ତ ଆବଶ୍ୟକ ବୋଲି କହିଛନ୍ତି ଜିଲ୍ଲାପାଳ ବିଜୟା ଅମୃତ କୁଲାଙ୍ଗେ ।

ବଢୁଛି କୋଭିଡ, ଘୁଞ୍ଚିଲା ବୋର୍ଡ ପରୀକ୍ଷା

ମୂମ୍ବାଇ: କୋଭିଡ ପାଇଁ ବୋର୍ଡ ପରୀକ୍ଷା ସ୍ଥଗିତ ରଖିଲେ ମହାରାଷ୍ଟ୍ର ସରକାର । ସଂକ୍ରମଣକୁ ଦୃଷ୍ଟିରେ ରଖି ୧୦ମ ଓ ଦ୍ବାଦଶ ଶ୍ରେଣୀ ବୋର୍ଡ ପରୀକ୍ଷା ସ୍ଥଗିତ ରଖିବାକୁ ନିଷ୍ପତ୍ତି ହୋଇଛି । ଦଶମ ଓ ଦ୍ବାଦଶ ପରୀକ୍ଷା ଯଥାକ୍ରମେ ଏପ୍ରିଲ ୨୩ ଓ ୨୯ ତାରିଖରେ କରାଯିବାକୁ ଧାର୍ଯ୍ୟ ହୋଇଥିଲା । ହେଲେ ରାଜ୍ୟରେ କରୋନା ସ୍ଥିତିକୁ ଦେଖି ପରୀକ୍ଷା ଘୁଞ୍ଚାଇବାକୁ ନିଷ୍ପତ୍ତି ହୋଇଛି ।

ସେପଟେ ଦ୍ବାଦଶ ବୋର୍ଡ ପରୀକ୍ଷା ମେ’ମାସରେ କରାଯିବ ଓ ଜୁନରେ ଦଶମ ବୋର୍ଡ ପରୀକ୍ଷା କରାଯିବ । ମୁଖ୍ୟମନ୍ତ୍ରୀ ଉଦ୍ଧବ ଠାକେରଙ୍କ ସହ ଆଲୋଚନା କରିବା ପରେ ଏହି ନିଷ୍ପତ୍ତି ହୋଇଥିବା ସୂଚନା ଦେଇଛନ୍ତି ଶିକ୍ଷା ମନ୍ତ୍ରୀ ବର୍ଷା ଗାଇକୋଡ । କରୋନା ଦ୍ବିତୀୟ ଲହରରେ ସବୁଠୁ ଅଧିକ ପ୍ରଭାବିତ ହୋଇଛି ମହାରାଷ୍ଟ୍ର । ଏଭଳି ସ୍ଥିତିରେ ପରୀକ୍ଷା ପାଇଁ ପ୍ରସ୍ତୁତି କରିବା ଛାତ୍ରଛାତ୍ରୀଙ୍କ ପାଇଁ ଚିନ୍ତାଜନକ ସ୍ଥିତି ହୋଇଛି।

ଏଥିସହ ପିଲାଙ୍କ ସ୍ବାସ୍ଥ୍ୟକୁ ପ୍ରାଥମିକତା ଦେବା ଆମର କର୍ତ୍ତବ୍ୟ । ଏଣୁ ପରୀକ୍ଷା ଘୁଞ୍ଚାଇବାକୁ ନିଷ୍ପତ୍ତି ହୋଇଛି ବୋଲି ଶିକ୍ଷାମନ୍ତ୍ରୀ କହିଛନ୍ତି । ରାଜ୍ୟରେ ଲକଡାଉନ୍ ଘୋଷଣା ହେବ କି ନାହିଁ ସେ ନେଇ ଦିନେ କିମ୍ବା ଦୁଇ ଦିନ ମଧ୍ୟରେ ଘୋଷଣା ହେବ ବୋଲି କହିଛନ୍ତି ମହାରାଷ୍ଟ୍ର ମନ୍ତ୍ରୀ ଅସଲମ୍ ସେଖ ।

କାଶୀ ବିବାଦ କ’ଣ ?

ଗୋଟେ ବିବାଦ ତୁଟିବାର ବର୍ଷେ ବିତିନି ଆଉ ଗୋଟିଏ ବିବାଦ ଆରମ୍ଭ ହୋଇଗଲାଣି । । ଅଯୋଧ୍ୟା କାଣ୍ଡ ସରିବାକୁ ବର୍ଷେ ପୁରିନି,ଏହା ଭିତରେ ମୁଣ୍ଡ ଟେକିଛି କାଶୀକାଣ୍ଡ । କାଶୀ ବିଶ୍ୱନାଥ ମନ୍ଦିର ଓ ସେହି ପରିସରରେ ଥିବା ଜ୍ଞାନବାପି ମସଜିଦକୁ ନେଇ ରାଜନୀତି ଆରମ୍ଭ ହୋଇ ଯାଇଛି । ଗୁରୁବାର ଦିନ ସ୍ଥାନୀୟ ଅଦାଲତ ଭାରତୀୟ ପ୍ରତ୍ନତାତ୍ୱିକ ବିଭାଗ-ଏଏସଆଇକୁ ମସଜିଦ ପରିସରରେ ଖନନ କରିବାକୁ ଆଦେଶ ଦେଇଛନ୍ତି । ନିଜ ଆଦେଶରେ ଅଦାଲତ ଏଏସଆଇର ଏକ ୫ ଜଣିଆ ଟିମ୍ ଗଠନ କରି ପରିସର ଖନନ କରିବାକୁ କହିଛନ୍ତି।

ଏବେ ଆସନ୍ତୁ ଜାଣିବା ବିବାଦ କ’ଣ ପାଇଁ । ବିବାଦ ପଛରେ କ’ଣ କାରଣ ରହିଛି । ତେବେ ଏସବୁକୁ ବୁଝିବାକୁ ହେଲେ ଇତିହାସରେ ଅନେକ ପଛକୁ ଫେରିବାକୁ ପଡିବ । ଇତିହାସକୁ ଫେରିବା ପୂର୍ବରୁ ଆସନ୍ତୁ ବିବାଦ ଉପରେ ନଜର ପକାଇବା।

ଜ୍ଞାନବାପି ମସଜିଦକୁ ନେଇ ହିନ୍ଦୁଙ୍କ ଦାବି ଯେ,ଏହାକୁ ପ୍ରାଚୀନ କାଶୀ ବିଶ୍ୱନାଥ ମନ୍ଦିର ଧ୍ୱଂସ କରି ନିର୍ମାଣ କରାଯାଇଛି। ମସଜିଦ ତଳେ ପ୍ରକୃତରେ ମନ୍ଦିର ରହିଛି ବୋଲି ହିନ୍ଦୁ ପକ୍ଷଙ୍କ ଦାବି। ପ୍ରଥମ ଥର ପାଇଁ ୧୯୯୧ ମସିହାରେ ସ୍ୱୟଂମ୍ଭୁ ଜ୍ୟୋର୍ତିଲିଙ୍ଗ ଭଗବାନ ବିଶେଶ୍ୱରଙ୍କ ପକ୍ଷରୁ ଜ୍ଞାନବାପି ମସଜିଦରେ ପୂଜାର୍ଚ୍ଚନା ପାଇଁ ଅନୁମତି ମାଗି ଅଦାଲତରେ ଆବେଦନ କରାଯାଇଥିଲା । ଏହାପରଠାରୁ ମସଜିଦକୁ ନେଇ ବିବାଦ ଆରମ୍ଭ ହୋଇଥିଲା । ପ୍ରଥମ ପିଟିସନ ତିନି ଜଣ ପୂଜକ ଦାଏର କରିଥିଲେ। ଏହାପରେ ୨୦୧୯ରେ ଓକିଲ ବିଜୟ ଶଙ୍କର ରସ୍ତୋଗୀ ସିଭିଲ କୋର୍ଟରେ ଆବେଦନ କରିଥିଲେ। ଜ୍ଞାନବାପି ପରିସରର ପ୍ରତ୍ନାତାତ୍ୱିକ ସର୍ଭେକ୍ଷଣ ପାଇଁ ସେ ନିବେଦନ କରିଥିଲେ ।

ମନ୍ଦିର ସ୍ଥାନରେ ମସଜିଦ ?
ଆବେଦନକାରୀ ହିନ୍ଦୁ ସଂଗଠନଙ୍କ ଦାବି ଯେ, ଯେଉଁ ସ୍ଥାନରେ ଏବେ ଜ୍ଞାନବାପି ମସଜିଦ ଅଛି ସେଠାରେ ଆଗରୁ ମନ୍ଦିର ଥିଲା । ୨ ହଜାର ବର୍ଷର ପୁରୁଣା ମନ୍ଦିରକୁ ଭାଙ୍ଗି ଔରଙ୍ଗଜେବ ମସଜିଦ୍ ତିଆରି କରିଥିଲେ ବୋଲି ହିନ୍ଦୁଙ୍କ ଯୁକ୍ତି । ୧୬୬୯ରେ ଉତ୍ତର ଭାରତରେ ହିନ୍ଦୁ ବିଦ୍ରୋହକୁ ଦମନ କରିବାକୁ ଔରଙ୍ଗଜେବ ବିଶ୍ୱନାଥ ମନ୍ଦିରକୁ ଧ୍ୱଂସ କରିବାକୁ ଆଦେଶ ଦେଇଥିଲେ ବୋଲି କୁହାଯାଏ। ଅନେକ ମନ୍ଦିର ଓ ଗୁରୁକୁଳରେ ତନ୍ତ୍ରମନ୍ତ୍ରର ଶିକ୍ଷା ଦିଆଯାଉଛି,ଏହାକୁ ବାହନା କରି ଔରଙ୍ଗଜେବ ମନ୍ଦିର ଧ୍ୱଂସ କରିବାକୁ ଆଦେଶ ଦେଇଥିଲେ ବୋଲି ମାସିର-ଏ-ଆଲମଗିରି ପୁସ୍ତକରେ ଉଲ୍ଲେଖ ଅଛି। ଏହି ପୁସ୍ତକ ଔରଙ୍ଗଜେବ ଉପରେ ଲିଖିତ।

ହିନ୍ଦୁ ମନ୍ଦିର ଭଗ୍ନାବଶେଷରୁ ମସଜିଦ ନିର୍ମାଣ ?
ଅନେକ ଦାବି କରନ୍ତି ଯେ, ଔରଙ୍ଗଜେବ ଜ୍ଞାନବାପି ମସଜିଦର ନିର୍ମାଣରେ ଭଙ୍ଗାଯାଇଥିବା ମନ୍ଦିରର ସାମଗ୍ରୀକୁ ବ୍ୟବହାର କରିବାକୁ ଆଦେଶ ଦେଇଥିଲେ। ଐତିହାସିକ ଏଡବିନ୍ ଗ୍ରିବ୍ସ ତାଙ୍କ ପୁସ୍ତକ Kashi the city illustriousରେ ଏହାର ବର୍ଣ୍ଣନା କରିଛନ୍ତି । ସେ ଲେଖିଛନ୍ତି ଯେ, ଏମିତି ଅନେକ କିଛି ମସଜିଦରେ ଅଛି ଯାହା ମନ୍ଦିରର ଝଲକ ଦେଖାଏ । ଜ୍ଞାନବାପି ମସଜିଦ୍ ବାହାରେ ଏକ ବିଶାଳ ନନ୍ଦୀ ମୂର୍ତ୍ତି ରହିଛି । ଯାହାକି ଶିବଙ୍କ ବାହାନ। ନନ୍ଦି ମସଜିଦ ଆଡକୁ ମୁହଁକରି ବସିଛନ୍ତି । ଏସବୁକୁ ଆଧାର କରି ହିନ୍ଦୁ ମସଜିଦ ଉପରେ ନିଜ ଦାବି ରଖୁଛନ୍ତି ।

ମନ୍ଦିରର ଇତିହାସ-
କାଶୀ ବିଶ୍ୱନାଥ ମନ୍ଦିରର ଇତିହାସ ୨ ହଜାର ବର୍ଷରୁ ଅଧିକ ପୁରୁଣା । କୁହାଯାଏ ଯେ, ରାଜା ହରିଶଚନ୍ଦ୍ର ଏହି ମନ୍ଦିରର ଜିର୍ଣ୍ଣୋଉଦ୍ଧାର କରିଥିଲେ । ଅର୍ଥାତ ପୁରାଣର ହରିଶ୍ଚନ୍ଦ୍ରଙ୍କ ପୂର୍ବରୁ ମଧ୍ୟ ମନ୍ଦିର ଥିଲା । ହରିଶଚନ୍ଦ୍ରଙ୍କ ପରେ ଅନେକ ହିନ୍ଦୁ ରାଜା ଏହି ମନ୍ଦିରର ଜିର୍ଣ୍ଣୋଉଦ୍ଧାର କରିଛନ୍ତି । ରାଜା ବିକ୍ରମାଦିତ୍ୟ ମଧ୍ୟ ଏହାର ପୁନଃନିର୍ମାଣ କରିଥିଲେ । ମୋଗଲ ଆକ୍ରମଣ କାଳରେ ମନ୍ଦିରକୁ ଧ୍ୱଂସ କାରାଯାଇଥିଲା । ଔରଙ୍ଗଜେବ ମନ୍ଦିର ଭାଙ୍ଗି ଏହା ସ୍ଥାନରେ ମସଜିଦ୍ ତିଆରି କରିଥିଲେ । ୧୭୮୦ ମସିହାରେ ମାଲବାର ରାଣୀ ଅହଲ୍ୟାବାଇ ମସଜିଦ ପାଖରେ ବର୍ତ୍ତମାନର ଶିବ ମନ୍ଦିର ନିର୍ମାଣ କରିଥିଲେ ।

ମସଜିଦ ସ୍ଥାନରେ ଆଗରୁ ମନ୍ଦିର ଥିଲା ବୋଲି ଯୁକ୍ତିକୁ ଅଧିକ ଶକ୍ତ କରିବା ପାଇଁ ହିନ୍ଦୁ ପକ୍ଷ ୩୫୦ ବର୍ଷ ପୁରୁଣା ଗୋଟିଏ ଦସ୍ତାବିଜ ମଧ୍ୟ ସାମ୍ନାରେ ରଖୁଛନ୍ତି। ଏହି ଦସ୍ତାବିଜ୍ ଔରଙ୍ଗଜେବଙ୍କ ଦରବାରରୁ ଜାରି ହୋଇଥିଲେ। ସେପ୍ଟେମ୍ବର ୨,୧୬୬୯ରେ ଜାରି ଆଦେଶ ପତ୍ରରେ ଔରଙ୍ଗଜେବ ମନ୍ଦିର ଧ୍ୱଂସ ପାଇଁ ଆଦେଶ ଦେଇଥିଲେ।
ଇତିହାସ ଯାହା ବି ହେଉନା କାହିଁକି । କିନ୍ତୁ ଜ୍ଞାନବାପି ମସଜିଦ ପୁଣି ଥରେ ଭାରତୀୟ ରାଜନୀତିରେ ଝଡ ଆଣିବ ଏଥିରେ ସନ୍ଦେହ ନାହିଁ । ବାବ୍ରି ମସଜିଦ ପରେ ଆଗକୁ ଏହା ଆଉ ଗୋଟିଏ ବଡ ପ୍ରସଙ୍ଗ ହେବାକୁ ଯାଉଛି ଏଥିରେ ସନ୍ଦେହ ନାହିଁ ।

ସଜାଗ ରାୟଗଡ଼ା ପ୍ରଶାସନ, ଓଡିଶା ଆସିଲେ ଜରୁରୀ ନଗେଟିଭ ରିପୋର୍ଟ

ରାୟଗଡ଼ା: କୋରନା ର ଦ୍ବିତୀୟ ଲହରୀ ଆରମ୍ଭ ହୋଇଥିବା ବେଳେ କୋରନା ପଜିଟିଭ୍ ସଂଖ୍ୟା ଦିନକୁଦିନ ବୃଦ୍ଧି ପାଇବାରେ ଲାଗିଛି। ଏଭଳି କ୍ଷେତ୍ରରେ ରାୟଗଡା ଜିଲ୍ଲାପାଳଙ୍କ ନିର୍ଦେଶ କ୍ରମେ ସ୍ଥାନିୟ ଉପଜିଲ୍ଲାପାଳ ଜେ ସୋନାଲ୍ ଆନ୍ଧ୍ର ଓଡିଶା ବଡର ଗୁଡିକ ର ସଡକ ପଥରେ ପ୍ରତ୍ୟେକ ଗାଡିକୁ ତନ୍ନତନ୍ନ ଯାଞ୍ଚ କରାଯିବା ନିର୍ଦେଶ ଦେଇଛନ୍ତି। ଆଜିଠାରୁ ଆନ୍ଧ୍ର ଓଡିଶା ସଂଯୋଗ କରୁଥିବା ସିମାନ୍ତବର୍ତ୍ତୀ ସଡକ ଗୁଡିକରେ ଯେଉଁ ଗାଡି ଚଳାଚଳ କରୁଛି ସେଗୁଡିକୁ ପୋଲିସ୍ ପ୍ରଶାସନ ତନ୍ନତନ୍ନ ଯାଞ୍ଚ କରୁଥିବା ଦେଖିବାକୁ ମିଳିଛି।

ଗୁଣୁପୁର ଜଗନ୍ନାଥପୁର ନିକଟ ବାସନାଗୁଡା ବଡର ଓ ରାମନାଗୁଡା ନିକଟବର୍ତୀ କାଟିକି ବଡର ଓ ଆମ୍ବାଦଳା ନିକଟରେ ମଧ୍ୟ ଗୋଟିଏ ଚେକ୍ ପଏଣ୍ଟ କରାଯାଇଛି।ଏହି ଚେକ୍ ପଏଣ୍ଟ ଗୁଡିକରେ ଆନ୍ଧ୍ର ରୁ ଆସୁଥିବା ପ୍ରତ୍ୟେକ ଲୋକଙ୍କୁ ଯାଞ୍ଚ କରାଯିବା ସହ ସେମାନଙ୍କ ତଥ୍ୟ ରଖାଯାଉଛି। ସେମାନଙ୍କର ଭେକ୍ସିନେସନ୍ ସାର୍ଟୀଫିକେଟ୍ କିମ୍ବା ୭୨ ଘଣ୍ଟା ମଧ୍ୟରେ କୋରନା ଟେଷ୍ଟ୍ କରିଥିବା ରିର୍ପୋଟ ରହିଥିବା ଆବଶ୍ୟକ କରିଛି ଜିଲ୍ଲା ପ୍ରଶାସନ ।

ସେପଟେ ଚେକ୍ ପଏଣ୍ଟ୍ ରେ ଚେକ୍ କରିବା ବେଳେ ରିର୍ପୋଟ ନଥିଲେ ସେମାନେ ୭ ଦିନ ପାଇିଁ କ୍ବାରେଣ୍ଟାଇନ୍ର ରହିବେ। ସୀମାରେ ରହିଥିବା ଚେକ୍ ପଏଣ୍ଟ ଗୁଡିକରେ ସ୍ଥାନିୟ ଉପଜିଲ୍ଲାପାଳ ପହଞ୍ଚି ସ୍ଥିତି ପରଖଖଛନ୍ତି। ଚେକ୍ ପଉଣ୍ଟ ଗୁଡିକରେ ପ୍ରଶାସନ ଏକ ଅସ୍ଥାୟୀ କ୍ୟାମ୍ପ୍ କରି ଯାଞ୍ଚ କରୁଛି।

ସୁନିଲଙ୍କ ସ୍ଥାନରେ ସୁଶୀଲ, ମଙ୍ଗଳବାର ନେବେ CEC ଦାୟିତ୍ବ

ନୂଆଦିଲ୍ଲୀ: ନୂତନ ନିର୍ବାଚନ କମିଶନର ହୋଇଛନ୍ତି ସୁଶୀଲ ଚନ୍ଦ୍ରା । ସୁନିଲ ଆରୋରାଙ୍କ ପଦ ସମ୍ଭାଳିବେ ସୁଶୀଲ । ଆସନ୍ତାକାଲି ଅର୍ଥାତ ମଙ୍ଗଳବାର ନୂତନ ନିର୍ବାଚନ କମିଶନର ଦାୟିତ୍ୱ ନେବା ନେଇ ସୂଚନା ମିଳିଛି । ୨୦୨୨ ମେ ୧୪ ପର୍ଯ୍ୟନ୍ତ ନିର୍ବାଚନ କମିଶନର ଭାବେ ପଦ ସମ୍ଭାଳିବେ ସୁଶୀଲ ।

ନିର୍ବାଚନ କ୍ଷେତ୍ରରେ ସୁଶୀଲ ଚନ୍ଦ୍ରାଙ୍କ ଅନେକ ଅନିଭୂତି ଓ ଅଭିଜ୍ଞତା ରହିଛି । ସୁଶୀଲ ଚନ୍ଦ୍ରା ପଦ ସମ୍ଭାଳିବା ପରେ ତାଙ୍କ ନେତୃତ୍ବରେ ମଧ୍ୟ ଅନେକ ରାଜ୍ୟର ବିଧାନସଭା ନିର୍ବାଚନ ହେବାକୁ ୟାଉଛି । ଯଥା ଗୋଆ, ମଣିପୁର, ଉତ୍ତରାଖଣ୍ଡ ଏବଂ ପଞ୍ଜାବରେ ହେବାକୁ ଯାଉଛି ଆସନ୍ତା ବର୍ଷ ନିର୍ବାଚନ ।

ପୂର୍ବରୁ କେନ୍ଦ୍ରୀୟ କେନ୍ଦ୍ରୀୟ ଟିକସ ବୋର୍ଡ (ସିବିଡିଟି) ର ଅଧ୍ୟକ୍ଷ ଭାବେ କାର୍ଯ୍ୟକରିଛନ୍ତି ସୁଶୀଲ । ଏହାପରେ ଲୋକସଭା ନିର୍ବାଚନ ପୂର୍ବରୁ ଅର୍ଥାତ ୧୪ ଫେବୃଆରୀ ୨୦୧୯ ରେ ସୁଶୀଲ ଚନ୍ଦ୍ରା ନିର୍ବାଚନ କମିଶନର ଭାବରେ ନିଯୁକ୍ତ ହୋଇଥିଲେ। ୧୯୮୦ ବ୍ୟାଚର ଆଇଆରଏସ (IRS)ହେଉଛନ୍ତି ସୁଶୀଲ ଚନ୍ଦ୍ରା । ଆଇଆଇଟି ଋଋକିରୁ ବିଟେକ ଏବଂ ଡେରାଡୁନରୁ ଏଲଏଲବି ପାସ କରିଛନ୍ତି ସୁଶୀଲ । ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କୁ ନୂତନ ନିର୍ବାଚନ କମିଶନର ଭାବେ ନିୟୁକ୍ତ କରିଛନ୍ତି ।

ଦିଦି ଦେଲେ ସାମ୍ପ୍ରଦାୟିକ ବୟାନ, EC ଦେଲେ ନିର୍ଦେଶ

କୋଲକାତା: ଟିଏମସି ସୁପ୍ରିମୋଙ୍କୁ ବଡ଼ ଝଟକା । ୨୪ ଘଣ୍ଟା ପାଇ ପ୍ରଚାର ବ୍ୟାନ କଲେ ନିର୍ବାଚନ କମିଶନ । ଏହି କଟକଣା ଆଜି ରାତି ଅର୍ଥାତ ସୋମବାର ରାତି ୮ ଟାରୁ ମଙ୍ଗଳବାର ରାତି ୮ ପର୍ଯ୍ୟନ୍ତ ବଳବତ୍ତର ରହିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ନିର୍ବାଚନ ଆୟୋଗ । ସୂଚନା ମୁତାବକ ଏକ ପ୍ରଚାର ରାଲିରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ହିନ୍ଦୁ-ମୁସଲିମ ସମ୍ପ୍ରଦାୟକୁ ନେଇ ଏକ ବିବାଦୀୟ ବୟାନ ଦେଇଥିଲେ । ଯାହା ରାଜ୍ୟରେ ସାମ୍ପ୍ରଦାୟିକ ଦଙ୍ଗା ସୃଷ୍ଟି କଲାଭଳି ପରିସ୍ଥିତି ଉପୁଯାଇବା ନେଇ ଆଶଙ୍କା କରିଛି କମିଶନ । ଏହି ଘଟଣାକୁ ନେଇ ନିର୍ବାଚନ କମିଶନ ମମତା ବାନାର୍ଜୀଙ୍କୁ ଏକ ନୋଟିସ ଜାରି କରିଛନ୍ତି । ଯେଉଁଥିରେ ମମତା ଚବିଶି ଘଣ୍ଚା ପର୍ଯ୍ୟନ୍ତ ପ୍ରଚାର କରିପାରିବେ ନାହିଁ ସ୍ପଷ୍ଟ ଉଲ୍ଲେଖ ରଖିଛନ୍ତି ନିର୍ବାଚନ କମିଶନ ।

ପଶ୍ଚିମବଙ୍ଗ ନିର୍ବାଚନୀ ପାରଦ ପ୍ରତି ମୂହୂର୍ତ୍ତରେ ବଢିବାରେ ଲାଗିଛି  । ସମୟ ଯେତିକି ପାଖଉଛି, ତାତି ସେତେକି ବଢୁଛି  । ଏହାରି ଭିତରେ ସୋମବାର ଟିଏମସି ସୁପ୍ରିମୋ ମମତା ବାନାର୍ଜୀ ନିର୍ବାଚନୀ ପ୍ରଚାରରେ ହିନ୍ଦୁ-ମୁସଲିମ ନେଇ ଦେଇଛନ୍ତି ବୟାନ  । ଯାହା ସାମ୍ପ୍ରଦାୟିକ ହିଂସା ଘଟଇବା ଭଳି ବୟାନ ବୋଲି ଦର୍ଶାଇଛି ଇସି  । ଏହି ଘଟଣାକୁ ନେଇ ନିର୍ବାଚମ କମିସନ ମମତାଙ୍କୁ ନିକଟକୁ ନୋଟିସ ମଧ୍ୟ ଜାରି କରିଛନ୍ତି  । ଏହାସହ ୨୪ ଘଣ୍ଟା ପାଇଁ ପ୍ରାଚର କରିପାରିବେ ନାହଁ ବୋଲି ନିର୍ଦେଶ ମଧ୍ୟ ଦେଇଛନ୍ତି  । ସେପଟେ ନିର୍ବାଚନ କମିଶନଙ୍କ ଏଭଳି ନିର୍ଦେଶ ନେଇ ଟିଏମସି ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି  ।

ଟିଏମସି ସାଂସଦ ଡେରେକ ଓ ବ୍ରାୟନ କହିଛନ୍ତି, କେନ୍ଦ୍ର ସରକାରଙ୍କ ଏଭଳି ଆଭିମୁଖ୍ୟ ନିନ୍ଦନୀୟ  । ନିର୍ବାଚନ କମିଶନ ଦେଇଥିବା ନିର୍ଦେଶ ଗ୍ରହଣୀୟ ନୁହେଁ  । ଏହା ଗଣତନ୍ତ୍ର ପାଇଁ କଳାଦିନ ବୋଲି କହିଛନ୍ତି  । ସେପଟେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରବିବାର ନିର୍ବାଚନ ଆୟୋଗଙ୍କୁ ଟାର୍ଗଟ କରି କହିଥିଲେ EC ବଦଳରେ ବର୍ତ୍ତମାନ MCC ରଖାଯାଉ  । ଅର୍ଥାତନ ନିର୍ବାଚନ କମିଶନ ନିଜ ନାମ ବଦଳାଇ ମୋଦି କୋଡ ଅଫ କଣ୍ଡକ୍ଟ ରଖିଦିଅନ୍ତୁ ବୋଲି ଟ୍ବିଟ କରି ଉଲ୍ଲେଖ କରିଥିଲେ ମୁଖ୍ୟମନ୍ତ୍ରୀ । ସେପଟେ ପଶ୍ଚିମବଙ୍ଗର କୁଚ ବିହାର ହିଂସା ନେଇ ମଧ୍ୟ ନିର୍ବାଚନ ଜାରି କରିଛନ୍ତି ନିର୍ଦେଶ  । ଉକ୍ତ ସ୍ଥାନକୁ କୈଣସି ନେତା ପ୍ରବେଶ କରିପାରିବେ ନାହିଁ ବୋଲି କହିଛନ୍ତି କମିଶନ  ।

ହାଇଦର ଫେରାର ଦିନ ଆସିଥିଲେ ପରିବାର ଲୋକ, ଏତଲାରେ ଉଲ୍ଲେଖ କଲେ ସୁରକ୍ଷାକର୍ମୀ

ଭୁବନେଶ୍ୱର: SCBରୁ ଗ୍ୟାଙ୍ଗଷ୍ଟର ହାଇଦର ଉଭାନ ହେବା ଘଟଣାକୁ ତିନି ଦିନ ବିତିଛି । କିନ୍ତୁ ଏବେ ବି ହାତ ଖାଲି କରି ବସିଛି ଓଡିଶା ପୋଲିସ । ସେପଟେ ଫେରାର ଦିନ କେବିନରେ କର୍ତ୍ତବ୍ୟରତ ପୋଲିସ କର୍ମଚାରୀ ମହମ୍ମଦ୍ ମୌସିମ ଏକ ଲିଖିତ ଏତଲା ଥାନାରେ ଦାଏର କରିଛନ୍ତି । ଗତ 10 ତାରିଖରେ ହାଇଦର ଫେରାର ହେବା ପରେ ସେହି ଦିନ ରାତିରେ ଦିଆଯାଇଥିବା ଏତଲାରେ କର୍ମଚାରୀ ଜଣକ ଘଟଣା ସଂପର୍କରେ ଉଲ୍ଲେଖ କରିଛନ୍ତି ।

ଏତଲାରେ ଉଲ୍ଲେଖ ରହିଛି, ଫେରାର ଦିନ ହାଇଦରକୁ ଭେଟିବାକୁ ତାର ପରିବାର ଓ ସଂପର୍କୀୟ ମାନେ ଆସିଥିଲେ । ଯଥା ପୁଅ, ଭାଇ, ପୁତୁରା,ଶଳା ଓ ସାନ ଜ୍ବାଇଁ ସେଦିନ ଭେଟିବାକୁ ଆସିଥିଲେ । ଠିକ ସେହି ସୟରେ ସଂପର୍କୀୟ ଓ ଅନ୍ୟ ଲୋକମାନେ ସୁରକ୍ଷା ଦାୟିତ୍ୱରେ ଥିବା ପୋଲିସ କନଷ୍ଟେବଳଙ୍କ ଉପରକୁ ଟକ୍ରାନ୍ତ କରି କିଛି ବିଷାକ୍ତ ଜିନିଷ ଉପରକୁ ଫିଙ୍ଗିଥିବା ଏତଲାରେ ଉଲ୍ଲେଖ କରିଛନ୍ତି ସୁରକ୍ଷାକର୍ମୀ ।