spot_img
Home Blog Page 5904

କରୋନା ହେଲ୍ପଲାଇନକୁ ସଂକ୍ରମିତ କରିଥିଲେ ଫୋନ୍, ଉତ୍ତର ଆସିଲା-ଯା ମରିଯା

0

ଲକ୍ଷ୍ନୌ: କରୋନାର ଦ୍ୱିତୀୟ ପର୍ଯ୍ୟାୟ ଦେଶରେ ଆତଙ୍କ ସୃଷ୍ଟି କରିଛି । ଗତ ୨୪ ଘଣ୍ଟାରେ ଦେଶରେ ୨ ଲକ୍ଷ ୩୪ ହଜାର ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୩୪୧ ଜଣ ପ୍ରାଣ ହରାଇଛନ୍ତି । କରୋନା କାଳରେ ଦେଶବାସୀଙ୍କ ପାଇଁ ସାହା ହେଉଛି ସରକାରୀ ହେଲ୍ଥକେୟାର ସିଷ୍ଟମ । କିନ୍ତୁ ସେତେବେଳେ କ’ଣ ହେବ ଯେତେବେଳେ ସରକାରୀ ହେଲ୍ଥ କେୟାର ସିଷ୍ଟମ ହିଁ ଲୋକଙ୍କୁ ମରିବା ପାଇଁ ଛାଡିଦେବ ? ଉତ୍ତର ପ୍ରଦେଶ ଏବେ କରୋନା ମାମଲାରେ ମହାରାଷ୍ଟ୍ରଠାରୁ ମଧ୍ୟ ଆଗରେ ରହିଛି । ଦେଶରେ ସବୁଠୁ ଅଧିକ ସକ୍ରିୟ ମାମଲା ଏହି ରାଜ୍ୟରେ ଦେଖିବାକୁ ମିଳୁଛି । ରାଜ୍ୟର ଯୋଗୀ ସରକାର କରୋନା ମୁକାବିଲା ପାଇଁ ବଡ ବଡ ପଦକ୍ଷେପ ନେଇଛନ୍ତି ବୋଲି ବାହସ୍ଫୋଟ ମାରୁଛନ୍ତି । କିନ୍ତୁ ରାଜଧାନୀ ଲକ୍ଷ୍ନୌରେ ଏଭଳି ଗୋଟିଏ ମାମଲା ସାମ୍ନାକୁ ଆସିଛି ଯାହା ସରକାରୀ କଳର ଅସଲ ମୁଖାକୁ ଖୋଲି ଦେଇଛି । ଜଣେ କରୋନା ସଂକ୍ରମିତ ରାଜ୍ୟ କରୋନା ହେଲ୍ପ ଲାଇନକୁ ସାହାଯ୍ୟ ପାଇଁ ଅପିଲ କରିଥିଲେ । ତାଙ୍କୁ ଯାହା ଉତ୍ତର ମିଳିଥିଲା ତାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । ସାହାଯ୍ୟ ମାଗୁଥିବା ସଂକ୍ରମିତଙ୍କୁ ହେଲ୍ପ ସେଣ୍ଟର କର୍ମଚାରୀ ମରିଯିବାକୁ କହିଥିଲେ ।

ସନ୍ତୋଷ କୁମାର ନାମକ ବ୍ୟକ୍ତି ନିଜ ପତ୍ନୀଙ୍କ ସହିତ କରୋନା ଟେଷ୍ଟ୍ କରାଇଥିଲେ । ଏପ୍ରିଲ ୧୦ ତାରିଖ ଦିନ ସେ ଏହି ଟେଷ୍ଟ୍ କରିଥିଲେ । ଏପ୍ରିଲ ୧୨ ତାରିଖରେ ତାଙ୍କ ରିପୋର୍ଟ ପଜିଟିଭ୍ ଆସିଥିଲା । ରିପୋର୍ଟ ପଜିଟିଭ୍ ଆସିବା ପରେ ସନ୍ତୋଷ ହେଲ୍ପ ଲାଇନକୁ କଲ୍ କରିଥିଲେ । ଗୋଟିଏ କଲରେ ସଂକ୍ରମିତଙ୍କୁ ସାହାଯ୍ୟର ଦାବି କରୁଥିବା କଲ ସେଣ୍ଟର କେମିତି ଲୋକଙ୍କୁ ସାହାଯ୍ୟ କରୁଛି ତାହା ସନ୍ତୋଷ ଏହି ଗୋଟିଏ କଲରୁ ଜାଣିପାରିଥିଲେ । ପ୍ରଥମ କଲ ପରେ ୧୫ ଏପ୍ରିଲରେ ସନ୍ତୋଷଙ୍କ ପାଖକୁ କଲବ୍ୟାକ୍ ଆସିଥିଲା । ସକାଳ ୮.୧୪ ମିନିଟରେ ଆସିଥିବା କଲ ୫୪ ସେକେଣ୍ଡ୍ ପାଇଁ ଜାରି ରହିଥିଲା । କଲ ସେଣ୍ଟର ପ୍ରତିନିଧି ସନ୍ତୋଷଙ୍କୁ ପଚାରିଥିଲେ ଯେ, ସେ ହୋମ୍ ଆଇସୋଲେସନ୍ ଆପ୍ ଡାଉନ୍ ଲୋଡ୍ କରିଛନ୍ତି କି ନାହିଁ ? ସନ୍ତୋଷଙ୍କ ଉତ୍ତର ଥିଲା ଯେ, ସେ ଏଭଳି କୌଣସି ଆପ୍ ବାବଦରେ ଜାଣି ନାହାନ୍ତି । ଯାହାର ଉତ୍ତରରେ କଲ ସେଣ୍ଟର କର୍ମଚାରୀ ଜଣଙ୍କ ତାଙ୍କୁ କହିଥିଲେ ଯେ,‘‘ ଯା ତୁ ମରିଯା’’

ଏହି କଲ ସନ୍ତୋଷଙ୍କୁ ମାନସିକ ଅଶାନ୍ତି ଦେଇଥିଲା । ଏନେଇ ସେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ଜିଲ୍ଲାପାଳଙ୍କୁ ପତ୍ର ଲେଖି ସେମାନଙ୍କ ସ୍ପଷ୍ଟୀକରଣ ମାଗିଛନ୍ତି ।

ତାମିଲ ହାସ୍ୟ ଅଭିନେତା ବିବେକଙ୍କ ହୃଦଘାତରେ ପରଲୋକ: କରୋନା ଟିକା ନେଇ ହୋଇଛି ହୃଦଘାତ !

ଚେନ୍ନାଇ: ତାମିଲ ହାସ୍ୟ ଅଭିନେତା ବିବେକଙ୍କ ପରଲୋକ । ଚେନ୍ନାଇର ଏକ ଘରୋଇ ହସ୍ପିଟାଲରେ ହୃଦଘାତରେ ପରଲୋକ । ମୃତ୍ୟବେଳକୁ ତାଙ୍କ ୫୯ ବର୍ଷ ବୟସ ହୋଇଛି । ଛାତିରେ ଯନ୍ତ୍ରଣା ବେହୋସ ଅବସ୍ଥାରେ ତାଙ୍କୁ ଗତକାଲି ରାତ୍ରୀ ୧୧ ଟାରେ ପତ୍ନୀ ଓ ପୁଅ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଇଥିଲେ । ଏବଂ ସେଠାରେ ତାଙ୍କ ଆଞ୍ଜିଓପ୍ଳାଷ୍ଟି କରାଯାଇ ଇସିଏମ୍‌ଓରେ ରଖାଯାଇଥିଲା । ସେଠାରେ ଆଜି ଭୋର ୪ଟା ୩୫ ମିନିଟରେ ଦେହାନ୍ତ ହୋଇଛି । ତାଙ୍କ ମୃତ୍ୟୁ ଖବର ସାମ୍ନାକୁ ଆସିବା ପରେ ସିନେ ଜଗତରେ ଶୋକର ଛାୟା ଖେଳିଯାଇଛି ।

Tamil actor, comedian Vivek passes away at 59 after suffering heart attack

ତେବେ ଗତ କିଛି ଦିନ ତଳେ ଅଭିନେତା କରୋନା ଟିକା ନେଇଥିବା ବେଳେ ଏଥିଲାଗି ତାଙ୍କ ହୃଦଘାତ ହେଉଥିବା ଗୁଜବ ସୃଷ୍ଟି ହୋଇଛି । ଆଉ ଏହି ଗୁଜବକୁ ଖଣ୍ଡନ କରିବା ନେଇ ତାମିଲନାଡ଼ୁ ସ୍ୱାସ୍ଥ୍ୟ ବିଭାଗ ପକ୍ଷରୁ ଏକ ସାମ୍ୱାଦିକ ସମ୍ମିଳନୀ କରିବା ନେଇ ଯୋଜନା କରାଯାଇଛି । ଅପରପକ୍ଷରେ ମେଡିକାଲ କର୍ତ୍ତୃପକ୍ଷ ମଧ୍ୟ କରୋନା ଟିକା ଜନିତ ହୃଦଘାତକୁ ଖଣ୍ଡନ କରିଛନ୍ତି ।

ବଢ଼ୁଛି କରୋନା କୋପ: ଦିନକରେ ୧୩୪୧ ମୃତ ୨ଲକ୍ଷରୁ ଅଧିକ ସଂକ୍ରମିତ

ନୂଆଦିଲ୍ଲୀ: ଦେଶରେ ବଢ଼ୁଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ଚିହ୍ନଟ ହୋଇଛନ୍ତି ଆଉ ୨ ଲକ୍ଷ ୩୪ ହଜାର ୬୯୨ କରୋନା ପଜିଟିଭ୍ । ଏଥିସହ ଦିନକରେ ୧ ହଜାର ୩୪୧ ଜଣଙ୍କ ଜୀବନ ନେଇଛି କିଲର ଭାଇରସ।

ତେବେ ଗତ ୨୪ ଘଣ୍ଟାର ଆକ୍ରାନ୍ତ ସଂଖ୍ୟାକୁ ମିଶାଇ ଏପର୍ଯ୍ୟନ୍ତ ଦେଶରେ ସଂକ୍ରମିତ ହେଲେଣି ୧ କୋଟି ୪୫ ଲକ୍ଷ ୨୬ ହଜାର ୬୦୯ ଜଣ । ବର୍ତ୍ତମାନ ସୁଦ୍ଧା ସାରା ଦେଶରେ ଆକ୍ଟିଭ କେସ୍ ୧୬ ଲକ୍ଷ ୭୯ ହଜାର ୭୪୦ ଥିବା ବେଳେ, ମହାମାରୀରେ ୧ ଲକ୍ଷ ୭୫ ହଜାର ୬୪୯ ଜଣ ପ୍ରାଣ ହରାଇ ସାରିଲେଣି । ଅନ୍ୟପଟେ ବର୍ତ୍ତମାନ ସୁଦ୍ଧା ୧ କୋଟି ୨୬ ଲକ୍ଷ ୭୧ ହଜାର ୨୨୦ ଜଣ କରୋନା ଆକ୍ରାନ୍ତ ସୁସ୍ଥ ହେଲେଣି।

ଗତ ୨୪ ଘଣ୍ଟାରେ ମହାରାଷ୍ଟ୍ରରେ ୬୩ ହଜାର ୭୨୯ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ୩୯୮ ଜଣଙ୍କର ମୃତ୍ୟୁ ଘଟିଛି।  ଯାହାକି ଏପର୍ଯ୍ୟନ୍ତ ସର୍ବାଧିକ ଦୈନିକ ସଂକ୍ରମଣ। ଏଥି ସହ ରାଜ୍ୟରେ ମୋଟ ସଂକ୍ରମିତ ସଂଖ୍ୟା ୩୭ ଲକ୍ଷରୁ ଅଧିକରେ ପହଞ୍ଚିଛି।

ଟିକା ନ ଥିବାରୁ ୧୫୦୦ କେନ୍ଦ୍ରରୁ ୧୦୭୩ କେନ୍ଦ୍ରରେ ବନ୍ଦ ରହିଛି ଟିକାକରଣ

ଭୁବନେଶ୍ୱର:  ରାଜ୍ୟରେ ୩ଟି ଜିଲ୍ଲା ଝାରସୁଗୁଡା,ନୂଆପଡା, କୋରାପୁଟରେ ସମ୍ପୂର୍ଣ୍ଣ ଭାବେ ଟିକାକରଣ ବନ୍ଦ ରହିଛି । ୧୫୦୦ ଟିକାକରଣ କେନ୍ଦ୍ରରୁ ୧୦୭୩ କେନ୍ଦ୍ରରେ ଟିକା ନଥିବାରୁ ବନ୍ଦ ରଖାଯାଇଛି । ୧୦ଟି ଜିଲ୍ଲାର ସହରାଞ୍ଚଳରେ ହୋଇଥିବା ସପ୍ତାହନ୍ତ ସଟ୍‌ଡାଉନ୍ ଯୋଗୁଁ ସେଠି ଟିକାକରଣ ବନ୍ଦ ରଖାଯାଇଛି । ରାଜ୍ୟରେ ଯେତିକି ଟିକା ରହିଛି ତାହା ଦ୍ୱାରା ୨ ରୁ ୩ ଦିନ ଟିକାକରଣ ହୋଇ ପାରିବ ।  ରାଜ୍ୟରେ କୋଭିସିଲ୍ଡ ଟିକା ୩.୬ ଲକ୍ଷ ରହିଛି ଓ କୋଭସ୍କିନ ୨.୩ ଲକ୍ଷ ରହିଛି । ଟିକା ଅଭାବ ସମ୍ପର୍କରେ ଆମେ କେନ୍ଦ୍ର ସରକାରଙ୍କ ନିକଟକୁ ବାରମ୍ବାର ଚିଠି ଲେଖୁଛୁ ବୋଲି କହିଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ସେ ଆହୁରି କହିଛନ୍ତି ଯେ, ସରକାର କୋରନା ମୁକାବିଲା କରିବା ପାଇଁ ପ୍ରସ୍ତୁତ ଅଛନ୍ତି । ପଜିଟିଭ ସଂଖ୍ୟା ବଢ଼ିଲେ ତାକୁ ମୁକାବିଲା କରିବା ପାଇଁ ସରକାର ପ୍ରସ୍ତୁତ। ମାସ୍କ ପିନ୍ଧନ୍ତୁ ସରକାରଙ୍କ ନିୟମ ମାନନ୍ତୁ । ସରକାର ଯେଉଁ ନିୟମ କରିଛନ୍ତି ତାକୁ ମାନିବାକୁ ଲୋକଙ୍କୁ କଲେ ଅପିଲ ।

ଏଥିସହିତ ପଢ଼ନ୍ତୁ: କରୋନା ମୁକାବିଲା ଦିଗରେ ରାଜ୍ୟ-କେନ୍ଦ୍ରର କାର୍ଯ୍ୟକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା: ଖୋଲା ବଜାରରେ ଟିକା ଉପଲବ୍ଧ କରାଇବାକୁ ଦେଲେ ପ୍ରସ୍ତାବ

 

ବଲିଉଡ୍‌ରେ ଚମକିଲେ ଓଡ଼ିଆପୁଅ ରତିକାନ୍ତ କମିଳା: ଜାଣନ୍ତୁ ବାଲିଆପାଳରୁ ବଲିଉଡ୍‌ ଯାଏଁ ଯାତ୍ରାର ପୂରା କାହାଣୀ

ଜଳେଶ୍ୱର: ବଲିଉଡରେ ଚମକିଲେ ଓଡ଼ିଆପୁଅ ରତିକାନ୍ତ କମିଳା । ଇଚ୍ଛା ଥିଲା ମୂର୍ତ୍ତିକାର ହେବା ପାଇଁ କିନ୍ତୁ ବନିଗଲେ କଳାକାର । ଛୋଟ ପରଦାରୁ ଆରମ୍ଭ କରି ବଡ଼ ପରଦାରେ ଏବେ ସେ ତାଙ୍କ ଅଭିନୟର ଯାଦୁ ଦେଖାଉଛନ୍ତି ।

ବାଲିଆପାଳରୁ ବଲିଉଡ୍‌ । କଲ ସେଣ୍ଟର ବୟରୁ ବଲିଉଡ ଦୁନିଆରେ ଏଣ୍ଟ୍ରି ମାରିଛନ୍ତି ଓଡ଼ିଆ ପୁଅ ରତିକାନ୍ତ । ଇଚ୍ଛା ଥିଲା ଫାଇନ ଆର୍ଟ ଶିକ୍ଷା ପାଇଁ କିନ୍ତୁ ବନିଗଲେ ଧାରାବାହିକର ଖଳନାୟକ ।  ନିକଟ ଅତୀତରେ ରିଲିଜ ହୋଇଥିବା ‘ମୁମ୍ବାଇ ସାଗା’ ରେ ନଜର ଆସିଛନ୍ତି ଓଡ଼ିଆ ଯୁବକ ରତିକାନ୍ତ । ମୁମ୍ବାଇରେ ରହି ବିଭିନ୍ନ ଧାରାବାହିକ ଓ ସିନେମାରେ ଅଭିନୟ କରିଥିବା ରତିକାନ୍ତ ୨ଟି ନୱଡା ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ, ରୋଷନୀ ଫିଲ୍ମ ସର୍ଟ ଫିଲ୍ମ ଫେଷ୍ଟିଭାଲ ପାଇଁ ଜୁରୀ ବୋର୍ଡ଼ର ସଦସ୍ୟ ଭାବେ ମନୋନୀତ ହୋଇଛନ୍ତି ।  ଏହି ପ୍ରତିଯୋଗିତାରେ ୧୫୦ରୁ ଊର୍ଦ୍ଧ୍ୱ ଦେଶ ଅଂଶଗ୍ରହଣ କରିବେ । ଯାହାକୁ ନେଇ ବାଲେଶ୍ବର ଜିଲ୍ଲା ପାଇଁ ଗୌରବ ପାଲଟିଛନ୍ତି ରତିକାନ୍ତ ।

ରତିକାନ୍ତ ପିଲାଟି ବେଳୁ ଭଲ ପାଠ ପଢିବା ସହ ଭଲ ମୂର୍ତ୍ତି ମଧ୍ୟ ନିର୍ମାଣ କରୁଥିଲେ । ତେଣୁ ଫାଇନ ଆର୍ଟ ଶିଖିବା ପାଇଁ ଆଗ୍ରହ ଥିଲା ମାତ୍ର ଆର୍ଥିକ ସମସ୍ୟା ଯୋଗୁଁ ତାଙ୍କର ଫାଇନ ଆର୍ଟରେ ଆଗକୁ ଯାଇ ପାରିନଥିଲେ । ତେଣୁ ଘରୁ ପାଦ କାଢି ଏକ କଲ ସେଣ୍ଟର ରେ କାମ କରିବା ପାଇଁ ଗଲେ । ସେଠାରେ NACT ଶିକ୍ଷାଲାଭ ପରେ ୨୦୧୩  ଦୂରଦର୍ଶନରେ ପ୍ରସାରିତ “ଐସେ ପ୍ରେମ କାହା ” ଛୋଟ ପରଦାରେ ପାଦ ଥାପିଥିଲେ  ପରେ ବିଗ୍ ମ୍ୟାଜିକ୍ ଚ୍ୟାନେଲ୍‌ରେ “ଆକବର ବିରବଲ “, କଲର୍ସ ଟିଭିରେ ଚନ୍ଦ୍ରନନ୍ଦିନୀ , ଆଣ୍ଡ ଟିଭିରେ ସିଦ୍ଧିବିନାୟକ Star plusରେ  କୟାମତ୍ କି ରାତ୍ , ଜୀ ଟିଭିରେ ଐସେ ଦିୱାନଗି ଦେଖି ନେହି କଭି , ମନ ମୋହିନୀ , ଫିଅର ଫାଇଲରେ ବିଭିନ୍ନ ଧାରାବାହିକ ଚ୍ୟାନେଲରେ ୫୦ରୁ ଉର୍ଦ୍ଧ ଧାରାବାହିକରେ ସେ ଅଭିନୟ କରିଛନ୍ତି  ।  ସେହିପରି ରାମଗୋପଲ ବର୍ମାଙ୍କ ନିର୍ଦ୍ଦେଶିତ ‘ସରକାର ରାଜ୍ -୩’  ଭଳି ବଡ଼ ବ୍ୟାନ୍‌ରର ଚଳଚ୍ଚିତ୍ରରେ ସେ ଅଭିନୟ କରିଛନ୍ତି । ନିକଟ ଅତୀତରେ ସଞ୍ଜୟ ଗୁପ୍ତାଙ୍କ ନିର୍ଦ୍ଦେଶୀତ ‘ମୁମ୍ବାଇ ସାଗା’ ରେ ଜନ  ଅବ୍ରହାମ ଏବଂ ଇମ୍ରାନ ହାସମୀ ଙ୍କ ଅଭିନୟ କରିଛନ୍ତି ରତିକାନ୍ତ ।

ଦିବଂଗତ ନେତା ଅଜିତ ମଙ୍ଗରାଜଙ୍କ ମାଆ କ୍ଷେତ୍ରମଣି ମଙ୍ଗରାଜଙ୍କ ଦେହାନ୍ତ

ଭୁବନେଶ୍ୱର: ପୁଅ ମୃତ୍ୟୁର ଦୁଇ ଦିନ ନ ପୁରୁଣୁ ଚାଲିଗଲେ ମାଆ । ପିପିଲି ଉପ-ନିର୍ବାଚନ ନେଇ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତ ପରେ ତାଙ୍କ ମାଆଙ୍କ ମଧ୍ୟ ଦେହାନ୍ତ ହୋଇଛି । ତାଙ୍କ ମାଆ ମଧ୍ୟ କରୋନାରେ ସଂକ୍ରମିତ ହୋଇଥିଲେ ।  କୋଭିଡ ଆକ୍ରାନ୍ତ ହେବାପରେ ଭୁବନେଶ୍ବରର ଏକ ଘରୋଇ ମେଡିକାଲରେ ଚିକିତ୍ସିତ ହେଉଥିଲେ ଦିବଙ୍ଗତ କଂଗ୍ରେସ ନେତା ଅଜିତ ମଙ୍ଗରାଜଙ୍କ ମାଆ କ୍ଷେତ୍ରମଣି ମଙ୍ଗରାଜ। ପ୍ରଥମେ ପୁଅ, ଆଉ ଏବେ ମାଆ । ଏପରି ଦୁଃଖର ଆଉ ଏକ ପାହାଡ଼ ପଡିଛି ଦିବଂଗତ କଂଗ୍ରେସ ନେତା ଅଜିତ ମଙ୍ଗରାଜଙ୍କ ପରିବାରରେ। ସୂଚନାଯୋଗ୍ୟ ପିପିଲି କଂଗ୍ରେସ ପ୍ରାର୍ଥୀ ସ୍ବର୍ଗତ ଅଜିତ ମଙ୍ଗରାଜ ଗତ ୧୦ ତାରିଖରେ କରୋନା ପଜିଟିଭ୍ ଜଣାପଡିବା ପରେ ଭୁବନେଶ୍ବରର ଏକ ଘରୋଇ ମେଡିକାଲରେ ଭର୍ତ୍ତି ହୋଇଥିଲେ। ସେଠାରେ ଚିକିିତ୍ସାଧିନ ଅବସ୍ଥାରେ ଗତ ୧୪ ତାରିଖରେ ତାଙ୍କର ମତ୍ୟୁ ହୋଇଥିଲା। ଆଉ ତାଙ୍କ ମୃତ୍ୟୁ ପରେ ଭାଙ୍ଗିପଡିଥିବା ପରିବାର ଉପରେ ଆଉ ଏକ ଦୁଃଖର ପାହାଡ ଭାଙ୍ଗି ପଡିଛି ଯେତେବେଳେ ସେହି କରୋନାରେ ଅଜିତଙ୍କ ମାଙ୍କର ମଧ୍ୟ ମୃତ୍ୟୁ ହୋଇଛି।  ୭୦ ବୟସରେ କ୍ଷେତ୍ରମଣି ମଙ୍ଗରାଜ କୋଭିଡରେ ଆକ୍ରାନ୍ତ ହେବା ପରେ ଭୁବନେଶ୍ୱରର ଏକ ଘରୋଇ ମେଡ଼ିକାଲରେ ଚିକିତ୍ସିତ ହେଉଥିଲେ । ତେବେ ତାଙ୍କର ମୃତ୍ୟୁ ହୋଇଥିବା ନେଇ ଘରୋଇ ମେଡିକାଲ କତ୍ତୃପକ୍ଷଙ୍କ ସହ ପରିବାର ଲୋକେ ଖବର ପାଇଥିଲେ । ଅଜିତଙ୍କ କୋଭିଡ ଯୋଗୁଁ ଚାଲିଯାଇଥିଲା ଜୀବନ ଆଉ ଏବେ ତାଙ୍କ ମାଆଙ୍କ ଜୀବନ ଯିବା ପରେ ଦୁଃଖରେ ଭାଙ୍ଗିପଡିଛନ୍ତି ପୂରା ପରିବାର ।

ଏଥିସହିତ ପଢ଼ନ୍ତୁ: ଅଜିତ ମଙ୍ଗରାଜଙ୍କ ଦେହାନ୍ତ ପରେ କ’ଣ ହେବ?

କରୋନା ମୁକାବିଲା ଦିଗରେ ରାଜ୍ୟ-କେନ୍ଦ୍ରର କାର୍ଯ୍ୟକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା: ଖୋଲା ବଜାରରେ ଟିକା ଉପଲବ୍ଧ କରାଇବାକୁ ଦେଲେ ପ୍ରସ୍ତାବ

ଭୁବନେଶ୍ୱର: ରାଜ୍ୟରେ ଏଯାବତ୍ ମୋଟ ୪୭ ଲକ୍ଷ କୋଭିଡ ଟିକାର ଡୋଜ୍ ଦିଆଯାଇଛି । ଯେଉଁଥିରେ ସ୍ୱାସ୍ଥ୍ୟକର୍ମୀ, ଆଗଧାଡ଼ିର ଯୋଦ୍ଧା ଏବଂ ୪୫ ବର୍ଷରୁ ଊର୍ଦ୍ଧ୍ୱ ବୟସର ବ୍ୟକ୍ତି ରହିଛନ୍ତି । ଦୈନିକ ୩ ଲକ୍ଷ ଟିକାକରଣର ନେଇ ରାଜ୍ୟର କ୍ଷମତା ରହିଛି । ଅପରପକ୍ଷରେ ଟିକାକରଣ ଦିଗରେ ରାଜ୍ୟବାସୀଙ୍କ ଅଭୂତପୂର୍ବ ସହଯୋଗ ଥିବା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରୋନା ଟିକା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲେଖିଥିବା ଚିଠିରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଦୈନିକ ୩ ଲକ୍ଷ କରୋନା ଟିକାର ଡୋଜ୍ ଦିଆଗଲା ୪୫ ବର୍ଷରୁ ଊର୍ଦ୍ଧ୍ୱ ସମସ୍ତ ଲୋକଙ୍କୁ ଟିକାକରଣ ନେଇ ୧୬୦ ଦିିନ ସମୟ ଲାଗିବ । କିନ୍ତୁ ଟିକା ପ୍ରଧାନରେ ଅସୁବିଧା ଯୋଗୁଁ ଆମକୁ ଏହି ଟାର୍ଗେଟ ହାସଲ କରିବାରେ ଚ୍ୟାଲେଞ୍ଜ ସୃଷ୍ଟି କରୁଛି । ଏଣୁ ୨୫ ଲକ୍ଷ ଭ୍ୟାକ୍ସିନ ଯୋଗାଇବାକୁ ଚିଠିରେ ଉଲ୍ଲେଖ କଲେ ମୁଖ୍ୟମନ୍ତ୍ରୀ । ଏହାଛଡା ଟିକାକୁ ୪ଟି ପ୍ରସ୍ତାବ ମଧ୍ୟ ଦେଇଛନ୍ତି । ବର୍ତ୍ତମାନର କରୋନା ସ୍ଥିତିକୁ ନଜରରେ ରଖି ଭ୍ୟାକ୍ସିନକୁ ଖୋଲା ବଜାରରେ ବିକ୍ରି ଅନୁମତି ଦେବାକୁ ନିବେଦନ କରିଛନ୍ତି ମୁଖ୍ୟମନ୍ତ୍ରୀ । ଏହାଦ୍ବାରା ଯେଉଁମାନେ ଏହି ଟିକା କିଣିବାରେ ସକ୍ଷମ ହେବେ ସେମାନେ ନିଜେ ଟିକା ନେଇପାରିବେ । ଯେଉଁ ଟିକା ଗୁଡିକୁ ମଞ୍ଜୁରୀ ମିଳିଛି ତାର ଯୋଗାଣ ବୃଦ୍ଧି କରିବାକୁ ନିବେଦନ କରିଛନ୍ତି ।