କେନ୍ଦ୍ରାପଡ଼ା: ମିଶନ ଶକ୍ତି କିଭଳି ହେବ ଲୋକାଭିମୁଖୀ । ମହିଳାଙ୍କ କେମିତି ହେବେ ଉନ୍ନତି । ହାତ ପାଆନ୍ତାରେ କିଭଳି ପହଞ୍ଚିବ ସରକାରଙ୍କ ସବୁ ଯୋଜନା । ଏ ସମସ୍ତ ଦିଗକୁ ନେଇ କେନ୍ଦ୍ରାପଡ଼ା ଗସ୍ତରେ ଆସିଥିବା ମିଶନ ଶକ୍ତି କମିଶନର ସୁଜାତା କାର୍ତ୍ତିକେୟନ କେନ୍ଦ୍ରାପଡା ଜିଲ୍ଲାପାଳ ଓ ଅନ୍ୟ ଅଧିକାରୀ ମାନଙ୍କ ସହ ଆଲୋଚନା କରିଛନ୍ତି । ଜିଲ୍ଲାପାଳଙ୍କ ସଦଭାବନା ଗୃହରେ ଅନୁଷ୍ଠିତ ହୋଇଥିଲା ଏହି ବୈଠକ । କେନ୍ଦ୍ରାପଡା ଜିଲ୍ଲାପାଳ ଅମ୍ରିତ ଋତୁରାଜ ଓ ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତି ରହି ଜିଲ୍ଲାରେ ସ୍ୱୟଂ ସହାୟକ ଗୋଷ୍ଠୀର କାର୍ଯ୍ୟଶୈଳୀ ସମ୍ପର୍କରେ ବୁଝିଛନ୍ତି । ଜିଲ୍ଲା ମହିଳା SHG କିପରି କୌଣସି ବିଭାଗ ଦ୍ଵାରା ସମସ୍ୟାରେ ପଡ଼ିବେ ନାହିଁ, ଓ ଅଧିକରୁ ଅଧିକ ରୋଜଗାରକ୍ଷମ ହୋଇପାରିବେ ସେଥିପ୍ରତି ନଜର ଦେବାକୁ କମିଶନର ସବୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ଏ ସମସ୍ତ ବିଷୟକୁ ନେଇ ଦୁଇଘଣ୍ଟା ଧରି ଜିଲ୍ଲା ପ୍ରଶାସନ ସହ ଆଲୋଚନା କରିଥିଲେ ମିଶନ ଶକ୍ତି କମିଶନର ।
ଏଥିସହିତ ପଢ଼ନ୍ତୁ: ୧୨ ବିଭାଗକୁ ୪,୬୨୫ କୋଟି ଟଙ୍କାର କେନ୍ଦ୍ରୀୟ ଅନୁଦାନ ମିଳିନି: ଅଶୋକ ମୀନା
