spot_img
Home Blog Page 5883

ଅମ୍ଲଜାନ ପରିବହନ କରୁଥିବା ଗାଡିକୁ କେହି ଅଟକାଇ ପାରିବେ ନାହିଁ, ଗାଡି ଅଟକିଲେ ଜିଲ୍ଲାପାଳ,ଏସପି ଦାୟି ରହିବେ

ନୂଆଦିଲ୍ଲୀ: ଦେଶର ବିଭିନ୍ନ ସ୍ଥାନରେ ଅମ୍ଲଜାନ ଅଭାବକୁ ନେଇ ସ୍ଥିତି ସାଂଘାତିକ ହୋଇଥିବା ବେଳେ କେନ୍ଦ୍ର ସରକାର ଡ୍ୟାମେଜ୍ କଣ୍ଟ୍ରୋଲ ମୋଡକୁ ଆସିଛନ୍ତି । ଗୁରୁବାର ଦିନ କେନ୍ଦ୍ର ସମସ୍ତ ରାଜ୍ୟଙ୍କୁ ଅମ୍ଲଜାନ ଉତ୍ପାଦନ ଓ ବିତରଣ ସୁନିଶ୍ଚିତ କରିବାକୁ ଆଦେଶ ଦେଇଛି । ଅମ୍ଲଜାନ ଉତ୍ପାଦନ ଓ ଗୋଟିଏ ରାଜ୍ୟରୁ ଆଉ ଗୋଟିଏ ରାଜ୍ୟକୁ ଯେମିତି ବିନା ବାଧାରେ ପହଞ୍ଚେ ତାହା ସୁନିଶ୍ଚିତ କରିବା ରାଜ୍ୟ ସରକାରଙ୍କ ଦାୟିତ୍ୱ ରହିବ । ଅମ୍ଲଜାନ ପରିବହନରେ କୌଣସି ପ୍ରକାର ଅସୁବିଧା ପାଇଁ ସ୍ଥାନୀୟ ଜିଲ୍ଲାପାଳ ଓ ଏସପି ଦାୟି ରହିବେ ।

କୋଭିଡ୍-୧୯ ରୋଗୀଙ୍କ ସଂଖ୍ୟା ବୃଦ୍ଧି କାରଣରୁ ଅନେକ ରାଜ୍ୟରେ ଅମ୍ଲଜାନ ଚାହିଦା ବଢିଛି । ଏହାରି ଭିତରେ କିଛି ରାଜ୍ୟ ଅମ୍ଲଜାନ ପରିବହନ ଓ ବିତରଣକୁ ବାଧିତ କରୁଥିବା ଖବର ଆସୁଛି । ଏହି ପୃଷ୍ଠଭୂମିରେ କେନ୍ଦ୍ର ଗୃହସଚିବ ଅଜୟ ଭଲ୍ଲା ୨୦୦୫ର କଠୋର ବିପର୍ଯ୍ୟୟ ପ୍ରବନ୍ଧନ ଆଇନ ଅନ୍ତର୍ଗତରେ ଏହି ଆଦେଶ ଜାରି କରିଛନ୍ତି । ଗୃହ ସଚିବ ଭଲ୍ଲା କହିଛନ୍ତି ଯେ, ସମଗ୍ର ଦେଶରେ ଯେମିତି ମେଡିକାଲ ଅମ୍ଲଜାନ ବିନା ବାଧାରେ ପହଂଚି ପାରିବ ସେଥିପାଇଁ ୨୦୦୫ ବିପର୍ଯ୍ୟୟ ପ୍ରବନ୍ଧନ ଆଇନ ଦେଇଥିବା ଅଧିକାରକୁ ଉପଯୋଗ କରି ଏହି ଆଦେଶ ଦିଆଯାଇଛି ।

ଆଦେଶରେ କୁହାଯାଇଛି ଯେ, ମେଡିକାଲ ଅମ୍ଲଜାନ ପରିବହନ କରୁଥିବା ବାହନ ଗୁଡିକ ଯେଉଁପରି ଭାବେ ଗୋଟିଏ ରାଜ୍ୟରୁ ଆଉ ଗୋଟିଏ ରାଜ୍ୟକୁ କିମ୍ବା ରାଜ୍ୟ ଭିତରେ ଗୋଟିଏ ଜିଲ୍ଲାରୁ ଆଉ ଗୋଟିଏ ଜିଲ୍ଲାକୁ ବିନା ବାଧାରେ ଯାତ୍ରା କରିବେ ତାହା ସୁନିଶ୍ଚିତ କରିବା ରାଜ୍ୟ ସରକାରଙ୍କ କାର୍ଯ୍ୟ ହେବ । ଅମ୍ଲଜାନ ନେଇ ଯାଉଥିବା ଗାଡି ଗୁଡିକୁ ସ୍ୱାଧିନତାର ସହ ଯାତ୍ରା କରିବାର ଅନୁମତି ମିଳିବ । ଯଦି କୌଣସି ଜିଲ୍ଲାରେ ଗାଡିକୁ ଅଟକା ଯାଏ ତେବେ ଏଥିପାଇଁ ସଂପୃକ୍ତ ଜିଲ୍ଲାର ଜିଲ୍ଲାପାଳ ଓ ଏସପି ଦାୟୀ ରହିବେ । ଏହା ସହ କୌଣସି ମଧ୍ୟ ପରିସ୍ଥିତିରେ ଅମ୍ଲଜାନ ପରିବହନକାରୀ ଗାଡିକୁ ଜବତ କରାଯିବ ନାହିଁ ।

ଘରୋଇ ହସ୍ପିଟାଲରେ କୋଭିଡ ପାଇଁ ୫୦% ବେଡ୍, ମୂଲ୍ୟ ଧାର୍ଯ୍ୟ କଲେ ସରକାର

ଭୁବନେଶ୍ୱର: ଘରୋଇ ହସ୍ପିଟାଲ ପାଇଁ ଆଡଭାଇଜରୀ ଜାରି କଲେ ରାଜ୍ୟ ସରକାର । କୋଭିଡ ସଂକ୍ରମଣ ବୃଦ୍ଧି ନମାମଲାକୁ ଦୃଷ୍ଟିରେ ରଖି ସରକାର ଏହି ନିର୍ଦ୍ଦେଶନାମା ଦେଇଛନ୍ତି । ଆଡଭାଇଜରୀ ଅନୁସାରେ ଘରୋଇ ହସ୍ପିଟାଲରେ ୫୦% ବେଡ୍ ସଂରକ୍ଷଣ ରହିବ । କୋଭିଡ ରୋଗୀଙ୍କ ଚିକିତ୍ସା ପାଇଁ ଜେନେରାଲ ଓ ICU ବେଡ୍ ମଧ୍ୟ ସଂରକ୍ଷଣ ହୋଇ ରହିବା ନେଇ କହିଛନ୍ତି ସରକାର ।

ସେପଟେ କୋଭିଡ ଯେଉଁଭଳି ଭାବରେ ଅନେକ କୋଭଡ ଆକ୍ରାନ୍ତଙ୍କୁ ଘରୋଇ ହସ୍ପିଟାଲ ପୂର୍ବରୁ ଫେରାଇଦେଉଥିଲେ, ବର୍ତ୍ତମାନ ତାହା ଉପରେ ରୋକ ଲଗାଇଛନ୍ତି ସରକାର । କୌଣସି କୋଭିଡ ରୋଗୀଙ୍କୁ ନ ଫେରାଇବାକୁ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ପଡ଼ିଲେ କୋଭିଡ ରୋଗୀଙ୍କ ପାଇଁ ସବୁ ବେଡ୍ ବ୍ୟବହାର କରାଯାଇପାରିବ ।

ସେପଟେ ଏହି ସବୁ ଅନୁଷ୍ଠାନ କୋଭିଡ ଚିକିତ୍ସା ନେଇ ଜିଲ୍ଲାପାଳ ଓ ସ୍ୱାସ୍ଥ୍ୟ ଅଧିକାରୀଙ୍କୁ ଜଣାଇବେ । ରୋଗୀଙ୍କ ଠାରୁ ମାତ୍ରାଧିକ ଅର୍ଥ ଦାବି କରିପାରିବେନି । ଅତ୍ୟଧିକ ଫି’ ଦାବିକଲେ ଯଦିବା କୈଣସି ରୋଗୀ ଏନେଇ ଅଭିଯୋଗ କରେ କିମ୍ବା ନଜରକୁ ଆସେ ତେବେ ଦୃଢ଼ କାର୍ଯ୍ୟାନୁଷ୍ଠାନ ହେବା ନେଇ ତାଗିତ କରାଯାଇଛି । ଅନ୍ୟପଟେ କେଉଁ କ୍ଷେତ୍ରରେ ମେଡିକାଲ କେତେ ଟଙ୍କା ରଖିପାରିବେ ସେନେଇ ଚିକିତ୍ସା ଦର ଧାର୍ଯ୍ୟ କରିଛନ୍ତି ସରକାର ।

ଜେନେରାଲ ବେଡ୍ ପାଇଁ ଦୈନିକ ସର୍ବାଧିକ ୧୨ ଶହ ଟଙ୍କା ଖର୍ଚ୍ଚ ହେବ । ICU ବେଡ୍ ପାଇଁ ଦୈନିକ ସର୍ବାଧିକ ଖର୍ଚ୍ଚ ୨ହଜାର ଟଙ୍କା ଧାର୍ଯ୍ୟ ହୋଇଛି । ଭେଣ୍ଟିଲେଟର ସହ ICU ବେଡ୍ ପାଇଁ ୨ହଜାର ଟଙ୍କା ନେବେ । ଖାଦ୍ୟ, ଔଷଧ ଓ ଅନ୍ୟାନ୍ୟ ଖର୍ଚ୍ଚ ପାଇଁ ୧୭୫୦ରୁ ୧୦ହଜାର ଟଙ୍କା ନେବେ । ସାଧାରଣ ବେଡ୍ ପାଇଁ ଖାଦ୍ୟ ଓ ଅନ୍ୟାନ୍ୟ ଖର୍ଚ୍ଚ ୧୭୫୦ଟଙ୍କା ହେବ । ICU ବେଡ୍ ପାଇଁ ଖାଦ୍ୟ ଓ ଅନ୍ୟାନ୍ୟ ଖର୍ଚ୍ଚ ୮ହଜାର ଟଙ୍କା ହେବ । ଭେଣ୍ଟିଲେଣ୍ଟର ସହ ICU ବେଡ୍ ଖର୍ଚ୍ଚ ୧୦ହଜାର ଟଙ୍କା ହେବ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଆଡଭାଇଜରି ଜାରି କରାଯାଇଛି ।

ଆସନ୍ତାକାଲି ପଶ୍ଚିମବଙ୍ଗ ଯିବେନି ମୋଦି, ଉଚ୍ଚସ୍ତରୀୟ କୋଭିଡ ବୈଠକ ଯୋଗୁ କଲେ ବାତିଲ

କୋଲକାତା: ଆସନ୍ତାକାଲି ପଶ୍ଚିମବଙ୍ଗ ନିର୍ବାଚନ ରାଲିରେ ଯୋଗ ଦେବେ ନାହିଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କୋଭିଡ ସ୍ଥିତି ସମୀକ୍ଷା କରିବା ଏବଂ ଏକ ଉଚ୍ଚସ୍ତରୀୟ ବୈଠକରେ ଯୋଗଦେବା ଯୋଗୁଁ ପ୍ରଧାନମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି । ଏନେଇ ପ୍ରାଧନମନ୍ତ୍ରୀ ନିଜେ ଟ୍ବିଟର ମାଧ୍ୟମରେ ସୂଚନା ଦେଇଛନ୍ତି ।

ସୂଚନା ଅନୁସାରେ ୨୩ ଏପ୍ରିଲରେ ପ୍ରଧାନମନ୍ତ୍ରୀଙ୍କ ପଶ୍ଚିମବଙ୍ଗ ଗସ୍ତ ରହିଥିଲା । ମାଲଦା, ମୁର୍ସିଦାବାଦ, ବୀରଭୂମି, ଏବଂ କୋଲକାତାରେ ନିର୍ବାଚନୀ ସଭାକୁ ସମ୍ବୋଧିତ କରିବାର କାର୍ଯ୍ୟସୂଚୀ ରହିତିଲା । ସେପଟେ ଯେହେତୁ ସମଗ୍ରେ ଦେଶରେ କୋଭିଡ ସ୍ଥିତି ଭୟାବହ ହୋଇଛି ଏବଂ ଅନେକ ସ୍ଥାନରେ ଅକ୍ସିଜେନ ଅଭାବ ହେବା ଭଳି ପରିସ୍ଥିତି ପରିଲିଖିତ ହୋଇଛି । ଏହାକୁ ନେଇ ପ୍ରଧାନମନ୍ତ୍ରୀ ଆସନ୍ତାକାଲି ସମସ୍ତ ରାଜନୈତିକ କାର୍ଯ୍ୟକ୍ରମ ବାତିଲ କରିଥିବା ଜଣାପଡିଛି ।

ଦିଲ୍ଲୀ: ୫ ହସ୍ପିଟାଲରେ ସରିଗଲା ଅକ୍ସିଜେନ, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଚିଠି ଲେଖିଲେ ଦିଲ୍ଲୀ ଉପମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଦିଲ୍ଲୀର ୫ଟି ଡାକ୍ତରଖାନାରେ ଅକ୍ସିଜେନ ଅଭାବରୁ ସାଙ୍ଘାତିକ ଅବସ୍ଥା ଉପୁଜିଛି । ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନଙ୍କୁ ଚିଠି ଲେଖି ଜଣାଇଲେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ । ଉତ୍ତର ପ୍ରଦେଶର ପୋଲିସ ଅଧିକାରୀ ଏବଂ ବରିଷ୍ଠ ଅଧିକାରୀ ମାନେ ଅକ୍ସିଜେନ ଟ୍ୟାଙ୍କର ଗୁଡ଼ିକୁ ଅଟକାଇ ରଖିଥିବାରୁ ଦିଲ୍ଲୀରେ ତାହା ଠିକ ସମୟରେ ପହଞ୍ଚିପାରୁ ନାହିଁ ବୋଲି ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଚିଠି ଉଲ୍ଲେଖ କରିଛନ୍ତି ।

ଅନ୍ୟ ପଟେ କରୋନା କାଳରେ ଅନ୍ୟ ରାଜ୍ୟ ଗୁଡ଼ିକରେ ମଧ୍ୟ ଅକ୍ସିଜେନକୁ ନେଇ ହାହାକାର ସ୍ଥିତି । ଦୈନିକ ସଂକ୍ରମଣ ଶିଖର ଛୁଇଁଥିବା ବେଳେ ଅକ୍ସିଜେନ୍ ଅଭାବ ଏବେ ସବୁଠୁ ବଡ଼ ସଙ୍କଟ ସୃଷ୍ଟି କରିଛି । ବିଭିନ୍ନ ରାଜ୍ୟରେ ଅକ୍ସିଜେନ୍ ସିଲିଣ୍ଡର ଅଭାବ ଯୋଗୁ ଦୈନିକ ବହୁ କରୋନା ରୋଗୀଙ୍କ ମୃତ୍ୟୁ ହେଉଛି । ଅନେକ ରାଜ୍ୟରେ ମାତ୍ର କେଇ ଘଣ୍ଟା ପାଇଁ ଅକ୍ସିଜେନ୍ ଷ୍ଟକ ରହିଛି । ଏଭଳି ସ୍ଥିତିରେ ଦେଶରେ ଅକ୍ସିଜେନ୍ ସିଲିଣ୍ଡର ଷ୍ଟକକୁ ନେଇ ଏକ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଛି ।

ଦେଶରେ ଲିକୁଇଡ୍ ଅକ୍ସିଜେନ୍ ଆବଶ୍ୟକ ପରିମାଣର ଷ୍ଟକ ଅଛି । ହେଲେ ଟ୍ରାନ୍ସପୋର୍ଟିଂ ସୁବିଧା ନ ଥିବାରୁ ଫ୍ୟାକଟ୍ରିରୁ ହସ୍ପିଟାଲ ଅକ୍ସିଜେନ ପହଞ୍ଚି ପାରୁନି ବୋଲି କହିଛି ଅକ୍ସିଜେନ୍ ପ୍ରସ୍ତୁତ କରୁଥିବା ସବୁଠୁ ବଡ଼ କମ୍ପାନୀ । ମହାରାଷ୍ଟ୍ରରେ ସବୁଠୁ ଅଧିକ ଅକ୍ସିଜେନ୍ ମାନୁଫାକଚରିଂ ଫ୍ୟାକଟ୍ରି ରହିଛି । ଗୁଜୁରାଟରେ ମଧ୍ୟ ବହୁ କମ୍ପାନୀ ଅକ୍ସିଜେନ୍ ପ୍ରସ୍ତୁତ କରୁଛନ୍ତି । ହେଲେ ମଧ୍ୟପ୍ରଦେଶରେ ଗୋଟିଏ ବି ମାନୁଫାକଚରିଂ କମ୍ପାନୀ ନ ଥିବାରୁ ଏହା ପଡୋଶୀ ରାଜ୍ୟ ଉପରେ ନିର୍ଭରଶୀଳ । ଟ୍ରାନ୍ସପୋର୍ଟ ଓ ଡିଷ୍ଟ୍ରିବ୍ୟୁସନ ଠିକ୍ ଭାବେ ହୋଇପାରୁ ନ ଥିବାରୁ କେତେକ ରାଜ୍ୟରେ ଅକ୍ସିଜେନ୍ ଅଭାବ ଦେଖିବାକୁ ମିଳିଛି ।

ଅନୁଗୁଳ ନାବାଳିକା ଦୁଷ୍କର୍ମ ଓ ହତ୍ୟା ଘଟଣା; ଅଭିଯୁକ୍ତକୁ ଫାଶୀ ନୁହେଁ ଆଜୀବନ କାରାଦଣ୍ଡ ଦେଲେ କୋର୍ଟ

ଅନୁଗୁଳ: ଦୁଷ୍କର୍ମକାରୀ ଅଭିଯୁକ୍ତର ରଦ୍ଦ ହେଲା ଫାଶୀ ଦଣ୍ଡାଦେଶ । ଫାଶୀ ଦଣ୍ଡାଦେଶ ପରିବର୍ତ୍ତେ ତାଙ୍କୁ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି ହାଇକୋର୍ଟ । ଅନୁଗୁଳ ଜିଲ୍ଲା କାଙ୍ଗୁଲା ଗାଁରେ ୨୦୧୯, ଜାନୁଆରି ୨୦ରେ ଜଣେ ନାବାଳିକାଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିଲା । ଅଭିଯୁକ୍ତ ଜଣକ ନାବାଳିକାକୁ ଦୁଷ୍କର୍ମ କରିବା ପରେ ପଥରରେ ଛେଚି ହତ୍ୟା କରିଥିଲା ।

ସୂଚନା ଅନୁଯାୟୀ ସେହି ଗାଁର ସରୋଜ ମହାରଣାଙ୍କ ୧୨ ବର୍ଷିୟା ଝିଅ ସେଦିନ ବାପାଙ୍କ ପାଇଁ ଘରୁ ଖାଦ୍ୟ ନେଇ ତାଙ୍କ ଦୋକାନକୁ ଯାଉଥିବା ବେଳେ ବାଟରେ ଅଭିଯୁକ୍ତ ଅନାମ ନାବାଳିକାକୁ ଦୁଷ୍କର୍ମ କରିଥିଲା। ପରେ ଅନାମ ପଥରେ ଛେଚି ପୀଡିତାକୁ ହତ୍ୟା କରିଥିଲା। ଏନେଇ ମୃତକଙ୍କ ପରିବାର ଅଭିଯୁକ୍ତ ଅନାମ ବିରୁଦ୍ଧରେ ଅଭିଯୋଗ ଆଣିଥିଲେ । ପୁଲିସ ଅନାମକୁ କୋଲକାତାରୁ ଗିରଫ କରିଥିଲା।

ଅନାମକୁ ଗିରଫ କରିବା ପରେ ପୋଲିସ କୋର୍ଟ ଚାଲାଣ କରିଥିଲା । ଉକ୍ତ ମାମଲାରେ ସ୍ବତନ୍ତ୍ର ପୋକସୋ କୋର୍ଟ ଅନାମକୁ ଫାଶୀ ଦଣ୍ଡ ଦେଇଥିଲେ । ପରେ ଅନାମ ଫାଶି ଦଣ୍ଡାଦେଶକୁ କୋହଳ କରିବା ପାଇଁ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲା । ତେବେ ହାଇକୋର୍ଟ ଅଭିଯୁକ୍ତ ଅନାମକୁ ଫାଶୀ ଦଣ୍ଡ ପରିବର୍ତ୍ତେ ଆଜିବନ କାରାଦଣ୍ଡ ଶୁଣାଇଛନ୍ତି ।

ରିଲିଜ ହେଲା ସଲମାନ ଖାନଙ୍କ ବହୁ ପ୍ରତିକ୍ଷିତ ଫିଲ୍ମ ‘ରାଧେ’ର ଟ୍ରେଲର

ମୁମ୍ବାଇ: ରିଲିଜ ହୋଇଯାଇଛି ସଲମାନ ଖାଁଙ୍କ ଅଭିନୀତ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ରାଧେ’ର ଟ୍ରେଲର । ଆସନ୍ତା ମେ’ ୧୩ରେ ଏହା ଇଦ୍‌ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହା ସହିତ ଏହାକୁ ଜିପ୍ଲେକ୍ସରେ ମଧ୍ୟ ମୁକ୍ତିଲାଭ କରାଯିବ। ଦର୍ଶକ ଯେତେଥର ଦେଖିବେ ସେତେଥର ଟଙ୍କା ଦେବେ । ଅର୍ଥାତ୍ ‘ପେ ପର୍ ଭ୍ୟୁ’ ଅନୁସାରେ ଦର୍ଶକଙ୍କ ପାଖରେ ଏହା ଉପଲବ୍ଧ ହେବ ବୋଲି ଜଣାପଡ଼ିଛି । ଗୁରୁତ୍ୱପୂର୍ଣ୍ଣ କଥା ହେଉଛି, ବର୍ତ୍ତମାନ ଦେଶରେ କରୋନା ସ୍ଥିତି ଅଣାୟତ୍ତ ହୋଇଥିବା ବେଳେ ଭାଇଜାନ୍ ତାଙ୍କ ପ୍ରଶଂସକଙ୍କୁ ଦେଖି ଏଭଳି ନିଷ୍ପତ୍ତି ନେଇଛନ୍ତି । ଭାରତ ସମେତ ଏହା ଦେଶର ୪୦ ଦେଶରେ ମୁକ୍ତିଲାଭ କରାଯିବ।

ଫିଲ୍ମର ଟ୍ରେଲରେ ସଲମାନଙ୍କ ବ୍ୟତୀତ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଅଭିନେତ୍ରୀ ଦିଶା ପଟାନୀ, ଅଭିନେତା ରଣଦୀପ ହୁଡ୍ଡା ଏବଂ ହ୍ୟାକି ସ୍ରୋଫ୍ । ଟ୍ରେଲରେ ସଲମାନଙ୍କ ଜବରଦସ୍ତ ଆକସନ ସହ ଦିଶାଙ୍କ ସେନସେସନାଲ ଅନ୍ଦାଜ ଦର୍ଶକଙ୍କୁ ଖୁବ ପସନ୍ଦ ଆସୁଛି । ଫିଲ୍ମରେ ଗଣଦୀପ ହୁଡ୍ଡା ନେଗେଟିଭ ଭୂମିକାରେ ଥିବା ଦେଖିବାକୁ ମିଳୁଛି । ଫିଲ୍ମ ଟି ଇଦ ଅବସରରେ ରିଲିଜ ହେବାକୁ ଯାଉଛି ।

କେନ୍ଦ୍ରକୁ ସୁପ୍ରିମକୋର୍ଟଙ୍କ ତାଗିଦ, ‘ତୁରନ୍ତ ଜଣାଅ କରୋନା ରଣନୀତି’

ନୂଆଦିଲ୍ଲୀ: ବଢୁଥିବା କରୋନା ସଂକ୍ରମଣ ଏବେ ନିୟନ୍ତ୍ରଣ ବାହାରକୁ ଯିବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ଏବଂ ଅକ୍ସିଜେନର ଅଭାବ ବିଭିନ୍ନ ରାଜ୍ୟରେ ଦୟନୀୟ ସ୍ଥିତି ସୃଷ୍ଟି କରିଛି । ସେପଟେ ଦେଶରେ କରୋନା ସ୍ଥିତି ନେଇ କେନ୍ଦ୍ର ଉପରେ ବର୍ଷିଛନ୍ତି ସୁପ୍ରିମକୋର୍ଟ । କରୋନା ମୁକାବିଲା ରଣନୀତି ସମ୍ପର୍କରେ ସୂଚନା ଦେବାକୁ କେନ୍ଦ୍ରକୁ ନୋଟିସ ଜାରି କରିଛନ୍ତି ସୁପ୍ରିମକୋର୍ଟ ।

ସାରାଦେଶରେ କରୋନା ଦ୍ବିତୀୟ ଲହରର ହାହାକାର ସ୍ଥିତି ଆଣିଦେଇଛି । ଅନେକ ରାଜ୍ୟରେ ଅକ୍ସିଜେନ୍ ସଙ୍କଟ ସ୍ଥିତିକୁ ଆହୁରି ଖରାପ କରିଛି । ଏଭଳି ସ୍ଥିତିରେ କେନ୍ଦ୍ର ସରକର କ’ଣ ରଣନୀତି ପ୍ରସ୍ତୁତ କରିଛନ୍ତି, ସେ ନେଇ ଜବାବ ମାଗିଛନ୍ତି ସୁପ୍ରିମକୋର୍ଟ । ହରିଶ ସାଲଭେଙ୍କୁ କୋର୍ଟ ଆମିକଶ କ୍ୟୁରୀ ଭାବେ ନିଯୁକ୍ତ କରିଛନ୍ତି ।

ମହାରାଷ୍ଟ୍ର ଏଂବଂ ଦିଲ୍ଲୀ ଭଳି ରାଜ୍ୟରେ କୋଭିଡ ସ୍ଥିତି ଭୟଙ୍କର ପରିସ୍ଥିତି ସୃଷ୍ଟି କରିଛି । ଅକ୍ସିଜେନ ସିଲିଣ୍ଡର ସଂକ୍ରମିତହ୍କ ସମ୍ପର୍କୀୟ ମେଡିକାଲ ଆଗରେ ଭିଡ ଲଗାଇଛନ୍ତି । ଏହାର ପ୍ରମୁଖ କାରଣ ମେଡିକାଲରେ ଅକ୍ସିଜେନର ଅଭାବ । ତେଣୁ ଏପରି ସ୍ଥଳେ ଅକ୍ସିଜେନ୍ ସପ୍ଲାଏ ଓ ଟିକାକରଣ ନେଇ କେନ୍ଦ୍ର ସରକାର କ’ଣ ଷ୍ଟ୍ରେଟେଜି ପ୍ରସ୍ତୁତ କରିଛନ୍ତି, ସେ ନେଇ ମଧ୍ୟ ଉତ୍ତର ରଖିବାକୁ କହିଛନ୍ତି କୋର୍ଟ ।

ମେ ୧୩ ରେ ହେବ ନାହିଁ ପିପିଲି ଉପ-ନିର୍ବାଚନ, ୧୬ରେ ପଡିବ ଭୋଟ

ଭୁବନେଶ୍ୱର: ପୁଣି ଘୁଞ୍ଚିଲା ପିପିଲି ଉପନିର୍ବାଚନ ତାରିଖ । ମେ ୧୩ ନୁହେଁ ଏଥର ମେ ୧୬ ରେ ହେବ ନିର୍ବାଚନ। ଏନେଇ ଘୋଷଣା କଲେ ରାଜ୍ୟ ନିର୍ବାଚନ ଅଧିକାରୀ । ମେ ୧୩ ତାରିଖରେ ଇଦ୍-ଉଲ୍-ଫିତର ପଡୁଥିବାରୁ ତାରିଖ ପରିବର୍ତ୍ତନ କରାଯାଇଛି । ସେପଟେ କୋଭିଡ ବୃଦ୍ଧିକୁ ଦୃଷ୍ଟିରେ ରଖି ରାଜ୍ୟ ନିର୍ବାଚନ କମିଶନ ବ୍ୟାପକ କଟକଣା ଲାଗୁ କରିଛନ୍ତି ।

ପିପିଲିରେ କୋଭିଡ ଗାଇଡଲାଇନକୁ ଅନୁପାଳନ କରାଯିବ  । ସମସ୍ତ କଟକଣାକୁ ଦୃଷ୍ଟିରେ ରଖି ନିର୍ବାଚନ କରାଯିବ  । ସେପଟେ ଯେହେତୁ ତାରିଖ ଘୁଞ୍ଚାଯାଇଛି ଭୋଟରଙ୍କ ସୁରକ୍ଷାକୁ ମଧ୍ୟ ପ୍ରାଧାନ୍ୟ ଦିଆଯିବା ନେି ପ୍ରକାଶ କରିଛନ୍ତି ମୁଖ୍ୟ ନିର୍ବାଚନ କମିସନ  । ପୂର୍ବରୁ ଯେଉଁଭଳି ଭାବରେ ସଭା, ସମିତି କିମ୍ବା ପ୍ରଚାର କରାଯାଉଥିଲା  । ପ୍ରଚାର ଉପରେ  ମଧ୍ୟ ରୋକ ଲଗାଯାଇଛନ୍ତି ନିର୍ବାଚନ କମିସନ  । ଭର୍ଚୁଆଲ ମାଧ୍ୟମରେ ବିଭିନ୍ନ ରାଜନୈତିକ ଦଳ ମାନେ ପ୍ରଚାର କରିବେ ବୋଲି କହିଛନ୍ତି ନିର୍ବାଚନ ଅଧିକାରୀ  ।

ଭୋଟରମାନଙ୍କ ହାତ ସାନିଟାଇଜ୍ କରାଯିବ, ମାସ୍କ ପିନ୍ଧିବେ । ପ୍ରଚାରରେ ସାମିଲ୍ ଦଳୀୟ କର୍ମୀଙ୍କୁ ମାସ୍କ, ସାନିଟାଇଜର ଦିଆଯିବ । ଏ ସବୁ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚରେ ସାମିଲ୍ କରାଯିବ । କୌଣସି ପ୍ରାର୍ଥୀକୁ ରାଲି କରିବାକୁ ଅନୁମତି ଦିଆଯବି ନାହିଁ । ଭର୍ଚୁଆଲରେ  ପ୍ରଚାର କରାଯିବ । ଭୋଟିଂର ୭୨ ଘଣ୍ଟା ପୂର୍ବରୁ ପ୍ରଚାର ବନ୍ଦ ରହିବ ବୋଲି କହିଛନ୍ତି ନିର୍ବାଚନ କମିଶନ ।

କୋଭିଡ ସ୍ଥିତି ନେଇ ପ୍ରଧାନମନ୍ତ୍ରୀଙ୍କ ସହ କଥା ହେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଦେଶରେ କରୋନା ସ୍ଥିତି ନେଇ  ପ୍ରଧାନମନ୍ତ୍ରୀଙ୍କ ସହ କଥା ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟାକ । ମୁଖ୍ୟମନ୍ତ୍ରୀ ମଧ୍ୟହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଟେଲିଫୋନ ଯୋଗେ କଥା ହୋଇଛନ୍ତି  । ଯେଉଁଭଳି ଭାବରେ ଅନେକ ରାଜ୍ୟରେ କୋଭିଡର ଭୟାବହ ସ୍ଥିତି ସୃଷ୍ଟି ହୋଇଛି  । ଅକ୍ସିଜେନର ଅଭାବ ପରିଲିଖିତ ହେଉଅଛି  । ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  କଥା ହୋଇଥିବା ନେଇ ସୂଚନା ମିଳିଛି  ।

ସୂଚନା ମୁତାବକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତ ରାଜ୍ୟକୁ ଅକ୍ସିଜେନ ଯୋଗାଇବା ନେଇ ପ୍ରତିଶ୍ରୁତି ଦେଇଛନ୍ତି  । ଅନେକ ରାଜ୍ୟରେ ଯେଉଁଭଳି ଅକ୍ସିଜେନ ଅଭାବରୁ କରୋନା ସଂକ୍ରମିତଙ୍କ ମୃତ୍ୟୁ ଘଟୁଛି  । ତାହାକୁ ଗମ୍ଭୀରତାର ସହ ନେଇଛନ୍ତି ଓଡିଶା ମୁଖ୍ୟମନ୍ତ୍ରୀ  । କୋଭିଡ ମହାମାରୀରେ ଓଡିଶା ସମଗ୍ର ଦେଶକୁ ସାହାଯ୍ୟ କରିବ  । ଅକ୍ସିଜେନ ଉତ୍ପାଦନ ବୃଦ୍ଧି ନେଇ ମଧ୍ୟ ସମସ୍ତ ରାଜ୍ୟକୁ ଓଡିଶା ସହଯୋଗ କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।

ସେପଟେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ  । ମୁଖ୍ୟମନ୍ତ୍ରୀ ଅମ୍ଲଜାନ ଯୋଗାଣରେ ଦିଲ୍ଲୀକୁ ସହଯୋଗ କରିବ  । କୋଭିଡ ମୁକାବିଲା ପାଇଁ ଆବଶ୍ୟକୀୟ ସମସ୍ତ ସହାୟତା ମଧ୍ୟ ପ୍ରଦାନ କରିବା ନେଇ ପ୍ରତିଶ୍ରୁତି ଦେଇଛନ୍ତି ନବୀନ ପଟ୍ଟନାୟକ  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏଭଳି ସହାୟତା ଏବଂ ସହଯୋଗକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ କୃତଜ୍ଞତା ଜ୍ଞାପନ କରିଛନ୍ତି  ।

ଚନ୍ଦକା ଅଞ୍ଚଳର ରାସ୍ତାକଡ଼ରୁ ଉଦ୍ଧାର ହେଲା ୫ଟି ଭାଲୁ ଛୁଆ

ଭୁବନେଶ୍ୱର: ରାସ୍ତା କଡ଼ରୁ ଉଦ୍ଦାର ହେଲା ଭାଲୁ ଛୁଆ। ଗୋଟିଏ ନୁହେଁକି ଦୁଇଟି ନୁହେଁ ଏକା ଥରକେ ୫ଟି ଭାଲୁ ଛୁଆକୁ ଉଦ୍ଧାର କରାଯାଇଛି। ଏହି ୫ଟି ଭାଲୁ ଛୁଆ ଖୋର୍ଦ୍ଧା ନିକଟସ୍ଥ ଚନ୍ଦକା ଜଙ୍ଗଲରୁ ଚାଲିଆସଥିବାର ଜଣାପଡ଼ିଛି। ସ୍ଥାନୀୟ ଅଞ୍ଚଳର ଲୋକେ ଏହାକୁ ଦେଖି ପ୍ରଥମେ ଗୋଟିଏ ସ୍ଥାନରେ ଏକାଠି ରଖି ସେମାନଙ୍କ ଉପରେ ନଜର ରଖିଥିଲେ। ଏହା ପରେ ସ୍ଥାନୀୟ ପୋଲିସକୁ ଖବର ଦେଇଥିଲେ ସ୍ଥାନୀୟ ଲୋକେ। ତେବେ ଘଟଣା ସ୍ଥଳରେ ପୋଲିସ ପହଞ୍ଚି ବନ ବିଭାଗକୁ ଖବର ଦେବା ପରେ ହଳଦିଆ ରେଞ୍ଜର ୪ଜଣିଆ ଟିମ ଯାଇ ଭାଲୁ ଛୁଆ ଗୁଡ଼ିକୁ ଉଦ୍ଧାର କରିଛନ୍ତି। ୫ ଟି ଯାକ ଭାଲୁଛୁଆ ଏବେ ସୁସ୍ଥ ଅଛନ୍ତି। ଯଦି ଦେଖିବା ବିଭିନ୍ନ ସମୟରେ ହାତୀ ଗାଁ ମୁହାଁ ହେଉଥିବାର ଆମେ ଦେଖିଛେ କିନ୍ତୁ ପ୍ରଥମ ଥର ପାଇଁ ଭାଲୁ ଆସିଥିବା ଦେଖାଯାଇଛି।