spot_img
Home Blog Page 5844

ଆଜିଠୁ ରାଜ୍ୟରେ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ

ଭୁବନେଶ୍ୱର: ରାଜ୍ୟରେ ତୃତୀୟ ପର୍ଯ୍ୟାୟ ଟିକାକରଣ ଆଜିଠୁ ଆରମ୍ଭ ହୋଇଛି। ଏହି ପର୍ଯ୍ୟାୟରେ ୪୫ ବର୍ଷରୁ ଅଧିକ ବ୍ୟକ୍ତିଙ୍କ ସହ ୧୮ ରୁ ୪୪ ବର୍ଷ ବୟସ୍କଙ୍କୁ ଟିକା ଦିଆଯିବ । ଟିକାଦାନରେ ନିଜ ନାଁ ପଞ୍ଜିକରଣ କରିବା ପାଇଁ ସମସ୍ତ ଜିଲ୍ଲାରେ ଆରମ୍ଭ ହୋଇଛି ସ୍ଲଟ ବୁକିଂ। ସଂକ୍ରମଣକୁ ରୋକିବାକୁ ଗତ ଶନିବାର ଠାରୁ ଏହି ସ୍ଲଟ ବୁକିଂ ଆରମ୍ଭ ହୋଇଛି।

ପ୍ରଥମ ଦିନରୁ ହିଁ ବିଏମସି ଅଞ୍ଚଳରେ ସ୍ଲଟ ବୁକିଂ ଆରମ୍ଭ ହେବାର କିଛି ସମୟ ମଧ୍ୟରେ ହିଁ ଶେଷ ହୋଇଯାଇଥିଲା । ତେବେ ଆଜିଠୁ ପ୍ରତି ଟିକାଦାନ କେନ୍ଦ୍ରରେ ପ୍ରତିଦିନ ମାତ୍ର ୧୫୦ ଜଣଙ୍କୁ ଟିକାକରଣ କରାଯିବ । ଏଥିରେ ୧୮ରୁ ୪୪ ବର୍ଷ ବୟସ୍କଙ୍କ ମଧ୍ୟରେ ମାତ୍ର ୧୦୦ ଜଣଙ୍କୁ ଟିକା ଦିଆଯିବ । ସେହିଭଳି ୪୫ ବର୍ଷରୁ ଅଧିକ ବୟସ୍କକଙ୍କ ମଧ୍ୟରେ ମାତ୍ର ୫୦ ଜଣଙ୍କୁ ଟିକାକରଣ କରାଯିବ । ନାଁ ପଞ୍ଜିକରଣ କରିଥିବା ବ୍ୟକ୍ତି କେଉଁ କେନ୍ଦ୍ରରେ ଟିକା ନେବେ ତାହାର ସବିଶେଷ ତଥ୍ୟ ସକାଳ ୧୦ଟା ମଧ୍ୟରେ ପଠାଇ ଦିଆଯିବ ବୋଲି ସୂଚନା ରହିଛି ।

Poonawala Expected To Launch Trial Of Kovovax In India By September

ସେହିପରି ଟିକା ନେବାକୁ ଥିବା ବ୍ୟକ୍ତି ନିଜ ସହ ଆଧାରକାର୍ଡ ନେବା ବାଧ୍ୟତାମୂଳକ କରାଯାଇଛି । ତେବେ ଭୁବନେଶ୍ବରେ ଟିକା କରଣ ପାଇଁ ୨୯ଟି ଟିକାକରଣ କେନ୍ଦ୍ରର ବ୍ୟବସ୍ଥା କରାଯାଇଛି ।

ଅପରପକ୍ଷେ ଟିକା କମ ଥିବାରୁ କମ କେନ୍ଦ୍ରରେ ଟିକାକରଣ ଚାଲିବ। ମୋଟ ୧୫୦୦ କେନ୍ଦ୍ରରୁ ମାତ୍ର ୨୫୬ କେନ୍ଦ୍ରରେ ଆଜି ଟିକାକରଣ କରାଯିବ। ଏବେ ରାଜ୍ୟରେ ମୋଟ ୪୬ ହଜାର ୨୨୦ କୋଭିସିଲ୍ଡ ଟିକା ମହଜୁଦ ରହିଥିବା ବେଳେ ୩ ଲକ୍ଷରୁ ଅଧିକ କୋଭାକ୍ସିନ ଟିକା ଅଛି ବୋଲି ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ।

କରୋନା ନେଗେଟିଭ୍ ରିପୋର୍ଟ ବିନା ରାଜ୍ୟରେ ମିଳିବନି ପ୍ରବେଶ ଅନୁମତି

ଚଣ୍ଡିଗଡ଼: କରୋନା ସଂକ୍ରମଣକୁ ଦୃଷ୍ଟିରେ ରଖି ପଞ୍ଜାବରେ ନୂଆ ଗାଇଡଲାଇନ୍ ଜାରି କରାଯାଇଛି। ଯାହାଫଳରେ ଏବେ କରୋନା ନେଗେଟିଭ୍ ରିପୋର୍ଟ ବିନା ରାଜ୍ୟରେ କେହି ପ୍ରବେଶ କରିବେ ନାହିଁ। ଏମିତିକି ବିମାନ, ରେଳ କିମ୍ବା ସଡ଼କ ଯୋଗେ ପଞ୍ଜାବକୁ ଆସୁଥିବା ଲୋକମାନେ କରୋନା ନେଗେଟିଭ୍ ରିପୋର୍ଟ କିମ୍ବା ଟୀକାକରଣ ପ୍ରମାଣପତ୍ର ବିନା ରାଜ୍ୟରେ ପ୍ରବେଶ କରିପାରିବେ ନାହିଁ।

ଏହା ବ୍ୟତୀତ ରାଜ୍ୟରେ ଅଣ-ଅତ୍ୟାବଶ୍ୟକ ଦୋକାନଗୁଡିକ ଆସନ୍ତା ୧୫ ତାରିଖ ପର୍ଯ୍ୟନ୍ତ ବନ୍ଦ ରହିବ ବୋଲି ମଧ୍ୟ କୁହାଯାଇଛି। ନାଇଟ୍ କର୍ଫ୍ୟୁ ସନ୍ଧ୍ୟା ୬ଟାରୁ ସକାଳ ୫ଟା ପର୍ଯ୍ୟନ୍ତ ଲାଗୁ ହେବ। ସେହିପରି ସପ୍ତାହାନ୍ତ କର୍ଫ୍ୟୁ ଶୁକ୍ରବାର ସନ୍ଧ୍ୟା ୬ଟାରୁ ସୋମବାର ସକାଳ ୫ଟା ପର୍ଯ୍ୟନ୍ତ ଲାଗୁ ହେବ।

କାର୍ ବ୍ୟତୀତ ମୋଟର ସାଇକେଲ୍ ରେ କେବଳ ଜଣେ ବ୍ୟକ୍ତିଙ୍କୁ ଯାତ୍ରା ଅନୁମତି ମିଳିବ । ଦୁଇ ଚକିଆ ଯାନରେ ଯଦି କୌଣସି ଗୁରୁତର ବ୍ୟକ୍ତି  ଥିବେ ତାହେଲେ ସେମାନଙ୍କୁ ଅନୁମତି ମିଳିବ ।

୧୦ରୁ ଅଧିକ ଲୋକ କୗେଣସି ବିବାହ, ଅନ୍ତିମ ସଂସ୍କାର ଆଦିରେ ଏକାଠି ହୋଇପାରିବେ ନାହିଁ । ଏହା ବ୍ୟତୀତ ରାଜ୍ୟରେ ସମସ୍ତ ପ୍ରକାର ନିଯୁକ୍ତି ପରୀକ୍ଷା ମଧ୍ୟ ସ୍ଥଗିତ ରଖାଯାଇଛି। ସରକାରୀ କାର୍ଯ୍ୟାଳୟ ଏବଂ ବ୍ୟାଙ୍କଗୁଡ଼ିକ ବର୍ତ୍ତମାନ ୫୦ ପ୍ରତିଶତ କର୍ମଚାରୀଙ୍କ ସହ ଖୋଲିବ। ହୋଟେଲ, ରେଷ୍ଟୁରାଣ୍ଟ ଏବଂ ଢାବାରେ ବସି ଖାଇବା ନିଷେଧ ।

ଓଡିଶାରେ ବଢୁଛି କରୋନା ସଂକ୍ରମଣ; ୮୯୧୪ ପଜିଟିଭ

ଭୁବନେଶ୍ୱର: ଓଡିଶାରେ କ୍ରମାଗତ ଭାବରେ ବଢିବାରେ ଲାଗିଛି ଦୈନିକ କରୋନା ସଂକ୍ରମଣ ମାମଲା । ୨୪ ଘଣ୍ଟାରେ ୮୯୧୪ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।

ସ୍ୱାସ୍ଥ୍ୟ ବିଭାଗର ସୂଚନା ଅନୁଯାୟୀ, ଖୋର୍ଦ୍ଧାରୁ ଚିହ୍ନଟ ହୋଇଛନ୍ତି ସର୍ବାଧିକ ୧୨୫୮ ପଜିଟିଭ ଚିହ୍ନଟ ହୋଇଛନ୍ତି । ସୁନ୍ଦରଗଡ଼ରୁ ୫୯୨, ସମ୍ବଲପୁରରୁ ୫୨୦ ଆକ୍ରାନ୍ତ, ପୁରୀରୁ ୫୩୦, ବରଗଡ଼ରୁ ୪୫୨, ନବରଙ୍ଗପୁରରୁ ୪୩୩, ଭଦ୍ରକରୁ ୩୫୧, ଝାରସୁଗୁଡ଼ାରୁ ୩୦୪ ଓ ଗଂଜାମରୁ ୨୬୨ ଆକ୍ରାନ୍ତ ପଜିଟିଭ ବାହାରିଛନ୍ତି ।

ସେହିପରି ଅନୁଗୁଳରୁ ୩୩୧, ବାଲେଶ୍ୱର ୧୭୯, ବଲାଙ୍ଗିର ୨୯୧, ବୗେଦ୍ଧ ୧୭୫, କଟକ ୫୮୭, ଦେବଗଡ ୧୦୩ ଓ ଢେଙ୍କାନାଳ, ଗଜପତି ୧୬୫, ଜଗତସିଂହପୁର ୧୦୯, ଯାଜପୁର ୨୩୨, କଳାହାଣ୍ଡି ୨୩୬, କନ୍ଧମାଳ ୬୨, କେନ୍ଦ୍ରାପଡା ୧୩୨, କେନ୍ଦୁଝର ୧୦୪, କୋରାପୁଟ ୧୪୫, ମାଲକାନଗିରି ୭୩, ମୟୁରଭଞ୍ଜ ୧୩୪, ନୟାଗଡ ୧୯୪, ନୂଆପଡା ୨୭୮, ସୋନପୁର ୧୨୧, ୫୩୦, ରାୟଗଡା ୧୫୭ ଓ ଷ୍ଟେଟ୍ ପୁଲରୁ ୨୫୫ ଚିହ୍ନଟ ହୋଇଛନ୍ତି।

ପରାଜୟକୁ ଗ୍ରହଣ କରିପାରୁ ନାହାଁନ୍ତି ଦିଦି, ପୁନର୍ବାର ଗଣତି ପାଇଁ ଟିଏମସିର ଅପିଲ

କୋଲକାତା: ପଶ୍ଚିମବଙ୍ଗର ହାଇଭୋଲଟେଜ୍ ସିଟରେ ହାଇଭୋଲଟେଜ ଲଢେଇ । ଏହି ଆସନରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ବିଜେପିର ବରିଷ୍ଠ ନେତା ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ହୋଇଥିଲା କଡା ଟକ୍କର । ପ୍ରଥମେ ମମତା ବାନାର୍ଜୀ ବିଜୟୀ ହେବା ନେଇ ଗଣମାଧ୍ୟମରେ ଖବର ପ୍ରସାରିତ ହୋଇଥିଲା ।

ଖବର ପ୍ରସାରିତ ହେବା ପରେ ନନ୍ଦିଗ୍ରାମରେ ଟିଏମସି କର୍ମୀ ଖୁସି ମନାଇବା ମଧ୍ୟ ଆରମ୍ଭ କରିଦେଇଥିଲେ । କିନ୍ତୁ ଘଣ୍ଟାକ ଭିତରେ ବଦଳିଯାଇଥିଲା ଫଳାଫଳ । ଓଲଟପାଲଟ ହୋଇଯାଇଥିଲା ସମସ୍ତ ଅଙ୍କ । ହଠାତ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ବିଜୟୀ ହେଉଥିବା ପ୍ରମାଣିତ ହୁଏ ।

ସେପଟେ କଡା ଟକ୍କର ଭିତରେ ଦିଦି ହାରକୁ ସହଜରେ ଗ୍ରହଣ କରିପାରୁନାହାଁନ୍ତି । ପ୍ରକାଶ ପାଇଥିବା ଫଳାଫଳରେ ଅସନ୍ତୋଷ ଜାହିର କରିଛି ଟିଏମସି । ଘଟଣାକୁ ନେଇ ନିର୍ବାଚନ ଅଧିକାରୀଙ୍କୁ ଭେଟିବା ସହ ଆଉ ଥରେ ଭୋଟ ଗଣତି କରିବା ପାଇଁ ଦାବି କରିଛି ଦଳ । ଏ ନେଇ ନିର୍ବାଚନ ଅଧିକାରୀଙ୍କୁ ଭେଟିଛନ୍ତି ଟିଏମସିର ତିନି ଜଣ ବରିଷ୍ଠ ନେତା ।

ହରିୟାଣାରେ କାଲିଠୁ ସାତ ଦିନିଆ ଲକଡାଉନ୍

ଚଣ୍ଡିଗଡ଼: ହରିୟାଣାରେ କାଲିଠୁ ଲାଗୁ ହେଉଛି ସାତ ଦିନିଆ ଲକଡାଉନ୍ । ଏ ନେଇ ରାଜ୍ୟ ସରକାରଙ୍କ ପକ୍ଷରୁ ଘୋଷଣା କରାଯାଇଛି । ଲକଡାଉନ୍ ସମୟରେ ଖୋଲିବନି ଦୋକାନବଜାର କି ଚାଲିବନି ଗାଡି । କେବଳ ଜରୁରିକାଳୀନ ସେବା ଜାରି ରହିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମନହରଲାଲ ଖଟ୍ଟର । ରାଜ୍ୟବାସୀ କରୋନା ନିୟମ ମାନିବା ସହ ଘରୁ ନ ବାହାରିବା ପାଇଁ ଅପିଲ୍ କରିଛନ୍ତି ସରକାର ।

ରାଜ୍ୟରେ ଦୈନିକ ସଂକ୍ରମଣ ୧୩ ହଜାର ପାର୍ କରିଥିବାବେଳେ ମୃତକଙ୍କ ସଂଖ୍ୟା ବି ବଢିବାରେ ଲାଗିଛି । ସେପଟେ ଜାମ୍ମୁ-କାଶ୍ମୀରରେ ଆସନ୍ତା ମେ ୩୧ ତାରିଖ ପର୍ଯ୍ୟନ୍ତ ସମସ୍ତ ସ୍କୁଲ, କଲେଜ ଓ ବିଶ୍ବବିଦ୍ୟାଳୟ ବନ୍ଦ ରଖିବା ପାଇଁ ନିଷ୍ପତ୍ତି ନିଆଯାଇଛି ।

ପ୍ରକାଶ ପାଇଲା ଫଳାଫଳ, ନବୀନ ଜଣାଇଲେ ଶୁଭେଛା

ଭୁବନେଶ୍ବର: ଦେଶର ଚାରୋଟି ରାଜ୍ୟରେ ଭୋଟ ଗଣତି ପରେ ଫଳାଫଳ ସ୍ପଷ୍ଟ ହୋଇସାରିଛି । ପଶ୍ଚିମବଙ୍ଗରେ ମମତା ବାନାର୍ଜୀ ତୃତୀୟ ଥର ପାଇଁ ଗଡ ବଜାୟ ରଖିବା ସହ ହ୍ୟାଟ୍ରିକ ରେକର୍ଡ ରଚିଛନ୍ତି । ଅର୍ଥାତ ପୁନର୍ବାର ଦିଦି ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି । ସେପେଟେ ଆସାମ, ତାମିଲନାଡୁ, କେରଳ , ପୁଡୁଚେରୀ ରେ ମଧ୍ୟ ଫଳାଫଳ ସ୍ପଷ୍ଟ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତ ବିଜୟୀ ନେତାଙ୍କୁ ଶୁଭେଛା ଜଣାଇଛନ୍ତି ।

ସେହିପରି ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ଦଳ ଟିମ୍‌ସିର ବିଜୟକୁ ନେଇ ଶୁଭେଚ୍ଛା ଜଣାଇଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ମମତାଙ୍କ ଦଳ ବିଜୟ ଇତାହାସ ସୃଷ୍ଟି କରିଛି ବୋଲି ସେ କହିଛନ୍ତି । ସେପଟେ ବିଜେପି ନେତା ପୃଥ୍ବୀରାଜ ହରିଚନ୍ଦନ ବି ମମତାଙ୍କୁ ଅଭିନନ୍ଦନ ଜଣାଇବା ସହ ବିଜେପି ନିଜ ପରାଜୟ ପାଇଁ ସମୀକ୍ଷା କରିବ ବୋଲି କହିଛନ୍ତି ।

ମେ ୩ରୁ ସାମ୍ବାଦିକଙ୍କୁ ଟିକା, ସମ୍ମୁଖ ଯୋଦ୍ଧା ଘୋଷଣା ପରେ BMCର ନିଷ୍ପତି

ଭୁବନେଶ୍ୱର: ସାମ୍ବାଦିକଙ୍କୁ ସମୁଖ ଯୋଦ୍ଧା ଘୋଷଣା ପରେ ତୁରନ୍ତ ଟିକା ଦେବ ବିଏମସି । ମୁଖ୍ୟମନ୍ତ୍ରୀ ଆଜି ଘୋଷଣା କରିବା ପରେ ଆସନ୍ତାକାଲି ଠାରୁ ସାମ୍ବାଦିକ ମାନଙ୍କୁ ଟିକା ପ୍ରଦାନ କରାଯିବ । ବିଏମସି ଏହି ନିଷ୍ପତ୍ତି ନେଇଥିବାବେଳେ କେଉଁଠି ଓ କେତେବେଳେ ଟିକା ପ୍ରଦାନ କରିଯିବ ସେନେଇ ସୂଚନା ମଧ୍ୟ ପ୍ରଦାନ କରିଛି ।

ବିଅଆମସିର ସୂଚନା ମୁତାବକ ଆସନ୍ତା କାଲି ଅର୍ଥାତ ୩ ତାରିଖ ଠାରୁ କଟକ ରୋଡ ନିକଟସ୍ଥ ଯାତ୍ରୀନିବାସ ଠାରେ ଟିକା ନେଇପାରିବେ ସାମ୍ବାଦିକ । ଟିକାକରଣ କେନ୍ଦ୍ର ଆସନ୍ତାକାଲି ଖୋଲିବା ସହ ସାମ୍ବାଦିକ ମାନେ ଟିକା ନେଇପାରିବେ । ସକାଳ ୧୧ରୁ ୨ଟା ଏବଂ ଅପରାହ୍ନ ୩ଟାରୁ ୫ଟା ଭିତରେ ଟିକାକରଣ କରାଯିବ । ଏବଂ ଏଥିପାଇଁ ପଞ୍ଜିକରଣ ମଧ୍ୟ ବାଧ୍ୟତାମୂଳକ ରହିଥିବା କହିଛନ୍ତି ବିଏମସି କମିସନର ।

ବିଜେପିର ହିନ୍ଦୁ କାର୍ଡ୍ ବିରୋଧରେ ଏକାଠି ହେଲେ ମୁସଲିମ୍ ଭୋଟର,କଂଗ୍ରେସ ଓ ବାମମୋର୍ଚ୍ଚା ଭୋଟ୍ ଟିଏମସି ଖାତାରେ

କୋଲକୋତା: ମମତା ବାନାର୍ଜୀ ପୁଣି କ୍ଷମତାକୁ ଫେରିଛନ୍ତି । ମମତାଙ୍କୁ ହରାଇବାର ସ୍ୱପ୍ନ ଦେଖୁଥିବା ବିଜେପିର ୨ଶହ ପ୍ଲସ ମିଶନ ୧୦୦ ବି ଛୁଇଁ ପାରିଲା ନାହିଁ । ତେବେ ଏମିତି କେମିତି ହେଲା ? ବିଜେପିର କାର୍ପେଟ୍ ବମିଂ,ଅସନ୍ତୁଷ୍ଠ ଟିଏମସି ନେତାଙ୍କୁ କୋଳାଇ ନେବାର ରଣନୀତି,ହିନ୍ଦୁ ଓ ହିନ୍ଦୁତ୍ୱ କାର୍ଡ୍ କେମିତି ପଶ୍ଚିମବଙ୍ଗରେ ଫେଲ୍ ମାରିଲା ? ଉତ୍ତର ହେଉଛି କ୍ରିୟାର ପ୍ରତିକ୍ରିୟା ।

କ୍ରିୟାର ପ୍ରତିକ୍ରିୟା

ବିଜେପି ପଶ୍ଚିମବଙ୍ଗରେ ହିନ୍ଦୁତ୍ୱ କାର୍ଡ୍ ଖେଳୁଥିଲା । ମମତାଙ୍କ ମୁସଲିମ୍ ତୁଷ୍ଟିକରଣ ନୀତି ବିରୋଧରେ ବିଜେପିର ହିନ୍ଦୁ ଭୋଟ ଧୃବୀକରଣ ରଣନୀତି କାମ ତ’ ଦେଇଛି କିନ୍ତୁ ପଦ୍ମଦଳର କ୍ଷମତା ଦଖଲ ସ୍ୱପ୍ନ କେବଳ ସ୍ୱପ୍ନ ହୋଇ ରହିଯାଇଛି । ହିନ୍ଦୁ ଭୋଟ୍ ଧୃବୀକରଣ ରଣନୀତି ଯଦି କ୍ରିୟା ଥିଲା ତେବେ ଏହା ବିରୋଧରେ ମୁସଲିମ୍ ଭୋଟ୍ ଓ ଧର୍ମନିରପେକ୍ଷ ଭୋଟ୍ ଏକାଠି ହେବା ପ୍ରତିକ୍ରିୟା ଥିଲା ।

ବିଜେପିର ରଣନୀତି ପ୍ରାରମ୍ଭିକ କାଳରେ ଠିକ୍ କାମ କରିଥିଲା । କିନ୍ତୁ ପରେ ଏହା ବ୍ୟାକ୍ ଫାୟାର କରିଥିଲା । ବିଜେପି ଯଦି ହିନ୍ଦୁ ଭୋଟ୍ ହାତେଇବାରେ ସଫଳ ହୋଇଥିଲା ତେବେ ଟିଏମସିକୁ ପାଖାପାଖି ଶତ ପ୍ରତିଶତ ମୁସଲିମ୍ ଭୋଟ୍ ମିଳିଛି କହିଲେ ଭୁଲ ହେବ ନାହିଁ । ପଶ୍ଚିମବଙ୍ଗର ମୁସଲିମ୍ ବିଜେପିକୁ ଭୋଟ୍ ଦେବେ ନାହିଁ ଏହା ଜଣାଶୁଣା କଥା ଥିଲା କିନ୍ତୁ ଓଏସିଙ୍କ ପ୍ରବେଶ ଟିଏମସିକୁ ଅଧିକ ମଜବୁତ କରିଥିଲା । ଓଏସିଙ୍କ ଯୋଗୁ ବିହାରରେ ବିଜେପି କ୍ଷମତାକୁ ଆସିଛି ଏହି ଧାରଣା ପଶ୍ଚିମବଙ୍ଗ ମୁସଲିମଙ୍କ ମଧ୍ୟରେ ବଦ୍ଧପରିକର ହୋଇଥିଲା । ଫଳରେ ସବୁ ମୁସଲିମ୍ ଭୋଟ୍ ଟିଏମସି ଖାତାକୁ ଯାଇଥିଲା । ସେହିଭଳି ଅନେକ କଂଗ୍ରେସ ଓ ବାମମେଣ୍ଟ ସମର୍ଥକ ମଧ୍ୟ କେବଳ ବିଜେପିକୁ ରୋକିବା ପାଇଁ ଟିଏମସିକୁ ଭୋଟ୍ ଦେଇଛନ୍ତି ।

ଯାହା ଏହିଥିରୁ ବୁଝି ହେଉଛି ଯେ, ପଶ୍ଚିମବଙ୍ଗରେ କଂଗ୍ରେସ ଓ ଲେଫ୍ଟ୍ ଫ୍ରଣ୍ଟ୍ ଖାତା ମଧ୍ୟ ଖୋଲି ପାରି ନାହାନ୍ତି । ଫୁରଫୁରା ସରିଫର ଆବ୍ବାସ ସିଦ୍ଦିକି ଓ ଅସଦଉଦ୍ଦିନ ଓଏସିଙ୍କ ନିର୍ବାଚନରେ ପ୍ରବେଶ ମମତାଙ୍କ ପାଇଁ ବରଦାନ ହେଲା ବୋଲି କୁହାଯାଉଛି । କାରଣ ଏହି ଦୁଇ ନେତାଙ୍କ ଅଚାନକ ପଶ୍ଚିମବଙ୍ଗ ରାଜନୀତିର ଏଣ୍ଟ୍ରି ମୁସଲିମଙ୍କ ମନରେ ସନ୍ଦେହ ସୃଷ୍ଟି କରିଥିଲା । ହିନ୍ଦୁ ଧୃବୀକରଣ ବିରୋଧରେ କେମିତି ମୁସଲିମ୍ ଭୋଟ୍ ଏକାଠି ହୋଇଥିଲା ତାହାର ଉଦାହରଣ ହେଉଛି ଅନ୍ତିମ ପର୍ଯ୍ୟାୟରେ ୪୪ଟି ଆସନ ପାଇଁ ହୋଇଥିବା ଭୋଟ । ଏହି ୪୯ ଆସନ ମଧ୍ୟରୁ ୨୬ କଂଗ୍ରେସ ପାଖରେ ଓ ୧୧ ବାମମେଣ୍ଟ ପାଖରେ ଥିଲା । ଟିଏମସି ପାଖରେ ୧୦ ଆସନ ଥିଲା ।

କିନ୍ତୁ ଏଥର ସବୁ ଆସନ ଟିଏମସି ଖାତାକୁ ଯାଇଛି । ଅର୍ଥାତ ଗଲା ନିର୍ବାଚନ ତୁଳନାରେ ଅଧିକ ୩୭ ଆସନ ଟିଏମସି ପାଇଛି । ମୁସଲିମ୍ ବହୁଳ ୪୯ ଆସନରୁ ୪୯ ଟିଏମସି ଖାତାକୁ ଯିବାରୁ ଅନୁମାନ କରାଯାଇପାରେ ଯେ, କେଉଁଭଳି ଭାବେ ବିଜେପିର ହିନ୍ଦୁ କାର୍ଡ୍ ବିରୋଧରେ ମୁସଲିମ୍ ଭୋଟର ଏକାଠି ହୋଇଥିଲେ

ନିଶାମୁକ୍ତି କେନ୍ଦ୍ରରେ ଅମାନବୀୟ କାଣ୍ଡ, ମାଲିକଙ୍କ ମାଡରେ ଅନ୍ତେବାସୀ ମୃତ

ଜଗତସିଂହପୁର: ନିଶାମୁକ୍ତି କେନ୍ଦ୍ରରେ ଅଭାବନୀୟ ଘଟଣା । ନିଶାମୁକ୍ତି କେନ୍ଦ୍ରର ମାଲିକଙ୍କ ମାଡ଼ରେ ଜଣେ ଅନ୍ତେବାସୀ ମୃତ, ୪ ଗୁରୁତର । ଘଟଣା ଘଟିଛି ଜଗତସିଂହପୁର ଥାନା ଅଁଳା ପଞ୍ଚାୟତ ଚାନ୍ଦଗାଁ ମଜୁରାଉ ଗାଁରେ । ଚେଷ୍ଟା ନିଶା ମୁକ୍ତି କେନ୍ଦ୍ରରେ ଘଟିଥିବା ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ପ୍ରକାଶ ପାଇଛି । କେନ୍ଦ୍ରର ମାଲିକ ବଗଲପୁର ଅଞ୍ଚଳର ରାଜା ଓରଫ ରାଜେଶ ମହାନ୍ତି ଓ ତାଙ୍କ ସହଯୋଗୀ ବାଲିକୁଦା ଅଞ୍ଚଳର ଚିକୁ ଓରଫ ରୁଦ୍ରପ୍ରସାଦ ରାଉତ ନିଶା ମୁକ୍ତି କେନ୍ଦ୍ରରେ ରହି ଥିବା ୨୨ ଜଣ ଅନ୍ତେବାସୀଙ୍କୁ ବାନ୍ଧି ଏକ ଜିଆଇ ପାଇପରେ ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି ।

ଏଥିରେ ଜଗତସିଂହପୁର ଚାଟରା ଗାଁର ଏସ୍‌. କେ. ଜବାରଙ୍କର ମୃତ୍ୟୁ ଘଟିଥିବାବେଳେ ୪ ଜଣ ଗୁରୁତର ହୋଇଛନ୍ତି । ଆହତମାନଙ୍କୁ ଜଗତସିଂହପୁର ପୋଲିସ ଉଦ୍ଧାର କରି ଚିକିତ୍ସା ନିମନ୍ତେ ମେଡିକାଲରେ ଭର୍ତ୍ତି କରିଛି । ମୃତ ଯୁବକଙ୍କ ଶବକୁ ଉଦ୍ଧାର କରି ସାଇଣ୍ଟିଫକ ଟିମ୍ ସହାୟତାରେ ତଦନ୍ତ କରୁଛି ପୋଲିସ । ତେବେ ନିଶା ମୁକ୍ତି କେନ୍ଦ୍ରର ମାଲିକ ଓ ତାଙ୍କ ସହଯୋଗୀ ଫେରାର ହୋଇଯାଇଛନ୍ତି । ସେପଟେ ଶବକୁ ଅଟୋରେ ନିଆଯାଉଥିବାବେଳେ ରାସ୍ତା ଅବରୋଧ କରିବା ସହ ପୋଡ଼ାଜଳା କରିଛନ୍ତି ଉତ୍ତ୍ୟକ୍ତ ଲୋକ ।

ନନ୍ଦିଗ୍ରାମରେ ବିଜେପି ବିଜୟୀ, ଶୁଭେନ୍ଦୁଙ୍କ ଗଡରେ ତିଷ୍ଠିଲେନି ଦିଦି

କୋଲକାତା: କଭି ଖୁସି, କଭି ଗମ । କେଇଟି ମୂହୂର୍ତ୍ତରେ ଓଲଟିଗଲା ଖେଳ । ନନ୍ଦିଗ୍ରାମରେ ବିଜୟର ସିମ୍ବଲ ଦେଖାଇଥିବା ଦିଦି ଏବେ ପରାଜୟ ହୋଇଛନ୍ତି । ଶେଷ ରାଉଣ୍ଡ ସୁଦ୍ଧା ଅର୍ଥାତ ୧୭ ରାଉଣ୍ଡ ଗଣତି ଶେଷ ସୁଦ୍ଧା ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ନନ୍ଦିଗ୍ରାମରେ ବିଜୟୀ ହୋଇଛନ୍ତି । ସେପଟେ ପଶ୍ଚିମବଙ୍ଗରେ ରେକର୍ଡ ସ୍ୱତେ ଦିଦି ନିଜ ଆସନରେ ପରାଜୟ ହୋଇଛନ୍ତି । ମିଳିଥିବା ସୂଚନା ମୁତାବକ ଶେଷ ରାଉଣ୍ଡ ଗଣତି ସୁଦ୍ଧା ଶୁଭେନ୍ଦୁ ଅଧିକାରୀ ୧୯୫୭ ଖଣ୍ଡ ଭୋଟରେ ବିଜୟୀ ହୋଇଛନ୍ତି ।

ମାତ୍ର ଏକ ଘଣ୍ଟା ପୂର୍ବେ ଟିଏମସି ସୁପ୍ରିମୋ ମମତା ବାନାର୍ଜୀ ନନ୍ଦିଗ୍ରାମରେ ୧୨ ଖଣ୍ଡ ଭୋଟରେ ବିଜୟୀ ହୋଇଥିବା ଖବର ଆସିଥିଲା  । ସେପର୍ଯ୍ୟନ୍ତ ମଧ୍ୟ ଭୋଟ ଗଣତି ଶେଷ ହୋଇନଥିଲା  । ସେପଟେ ଶେଷ ରାଉଣ୍ଡରେ ମମତା ହାରିଥିବା ଖବର ଏବେ ସାମ୍ନାକୁ ଆସିଛି  । ଅର୍ଥାତ ନନ୍ଦିଗ୍ରାମ ବିଧାନସଭା କ୍ଷେତ୍ରରେ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ୧୯୦୦ରୁ ଅଧିକ ଭୋଟରେ ଜିତିଛନ୍ତି  । ହିନ୍ଦୁତ୍ୱ କାର୍ଡ ଖେଳିଥିବା ଶୁଭେନ୍ଦୁ ଏବଂ ମୁସଲିମ ଗୋଷ୍ଠୀକୁ ନେଇ ରାଜନୈତିକୁ ଅବତୀର୍ଣ୍ଣ ହୋଇଥିବା ମମତା ବାନାର୍ଜୀଙ୍କ ମଧ୍ୟରେ ଜୋରଦାର ଟକ୍କର ହୋଇଥିଲା  । ଶେଷ ରାଉଣ୍ଡ ଭୋଟ ଗଣତିରେ ମମତା ଜିତୁଥିବା ଖବର ପ୍ରକାଶ ପାଇଥିଲା ହେଲେ ମାତ୍ର ଘଣ୍ଟାକ ଭିତରେ ଖେଲ ଓଲଟପାଲଟ ହୋଇଗଲା  ।

ସେପଟେ ନନ୍ଦିଗ୍ରାମରେ ପରାଜୟ ପରେ ପ୍ରତିକ୍ରିୟା ରଖିଛନ୍ତି ମମତା ବାନାର୍ଜୀ । କହିଛନ୍ତି ନନ୍ଦିଗ୍ରାମର ପରାଜୟକୁ ମୁଁ ସ୍ୱିକାର କରୁଛି  । କିନ୍ତୁ ସମଗ୍ର ପଶ୍ଚିମବଙ୍ଗରେ ମିଳିଥିବା ବହୁମତ ପାଇଁ ସମସ୍ତ ଭୋଟରଙ୍କୁ ଧନ୍ୟବାଦ ଜଣାଇଛନ୍ତି  । ସେପଟେ ପରାଜୟ ପରେ ଦିଦି ସୁପ୍ରିମକୋର୍ଟରେ ଏନେଇ ମାମଲା କରିବେ ବୋଲି କହିଛନ୍ତି  । ନନ୍ଦିଗ୍ରାମ ପରାଜୟ ପଛରେ ନିର୍ବାଚନ କମିସନଙ୍କ ହାତ ରହିଛି  । ଜାଣି ଶୁଣି ସେଠାରେ ବିଜେପିକୁ ଜିତାଯାଇଛି ବୋଲି ଅଭିଯୋଗ ଆଣିଛନ୍ତି ଟିଏମସି ସୁପ୍ରିମୋ ମମତା ବାନାର୍ଜୀ  ।