spot_img
Home Blog Page 5820

ରାଉରକେଲାରେ ସଟଡାଉନକୁ ବେଖାତିର, ଦେଢ଼ କୁଇଣ୍ଟାଲରୁ ଅଧିକ ମାଛ ଓ ୧୦ କେଜି ମାଂସ ଜବତ

ରାଉରକେଲା: ସପ୍ତାହାନ୍ତ ସଟ୍‌ଡାଉନ୍‌ର ଆଜି ଦ୍ୱିତୀୟ ଦିନ । ବଢୁଥିବା କରୋନା ସଂକ୍ରମଣକୁ ଆଖି ଆଗରେ ରଖି ଲକ୍‌ଡାଉନ୍ ସହ ସଟ୍‌ଡାଉନ୍ ଫର୍ମୁଲା ଆପଣାଇଛନ୍ତି ରାଜ୍ୟ ସରକାର । ବନ୍ଦ ରହିଛି ଦୋକାନ ବଜାର । ଗାଡ଼ି ଚଳାଚଳ ବି ବନ୍ଦ ରହିଛି । ଟ୍ବିନ୍‌ସିଟିର ବିଭିନ୍ନ ଛକରେ କଡ଼ାକଡ଼ି ଚେକିଂ କରାଯାଉଛି । ଯେଉଁମାନେ ଅମାନିଆ ହୋଇ ବାହାରକୁ ବାହାରୁଛନ୍ତି, ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ନିୟମ ମାନି ଲୋକ ଚଳିବା ପାଇଁ ସରକାର ଅପିଲ୍ କରିଛନ୍ତି । କରୋନା ସଂକ୍ରମଣକୁ ଚେକ୍ ଦେବା ପାଇଁ ରାଜ୍ୟରେ ଲକ୍‌ଡାଉନ୍‌ ସହ ପ୍ରତି ଶନିବାର ଓ ରବିବାର ସଟ୍‌ଡାଉନ୍‌ ଲାଗୁ କରାଯାଇଛି ।

କିନ୍ତୁ ରାଉରକେଲାରେ ସପ୍ତାହାନ୍ତ ସଟଡାଉନକୁ ବେଖାତିର କରାଯାଇଛି । ଡେଲି ମାର୍କେଟ ଓ ଟ୍ରାଫିକ ମାର୍କେଟରେ ପୋଲିସ ଓ ପ୍ରଶାସନ ପକ୍ଷରୁ ଚଢାଉ । ଚଢ଼ାଉ ବେଳେ ଦେଢ଼ କୁଇଣ୍ଟାଲରୁ ଅଧିକ ମାଛ ଓ ୧୦ କେଜି ମାଂସ ଜବତ କରାଯାଇଛି । ଏଥିସହ ୬ଟି ଦୋକାନକୁ ସିଲ୍ କରିଛି ପ୍ରଶାସନ। ସଟଡାଉନରେ ଆମିଷ ବିକ୍ରି କରାଯାଉଥିବା ବେଳେ ଚଢ଼ାଉ କରିଥିଲା ପୋଲିସ ।

ସେହିପରି କୋଭିଡ ଗାଇଡ୍‌ଲାଇନ୍‌ ଉଲ୍ଲଂଘନ ଅଭିଯୋଗ । ଶକ୍ତ ହୋଇଛି ଓଡ଼ିଶା ପୋଲିସ । ଗତକାଲିଠାରୁ ଆଜି ସକାଳ ପର୍ଯ୍ୟନ୍ତ ୧୨ଲକ୍ଷ ୭୭ହଜାର ୩୦୦ ଟଙ୍କା ଫାଇନ୍ ଆଦାୟ କରିଛି ପୋଲିସ । ୬ଟି କେସ୍ ରୁଜୁ ହୋଇଥିବା ବେଳେ ୧୮ଜଣ ଅମାନିଆଙ୍କୁ ଗିରଫ କରାଯାଇଛି । ୨୪ ଘଣ୍ଟାରେ ୩ ହଜାର ୯୯ଟି ଗାଡ଼ି ଜବତ କରାଯାଇଥିବା ଓଡ଼ିଶା ପୋଲିସ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ।

ଜି. ଉଦୟଗିରି: ତହସିଲଦାର ଓ ଥାନା କର୍ମଚାରୀଙ୍କୁ ଆକ୍ରମଣ ଘଟଣା, ଜଣେ ଗିରଫ, ୯୦ରୁ ଅଧିକଙ୍କ ନାଁରେ ମାମଲା

ଗଜପତି ଜିଲ୍ଲା ଆର୍‌. ଉଦୟଗିରିରେ ତହସିଲଦାର ଏବଂ ଥାନା କର୍ମଚାରୀଙ୍କୁ ଆକ୍ରମଣ ଘଟଣାରେ ଜଣେ ଗିରଫ, ୯୦ ରୁ ଉର୍ଦ୍ଧ୍ୱ ବ୍ୟକ୍ତିଙ୍କ ନାଁରେ ମାମଲା ରୁଜୁ । ଗିରଫ ଅଭିଯୁକ୍ତ ହେଲେ ଛେଳିଗଡ଼ ଗାଁର ଜନୁଏଲ ବୀର । ଗତ ଶୁକ୍ରବାର ଗଜପତି ଜିଲ୍ଲା ଆର. ଉଦୟଗିରି ଥାନା ଛେଳିଗଡ଼ ଖ୍ରୀଷ୍ଟିଆନ ସାହିରେ ତହସିଲଦାର ଏବଂ ଥାନା କର୍ମଚାରୀଙ୍କୁ ଆକ୍ରମଣ ଘଟଣାରେ ପୋଲିସ ୯ ଜଣ ପରିଚିତ ବ୍ୟକ୍ତିଙ୍କ ସମେତ ୯୦ରୁ ଉର୍ଦ୍ଧ୍ବ ପରିଚୟ ପାଇନଥିବା ଲୋକଙ୍କ ନାଁରେ ଥାନାରେ ମାମଲା ରୁଜୁ କରିଛି ।

ନିକଟସ୍ଥ ଗାଁରୁ ଜଣଙ୍କୁ ଗିରଫ ପୋଲିସ ଗିରଫ କରାଯାଇଥିବା SDPO ଦିଲ୍ଲୀପ କୁମାର ନାୟକ ସୂଚନା ଦେଇଛନ୍ତି । ଗତ ୭ ତାରିଖ ଦିନ ଛେଳିଗଡ଼ ଖ୍ରୀଷ୍ଟିଆନ ସାହିରେ ଏକ ବାହାଘର ଶୋଭାକାର୍ଯ୍ୟକ୍ରମ ବନ୍ଦ କରିବା ପାଇଁ ଯାଇଥିବା ବେଳେ ଆକ୍ରମଣର ଶିକାର ହୋଇଥିଲେ ତହସିଲଦାର ସ୍ମୃତିରଞ୍ଜନ ଶତପଥୀ ଏବଂ କିଛି ଥାନା କର୍ମଚାରୀ l ଏଭଳିକି ପ୍ରାୟ ୧୦୦ ରୁ ଉର୍ଦ୍ଧ ଗ୍ରାମବାସୀ ତହସିଲଦାର ଙ୍କୁ ବିଚ୍‌ ରାସ୍ତାରେ ଗୋଡ଼ାଇ ଗୋଡ଼ାଇ ପଥର ଏବଂ କାଠ ଫାଳିଆରେ ଆକ୍ରମଣ କରିଥିଲେ । ତେଵେ ମାମଲା ରୁଜୁ ହୋଇଥିବା ୯ ଜଣ ବ୍ୟକ୍ତିଙ୍କ ସମେତ ଅନ୍ୟ ସହଯୋଗୀ ମାନେ ଗାଁରୁ କୁଆଡେ ଚାଲିଯାଇଥିବା ସୂଚନା ମିଲିଛି । ଗଜପତି s.p ଙ୍କ ନିର୍ଦ୍ଦେଶକ୍ରମେ ପୋଲିସ ସ୍ୱତନ୍ତ୍ର ଟିମ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ଅତିଶୀଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି SDPO କହିଛନ୍ତି l

ମୁଖ୍ୟମନ୍ତ୍ରୀଙ୍କ ପ୍ରମୁଖ ଉପଦେଷ୍ଟା ଅସିତ ତ୍ରିପାଠୀଙ୍କ ରାଉରକେଲା ଗସ୍ତ, କୋଭିଡ୍‌ ପରିଚାଳନାର ସମୀକ୍ଷା

ରାଉରକେଲା ରାଉରକେଲାରେ କୋଭିଡ ସ୍ଥିତିର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀଙ୍କ ପ୍ରମୁଖ ଉପଦେଷ୍ଟା ତଥା ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଅସିତ ତ୍ରିପାଠୀ । ଏହାସହ ସହରରେ କରୋନା ମ୍ୟାନେଜମେଣ୍ଟ ଓ ସ୍ବାସ୍ଥ୍ୟ ବ୍ୟବସ୍ଥା ନେଇ ଆଲୋଚନା କରିଛନ୍ତି । ଆସନ୍ତାକାଲି ସୁଦ୍ଧା ଆହୁରି ୯୦ ଆଇସିୟୁ ବେଡ୍ ସୁନ୍ଦରଗଡ଼ ଜିଲ୍ଲାରେ କାର୍ଯ୍ୟ କ୍ଷମ ହେବ ଓ ଟେଷ୍ଟିଂ ବଢ଼ିବ । ୧୨୦ ଅକ୍ସିଜେନ୍ ବ୍ୟବସ୍ଥା ଥିବା ବେଡ୍ ସାମିଲ ହେବ ବୋଲି ଟ୍ବିଟ କରି ସୂଚନା ଦେଇଛନ୍ତି ଅସିତ ତ୍ରିପାଠୀ । ରାଉରକେଲା ପରେ ବରଗଡ଼ ଯାଇଛନ୍ତି ଅସିତ ତ୍ରିପାଠୀ ।

ବରଗଡ଼ର ଗ୍ରାଉଣ୍ଡଜିରୋରେ ଏନଫୋର୍ସମେଣ୍ଟର ତଦାରଖ କରିବା କାର୍ଯ୍ୟକ୍ରମ ରହିଛି । ଏହାସହ ରୋଗୀଙ୍କ ଚିକିତ୍ସା ଠିକ ଭାବେ ହେଉଛି କି ନାହିଁ ଓ ଅନ୍ୟ ବ୍ୟବସ୍ଥାର ସମୀକ୍ଷା କରିବେ ଅସିତ ତ୍ରିପାଠୀ । ତାଙ୍କ ସହ ଜଳସମ୍ପଦ ପ୍ରମୁଖ ଶାସନ ସଚିବ ଅନୁ ଗର୍ଗ ଓ ଏନଏଚଏମର ନିର୍ଦ୍ଦେଶକ ଶାଳିନୀ ପଣ୍ଡିତ ଅଛନ୍ତି ।

ଦେଶରେ ଦିନକରେ ୪ ଲକ୍ଷ ୩ ହଜାର ୭୩୮ ସଂକ୍ରମିତ ଚିହ୍ନଟ, ପ୍ରାଣ ହରାଇଲେ ୪୦୯୨ ଆକ୍ରାନ୍ତ

ଦେଶରେ ବଢୁଛି କରୋନା ସଂକ୍ରମଣ । ଦିନକରେ ୪ଲକ୍ଷ ୩ହଜାର ୭୩୮ ସଂକ୍ରମିତ ଚିହ୍ନଟ ହୋଇଥିବା ବେଳେ ୪ହଜାର ୯୨ ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା । ୨୪ ଘଣ୍ଟାରେ ୩ଲକ୍ଷ ୮୬ହଜାର ୪୪୪ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟୀ ୨କୋଟି ୨୨ଲକ୍ଷ ୯୬ହଜାର ୪୧୪ଥିବାବେଳେ ସୁସ୍ଥ ହୋଇଛନ୍ତି କୋଟିଏ ୮୩ଲକ୍ଷ ୧୭ହଜାର ୪୦୪ । ମୃତ୍ୟୁସଂଖ୍ୟା ୨ଲକ୍ଷ ୪୨ହଜାର ୩୬୨ ଥିବା ବେଲେ ଆକ୍ଟିଭ କେସ୍ ୩୭ଲକ୍ଷ ୩୬ହଜାର ୬୪୮ ।

ଅନ୍ୟପଟେ ମହାରାଷ୍ଟ୍ରରେ ବ୍ଲାକ୍ ଫଙ୍ଗସ୍ ରୋଗରେ ୮ ଜଣକ ମୃତ୍ୟୁ ହୋଇଛି । DMERର ରିପୋର୍ଟ ଅନୁସାରେ ମହାରାଷ୍ଟ୍ରରେ ‘ମ୍ୟୁକୋର ମାଇକୋସିସ୍’ ରୋଗରେ ୨୦୦ ଜଣ ଚିକିତ୍ସା ହେଉଥିବାବେଳେ ସେମାନଙ୍କ ମଧ୍ୟରୁ ୮ ଜଣକ ଜୀବନ ଯାଇଛି । ଏହି ରୋଗ ଏବେ ମହାରାଷ୍ଟ୍ର ସହ ଦିଲ୍ଲୀ ଓ ଗୁଜରାଟରେ ମଧ୍ୟ  ଦେଖା ଦେଇଛି । କରୋନା ସଂକ୍ରମିତ ହେଉଥିବା ବ୍ୟକ୍ତିଙ୍କ ବିରୋଧରେ ଅଧିକ ଘାତକ ସାବ୍ୟସ୍ତ ହେଉଛି ଏହି ରୋଗ । ବିଶେଷକରି ମଧୁମେହ, କିଡନୀ ଓ କର୍କଟ ରୋଗରେ ଆକ୍ରାନ୍ତ ଥିବା ବ୍ୟକ୍ତିଙ୍କ ପାଇଁ ଚିନ୍ତାର କାରଣ ହୋଇଛି ।

‘ଡିଆର୍‌ଡିଓ’ର କୋଭିଡ୍‌ ଔଷଧକୁ ଡିସିଜିଆଇର ମଂଜୁରି

ନୂଆଦିଲ୍ଲୀ: ପ୍ରତିରକ୍ଷା ଗବେଷଣା ଏବଂ ବିକାଶ ପ୍ରତିଷ୍ଠାନ (ଡିଆର୍‌ଡିଓ) ଦ୍ୱାରା ପ୍ରସ୍ତୁତ କରୋନା ନିବାରଣ ଔଷଧକୁ ଆଜି ଭାରତର ଔଷଧ ମହାନିୟନ୍ତ୍ରକ (ଡିସିଜିଆଇ) ମଂଜୁରି ଦେଇଛି। ଏହି କୋଭିଡ୍‌ ପ୍ରତିରୋଧକ ଔଷଧର ନାମ ରହିଛି ‘୨-ଡିଜି’। ଏହାକୁ ଆଜିଠାରୁ କୋଭିଡ୍‌ ଚିକିତ୍ସାରେ ଜରୁରୀ ବ୍ୟବହାର ପାଇଁ ଅନୁମତି ମିଳିଛି। ତେବେ କେବଳ ଡାକ୍ତରଙ୍କ ପରମର୍ଶକ୍ରମେ ହସ୍ପିଟାଲରେ ଭର୍ତ୍ତି ରୋଗୀଙ୍କୁ ଏହି ଔଷଧ ଦେବାପାଇଁ ପ୍ରୋଟୋକଲ ରହିଛି। ଡିଆର୍‌ଡିଓ ଏହି ଔଷଧକୁ ଡ. ରେଡିଜ୍‌ ଲ୍ୟାବ୍‌ ସହିତ ମିଳିତ ପ୍ରୟାସରେ ପ୍ରସ୍ତୁତ କରିଛି।

ଏହି ଔଷଧ ପାଉଡ୍‌ର ଭଳି ଏବଂ ଏହା ଶିଶିରେ ଉପଲବ୍ଧ ହେବ। ଏହାକୁ ସହଜରେ ପାଣିରେ ଗୋଳି ସେବନ କରାଯାଇପାରିବ। ଔଷଧର ପରୀକ୍ଷଣ ପ୍ରୟୋଗ ପରେ ବହୁ ସଂଖ୍ୟାରେ କୋଭିଡ୍‌ ପଜିଟିଭ୍‌ ରୋଗୀଙ୍କ ରିପୋର୍ଟ ନେଗେଟିଭ୍‌ ଆସିଥିଲା ଏବଂ ଏହା ବେଶ୍‌ ସଫଳ ପ୍ରମାଣିତ ହୋଇଛି । ରୋଗୀଙ୍କ ଅକ୍ସିଜେନ୍‌ ଅଭାବଜନିତ ସମସ୍ୟା ମଧ୍ୟ ଏହି ଔଷଧ ଦୂର କରିବ ବୋଲି କୁହାଯାଇଛି। ଦେଶରେ ପ୍ରତିଦିନ ନୂଆ ସଂକ୍ରମଣ ମାମଲା ୪ ଲକ୍ଷରୁ ଅଧିକ ରହୁଥିବା ବେଳେ ଏହି ଔଷଧକୁ ମଂଜୁରି ମିଳିବା ଏକ ପ୍ରକାର ଆଶ୍ୱସ୍ତି ଆଣିଛି।

ଆଫଗାନିସ୍ତାନ ରାଜଧାନୀ କାବୁଲରେ ବିସ୍ଫୋରଣରେ ୩୦ ମୃତ, ୫୦ରୁ ଅଧିକ ଗୁରୁତର

କାବୁଲ: ଆଫଗାନିସ୍ତାନର ରାଜଧାନୀ କାବୁଲରେ ବିସ୍ଫୋରଣ । କାବୁଲରେ ଥିବା ଏକ ସ୍କୁଲ ନିକଟରେ ବଡ଼ ଧରଣର ବୋମା ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ୩୦ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିବା ଜଣାପଡ଼ିଛି । ଅନୁଯାୟୀ ଆଫଗାନିସ୍ତାନ ଗୃହ ମନ୍ତ୍ରଣାଳୟର ମୁଖପାତ୍ର ତାରିକ ଆରିୟାନ କହିଛନ୍ତି ଏହି ବିସ୍ଫୋରଣରେ ୩୦ ଜଣଙ୍କର ମୃତ୍ୟୁ ଘଟିଛି । ଏବଂ ୫୦ ଜଣ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।

ତେବେ ବିସ୍ଫୋରଣରେ ମୃତ୍ୟୁସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ଆହତମାନଙ୍କ ମଧ୍ୟରୁ ଅଧିକାଂଶ ଛାତ୍ରୀ ହୋଇଥିବାବେଳେ ବିସ୍ଫୋରଣର କାରଣ କ’ଣ ଏବଂ କିଏ ଏହି ବିସ୍ଫୋରଣ କରିଛି ସେ ନେଇ ସୂଚନା ମିଳିପାରିନାହିଁ |। ଏହି ବିସ୍ଫୋରଣ କାବୁଲର ପଶ୍ଚିମ ଦାଶତ-ଇ-ବାରଚିର ଏକ ସ୍କୁଲ ବାହାରେ ଘଟିଥିଲା ​​ଯେଉଁଠାରେ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।

ଦୁନିଆର ସବୁଠୁ ମଧୁର ଓ ସୁନ୍ଦର ଶବ୍ଦ ମା’, ଆଜି ବିଶ୍ୱ ମାତୃ ଦିବସରେ ଅଗଣିତ ମା’ଙ୍କୁ ଶୁଭେଚ୍ଛା

ଭୁବନେଶ୍ୱର: ଗୋଟିଏ ଶବ୍ଦରେ ଥାଏ ବ୍ୟାପକ ଅର୍ଥ । ମା’ – ଦୁନିଆର ସବୁଠୁ ମଧୁର ଓ ସୁନ୍ଦର ଶବ୍ଦ । ତା କୋଳରେ ଥାଏ ସବୁ ଶୁଖ । ତା ପଣତ କାନିରେ ଥାଏ ଅମାପ ସ୍ନେହ । ତା ହାତରେ ଥାଏ ଅଜସ୍ର ଆଶିର୍ବାଦ । ସଂସାରର ଯେତେ ଶ୍ରଦ୍ଧା- ମା’ଠୁ ଆରମ୍ଭ ହୋଇ ହିଁ ମା ଠାରେ ଶେଷ ହୋଇଥାଏ । ଶାସ୍ତ୍ର ସ୍ୱୀକାର କରିଛି- ପୁତ୍ର ପଛେ କୁପୁତ୍ର ହୋଇପାରେ, ମାତା କୁମାତା ହେବା ଅସମ୍ଭବ। ମା ପାଇଁ ତୋ ସବୁ ଦିନ ସମାନ । କିନ୍ତୁ ଆଜି ହେଉଛି ତା ପାଇଁ ସ୍ବତନ୍ତ୍ର ଦିନ । ବିଶ୍ୱର ଏକାଧିକ ରାଷ୍ଟ୍ରରେ ମାତୃ ଦିବସ ପାଳନ ହେଉଥିବାବେଳେ ଆମ ଦେଶ ଭାରତରେ ମଧ୍ୟ ମେ ମାସ ଦ୍ୱିତୀୟ ରବିବାରକୁ ମାତୃ ଦିବସ ଭାବେ ପାଳନ କରାଯାଉଛି । ଆଜି ଦୁନିଆର ସବୁ ମାଆ ମାନଙ୍କ ପାଇଁ ଶ୍ରଦ୍ଧା ଓ ସମ୍ମାନର ଦିନଟିଏ। ।

ରାଜ୍ୟରେ ୨୪ ଘଣ୍ଟାରେ ୧୦,୬୩୫ କରୋନା ଆକ୍ରାନ୍ତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ ୧୫୬୪

ଭୁବନେଶ୍ୱର: ରାଜ୍ୟରେ କମୁଛି କରୋନା ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ରାଜ୍ୟରୁ ଚିହ୍ନଟ ହୋଇଛନ୍ତି ଆଉ ୧୦ ହଜାର ୬୩୫ ଆକ୍ରାନ୍ତ । ଖୋର୍ଦ୍ଧାରୁ ସର୍ବାଧିକ ୧୫୬୪ ଜଣ ସଂକ୍ରମିତ ଅଛନ୍ତି । ସେହିପରି ସୁନ୍ଦରଗଡ଼ରୁ ୯୪୩ ଜଣ ଥିବା ବେଳେ, କଟକରୁ ୮୮୭, ସମ୍ବଲପୁରରୁ ୬୪୧, ଅନୁଗୁଳରୁ ୫୫୯, କଳାହାଣ୍ଡିରୁ ୪୬୯, ଝାରସୁଗୁଡ଼ାରୁ ୪୫୬, ବରଗଡ଼ରୁ ୪୪୩, ପୁରୀରୁ ୪୩୪, ନବରଙ୍ଗପୁରରୁ ୩୩୬, ନୂଆପଡ଼ାରୁ ୩୨୪, ବଲାଙ୍ଗୀରରୁ ୩୧୮, ବାଲେଶ୍ବରରୁ ୩୦୧, ଯାଜପୁରରୁ ୨୯୦, ଷ୍ଟେଟ୍ ପୁଲରୁ ୨୭୩, ଗଞ୍ଜାମ ୨୬୬, ନୟାଗଡ଼ ୨୫୩, କେନ୍ଦୁଝରରୁ ୧୯୩ ଜଣ ସଂକ୍ରମିତ ଅଛନ୍ତି ।

ସେହପରି ମୟୂରଭଞ୍ଜରୁ ୧୭୯, ବୌଦ୍ଧରୁ ୧୭୯, ରାୟଗଡ଼ାରୁ ୧୫୮, ସୋନପୁରରୁ ୧୪୯, ଢେଙ୍କାନାଳରୁ ୧୪୬, ଜଗତସିଂହପୁର ୧୪୦, ଦେବଗଡ଼ରୁ ୧୩୭, କୋରାପୁଟରୁ ୧୨୭, କେନ୍ଦ୍ରାପଡ଼ାରୁ ୧୧୭, ଗଜପତିରୁ ୧୦୧, ଭଦ୍ରକରୁ ୧୦୦, ମାଲକାନଗିରି ୭୯ ଓ କନ୍ଧମାଳରୁ ୭୩ ଜଣ ଆକ୍ରାନ୍ତ ଅଛନ୍ତି ।

ମହାରାଷ୍ଟ୍ରରେ ବ୍ଲାକ୍ ଫଙ୍ଗସ୍ ରୋଗରେ ୮ ଜଣଙ୍କ ମୃତ୍ୟ

ମୁମ୍ବାଇ: ପ୍ରଥମେ କରୋନା ଆଉ ଏବେ ବ୍ଲାକ୍ ଫଙ୍ଗସ୍ । ମହାରାଷ୍ଟ୍ରରେ ବ୍ଲାକ୍ ଫଙ୍ଗସ୍ ରୋଗରେ ୮ ଜଣକ ମୃତ୍ୟୁ ହୋଇଛି । DMERର ରିପୋର୍ଟ ଅନୁସାରେ ମହାରାଷ୍ଟ୍ରରେ ‘ମ୍ୟୁକୋର ମାଇକୋସିସ୍’ ରୋଗରେ ୨୦୦ ଜଣ ଚିକିତ୍ସା ହେଉଥିବାବେଳେ ସେମାନଙ୍କ ମଧ୍ୟରୁ ୮ ଜଣକ ଜୀବନ ଯାଇଛି । ଏହି ରୋଗ ଏବେ ମହାରାଷ୍ଟ୍ର ସହ ଦିଲ୍ଲୀ ଓ ଗୁଜରାଟରେ ମଧ୍ୟ  ଦେଖା ଦେଇଛି । କରୋନା ସଂକ୍ରମିତ ହେଉଥିବା ବ୍ୟକ୍ତିଙ୍କ ବିରୋଧରେ ଅଧିକ ଘାତକ ସାବ୍ୟସ୍ତ ହେଉଛି ଏହି ରୋଗ । ବିଶେଷକରି ମଧୁମେହ, କିଡନୀ ଓ କର୍କଟ ରୋଗରେ ଆକ୍ରାନ୍ତ ଥିବା ବ୍ୟକ୍ତିଙ୍କ ପାଇଁ ଚିନ୍ତାର କାରଣ ହୋଇଛି ।

ସେହିପରି ଦୀର୍ଘ ଦିନ ଧରି ଷ୍ଟେରଏଡ୍ ବ୍ୟବହାର କରୁଥିବା ରୋଗୀଙ୍କ କ୍ଷେତ୍ରରେ ବି ଅଧିକ କ୍ଷତି କରିପାରେ । ନାକରୁ କଳା ପାଣି ବୋହିବା, ନିଶ୍ବାସ ନେବାରେ କଷ୍ଟ ହେବା ଓ ଅସହ୍ୟ ଯନ୍ତ୍ରଣା ଅନୁଭବ ହେବା ଏହି ରୋଗର ପ୍ରମୁଖ ଲକ୍ଷଣ । କରୋନା ସଂକ୍ରମିତ ଆଇସିୟୁରୁ ସୁସ୍ଥ ହୋଇ ଫେରିବା ପରେ ସେମାନଙ୍କ ଠିକ୍ ଭାବେ ଯତ୍ନ ନିଆନଗଲେ ସେମାନେ ବ୍ଲାକ ଫଙ୍ଗସରେ ଆକ୍ରାନ୍ତ ହେବାର ଆଶଙ୍କା ରହିଛି । ବ୍ଲାକ୍ ଫଙ୍ଗସ୍ ରୋଗରେ ଆକ୍ରନ୍ତ ହେଉଥିବା ଲୋକଙ୍କ ଆଖି ନଷ୍ଟ ହୋଇଥାଏ ।

କାବୁଲରେ ସ୍କୁଲ ନିକଟରେ ବିସ୍ଫୋରଣ, ୨୫ ମୃତ

କାବୁଲ୍: ଆଫଗାନିସ୍ତାନର ରାଜଧାନୀ କାବୁଲର ପଶ୍ଚିମ ଭାଗରେ ଶନିବାର ଭୟଙ୍କର ବିସ୍ଫୋରଣ ହୋଇଛି । ସ୍କୁଲ୍ ନିକଟରେ ହୋଇଥିବା ବୋମା ବିସ୍ଫୋରଣରେ ୨୫ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ କିଛି ଜଣ ଛାତ୍ରଛାତ୍ରୀ ଥିବା ଜଣାପଡ଼ିଛି । ଏହି ବିସ୍ଫୋରଣରେ ୫୨ ଜଣଙ୍କୁ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଅଧିକାଂଶ ଛାତ୍ରଛାତ୍ରୀ । ତେବେ ବିସ୍ଫୋରଣର କାରଣ ଜଣାପଡ଼ିନାହିଁ ।

 Blast Near Afghan School In Kabul kills 25

ସ୍ଥାନୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ମୁଖପାତ୍ରଙ୍କ ଅନୁସାରେ, ୪୬ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି । ବିସ୍ଫୋରଣ ନେଇ କୌଣସି ସଂଗଠନ ନିଜକୁ ଦାୟୀ କରିନାହାଁନ୍ତି । ସୂଚନାଯୋଗ୍ୟ, ଆମେରିକା ତାର ସୈନ୍ୟଙ୍କୁ ୧୧ ସେପ୍ଟେମ୍ବର ସୁଦ୍ଧା ଫେରାଇ ନେବାକୁ ଘୋଷଣା କରିବା ପରେ କାବୁଲ୍ ହାଇଆଲର୍ଟରେ ରହିଛି ।