କାବୁଲରେ ସ୍କୁଲ ନିକଟରେ ବିସ୍ଫୋରଣ, ୨୫ ମୃତ
କାବୁଲ୍: ଆଫଗାନିସ୍ତାନର ରାଜଧାନୀ କାବୁଲର ପଶ୍ଚିମ ଭାଗରେ ଶନିବାର ଭୟଙ୍କର ବିସ୍ଫୋରଣ ହୋଇଛି । ସ୍କୁଲ୍ ନିକଟରେ ହୋଇଥିବା ବୋମା ବିସ୍ଫୋରଣରେ ୨୫ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ କିଛି ଜଣ ଛାତ୍ରଛାତ୍ରୀ ଥିବା ଜଣାପଡ଼ିଛି । ଏହି ବିସ୍ଫୋରଣରେ ୫୨ ଜଣଙ୍କୁ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଅଧିକାଂଶ ଛାତ୍ରଛାତ୍ରୀ । ତେବେ ବିସ୍ଫୋରଣର କାରଣ ଜଣାପଡ଼ିନାହିଁ ।
ସ୍ଥାନୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ମୁଖପାତ୍ରଙ୍କ ଅନୁସାରେ, ୪୬ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି । ବିସ୍ଫୋରଣ ନେଇ କୌଣସି ସଂଗଠନ ନିଜକୁ ଦାୟୀ କରିନାହାଁନ୍ତି । ସୂଚନାଯୋଗ୍ୟ, ଆମେରିକା ତାର ସୈନ୍ୟଙ୍କୁ ୧୧ ସେପ୍ଟେମ୍ବର ସୁଦ୍ଧା ଫେରାଇ ନେବାକୁ ଘୋଷଣା କରିବା ପରେ କାବୁଲ୍ ହାଇଆଲର୍ଟରେ ରହିଛି ।
