spot_img
Home Blog Page 5802

ଦିନେ ଅକ୍ସିଜେନ ମାସ୍କ ପିନ୍ଧି ଗୀତ ଗାଇ ଝୁମୁଥିଲେ ଆଉ ଆଜି ଦୁନିଆରେ ହିଁ ନାହାନ୍ତି .

କରୋନା ମଚାଇଛି ସବୁଠି ପ୍ରଳୟ । ପ୍ରତ୍ୟେକ ଦିନ ଲକ୍ଷାଧିକ ରୋଗୀ କରୋନା ସହ କରୁଛନ୍ତି ସଂଘର୍ଷ । ସତେ ଯେମିତି ବଂଚିବା ପାଇଁ ପ୍ରତ୍ୟେକ ମୂହୂର୍ତ୍ତରେ ପରୀକ୍ଷା ଦେବାକୁ ପଡୁଛି । ଆଉ ଏହି ପରୀକ୍ଷାରେ କିଏ ପାଶ୍ କରିଯାଉଛି ତ ପୁଣି କିଏ ଫେଲ୍ ହେଇଯାଉଛି । ଏହିଭଳି ଅନେକ ହୃଦୟବିଦାରକ କାହାଣୀ ଆମେ ସବୁଦିନ ଦେଖିବାକୁ ପାଉଛୁ । କିନ୍ତୁ ଗତ ସପ୍ତାହରେ ଜଣେ ୩୦ବର୍ଷିୟ ଝିଅ ସାରା ଦୁନିଆକୁ ଜୀବନ ମରଣର ପ୍ରକୃତ ଅର୍ଥ ବୁଝାଇଥିଲେ । ସୋସିଆଲ ମିଡିଆରେ ଏହି ଝିଅଟିର ଭିଡିଓ ଖୁବ୍ ଭାଇରାଲ ହେଉଥିଲା ।

କରୋନା ରୋଗୀମାନଙ୍କୁ ସତେ ଯେମିତି ସଂଞୀବନୀ ମିଳିଯାଇଥିଲା ଏହି ଭିଡିଓ ମାଧ୍ୟମରୁ ।  ଝିଅଟି ମୁହଁରେ ଅକ୍ସିଜେନ ମାସ୍କ ଲଗାଇ ବି କିଭଳି ଗୀତରେ ଝୁମୁଛି । ଲଭ୍ ୟୁ ଜିନ୍ଦେଗୀର ଗୀତକୁ ଗୁଣ ଗୁଣ ହେଇ ସେ ଭୁଲିଯାଇଛି ତାର ଅସୁସ୍ଥତାର କଥା । ମଉଳିଯାଉଥିବା ଜୀବନକୁ ବି ସେ ମନଭରୀ ଉପଭୋଗ କରିବାକୁ ଚାହୁଁଛି । ହେଲେ ଜୀବନର ଶେଷ ମହୂର୍ତ୍ତ ପର୍ଯ୍ୟନ୍ତ ବି ସେ ସାହସିକତାର ସହ କରୋନାକୁ ହରାଇବାକୁ ଚେଷ୍ଟା ଚଲାଇଥିଲା । କିନ୍ତୁ ଭାଗ୍ୟର ବିଡମ୍ବନା ଯେ ଦିଲ୍ଲୀର ହସ୍ପିଟାଲରେ ୧୩ତାରିଖ ଦିନ ଝିଅଟି ତାର ଶେଷ ନିଶ୍ୱାସ ତ୍ୟାଗ କରିଛି । ପୂର୍ବ ସପ୍ତାହରେ ହିଁ ଏହି ଝିଅଟିର ଗୀତ ଶୁଣି ଝୁମୁଥିବାର ଭିଡିଓକୁ ଡାକ୍ତର ମୋନିକା ଲାଙ୍ଗହେ ନିଜ ଟୁଇଟର ଆକାଉଣ୍ଟରେ ପୋଷ୍ଟ କରିଥିଲେ । ସେଥିରେ ସେ ଏହି ଝିଅଟିର ଗୁରୁତର ଅବସ୍ଥା କଥା ଲେଖିବା ସହ ଜଟିଳ ପରିସ୍ଥିତିରେ ଝିଅଟିର ସାହସ ଇଚ୍ଚାଶକ୍ତି ବିଷୟରେ ଲେଖିଥିଲେ ।

ଅନେକ ୟୁଜରସ୍ ତାଙ୍କର ଏହି ପୋଷ୍ଟକୁ ଦେଖି ଖୁବ୍ ପ୍ରଶଂସା ମଧ୍ୟ କରିଥିଲେ । କାହିଁକି ନା କରୋନାରେ ନିଜ ଲୋକଙ୍କୁ ହରାଉଥିବା ବ୍ୟକ୍ତିମାନଙ୍କୁ ଏହି ଝିଅଟିର ଭିଡିଓ ସାହାସ ଦେଉଥିଲା । କିନ୍ତୁ ବର୍ତ୍ତମାନ ଜୀବନକୁ ଭଲଭାବରେ ଜିଇଁନଥିବା ଝିଅଟି ସବୁଦିନ ପାଇଁ ଏ ଦୁନିଆ ଛାଡି ଚାଲିଗଲା । ଝିଅଟିର ମୃତ୍ୟୁର ଖବର ଡାକ୍ତର ମୋନିକା ଲାଙ୍ଗହେ ଟୁଇଟ କରି ଜଣାଇଥିଲେ । ମୋନିକାଙ୍କର ଟୁଇଟ ଦେଖି ବଲିଉଡ କଳାକାର ସନୁସୁଦ ମଧ୍ୟ ଦୁଃଖ ପ୍ରକାଶ କରିଥିଲେ ।

ସନୁସୁଦ ନିଜ ଟୁଇଟରରେ ପୋଷ୍ଟ କରି ଲେଖିଛନ୍ତି – ଏହା ଶୁଣି ଖୁବ୍ ଦୁଃଖ ଲାଗିଲା । ମୁଁ କେବେ ଭାବିନଥିଲି ସେ ନିଜ ପରିବାରକୁ ଆଉ କେବେ ବି ଦେଖିପାରିବନି । ଏଇ ଜୀବନ ବହୁତ ହିଁ ଅନ୍ୟାୟ କରୁଛି । କେତେ ଯେ ଜୀବନ ବଂଚିବା ପାଇଁ ଚାହୁଁଥିଲା ହେଲେ ସେ ସବୁକିଛି ଛଡେଇ ନେଉଛି । ଆମେ କେବେ ଏହିଭଳି ସ୍ଥିତିରୁ ମୁକ୍ତି ପାଇବା ଜଣାନାହିଁ । କେବଳ ସନୁସୁଦ ନୁହନ୍ତି ଆହୁରୀ ଅନେକ ୟୁଜରସ୍ ଝିଅଟିର ମୃତ୍ୟୁ ଖବର ଶୁଣି ଦୁଃଖ ପ୍ରକାଶ କରିଛନ୍ତି । ଏହିଭଳି ଖବର ଶୁଣି ଅନୁଭବ ହେଉଛି । ସତରେ ଜୀବନ ପାଣି ଫଟୋକା ଠୁ ବି ଆହୁରୀ କମ୍ ଓ କ୍ଷଣସ୍ଥାୟୀ ।

ଜେଲରେ କଏଦୀଙ୍କ ମଧ୍ୟରେ ଖଣ୍ଡ ଯୁଦ୍ଧ, ଗୁଳି ମାରି ୨ ଜଣଙ୍କୁ ହତ୍ୟା କଲା ଗ୍ୟାଙ୍ଗଷ୍ଟର ଅଂଶୁ

ଲକ୍ଷ୍ନୌ: ଉତ୍ତରପ୍ରଦେଶ ‘ଅପରାଧୀଙ୍କ ପ୍ରଦେଶ’ । କେତେବେଳେ ଗଣଦୁଷ୍କର୍ମ ତ ଆଉ କେବେ ବିଚ୍ ରାସ୍ତାରେ ହତ୍ୟା । ଯୋଗୀରାଜରେ ଉତ୍ତରପ୍ରଦେଶର ଏଭଳି ଚିତ୍ର ବାରମ୍ବାର ଦେଖିବାକୁ ମିଳୁଛି । ଉନ୍ନାଓରୁ ହାଥରସ୍ ସବୁଠି ଯୋଗୀ ସରକାର ବିଫଳ ହୋଇଥିବା ବେଳେ ଏବେ ଜେଲ୍ ସୁରକ୍ଷା ବ୍ୟବସ୍ଥା ଉପରେ ଉଠିଛି ବଡ଼ ପ୍ରଶ୍ନ । ଅପରାଧ ରୋକିବାକୁ ପୋଲିସ ଅଭିଯୁକ୍ତଙ୍କୁ ଗିରଫ କରି ଜେଲରେ ରଖୁଛି । ଆଉ ସେହି ଜେଲରେ ହିଁ ଘଟିଛି ବଡ଼ ଅପରାଧ ।

Gangwar In Up Chirtakoot Jail, Mukim Kala Shot Dead By Anshu Dikshit

ଜେଲରେ ଗ୍ୟାଙ୍ଗୱାର ହୋଇ ୩ ଦୁର୍ଦ୍ଦାନ୍ତ ଅପରାଧୀଙ୍କ ମୃତ୍ୟୁ ହୋଇଛି । ୟୁପିର କୁଖ୍ୟାତ ଗ୍ୟାଙ୍ଗଷ୍ଟର ଅଂଶୁ ଦୀକ୍ଷିତ ଜେଲ୍ ଭିତରେ ୨ ଜଣଙ୍କୁ ପୋଲିସ ବନ୍ଧୁକରୁ ଗୁଳି କରି ହତ୍ୟା କରିଛି । ମାଫିଆ ମୁକିମ କାଲା ଓ ବାହୁବଳୀ ବିଧାୟକ ମୁଖତାର ଅନସାରୀର ଜଣେ ଘନିଷ୍ଠ ମେରଜ ଅଲ୍ଲୀକୁ ଜେଲରେ ହତ୍ୟା କରିଛି ଅଂଶୁ । ପଶ୍ଚିମ ଉତ୍ତରପ୍ରଦେଶର ଚିତ୍ରକୂଟ ଜେଲରେ ଏହି ଗ୍ୟାଙ୍ଗୱାରକୁ ନେଇ ଆତଙ୍କ ଖେଳି ଯାଇଛି ।

Gangwar In Up Chirtakoot Jail, Mukim Kala Shot Dead By Anshu Dikshit

ଜେଲ ଭିତରେ ହୋଇଥିବା ହତ୍ୟାକାଣ୍ଡକୁ ନେଇ ଆଇନ୍ ଓ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି । ଚିତ୍ରକୂଟ ପୋଲିସର ବରିଷ୍ଠ ଅଧିକାରୀ ଜେଲରେ ସ୍ଥିତି ଅନୁଧ୍ୟାନ କରିଛନ୍ତି । ହତ୍ୟାକାଣ୍ଡକୁ ନେଇ ପ୍ରଶାସନ କହିଛି- ମୁକିମ୍ କାଲା ଓ ମେରଜ ଅଲ୍ଲୀକୁ ହତ୍ୟା ପରେ ଗ୍ୟାଙ୍ଗଷ୍ଟର ଅଂଶୁ ଆଉ ୫ ଜଣ କଏଦୀଙ୍କୁ ବନ୍ଧକ ରଖିଥିଲା । ବାରମ୍ବାର କଏଦୀଙ୍କୁ ଛାଡ଼ିବା ଲାଗି କୁହାଯାଇଥିଲେ ମଧ୍ୟ ଅଂଶୁ ଶୁଣିନଥିଲା ।

ଫଳରେ ପୋଲିସ ଓ ଅଂଶୁ ମଧ୍ୟରେ ଗୁଳିବିନିମୟରେ ଗ୍ୟାଙ୍ଗଷ୍ଟର ଅଂଶୁ ନିହତ ହୋଇଛି । ଏହାପରେ ଜେଲ୍ ପ୍ରଶାସନ ପକ୍ଷରୁ ପୂରା ଜେଲରେ ସର୍ଚ୍ଚ ଅପରେସନ୍ ଚାଲିଛି । ଜେଲରେ ଅଂଶୁ ଏତେ ବଡ଼ ଅପରାଧ କେମିତି ଘଟାଇଲା ? ବିଭିନ୍ନ ଦିଗକୁ ନେଇ ଜେଲ୍ କର୍ତ୍ତୃପକ୍ଷ ତଦନ୍ତ କରୁଛନ୍ତି । ୨୦୨୪ ମସିହାରୁ ଗ୍ୟାଙ୍ଗଷ୍ଟର ଅଂଶୁ ଉତ୍ତରପ୍ରଦେଶ ପୋଲିସ ପାଇଁ ମୁଣ୍ଡବିନ୍ଧାର କାରଣ ପାଲଟିଥିଲା ।

Gangwar In Up Chirtakoot Jail, Mukim Kala Shot Dead By Anshu Dikshit

ଅଂଶୁ ଉପରେ ଅନେକ ଅପରାଧିକ ମାମଲା ରହିଛି । ପୋଲିସକୁ ଚକମା ଦେଇ ଅଂଶୁ ନେପାଳ ଯିବାକୁ ପ୍ରସ୍ତୁତ ହୋଇଥିବା ବେଳେ ଏନକାଉଣ୍ଟରରେ ପୋଲିସ ହାତରେ ୨୦୧୪ ଡିସେମ୍ବର ୫ରେ ଧରା ପଡ଼ିଥିଲା ।

ଅକ୍ସିଜେନ୍ ଅଭାବ, ଗୋଆର ସବୁଠୁ ବଡ଼ କୋଭିଡ୍ ହସ୍ପିଟାଲରେ ୭୪ ଆକ୍ରାନ୍ତ ମୃତ

ପାନାଜୀ: ଗୋଆ ମେଡିକାଲ କଲେଜ ଏବଂ ହସ୍ପିଟାଲରେ ୭୪ ଜଣ ରୋଗୀଙ୍କ ମୃତ୍ୟୁ ହୋଇଛି । ରାଜ୍ୟର ସବୁଠୁ ବଡ଼ କୋଭିଡ୍ ହସ୍ପିଟାଲରେ ଅକ୍ସିଜେନ୍ ଅଭାବରୁ ୪ ଦିନରେ ଜୀବନ ହାରିଛନ୍ତି ୭୪ ଜଣ କରୋନା ଆକ୍ରାନ୍ତ । ଶୁକ୍ରବାର ରାତି ଗୋଟାଏରୁ ସକାଳ ୬ଟା ମଧ୍ୟରେ ୧୩ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।

ସେହିଭଳି ଗୁରୁବାର ସକାଳେ ୧୫ ଜଣଙ୍କ ମୃତ୍ୟୁ ହୋଇଛି । ଏହା ପୂର୍ବରୁ ବୁଧବାର ୨୦ ଜଣ, ମଙ୍ଗଳବାର ୨୬ କରୋନା ଆକ୍ରାନ୍ତ ଅକ୍ସିଜେନ୍ ଅଭାବରୁ ଜୀବନ ହାରିଥିଲେ । ଏସବୁ ପଛରେ ପରିବହନ ସମସ୍ୟା ଥିବା ମେଡିକାଲ କର୍ତ୍ତୃପକ୍ଷ ବମ୍ବେ ହାଇକୋର୍ଟର ଗୋଆ ବେଞ୍ଚକୁ ଜଣାଇଛନ୍ତି ।

74 Deaths At Goa's Biggest Covid Hospital Fighting Oxygen Crisis

ଏହା ପୂର୍ବରୁ ଗୁରୁବାର ଗୋଆ ବେଞ୍ଚ ପିଟିସନର ଶୁଣାଣି ବେଳେ ଗୋଆ ସରକାରଙ୍କୁ ଭତ୍ସନା କରିଥିଲେ । କହିଥିଲେ, ଅକ୍ସିଜେନ୍ ଯୋଗାଣରେ ଅସୁବିଧା ପାଇଁ କରୋନା ଆକ୍ରାନ୍ତଙ୍କୁ ମରିବାକୁ ଛାଡ଼ି ଦିଆଯାଇ ପାରିବ ନାହିଁ । ଏଥିସହ ସନ୍ଧ୍ୟା ୭ଟା ସୁଦ୍ଧା ହସ୍ପିଟାଲ ଓ ସରକାର ଷ୍ଟାଟସ୍ ରିପୋର୍ଟ ଦାଖଲ କରିବାକୁ କୋର୍ଟ ନିର୍ଦ୍ଦେଶ ଦେଇଥିଲେ ।

ମଙ୍ଗଳବାର ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ହସ୍ପିଟାଲ ପରିଦର୍ଶନ କରିଥିଲେ । କହିଥିଲ, ଅକ୍ସିଜେନ୍ ଉପଲବ୍ଧତା ଓ ପରିବହନ ମଧ୍ୟରେ କିଛି ସମସ୍ୟା ଥାଇପାରେ । ଏଥିସହ ଅମ୍ଲଜାନ ଅଭାବ ନଥିବା ମୁଖ୍ୟମନ୍ତ୍ରୀ କହିଥିଲେ ।

ବାତ୍ୟା ‘ତୌକତେ’; ଏମିତି ନାଁ କାହିଁକି ?

ନୂଆଦିଲ୍ଲୀ: କୋଭିଡ କାଳରେ ଆସୁଛି ବାତ୍ୟା ‘ତୌକତେ’। ଏପଟେ ମହାମାରୀରେ ଲୋକେ ଯୁଝୁ ଥିବାବେଳେ ସେପଟେ ପ୍ରାକୃତିକ ବିପର୍ଯ୍ୟୟ ପୁଣି ଚିନ୍ତା ବଢାଇଛି । ଆରବ ସାଗରରେ ଘନିଭୂତ ହୋଇଥିବା ଏହି ବାତ୍ୟା ପାଇଁ ନିକଟବର୍ତ୍ତୀ ଦେଶ ଭୟରେ । ଭାରତୀୟ ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ମେ ୧୭ କିମ୍ବା ୧୮ ତାରିଖରେ ଏହା ଗୁଜୁରାଟରେ ପ୍ରଭାବ ପକାଇପାରେ । ମିଆଁମାରରେ ସ୍ଥଳ ଭାଗ ଛୁଇଁବା ନେଇ ମଧ୍ୟ ଅନୁମାନ କରାଯାଇଛି ।

ସେପଟେ ଏହି ବ୍ୟାତ୍ୟାର ନାଁ ‘ତୌକତେ’ କଣ ପାଇଁ ? କଣ ପାଇଁ ଏଭଳି ଏକ ଅଜବ ନା ଦିଆଯାଇଛି । ନାଁ ପଛରେ ମଧ୍ୟ ରହିଛି କିଛି ତଥ୍ୟ । ମିଆଁମାରର ଭାଷା ଅନୁଯାୟୀ ଏହାର ନାମକରଣ କରାଯାଇଛି । ଯାହାର ଅର୍ଥ ହେଉଁଛି ଜୋରରେ ଶବ୍ଦ କରୁଥିବା ଝିଟିପିଟି । ଠିକ ମିଆଁମାର ଝିଟିପିଟି ଭଳି ଏହି ବ୍ୟାତ୍ୟା ‘ତୌକତେ’ ମଧ୍ୟ ଗର୍ଜନ କରି ଆସୁଥିବା ଜଣାପଡିଛି । ସେପଟେ ବାତ୍ୟା ‘ତୌକତେ’କୁ ନେଇ ଗୁଜୁରାଟ ସରକାର ଜରୁରୀକାଳୀନ ବୈଠକ ଡକାଇଥିଲେ  ।

 

ମାସ୍କ ନପିନ୍ଧିଲେ ଚଳିବ, ଟିକା ନେଇଥିବା ଦରକାର

ଆମେରିକା: ଟିକାନେଲା ପରେ ବାଧ୍ୟତାମୂଳକ ନୁହେଁ ମାସ୍କ ପିନ୍ଧିବା। ଆମେରିକାରେ ସର୍ବାଧିକ ସଂକ୍ରମିତ ଥିବା ବେଳେ ମାସ୍କ ବାଧ୍ୟତାମୂଳକ ନୁହେଁ ବୋଲି ରାଷ୍ଟ୍ରପତି ଜୋ ବାଇଡେନ କହିଛନ୍ତି। CDC ପକ୍ଷରୁ କୁହାଯାଇଛି, ଯେଉଁମାନେ ସମ୍ପୂର୍ଣ୍ଣ ଭାବେ କରୋନାର ୨ ଡୋଜ୍ ଟିକା ନେଇସାରିଛନ୍ତି, ସେମାନେ ବର୍ତ୍ତମାନ ବିପଦମୁକ୍ତ ।

ତେଣୁ ବର୍ତ୍ତମାନ ସ୍ଥିତିରେ ଟିକା ନେଇସାରିଥିବା ବ୍ୟକ୍ତି ଯଦି ମାସ୍କ ନପିନ୍ଧନ୍ତି ତେବେ କୈଣସି ସମସ୍ୟା ନାହିଁ ବୋଲି କହିଛନ୍ତି ଆମେରିକା ଡ୍ରଗ୍ସ କଣ୍ଟୋଲର  । ଟିକା ନେଇଥିବା ବ୍ୟକ୍ତି  ବିନା ମାସ୍କରେ ସର୍ବସାଧାରଣରେ ବୁଲିପାରିବେ । ସଂକ୍ରମିତ ଦେଶ ତାଲିକାରେ ଆମେରିକାର ସ୍ଥାନ ପ୍ରଥମ । ଏହାରି ଭିତରେ ଟିକାକରଣ ମଧ୍ୟ ଚାଲିଛି । ତେବେ ପୂରା କରୋନା ଟିକା ନେଇ ସାରିଥିଲେ ମାସ୍କ ପିନ୍ଧିବା ଜରୁରୀ ନୁହେଁ ବୋଲି ଆମେରିକାର ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି ।

ନୃସଂସ ସ୍ୱାମୀର ନାରକୀୟ କାଣ୍ଡ, ପୁତ୍ର-ପତ୍ନୀକୁ ହତ୍ୟା

କୋରାପୁଟ: ବିସିଂହପୁର ଥାନା ହରଡ଼ାଗୁଡା ଗାଁରେ ବର୍ବରକାଣ୍ଡ । ପତ୍ନୀ ଓ ୫ ବର୍ଷର ଶିଶୁପୁତ୍ରକୁ ନିଷ୍ଠୁର ସ୍ବାମୀ ହତ୍ୟା କରିଥିବା ଅଭିଯୋଗ । ଅଭିଯୁକ୍ତକୁ ସ୍ବାମୀଙ୍କୁ ଗ୍ରାମବାସୀ ଅଟକ ରଖି ପୋଲିସକୁ ଖବର ଦେଇଥିଲେ । ମୃତକ ହେଲେ ଡମୁଣି ମୁଦୁଲି ଏବଂ ଶିଶୁପୃତ୍ର ପବୁଲୁ ମୁଦୁଲି । ହତ୍ୟା ଅଭିଯୁକ୍ତ ଧବୁଲୁ ମୁଦୁଲିକୁ ପୋଲିସ କାବୁ କରି ଥାନାକୁ ନେଇଛି । ସାଇଣ୍ଟିଫିକ୍ ଟିମ୍ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି।

ଏଭଳି କାଣ୍ଡ ଘଟାଇଥିବା ଉକ୍ତ ଅଭିଯୁକ୍ତକୁ ଗ୍ରାମବାସୀ ବାନ୍ଧି ରଖିଥିଲେ । ପରେ ଗ୍ରାମବାସୀ ବିସିଂହପୁର ପୋଲିସକୁ ଖବର ଦେଇଥିବା ଜଣା ପଡ଼ିଛି। ମୃତ ମହିଳା ଡମୁଣି ମୁଦୁଲି ଏବଂ ମୃତ ପୃତ୍ର ପବୁଲୁ ମୁଦୁଲି ବୋଲି ଜଣାପଡିଛି। ହତ୍ୟାକାରୀ ସ୍ୱାମୀ ଧବୁଲୁ ମୁଦୁଲି କୁଁ ପୋଲିସ କାବୁ କରି ଥାନାକୁ ନେଇଛି। ପରେ ସାଇଣ୍ଟଫିକ ଟିମ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଥିବା ଜଣାପଡିଛି ।

ଏବେ ଖୋଲିବନି ନନ୍ଦନକାନନ, ସ୍ଥିତିକୁ ଦେଖି ନିଷ୍ପତ୍ତି

ଭୁବନେଶ୍ୱର: ଏବେ ଖୋଲିବନି ନନ୍ଦନକାନନ। ରାଜ୍ୟରେ କୋଭିଡ ସ୍ଥିତି ଯୋଗୁଁ ପୁଣି ଘୁଞ୍ଚିଚି ନନ୍ଦନକାନନ ଖୋଲିବା ନିଷ୍ପତ୍ତି। କୋଭିଡ କଟକଣା ଭିତରେ ରାଜ୍ୟରେ ଲକଡାଉନ ଜାରି ରହିଛି । ସପ୍ତାହନ୍ତ ସଟଡାଉନ ଜାରି ରହିଛି । ତେଣୁ ବଢୁଥିବା କୋଭିଡ ସ୍ଥିତିକୁ ପରିଲିକ୍ଷିତ କରି ବର୍ତ୍ତମାନ ନନ୍ଦନକାନନ ଏବଂ ରାଜ୍ୟ ବଟାନିକାଲ ଗାର୍ଡେନ ମଧ୍ୟ ନଖୋଲିବା ନେଇ ବିଜ୍ଞପ୍ତି ଜାର କରାଯାଇଛି ।

କୋଭିଡ ସଂକ୍ରିମତଙ୍କ ଶରୀରରେ ୮ ମାସ ରହୁଛି ଆଣ୍ଟିବଡି

ନୂଆଦିଲ୍ଲୀ: ଟିକା ଆସିଛି । ଟିକାକରଣ ବି ଚାଲିଛି । କିନ୍ତୁ କରୋନା କମୁନି। କୋଭିଡକୁ ଏକଦମ ପ୍ରତିହତ କରିବା ପାଇଁ ବିଭିନ୍ନ ଦେଶରେ ଭ୍ୟାକ୍ସିନେସନ କାର୍ଯ୍ୟକ୍ରମ ତ୍ୱରାନିତ ହୋଇଛି । କାରଣ କେବଳ ଗୋଟିଏ, ଭବିଷ୍ୟତରେ ଏହାର ପ୍ରଭାବ ପୁନର୍ବାର ନଆସୁ । କିନ୍ତୁ ନିକଟେରେ ପ୍ରକାଶ ପାଇଥିବା ଏକ ରିପୋର୍ଟ ନିଶ୍ଟୟ ଆଶ୍ଚର୍ଯ୍ୟ କଲା ଭଳି । କୋଭିଡ ୧୯ ଇଫେକ୍ଟେଡ ହେଲା ପରେ ଶରୀରରେ ଆଣ୍ଟିବଡି ଡେଭଲପକୁ ନେଇ ଦେଇଛନ୍ତି କିଛି ଗୁରତୱପୂର୍ଣ୍ଣ ସୂଚନା ।

କିଛି କୋଭିଡ ସଂକ୍ରମିତଙ୍କୁ ନେଇ ଇଟାଲିର ISS ନ୍ୟାସନାଲ ହେଲ୍ଥ ଇନଷ୍ଟିଚ୍ୟୁଟ ଏହି ଷ୍ଟଡ଼ି ଜାରି ରଖିଛି । ଷ୍ଟଡ଼ି ମୁତାବକ ଜଣ କୋଭି଼ଡ ସଂକ୍ରମିତଙ୍କ ଶରୀରରେ ୮ ମାସ ପର୍ଯ୍ୟନ୍ତ ଆଣ୍ଟିବଡି ରହୁଥିବା ଜଣାପଡିଛି । ସେହିପରି ମେଲାନ ସୌନ ରାଫେଲ ହସ୍ପିଟାଲ କହିଛି ଯେଉଁ ବୟସ୍କର ହୁଅନ୍ତୁ କିମ୍ବା ଯେଉଁ ରୋଗରେ ମଧ୍ୟ ସେ ଆକ୍ରାନ୍ତ ହୁଅନ୍ତୁ କୋଭିଡ ଭୂତାଣୁ ବିରୋଧରେ ଆଣ୍ଟିବଡି ରକ୍ତରେ ରହିଥାଏ । କୋଭିଡ ବିପକ୍ଷରେ ଆଣ୍ଟିବଡି ଡେଭଲପ୍ ଜାରି ରହିଲେ ଭୁତାଣୁ ସୋପ ପାଇଥାଏ ବୋଲି ରିପୋର୍ଟରେ ପ୍ରକାଶ କରିଛନ୍ତି ଏକ୍ସପର୍ଟ ଟିମ ।

ପ୍ରାଥମିକ ସ୍ତରରେ ଇଟାଲିର ନ୍ୟାସନାଲ ହେଲ୍ଥ ଇନଷ୍ଟିଚ୍ୟୁଟ ୧୬୨ ଜଣ କୋଭିଡ ପଜଡିଭ ଆକ୍ରାନ୍ତଙ୍କୁ ନେଇ ଏହି ପରୀକ୍ଷା ଆରମ୍ଭ କରିଦେଇଥିଲେ । ଯେଉଁମାନଙ୍କୁ ପ୍ରଥମ ଲହର ସମୟରେ ଏମରଜେନ୍ସି ରୁମରେ ରଖାଯାଇଥିଲା । ସେମାନଙ୍କ ବ୍ଲଡ ସାମ୍ପୁଲ ମଧ୍ୟ ନିୟମିତ ପରୀକ୍ଷା କରାଯାଉଥିଲା । ମାର୍ଚ୍ଚ ମାସରୁ ଏପ୍ରିଲ ମଧ୍ୟରେ ଏହା ସଂଗ୍ରହ କରାଯାଇଥିଲା । ଯେଉଁଥିରୁ ୨୯ ଜଣଙ୍କ ମୃତ୍ୟୁ ଘଟିଥିବା ଜଣାପଡିଛି । ଏହି ପରୀକ୍ଷାରେ ଅଧିକାଂଶ ଲୋକଙ୍କ ଶରୀରରେ ୮ ମାସ ପର୍ଯ୍ୟନ୍ତ ଆଣ୍ଟିବଡି ଅର୍ଥାତ ରୋଗ ପ୍ରତିରୋଧକ ଶକ୍ତି ରହିଥିବା ଜଣା ପଡିଥିଲା । ଏବଂ ତିନି ଜଣଙ୍କ ଠାରେ ଆଦୌ ଆଣ୍ଟି ବଡି ପରିଲିଖିତ ହୋଇନଥିବା ଜଣାପଡିଛି ।

ଚାପ ଖେଳିବେ ମହାପ୍ରଭୁ, କଟକଣାରେ ହେବ ଚନ୍ଦନଯାତ୍ରା

ପୁରୀ: ଶନିବାର ଚନ୍ଦନଯାତ୍ରା । ଚାପ ଖେଳିବେ ମହାପ୍ରଭୁ । ପୁରୀରେ ଚନ୍ଦନଯାତ୍ରା ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ଚନ୍ଦନଯାତ୍ରା ପାଇଁ ପୁରୀରେ ପ୍ରଶାସନ ପକ୍ଷରୁ ୧୪୪ ଧାରା ଲାଗୁ କରାଯିବ । ନରେନ୍ଦ୍ର ପୁଷ୍କରିଣୀ ଓ ଶ୍ରୀମନ୍ଦିର ପ୍ରଶାସନ ସମ୍ମୁଖରେ ୧୪୪ ଧାରା ଲାଗୁ କରାଯିବ । ସେହିପରି ୬ଟି ଏନଫୋର୍ସମେଣ୍ଟ ସ୍କ୍ବାଡ୍‌ ରହିବ ।

ଏସଓପି ଅନୁସାରେ କେବଳ ପାସ୍‌ଥିବା ସେବାୟତ ଓ କର୍ମଚାରୀଙ୍କୁ ଅନୁମତି ଦିଆଯିବ । ସେପଟେ ଚନ୍ଦନଯାତ୍ରା ପାଇଁ ନନ୍ଦା, ଭଦ୍ରା, ଧନ୍ବନ୍ତରୀ ଚାପଡ଼ଙ୍ଗାରେ ବେଦୀ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଛି । ଏଥର ଚନ୍ଦନଯାତ୍ରା ସୀମିତ ସେବାୟତରେ କୋଭିଡ୍‌ କଟକଣାରେ ହେବ । ଯେଉଁ ସେବାୟତ ଚନ୍ଦନଯାତ୍ରା ନୀତିରେ ସାମିଲ ହେବେ ସେମାନଙ୍କ କୋଭିଡ୍‌ ଟେଷ୍ଟ କରାଯାଉଛି । ନେଗେଟିଭ ସେବାୟତ ହିଁ ଏଥିରେ ସାମିଲ ହେବେ ।

ଅନାଥାଶ୍ରମରେ କରୋନା, ୩୪ ଅନ୍ତେବାସୀ ସଂକ୍ରମିତ

ନୂଆପଡ଼ା: ଅନାଥାଶ୍ରମରେ କରୋନା । ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ୍‌ର ଦୁଇଟି ଅନାଥାଶ୍ରମର ଅନ୍ତୋବାସୀ କରୋନାରେ ଆକ୍ରାନ୍ତ ହୋଇଛନ୍ତି । ଦୁଇ ଆଶ୍ରମର ୩୪ ଜଣ ଅନ୍ତେବାସୀ କରୋନାରେ ସଂକ୍ରମିତ ହୋଇଛନ୍ତି । ଆଶ୍ରମର ସ୍ୱତନ୍ତ୍ର କୋଠରୀରେ ଏହି ଶିଶୁମାନଙ୍କର ଚିକିତ୍ସା ଜାରି ରହିଥିବା ଜଣାପଡିଛି ।

ଗୋଟେପଟେ ସମଗ୍ର ଦେଶରେ କୋଭିଡକୁ ନଇ କଟକଣା ଜାରି ରହିଛି । କୋଭଡିର ପ୍ରାଦୁର୍ଭାବରୁ ବର୍ତ୍ତିବା ପାଇଁ ସରକାର କଟକଣା ମଧ୍ୟ ଜାରି କରିଛନ୍ତି । ସ୍କୁଲ- କଲେଜ ମଧ୍ୟ ବନ୍ଦ ରହିଛି । କିନ୍ତୁ ଅନାଥାଶ୍ରମରେ କୋଭିଡ ପଜେଟିଭ ଟିହ୍ନଟ ହୋଇଥିବା ଆଜି ଜଣା ପଡିଛି ।