spot_img
Home Blog Page 5794

ପୁରୀରେ ବଦଳିଲା ଟିକାକରଣ କେନ୍ଦ୍ର: ଜାଣନ୍ତୁ କେଉଁଠି ଦିଆଯିବ ଟିକା

ପୁରୀ: ଟିକାକରଣ କେନ୍ଦ୍ରରେ ପରିବର୍ତ୍ତନ । ସୋମବାର ଠାରୁ ଅର୍ବାନ ପ୍ରାଇମେରୀ ହେଲ୍ଥ ସେଣ୍ଟରରେ ଟିକାକରଣ ହେବ ନାହିଁ । ଏହା ପରିବର୍ତ୍ତେ ଷ୍ଟେସନ୍ ରୋଡ୍ ସ୍ଥିତ ଜିଲ୍ଲା ସ୍କୁଲ, ଡାଇମଣ୍ଡ ରୋଡ୍ ସ୍ଥିତ ବେଟ୍ରିକ ସ୍କୁଲ, ଲୋକନାଥ ରୋଡ୍‌ ସ୍ଥିତ ଗଦାଧର ସ୍କୁଲ, ଭିଆଇପି ରୋଡ୍ ସ୍ଥିତ କନଭେ୍ଟ ସ୍କୁଲ, ଗ୍ରାଣ୍ଡ ରୋଡ୍ ସ୍ଥିତ ବଳଗଣ୍ଡି ସ୍କୁଲ ଓ ଭୋଳାନାଥ ସ୍କୁଲରେ ଟିକାକରଣ କାର୍ଯ୍ୟକ୍ରମ ହେବ । ସକାଳ ୮. ଘଣ୍ଟାରୁ ରୁ ଦିନ ୧୨ ଘଣ୍ଟା ଓ ଅପରାହ୍ଣ ୩ ଘଣ୍ଟାରୁ ରୁ ୬ ଘଣ୍ଟା ଯାଏଁ ଟିକାକରଣ କାର୍ଯ୍ୟକ୍ରମ ଅନୁଷ୍ଠିତ ହେବ ।

ଏଥିସହିତ ପଢ଼ନ୍ତୁ: Delhi Lockdown Extension: ଦିଲ୍ଲୀରେ ଚତୁର୍ଥ ଥର ପାଇଁ ବଢିଲା ଲକଡାଉନ୍,୨୪ ମେ ପର୍ଯ୍ୟନ୍ତ କଟକଣା

ଯୁବକଙ୍କୁ ଅଧିକ ଆକ୍ରାନ୍ତ କରୁଛି ବ୍ଲାକ୍ ଫଙ୍ଗସ, ପୂର୍ବ ତୁଳନାରେ ହୋଇଛି ଅଧିକ ଭୟଙ୍କର

ନୂଆଦିଲ୍ଲୀ: ବିପଦ ବଢ଼ୁଛି ପଛେ କମିବାର ନାଁ ହିଁ ଧରୁନି। ଲାଗୁଛି ଯେମିତି ଏବେ ପୁରା ବିଶ୍ୱକୁ କେହି ଅଭିସାପ ଦେଇଛି। କାରଣ ଗୋଟିଏ ପରେ ଗୋଟିଏ ରୋଗରେ ଲୋକେ ଆକ୍ରାନ୍ତ ହେଉଛନ୍ତି। ଯୁବକଙ୍କ ଠାରୁ ବୃଦ୍ଧ ଏବେ ଘର କଣରେ ଭୟରେ ଲୁଚି ରହୁଛନ୍ତି। କେବଳ ରୋଗରୁ ବଞ୍ଚିବା ପାଇଁ। କରୋନାର ଦ୍ୱିତୀୟ ପ୍ରବାହ ପରେ ଏବେ ଦେଶରେ ଆତଙ୍କ ଖେଳାଇଛି ବ୍ଲାକ୍‌ ଫଙ୍ଗସ୍‌। ଦେଶରେ କ୍ରମାଗତ ଭାବରେ ଏହି ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଆଶ୍ଚର୍ଯ୍ୟର କଥା ହେଉଛି ଏଥର ଏହି ରୋଗ ଯୁବକମାନଙ୍କୁ ଅଧିକ ପରିମାଣରେ ପ୍ରଭାବିତ କରୁଛି। ଗତ ବର୍ଷ ତୁଳନାରେ ଏଥର ବ୍ଲାକ୍‌ ଫଙ୍ଗସ୍ ଅଧିକ ମାରାତ୍ମକ ହୋଇଛି। ସବୁଠାରୁ ବଡ଼ କଥା ହେଉଛି କରୋନା ସଂକ୍ରମଣରୁ ଠିକ୍‌ ହେବାର କିଛି ସମୟ ମଧ୍ୟରେ ଏହି ରୋଗରେ ଆକ୍ରାନ୍ତ ହେଉଛନ୍ତି ଲୋକେ।

ଦିଲ୍ଲୀରେ ଏବେ ବ୍ଲାକ୍‌ ଫଙ୍ଗସରେ ପିଡ଼ିତ ୪୫ ଜଣ ରୋଗୀ ଚିକିତ୍ସିତ ହେଉଛନ୍ତି। ସେଥିମଧ୍ୟରୁ ୩୦ ଜଣ ରୋଗୀ ସାର୍ ଗଙ୍ଗା ରାମ ଡାକ୍ତରଖାନାରେ ୧୦ ଜଣ ଦିଲ୍ଲୀ ଏମ୍ସରେ ଏବଂ ଅନ୍ୟ ୫ଜଣ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏହି ରୋଗ ଏତେ ଭୟଙ୍କରଯେ ଏହି ରୋଗରେ ପିଡ଼ିତ ଲୋକଙ୍କୁ ସିଧା ଆଇସିୟୁରେ ଭର୍ତ୍ତି କରିବାକୁ ପଡ଼ୁଛି। ତିଳେମାତ୍ର ବିଳମ୍ବ କଲେ କରୋନାକୁ ହରାଇ ଆସିଥିବା ବ୍ୟକ୍ତି ବ୍ଲାକ୍‌ ଫଙ୍ଗସ ଆଗରେ ହାର ମାନିଯିବ।  ସେପଟେ ଡାକ୍ତରଙ୍କର କହିବା କଥା ହେଉଛି ଏବେ ବ୍ଲାକ୍‌ ଫଙ୍ଗସରେ ପିଡ଼ିତ ରୋଗୀ ଚିକିତ୍ସା ପାଇଁ ଅନେକ ଆସୁଛନ୍ତି। ଏହି ରୋଗ କରୋନାରୁ ସୁସ୍ଥ ହେଉଥିବା ବ୍ୟକ୍ତି କିମ୍ବା ପୁରା ସୁସ୍ଥ ହୋଇସାରିଥିବା ବ୍ୟକ୍ତଙ୍କ ମଧ୍ୟରେ ଦେଖିବାକୁ ମିଳୁଛି।

ସାର ଗଙ୍ଗାରାମ ଡାକ୍ତରଖାନା ହେଉ କି ଦିଲ୍ଲୀ ଏମ୍ସ। ଭର୍ତ୍ତି ହୋଇଥିବା ବ୍ଲାକ୍‌ ଫଙ୍ଗସ୍‌ ରୋଗୀଙ୍କ ମଧ୍ୟରୁ ଯୁବ ମାନଙ୍କର ସଂଖ୍ୟା ବହୁତ ଅଧିକ ରିଛି। ତେବେ ଗଙ୍ଗାରାମ ଡାକ୍ତରଖାନାର ଜଣେ ଚକ୍ଷୁ ଡାକ୍ତରଙ୍କ କହିବା ଅନୁଯାୟୀ ଗତ ବର୍ଷ ଏହି ରୋଗରେ ବୟସ୍କ ଲୋକ ଅଧିକ ସଂକ୍ରମିତ ହେଉଥିଲେ କିନ୍ତୁ ଏବେ ଏହି ରୋଗରେ ୩୦ରୁ ୫୦ ବର୍ଷର ବ୍ୟକ୍ତି ମଧ୍ୟ ଅଧିକ ସଂକ୍ରମିତ ହେଉଛନ୍ତି। ଡାକ୍ତରଙ୍କ କହିବା ଅନୁଯାୟୀ ଏହି ରୋଗ ଏବେ ତାର ରୂପକୁ ପରିବର୍ତ୍ତନ କରି ଅଧିକ ଘତକ ହୋଇଛି। କରୋନାରୁ ସୁସ୍ଥ ହେଉଥିବା ଲୋକଙ୍କୁ ଅଧିକ ଆକ୍ରାନ୍ତ କରୁଛି।

ଏହା ମସ୍କିଷ୍କ, ଫୁସଫୁସ ଏବଂ ଚର୍ମ ଉପରେ ପ୍ରଭାବ ପକାଉଛି। କେବେ କେବେ ଆଖିର ରଶ୍ମୀ ମଧ୍ୟ ଚାଲିଯାଏ ଏବଂ ନାକର ହାଡ଼ ମଧ୍ୟ ପ୍ରଭାବିତ ହୁଏ । ଏହାଦ୍ୱାରା ମୁହଁରେ ଯନ୍ତ୍ରଣା, ମୁଣ୍ଡବିନ୍ଧା, ସାଇନସ ସମସ୍ୟା, ନାକରେ ଯନ୍ତ୍ରଣା ଏବଂ ଜ୍ୱର ଭଳି ସମସ୍ୟା ହୁଏ । ଫୁସଫୁସରେ ଏହି ରୋଗ ହେବାଦ୍ୱାରା କାଶ, ଛାତି ଯନ୍ତ୍ରଣା ଏବଂ ନିଃଶ୍ୱାସ ନେବାରେ ସମସ୍ୟା ଦେଖାଦିଏ । କେବଳ ସେତିକି ନୁହେଁ ଚର୍ମ କଳା ପଡ଼ିଯିବା ଭଳି ସମସ୍ୟା ଦେଖାଦିଏ । ଏହା ସହିତ ପେଟ ଯନ୍ତ୍ରଣା ମଧ୍ୟ ହୁଏ ।

ତେବେ ଏହି ବ୍ଲାକ୍‌ ଫଙ୍ଗସରୁ କେମିତି ରକ୍ଷା ପାଇବେ। ଡାକ୍ତରଙ୍କର କହିବା ଅନୁଯାୟୀ ପ୍ରଥମେ କରୋନା ରୋଗୀଙ୍କ ବ୍ଲଡ୍‌ ସୁଗାର ସ୍ତରକୁ ନିୟନ୍ତ୍ରଣ କରିବା ଜରୁରି। ଖାଲି ସେତିକି ନୁହେଁ, ଡାକ୍ତରଖାନାରେ ଭର୍ତ୍ତି ହୋଇଥିବା କରୋନା ସଂକ୍ରମିତ ବ୍ୟକ୍ତିଙ୍କୁ ଠିକ୍‌ ସମୟରେ ଏବଂ ଠିକ୍‌ ପରିମାଣରେ ଷ୍ଟେରଏଡ ଦିଆଯାଉଛି କି ନାହିଁ ତାହା ଉପରେ ଧ୍ୟାନ ଦେବା ଆବଶ୍ୟକ। ଷ୍ଟେରଏଡ ନେଉଥିବା ରୋଗୀଙ୍କୁ ଏହି ରୋଗ ହେବାର ଅଧିକ ବିପଦ ରହିଛି। କାରଣ ଷ୍ଟେରଏଡ ଦେହରେ ରୋଗ ପ୍ରତିରୋଧକ ତନ୍ତ୍ରକୁ ଦୁର୍ବଳ କରିଦେଇଥାଏ। ଏହି କାରଣରୁ ବ୍ଲାକ୍‌ ଫଙ୍ଗସ ତାର କାୟା ବିସ୍ତାର କରିବାକୁ ସୁଯୋଗ ପାଇଥାଏ। ତେବେ ବ୍ଲାକ୍‌ ଫଙ୍ଗସର ଲକ୍ଷଣକୁ ପ୍ରଥମରୁ ଚିହ୍ନି ତାର ଚିକିତ୍ସା କହିବା ଜରୁରୀ ।

ସମସ୍ତଙ୍କୁ ଜଣାଇଦେବାକୁ ଚାହୁଁଛୁ ଯେ ଯେଉଁ ମାନେ କରୋନା ସଂକ୍ରମିତ ହେବା ପରେ ଘରେ ହୋମ ଆଇସୋଲେସନ୍‌ରେ ରହିଛନ୍ତି। ସେମାନେ ଡାକ୍ତରଙ୍କର ବିନା ପରାମର୍ଶରେ କୌଣସି ଔଷଧ ଖାଆନ୍ତୁ ନାହିଁ। କାରଣ ଡାକ୍ତରଙ୍କ ପରାମର୍ଶ ବିନା ଔଷଧ ଖାଇଲେ ବ୍ଲାକ୍‌ ଫଙ୍ଗସର ଶୀକାର ହୋଇପାରନ୍ତି।

ତେବେ ବ୍ଲାକ୍‌ ଫଙ୍ଗସରୁ ବଞ୍ଚିବା ପାଇଁ ମ୍ୟୁକୋରମାଇକୋସିସର ଚିକିତ୍ସା ଆବଶ୍ୟ । ଯାହା ଅତ୍ୟନ୍ତ ମହଙ୍ଗା ଏବଂ ବହୁତ କଷ୍ଟ। ଚିକିତ୍ସା ସମୟରେ ରୋଗୀଙ୍କୁ ୧୫ ରୁ ୨୧ ଦିନ ପର୍ଯ୍ୟନ୍ତ ଆମ୍ଫୋସିନ୍-ବି ଇଞ୍ଜେକ୍ସନ ଦିଆଯାଏ। ଯଦି ଆବଶ୍ୟକ ହୁଏ, ବାଇନୋକୁଲାର ମାଧ୍ୟମରେ ନାକରୁ କବକକୁ ବାହାର କରିବା ପାଇଁ ଅସ୍ତ୍ରୋପଚାର ମଧ୍ୟ କରାଯାଏ। ଏହି ଚିକିତ୍ସା ରୋଗୀର ଓଜନ ଉପରେ ନିର୍ଭର କରି ରୋଗୀକୁ ପ୍ରତିଦିନ ୬ ରୁ ୯ଟି ଇଞ୍ଜେକ୍ସନ ଦେବାକୁ ପଡ଼ିଥାଏ। ଗୋଟିଏ ଗରିବ ଶ୍ରେଣିର ବ୍ୟକ୍ତି ଏହି ଚିକିତ୍ସା କରିବା ଅସମ୍ଭବ। କାରଣ ଏହି ରୋଗକୁ ଭଲ କରିବା ପାଇଁ ବ୍ୟବହାର ହେଉଥିବା ଇଞ୍ଜେକ୍ସନର ମୂଲ୍ୟ ୬ ରୁ ୭ ହଜାର ଟଙ୍କା। ଏବଂ ୨୦ ରୁ ୨୮ ଦିନ ମଧ୍ୟରେ ଏହି ଇଞ୍ଜେକ୍ସନ ଦେବାରେ ୧୩ରୁ ୧୪ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ।

କରୋନା ସଂକଟ କାଳରେ ଦେଶ ସହ ଛିଡ଼ା ହୋଇଛି ଓଡ଼ିଶା: ୧୩ ରାଜ୍ୟକୁ ପଠାଇଲାଣି ୧୪୨୯୪ ମାଟ୍ରିକ୍ ଟନ୍ ଅକ୍ସିଜେନ୍

ଭୁବନେଶ୍ୱର:  କରୋନା ସଂକଟ କାଳରେ ଦେଶ ସହ ଛିଡ଼ା ହୋଇଛି ଓଡ଼ିଶା । ଦେଶରେ କରୋନାର ଦ୍ୱିତୀୟ ପ୍ରବାହ ଆତଙ୍କ ସୃଷ୍ଟି କରିଛି । ଅନେକ ରାଜ୍ୟ ବେଡ୍ ସହ ଅକ୍ସିଜେନ୍ ଅଭାବକୁ ନେଇ ଚିନ୍ତାରେ ଅଛନ୍ତି । ଅମ୍ଲଜାନ ନିଅଣ୍ଟ ପଡ଼ୁଥିବାରୁ ରୋଗୀଙ୍କ ମୃତ୍ୟୁ ହେଉଛି । ଦେଶର ଏଭଳି ଘଡ଼ିସନ୍ଧି ମୁହୂର୍ତ୍ତରେ ତ୍ରାଣକର୍ତ୍ତା ସାଜିଛନ୍ତି ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଭିନ୍ନ ରାଜ୍ୟକୁ ଅକ୍ସିଜେନ ପଠାଇବାକୁ ନିର୍ଦ୍ଦେଶ ଦେଇଛନ୍ତି । ଏହା ପରେ ଏଯାବତ୍ ମୋଟ  ୭୭୭ ଟ୍ୟାଙ୍କରରେ ୧୪୨୯୪.୧୪୧ ମାଟ୍ରିକ୍ ଟନ୍  ମେଡିକାଲ ଅକ୍ସିଜେନ ପଠାଇଛି ଓଡ଼ିଶା । ଆଉ ଏହି ଅକ୍ସିଜେନ ପ୍ରେରଣରେ ସାରଥି ସାଜିଛି ଓଡ଼ିଶା ପୋଲିସ ।

          ଏଯାବତ୍ ଆନ୍ଧ୍ର ପ୍ରଦେଶକୁ ୨୩୬ ଟ୍ୟାଙ୍କରରେ ୪୬୪୨.୧୨୯ ମାଟ୍ରିକ୍ ଟନ୍ , ତେଲେଙ୍ଗାନାକୁ ୨୦୪ ଟ୍ୟାଙ୍କରରେ ୩୪୬୪ ମାଟ୍ରିକ୍ ଟନ୍, ହରିୟାଣାରୁ ୧୧୩ ଟ୍ୟାଙ୍କରରେ  ୨୧୨୧.୭୨୨ ମାଟ୍ରିକ୍ ଟନ୍, ମଧ୍ୟ ପ୍ରଦେଶକୁ ୫୮ ଟ୍ୟାଙ୍କରରେ ୧୦୨୫.୪୮ ମାଟ୍ରିକ୍ ଟନ୍, ଉତ୍ତରପ୍ରଦେଶ ୪୭ ଟ୍ୟାଙ୍କରରେ ୯୨୧.୮୫୧ ମାଟ୍ରିକ୍ ଟନ୍, ମହାରାଷ୍ଟ୍ର  ୩୪ ଟ୍ୟାଙ୍କରରେ ୫୬୬.୬୭୧ ମାଟ୍ରିକ୍ ଟନ୍, ଛତିଶଗଡ଼ ୨୬ ଟ୍ୟାଙ୍କରରେ ୩୯୯.୨୮୨ ମାଟ୍ରିକ୍ ଟନ୍, ଦିଲ୍ଲୀ ୨୨ ଟ୍ୟାଙ୍କରରେ ୪୧୦.୨୪ ମାଟ୍ରିକ୍ ଟନ୍, ତାମିଲନାଡ଼ୁ ୨୨ ଟ୍ୟାଙ୍କରରେ ୪୦୮.୦୮୭ ମାଟ୍ରିକ୍ ଟନ୍, କର୍ଣ୍ଣାଟକ ୬ ଟ୍ୟାଙ୍କରରେ ୧୨୦.୯୬ ମାଟ୍ରିକ୍ ଟନ୍ , ପଞ୍ଜାବ ୪ ଟ୍ୟାଙ୍କରରେ ୧୦୭.୮୯ ମାଟ୍ରିକ୍ ଟନ୍, ବିହାର ୩ ଟ୍ୟାଙ୍କରରେ ୬୬.୧୪ ମାଟ୍ରିକ୍ ଟନ୍ ଓ ରାଜସ୍ଥାନକୁ ୨ ଟ୍ୟାଙ୍କରରେ ମୋଟ ୩୯.୪୨ ମାଟ୍ରିକ୍ ଟନ୍ ମେଡିକାଲ ଅକ୍ସଜେନ୍ ପଠାଯାଇଛି ।

ଗଛ ମୂଳେ କରୋନା ଆକ୍ରାନ୍ତ, ଡ଼ାଳରେ ଝୁଲୁଛି ସାଲାଇନ

ପାଟନା: ନିମ୍ବ ଗଛ ମୂଳେ ଲାଗିଛି ସାଲାଇନ । କୋଭିଡ ଆକ୍ରାନ୍ତଙ୍କ ଚାଲିଛି ଚିକିତ୍ସା । ଏଭଳି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଚିତ୍ରଟି ଉତ୍ତରପ୍ରଦେଶର ଗୌତମ ବୁଦ୍ଧ ନଗର ଅଞ୍ଚଳର ହୋଇଥିବା ଜଣା ପଡିଛି ।

ଭାଇରାଲ ଭିଡିଓରୁ ମିଳିଥିବା ଖବର ମୁତାବକ କୋଭିଡ ଆକ୍ରାନ୍ତ ହୋଇଥିବା କିଛି ବ୍ୟକ୍ତି ମେଡିକାଲ ପରିବର୍ତ୍ତେ ନିମ୍ବ ଗଛ ମୂଳେ ଚିକିତ୍ସିତ ହେଉଛନ୍ତି । ସେମାନଙ୍କ ସ୍ବାସ୍ଥ୍ୟର ଦେଖାଶୁଣା କରିବା ପାଇଁ ଜଣେ ବ୍ୟକ୍ତି ପାଖରେ ବସିଥିବା ମଧ୍ୟ ଭିଡିଓରୁ ଦେଖିବାକୁ ମିଳିଛି ।

କିନ୍ତୁ ସବୁଠାରୁ ଆଶ୍ଚର୍ଯ୍ୟଜନକ ଖବର ହେଉଛି ଉକ୍ତ ସଂକ୍ରମିତ ବ୍ୟକ୍ତିଙ୍କୁ ସାଲାଇନ ସଂଯୋଗ କରାଯାଇଛି । କିନ୍ତୁ କୌଣସି ମେଡିକାଲ ସାମଗ୍ରୀ ପାଖରେ ନଥିବାବେଳେ ଗଛର ଡାଳରେ ବନ୍ଧାଯାଇଛି ସାଲାଇନ ବୋଟଲ । ଏବଂ ଖଟିଆ ଉପରେ ଶୋଇ ରହିଛନ୍ତି ଆକ୍ରାନ୍ତ । କିନ୍ତୁ ଏଠି କୌଣସି ଆଇସୋଲେସନ ୱାର୍ଡ ନଥିବାବେଳେ କୋଭିଡ ଆକ୍ରାନ୍ତ ଖୋଲା ସ୍ଥାନରେ ଚିକିତ୍ସିତ ହେଉଛନ୍ତି । ଯଦ୍ବାରା ସଂକ୍ରମଣ କମିବା ପରିବର୍ତ୍ତେ ବାୟୁରେ ବାପିବା ନୋଇ ସନ୍ଦେହ ସୃଷ୍ଟି ହୋଇଛି ।

ଭୁବନେଶ୍ୱର ଝାରପଡ଼ା ଜେଲରେ ଜଣେ ବିଚାରାଧୀନ କଏଦୀଙ୍କର କୋଭିଡ୍‌ରେ ମୃତ୍ୟୁ

ଭୁବନେଶ୍ୱର: ଭୁବନେଶ୍ୱର ଝାରପଡ଼ା ଜେଲରେ ଜଣେ ବିଚାରାଧୀନ କଏଦୀଙ୍କର କୋଭିଡ୍‌ରେ ମୃତ୍ୟୁ ହୋଇଛି । କଟକ ବଡ଼ ମେଡ଼ିକାଲରେ ଏହି କଏଦୀଙ୍କର ମୃତ୍ୟୁ ହୋଇଛି । ମୃତକ ହେଲେ ୪୫ ବର୍ଷୀୟ ତ୍ରିପତି ମହାନ୍ତି । ଜେଲରେ ପୂର୍ବରୁ ୩ ଥର କୋଭିଡ୍‌ ଟେଷ୍ଟ ହୋଇଥିଲେ ବି ତାଙ୍କର ରିପୋର୍ଟ ନେଗେଟିଭ ଆସିଥିଲା । କିନ୍ତୁ ଗତ ୧୧ ତାରିଖରେ ତ୍ରିପତି ଅସୁସ୍ଥ ହେବାରୁ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ପରେ ଗୁରୁତର ହେବାରୁ ଏମ୍ସକୁ ନିଆଯାଇଥିଲା । ଗତକାଲି ସେଠାରୁ କଟକ ବଡ଼ମେଡିକାଲ ସ୍ଥାନାନ୍ତର କରାଯାଇଥିଲା । ଆଜି ସକାଳେ ତାଙ୍କର ମୃତ୍ୟୁ ଘଟିଛି । ଚଳିତବର୍ଷ ୩ ଜଣ କଏଦୀଙ୍କ ମୃତ୍ୟୁ ହୋଇଛି। ଜେଲରେ ଥିବା କଏଦୀମାନକୁ ଟୀକା ଦେବା ପାଇଁ ଚିଠି ଲେଖା ହୋଇଛି । ଜେଲ ସାନିଟାଇଜ କରିବାକୁ ବିଏମସିକୁ ଅବଗତ କରାଯାଇଛି । ଜେଲ ଡିଆଇଜି ଶୁଭକାନ୍ତ ମିଶ୍ର ଏହି ସୂଚନା ଦେଇଛନ୍ତି ।

ପାଇରେଟେଡ୍‌ ସାଇଟରେ ରାଧେର ଷ୍ଟ୍ରିମିଂ, ସଲମାନ ରାଗିଯାଇ ଦେଲେ ଚେତାବନୀ

ନୂଆଦିଲ୍ଲୀ: ପ୍ରତି ବର୍ଷ ଇଦ୍‌ରେ ସଲମାନ ଖାନଙ୍କ ଗୋଟିଏ ନୂଆ ଚଳଚ୍ଚିତ୍ର ଚଳଚିତ୍ର ବଜାରକୁ ଆସିଥାଏ। ଏଥର ମଧ୍ୟ ଦର୍ଶକଙ୍କ ମନକୁ କରୋନା କାଳରେ ଝୁମେଇବା ପାଇଁ ରିଲିଜ ହୋଇଛି ରାଧେ। ମୋଷ୍ଟ ଓ୍ୱାଣ୍ଟେଡ ସମସ୍ତଙ୍କର ଚାହିଦା ଭାଇଜାନ୍‌ଙ୍କ ଏହି ଚଳଚିତ୍ର ଇଦ୍‌ରେ ମୁକ୍ତିଲାଭ କରିଛି। ରିଲିଜ ହେବା ପରେ ସଲମାନଙ୍କ ଫିଲ୍ମ ଭଲ ଇନ୍‌କମ୍‌ରେ ଭଲ ରେକର୍ଡ କରିଛି। କିନ୍ତୁ ଗୋଟିଏ ପଟେ ସଲମାନ ତାଙ୍କ ଚଳଚ୍ଚିତ୍ରର ଏହି ସଫଳତାକୁ ନେଇ ଖୁସି ଥିବା ବେଳେ, ଅନ୍ୟପଟେ ତାଙ୍କ ଚଳଚ୍ଚିତ୍ର ପାଇରେଟେଡ ସାଇଟରେ ପ୍ରସାରିତ ହୋଇଥିବାରୁ ସେ ତାଙ୍କର କ୍ରୋଧ ପ୍ରକାଶ କରିଛନ୍ତି।  ସଲମାନ ଟ୍ୱିଟ୍ କରି ପାଇରେଟେଡ ସାଇଟ ବିରୋଧରେ ଅସନ୍ତୋଷ ବ୍ୟକ୍ତ କରିଛନ୍ତି।

ଅଭିନେତା ଟ୍ୱିଟ୍ କରି କହିଛନ୍ତି – ‘ଆମେ ଆପଣଙ୍କୁ ରାଧେ ଚଳଚ୍ଚିତ୍ର ବହୁତ କମ୍‌ ୨୪୯ ଟଙ୍କାରେ ଦେଖାଇଲୁ।ଏହା ସତ୍ତ୍ୱେ ପାଇରେଟେଡ ସାଇଟଗୁଡିକ ରାଧେକୁ ବେଆଇନ ଭାବରେ ଷ୍ଟ୍ରିମ୍ କରୁଛନ୍ତି, ଯାହା ଏକ ଗୁରୁତର ଅପରାଧ। ଏହି ଡକାୟତି ହୋଇଥିବା ସାଇଟଗୁଡିକ ବିରୁଦ୍ଧରେ ସାଇବର ସେଲ୍ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଦୟାକରି ଡକାୟତି ସହିତ ଜଡିତ ହୁଅନ୍ତୁ ନାହିଁ ନଚେତ୍ ସାଇବର ସେଲ୍ ମଧ୍ୟ ଆପଣଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ।

ଯଦି ଦେଖିବା ତେବେ ରାଧେ ପିଲ୍ମକୁ ୟୁଏଇରେ ୫୦% ପ୍ରେକ୍ଷାଳୟର କ୍ଷମତା ସହିତ ମୁକ୍ତିଲାଭ କରାଯାଇଥିଲା। ​​ ୟୁଏଇରେ ଉଦଘାଟନୀ ଦିବସରେ ରାଧେ ୩୭୯,୦୦୦ ଆମେରିକୀୟ ଡଲାର ସଂଗ୍ରହ କରିଥିଲା, ଯାହା ଭାରତୀୟ ମୁଦ୍ରା ଅନୁଯାୟୀ ୨୭୭୭,୨୭୭୮ କୋଟି ଅଟେ। ଏହା କେବଳ ସଲମାନ ଖାନଙ୍କ ପୂର୍ବ ଚଳଚ୍ଚିତ୍ର ଦବଙ୍ଗ ୩ ଠାରୁ ଅଧିକ ନୁହେଁ ବରଂ ‘ଗରଜିଲା ବରସେସ କଙ୍ଗ’ ଅପେକ୍ଷା ଅଧିକ ଲାଭ ହୋଇଛି ।

ହାଇଦ୍ରାବାଦରେ ପହଞ୍ଚିଲା ଋଷ କରୋନା ଟିକା ସ୍ପୁଟନିକ୍-ଭି

ହାଇଦ୍ରାବାଦ: ହାଇଦ୍ରାବାଦରେ ପହଞ୍ଚିଲା ଋଷ କରୋନା ଟିକା ସ୍ପୁଟନିକ୍-ଭି । ସ୍ୱତନ୍ତ୍ର ବିମାନ ଯୋଗେ ଦ୍ବିତୀୟ ପର୍ଯ୍ୟାୟ ଟିକା ଆଜି ହାଇଦ୍ରାବାଦରେ ପହଞ୍ଚିଛି । ମେ ୧ରେ ପହଞ୍ଚିଥିଲା ପ୍ରଥମ ପର୍ଯ୍ୟାୟ ଟିକା । ହାଇଦ୍ରାବାର ଡକ୍ଟର ରେଡ୍ଡି ଲ୍ୟାବରେ ପ୍ରସ୍ତୁତ ହେଉଛି ଏହି ଟିକା । ଭାରତ ସରକାର ଦେଶରେ ସ୍ପୁଟନିକ୍-ଭିର ବ୍ୟବହାର ପାଇଁ ଅନୁମତି ଦେଇଛନ୍ତି । ଖୁବ ଶୀଘ୍ର ଦେଶବାସୀଙ୍କୁ ବହୁଳ ମାତ୍ରାରେ ସ୍ପୁଟନିକ୍-ଭି ମିଳିବାକୁ ଯାଉଛି । ଟିକାକରଣ ଉପରେ ପ୍ରତିକ୍ରିୟା ରଖିଛନ୍ତି ଭାରତରେ ଅବସ୍ଥାପିତ ଋଷ ରାଷ୍ଟ୍ରଦୂତ ଏନ କୁଦାଶେବ ।

ଭାରତରେ ପ୍ରତ୍ୟେକ ବର୍ଷ ୮୫ କୋଟି ସ୍ପୁଟନିକ୍-ଭି ଉତ୍ପାଦନ ହେବା ନେଇ ଆଶା ରଖିଛନ୍ତି ଏନ କୁଦାଶେବ । ଦ୍ରୁଗତିରେ ଉତ୍ପାଦନ ବଢିଲେ ଅଧିକରୁ ଅଧିକ ଲୋକଙ୍କୁ ଚିକା ମିଳିପାରିବ ବୋଲି କୁଦାଶେବ କହିଛନ୍ତି । ଗତବର୍ଷ ଜୁଲାଇରୁ ଋଷରେ ସ୍ପୁଟନିକ୍ -ଭି ଟିକା ଦିଆଯାଉଛି । କରୋନା ବିରୋଧରେ ଏହି ଟିକା ଅଧିକ ପ୍ରଭାବଶାଳୀ ବି ହେଉଛି । ଏଣୁ ଭାରତରେ ଯେଉଁ ସଂକ୍ରମଣ ବଢିଚାଲିଛି, ତାକୁ ମାତ ଦେବାରେ ଏହି ଟିକା ସହାୟକ ହେବ ବୋଲି ଆଶା କରିଛି ଋଷ ।

କରୋନା ଟିକାର ପ୍ରଭାବ, ଟିକା ପରେ କେବଳ ୦.୦୬% ଲୋକଙ୍କର ଡାକ୍ତରଖାନା ଯିବା ସମ୍ଭାବନା: ଅଧ୍ୟୟନ

ନୂଆଦିଲ୍ଲୀ: ପ୍ରଥମ ପ୍ରବାହ ପରେ ଏବେ ଦ୍ୱିତୀୟ ପ୍ରବାହ। ଦେଶରେ ଭୟଙ୍କର କାୟା ବିସ୍ତାର କରିଛି ଅଦୃଶ୍ୟ ଭୂତାଣୁ। ପ୍ରତିଦିନ ହଜାର ହଜାର ସଂଖ୍ୟାରେ ଲୋକେ ମୃତ୍ୟୁ ମୁହଁକୁ ଠେଲି ହୋଇଯାଉଛନ୍ତି। ଏହି ସମୟରେ କରୋନା ଯୁଦ୍ଧରେ ଏକମାତ୍ର ଅସ୍ତ୍ର ପାଲଟିଛି ଟିକା। ନିକଟରେ କରୋନା ଟିକା ଉପରେ ହୋଇଥିବା ଏକ ଅଧ୍ୟୟନରୁ ଏହା ମଧ୍ୟ ଜଣାପଡ଼ିଛିଯେ ଟିକାକରଣ କରାଯାଇଥିବା ୯୭.୩୮ ପ୍ରତିଶତ ଲୋକଙ୍କୁ ସଂକ୍ରମଣରୁ ରକ୍ଷା କରାଯାଇଛି। ଏଥିସହ ଯେଉଁମାନେ ସଂକ୍ରମିତ ହୋଇଛନ୍ତି ସେମାନଙ୍କ ମଧ୍ୟରୁ ମାତ୍ର ୦.୦୬ ପ୍ରତିଶତ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।

ଟିକା ପରେ ସଂକ୍ରମିତ ଲୋକଙ୍କ ଉପରେ କରାଯାଇଥିବା ଏକ ଅଧ୍ୟୟନର ଫଳାଫଳକୁ ଶନିବାର ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲ ପ୍ରକାଶ କରିଛି। ଅଧ୍ୟୟନରେ କୁହାଯାଇଛି କରୋନା ନେଇଥିବା ଲୋକଙ୍କ ମଧ୍ୟରେ ସଂକ୍ରମଣ ହେବାର ସମ୍ଭାବନା ବହୁତ କମ୍ ଥିଲା ଏବଂ ଟିକା ନେବା ପରେ ଯେଉଁମାନେ ସଂକ୍ରମିତ ହୋଇଛନ୍ତି ସେମାନେ ଆଇସିୟୁରେ ଭର୍ତ୍ତି ହୋଇନଥିଲେ କିମ୍ବା ମୃତ୍ୟୁବରଣ କରିନଥିଲେ। ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲ୍ ସେହି ସ୍ୱାସ୍ଥ୍ୟକର୍ମୀ ମାନଙ୍କ ଉପରେ କହିଥିଲା ଯେଉଁ ମାନେ ଟିକା ନେବା ପୂର୍ବରୁ ୧୦୦ ଦିନ ଭିତରେ କରୋନାରେ ଆକ୍ରାନ୍ତ ହୋଇଥିଲେ ।

ଆପୋଲୋ ହସ୍ପିଟାଲ୍ ଗ୍ରୁପ୍ ର ଗ୍ରୁପ୍ ମେଡିକାଲ୍ ଡାଇରେକ୍ଟର ଡକ୍ଟର ଅନୁପମ ସିବଲ କହିଛନ୍ତି, ‘ଭାରତରେ ଟିକାକରଣ ଅଭିଯାନ ମଧ୍ୟରେ, କୋଭିଡ୍ -19 ର ଦ୍ୱିତୀୟ ପ୍ରବାହରେ କରୋନା ମାମଲା ବହୁତ ବୃଦ୍ଧି ପାଇଛି। ଟିକାକରଣ ପରେ ମଧ୍ୟ କିଛି ଲୋକ ସଂକ୍ରମିତ ହେଉଛନ୍ତି। ଯାହାକୁ ବ୍ରେକ୍‌ଥ୍ରୁ ସଂକ୍ରମଣ କୁହାଯାଏ। ଏହି ସଂକ୍ରମଣ କେତେକ ବ୍ୟକ୍ତିଙ୍କଠାରେ ଆଂଶିକ ଏବଂ ସଂପୂର୍ଣ୍ଣ ଟିକାକରଣ ପରେ ହୋଇପାରେ।

୩୨୩୫ ସ୍ୱାସ୍ଥ୍ୟ କର୍ମଚାରୀଙ୍କ ଉପରେ ଏହି ଅଧ୍ୟୟନ କରାଯାଇଥିଲା। ଅଧ୍ୟୟନ ସମୟରେ ଏହା ଜଣାପଡିଥିଲା ଯେ ଏମାନଙ୍କ ମଧ୍ୟରୁ ୮୫ ଜଣ ମେଡିକାଲ କର୍ମଚାରୀ କରୋନାରେ ସଂକ୍ରମିତ ହୋଇଥିଲେ। ଏଥିମଧ୍ୟରୁ ୬୫ କର୍ମଚାରୀଙ୍କୁ ଉଭୟ ଡୋଜ ଟିକା ଦିଆଯାଇଥିବାବେଳେ ୨୦  କେବଳ ଗୋଟିଏ ଡୋଜ ଟିକା ପାଇଛନ୍ତି।

ବଡ଼ ଖବର: ପୂର୍ବତନ ଭାରତୀୟ କ୍ରିକେଟ୍‌ ଅଲରାଉଣ୍ଡର ଜାଡେଜାଙ୍କ କରୋନାରେ ମୃତ୍ୟୁ

ନୂଆଦିଲ୍ଲୀ: ସମଗ୍ର ଦେଶ ଏବେ କରୋନାର ଦ୍ୱିତୀୟ ପ୍ରବାହ କାରଣରୁ ଯୁଝି ହେଉଛି। କରୋନା ମହାମାରୀ ଦେଶର ଧନି, ଗରିବ, ରାଜନେତା, ଖେଳାଳି, ସମସ୍ତଙ୍କ ଉପରେ ପ୍ରଭାବ ପକାଇଛି। ଅନେକ ଲୋକଙ୍କୁ ନିଜ ପରିବାର ଠାରୁ ଅଲଗା କରିଦେଇଛି ଅଦୃଶ୍ୟ ଭୂତାଣୁ। ବର୍ତ୍ତମାନ କ୍ରୀଡା ଜଗତ ଉପରେ ନିଜର କାୟା ବିସ୍ତାର କରିଛି କରୋନା। କରୋନାରେ ଆକ୍ରାନ୍ତ ହେଉଛନ୍ତି ଗୋଟିଏ ପରେ ଗୋଟିଏ ଖେଳାଳି। ତେବେ କ୍ରୀଡ଼ା ଜଗତରୁ ଏକ ବଡ଼ ଖବର ସାମ୍ନାକୁ ଆସୁଛି। ପୂର୍ବତନ ଭାରତୀୟ ଅଲରାଉଣ୍ଡର ରାଜେନ୍ଦ୍ରସିଂ ଜାଡେଜା କରୋନାରେ ଆକ୍ରାନ୍ତ ହୋଇ ମୃତ୍ୟୁ ବରଣ କରିଛନ୍ତି। ଜାଡେଜାଙ୍କ ମୃତ୍ୟୁରେ ଭାରତୀୟ କ୍ରିକେଟ୍ ଜଗତ କାଇଁ ଏକ କଳା ଦିନ ପାଲଟିଛି। ଦ୍ରୁତ ବୋଲର ତଥା କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ଅମ୍ପେୟାର ରାଜେନ୍ଦ୍ର ସିଂ ଜାଡେଜାଙ୍କ କୋଭିଡ -19 ସଂକ୍ରମଣ କାରଣୁ ମୃତ୍ୟୁ ହୋଇଛି। ସୌରାଷ୍ଟ୍ର କ୍ରିକେଟ୍ ଆସୋସିଏସନ୍ (ଏସସିଏ) ରବିବାର ଏହି ସୂଚନା ଦେଇଛି। ଜାଡେଜାଙ୍କୁ ମୃତ୍ୟୁ ସମୟରେ ୬୬ ବର୍ଷ ବୟସ ହୋଇଥିଲା।

ଏସସିଏ ଏକ ବିବୃତ୍ତିରେ କହିଛି ଯେ ସୌରାଷ୍ଟ୍ରର ଅତୀତର ଅନ୍ୟତମ ପ୍ରତିଷ୍ଠିତ କ୍ରିକେଟର ରାଜେନ୍ଦ୍ର ସିଂ ଜାଡେଜାଙ୍କ ଅକାଳ ବିୟୋଗରେ ଏସସିଏର ସମସ୍ତେ ଦୁଖିତ। ରବିବାର ସକାଳେ କରୋନାରେ ସଂଘର୍ଷ କରୁଥିବା ବେଳେ ହାରିଯାଇଛନ୍ତି ଜାଡେଜା। ତେବେ ଜାଡେଜା ଜଣେ ଦ୍ରୁତ ବୋଲର ହେବା ସହ ଭଲ ଅଲରାଉଣ୍ଡର ଥିଲେ।

ଜାଡେଜା ମଧ୍ୟ ୫୩ ଟି ପ୍ରଥମ ଶ୍ରେଣୀ, ୧୮ ତାଲିକା ଏ ଏବଂ ୩୪ ଟି -୨୦ ମ୍ୟାଚରେ ବିସିସିଆଇର ଅଫିସିଆଲ୍ ଅମ୍ପେୟାର ଥିଲେ। ସେ ସୌରାଷ୍ଟ୍ର କ୍ରିକେଟ୍ ଆସୋସିଏସନର ଚୟନକର୍ତ୍ତା, ପ୍ରଶିକ୍ଷକ ଏବଂ ଦଳର ପରିଚାଳକ ମଧ୍ୟ ଥିଲେ।

ବିସିସିଆଇର ପୂର୍ବତନ ତଥା ଏସସିଏ ସଚିବ ନିରଂଜନ ଶାହା କହିଛନ୍ତି ଯେ ରାଜେନ୍ଦ୍ର ସିଂ ଜାଡେଜା ଜଣେ ସ୍ତରୀୟ, ଷ୍ଟାଇଲିସ, ନୈତିକତା ଏବଂ କ୍ରିକେଟ୍ ଦକ୍ଷତାର ଜଣେ ବ୍ୟକ୍ତି ଥିଲେ। କ୍ରିକେଟ୍ ପ୍ରତି ତାଙ୍କର ନିଷ୍ଠା ଏବଂ ଅବଦାନ ସର୍ବଦା ସ୍ମରଣୀୟ ରହିବ। ତାଙ୍କ ମୃତ୍ୟୁରେ ଏସସିଏ ସଭାପତି ଜୟଦେବ ଶାହା ମଧ୍ୟ ଶୋକ ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହା ବିଶ୍ୱ କ୍ରିକେଟର ଏକ ବଡ କ୍ଷତି। ମୁଁ ସାକ୍ଷାତ କରିଥିବା ସବୁଠାରୁ ଉଜ୍ଜ୍ୱଳ ବ୍ୟକ୍ତିଙ୍କ ମଧ୍ୟରୁ ସେ ଜଣେ ଥିଲେ।

Delhi Lockdown Extension: ଦିଲ୍ଲୀରେ ଚତୁର୍ଥ ଥର ପାଇଁ ବଢିଲା ଲକଡାଉନ୍,୨୪ ମେ ପର୍ଯ୍ୟନ୍ତ କଟକଣା

ନୂଆଦିଲ୍ଲୀ: ଦିଲ୍ଲୀରେ ଚଳିତ ବର୍ଷ ଚତୁର୍ଥ ଥର ପାଇଁ ଲକଡାଉନ୍ ଘୋଷଣା ହୋଇଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଲାଗୁଥିବା ଲକଡାଉନକୁ ୨୪ ମେ’ ପର୍ଯ୍ୟନ୍ତ ବଢାଇ ଦେଇଛନ୍ତି । ସୂଚନାଯୋଗ୍ୟ ଯେ, ଗତ ମାସରେ ଦିଲ୍ଲୀର ଲକଡାଉନ୍ ଘୋଷଣା ହୋଇଥିଲା । ଯାହାକୁ କେଜ୍ରିୱାଲ ସରକାର ବାରମ୍ବାର ବଢାଇ ଚାଲିଛନ୍ତି ।

ପ୍ରଥମ ଲକଡାଉନ ଘୋଷଣା ପରଠାରୁ ଏହା ଭିତରେ ଦିଲ୍ଲୀରେ ସଂକ୍ରମଣ ହାରରେ ୨୪ ପ୍ରତିଶତ ହ୍ରାସ ହୋଇଛି । ତେବେ ସରକାର ଏବେ କୌଣସି ରିହାତି ଦେବା ମୁଡରେ ନାହାନ୍ତି । ଗତ ୩ ସପ୍ତାହ ଧରି ଯେଉଁ କଟକଣା ଲାଗୁଥିଲା ତାହା ଆଗକୁ ମଧ୍ୟ ଜାରି ରହିବ । ଗତ ସପ୍ତାହରୁ ଦିଲ୍ଲୀରେ ମେଟ୍ରୋ ସେବା ଉପରେ କଟକଣା ଲାଗୁ ହୋଇଥିଲା । ସେହିଭଳି ଦିଲ୍ଲୀରେ ବିବାହ ସମାରୋହ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲାଗୁ ହୋଇଛି ।

ମେଟ୍ରୋ ଚାଲୁନି, ପବ୍ଲିକରେ ବିବାହ ବନ୍ଦ

ଗତ ସପ୍ତାହରେ ଜାରି ନିର୍ଦ୍ଦେଶ ଅନୁସାରେ ଲକଡାଉନ୍ କାଳରେ ମେଟ୍ରୋ ଚଳାଚଳ ବନ୍ଦ ରହିଛି । ଏହା ସହିତ ସାର୍ବଜନିନ ସ୍ଥାନରେ ବିବାହ ଭଳି ସମାରୋହ ଆୟୋଜନ ଉପରେ ମଧ୍ୟ ପ୍ରତିବନ୍ଧକ ଲାଗୁ ହୋଇଛି । ନିୟମ ଅନୁସାରେ କୌଣସି ହୋଟେଲ,କମ୍ୟୁନିଟି ହଲ,ମଣ୍ଡପ କିମ୍ବା ଅନ୍ୟ ସାର୍ବଜନୀନ ସ୍ଥାନରେ ବିବାହ ହୋଇ ପାରିବ ନାହିଁ । ବିବାହ କେବଳ ଘରେ କିମ୍ବା କୋର୍ଟରେ ହୋଇ ପାରିବ ବୋଲି ସରକାର ଆଦେଶ ଦେଇଛନ୍ତି । ଏହା ସହିତ ବିବାହରେ ୨୦ ଜଣରୁ ଅଧିକ ସାମିଲ ହୋଇ ପାରିବେ ନାହିଁ ।

ଅନ୍ୟପକ୍ଷରେ ଦିଲ୍ଲୀ ଲକଡାଉନର ସକରାତ୍ମକ ଦିଗ ସାମ୍ନାକୁ ଆସିବାରେ ଲାଗିଛି । ଧିରେ ଧିରେ ସଂକ୍ରମଣ ହାର ହ୍ରାସ ପାଇବାରେ ଲାଗିଛି । ଶନିବାର ବୁଲେଟିନ୍ ଅନୁସାରେ ଦିଲ୍ଲୀରେ ଗତ ୨୪ ଘଣ୍ଟା ମଧ୍ୟର ୬ ହଜାର ୫ଶହ ନୂଆ ମାମଲା ସାମ୍ନାକୁ ଆସିଛି । ୭ ଏପ୍ରିଲ ପରେ ଏହା ହେଉଛି ସବୁଠାରୁ କମ । ଗତ ଦୁଇ ସପ୍ତାହ ଧରି କ୍ରମାଗତ ଭାବେ ପଜିଟିଭ୍ ମାମଲା ଓ ପଜିଟିଭ୍ ହାର ହ୍ରାସ ପାଉଛି ।