spot_img
Home Blog Page 5765

ସୁଶୀଲ ନାଁରେ ସୁପାରୀ ଦେଇଛି ମାଫିଆ

ନନ୍ଦିଘୋଷ ବ୍ୟୁରୋ: ଖୋଲୁଛି କୁସ୍ତି ଯୋଦ୍ଧାଙ୍କ କଳଙ୍କିତ କାହାଣୀର ପୃଷ୍ଠା । ୨୩ ବର୍ଷିୟ ସାଗର ରାଣାଙ୍କର ମୃତ୍ୟୁ ମାମଲାରେ ଗିରଫ ହୋଇ ଏବେ ରିମାଣ୍ଡରେ ଅଲିମ୍ପିଆନ୍ ସୁଶୀଲ କୁମାର । ଦୁଇ ଥର ଅଲିମ୍ପିକ୍ସ ପଦକ ଜିତି ପ୍ରଶଂସା ସାଉଟିଥିବା ସୁଶୀଲଙ୍କ ପଛରେ ଯେ କଳା ଦୁନିଆର ଲିଙ୍କ ରହିଛି ବୋଧ ହୁଏ ଏକଥା କେହି ଭାବି ନଥିବେ । ଗିରଫ ପରେ ସାମ୍ନାକୁ ଆସୁଛି ସୁଶୀଲଙ୍କ ଅସଲ ରୂପ । କେବଳ କୁସ୍ତି ନୁହେଁ ଅପରାଧ ଜଗତରେ ବେଶ୍ ସକ୍ରିୟ ଥିଲେ ସୁଶୀଲ୍ । ସାଗର ହତ୍ୟାକାଣ୍ଡ ପଛରେ ଲୁଚିଛି କୁସ୍ତି ଯୋଦ୍ଧା ଓ ଅପରାଧୀଙ୍କ ପରଦା ପଛର ସମ୍ପର୍କର କାହାଣୀ । ମୋଷ୍ଟ ଓ୍ବାଣ୍ଟେଡଙ୍କ ଲିଙ୍କରେ ଥିଲେ ସୁଶୀଲ୍ । ସାରା ବିଶ୍ୱରେ ଲୋକପ୍ରିୟତା ହାସଲ କରିଥିଲା ଏହି ଅଲମ୍ପିଆନ୍ ଅପରାଧ ଦୁନିଆରେ ମଧ୍ୟ ପାଦ ଥାପିଥିଲେ । ଛତ୍ରସାଲ୍ ଷ୍ଟଡିୟମ ଖୋଲିପାରେ ସୁଶୀଲଙ୍କ ଅସଲ ରୂପ । ହତ୍ୟାକାଣ୍ଡର ଖୁଲାସା ଭିତରେ ସାମ୍ନାକୁ ଆସିଛି ନୂଆ ନାଁ ସୋନୁ ମହଲ । ସୋନୁ ଘଟଣା ଦିନ ସାଗରଙ୍କ ସହିତ ଥିଲେ । ସେ ମଧ୍ୟ ସୁଶୀଲଙ୍କ ଆକ୍ରମଣରେ ଆହତ ହୋଇଥିଲେ। ତେବେ ସୋନୁ କାହିଁକି ଗୁରୁତ୍ବପୂର୍ଣ୍ଣ । ଏଠି କାହିଁକି ଉଠିଲା ସୋନୁଙ୍କ ନାଁ । ସୋନୁ ହେଉଛନ୍ତି ଦିଲ୍ଲୀ ଏବଂ ହରିୟାଣାର ମୋଷ୍ଟୱାଣ୍ଟେଡ ସନ୍ଦୀପ କାଲାଙ୍କ ଭଣଜା । ତା ନାମରେ ରହିଛି 19ଟି ଅପରାଧିକ ମାମଲା । ଅଭିଯୋଗ ହୋଇଛି ଯେ ସୁଶୀଲ କୁମାର ଓ ତାଙ୍କର ସହଯୋଗୀ ଛତ୍ରସାଲ ଷ୍ଟାଡିୟମରେ ସାଗର, ମୋଷ୍ଟ ଓ୍ବାଣ୍ଟେଡ୍ ସୋନୁ ଏବଂ ଅମିତଙ୍କୁ ଆକ୍ରମଣ କରିଥିଲେ।

ପ୍ରାଥମିକ ତଦନ୍ଦରୁ ଯେଉଁ ସତ୍ୟ ସାମ୍ନାକୁ ଆସୁଛି ତାହା ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । ଅଲମ୍ପିକ୍ସ ମେଡାଲ ଜିତିଥିବା ସୁଶୀଲ ସରକାରୀ ଚାକିରି କରିଥିଲେ । ଢେର ଆୟ କରୁଥିଲେ । ତଥାପି ଟଙ୍କା ଲୋଭ ତାଙ୍କୁ ଦିଲ୍ଲୀର କୁଖ୍ୟାତ ମାଫିଆ ସହିତ ମେଣ୍ଟ କରିବାକୁ ବାଧ୍ୟ କରିଥିଲା । ମିଳୁଥିବା ସୂଚନା ଅନୁସାରେ ସୁଶୀଲ ସୋନୁର ଦାଦା ସନ୍ଦୀପ କାଲା ଓରଫ କାଲା ଜଠଡି ସହିତ ମେଣ୍ଟ କରିଥିଲେ । ଜବରଦସ୍ତ ଜମି କବଜା କରିବା,ଦିଲ୍ଲୀରୁ ଉତ୍ତର ପ୍ରଦେଶ ପର୍ଯ୍ୟନ୍ତ ଥିବା ସବୁ ଟୋଲ ପ୍ଲାଜାକୁ ନିଜ ନିୟନ୍ତ୍ରଣକୁ ନେବା ଥିଲା ଉଭୟଙ୍କ ଲକ୍ଷ୍ୟ । ଯେଉଁ ଫ୍ଲାଟକୁ ନେଇ ହତ୍ୟାକାଣ୍ଡ ହୋଇଥିବା କୁହାଯାଉଛି ସେହି ଫ୍ଲାଟ୍ ମଧ୍ୟ ସନ୍ଦିପ ଟଙ୍କାରେ କିଣା ଯାଇଥିଲା । ସନ୍ଦିପ ଓ ସୁଶୀଲଙ୍କ ମଧ୍ୟରେ ସବୁକିଛି ଠିକ ଚାଲୁଥିଲା । କିନ୍ତୁ ଏହା ଭିତରେ ସୁଶୀଲ ଅଧିକ ଟଙ୍କା ଲୋଭରେ ସନ୍ଦିପର ପ୍ରତିଦ୍ୱନ୍ଦ୍ୱୀ ନିରଜ ବାୱାନିଆ ସହ ସମ୍ପର୍କ ସ୍ଥାପନ କରିଥିଲେ ।

ସନ୍ଦିପ ଏହା ଜାଣିବା ପରେ ଉଭୟଙ୍କ ମଧ୍ୟରେ ମତାନ୍ତର ହୋଇଥିଲା । ସନ୍ଦିପକୁ ସନ୍ଦେଶ ଦେବା ପାଇଁ ସୁଶୀଲ ସୋନୁ ଓ ସାଗରର ଅପହରଣ କରିଥିବା କୁହାଯାଉଛି । ଏହା ମଧ୍ୟ କୁହାଯାଉଛି ଯେ, ମାରପିଟର ଭିଡିଓ ସୁଶୀଲ ନିଜେ ସୁଟ୍ କରିଥିଲେ ।ସନ୍ଦିପକୁ ଭିଡିଓ ଦେଖାଇ ଚ୍ୟାଲେଂଜ୍ କରିବା ଥିଲା ଭିଡିଓ ସୁଟର ଲକ୍ଷ୍ୟ ।
ସୁଶୀଲ ଗଲା ୧୮ ଦିନ ହେଲା ଫେରାର ହେବା ପଛରେ ପୋଲିସର ଯେତିକି ଡର ନଥିଲା ସେତିକ ଡର ସନ୍ଦିପ ପଟୁଥିଲା । ସନ୍ଦିପ କାଳେ ପ୍ରତିଶୋଧ ନେବ ସେଥିପାଇଁ ସେ ଲୁଚି ବୁଲୁଥିଲେ । ଏମିତିକି ଗିରଫ ହେବା ପରେ ପୋଲିସକୁ ସୁଶୀଲଙ୍କ ଗୋଟିଏ ଅନୁରୋଧ ଥିଲା ଯେ ତାଙ୍କୁ ଜେଲରେ ସନ୍ଦିପ ଗ୍ୟାଙ୍ଗର ସଦସ୍ୟଙ୍କ ଠାରୁ ସୁରକ୍ଷା ଦିଆଯାଉ । କୁହାଯାଉଛି ଯେ, ଏହି ୧୮ ଦିନ ମଧ୍ୟରେ ସୁଶୀଲ ସନ୍ଦିପ ସହ ବୁଝାମଣା କରିବା ପାଇଁ ଉଦ୍ୟମ କରିଥିଲେ । କିନ୍ତୁ ବିଫଳ ହୋଇଥିଲେ । ସନ୍ଦିପ,ସୁଶୀଲ ଓ ତାଙ୍କ ସାଥୀଙ୍କୁ ହତ୍ୟା କରିବା ପାଇଁ ନିଜ ଲୋକଙ୍କୁ ସୁପାରୀ ଦେଇଥିବା କଥା ମଧ୍ୟ ଶୁଣିବାକୁ ମିଳୁଛି ।

ଏବେ ଆସନ୍ତୁ ଜାଣିବା ସନ୍ଦିପ ପରେ ଯେଉଁ ନୀରଜ ସହିତ ସୁଶୀଲ ସମ୍ପର୍କ ସ୍ଥାପନ କରିଥିଲେ ତା’ର ହିଷ୍ଟ୍ରୀ କ’ଣ । ଦିଲ୍ଲୀର କୁଖ୍ୟାତ ଗ୍ୟାଙ୍ଗଷ୍ଟର ନୀରଜ ବାୱାନିଆ । ଦିଲ୍ଲୀ ଅଣ୍ଡରୱାର୍ଲଡ ଉପରେ ଚାଲେ ନୀରଜର ଏକଛତ୍ର ଶାସନ । ନୀରଜକୁ ୨ବର୍ଷ ପୂର୍ବେ ଦିଲ୍ଲୀ ପୋଲିସ ପକ୍ଷରୁ ଗିରଫ କରାଯାଇଛି । କିନ୍ତୁ ଜେଲରୁ ନୀରଜ ତାଙ୍କ ଗ୍ୟାଙ୍ଗ ଚଳାଉଥିବା ଜଣାପଡିଛି । ନୀରଜ ବାୱାନିଆ ଏବଂ ତାଙ୍କ ଗ୍ୟାଙ୍ଗ ବର୍ତ୍ତମାନ ସୁଶୀଲଙ୍କ ସହିତ ରହିଥିବା ସୂଚନା ମିଳିଛି । ସାଗରଙ୍କୁ ଆକ୍ରମଣସ୍ଥଳରୁ ଯେଉଁ ସ୍କର୍ପିଓ ଗାଡି ମିଳିଥିଲା ତାହା ନୀରଜ ବାୱାନିଆଙ୍କ ସମ୍ପର୍କୀୟଙ୍କ ନାଁରେ ରହିଛି । ଏଥିରୁ ନୀରଜ ଏବଂ ସୁଶୀଲଙ୍କ ସମ୍ପର୍କ ଥିଲା ବୋଲି ପ୍ରମାଣ ମିଳୁଛି । ତେବେ ପୁରା ମାମଲା ଏବେ ଗୋଳେଇଘାଣ୍ଟି ହୋଇଯାଇଛି । ଏହାବି ସୂଚନା ମିଳୁଛି କି ଦିଲ୍ଲୀରେ ଜମି ଦଲାଲି ମାମଲାରେ କୁସ୍ତି ଯୋଦ୍ଧା ମାନେ ସଂପୃକ୍ତ ଅଛନ୍ତି । ବ୍ୟବସାୟୀମାନେ ସୁଧ ବେପାରରେ ମଧ୍ୟ ଏହି ପହିଲମାନଙ୍କୁ ବ୍ୟବହାର କରିଥାନ୍ତି । ପୋଲିସ କହିବା ଅନୁସାରେ ପଶ୍ଚିମ ଦିଲ୍ଲୀ ଅଞ୍ଚଳରେ ଅନେକ ବ୍ୟବସାୟୀ ଅଛନ୍ତି ଯେଉଁମାନେ ସୁଧ କାରବାର କରନ୍ତି ।

ଯେତେବେଳେ କେହି ଟଙ୍କା ଫେରସ୍ତ ନକରନ୍ତି, କୁସ୍ତିଯୋଦ୍ଧାଙ୍କ ସାହାଯ୍ୟରେ ଆକ୍ରମଣ ହୁଏ । ସୁଶୀଲଙ୍କର ଏହିଭଳି ଅନେକ ଅପରାଧୀଙ୍କ ସହିତ ଘନିଷ୍ଠ ସମ୍ପର୍କ ରହିଥିବା ଆଲୋଚନା ହେଉଛି । ହତ୍ୟାକାଣ୍ଡ ପଛରେ ଅପରାଧୀକ ପୃଷ୍ଠଭୂମି ରହିଥିବାର ଆଭାସ ମଧ୍ୟ ମିଳୁଛି । ଅନ୍ୟପକ୍ଷରେ ସାଗର ଏବଂ ସୋନୁ, ସୁଶୀଲଙ୍କ ଫ୍ଲାଟରେ ଭଡା ରହୁଥିଲେ। ଶୁସୀଲଙ୍କ କହିବା ପରେ ମଧ୍ୟ ଉଭୟ ଫ୍ଲାଟ ଖାଲି କରିବାକୁ ମନା କରିଦେଇଥିଲେ। ଏହା ପରେ ସୁଶୀଲ ଏବଂ ତାର ସହଯୋଗୀ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଆକ୍ରମଣ ପରେ ପଞ୍ଜାବ ଅଭିମୁଖେ ଯାତ୍ରା କରିଥିଲେ ସୁଶୀଲ୍ । ନିଜ ପାଖରେ ଫୋନ ମଧ୍ୟ ରଖୁନଥିଲେ । ପୁରା ଘଟଣା ଏବେ କୁସ୍ତି ଯୋଦ୍ଧାଙ୍କୁ ବିବାଦରେ ଠିଆ କରିଦେଉଛି । ଯଦି ସୁଶୀଲ ଏ ମାମଲାରେ ସଂପୃକ୍ତ ନଥିଲେ ତେବେ କାହିଁ ଫେରାର୍ ହୋଇଯାଇଥିଲେ । ତାଙ୍କର ଆଚରଣ ହିଁ ଅପରାଧର ପ୍ରମାଣ ଦେଇଥିଲା । ତେବେ କିଏ ଏସାଗର ? ସୁଶୀଲ ସହିତ ତାର ସମ୍ପର୍କ କଣ ? ସୁଶୀଲ ହେଉଛନ୍ତି ସାଗରଙ୍କର ଗୁରୁ ।

ସାଗର ନିଜେ ଜଣେ କୁସ୍ତି ଯୋଦ୍ଧା ଥିଲେ । ସେ ସୁଶୀଲଙ୍କଠାରୁ କୁସ୍ତି ଶିକ୍ଷା ଗ୍ରହଣ କରୁଥିଲେ । ସାଗର ସୁଶୀଙ୍କ ପତ୍ନୀ୍ଙ୍କ ଫ୍ଲାଟରେ ମଧ୍ୟ ରହୁଥିଲେ । ଅଭିଯୋଗ ହୋଇଛି ଯେ ଫ୍ଲାଟ ଭଡାକୁ ନେଇ ଉଭୟଙ୍କ ମଧ୍ୟରେ ଆକ୍ରମଣରୁ ଏହି ହତ୍ୟାକାଣ୍ଡ ଘଟିଛି । ନିଜର ସହଯୋଗୀଙ୍କ ସହିତ ସାଗରଙ୍କୁ 4 ମେ ରାତିରେ ମାଡ ମାରିଥିଲେ ଶୁସୀଲ୍ । ପରେ ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଥିଲା । ତେବେ ଘଟଣା ପଛରେ କିଛି ଲୁଚି ଯାଉଥିବା ସାଗରଙ୍କ ବାପା ଅଭିଯୋଗ କରିଛନ୍ତି । ସୁଶିଲଙ୍କ ଗ୍ୟାଙ୍ଗଷ୍ଟର ଲିଙ୍କର ତଦନ୍ତ କରିବାକୁ ସେ ଦାବି କରିଛନ୍ତି । ତେବେ ଏହି ଆକ୍ରମଣ ପଛରେ ରହିଛି କି ଗ୍ୟାଙ୍ଗ ଓ୍ବାର ? ତଦନ୍ତ ପରେ ପୁରା ଘଟଣା ଉପରୁ ପରଦା ହଟିବ ବୋଲି ଆଶା କରାଯାଉଛି

OPTCL ଘୋଷଣା, ବାତ୍ୟାରେ ବିଦ୍ୟୁତ କର୍ମଚାରୀଙ୍କ ମୃତ୍ୟୁ ହେଲେ ମିଳିବ ଅନୁକମ୍ପା

ଭୁବନେଶ୍ୱର: ବାତ୍ୟା ୟାସ ଦୃଷ୍ଟିରେ ରଖି ଓପିଟିସିଏଲ ପକ୍ଷରୁ ଗୁରୁତ୍ବପୂର୍ଣ୍ଣ ଘୋଷଣା କରାଯାଇଛି । ୟାସ୍‌ ବାତ୍ୟା ପରେ ବିଦ୍ୟୁତ ସରବରାହ ସ୍ବାଭାବିକ କରିବାକୁ କାମ କରିବେ ଓପିଟିସିଏଲ କର୍ମଚୀରୀ । ଏବଂ ଏହି ସମୟରେ ଯଦି କୌଣସି ବିଦ୍ୟୁତ କର୍ମଚାରୀଙ୍କ ମୃତ୍ୟୁ ହୁଏ ତେବେ ବିଦ୍ୟୁତ କର୍ମଚାରୀଙ୍କ ପରିବାରକୁ ମିଳିବ ୧୦ ଲକ୍ଷ ଟଙ୍କା ଅନୁକମ୍ପା ରାଶି ଘୋଷଣା କରାଯାଇଛି ।

ସେହିପରି ଯଦି ବାତ୍ୟା ମୁକାବିଲା ସମୟରେ କୌଣସି କର୍ମଚାରୀ ଆହତ ହୁଅନ୍ତି । ହେଲେ ସମ୍ପୂର୍ଣ୍ଣ ଚିକିତ୍ସା ଖର୍ଚ୍ଚ ଓପିଟିସିଏଲ ବହନ କରିବ । ଏଥିସହ ସରକାରୀ ନିୟମ ଅନୁସାରେ ଅନ୍ୟ ଯୋଜନାରେ ମଧ୍ୟ ଲାଭବାନ ହେବେ ବୋଲି ଓପିଟିସିଏଲ୍‌ ଘୋଷଣା କରିଛି ।

ଛତିଶଗଡ଼ ହାଇକୋର୍ଟ ବିଚାରପତି ହେବେ ପ୍ରଶାନ୍ତ କୁମାର ମିଶ୍ର

ରାୟପୁର: ଛତିଶଗଡ଼ ହାଇକୋର୍ଟର ପରବର୍ତ୍ତୀ ବିଚାରପତି ହେବେ ଓଡିଆ ପୁଅ ପ୍ରଶାନ୍ତ କୁମାର ମିଶ୍ର । କେନ୍ଦ୍ର ଆଇନ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ମୁତାବକ ଜଷ୍ଟିସ ପ୍ରଶାନ୍ତ କୁମାର ମିଶ୍ର ଛତିଶଗଡ଼ ବିଚାରପତି ପଦବୀ ସମ୍ଭାଳିବାକୁ ଯାଉଛନ୍ତି । ରାଷ୍ଟ୍ରପତି ରାମନାଥ କୋବିନ୍ଦ ସୋମବାର ଜଷ୍ଟିସ ପ୍ରାଶାନ୍ତ ମିଶ୍ରଙ୍କ ନାମରେ ଏହି ମୋହର ଲଗାଇଛନ୍ତି । ସମ୍ବିଧାନର ଅନୁଛେଦ ୨୨୩ ଅନୁଯାୟୀ ବରିଷ୍ଠ ବିଚାରପତି ପ୍ରଶାନ୍ତ କୁମାର ମିଶ୍ରଙ୍କୁ ନିଯୁକ୍ତ କରାଯାଇଛି ।

ଜୁନ ମାସରୁ ବିଚାରପତି ପଦବୀରେ ସମ୍ଭାଲିବା ନେଇ ସୂଚନା ଜାରି କରାଯାଇଛି । ମେ ମାସ ୨୪ ତାରିଖରେ ଜାରି କରାଯାଇଥିବା ନୋଟିସରେ ସୂଚନା ଦିଆଯାଇଥିଲା କି ମେ ୩୧ ତାରିଖରେ ମୁଖ୍ୟ ବିଚାରପତି ଥିବା ଜଷ୍ଟିସ ପିଆର ରାମଚନ୍ଦ୍ରନଙ୍କ କାର୍ଯ୍ୟକାଳ ସମାପ୍ତ ହୋଇଥିଲା । ପରେ ରାଷ୍ଟ୍ରପତି ରାମନାଥ କୋବିନ୍ଦ ପ୍ରଶାନ୍ତ କୁମାର ମିଶ୍ରଙ୍କୁ ନିଯୁକ୍ତ କରିଛନ୍ତି  ।

‘ୟାସ’ ପ୍ରସ୍ତୁତି: ଅଗ୍ନିଶମ ଡିଜିଙ୍କ ଜରୁରୀ ବୈଠକ

କଟକ: ଓଡିଶା ଉପକୂଳ ଆଡକୁ ମୁହାଁଉଥିବା ବାତ୍ୟା ‘ୟାସ’ କୁ ଦୃଷ୍ଟିରେ ରଖି ରାଜ୍ୟ ଅଗ୍ନିଶମ ବିଭାଗ ତରଫରୁ ପୁଣି ଥରେ ପ୍ରସ୍ତୁତି ବୈଠକ ହୋଇଛି । ଏହି ଅବସରରେ ଆଜି ଅଗ୍ନିଶମ ଡିଜି ଏମ. ଅକ୍ଷୟ ଭିଡିଓ କନଫରେନ୍ସ ଜରିଆରେ ପ୍ରସ୍ତୁତି ବୈଠକ କରିଛନ୍ତି । କିଭଳି ସମସ୍ତ ଅଞ୍ଚଳରେ ଅଗ୍ନିଶମ ବାହିନୀ ସଜାଗ ରହିଛି ବରିଷ୍ଠ ଅଗ୍ନିଶମ ଅଧିକାରୀଙ୍କ ସହ ଆଲୋଚନା କରିଛନ୍ତି ।

ବାତ୍ୟା ପ୍ରଭାବିତ ହେବାକୁ ଥିବା ସମ୍ଭାବ୍ୟ ଜିଲ୍ଲା ଗୁଡିକରେ ୧୯୦ ଉଦ୍ଧାରକାରୀ ଦଳକୁ ମୁତୟନ କରାଯାଇଛି । ପ୍ରତ୍ୟେକ ଦଳରେ ପାୱାର ସ, କମ୍ବି ଟୁଲସ, ଟାୱାର ଲାଇଟ ଏବଂ ଅନନ୍ୟ ଉପକରଣ ଥିବାବେଳେ ପ୍ରତ୍ୟୋକ ଜିଲ୍ଲାରେ ଗୋଟିଏ ଗୋଟିଏ ପ୍ଲଜମା କଟର ମଧ୍ୟ ମହଜୁଦ ରହିଛି । ଏହି ଟିଣ ଗୁଡିକ ବାତ୍ୟା ସମୟରେ ଉପୁଡି ପଡିଥିବା ଗଛ ଗୁଡିକୁ ତକାଟିବା ସହ ରାସ୍ତା ସଫା କରିବାରେ ସହାୟକ ହେବେ ।

ଅନୁଷ୍ଠିତ ବୈଠକରେ ମୁଖ୍ୟତଃ ପ୍ରଭାବିତ ହେବାକୁ ଥିବା ଅଞ୍ଚଳ ଗୁଡିକ ଚିହ୍ନଟ କରାଯାଇ ସେଇ ସ୍ଥାନ ମାନଙ୍କରରେ ପ୍ରଶାସନର ଆବଶ୍ୟକତା ଅନୁଯାୟୀ ଅଗ୍ନିଶମ ଟିମ ଗୁଡିକୁ ମୁତୟନ କରାଯିବା ନେଇ ଗୁରୁତ୍ୱାରୋପ କରାଯାଇଛି । ଏହା ବ୍ୟତୀୟ ଭିନ୍ନ ଭିନ୍ନ କର୍ମଚାରୀଙ୍କୁ ଉଦ୍ଧାରକାରୀ ଯନ୍ତ୍ରାଶଂ ସହ ପ୍ରସ୍ତୁତ କରିବା, କୋଭିଡ ନିର୍ଦେଶାବଳୀ ମାନିବାକୁ ପରାମର୍ଶ ଦେଇଛନ୍ତି ଅଗ୍ନିଶମ ଡିଜିପି ।

ରାଜ୍ୟରେ ବାତ୍ୟା ମୁକାବିଲା କରିବାରେ ଅଗ୍ନିଶମ ବାହିନୀର ସଫଳତା ପୂର୍ବରୁ ରହି ଆସିଛି । ଅନେକ ବାତ୍ୟାରେ ସଫଳତାର ସହ ମୁକାବିଲା କରିଛି ଅଗ୍ନିଶମ ବାହିନୀ । ବିପର୍ଯୟ ମୁକାବିଲା କରିବାରେ ଥିବା ଅଭିଜ୍ଞତାକୁ ପୂର୍ଣ୍ଣ ଉପଯୋଗ କରାଯିବ । ଏହା ବ୍ୟତୀତ ଅତ୍ୟାଧୁନିକ ଯନ୍ତ୍ରପାତିକୁ ବ୍ୟବହାର କରି ଯେତେ ଶୀଘ୍ର ରାସ୍ତା ସଫା କରାଯାଇ ପାରିବ ସେନେଇ ନିର୍ଦ୍ଦେଶ ଦିଆଯାଇଛି ।

ଆଇଏଏସ ଅଧିକାରୀଙ୍କ ପରେ ପୂର୍ତ୍ତ ବିଭାଗର ବରିଷ୍ଠ ଯନ୍ତ୍ରୀଙ୍କୁ ଜିଲ୍ଲା ଦାୟିତ୍ୱ

ଭୁବନେଶ୍ୱର: ବରିଷ୍ଠ ଆଇଏଏସ ଓ ଆଇପିଏସ ଅଫିସରଙ୍କ ପରେ ପୂର୍ତ୍ତ ବିଭାଗର ବରିଷ୍ଠ ଯନ୍ତ୍ରୀଙ୍କୁ ଜିଲ୍ଲା ଦାୟିତ୍ବ ଦିଆଯାଇଛି । ବାତ୍ୟା ୟାସ ମୁକାବିଲା ପାଇଁ ରାଜ୍ୟ ସରକାର ଅଧିକାରୀଙ୍କୁ ବିଭିନ୍ନ ଜିଲ୍ଲା ଦାୟିତ୍ୱ ଦେଇଛନ୍ତି  । ବାଲେଶ୍ବର ଜିଲ୍ଲା ଦାୟିତ୍ବ ମୁଖ୍ୟ ଯନ୍ତ୍ରୀ ଅନୀଲକାନ୍ତ ତ୍ରିପାଠୀଙ୍କୁ ଦିଆଯାଇଛି । ସେହିପରି ହାଉସିଂ ବୋର୍ଡର ମୁଖ୍ୟ ଯନ୍ତ୍ରୀ ପ୍ରଦୀପ କୁମାର ସାମଲଙ୍କୁ ଭଦ୍ରକ, ଇପ୍ରୋକ୍ୟୁରମେଣ୍ଟର ମୁଖ୍ୟଯନ୍ତ୍ରୀ ଗୌରାଙ୍ଗ ଚରଣ ସାହୁଙ୍କୁ ଜଗତସିଂହପୁର ଜିଲ୍ଲା ଦାୟିତ୍ୱ ଦିଆଯାଇଛି  ।

ସେହିପରି ଗ୍ରାମ୍ୟ ଉନ୍ନୟନ୍ନ ବିଭାଗର ମୁଖ୍ୟଯନ୍ତ୍ରୀ ଜୀବନାନନ୍ଦ ନାୟକଙ୍କୁ କେନ୍ଦ୍ରାପଡ଼ା ଓ କେନ୍ଦୁଝର ଜାତୀୟ ରାଜପଥ ସର୍କଲର ଅଧିକ୍ଷଣ ଯନ୍ତ୍ରୀ ବିଭୂଦେନ୍ଦ୍ର ମେହେରଙ୍କୁ ମୟୂରଭଞ୍ଜ ଜିଲ୍ଲା ଦାୟିତ୍ବ ଦିଆଯାଇଛି । ବାତ୍ୟାର ପ୍ରାକ୍ ପ୍ରସଦ୍ତୁତି ଓ ପରବର୍ତ୍ତି ପୁନରୁଦ୍ଧାର କାର୍ଯ୍ୟର ତଦାରଖ କରିବେ । ଆଜି ଅପରାହ୍ନ ସୁଦ୍ଧା ନିର୍ଦ୍ଦାରିତ ଜିଲ୍ଲାରେ ପହଞ୍ଚିବାକୁ ଦିଆଯାଇଛି ନିର୍ଦ୍ଦେଶ ।

୨୬ରେ ଛୁଇଁବ ସ୍ଥଳଭାଗ, କାଲିଠୁ ପ୍ରଚୁର ବର୍ଷା

ଭୁବନେଶ୍ୱର: ବାତ୍ୟା ୟଶକୁ ନେଇ ଗୁରୁତ୍ବପୂର୍ଣ୍ଣ ସୂଚନା ଦେଇଛନ୍ତି ଏସଆରସି ପ୍ରଦୀପ ଜେନା । ‘ୟାସ’ର ଗତିପଥ ଏବଂ ବେଗକୁ ନେଇ ସାମ୍ବାଦିକ ସମ୍ମିଳନୀ ଜରିଆରେ ବାର୍ତ୍ତା ଦେଇଛନ୍ତି । ବାତ୍ୟା ୟଶ ୨୬ ତାରିଖରେ ସ୍ଥଳଭାଗ ଛୁଇଁପାରେ । ଏନେଇ କାଲିଠାରୁ ପବନର ବେଗ ବଢିବା ସହ ବର୍ଷା ମଧ୍ୟ ହେବ । ଏପରି ସ୍ଥିତିରେ କିଭଳି ସାଧାରଣ ଧନ ଜୀବନ ସୁରକ୍ଷିତ ରହିବେ ସେନେଇ ଜନସାଧରଣଙ୍କୁ ସତର୍କ କରାଛନ୍ତି ଏସଆରସି ପ୍ରଦୀପ ଜେନା ।

ସେପଟେ ବାତ୍ୟା ୟାସ ସମୁଦ୍ର ଭିତରେ ଘଣ୍ଟାକୁ 4 କି.ମି. ବେଗରେ ଆସୁଛି । ବାଲେଶ୍ବର ପାଖାପାଖି ସ୍ଥଳଭାଗ ଛୁଇଁପାରେ ଏ ନେଇ ସୂଚନା ଦେଇଛନ୍ତି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର । 26 ତାରିଖ 11ଟାରୁ 2ଟା ମଧ୍ୟରେ ସ୍ଥଳଭାଗ ଛୁଇଁପାରେ ୟାସ । ବାତ୍ୟା ପ୍ରଭାବରେ 4 ଜିଲ୍ଲା ବିଶେଷ ଭାବେ ପ୍ରଭାବିତ ହେବ । ବାଲେଶ୍ବର, ଜଗତସିଂହପୁର, କେନ୍ଦ୍ରାପଡା, ଭଦ୍ରକ, ଅଧିକ ପ୍ରଭାବିତ ହେବା ନେଇ ସୂଚନା ଦେଇଛି ଭାରତୀୟ ପାଣିପାଗ କେନ୍ଦ୍ର ।

ଟେଲିଫୋନ, ଇଲେକ୍ଟ୍ରି ଖୁଣ୍ଟି ଭାଙ୍ଗିବାର ସମ୍ଭାବନା ରହିଛି । ପଶ୍ଚିମବଙ୍ଗ ମେଦିନପୁରରେ ଉଚ୍ଚ ଜୁଆାର ଆସିବାର ସମ୍ଭାବନା ରହିଛି । ଉପକୂଳ ନିକଟସ୍ଥ ଖାଲୁଆ ଅଞ୍ଚଳକୁ ସତର୍କ ରହିବାକୁ କହିଲେ ଆଇଏମଡି ଡିଜି । ଭଦ୍ରକ, ବାଲେଶ୍ବର, କେନ୍ଦ୍ରାପଡ଼ା, ମୟୂରଭଞ୍ଜରେ ବହୁତ କ୍ଷତି ହେବ । ଅନୁଗୁଳ, ଦେବଗଡ଼, ଖୋର୍ଦ୍ଧା, ପୁରୀରେ ଭାରି ବର୍ଷା ହେବା ସହ ବାଲେଶ୍ବର, କେନ୍ଦ୍ରାପଡ଼ା, ଭଦ୍ରକ, ଜଗତସିଂହପୁର ଜିଲ୍ଲାରେ ଅତ୍ୟଧିକ ପବନ ସହ ବର୍ଷା ହୋଇପାରେ ।

ଆସୁଛି ୟଶ, ସତର୍କ କରାଇଲେ ମୁଖ୍ୟମନ୍ତ୍ରୀ: ପ୍ରଶାସନକୁ ସହଯୋଗ କରନ୍ତୁ ଓ ଡବଲ ମାସ୍କ ପିନ୍ଧନ୍ତୁ

ଭୁବନେଶ୍ୱର: ବାତ୍ୟା ୟଶକୁ ନେଇ ରାଜ୍ୟବାସୀଙ୍କୁ ବାର୍ତ୍ତା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ କହିଛନ୍ତି, ସାଢେ ଚାରି କୋଟି ଓଡିଶାବାସୀ ମୋର ପରିବାର । ବିପଦ ସମୟରେ ମୋ ପରିବାରର ନିରାପତ୍ତା ମୋ ପାଇଁ ସବୁଠାରୁ ବଡ ପ୍ରାଥମିକତା । ଆସୁଥିବା ବାତ୍ୟା ପରିପ୍ରେକ୍ଷୀରେ ଲୋକମାନଙ୍କ ଏକ ଭିଡ଼ିଓ ବାର୍ତ୍ତା ଜରିଆରେ ଆଜି ସତର୍କ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।  ଆମେ ଏକା ସମୟରେ ଦୁଇଟି ବଡ ବିପଦର ସାମ୍‌ନା କରୁଛୁ – କୋଭିଡ ଓ ବାତ୍ୟା ୟଶ । ତେଣୁ ସମସ୍ତେ ପ୍ରଶାସନକୁ ସ୍ଥାନାନ୍ତରରେ ସହଯୋଗ କରନ୍ତୁ ଓ ଡବଲ ମାସ୍କ ପିନ୍ଧନ୍ତୁ ବୋଲି ମୁଖ୍ୟମନ୍ତ୍ରୀ ନିବେଦନ କରିଛନ୍ତି ।

ମୁଖ୍ୟମନ୍ତ୍ରୀ କହିଛନ୍ତି ଯେ ପ୍ରତ୍ୟେକ ଲୋକଙ୍କୁ ନିରାପଦ ସ୍ଥାନରେ ପହଞ୍ଚାଇବା ଆମର ଲକ୍ଷ୍ୟ । ତେଣୁ ସମସ୍ତେ ବାତ୍ୟା ଆଶ୍ରୟସ୍ଥଳ ତଥା ପକ୍କା ଘର ଆଦି ନିରାପଦ ସ୍ଥାନକୁ ଚାଲି ଆସିବା ପାଇଁ ସେ ଅନୁରୋଧ କରିଛନ୍ତି । କୋଭିଡ ପାଇଁ ପ୍ରଶାସନ ଗତ ଦୁଇ ମାସ ଧରି ଚାପରେ ଅଛି । ତେଣୁ ବାତ୍ୟାର ମୁକାବିଲା ପାଇଁ ଜନସାଧାରଣ ସ୍ଥାନାନ୍ତରରେ ପ୍ରଶାସନକୁ ପୁରା ସହଯୋଗ କରିବା ପାଇଁ ସେ ନିବେଦନ କରିଛନ୍ତି । ଯେହେତୁ ଏବେ କୋଭିଡ ସମୟ, ତେଣୁ ଆମକୁ ଅଧିକ ସାବଧାନ ରହିବାକୁ ହେବ ବୋଲି ମୁଖ୍ୟମନ୍ତ୍ରୀ ସତର୍କ କରାଇଛନ୍ତି  ।

ଆପଣମାନେ ବାତ୍ୟା ଆଶ୍ରୟସ୍ଥଳ ବା ପକ୍କା ଘର, ଯେଉଁଠାରେ ବି ଥାଆନ୍ତୁ, ଦୁଇଟି ମାସ୍କ ଏକ ସମୟରେ ପିନ୍ଧନ୍ତୁ । ବର୍ତ୍ତମାନ ପରିସ୍ଥିତିରେ ଗୋଟିଏ ନୁହେଁ, ଦୁଇଟି ମାସ୍କ ପିନ୍ଧିବା ଆମ ସ୍ବାସ୍ଥ୍ୟ ପାଇଁ ଖୁବ ଜରୁରୀ । ଡବଲ ବିପଦ ପାଇଁ ଡବଲ ମାସ୍କ। ତା ସହିତ ସାବୁନ ଓ ସାନିଟାଇଜରରେ ହାତ ମଧ୍ୟ ଧୋଇବା ପାଇଁ ସେ ନିବେଦନ କରିଛନ୍ତି।  ସାରା ମାନବ ଜାତି ବର୍ତ୍ତମାନ ଏକ କଷ୍ଟକର ସମୟ ଦେଇ ଗତି କରୁଛି ଏବଂ ଗତ ଏକ ବର୍ଷରୁ ଅଧିକ ସମୟ ଧରି କୋଭିଡ ବିରୁଦ୍ଧରେ ଆମର ଲଢେଇ ଜାରି ରହିଛି ବୋଲି ପ୍ରକାଶ କରି ମୁଖ୍ୟମନ୍ତ୍ରୀ କହିଥିଲେ ଯେ ବାତ୍ୟା ୟଶ ବର୍ତ୍ତମାନ ଆମ ପାଇଁ ଆହୁରି ଏକ ବଡ ବିପଦ ଭାବରେ ଦେଖା ଦେଇଛି । ଏକ ସମୟରେ ଦୁଇ ଦୁଇଟି ବଡ ବିପଦ ବାତ୍ୟା ଓ କୋଭିଡ ର ମୁକାବିଲା ଆମକୁ କରିବାକୁ ହେବ ।

ଗତ ବର୍ଷ ମେ ମାସରେ ମଧ୍ୟ ଆମେ କୋଭିଡ ସହ ବାତ୍ୟା ଅମ୍ଫନର ସାମ୍ନା କରିଥିଲେ ଏବଂ ଲୋକଙ୍କ ସହଯୋଗରେ ଆମେ ସଫଳତାର ସହ ସେ ପରିସ୍ଥିତିର ମୁକାବିଲା କରିଥିଲେ ବୋଲି ସେ ମନେପକାଇ ଦେଇଥିଲେ। ବାତ୍ୟା ଓଡିଶା ପାଇଁ ନୂଆ ନୁହେଁ, ତଥାପି ଆମକୁ ସତର୍କ ରହିବାକୁ ହେବ। ସାମାନ୍ୟ ହେଳା ବଡ ବିପଦ ସୃଷ୍ଟି କରିପାରେ ବୋଲି ସେ ସତର୍କ କରିଥିଲେ। ସରକାର ବାତ୍ୟା ଓ କୋଭିଡ ଦୁଇଟି ଯାକ ପରିସ୍ଥିତିର ମୁକାବିଲା ପାଇଁ ସଂପୂର୍ଣ୍ଣ ପ୍ରସ୍ତୁତ ଅଛନ୍ତି । ଜନସାଧାରଣଙ୍କ ସହଯୋଗ ହିଁ ଆମର ପ୍ରସ୍ତୁତିକୁ ଆହୁରି ମଜବୁତ କରିବ ବୋଲି ସେ ଆଶାପ୍ରକାଶ କରିଥିଲେ।

ଜନସାଧାରଣଙ୍କୁ ଆହୁରି ସତର୍କ କରି ମୁଖ୍ୟମନ୍ତ୍ରୀ କହିଥିଲେ ଯେ ବାତ୍ୟା ସମୟରେ ଓ ବାତ୍ୟା ପରେ ଆମେ କୋଭିଡ ପାଇଁ ଅଧିକ ସାବଧାନ ରହିବାକୁ ହେବ । ଆବଶ୍ୟକତାକୁ ଦେଖି ମିଶନ୍ ଶକ୍ତି ଗୋଷ୍ଠୀ ଜରିଆରେ ଲୋକଙ୍କୁ ମାସ୍କ ଯୋଗାଇବା ପାଇଁ ସେ କଲେକ୍ଟର ମାନଙ୍କୁ ନିର୍ଦ୍ଦେଶ ଦେଇଛନ୍ତି ବୋଲି କହିଥିଲେ। ପ୍ରାକୃତିକ ବିପର୍ଯ୍ୟୟ ସମୟରେ ଓଡିଶା ସବୁବେଳେ ଭଲ କାମ କରିଆସିଛି ପ୍ରକାଶ କରି ମୁଖ୍ୟମନ୍ତ୍ରୀ କହିଥିଲେ ଯେ ଏହି ବିପଦ ସମୟରେ ସାଧାରଣଙ୍କ ଠାରୁ ଆରମ୍ଭ କରି ପଞ୍ଚାୟତ ପ୍ରତିନିଧି ବନ୍ଧୁମାନେ ଓ ନାଗରିକ ସମାଜର (Civil society) ବନ୍ଧୁମାନେ ସମସ୍ତେ ସରକାରଙ୍କୁ ପୁରା ସହଯୋଗ ଦେଇ ଆସିଛନ୍ତି । ତେଣୁ ଏଥର ମଧ୍ୟ, ଆମେ ସମସ୍ତେ ମିଶି ଏ ଦୁଇ ବିପଦ ବିରୁଦ୍ଧରେ ଏକାଠି ଲଢିବା ଓ ନିଶ୍ଚୟ ଜିତିବା ବୋଲି ମୁଖ୍ୟମନ୍ତ୍ରୀ ଦୃଢ ବିଶ୍ୱାସ ପ୍ରକାଶ କରିଛନ୍ତି ।

 

ବାତ୍ୟା ମୁକାବିଲାର ମଙ୍ଗ ଧରିବେ ବରିଷ୍ଠ ପ୍ରଶାସକ

ଭୁବନେଶ୍ୱର: ବାତ୍ୟା ୟଶ୍ ନେଇ ପ୍ରସ୍ତୁତି ଜୋରଦାର କରିଛନ୍ତି ରାଜ୍ୟ ସରକାର । ସର୍ବାଧିକ ପ୍ରଭାବିତ ହେବାକୁ ଥିବା ଜିଲ୍ଲାଗୁଡ଼ିକାରେ ବାତ୍ୟା ମୁକାବିଲା ସମ୍ପର୍କିତ ପ୍ରସ୍ତୁତି ଓ ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ତଦାରଖ ନେଇ ୫ ବରିଷ୍ଠ ଆଇଏଏସ୍‌ଙ୍କୁ ଦାୟିତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ । କେନ୍ଦ୍ରାପଡ଼ା ପାଇଁ ହେମନ୍ତ ଶର୍ମା, ଜଗତସିଂହପୁର ପାଇଁ ଶାଶ୍ବତ ମିଶ୍ର, ଭଦ୍ରକ ପାଇଁ ଭି.ଭି. ଯାଦବ, ବାଲେଶ୍ବର ପାଇଁ ବିଶାଲ ଦେବ ଓ ମୟୂରଭଞ୍ଜ ପାଇଁ ସୁରେଶ ବସ୍ତିଆଙ୍କୁ ମିଳିଛି ଦାୟିତ୍ବ । ଏମାନେ ସମ୍ପୃକ୍ତ ଜିଲ୍ଲାରେ ବାତ୍ୟା ମୁକାବିଲା ପ୍ରସ୍ତୁତିର ତଦାରଖ କରିବେ ।

ଏଥିସହିତ ପଢ଼ନ୍ତୁ: କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବାତ୍ୟା ସମୀକ୍ଷା: କହିଲେ, ଆବଶ୍ୟକତା ଅନୁଯାୟୀ ରାଜ୍ୟମାନଙ୍କୁ ସହାୟତା ଯୋଗାଇ ଦିଆଯିବ

କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବାତ୍ୟା ସମୀକ୍ଷା: କହିଲେ, ଆବଶ୍ୟକତା ଅନୁଯାୟୀ ରାଜ୍ୟମାନଙ୍କୁ ସହାୟତା ଯୋଗାଇ ଦିଆଯିବ

ନୂଆଦିଲ୍ଲୀ: ତୈତେ ପରେ ଆଉ ଏକ ସାମୁଦ୍ରିକ ଝଡ଼ର ମୁକାବିଲା ଲାଗି ପ୍ରଭାବିତ ରାଜ୍ୟଗୁଡ଼ିକରେ ଜୋରଦାର ପ୍ରସ୍ତୁତି ଚାଲିଛି । ଭିସି ଯୋଗେ ବାତ୍ୟା ମୁକାବିଲା ପ୍ରସ୍ତୁତି ନେଇ ଆଜି ସମୀକ୍ଷା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଭିଡିଓ କନଫରେନ୍ସିଂ ଜରିଆରେ ଓଡିଶା, ଆନ୍ଧ୍ରପ୍ରଦେଶ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ସହ ଶାହା ଆଲୋଚନା କରିଛନ୍ତି । ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇ.ଏସ ଜଗନମୋହନ ରେଡ୍ଡୀଙ୍କ ସହ ଆଣ୍ଡାମାନ-ନିକୋବର ଉପରାଜ୍ୟପାଳ ଏହି ଭିସି ବୈଠକରେ ଉପସ୍ଥିତ ଥିଲେ । ବାତ୍ୟା ବେଳେ କରୋନା ହସ୍ପିଟାଲ, କୋଭିଡ୍ କେୟାର ସେଣ୍ଟର ବିଶେଷକରି ଆଇସିୟୁରେ ନିରବଚ୍ଛିନ୍ନ ବିଦ୍ୟୁତ୍ ଯୋଗାଣ ଉପରେ ଗୃହମନ୍ତ୍ରୀ ଗୁରୁତ୍ବାରୋପ କରିଥିଲେ । ଆବଶ୍ୟକତା ଅନୁଯାୟୀ ରାଜ୍ୟଗୁଡ଼ିକୁ NDRF ଟିମ୍ ସହ ସଶସ୍ତ୍ର ବାହିନୀ ଏବଂ ପାରା-ମିଲିଟାରୀ କର୍ମଚାରୀ, ରିଲିଫ୍ ଉପକରଣ ଯୋଗାଇ ଦିଆଯିବ ବୋଲି ଶାହା କହିଛନ୍ତି । ଓଡ଼ିଶା, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ, ତାମିଲନାଡୁ ଓ ଆଣ୍ଡାମାନ-ନିକୋବର ଦ୍ବୀପରେ ମୋଟ ୯୯ଟି NDRF ଟିମ୍ ସଜାଗ ରହିଛନ୍ତି ।

ଏଥିସହିତ ପଢ଼ନ୍ତୁ: ବାତ୍ୟାର ରୂପ ନେଲା ୟଶ, ୨୪ ଘଣ୍ଟା ମଧ୍ୟରେ ଅତି ଭୀଷଣ ବାତ୍ୟାରେ ପରିଣତ ହେବ

କରୋନାରେ ଚାଲିଗଲେ ଆଉ ଜଣେ ସାମ୍ୱାଦିକ: ଦ୍ୱିତୀୟ ପ୍ରବାହ ନେଲାଣି ୩୦ ସାମ୍ୱାଦିକଙ୍କ ଜୀବନ

ଭୁବନେଶ୍ୱର: ମହାମାରୀ କରୋନା ମୁକାବିଲାର ଏକ ପ୍ରମୁଖ ଅସ୍ତ୍ର ହେଉଛି ସତର୍କ ରହିବା ସଚେତନ ରହିବା । ମାସ୍କ ପିନ୍ଧିବା ଓ ସାମାଜିକ ଦୂରତ୍ୱ ରକ୍ଷା କରିବା । ଆଉ ଏହି ବାର୍ତ୍ତାକୁ ଲୋକଙ୍କ ନିକଟରେ ପହଞ୍ଚାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି ଗଣମାଧ୍ୟମ ସଂସ୍ଥା ଓ ଏହାର ପ୍ରତିନିଧି । ଏଣୁ ଲକ୍‌ଡାଉନ୍‌ ବେଳେ ଘରେ ଭିତରେ ଲୋକେ ଲକ୍‌ ହୋଇଥିବା ବେଳେ ମଧ୍ୟ ଖବର ସଂଗ୍ରହ ପାଇଁ ବାହାରି ପଡ଼ୁଥିଲେ ସାମ୍ୱାଦିକ । କରୋନା ମୁକାବିଲା ଦିଗରେ ସରକାରଙ୍କ ପକ୍ଷରୁ ନିଆଯାଉଥିବା ପ୍ରତ୍ୟେକ ପଦକ୍ଷେପକୁ ଲୋକଙ୍କ ନିକଟରେ ପହଞ୍ଚାଉଥିଲା । ଯାହା ଫଳରେ ଲୋକେ ସତର୍କ ହୋଇପାରିବେ ଏବଂ ସଂକ୍ରମଣର ଚେନ୍‌ରେ ବ୍ରେକ୍ ଲାଗିପାରିବ । କିନ୍ତୁ ଲୋକଙ୍କୁ ସଚେତନ କରୁ କରୁ ଓ ସାମ୍ୱାଦିକତାର ଧର୍ମ ପାଳନ ଭିତରେ ନିଜେ ହୋଇଯାଇଥିଲେ କରୋନା ସଂକ୍ରମିତ । କିଛି ସାମ୍ୱାଦିକ ମହାମାରୀ କବଳରୁ ବର୍ତ୍ତିଯାଇଥିଲେ ମଧ୍ୟ ଆଉ କିଛି ଜଣ ଆରପାରିକୁ ଚାଲିଯାଇଛନ୍ତି । କିଏ ତା’ ବାପାଙ୍କୁ ହରାଇଛି ତ ଆଉ କିଏ ନିଜ ପ୍ରିୟର ପୁଅକୁ । କିଏ ସ୍ୱାମୀକୁ ହରାଇଛି , ଏଭଳି କି କୁନି କୁନି ଛୁଆମାନେ ଅନାଥ ହୋଇଯାଇଛନ୍ତି । ଗତକାଲି ରାତି ୧୧ଟା ୩୦ରେ ରାଜ୍ୟରେ ଆଉ ଜଣେ ସାମ୍ୱାଦିକଙ୍କ କରୋନାରେ ଦେହାନ୍ତ ହୋଇଛି । ସେ ଦୈନିକ ଖବର କାଗଜ ‘ସମୟ’ରେ ସାମ୍ବାଦିକ ଭାବେ କାର୍ଯ୍ୟରତ ମୃତ ସାମ୍ୱାଦିକ ଜଣଙ୍କ ହେଲେ ସଂଗ୍ରାମ କେଶରୀ ମହାପାତ୍ର । ସେ କରୋନାରେ ସଂକ୍ରମଣ ହେବା ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲ୍ ଚିକିତ୍ସିତ ହେଉଥିଲେ । ତେବେ ମିଡିଆ କେୟାର ପକ୍ଷରୁ ସଂଗୃହୀତ ତଥ୍ୟ ଅନୁସାରେ  ସଂଗ୍ରାମଙ୍କୁ ମିଶାଇ କରୋନାର ଦ୍ୱିତୀୟ ପ୍ରବାହ କାଳରେ ରାଜ୍ୟରେ ଏଯାବତ୍ ମୋଟ ୩୦ ଜଣ ସାମ୍ୱାଦିକ ପ୍ରାଣ ହରାଇଛନ୍ତି ।

ସେମାନେ ହେଲେ ଯତୀଶ ଖମାରୀ,(ସମ୍ୱାଦ,ବଲାଙ୍ଗୀର), ମନୋଜ ସାହୁ (ଚିକିଟି, ଗଞ୍ଜାମ, ନିତିଦିନ) , ଗୋବିନ୍ଦ ବେହେରା (କୁକୁଡ଼ାଖଣ୍ଡି, ଗଞ୍ଜାମ ନ୍ୟୁଜ ୬), ମାନସ ଜୟପୁରିଆ (ସମ୍ୱଲପୁର, ଜୀ ଓଡ଼ିଶା), ଅମଜଦ ବାଦଶାହ (ଝାରସୁଗୁଡ଼ା, ଏନ୍‌ଏଫ୍‌ଟିଭି) , ଭାନୁପ୍ରକାଶ ରଥ (ଭବାନୀପାଟଣା, ନକ୍ଷତ୍ର ଟିଭି), ଅଦ୍ୱିତୀୟ ପ୍ରସାଦ ବିଶ୍ୱାଳ (ରାଉରକେଲା, ଶ୍ରମିକ ମାଲିକ), ସୁବାସ ସାହାରେ (ଝାରସୁଗୁଡ଼ା, ଶାସକ ପ୍ରଶାସକ ) ଦେବେନ୍ଦ୍ର ସାମନ୍ତରାୟ (ସମ୍ୱଲପୁର, ସମ୍ୱାଦ), ପ୍ରୀତିମାନ ମହାପାତ୍ର ଭୁବନେଶ୍ୱର, (ଟାଇମ୍ସ ଅଫ୍ ଇଣ୍ଡିଆ), କରୁଣାକର ସାହୁ, (ହିଞ୍ଜଳିକାଟୁ, ସମ୍ୱାଦ କଳିକା), ହରିଶ୍ ଚନ୍ଦ୍ର ସାହ (ସିମୁଳିଆ, ସମୟ), ସୁଦାମ ଚନ୍ଦ୍ର ନାୟକ (କେ. ନୂଆଗାଁ, ପ୍ରମେୟ), ଶୁଭ୍ରାଶୁଂ ମିଶ୍ର, (ବଲାଙ୍ଗୀର, ସମ୍ୱାଦ), ମନୋଜ ବେବର୍ତ୍ତା (ମୁମ୍ୱାଇ/କଟକ, ନେଟଓ୍ୱର୍କ-୧୮), ସୁମିତ ଓନକା, ଜୟପୁର, ଦି ପାଓନିର୍, ପ୍ରଦୀପ ସାହୁ,( ବ୍ରହ୍ମପୁର, ସମ୍ୱାଦ), ଡି ଶଙ୍କର ରାଓ (କୋରାପୁଟ,ସାକ୍‌ସୀ, ତେଲୁଗୁ), କିଶୋର ଚନ୍ଦ୍ର ଦାସ (ପୋଲସରା, ସମାଜ), ଦୁର୍ବିକ୍ଷ ବସ୍ତିଆ (ବୌଦ୍ଧ, ଓଡ଼ିଶା ଭାସ୍କର), ସବନମ୍ ସିରିନ୍ (ଭୁବନେଶ୍ୱର, ରେଡିଓ ୯୦.୪ ସୋଆ ଏଫଏମ୍‌ ରେଡିଓ) , ସୁମନ୍ତ ମହାନ୍ତି (ରାଉରକେଲା, କନକ ନ୍ୟୁଜ୍), ରତିକାନ୍ତ ବଳ (ବଡ଼ଚଣା ଏକାମ୍ର ଟିଭି), କୈଳାଶ ଚନ୍ଦ୍ର ସାହୁ, ପାଟଣାଗଡ଼, ପ୍ରଗତିବାଦୀ, ବିଷ୍ରୁ ପ୍ରସାଦ ପାତ୍ର (ବ୍ରହ୍ମପୁର, ଓଡ଼ିଶା ଭାସ୍କର,କଳିଙ୍ଗ ଦର୍ପଣ), ହୀରନମୟୀ ପିଙ୍ଗୁଆ, (ସମ୍ୱାଦ ମୟୂରଭଞ୍ଜ), ସୁଦର୍ଶନ ବିଶ୍ୱାଳ (ରାୟଗଡ଼ା, ପ୍ରଥମା) ଆଦିତ୍ୟ ସାହୁ (ଝାରସୁଗୁଡ଼ା ସମ୍ୱାଦ), ଆଶୁତୋଷ ବେହେରା (ସର୍ବସାଧାରଣ, ଫୁଲବାଣୀ ଟାଉନ୍), ସଂଗ୍ରାମ କେଶରୀ ମହାପାତ୍ର (ସମୟ, କୋଣାର୍କ) ।