spot_img
Home Blog Page 5739

କୋୱିନ ଆପ୍‌ ମାଧ୍ୟମରେ ପଞ୍ଜିକରଣ କରିଥିବା ଲୋକଙ୍କୁ ମିଳିବ ଅଗ୍ରାଧିକାର

ଭୁବନେଶ୍ୱର: କରୋନା ଟିକା ନେବା ପାଇଁ କୋଓ୍ବିନ ଆପ୍‌ ମାଧ୍ୟମରେ ପଞ୍ଜିକରଣ କରିଥିବା ଲୋକଙ୍କୁ ଅଗ୍ରାଧିକାର ମିଳିବ । ସେମାନଙ୍କୁ ଆଗେ ଟିକା ମିଳିବ ବୋଲି କହିଛନ୍ତି ରାଜ୍ୟ ସରକାର । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି । ଅଫଲାଇନ୍‌ ବା ଟିକା କେନ୍ଦ୍ରକୁ ଯାଇ ପଞ୍ଜିକରଣ କରୁଥିବା ଲୋକଙ୍କୁ ଟିକା ଦେବା ଉପରେ କଟକଣା ଜାରି କରାଯାଇଛି । ଏହାଦ୍ବାରା ଟିକାର ପରିଚାଳନା ଠିକ୍‌ ହେବା ସହ ଟିକା ନଷ୍ଟ ମଧ୍ୟ ବହୁ ମାତ୍ରା ଆୟତକୁ ଆସିବ । ଅନଲାଇନ୍‌ରେ ପଞ୍ଜିକରଣ କରିଥିବା ଲୋକଙ୍କୁ ଅନେକ ସମୟ ଧରି ଅପେକ୍ଷା କରୁଥିବା ଦେଖିବାକୁ ମିଳୁଛି । ଟିକା କେନ୍ଦ୍ରରେ ପଞ୍ଜିକରଣ କରି ଲୋକେ ଭିଡ ଜମାଉଥିବାରୁ ଅନଲାଇନ ପଞ୍ଜିକରଣକାରୀରେ ହଇରାଣ ହେଉଛନ୍ତି । ଅନେକ ସମୟ ଧରି ଅପେକ୍ଷା କରୁଛନ୍ତି ।

ଏପଟେ ବୟସ୍କ ଲୋକଙ୍କୁ ଘର ପାଖରେ ଟିକାକରଣ କରେଇବା ନେଇ ବ୍ୟବସ୍ଥା କରିଛନ୍ତି ରାଜ୍ୟ ସରକାର । ବୟସ୍କ ଓ ଭିନ୍ନକ୍ଷମ ମାନେ ଚାହିଁଲେ ଘର ପାଖରେ ଥିବା ଯେ କୌଣସି ସ୍ଥାନରେ ଟିକା ନେଇପାରିବେ । ସେମାନଙ୍କର ଯେଉଁଠି ସୁବିଧା ହେବ ସେମାନେ ଟିକା ନେବେ । ଏଥିପାଇଁ ଖୁବଶିଘ୍ର ଗାଇଡଲାଇନ୍‌ ପ୍ରକାଶ କରାଯିବ । କମ୍ୟୁନିଟି ସେଣ୍ଟର, ସ୍କୁଲ, ପଞ୍ଚାୟତ କାର୍ଯ୍ୟାଳୟ ଭଳି ସ୍ଥାନରେ ସେମାନଙ୍କୁ ଟିକା ଦିଆଯିବ । ସମସ୍ତଙ୍କୁ ସୁରୁଖୁରୁରେ ଟିକାକରଣ କରିବା ପାଇଁ ରାଜ୍ୟ ସରକାର ଏଭଳି ପଦକ୍ଷେପ ନେଇଛନ୍ତି ।

ସେପଟେ ଟିକାର ପରିଚାଳନା ନେଇ ରାଜ୍ୟ ସରକାରଙ୍କ ପକ୍ଷରୁ ଗାଇଡଲାଇନ୍‌ ପ୍ରକାଶ ପାଇଛି । ମାତ୍ର ୪ଟି ମାଧ୍ୟମରେ ରାଜ୍ୟରେ ଟିକାକରଣ ହେବ । ଅନ୍ୟ କୌଣସି ଉପାୟରେ ଟିକାକରଣ ହେଲେ ରାଜ୍ୟ ସରକାର କାର୍ଯ୍ୟାନୁଷ୍ଠାନ ନେବେ । ପ୍ରଥମଟି ହେଲା ସରକାରୀ ଟିକାକରଣ କେନ୍ଦ୍ର, ଦ୍ବିତୀୟରେ ଘରୋଇ ମେଡିକାଲ ଦ୍ବାରା ପରିଚାଳିତ କେନ୍ଦ୍ର, ତୃତୀୟରେ ସରକାରୀ ଅଫିସ ଓ ଘରୋଇ ଅଫିସ୍‌ରେ ସରକାରଙ୍କ ତତ୍ବାବଧାନରେ ହେଉଥିବା ଟିକାକରଣ ଏବଂ ଚତୁର୍ଥରେ ବୟସ୍କ ଓ ଭିନ୍ନକ୍ଷମ ପାଇଁ ହୋଇଥିବା ସ୍ବତନ୍ତ୍ର ଟିକାକରଣ କେନ୍ଦ୍ରରେ ଟିକା ଦିଆଯିବ । ହୋଟେଲରେ ଟିକା ଦିଆଯାଉଥିବା ନେଇ ଅଭିଯୋଗ ପରେ ସରକାର ଏଭଳି ଗାଇଡଲାଇନ୍‌ ଜାରି କରିଛନ୍ତି । ତୁରନ୍ତ ଟିକାକରଣରେ ଏଭଳି ମାଧ୍ୟମକୁ ବନ୍ଦ କରିବା ପାଇଁ ସବୁ ଜିଲ୍ଲାପାଳଙ୍କୁ ଚିଠି ଲେଖିଛି ସ୍ବାସ୍ଥ୍ୟ ବିଭାଗ ।

 ଭୁଶୁଡ଼ି ପଡ଼ିଲା ନିର୍ମାଣାଧୀନ ପୋଲ

ଯାଜପୁର:  ଭୁଶୁଡ଼ିଲା ନିର୍ମାଣାଧୀନ ପୋଲ । ପାଣିକୋଇଲି ଥାନା ବ୍ରଜନଗର ନିକଟରେ ନିର୍ମାଣାଧୀନ ଏକ ପୋଲ ଭୁଶୁଡ଼ି ପଡ଼ିଛି । ୧୬ ନଂ ଜାତୀୟ ରାଜପଥରେ ଏହି ପୋଲ ନିର୍ମାଣ କାର୍ଯ୍ୟ ଚାଲିଥିଲା। ତେବେ ପୋଲ ଭୁଶୁଡ଼ିବାରେ କେହି ମୃତାହତ ହୋଇ ନଥିବା ସୂଚନା ମିଳିଛି । ୧୬ ନଂ. ଜାତୀୟ ରାଜପଥ ସମ୍ପ୍ରସାରଣ ଦାୟିତ୍ୱ DBL ନାମକ ଏକ ଠିକା ସଂସ୍ଥା ହାତରେ ରହିଛି ।

ନିର୍ମାଣ କାର୍ଯ୍ୟ ଚାଲୁ ରହିଥିବା ବେଳେ ଆଜି ଅପରାହ୍ନରେ ହଠାତ୍ ପୋଲଟି ଭୁଶୁଡ଼ି ପଡ଼ିଥିଲା । ଅଘଟଣ ପରେ ବିଭାଗୀୟ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । 3ମାସ ହେବ ସେଠାରେ ପୋଲ ନିର୍ମାଣ କାମ ଆରମ୍ଭ ହୋଇଥିବା ବେଳେ ସଟରିଂ କରାଯାଇଛି । ୟାସ୍ ବାତ୍ୟା ଯୋଗୁ ପାଣି ଜମି ରହିବା ଫଳରେ ବନ୍ୟା ସ୍ଥିତି ଦେଖାଦେଇଥିଲା । ପାଣି ଭିତରେ ଲୁହା ସଟରିଂଟି ରହିଥିବାରୁ ଏଥିରେ କଳଙ୍କି ଲାଗି ଭୁଶୁଡ଼ି ପଡ଼ିଛି ବୋଲି ସ୍ଥାନୀୟ ଲୋକେ କହିଛନ୍ତି ।

ଝାରପଡା ଜେଲରେ ଅଚାନକ ଡିଜି ସନ୍ତୋଷ ଉପାଧ୍ୟାୟ, ଗଞ୍ଜେଇ ମିଳିବା ପରେ ଆକ୍ଟିଭ

ଭୁବନେଶ୍ୱର: ଝରାପଡା ସ୍ୱତନ୍ତ୍ର ଜେଲରେ ମୋବାଇଲ ଓ ଗଂଜେଇ ମିଳିବା ଘଟଣା ପରେ ଆକ୍ଟିଭ ହୋଇଛି ଜେଲ ବିଭାଗ। ଆଜି ସନ୍ଧ୍ୟାରେ ଜେଲରେ ଅଚାନକ ପରିଦର୍ଶନ କରି ଅନୁଧ୍ୟାନ କରିଛନ୍ତି ଜେଲ ଡିଜି ସନ୍ତୋଷ ଉପାଧ୍ୟାୟ। ଗତ ମାସେ ଭିତରେ 26 ଟି ମୋବାଇଲ ଜବତ ହୋଇଥିଲା।ତା ସହିତ ବିପୁଳ ପରିମାଣରେ ଗଂଜେଇ ଜବତ ହୋଇଥିଲା। ଅନୁଧ୍ୟାନ ପରେ ଗଣମାଧ୍ୟମକୁ ପ୍ରତିକ୍ରିୟାରେ କହିଛନ୍ତି। ଟ୍ରାନ୍ସଜେଣ୍ଡର ଆଇନ ଆସିବା ପରେ ଭାବରେ ସ୍ବତନ୍ତ୍ର ଟ୍ରାନ୍ସଜେଣ୍ଡର ୱାର୍ଡ ଗଠନ କରାଯିବ।

ବାର୍ଦ୍ଧକ୍ୟ ଲୋକଙ୍କ ପାଇଁ ସ୍ୱତନ୍ତ୍ର ୱାର୍ଡ କରାଯିବ। କଏଦୀଙ୍କ ସଂଖ୍ୟା ବୃଦ୍ଧି କାରଣରୁ ନୂଆ କରି 100ଟିକିଆ ୱାର୍ଡ କରାଯିବ।10ଟି ହାର୍ଡକୋର କଏଦୀଙ୍କ ପାଇଁ10ଟା ସେଲ କରାଯିବ।ଭଲ ୱାର୍ଡନଙ୍କୁ ପୁରସ୍କୃତ କରାଯିବ। ଯେଉଁମାନେ ଖରାପ କାର୍ଯ୍ୟରେ ଲିପ୍ତ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ। ଗତକାଲି ଜଣେ ୱାର୍ଡନଙ୍କୁ ସସପେଣ୍ଡ କରାଯାଇଛି। ଚେକିଂ ଜୋରଦାର ହେବ।

ଅର୍ଥନୀତିରେ କରୋନା ମାଡ଼, ଗତ ୪୦ ବର୍ଷର ସବୁଠୁ ଖରାପ ସ୍ଥିତି

ଭୁବନେଶ୍ୱର: ଭାରତୀୟ ଅର୍ଥନୀତିରେ କରୋନା ଭାଇରସର ପ୍ରଭାବ । ୨୦୨୦-୨୧ ଆର୍ଥିକବର୍ଷରେ ଜିଡିପି ମାଇନସ ୭ ଦଶମିକ ୩ ପ୍ରତିଶତ ରହିଛି । ଯାହା ଗତ ୪୦ ବର୍ଷର ସବୁଠୁ ଖରାପ ସ୍ଥିତି । ଚଳିତବର୍ଷ ଜାନୁଆରୀରୁ ମାର୍ଚ୍ଚ ମାସ ମଧ୍ୟରେ ୧ ଦଶମିକ ୬ ପ୍ରତିଶତ ବୃଦ୍ଧି ପାଇଛି । ପୂର୍ବରୁ କେନ୍ଦ୍ର ସରକାର ଅଭିବୃଦ୍ଧି ହାର ମାଇନସ ୮ ପ୍ରତିଶତ ରହିବ ବୋଲି ଅନୁମାନ କରିଥିଲେ । ଗତବର୍ଷ ଲକଡାଉନ୍‌ ସମୟରୁ ହିଁ ଭାରତୀୟ ଅର୍ଥନୀତି ମାଇନସ ଟ୍ରାକ୍‌ରେ ରହିଛି ।

ଧୀରେ ଧୀରେ ସ୍ଥିତି ସୁଧୁରୁଥିଲେ ମଧ୍ୟ କଟକଣା ଓ ଦ୍ବିତୀୟ ଲହର ଯୋଗୁଁ ଏପରି ସ୍ଥିତି ହୋଇଥିବା ଅନୁମାନ କରାଯାଉଛି । ଗତବର୍ଷ ପୂରା ଦେଶରେ ଲକଡାଉନ୍‌ ଯୋଗୁଁ ମାଇନସ୍‌ ୨୪ ପ୍ରତିଶତକୁ ଖସିଯାଇଥିଲା ଅବିବୃଦ୍ଧି ହାର । ୨୦-୨୧ ଆର୍ଥିକବର୍ଷର ଚତୁର୍ଥ ତ୍ରୈମାସିକରେ ସ୍ଥିତି ସମ୍ପୂର୍ଣ୍ଣ ସୁଧୁରିବ ଆଶା କରାଯାଉଥିଲା । ଏହି ସମୟରେ ଜିଏସଟି ସଂଗ୍ରହ ମଧ୍ୟ ଭଲ ହୋଇଥିଲା । ତଥାପି ଆର୍ଥିକ ସ୍ଥିତିର ଉନ୍ନତିରେ ବିଶେଷ କିଛି ସଫଳତା ମିଳିନାହିଁ । ୧୯-୨୦ ବର୍ଷର ଏହି ମାସରେ ଅଭିବୃଦ୍ଧି ହାର ୪ ଦଶମିକ ୦ ପ୍ରତିଶତ ଥିଲା ।

ପଞ୍ଜାବ ହରିୟାଣା ହାଇକୋର୍ଟଙ୍କ ଐତିହାସିକ ନିଷ୍ପତ୍ତି: ମାଆଠୁ ପିଲାକୁ ଅଲଗା କରିପାରିବନି ପରକୀୟା ପ୍ରିତୀ

ମାଆଠୁ ପିଲାକୁ ଅଲଗା କରିପାରିବନି ପରକୀୟା ପ୍ରିତି । ଏଭଳି ଐତିହାସିକ ନିଷ୍ପତ୍ତି ଶୁଣାଇଛନ୍ତି ପଞ୍ଜାବ ହରିୟାଣା ହାଇକୋର୍ଟ । ଯଦି ମା’ର ଏକ୍ସଟ୍ରା ମ୍ୟାରେଟାଲ ଅଫେୟାର ରହିଛି ତେବେ ଏହା ଆଧାରରେ ମା’କୁ ପିଲାର କଷ୍ଟଡିରୁ ବଞ୍ଚିତ ରଖାଯାଇପାରିବନି

ଜଣେ ମହିଳା ତାଙ୍କ ଚାରି ବର୍ଷର ଝିଅକୁ ତା’ର ପିତା ହେପାଜତରୁ ମୁକ୍ତ କରି ତାଙ୍କୁ ହସ୍ତାନ୍ତର କରିବା ପାଇଁ କୋର୍ଟରେ ହାବିୟସ କର୍ପସ ରିଟ ଦାଖଲ କରିଥିଲେ । ତେବେ ମେ ୧୦ରେ ଜଷ୍ଟିସ୍ ଅନୁପନ୍ଦର ସିଂ ଗରେୱାଲ୍ ଏହାର ଶୁଣାଣି କରି ମହିଳାଙ୍କୁ ତାଙ୍କ ଝିଅର କଷ୍ଟଡି ଦେଇଛନ୍ତି ଓ କହିଛନ୍ତି ଯେ  ଆବେଦନକାରୀଙ୍କ ଉପରେ ତାଙ୍କ ସମ୍ପର୍କୀୟ ପରକୀୟା ପ୍ରିତିର ଅଭିଯୋଗ ଲଗାଇଛନ୍ତି । ଏହା ବ୍ୟତୀତ ପିଟିସନରେ ଆଉ କୌଣସି ଉପଯୁକ୍ତ କାରଣ କିମ୍ବା ତଥ୍ୟ ଦିଆଯାଇ ନାହିଁ। ଜଷ୍ଟିସ ଆହୁରି କହିଥିଲେ ଯେ  ପିତୃସତ୍ତାତ୍ମକ ସମାଜରେ ନାରୀର ଚରିତ୍ର ଉପରେ ଆକ୍ଷେପ କରିବା ଏକ ସାଧାରଣ କଥା। ପ୍ରାୟ ଅଭିଯୋଗଗୁଡ଼ିକ ଭିତ୍ତିହୀନ ହିଁ କରାଯାଏ। ତେଣୁ କେବଳ ଏହା ଅନୁମାନ କରି ଯେ ମହିଳାଙ୍କର ଅନ୍ୟ ପୁରୁଷ ସହ ସମ୍ପର୍କ ରହିଛି କିମ୍ବା ସତରେ ବି ଯଦି ଏଭଳି କିଛି ରହିଛି ତେବେ ଏହା ଆଧାରରେ ସିଦ୍ଧାନ୍ତ ହୋଇପାରିବ ନାହିଁ ଯେ ମହିଳା ଜଣକ ଭଲ ମାଆ ନୁହଁନ୍ତି ବା ସେ ନିଜ ପିଲାର କଷ୍ଟଡି ପାଇବାର ହକଦାର ନୁହଁନ୍ତି ।

ଜଷ୍ଟିସ୍ ଗରେୱାଲ୍ କହିଛନ୍ତି ଯେ  ପିଲାଟି ପ୍ରାମ୍ଭିକ ବୟସରେ ତା’ର ବିକାଶ ପାଇଁ ମା’ର ପ୍ରେମ, ଯତ୍ନ ଏବଂ ସ୍ନେହ ଆବଶ୍ୟକ କରେ। ଏବଂ “କିଶୋର ଅବସ୍ଥାରେ ମା’ର ସମର୍ଥନ ଏବଂ ମାର୍ଗଦର୍ଶନ ଆବଶ୍ୟକ କରେ। Hindu Minority and Guardianship Act, 1956, ଧାରା ୬ ଅନୁଯାୟୀ ପିଲାକୁ ୫ ବର୍ଷ ହେବା ପର୍ଯ୍ୟନ୍ତ ମା ହିଁ ଶିଶୁର ପ୍ରକୃତ ଅଭିଭାବକ।

ତେବେ ପଞ୍ଜାବ ହରିୟାଣା ହାଇକୋର୍ଟଙ୍କ ଏଭଳି ନିଷ୍ପତ୍ତିକୁ ସାରା ଦେଶରେ ପ୍ରଶଂସା କରାଯାଉଛି।

 

EPFO ନିୟମରେ ପରିବର୍ତ୍ତନ: କରୋନା ଚିକିତ୍ସା ପାଇଁ PFରୁ ବାହାର କରିପାରିବେ ଟଙ୍କା

ନୂଆଦିଲ୍ଲୀ:  କରୋନା ଭାଇରସର ଦ୍ୱିତୀୟ ଲହର ପାଇଁ ପୁଣି ଥରେ ଦେଶରେ ଲକଡାଉନ୍ ହୋଇଛି । ତେଣୁ ଅନେକ ଲୋକ ଆର୍ଥିକ ସଙ୍କଟ ଦେଇ ଗତି କରୁଛନ୍ତି । ଏଭଳି ପରିସ୍ଥିତିରେ ଯଦି ଜଣେ ବ୍ୟକ୍ତି ସଂକ୍ରମିତ ହୁଅନ୍ତି, ତେବେ ଚିକିତ୍ସା ପାଇଁ ଟଙ୍କା ବ୍ୟବସ୍ଥା କରିବା ମଧ୍ୟ ଏକ ବଡ଼ ସମସ୍ଯା ହୋଇପଡ଼ୁଛି । ଏହି ପରିସ୍ଥିତିରେ ଲୋକଙ୍କୁ ଆର୍ଥିକ ଅସୁବିଧାରୁ ମୁକ୍ତ କରିବା ପାଇଁ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଯାହା ମାଧ୍ୟମରେ ଏମ୍ପ୍ଲୋଇ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ (ଇପିଏଫଓ) ବର୍ତ୍ତମାନ PFର ପରିମାଣ ବାହାର କରିବାର ସର୍ତ୍ତରେ ଦ୍ୱିତୀୟ ଥର ପାଇଁ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛନ୍ତି ।

ବର୍ତ୍ତମାନ କରୋନା ସଂକ୍ରମିତଙ୍କ ଚିକିତ୍ସା ପାଇଁ PFରୁ ଟଙ୍କା ବାହାର କରାଯାଇପାରିବ । ଏହାପୂର୍ବରୁ, ମାର୍ଚ୍ଚ ୨୦୨୦ ରେ କେନ୍ଦ୍ର ସରକାର ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା (PMGKY) ଅଧୀନରେ ଏକ ସ୍ୱତନ୍ତ୍ର ବ୍ୟବସ୍ଥା ହୋଇଥିଲା, ଯେଉଁଥିରେ ଇପିଏଫ୍ ସଦସ୍ୟମାନେ PFର ୭୦ ପ୍ରତିଶତ କିମ୍ବା ୩ମାସର ଦରମା ଏବଂ ଭତ୍ତା ବାହାର କରିପାରିବେ ।

ଆପଣ ଘର କିଣିବା ପାଇଁ ମଧ୍ୟ ଟଙ୍କା ଉଠାଇ ପାରିବେ

ଯଦି ଆପଣ ଘର କିଣିବାର ଚାହୁଁଛନ୍ତି, କିନ୍ତୁ ଅଧିକ ସୁଧ ହାର ଏବଂ ହାଉସ ଲୋନର କଠୋର ସର୍ତ୍ତ ଯୋଗୁଁ ଆପଣ ନିଷ୍ପତ୍ତି ନେଇପାରୁ ନାହାଁନ୍ତି । ତେବେ ଆପଣଙ୍କ PF ଆକାଉଣ୍ଟ ଆପଣଙ୍କୁ ସାହାଯ୍ୟ କରିପାରିବ । ଇପିଏଫ୍ ହେଉଛି ସେହି ନିର୍ଦ୍ଦିଷ୍ଟ ପରିମାଣ ଟଙ୍କା ଯେଉଁଟା ପ୍ରତି ମାସରେ କର୍ମଚାରୀଙ୍କ ମାସିକ ବେତନରୁ କଟାଯାଇ ଏକ ଆକାଉଣ୍ଟରେ ଜମା କରାଯାଇଥାଏ । ଶ୍ରମ ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା କର୍ମଚାରୀ ପ୍ରୋଭିଡେଣ୍ଟ ପାଣ୍ଠି ସଂଗଠନ (EPFO)କୁ EPF ପରିଚାଳନା କରେ  । ପ୍ରତିମାସରେ ଏହାର ସୂଚି, ବେତନ ବା ସାଲାରି ସ୍ଲିପରେ ରହିଥାଏ । ଯେକୌଣସି ବେତନ ପ୍ରାପ୍ତ କର୍ମଚାରୀ ଘର କିଣିବା ପାଇଁ ତାଙ୍କ PF ଆକାଉଣ୍ଟରୁ ଟଙ୍କା ଉଠାଇ ପାରିବେ । ଏହା ବ୍ୟତୀତ, ଏହି ସୁବିଧା EPFO ​​ଦ୍ୱାରା ମଧ୍ୟ ଦିଆଯାଇଛି ଯେ ଆପଣ ନିଜ ଘର କିଣିବା ପାଇଁ PF ଆକାଉଣ୍ଟରୁ ୯୦ ପ୍ରତିଶତ ପର୍ଯ୍ୟନ୍ତ ଟଙ୍କା ଭରଣ କରିପାରିବେ । କେବଳ ଏତିକି ନୁହେଁ, ଆପଣ ଆପଣଙ୍କର PF ଆକାଉଣ୍ଟ ମାଧ୍ୟମରେ ମାସିକ EMI ବା କିସ୍ତି ମଧ୍ୟ ଦେଇପାରିବେ ।

ମାଗଣା ୭ ଲକ୍ଷ ଟଙ୍କା ପର୍ଯ୍ୟନ୍ତ ପାଇପାରିବେ

ଯଦି ଆପଣ EPFO ​​ସହିତ ଜଡିତ ଅଛନ୍ତି, ଅର୍ଥାତ୍ ଆପଣଙ୍କର PF କଟାଯାଇଥାଏ, ତେବେ ଆପଣଙ୍କୁ ସଂସ୍ଥା ତରଫରୁ ଜୀବନ ବୀମା ସୁବିଧା ଦିଆଯିବ । ଇପିଏଫଓ ତାହାର ସଦସ୍ୟମାନଙ୍କୁ ୭ ଲକ୍ଷ ଟଙ୍କା ପର୍ଯ୍ୟନ୍ତ ଜୀବନ ବୀମା ସୁବିଧା ଯୋଗାଉଛି। ଏହାପୂର୍ବରୁ ଏହି ପରିମାଣ ୬ ଲକ୍ଷ ଟଙ୍କା ଥିଲା। ସେପ୍ଟେମ୍ବର ୯, ୨୦୨୦ ରେ EDLI ଯୋଜନା ଅନୁଯାୟୀ ଅଧିକତର ବୀମା ରାଶି ବୃଦ୍ଧି କରାଯାଇ ୭ ଲକ୍ଷ ଟଙ୍କା କରିବାକୁ ନିଷ୍ପତ୍ତି ନିଆଯାଇଛି ।

ଅତିରିକ୍ତ ଏସପି ପାହ୍ୟାକୁ ପଦୋନ୍ନତି ହେଲେ ରାଜ୍ୟ ପୋଲିସର ୪ ଡିଏସପି

ଭୁବନେଶ୍ୱର: ରାଜ୍ୟ ପୋଲିସର ଚାରି ଜଣ ଡିଏସପିଙ୍କୁ ସୋମବାର ଦିନ ଅତିରିକ୍ତ ଏସପି ପାହ୍ୟାକୁ ପଦୋନ୍ନତି ଦିଆଯାଇଛି। ଏନେଇ ଗୃହ ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି ।

ସୂଚନା ଅନୁଯାୟୀ ଅର୍ଥନୈତିକ ଅପରାଧିକ ଶାଖାର ଡିଏସପି ଦିଲ୍ଲୀପ କୁମାର ତ୍ରିପାଠୀ ପଦୋନ୍ନତି ପାଇ ଅତିରିକ୍ତ ଏସପି, ସିଏଡବ୍ଲ୍ୟ ଏବଂ ସିଡବ୍ଲ୍ୟୁ ହୋଇଛନ୍ତି । ସେହିପରି ବାଲେଶ୍ୱର ସଦର ଏସଡିପିଓ ଶ୍ରୀହର୍ଷ ମିଶ୍ରଙ୍କୁ ଅତିରିକ୍ତ ଏସପି ଗୁଇନ୍ଦା ନିଯୁକ୍ତି ମିଳିଛି ।

ଅପରପକ୍ଷେ ଆଇୟୁସିଏଡବ୍ଲ୍ୟୁର ଡିଏସପି ଉମେଶ କୁମାର ପଣ୍ଡା ଆଇୟୁସିଏଡବ୍ଲ୍ୟୁ ଜଗତସିଂହପୁରର ଅତିରିକ୍ତ ଏସପି ହୋଇଛନ୍ତି । ସେହିପରି କେନ୍ଦୁଝର ହେଡକ୍ୱାର୍ଟର ଡିଏସପି ସୁବୋଧ କୁମାର ମଲ୍ଲିକଙ୍କୁ ଏସଓଜି ଅତିରିକ୍ତ ଏସପି ଭାବେ ନିଯୁକ୍ତି ଦିଆଯାଇଛି।

ସିବିଡିଟି ଅଧ୍ୟକ୍ଷ ହେବେ ଓଡ଼ିଆ ପୁଅ ଜଗନ୍ନାଥ ବିଦ୍ୟାଧର ମହାପାତ୍ର

ନୂଆଦିଲ୍ଲୀ: କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି)ର ନୂତନ ଭାର ନେବାକୁ ଯାଉଛନ୍ତି ଓଡିଆ ପୁଅ । ବର୍ତ୍ତମାନର ଅଧ୍ୟକ୍ଷ ଥିବା ପ୍ରତାପ ଚନ୍ଦ୍ର ମୋଦିଙ୍କ କାର୍ଯ୍ୟାକାଳ ଆଜି ଶେଷ ହେଉଥିବାବେଳେ ନୂତନ କରି ଅଧ୍ୟକ୍ଷ ହେବାକୁ ଯାଉଛନ୍ତି ଜଗନ୍ନାଥ ବିଦ୍ୟାଧର ମହାପାତ୍ର ।

ପୂର୍ବରୁ ସିବିଡିଟିରେ କାର୍ଯ୍ୟକରିଥିବା ଜଗନ୍ନାଥ ବିଦ୍ୟାଧର ମହାପାତ୍ରଙ୍କ ନେତୃତ୍ୱ ଓ ପରିଚାଳନାରେ ଦକ୍ଷତା ରହିଛି । ଯେଉଁଥିପାଇଁ ଏହି ଅଧିକାରୀଙ୍କୁ କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ ପରବର୍ତ୍ତୀ ଅଧ୍ୟକ୍ଷ ଭାବେ ନିଯୁକ୍ତ ହେବାକୁ ଯାଉଛନ୍ତି ।

ରାଜଧାନୀରେ ୭ ପର୍ଯ୍ୟନ୍ତ ଟିକା ସମସ୍ୟା, ଯୁବାବର୍ଗଙ୍କୁ ମିଳିନପାରେ..

ଭୁବନେଶ୍ୱର: କୋଭିସିଲଡ଼ ଟିକାର ଅଭାବ ପରେ ଏବେ ପୁଣି କୋଭାକ୍ସିନ ଟିକାର ଦେଖିବାକୁ ମିଳିଛି କୁତ୍ରିମ ଅଭାବ । ଯାହାକୁ ନେଇ ବିଏମସି ପକ୍ଷରୁ ଭୁବନେଶ୍ୱରର 15ଟି ମୋବିଲାଇଜେସନ କେନ୍ଦ୍ରକୁ ବନ୍ଦ ରଖାଯାଇଛି । 45 ବର୍ଷରୁ ଅଧିକ ବ୍ୟକ୍ତିଙ୍କ ପାଇଁ ଯଥେଷ୍ଟ ଟିକା ଥିବା ସ୍ଥଳେ ଅଧିକାଂଶ ଲୋକ ଟିକା ନେଇସାରିଛନ୍ତି । ତେବେ ସେହି ବର୍ଗଙ୍କ ପାଇଁ କେନ୍ଦ୍ରରୁ ଆସିଥିବା ଟିକାକୁ 18ରୁ 45 ବର୍ଷ ବର୍ଗଙ୍କ ପାଇଁ ବିନିଯୋଗ କରାଯାଇ ପାରୁନାହିଁ । ଯାହାଏବେ ବଡ଼ ତଥା ଜଟିଳ ପରିସ୍ଥିତି ସୃଷ୍ଟି କରିଛି ।

ଟିକାର ଅଭାବ ଦୃଷ୍ଟିରୁ ଏହି ବର୍ଗର ଦ୍ୱିତୀୟ ଡୋଜକୁ ପ୍ରାଥମିକତା ଦିଆଯାଇ ପ୍ରଥମ ଡୋଜ ନେବାକୁ ଥିବା ପ୍ରାୟ 3ଲକ୍ଷ ବ୍ୟକ୍ତିଙ୍କ ସ୍ଲଟ ବୁକିଂକୁ ସାମୟିକ ବନ୍ଦ ରଖିବାକୁ ବିଏମସି ବାଧ୍ୟ ହୋଇଛି । ବର୍ତ୍ତମାନ ମହଜୁଦ ଥିବା ଟିକା 2ତାରିଖ ସୁଦ୍ଧା ଶେଷ ହେବାକୁ ଥିବା ବେଳେ ଆସନ୍ତା 6ତାରିଖରେ 40ହଜାର କୋଭାକ୍ସିନ ଟିକା ଆସୁଥିବା ସୂଚନା ମିଳିଛି ।

ଫଳରେ ଭୁବନେଶ୍ୱରରେ ଆସନ୍ତା 2ତାରିଖ ଠାରୁ ଅନ୍ୟୁନ 7ତାରିଖ ପର୍ଯ୍ୟନ୍ତ 18ରୁ 44ବର୍ଷ ବ୍ୟକ୍ତିଙ୍କ ଟିକାକରଣରେ ସମସ୍ୟା ସୃଷ୍ଟି ହେବା ଏକରକମର ସ୍ପଷ୍ଟ ହୋଇଛି । ସେପଟେ ସମସ୍ୟାର ତୁରନ୍ତ ସମାଧାନ ପାଇଁ ବୁଦ୍ଧିଜୀବୀଙ୍କ ମହଲରେ ଦାବି ହୋଇଛି । ସେପଟେ ଏଥିପାଇଁ ରାଜ୍ୟ ସରକାର ଉଦ୍ୟମ ଜାରି ରଖିଛନ୍ତି ବୋଲି କହିଛନ୍ତି ବିଏମସି କମିଶନର ।

ଅମରିନ୍ଦର ସିଂଙ୍କ ବିରୋଧରେ ପ୍ରସ୍ତୁତି ! ଦିଲ୍ଲୀରେ ପହଞ୍ଚିଲେ ପଞ୍ଜାବ କଂଗ୍ରେସର ୨୬ ବିଧାୟକ

ଚଣ୍ଡିଗଡ଼: ପଞ୍ଜାବ କଂଗ୍ରେସରେ ଫାଟ ଦେଖାଦେଇଛି । ଆଉ ଏହି କଂଗ୍ରେସର ବିଭାଜନକୁ ରୋକିବାକୁ ଦିଲ୍ଲୀରେ ବିଧାୟକ ଏବଂ ନେତାଙ୍କ ଏକ ତିନିଜଣିଆ ପ୍ୟାନେଲ ଗଠନ କରାଯାଇଛି । ଏବଂ ଏହି ପରିସ୍ଥିତିକୁ କିଭଳି ମୁକାବିଲା କରିହେବ ସେନେଇ ମାନସ ମନ୍ଥନ ଆରମ୍ଭ ହୋଇଯାଇଛି । ପଞ୍ଜାବ କଂଗ୍ରେସର ପ୍ରାୟ ୨୬ ଜଣ ବିଧାୟକ ଦିଲ୍ଲୀରେ ପହଞ୍ଚିଛନ୍ତି । ତେବେ ଏହି ବୈଠକ ତିନି ଦିନ ଧରି ଚାଲିବ ଯେଉଁଥିରେ ପଞ୍ଜାବ କଂଗ୍ରେସର ବିଦ୍ରୋହୀ ନେତା ନବଜୋତ ସିଂ ସିଦ୍ଧୁ ଏବଂ ମୁଖ୍ୟମନ୍ତ୍ରୀ ଅମରିନ୍ଦର ସିଂ ସାମିଲ ହେବା ନେଇ ଚର୍ଚ୍ଚା ହେଉଛି ।

ଏହି ବୈଠକ କେବଳ ଜଣଙ୍କ ପାଇଁ ନୁହେଁ ବରଂ ପୂରା ପଞ୍ଜାବ ପାଇଁ ବସିଛି

କଂଗ୍ରେସର ୨୬ ଜଣ ବିଧାୟକ ଦିଲ୍ଲୀରେ ପହଞ୍ଚିଛନ୍ତି ଯେଉଁଥିରେ ରାଜ୍ୟ ସଭାପତି ସୁନୀଲ ଝାଖଡ, ମନ୍ତ୍ରୀ ଚରଣଜିତ୍ ଚନ୍ନି, ସୁଖଜିନ୍ଦର ସିଂ ରାଣ୍ଡୱା ମଧ୍ୟ ସାମିଲ ଅଛନ୍ତି । ବୈଠକ ପରେ ସୁନୀଲ ଝାଖଡ଼ କହିଛନ୍ତି, ‘ଏହି ବୈଠକ ପରିସ୍ଥିତିର ମୁକାବିଲା ପାଇଁ ଚାଲିଛି । ଏହା କୌଣସି ବ୍ୟକ୍ତିଙ୍କ ପାଇଁ ନୁହେଁ ବରଂ ପଞ୍ଜାବ ଏବଂ କଂଗ୍ରେସ ପାଇଁ ରଖାଯାଇଛି। ଏହି ବୈଠକ ଅତି କମରେ ତିନି ଦିନ ଧରି ଚାଲିବ। ବିଧାୟକ, ସାଂସଦ ଏବଂ ବରିଷ୍ଠ ନେତାମାନେ ସାମିଲ ହେବେ ଏବଂ ଦେଖିବେ ପରିସ୍ଥିତିକୁ କିଭଳି ନିୟନ୍ତ୍ରଣରେ ଆଣାଯାଇପାରିବ ।

ସୋନିଆ ଗାନ୍ଧୀ ଏକ ତିନି ଜଣିଆ କମିଟି ଗଠନ କରିଥିଲେ

କଂଗ୍ରେସ ଦଳର ନେତାଙ୍କ ଏକ ଦଳ ୨୦୧୫ରେ ଫରିଦକୋଟର କୋଟକପୁରାରେ ହୋଇଥିବା ଅପମାନଜନକ ମାମଲା ପରେ ହୋଇଥିବା ଗୁଳି ବିନିମୟ ଘଟଣାରେ ନିଆଯାଇଥିବା କାର୍ଯ୍ୟାନୁଷ୍ଠାନକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ । ଏହା ପରେ କଂଗ୍ରେସ ସଭାପତି ସୋନିଆ ଗାନ୍ଧୀ ଦଳର ତିନି ସଦସ୍ୟ ବିଶିଷ୍ଟ କମିଟି ଗଠନ କରିଥିଲେ। ପଞ୍ଜାବ ଏବଂ ହରିୟାଣା ହାଇକୋର୍ଟଙ୍କ ପକ୍ଷରୁ ଗତ ମାସରେ କୋଟକପୁରା ଗୁଳି ବିନିମୟ ଘଟଣାର ତଦନ୍ତ ବାତିଲ କରାଯିବା ପରେ ସିଦ୍ଧୁ ଏହି ପ୍ରସଙ୍ଗରେ କ୍ରମାଗତଭାବେ ସ୍ୱର ଉଠାଇଛନ୍ତି ।
ସିଦ୍ଧୁ ମଙ୍ଗଳବାର ଦିନ ନିଜ ପକ୍ଷ ରଖିବେ

ସିଦ୍ଧୁ ଏହି ମାମଲାର ମୁକାବିଲା କରିବାରେ ବିଫଳ ହୋଇଥିବା ଅଭିଯୋଗ କରି ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂଙ୍କୁ ଆଲୋଚନା ଭିତରକୁ ଟାଣିଛନ୍ତି । ସୂତ୍ରରୁ ପ୍ରକାଶ ଯେ ପଞ୍ଜାବ ମନ୍ତ୍ରୀ ସୁଖଜିନ୍ଦର ସିଂ ରାନ୍ଧୱା ଏବଂ ତୃପ୍ତ ରାଜୀନ୍ଦର ସିଂ ବାଜୱାଙ୍କ ସମେତ ୨୬ ଜଣ ବିଧାୟକ ସୋମବାର ଦିନ ଦିଲ୍ଲୀରେ ଏହି କମିଟିକୁ ଭେଟିବେ। ସେ କହିଛନ୍ତି ଯେ ପୂର୍ବ ଅମୃତସର ବିଧାୟକ ନବଜୋତ ସିଂ ସିଦ୍ଧୁ ପଞ୍ଜାବର ଅନ୍ୟ ଦଳର ନେତାଙ୍କ ସହ ଯୋଗଦେବେ ଯେଉଁମାନେ ମଙ୍ଗଳବାର ଦିନ ଏହି କମିଟିକୁ ଭେଟିବେ। ସୂତ୍ରରୁ ପ୍ରକାଶ ଯେ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଗୁରୁବାର କିମ୍ବା ଶୁକ୍ରବାର ଦିନ କମିଟିକୁ ଭେଟିପାରନ୍ତି।